_ وين ماشي ياخي؟ _ كي نوصلو تو نقلك خزرتلو مستغربة خافت شويا اما مبعد تهنت كي وقفوا في بلاصة فيها عباد يعني فالمدينة قدام إقامة هبطوا و هي لتوى لتعرف هوما وين قدم منها امين _هيا هبطت راسها و تبعاتو وقفوا قدام باب دارلها خزرلها دق الباب مرتين...وجاتها صدمة انو العبد لحل هو سهيلة "معناها لهدرجة يعرف دارها؟؟نتصورش بيناتهم حاجة ملي في مخي خاتر impossible يجيبني معاه هكاكا...شنيا وراها هلمراة ياربي راسي باش يتفلق" _ ادخلو سي أمين دخلو دورت راسها على الدار "يعني شنيا لي باش نقولو ولا نوصفو ربي يعينهم و كهو...اثاث مكسر دار حكة...لمبولة متع الضو مكسرة...حيوط مسخة...حالة فيهم مساكن قداش قلبي وجعني كي شفت لي فما مزال عباد يعيشو هكا حتى في فرنسا برغم انو سألت لي لمراة عندها أوراق و مستقرت هوني...ربي مع ولاد و بنات بلادنا لي حارقين ربي بركا يعلم بحالتهم حتى حد ملزهم هوما لختارو...ولي زاد وجعني اكثر اني كي درت نلقى زوز صغيرات جاو يجروا عنقو ساقين أمين لي يشوفو يقول بوهم...وهوما يصيحوا "maître" تبسمت و انا محروقة من داخل عليهم كيفاه صغيرات هكا مستحملين...حسيت عنيا دمعو و انا مزلت باهتة ماني عارفة شيء لا شكونهم لا شنيا علاقتهم بأمين قعدو زوز وليدات يخزرو لمرام باهتين فيها تكلم واحد منهم _ maître ياخي ثكوني لمراة هذيا؟ _ اي سمحني معرفتكمش عليها هذي تاتاتكم مرام مرتي خزرلو الطفل متعجب _ ياخي انتي وقتاه عرثت؟🤔 _ كي روحت لتونس يا بابا😂 _ محلاها عروثتك maître تنجم تعطيهالي؟😊 طربقو لكل بضحك حتى من مرام هبطت على ساقيها في مستوى زوز وليدات مسحت على شعرهم تبسمتلهم قربولها عنقوها _ عسلامة انا مرام هبطوا ريوسهم حاشمين _ عسلامة...انا آدم _ عثلامة🤭 و انا أحمد كي سمعت اسمو لخلخت ووجها حمار وعينيها تعباو بدموع قد محاولت انو تنسى لصار تخرج حاجة قدامها تذكرها فيه...أمين يخزرلها كان متوقع ردة فعلها قدم ناحيتها كان متردد كيما كل مرة يخطفها ليه يعنقها و ينسيها في سبب حزنها اما هو يكتفي انو يربت على كتفها بحنية...عندها كانت حاجة محلاها كي عبد يحس بيك و يظهرلك حتى بلمسة يد...هي هكاكا لين هبطت على خدها دمعة _ ثبيك تبكي تاتا🙁 ( كيوت علخر الطفل🥹) مسحت دمعتها فيسع و تبسمت و حطة يديها على شعرو الحرير تمسح عليه _ فرحانة لي شفتكم يا روحي😊 سهيلة:_تفضلو اقعدو قعدو....أمين معنق آدم و مرام معنقة أحمد (خلينا نسميوه أحمد الصغرون خير🙂💔) حتى لين بادر أمين بالحديث
_ قبيلة سهيلة محبتش تحكي قدامك خاتر تعرفكش اما انا حكيتلها لي انتي طفلة باهية و مستحيل تخرج كلمة بحكم هي تحبش شكون يسمع بالحكاية خزر لسهيلة كينو يقلها تهنا _
انا ياوخيتي كنت متعذبة في حياتي و حتى لتوى حتى لين خرجلي نور الامل قدامي(خزرت لأمين)انا عرست صغيرة في حكاية 18 حتى قرايتي مكملتهاش على خاتر حبي ليه عرست بواحد اكبر مني ب 7 سنين كنا صغار حرقنا و حمدلله وصلنا لاباس كنا نخدمو زوز لين حمدلله ربي رزقنا انو نعملو اوراق و نجمو نتنقلو مرتاحين رغم هذا لي محبيتش نرجع لتونس حتى لين هو يخليني كنت كل مرة نجبدلو عليها لحكاية يضربني و ميخليش فيا عظم صحيح(مرام عينيها تحلو)و من اول مرة و هو وين يروح لدار سكران يضربني(آدم و أحمد هزهم امين لبيتهم يلعبوا) و انا عايشة على الضرب مع وليداتي لا عندي ماكلة لا شراب حتى الخدمة بطلهالي و هو يخرج في الصباح يرجع عقاب الليل يسكر و يخرج مع النساء و انا حالتي يعلم بيها كان ربي...لنهار و احنا راقدين هد علينا يضرب و يصيح رمانا لبرا قعدنا مطيشين كي الكلاب حتى لين حبست كرهبة قدامنا كرهبة سي أمين ربي يوجهو خير و يحققلو لي يحب هزنا معاه لدارو وكلنا شرالنا حوايج عدينا نهارين عندو احسن نهارين في حياتنا برسمي استحفظ عليه عيش اختي موش باش تلقى خير منو في حياتك(قربت مرام لسهيلة شدتلها يدها و كملت تحكي بالشهقة)من غدوى رجعنا لدار نلقاوه يستنى فينا قام يعيط و يصيح الجيران لكل فزعو و شدني من شعري يكركر فيا قدام اولادو على شدتو يشدو سي أمين يعطيه طريحة و نبه عليه باش ميدورش بالبر هذا مرة أخرى و دخلني نخدم معاه...كل آخر جمعة يجينا يشوفنا شناقصين حاسب آدم و أحمد كيما اولادو مدللهم في العياد يشريلهم دبش كل ما يجي يجيبلهم حلوى وكل ميهبط لتونس يجيب معاه حجات للولاد و ليا زادة ربي يخليه و كهو راجلي كل مرة يجي يتهدد يحب يدخل اما نحلوش الباب عيشين على رعب حاول حتى يخطف الاولاد من المدرسة اما حمدلله منجمش... _ وانتي ساكتة؟؟اشكي بيه مسيبة الدنيا هي؟؟ _ خاتر اولادي _ اولادك هاك قلتها انتي معاهم حتى شيء ميصير (تحكي بقوة و تخزر لسهيلة لي غارقة في دموعها و على دخلة أمين) _ انا نوعدك الي بداه أمين نكملو انا مستعدة نعاونك بكل شي نشريلك دار ندخلك اولادك يقرو نعرش لمهم الوليدات يعيشو فرحانين منحبهمش يعيشو في عذاب انا حاسة بيك صحيح الله غالب(هبطت راسها و دموع على عينيها) الحب يعمي العبد و مينجمش يشوف حقيقة العبد لي قدامو...الحب عذاب...برسمي عذاب كبير كانو مع العبد الغالط اما ميدوم حال ديما لازم يخرجلك عبد آخر يعاونك باش تنسى(سرحت تتفكر في أمين و هو متكي على الحيط يسمع فيها...تبسمت لسهيلة) كيما انتي عندك زوز نوارات ربي يخليهملك حسسهم لي انتي معاهم راو منغير ام الدنيا صعيبة....انا امي ماتت و انا صغيرة و لتوى لنعرفها شكون لا كيفاه ماتت...غدوة نشالله نجيك و نمشيو نقدمو طلب طلاق كان انتي موافقة و خلي الباقي عليا _ اي اي موافقة بطبيعة(تبسمت) عيشك عيشك ربي يحميكم وقربكم من بعضكم اكثر و اكثر انتوما الزوز تكتبتو لبعضكم...ربي كي يعمل حاجة ميغلطش دارت تخزر لأمين و هي تحكي على تلفيتة مرام ليه تلقاه يخزرلها ذابل في عينيها كل كلمة تقالت تألفت بغزرتهم لبعضهم.. قامت عنقت سهيلة هزت ساكها و سبقت للكرهبة و امين باس الصغار و عنقهم...سلم على سهيلة لي تدعيلهم بالخير و خلط عليها طلع يلقاها تبكي _ شبيك زادة🙂 _ امااان قداشهم يسخفو🥺 _ اي نعرف _ والله محلاهم علاه هكا🥺انتي زادة محلاك🙂 _ هاهاهاها علاه🙂🙂 _ هكا كيفاه عاونتهم قلبك ابيض والله فماش منك🥺 _ باهي بركا حشمتني😂🙂 تمسح في دموعها و تضحك _ عيشو الحشام هو🥹(قرصاتو من خدو) بدنو قشعر كح و بانت عليه لي تربك خدم الكرهبة و مشاو...ثنية كاملة تحكيلو كيفاه باش تعاونهم و لي باش تحل مشروع لسهيلة و باش تدخل آدم و أحمد للمدرسة و كان لزم تصرف عليهم لعندها لكل أحمد يحكي"كانت كي الطفل الصغير لي يحلم اما بقلب انسانة تمنات الخير لغيرها قبل روحها نتسائل ياخي كان جبت غيرها باش يتصرف هكا؟ دموعها الغالين و هي تبكي على عباد مزال كي عرفتهم برسمي نحس في بدني لكلو بلي فيه ماح لشخصيتها وزادت كبرت في عيني...سؤال ديما يدور في مخي ربي علاه عملي هكا شنيا عملت في حياتي باش يخليني نعرس بوحدة نعرفهاش نعرف كان كلام العباد عليها و ماخذة في خاطر خالتي و توى نضحك ونلعب معاها ويني شخصية أمين الكاسحة مع البنات لي ميتلفت لحتى طفلة لي ضحكتو متبانش لكل ويني حياتي القديمة لازمني نتصرف معادش نحب نغلط مرتين" كمل يسوق سارح وصلو لدار هبطت طلعت لبيتها عملت دوش بدلت حوايجها وتمدت شادة التلفون...هو زادة كيفها حل ماء بارد عليه يحاول يخمم يعمل موقف ملي فاعد يصيرلو ولي لازم يتصرف...كمل الدوش لف نصو بمنشفة وخرج
Oops! This image does not follow our content guidelines. To continue publishing, please remove it or upload a different image.
هو سكر باب salle de bain ويدور يلقاها قاعدة على فرشو...دوب ماشفاتو عينيها تحلت في بدنو و غطت عينيها بيديها و جرات للباب _س..سم...سمحني جبدها من مرفقها بقوة _ اسمعني معادش تدخل لبيتي منغير متدق لباب فهمتني؟؟ياخي دين امك معلموكش تدق لباب في داركم؟من وقتاه تدخل لبيتي انتي؟ هو يحكي وهي عينيها تعباو بالدموع و غرقت فيهم مع آخر جملة كي جبد امها...تبكي و ترعش بكلها _ امي....معا...دش تجبدها على لسا...ن..ك فه..متني؟ تحكي بشهقتها تمنى الارض تبلعو و معاشش هاللحظة هي كلمة تتقال اما يعرفها لمتحبش في امها مهما قال و مهما عمل باش يحاول يقسو على روحو و عليها باش ميتعودش بيها شيء حنية قلبو اكبر من الشيء هذاكا...جبدها من يدها غرسها في حضنو وفي قلبو عصر عليها وهي بين يديه بلع ريقو وباسها من راسها كانت اول مرة يشم ريحة شعرها هي ترعش بكلها مل بكاء و تضرب فيه على صدرو نسى لهو في الحالة هذيكا وكيفاه لابس ونسى كلشيء لمهم يصلح غلطتو _سامحني مقصدتش والله كلمة وتتقال وانتي زادت normal تدخل لبيتي هكاكا؟؟؟ وكان خرجت عريان بكلي للا شبش تعمل قلي؟؟🙂 والله تخرج من هوني كان حبلة🙂🙂 ملي كانت تبكي ولات تضحك وتبكي فرد وقت _ يزي مم..صت...ك🥲 تحب...نسا...محك؟🥹 _ اي باهي تفضل تشرط🙂 _ طيبلي بيتزا🙂 فما مرة حكالي المرحوم لي انتي تعمل بيتزا بنينة وكل ماتتقابلو تعملوها مع بعضكم _ شكون المرحوم اللطف وبرى _ تي مكبوب السعد🙂💔 _ هكا نفهمك🙂 باهي بركا نلبس حوايجي وتجي تعاوني _باهي🤭 جات خارجة عاودت دارتلو _ نحبها قلب🙂 شد لمخدة باش يضربها بيها هربت تضحك وهو تنهد و قعد يدور في راسو و يضحك عليها وعلى روحو كيفاه رجع بأقل حاجة نجم يرضيها _ماهيش كيما لبنات الكل ياصاحبي والله🫠
_________________________________________ To be continued hbybyy😻🫶🏻
