✨دور دور خبز شعير و كعك محور خرجت مالحمام تفور شدوها لاتطيح التااالي ✨وريريريريريريييي
_ماشاءالله على بنيتي...مرام شبيك قاعدت هيا قوم أشطح
_ ميساش أمي سهيلة تو نقوم مبعد
_ لااا هيا هيا
قومتها بالسيف و مرام تشطح و تغني مع سلفتها
_ سهيلة يا سهيلة
_ نعم خديجة تفضل حبيبة
_ متقليش شكوني هالصبية لشعرها طويل
_ مرة ولدي امين الغالي هذيكا
_ ماشاء الله عليهااا
_ عيشك علاه تسأل انتي😒
_ حبيت نتعرف عليها لولدي ريان شويا مكتبش
_ الله غالب ربي يطيحو بلي خير منها😒
قعدت مرام بجنب أماني
_ أماني شبيك
_ منعرش يا مرام حاسة روحي ندرا كيفاه
_ ميسالش يا روحي العرايس لكل هكاكا هذاكا مالفرحة هيا هيا قوم
_ مرام
_نعم
_ نجم نسألك حاجة
_ تفضل عزيزتي؟
_ توى زعما مروان موش باش يخليني جملة ماو
_ اي بطبيعة...ومروان يحبك برشا
_ وانتي تحب خويا موش هكا؟
خزرتلها و بلعت لسانها ملقات متقول قصت عليهم يمينة
_ هيا لبنات شبيكم متركنين
عملت أماني حمامها فرحانين بيها ناسها وماليها فما مرا كبيرة قربت من مرام
_ عسلامة بنتي
_ سلام حاجّة تحب نعاونك في حاجة؟
_ لا بنيتي ربي يدوملك هالضحكة المزيانة ويهنيك تحبشي نقرالك الكف؟ عينيك وراهم برشا حكايات انتي ظاهر فيك صبية باهية وانا نحب نرتحلك قلبك
ستغربت مرام من كلام المرا
_ سامحني اما مانمنش بيهم الحكايات هذوما اما ميسالش
قعدو و مدت مرام كفها....واخذتها بلعبة الحكاية وحتى ڨرام جدية لا خزرتلها المرا
_ قلبك مهموم ياعزيزة،على صغر سنك تاعبة قاعدت تتعدى بأيامات خايبة،مازال مطولين شويا،أما تهنّى فما سر كبير باش يفرحك و يبدلك حياتك لخير، وفما سر باش يتعبك أما آخرو خير،ستحفظ علي دايرين بيك فما منهم الخايب اما فما لباش يحميك رد بالك تعطي روحك و قلبك كان للعبد لباش يهنيك، لعبة كبيرة قاعدت تصير والماء يجري تحت ساقيك،فما حاجة تحسها وقاعدت تنكر،أما ستنى حتى يجي زمان والمكان الصحيح لازمك تضحي باش تفرح يا بنيتي والّي في قلبك متحكيه كان للمرا لباش تجيك أول متصب الماء على كتافك...نشالله نكون عاونتك يا بنيتي و ربي يوجهك خير
هيا تحكي ومرام حالة فمها لحظة بدات تصدق ودمعة هبطت على خدها مشات تغسل أطرافها هزت باش تصب الماء على بدنها غمضت عينيها كي حلتهم لقات يمينة جايتها صدرها غم عليها قالت في سرها
_ استغفر الله شبيك يا مرام هبلت تصدق حاجات كيما هكا؟
_ مرام هيا بنتي مروحين
عملتلها باهي براسها بدلت حوايجها و خرجت
لقاتو واقف يستنا فيها
_هيا مرام شبيك عطلت
مشات فيسع وجها مقلوب
طلعت و هو يشوفلها مالمراية مستغرب شبيها وصلو لدار بزغاريط و الدرابك والغناء قعد يهبط هو وياها فالفاليزات لهزوهم معاهم
_ مرام
مجاوبتوش
_ مرام نحكي معاك شبيك سارحة
_ نعم شيء عادي
_ لا موش عادي وشوفلي هوني
قعد يخزر لعينيها
_ أمين
_ نعم
_ علاه ملي روحت مكلمتنيش و مسألتش عليا حتى بالكذب،لهالدرجة معندي حتى معزّة واهمية عند حتى عبد فيكم؟انتي وبابا وخواتي...حتى حد مسأل عليا نهار...شنيا لعملتو أنا؟
هبط راسو وسكت
_ معناها اي...ميسالش كي تقول لحقيقة خير ملي تكذب وتعيشوني في أوهام
هزت روحها ودخلت مسح على وجهو
_ ياربي سامحني علي قاعد نعمل فيه ملزوم والله
دخل هو زادت لدار يلقى أمو
_ ولدي كان تشوف😂😂
_ شفما أمي🙂
_ ليوما 3 خطبوني في مرتك
_ نعم؟؟
_ وسع بالك قتلهم مرت أمين الغالي هذيكا...نشالله ميخذوهلكش بالعين بركا وردة مشالله عليها
_ اليوم خطبوها غدوة نلقاها معرسة أمي تعرفني نحبش الحكايات هذوما شنيا يلزمني نكتبلها على وجها لهيا تابعتني؟
_ يا ولدي شبيك شعلت باسم الله العظيم🙂
_ كهو أمي
_تحبها أمين؟
_شكون؟
_تي شكون بربي مرام
_أمي تعرفني الاسألة هذوم منحبهمش 🙂
_ باهي باهي بركا...فما قضيات ناقصين برا انتي و أحمد خذوهم بربي خنبداو نحضرو للسهرية
_ باهي سهيلة
دخل للصالة يعيط على أحمد
_ احمد هيا نمشيو
هبطت مرام تجري
_ لحظة لحظة ماشيا معاكم
_وين عندك ماشية؟
_عندي قضيات ومبعد متعدية لدارنا
ڨحرلها واحمد يتنومس كل مرة يخزرلها فالكرهبة وهي موش هوني
احمد : شعامل فالخدمة مالا
_كالعادة نحضرو في collection جديدة للصيف
_ نشالله مبروك
_ عيشك وانتي؟
_ شفت القهوة لشفتك فيها مع اميمة نهارتها؟ شريتها
شافتلو مرام و هي تتبسم
مرام :على ذكر أميمة قتلها باش تكلمني على الخدمة ملي روحت لتونس مكلمتنيش
_ يمكن نسات
_ اي اي ميسالش مبعد نكلمها أنا ونتفاهمو
أحمد عامل روحو موش هوني حتى دخلو لفيلة العياشي
_ هيا أحمد تهبط؟
_لا لا نبقى هوني خير
هزت ساكها تمشي وهو وراها وقفت ودارتلو
_ رجع فيها قهاوي مالا؟
_ خ..
_ أموركم
دورت وجها وجات ماشية شدها من يدها ودورها ليه
_ معادش تقص عليا كي نحكي معاك
_ تهبط يدك وتلتزم حدودك شويا بربي ومانيش ملزومة نشاورك وقتاش نحكي ووقتاه نسكت باهي حب قلبي؟😙
_ وصلت لداركم تبدلت اللغة؟
_ لا لا أما ظهرت كنت عاطياتك أكثر ملي تستحقو
تمشي وهي تقول في مخها
_ وانا لفي بالي لاهي وخدمة طلع يغر في زمانو راجل وكلام أحمد صحيح
مسح على وجهو ومشى دخلو للدار ستقبلتهم لطيفة البون لتخدم غادي
_ مرااام وينك عزيزتي توحشتك
_ لطوفتي انا زادة توحشتك علخر شعاملة
_ هاني يا بنيتي دار فرغت من غيرك
_ علاه لطيفة بابا و خواتي وينهم موصيتهم عليك راني
_ لا تهنّى مخلاوني ناقصة شي
_ هذيكا الفايدة...هذا راجلي أمين(دارتلو وبلعت ريقها بغصّة)
_ اي اي نعرفو ماشاءالله عليك ياوليدي خذيت وربحت يا مرام
_ يظهرلك
امين:نعم؟😒
_ قلت اي 😒
_هيا تفضلو تفضلو ناديلك سي يوسف
قعدو
_سي يوسف هاو جايكم...ولدي نجم نسألك
_ تفضل بالطبيعة
_ نعرفك من قبل؟
_ لا نتذكرش شفتك
_ ملامحك ووهرتك موش غريبة عليا يمكن شبهت عليك
وقتها أمين جمد في بلاصتو يدور في عينيه على الدار حتى دخل يوسف
_ مرحبا بيكم
_ باباا
عنقاتو بنتو شعرة منو متحركتش تقول موش بنتو
_ شنحوالك مرام
_ لاباس وانتي بابا
طبطب على ظهرها
_لاباس لاباس
_ عسلامة سي يوسف
_ توى هكا؟ نسيبي راك وكي ولدي سي علاه؟
ضحك أمين
_لطيفة شوفهم شيشربو
_ لا لا بابا مزروبين حبيت نراك كهو وأمي سهيلة قتلك لازم لازم تجي لعرس اماني
_ أتو نجي نشالله...ربي يهنيها
_ عيشك
_ وينهم خواتي
_ خواتك سافروا لأمريكا عندهم إجتماع غادي
_ انن باهي هيا نمشيو أمين؟
_ هيا...بالسلامة ونشالله تشرفنا للعرس
_ نشالله ولدي
خرجو تنهد أمين
_ شنيا لهدرجة تخاف من بابا؟
_ بلاهي أسكت أسكت
_ اي هذاكا علاه كابس روحك كلمة لربي لا يا سييييي أمين🙂
_ مرام أطلع للكرهبة متوترليش أعصابي هالنهار
_ معادش تامرني يا صاحبي شنيا هالحالة
_ يا صاحبي اي
يدور في راسو ركبو ومشاو قضوا و رجعوا للدار التحضيرات كثرت وكل يد شدت أختها.
بعد 3 ساعات:
حل باب البيت رهوجاتو ريحة الparfum فالبيت غمض عينيه يشم فيها عاطيتو بالظهر تڨد فالمكياج متاعها
تمد على الفرش
_ من وقتاه تلبس قفاطن انتي؟
_ من توى فما مشكل؟
_ وعلاه المكياج هذايا لكل حنّة أماني راو موش حنتك
دارتلو وحطت يديها في نصها
_ الوجه وجهي وأنا حرّة
تنطر من بلاصتو جا قدامها
_ لا ماكش حرّة للاّ...وأمي موش مطالبة باش يخطبوها في مرت ولدها 3 نساء
ضحكت مرام وقربتلو علخر...خزرتلو في عينيها وحاوطتلو رقبتو بايديها وقالت
_ وشتعمل كي مرت ولدها مزيانة هكا
عينيه مركزين كان على عينيها ومجاوبش
_ تنكر شي هذا؟ (عقدت حواجبها)
مزال يخزر لعينيها كهو وقدم وهي توخر لين لصقت في coiffeuse وقتها نحات يديها ودخلت بعضها قرب وجهو من وجها...نفسهم واحد...غمضت عينيها بالوقت وهو قرب من شعرها خذا نفس وهز التلفون و بعد وهو يضحك
_ متسمعش في تلفونك من قبيلة ينوقص؟ 😂😂
حلت عينيها وجها حمار نطرت تلفون من يدو وجاوبت
_ الو
_ مدام مرام موش هكا؟
_ اي شكون معايا؟
_________________________________________
To next 😍---->