مستقبلي الجديد

5

_شبيك شفما؟...علاه جيت هوني
_ حبيت نقلك ايجا تعشا شويا لقيتك راقدت حبيتش نفيقك
_ نحبش نتعشا
هبط أمين راسو كبس عل يدو صحيح هو غلط بكلامو اما متردد باش يطيح من خشمو و يطلب منها السماح.
_ الوو وين سرحت؟
_اه...لا... شيء مسرحتش
_ انننن...باهي
قعد جنبها علفرش هبط راسو و شدلها يدها
_ سمحني مقصدتش نعيط عليك ولا نحكي معاك بال façon هذيكا...اما والله غشي خايب و نجمش نتحكم في روحي
_ اي...معناها المرة الجاية تعطيني طريحة و كهو
قام راسو و خزرلها
_ لا... impossible نجم نمد يدي على مرى
تبسمت شويا و تنهدت
_ باهي ماصار شي
ضحكلها حست برعشا في بدنها تعرش كيفاه و لا وقتاه رجع يصيرلها هكا كي تشوفو
_ هيا نتعشاو عااد
_ باهي هيا
هبطوا زوز تلقى الطاولة محطوطة قعدو ياكلو كي كملو لمو طاولة و قعدو في الصالة يتفرجو في فيلم
هوما هكاكا و تجي لقطة(لاعلينا🙂) وجهم حمار و عمل أمين روحو لاهي بالتلفون و هي دنكست راسها تاكل في القطانيا.
_ ااا حقاا...غدوة نخدم راو عمل على روحك متخافش وحدك ماو؟؟
_ نخاااف؟؟...هاهاها تضحك...اي وقتاه تروح؟
_3 ولا 4 هكاكا
_ باهي...هيا تصبح على خير بيلت انا
_bonne nuit
كمل تفرج مبعد طلع لبيتو رقد و من غدوى مشا يخدم بكري ... قامت مرام عملت دوش فطرت و قامت باش طيب حاجة تاكلها. مع حكاية 3:30 هكاكا سمعت الباب يدق مشات تجري فيبالها أمين جى و جاتها صدمة كي لقات أحمد واقف قدامها
_ شت...عمل..هوني انت
_ جيت نطل على ولد خالتي و مرتو ميسالش ماو
_ أمين موش هوني ارجعلو مبعد
_ هكا تستقبل لعباد انت؟
_ ولاهي كي العباد تجي منغير متقول شتحبها تعمل
دارو يلقاو أمين واقف تبسم
_ ولد خالتييcvnيا غالي
_ حمدلله خويا و انتي
_ حمدلله...كسبا جيت
_ ولاهي أمل بحكم خدمتها هوني نقلنا لفرنسا
_ هيي باهي أدخل أدخل
مرام كابسا على يدها تشوفلو و عينيها معبيين بدموع خزرلها أمين قربلها و في لحظة قرب باسها من خدها و قدام أحمد
_ روحي متقلقتش خليتك وحدك ليوم
تبسمتلو مرام و غي قلبها برشا وجيعة
_ لا عادي هاك قدامي توى نسيت كلشي
شدلها يدها و خزر لأحمد
_ هيا تفضل أدخل
_ لا والله مزروب قلت نتعدالك نسلم عليك نشالله مرة أخرى
_ متنسناش عاد
_ باهيشي توى
عنق أمين ولد خالتو هوا مشا و لاخر قال
_ تفو على منظرك ماكش راجل...أدخل انت حسابك لداخل
دخلو حصرها في تركينة و شدلها رقبتها
_ دين أمك ماو لباس تحلو فلباب عاجبك لحال ستغليت غيابي باش تشوف اكا ال.... !!!ااه تكلم توى لنفسخك
_سيب...ن..ي
سيبها أمين طاحت في القاعة تتنفس بلقوي تبكي و هو تمالك أعصابو و طلع لبيتو حل ماء بارد عليه خذا دوش و تمد على فرشو و هي مسكينة قامت و حضرت العشاء و قعدت تتفرج في التلفزة لين هزها نوم
هبط أمين لقاها هكاكا راقدة نعرش كيفاه اما حس برعشة في بدنو تبسم على جنب
_ شبي عزاك يا أمين فيق
على صوتو قامت مرام
_ ااا هبلت انتي؟
_ موش عاجبك
_ موش عاجبني و ايجا اخنقني كيما مبكري
ڨحرلها قعد فوق الطاولة حط ملماكلة ليحظرتهالو حط مغرفة في فمو و بهت
_ ياخي طلبت ماكلة من برا؟
_ لا علاه
_ لا خاطر موش من وجهك تطيب هكا
_ مسكين انت ولله (تضحك)موش معناها بنت عايلة كبيرة و finou معناها نعرش نطيب أمي الاه يرحمها علمتني كلشي
_ باهي باهي بركا صحيت
_ معناها عجباتك؟
_ لا
_ لا باين الحق
شد ضحكتو و كمل كلى و طلع بدل حوايجو و هبط
_ خارج انا
_ لوين
_ شمدخلك
_ باش تخليني وحدي في هلوقت؟
_ مسكينة هيا تخاف
_ أي نخاف أخرالي
_ موش قتلك معادش تعاودها هلكلمة لنشد .... بطريحة توة!!
_ تي باهي ....هزني معاك
_ بلاهي
_ولاهي
_ برا أرڨد برا
هبطت راسها و مشات تجري لبيتها و هو جى خارج مبعد قال في مخو"و بالك يرجعلها المسخ هذاكا، خنهزها العزا و كهو" طلع لبيتها يلقاها قاعدت في البلكون شادت تلفون تتفرج على تصاور أحمد قربلها منغير ميحسس خزر لسماء و هي غاطية في دموعها و قال بصوتو الحنين
_ تحبو؟
تفجعت مرام دارتلو قعدت باهتة شبيه معملها شي علاه معيطش و مرمدها هبطت راسها، خزرت لسماء قالتلو و هي ترعش
_ نعرش نحبو ولا اما نحس لهفت مرام عليه تنحات حتى اليوم كيشفتو تفجعت و تربكت تذكرت لي صار أما أول مرة نشوفو بإحتقار معدش نحب نشوفو نتذكر قداشني بهيما كي قتلو ايجا نهربو اما هو هاماتو مصلحتو يحبش يتنحا من منصبو مع بابا
تحكي و الدموع تجري على خدها وجيعة لداخل متحسها كان هي
_ حاول أنساه
_ قاعدت نخاو منجمتش وقت قلت يلزمني ننساه خرج قدامي نضعف قدامو راني نجمش نعمل حتى شي
_ لهي روحك في حجات تو تنساه (حط يدو على كتفها) انا معاك مدامني انا لجيتك أنا نتحمل مسؤوليتي و نعاونك لي بديتو نكملو و مبعد كل واحد على روحو
بلعت ريقها بسيف حتى لبكا وقفاتو...شنيا معناها؟بعد ميعاونها باش تطلق على صغر سنها ....اما متنجم تعمل شي ولا تقلو لا اصلا فماش علاه تقلو لا لتحبو لا يحبها زوز يحبو يعيشو حياتهم
_ يااا...عندك سرحة بزايد انتي هيا يزي بلا دراما و قوم ارقد...اننن نسيت هات تلفونك
_ علاه
_هات و بلع
مدتلو تلفون دخل لتصاور جمد في بلاصتو شاف تصارها محلاها و محلا زينها بدنها يسحر اي راجل سرح فيهم ونسى شجا باش يعمل فسخ تصاور أحمد و كلشي متعلق بيه من تلفونها عطاها تلفونها و دار ماشي
_ حضر روحك باش تخدم معايا فشركة من غدوة
_ ااااه؟!!...شنيا قلت
_لسمعتو ايااااا تصبح على خير (شادد ضحكتو بسيف)
مشى نحى مريولو رمى روحو على الفرش يعاود في كلامها في مخو زعما شنيا باش يصير عليهم باش ينجم يعاونها...ولا يعجز و يسيبها....المهم انو باش يحاول و باش يصيرو برشا حكايات......

To be continued.....