للكاتبة الــريم
المَصيبة البال
بيَك يودي ويجيب
اكثر من هَلي وحتى من الاضماد
أتلث سنين ضَيفك لو أدري يغيب
جا ما خيطت راسي
ويا المَخاد
<><><><>
التصويت على البارت
التعليق بين الفقرات 🤍
<><><><>
في مــكـــان اخر حيث
" هيلين "
نصى صوته وهِمس بقلق
- إيليا : شبيج ترجفين ؟
كلبي يدك بقوه حاولت اسيطر على نفسي
- هيلين : من قُربك
- إيليا : شيكمشني انااا لج اقبلي
إبتعد عني وراح يفتح الباب واني واكفه بمكاني
دار وجه عليه وحجة بإنكسار
- إيليا : طيزي مشكوك من الشغل وخربت حياتي علمودج والله تستاهلين بس إقبلي اخربلج حتى وجهي
راح واني ميته من الخوف
شبيه خايفة اكو شي يخوف لو اني شبية
أذن اذان الفجر صليت واني مستحية من نفسي شلون اصلي جنت احس بالإشمئزاز من روحي
صَليت وبقيت افكر اوافق !
واذا ما اوافق اني متورطة وياه مخبل يسوي كل شي واذا اوفق ما ادري
بقيت صافنة على السِجادة أحرك بالسِبحة فِتحت الباب إمي اجاني صوتها الحَنين خلاني استحي على فِعلي
- ام هيلين : تقبل الله ماما
صارت كبالي نزلت راسي على السريع على السِجادة ما اكدر اجاوبها عبالها خَجل البنات من الخطوبة لو شي بس شكللها جان موجود !
- ام هيلين : الولد الله يحفظة يخبل طول واناقة وشخصية وشفتي انتِ بعد ؟ الولد مينرفض وتعرفين العيشه هنا وشلون صعبة
بقت تمدح بي وكأني ما اعرفه إنفصلت عن عالمها وبدون ما اسمع اي شي هِمست
- هيلين : ماما كُليلهم اني موافقة
باست راسي وكامت بقيت كاعدة نِزلت وإمي سإلتني
- ام هيلين : تعالي إتريكي ويايَ ؟
هزيت راسي بلا وحجيت ... تسلمين
طلعت بره البيت للدوام كملت دوامي ومشيت للمحلات الموجودة إشتريلي كم حِجاب وملابس مِرتبة وبعدني متفشلة من موقفي ويَ كرايبه
من مَحل لمحل بقيت افتر دَكت امي جاوبتها تسأل ليش اتاخرت متدري لو ابقى بالشارع افضل من ما ابقى كبال جاسم
بقيت افتر اكثر وكفت بمكان حسيت ايدي تعبت من العِلاكات هم دَكت تليفوني عبالي ماما
جاوبت
- هيلين : ها ماما اني راح اوصل
- إيليا : هنيال امج
إتفشلت وإنحرجت خرب سكتت وما ادري شسوي شنو يغلط لو يتغزل
- إيليا : عوفينا منها انا جايج راح اشوفج مفاجئة اله تفلش
تَمتمت بإنحراج
- هيلين : ما اكدر اريد ارجع
- إيليا : دنجبي انجبي انتِ وين جايج
انطيته اسم المكان وما ادري شنو حسيت اليوم راح يكون جدًا جميل باوعت على الملابس الجبتهن وملابسي شويه متربة
بدلت بأحد المحلات ههههه بيها مكان تبديل كُل شي ولا اطلع مو مرتبة
دَك عليه بس مجاوبته من شفته يدور عليه وممنتبه اني كباله لوحتله بإيدي ورة شويه
وإتقرب مني وحجة بصوت مُنخفض
- إيليا : تعالي قلبي
مشيت وياه مع مسافة بسيطة جانت تفصلنا
هِمست
- هيلين : تصالحت ويَ ابوك ؟
إلتفتلي واردف
- إيليا : لخاطرج وشلون موقف صار
فتح باب السيارة ضحكت وحجيت
- هيلين : هاا جان ماخذها سيادته ؟
- إيليا : بفلوسي والعباس وخذاها شنسوي بعد
صعدت وحجيت بخفوت
- هيلين : ووضيفتك ؟
- إيليا : انا عفتها بإرادتي مجرد ردتلي حِجة
ردت احجي بس أشرلي اسُكت من حسيت نفسي هوايَ كثرت بالاسئلة
وكف السيارة كدام مُستشفى إلتفتت اله بإستغراب وخوف اتمنى مو نفسه البالي
وكفني ما اتحرك وخابر شَخص ثواني ونِزل
اني هم نزلت إلتفتت اباوع على المكان وهِمست
- هيلين : احد مات ؟ مو كلتي غير شي ؟ جايبني هنا ليش
أشرلي أمشي بقيت بنفس مكاني خزرني
- إيليا : ليش تخليني هسه اخنك روحي بالقيطان امشييي
رِجع مره ثانيه للسيارة طَلع باقة وَرد وَرد بلون بَنفسجي اللون هادء حيل ومُغلفة بِستن ابيض خَفيف ومَكتب عليها " الحمد لله على سلامتك"
عِفت كُل شي وِإتقربت أشتم عِطرها عطرها يخبل وَرد طبيعي فَززني صوت إيليا
- إله اترس الجرباية وَرد بزواجنا رُمانه
رُفعت راسي إله
- هيلين : لِمنو هل باقة ؟
خَلى ايده على جَتفي بَعدتها ومِشى كدامي بقيت اباوع على الباقة عِجبتني
إتقدمت بسرعة يمشي سريع واني بطيئة
صِعدنا سويه بالمَصعد لحظات وشِفت شخص
سَلم على إيليا وكانه يعرف من زمان مِن إنتبه على وجودي نَزل راسه ونِطق بصوت ثأبت
- السلام عليكم
رَديت عليه السلام بِرحابة صدر لَكن جذبني بيِ إسلوبه وأدبه وحتى شِكله والساعة والملابس
ضِرب إيليا على جتفه وضحك
- مع السلامة
ضِحك إيليا وكال
- إيليا : الله يسلمك علي الدر ما انسى وكفتك صرنا ما تنشاوف بس بالمستشفيات
وكِف يم غِرفة وحِجة بتسأول
- إيليا : منو تتوقعين هنا ؟
- هيلين : أبويه ؟
حَرك اكتافة بحَركة ما ادري
أبعدته وفتحت الباب هوَ بقى بره
ذَبيت الباقة بالكاع واني اشوفه فِتح إديه بقوه
إتقربت بسرعة أحضنه بقيت مِجلبه بيِ
وبالكوه يحجي ويايَ بسبب ضَربة ما ادري شنو بي ما أفتهمت بس إللي اول شي حجاة
- هاڤال : طَمنيني ضوجوجج حبيبتي ما ارتاحيت اله هسه اني
خليت راسي على جتفه وبجيت
- هيلين : يكُلي مو ابوها اني
بَعدني وهوَ يعدل بحجابي وعيونه مدمعه
- هاڤال : معليج بيهم كلهم اني ابوج اني
بجيت بصوت عالي وهوَ حِضني اكثر
- هاڤال : بعد والله احافظ عليج اكثر من روحي وما اخليج تروحين الهم
بقيت حاضنته بدون منحجي شي إبتعدت عنه واشوف راسه مَلفوف كُله وزَندة مَلفوف كله
شنو هل هذا واني منتبهت
نِظرت بعيونه
- هيلين : كالولي إستشهدت !
- هاڤال : بقيت جوه الإنقاذ واحد كلب ابن كلب كللهم هيج والحمدُ لله طلعت منها متعجب
حجة بهدوء وكُمش راسه
- هاڤال : صيحي إيليا
كُمت بسرعة وإتعثرت بالباقة هم زين مصار بيها شي شِلتها وإتقربت منه ضحك
- هاڤال : عود كتله للكلب لتكللها بس ميرتاح
ضحكت اني هم باوع علية وحِجة
- هاڤال : الباقة تفلش
خليت ايدي أشر بإستغراب
- هيلين : اني لو الباقة ؟
- هاڤال : ماكو فرق إثنينكم وَرد
طِلعت بسرعة اصيح إيليا
شِفته وهِمست بعصبية
- هيلين : ليش تجذب عليَ ؟؟ هااا
- إيليا : دوخري منااا
طَب قبلي بقى يحجي ويَ هاڤال
إتقربت منه وهِمست
- هيلين : خلي اكُعد يمك
إتدنا شويه وكعدت بصفة لزك بوسط نَظرات إيليا المعاجبه حِضنته وبقيت استمع لكلامهم
وكُل ما ارفع عيني الكاه خازرني
رُفعت نظري لهاڤال وحجيت
- هيلين : هذا جذب عليه ومحجة
فِرك وجه بعصبية
- إيليا : طيزي صرت مو إيليا صرت هذا
حاولت ما اضحك بعد ثواني رَد
- إيليا : ما جذبت بس كلت لأم هيلين حتى ما كلفت روحها وكالت شنو اسم المستشفى بس كالت زوجي ميقبل اطلع
- هاڤال : اني صوجي
إلتفتتلي وسأل
- هاڤال : سوالج شي ؟ حجة حجاية زايدة معجبتج لو شي؟
جاي اجاوبه بس إلتفتت لإيليا عَضلي شِفتة
بسرعة هَزيت راسي بالنفي
وبيومها لاخر الليل بقيت يمه ما اكدرت ارجع اله بالكوه وإلحال هاڤال
- هيلين : شنو تطردني خليني ابقى يمك
- هاڤال : باجر الصبح حتى قبل لأياذن تعالي
طلعت وسمعت توصيات هاڤال
- هاڤال : ما اوصيك لتمشي سريع ولحد ما تطب للبيت ياله تروح ديربالك
حسيت الموضوع اكبر من إنه سالفة عاديه او شي من خوفه عليه بس جان خوفه مُبالعة بي حسيت اكو شي اكبر ما اعرفه !
طِلع إيليا واني درت وجهي منه رجعت مره ثانيه لهاڤال وحجيت
- هيلين : ما اريد اروح وياه
إستغرب وحجة إيليا و هاڤال بسرعة
- ليش
- هيلين : ما اصعد ويَ جذاب
ضحك هاڤال ومبين عليه التَعب والمرض
- هاڤال : بس هل مَره لخاطري
طلعت وحجة إيليا بخفوت
- إيليا : تعبيني ولتعبي صارلة اكثر من شهر بالعناية المركزة وتعبان بلا ملحة
مشينا سويه صعدت بالسيارة وحجة
- إيليا : إنتِ تحددين شوكت الخطوبة لو احنا ؟
باوعتله بإستغراب مُصطنع
- هيلين : يا خطوبه ترى اجه أخويه اني مقابلة
فتح عيونه بصدمة وحجة بإنفعال
- إيليا : طيزييي انااا صوجي جاا ترى بالعباس اسويها سالفة كَسر خشوم
- هيلين : اي سويها بكيفككك
إبتسم نص إبتسامة
- إيليا : مو هسه اخذج واشرد ؟
شَغل السيارة وصِحت
- هيلين : والله والله كلتلها قااابلة
- إيليا : شاطرة
رجعت للبيت وبقيت على هل حال اني بقيت اروح بوحدي بعد الدوام اخذ ويايَ كم شغلة وهوَ وصاني ما اكول لإمي
مِشى تقريبا اسبوع و هاڤال طلع من المستشفى
سِكنت وياه بيت جان مشترية ومكاعد بيَ عِفت دوامي فترة وبقيت يمه اساعدة
جانت اسعد ايامي وياه حسيت بنفس الشعور الجنت احسه قبل الحَرب وقَبل كُل شي
علاقتنا قوت اني و هاڤال
حجيت لإمي اني لازم ابقى يمه فترة اساعدة وبس مَرة اجت اله جان لقاء جدا جاف بدون مشاعر مُجرد كسرت الحاجز البسيط بينهم
أخذت رأيي بالخِطبة وإتحدد الموعد !
والخوف الصرت بي اخاف اتندم
- هاڤال : صديقي واعرفة لتخافين منه لو مو اعرفه مجان خليته هوَ يساعدج وما اقبل من البداية اصلًا
مِشت الايام بسرعة ومحد جان واكف ويايَ غير اخويه صدك عِزوة وسَند صح يمكن جنت شويه أتقيد او استحي وأحتاج صديقة او إخت تساعدني بس جان يحاول يسد هل فراغ
- هيلين : روح انتَ تعبت من الصبح وليهسه اني اكمل مبقى شي
رَد بهدوء
- هاڤال : معليج اني مستمتع بهل تعب أجهز لخطوبة بنتي وين احلى منها
دخلنا لمحل اريد اشتري فُستان ولازم حسب مزاجي واشياء متعجبني وهذا الشي خلاه يتعب اكثر ويايَ
- هيلين : ما اريد بعد لا فُستان ولا شي بطلت ما اريد
إبتسم بوجهي وهِمست
- هاڤال : اني اختارلج اكعدي
كِعدت على الكُرسي وبقى يتناقش ويَ صاحبة المحل تِعرض عليه فساتين وهوَ يحجي
- هاڤال : لا ميعجبها هيج تصميم شويه خلي مستور وطويل ومو هوسة
ضحكت ام المحل وسألته
- زوجها ؟
رَد بضحك وإلتفت عليه
- هاڤال : اخوها اني
بقت صاحبة المحل تعرض عليه فساتين وهوَ مندمج وياها شويه وإتقدم هوَ وصاحبة المَحل
سألني
- هاڤال : تجربي بابا ؟
نِظرت للفُستان شكد ما اكول عنه نازك ما اوصفة وطويل الفُستان وبي حَركة بسيطة من الصَدر والردان سَتن ولونه بَيبي بنك
رِحت لغرفة التبديل قِسته جان قياسة مضبوط عليه إجت صاحبة المَحل ضحكت وكالت
- القياس بالضبط عبالك قالب
إشتراه وهيَ الخطبة على البنيه طلعت واني ميته فرح بالفُستان ما ادري لان ذوقه
- هيلين : ما انساها وكفتك ويايَ
احس الدنيا إتغيرت من رجعت وياه واحس كُل راضي عليه والدنيا صايرة تحبني
صار يوم الخطوبه بيت هاڤال إجت امي وكرايبنا جان الخطبة كلش عائلية لا هوسة ولا شي
جنت اشوف بعيون هاڤال الفَرح على الرغم تعبة
إمي بقت ويَ الناس و هاڤال وداني للصالون
باوعت اني بوحدي وكل العرايس وغيرها وياهن خواتهن وياهن احد اله اني بوحدي حتى امي مو ويايَ
خابرت إيليا وبجيت
- هيلين : ليش اني بوحدي كُل الناس وياها صديقاتهن اهلهم
رَد عليه ويحاول يسكتني
- إيليا : انا مقصر وياج والله هسه اجيبلج باريا اي وحده
- هيلين : ما اريددد اطردهنن
شويه واشوف باريا اجتِ باوعت شبسرعة لحكت تجهز شنو متحضرة لو معزومة ؟ الاعرفه متجرع إيليا
كَملت المكياج بعد ميت عركة باريا وام الصالون كلت هسه تطردنا بس رَبك ستر
اخذت تليفوني تصورني
- باريا : علمود ادزه لخطيبج
صِحت بإنحراج
- هيلين : لا مو هسه تدزي لإيليا عيب
ذَبت التليفون عليه وحجت
- باريا : من طاح حظج تزوجين هذا لا خلقة ولا اخلاق
ومِن كلمت سوت شَعري بس مُجرد كَم خُصلة ويفي والباقي مفتوح
دَكيت على هاڤال يرجعنا
غَطتني بالكبوس ومن شافني باسني براسي وهِمس ... الف مبروك
صعدت وياه اني وباريا اول مره اشوف وحدة مو كلش علاقتي وياها قويه تفرحلي لهل درجة وكأني اختها وكُل شويه تعدل المكياج او شي
وصلت للبيت خلى السيارة بالبيت لزك بالباب
نزلنا والهلاهل والفَرح العَم بالبيت
كِعدت على الكوشة وشويه وباريا شاورتني
- باريا : اريد قلم جاف وياه تنزعين حذائج
سألتها ليش وهي طكتها بضحكها مفتهمت بس ضحكتها ضحكتني حيل شويه وخَلو بين اصابعي هيل وقُرآن ومَي ما ادري شنو هل حركات
واجه الشيخ سألني اكثر من مره جاوبت بإرتباك
- هيلين : نَعم وانتَ وكيلي
شويه ودِخل إيليا الإرتباك والخوف واني اشوفه
يدخل بكل ثِقة والعِطر اليمشي كدامه
إتقربلي سِحبني من إيدي وكدام كُل الناس
حِضني شعور خلاني اخجل لكن انمسح هل خجل واني اشوفه يبوس بإيدي وهِمس
- إيليا : مبروك عليج انا
ضحكت ونَزلت راسي مِنحرجة وكُل شويه جَر ايدي باسها
- إيليا : رُمانه يا زمالة
رُفعت نظري اله منصدمة منه
- إيليا : شهل رُمانات الجديدات
- هيلين : ياهنَ ؟
قَربوا منا الذهب لَبسني الحلقة وإتقرب يلبسني الكلادة قَرب ايده مِني ومَرر ايده بسرعة على طَرف صدري وحجة بصوت مُنخفض
- إيليا : هَذني الرُمانات دوخني
وجهي صار احمر من الخجل وبهل قُرب مني لَبسته الحلقة واني ارجف ما ادري شجاني بهل يوم جدا غريب عليه
شويه وكالن راح يدخل أخوها وابوها
إستغربتوا مو ابوها ؟
اي نعم ابويَ موجود بس عايفني علمود مرته اوي خطية متقبل تخاف عليه !
دخلوا سَلموا عليه و هاڤال العيونه مدمعة حسيته هوَ ابويه وهو التعب بهل خطبة اكثر مني حتى
طلع أبويه بعد ما سلم عليه وإيليا سِحب ايدي وباسها ضحك
- إيليا : الف مبروكككك حبيبتي
إلتفتلي هاڤال منزعج حاولت اسحب ايدي لزك بيها اخر شي صاح
- هاڤال : باجررر تطلكهاااااا اريدها اختي
- إيليا : مرتيييييي لو اموت ما اطلكهاااااا
إتقربلي وحجة
- هاڤال : إلبسي حجابج شي لو
قاطعه إيليا واردف بإنزعاج
- إيليا : مرتيييييي شلون بله اعيدد مره ثانيه اصيح الشيخ اصيحه ؟
- هاڤال : راح الزكك بدفرة اسوي بيك شلل امشي اطلع
سِحبه يطلعه بره وصاح إيليا بصوت عالي
- إيليا : بالليل وره 12 خابريني لتنسيني مرتييييي
- هيلين : لا ما انساك زوجيييييي
ضحكت بصوت عالي وطلعوا
يوم مُفرح شي يخبل احسه صار بكلبي
سَلمت عليه ام إيليا واهله ما إتعمقت على كد السلام وإبتعدت
شِفت باريا تسولف سِحبتها وحجيت
- هيلين : شلوني طالعة حلوة
- باريا : هسه اطكطكلج حرمل لج اني بنيه ومتت عليج وداعته
- هيلين : صدُك ؟
ضحكت وحجت بسرعة
- باريا : تخبلين وخاصتا من رُفع ايده بِحجة يلبسج الكلادة
<><><><><>
في مــكـــان اخر حيث
" باريا "
- باريا : بس هذا مو مُبرر
رغم كلامه بس ولا كدر يقنعني
يمكن احد يشوفه مو بس مجرد يتعاطف وياه لا ينساله كل شي بس شسوي بروحي الحقودة
ما كدرت اجذب كدامة وابين تَعاطفي هستوني جنت متوجهة للقبلة واجذب دعاد خل تصير ربع ساعة شي بس سرعة
مَديتله ايدي بكُل ثِقة وبداخلي شياطين تضحك
- باريا : اني وياك
تَبينت على ملامحة الإنتصار لثوانٍ جدًا ضَئيلة ورَد عليه بصوتٍ هَزيل
- مَيمون : ساعديني
بلحظات سريعة خاني إللساني
- باريا : الله يساعدك حبيبي شنو منتضر الناس تساعدك شكد
صِفن وطلعت شخصيتي الحقيقية ضحكت بسرعة وحاولت اللطف الجو
- باريا : والله يساعدك اكيد واني ايضًا ههه
- مَيمون : يصير انام بحضنج
- باريا : لا
حَمحمت بهدوء مُرتبك وفِتحت ايدي
إتقرب مني واول مَره احس بِحضن اني ممرتاحة بي اول مره احس هل حضن ما بي حنان ما اكدر انام متقيدة وكان سلاسل قيدتني مو إيدين
رَد وهوَ مخلي ثَغرة على عُنقي
- مَيمون : صَــلبــة
- باريا : بس الخارج
فَهل انا امُثل القوة ام انا قوية !
ممكن لو وحدة بنفس مكاني مُمكن تخجل او تَشعر بالحياء بسبب هل قُرب ويمكن اول مره شخص يكون بهل قُرب مني وبهل نية
بس مُجرد نَظري متثبت على المراية كدامي وما اكدر اشوف بصورة جيدة بسبب تَبعثر بعض الخُصل على نظري لكن اتعاجز احركهن
اشوف بالمراية إمرآة مُقيدة باهتةِ الملامح باردة الوجه يخلوا وجهها من الفَرح !
رُفع ايده على شِفتاي بِرغبة دِفعته بهدوء
- باريا : اله الشرف
نِظر بِحدة إلى عيوني
- مَيمون : ليش دائما ترفضين قُربي منج؟ ترى اليوم مِتفاهم باجر لااا ؟
ضحكت بداخلي هذا ضامن روحه ؟
من نعال على الثقة
دِفعته وحجيت بنُعاس
- باريا : اريد انام
دِرت وجهي على الجهة الثانيه مَتحرك ولا نزل واني احس بتهديد بداخلي مأ اثق بي غطيت حتى راسي حسيته إتحرك وبدأ يتقرب مني
جِمدت بمكاني كلبي ميلين ولا ينجذب ولا يتسرسح اله يم واحد ما اكدر ما احس هذني كلهن يجيبني
قربت ايدي عَضيتها اريد اكمش روحي النوم خِرج من قاموس عيوني هل ليلة ما كدرت انام يمه مينجرع هوَ نضيف بس كلبه فد وصخ
مَثلت هل يوم بالنوم
مَرت ساعات طويلة فَهل تخلو من ذِكر احدهم !
شِفته وهوَ يكوم للدوام خَذت نفس برِاحة ونمت
خذت الجُربايه طول بعرض
صِحيت ومَيمون مموجود بعد احسن العصر ومماكلة سويتلي اكل وكعدت اكل راسلتني سارة
- سارة : اكلج هذا تعرفي لأي مكان مُفضل عنده ؟ وين يروح بحكمج مرت المحروس
باوعت على الرسالة شجاوبها هاي
- باريا : شمدريني
- سارة : بس وداعته لأبوه اذا تجيبلي الموقع تصير لوز
صِفنت على الرساله احاول بلكي اعرف وين بس ولا إتدخل بي ناره تاكل حَطبه
خابر عليَ علي الدُر جاوبته واني مستغربة
- علي الدُر : عندج شي ؟
- باريا : لا والله فارغة
جاوبني وهوَ مِرتبك
- علي الدُر : بس خطوبته صديقي وإللبسي اي شي واجيج تروحين لخطيبته
- باريا : ليش شعليه اني
رَد عليه بسرعة
- علي الدُر : لج شهل بروددد امشي ربع ساعه بس مسافة الطريق واجيج واريدج ما تلبسين
- باريا : شنووو تخوفنييي ؟
- علي الدُر : عليج الله باري
سديته منه ولبست على السريع فِستان شويه قَصير وعَدلت شعري حتى ما سويت مكياج بي خير كل شويه ودَك ونسيت اخابر رَجلي واكله اني طالعة
رِحت وياه وداني لصالون طبيت اباوع بالوجه كل شي ما كلي واشوف هيلين بالبدله وكاعدة تبجي
- باريا : هلوز ماي سستر ؟
حِضنتها بسرعة وهيَ جانت ضايجة حاولت اسولف وياها بقينا نسولف ونضحك لحد ما اجه دورها
بدت تشتغل بيها وكُل شويه صِحت
- باريا : عوع امسحي شنو هل لون التسماحي
اخر شي بزعت ام الصالون مني وصاحت
- ام الصالون : تعالي انتِ اشتغلي بدالي
دخيلها متتحمل شِقة شسوي متختار لون بي خير وهي هيلين حلوة ميلوكلها شي ثكيل
واني وين ارتفع ضغطي من هيلين كلتلها
- هيلين : لا خاله امسحي هاي الحُمره كلش اوفر خليلي حمره سحريه
اني هنا وكفت اباوع لأول مره اتفق ويَ ام الصالون وإثنينا ميعجبنا شي إتقربت منها
- باريا : معليج منها كملي
كَملت وشطلعت اله تخبل تطك بالكاع
كَملت هل يوم ورجعت هم زين بعده مجاي
بسرعة سِبحت وسويت روحي ولا كأني طالعة
وَرة شويه
رجِع ينزع بساعته واني ضليت احوس
باوعلي بطَرف عينه
- مَيمون : فضيها يلا
كُمشت اعصابي شنو كامشه جيس بس اقصد سيطرت على اعصابي
- باريا : احجي الصدُك وينن جنت؟؟
- مَيمون : بس هاي ؟ جنت بأل******
كالها وحسيت نفسي راح اكون فد قشمر اذا اصدك بي صدك احجي اني اروح اسأله ؟
- باريا : شعندك تروح هناااك ؟
رَد ببرود هذا مخبل ساعة هيج وساعة هيج ساعة خايس وساعة الاخيس
- مَيمون : ويَ صاحبتي
- باريا : ترى عادي اني امرآة ديمقراطية ارضى ترى
مِشى ورَد عليه
- مَيمون : وعساج لا رضيتي
اول مره اكون بهل قمة الادب وما ارد عليه برد يريح كلبي
- باريا : لا يا جلببب هي مشهودتلك ابو النسوان
إلتفتلي وعَدل شعرة ببرود يستفزني
- مَيمون : اليوم مودي حلو عوفيني احسن الج لا اعيد بيج اول ايام النعل مالتنا
- باريا : ديلا ولي منا
راح واني فكرت بداخلي انطي كم يوم فرصة وشوكت ما يروح اني الحكة بس شنو هذا لوتي معقوله مراح يلاحضني
صَبرت نفسي مطلعت 3 ايام بهل يوم بالتحديد
جنت مراقبته مِتفق ويَ احد وراح يرحون ما ادري وين بس
إندزت رسالة لتليفون ركضت على السريع الفضوله يمه يكتلني اذا ما اشوف
- كامل : اليوم كالعادة تروح لزورينا ؟
ماطول مِتصل كامل ومَيمون يسبح
خل استغل الموقف
كُمشت تليفوني وراسلته
كِتبت بتوتر ماعرف شحجي
- باريا : هلوز كامل
رَد عليه بعلامة استفهام اهووو اني شلون بيَ
جنت مخلية صورتي رَديت عليه
- باريا : شنو معقولة كمولة متعرفني ؟
اتاخر بالرد كم ثانيه وراها دز رسالة يضحك
- كامل : عرفتج ههههه شلونج ؟
- باريا : زينه
- كامل : زينه لو زوينه ؟
استغفر الله شلون هسه بيَ كرهت حتى روحي
ردت احظره عفته
- باريا : وين دترحون اني حتى محاسب نفسه مزوج لو يحجلي وفد دا انقهر
- كامل : ميعرف قيمتج والله انتِ ذهب
- باريا : والله اني هم استغربت ليش اهلي ممسميني ذهب على هاي اخلاقي وخُلقي
- كامل : حقج تنغرين على هاي العيون
كبر لفه قهرني شنو يحجي هذا بكيفه كتبت اله بسرعة
- باريا : كامل انتَ اسمك بس ابد مو كامل
- كامل : اكمل بيج
هذا شنو لوتي عود يغير الموضوع وميجاوب
رجعت كررت سؤالي رَد عليه بإسم المكان
سإلته
- باريا : شعنده ويَ زورينا ؟
سديت تليفوني بدون ما اشوف شَرد من حسيته راح يطلع ضميت تليفوني وطلع قاط جديد رصاصي ادري شطالع
- باريا : ها ابو القاط الرصاصي ههههههههههه
قاطه رصاصي واني ما قصد القاط لا
- مَيمون : راح احسبها الج بنيه زينه بس عيديها وشوفي
ضِربت على صَدري بِخفة
- باريا : يمه لعد شنو اني اقصدك بسووووووء
نِظر بعيوني ومَرد وعساه لا رَد
واني فِعلا اقصده بسوء
طِلع من البيت وفتحت الرساله كاتهنِ اللي كلهن
ممبقيله حجاية عنها
- باريا : كمولة فدوه لصعلتك اريدك بالشِدات
- كامل : خادم الج
( الكاتبة : خادم الساهر هههههههه )
دزيت كل المعلومات الكالها لسارة كِتبتلي بسرعة
- سارة : راح اجيج هاي يرادلها كعدة معدلة
وصدُك اقل من الساعة واجتني
وبهذا الوقت حظرتلي ورقة وقلم نخطط وياها كم شغلة من الماركت
اجتني وهيَ هم جايبة جبس وحَب بس الحَب شهرين وميخلص
خليت الورقة والقلم وإتربعنا بالكاع بدون اي سلام او كلام
- سارة : لازم نجيب تاريخها الزوري
- باريا : يا زوري زورينااا
كَرزت وحِجت بعدم مُبالاة
- سارة : ماكو فرق زوريي زوريج زورينا اشتغلينا بالمُفيد خيتو
- باريا : حَسب ما كال اله علاقة بيها من فترة كصيرة وهمَ منصدك بي هذا النغل وهيَ يعني تكدر تبيعه ؟
صِفنت بوجهي شويه وإفتهمت نظراتها طلعت الها تليفوني وشوفتها صورته
- سارة : شو بي شوفة يعني ينطلع بي دزيلي رقمة اني اللوزة
خرب حظي ضِربتها على ايدها وحجيت
- باريا : دعوفينا منه خل نكمل الخطة
- سارة : ليش ما شويه شويه وتخلي هوَ يتوسط الج ويحجي ويَ البنيه
خِطرت بالي فِكرة بسرعة ضحكت ودخلت اله راسلته
- باريا : توووكدر تصورلي وانتو كاعدين واريد مَيمون بالذات حباب اريد اشوفكم
بعد كم دقيقة رَد عليه وبداخلي خوف خاف هم يغدر بيَ ابو صلعية
- كامل : ليش متكولين لرجلج ؟
حِرت شجاوب اخذت من التليفون سارة ورَدت
- احسك انتَ قريب مني حيلل ازيد من مَيمون
رَد بسرعة
- كامل : صار
سدت التليفون وباوعت بوجها اني حايرة وهيَ هم كَفيت رداني وكِلت
- باريا : اذا راح يدزلي الفيديو وصدك وهمَ بحفلة خاصة هاهيَ ربحت
- سارة : واذا صار العكس ومَسواها وطلع ويَ صاحبة متفقين ؟
فِركت وجهي بحِيرة ورَديت
- باريا : لا لا مستحيل اطيح حظة
شِمرت عليه مَي ورَدت معاجبها
- سارة : دنجبي شلون تطيح حظة ام حلك
- باريا : شنو عبالج اني بهل فهاوة احجي ويا هيج وبهل راحة واني ملازمة عليه شي؟ يحلم
صَفكت بحماس وإتقربتلي تضحك
- سارة : بشرفج شمسويه
- باريا : انتِ بيج ما اثق تردين بالناس اثق وامشي واني مغمضة ؟
ضحكت بصوت عالي
- باريا : ترى ابويَ حمزة يعني رب مال حيلة وخباثة وتعرفين بعد بنته وما تطلع حياله ؟
- سارة : والنعم يابه بهل عائلة المتروسة سِم
ضحكت وهيَ ردت
- سارة : ترى عائلتكم كلش غريبة يعني اول مره اصادف هيج ناس اليشوفكم كلب على كلب وحُب بس بداخلكم كلش غريبين
- باريا : فوك متتصورين وكل شخص بينا اله قصة تختلف جذريًا عن الثاني على الرغُم مثلا مُسلم قصتة تختلف عن حيدر
سإلت بإستغراب
- سارة : صدك مسألتج الاعرف حيدر ميحب هل درب ومال زواج شعجب اتزوج برلين ؟
جاوبتها واني أكل وحدة كبال الثانيه مندمجات
- باريا : والله حسب السمعته برلين بس هي البِقت واخوها لان اهلها الباقين كلهم ماتوا
قَلصت عينها اكثر وهِمست .. كملي
- باريا : مو ماتوا إنما انكتلوا لان ابوها جان اله مكانه بأحد الاحزاب وفد يوم من خربت الاوضاع الجيران بلغوا عليه ودخلت عصابه مادري شنو وكتلوهم وهيَ واخوها الاكبر منها يم عمهم
- سارة : بس هذا التعرفي لعد وفضولي وشلون شافها شنو صارت قصة حب
صِفنت الها شويه ورَديت لمن اتذكرت حجي خالو مُسلم الوحيد اليحجلي خالو حَيدر قليل يحجي
- باريا : لج اتذكرت يكول راد يعيش وياها قِصة حب بنص القصة عافته وبالدفرات اتزوجته بس بشروط وعوود
- سارة : خرب يومها برلين لازم اشوفها وإنقيمها اني وياج شنو كليلي حيه مثل السابقة لو لا
- باريا : شو مبينه لا يعني وهي هسه عبالها اني اتحارش بيها لو عبالها مو زينه لج كمشتها بالغرفة وكلتلها احبج بس بالجذب
ضحكت بصوت عالي
- سارة : امداج سحلتي روحج علمود بس المستشفى وحللل اتفشلتي
دِفرتها برجلي وصحت
- باريا : لتدخلين خرب راسج بس شفتلي واحد ما ينجرع لدرجة هسه اريد سودة بس اهضمة من اجيب طاريه
- سارة : يا هوَ كمولات ؟
- باريا : صديقة يمكن إسمة إيليا هيج وحظي المصخم التقيت بي مره ثانيه ردت اكتله
دنسولف واجتي رسالة على تليفوني سويت نفسي ثكيلة مَرديت على كامل
إنتضرنا ربع ساعة ياله رديت
وافيش مَي بارد على صدري مصور مَيمون كاعد وبصفة بنيه ويضحكون وكامل مصوره من جوة ممبين شي ثاني بس البصفة مو مرة اله تكتل
- باريا : هاي زورينا مو ؟
- كامل : اي
- باريا : ترجع واريدك بشي مُهم
طكيت سكرين لكلامه وهوَ ينطي بصديقة كُل شي يصير يكلب ضدي شي يحذف الرسايل اني مجهزة وضعي
راحت سارة اول ما طلعت شويه وطب مَيمون
إبتسمت نِص ابتسامة شنو متفقين حبايبي
بلعتها وسكتت شحجي مثلا
صار طبيعي اليوم رجع وهذا المجلوب اني نزلت مخدته شو جابها وخلاها على الجربايه
مسويت شي نزلت مخدتي ردت انزل بالكاع وظهري يتكسر بس كلت طز بي شنو اضحي بصحتي
نِمت وبعدها بكم يوم رحت لبيت جدي
بس إستغليتها رحت بعد السلام وهاي
صعدت لغرفتي
حجيت ويَ كامل
- باريا : اريد منك شي بس أصعب من هذا ؟
- كامل : اي احجي
- باريا : بس صعبة اريد منك
حجيتله اغلب التفاصيل الاريدها منه والتصوير المحتاجته لكن صدمني رَده
- كامل : يكلفج
ضحكت بصوت عالي وكِتبت
- باريا : اي رقم بالك
- كامل : 50 ؟
رَديت بإستغراب
- باريا : الف ؟
- كامل : لا ورقة
- باريا : اممم رخيص
رَد بعد كم ثانيه
- كامل : شنو قصدج؟
سديته منه مجاوبته بهل رخص يبيع صاحبه من طاح حظ مَيمون على هل صحبه
بس هم بداخلي توتر اخاف يغدر بيَ بس شلون يغدر بيَ واني تسجيل صوتي وصورة وصوت ورسايل كامشتهن للشِدات
رجعت كِتبت اله
- باريا : احسبهم يمك من تجيبلي كل شي اريده يندزن ادزلك شخص ينطيك اياهن
- كامل : والمو ثقة ؟
- باريا : لتخاف يوصلن الك
سديته منه ما اكدر اخذ هل مبلغ من خالو حَيدر يكمشني ويذنبي بالتحقيق بتهمة ابتز بالناس
شسوي ولا خالو مُسلم احسهم ابد مراح يقبلون على فِعلي
إترددت واني اكتب رقمه بس متأكدة منه يساعدني دكَيت عليه
جاوبني وصوته سَريع وكأنه مشغول
- علي الدُر : إنتضريني اكمل شغلي عادي ؟
رديت بهدوء
- باريا : لا
حَمحم بهدوء وهِمس ... احجي
- باريا : تكدر تنطيني من فلوسي 50 ورقة ؟
- علي الدُر : اذا على السيارة فأني
قاطعته بهدوء
- باريا : لا مو سيارة ولا شي مُجرد احتاج هل مبلغ هل يومين
إتكلم بسرعة
- علي الدُر : ترديهن هسه ؟
سِحبت نفس بِراحة
- باريا : اكون مُمتنة
سديته منه بعدها بكد دقيقة دَزلي وقَت وعنون مكان اروح اخذ منه الفلوس
بس خرب يومي اذب هل فلوس علمود وأحد اني اول وتالي اتطلك منه
خَذت نفس مَيهم الفلوس اني الاجيب الفلوس مو هيَ تجيبني بس مُجرد اريد اشوف حِركة كلبهم
طلعت من البيت والشي الحلو ميحاسبوني وتَشدد وين تروحين بس الشي الشفته ماما مموجودة او العفو سناء ماكو
على الرغم كل شي سوته ما اكدر أذيها او اروح احجي سوالفها لخوالي وادري راح يصدكوني بس تبقى إمي
تبقى نفسها الحِرمتني من حُبِ
تبقى نفسها الحِرمتني من إخواني هيَ وابويَ
طلعت ولكيته منتضرني شكد مُنتظم بمواعيدة وحَريص بهيج نقاط او بكلهن اصلا
إتقربت منه جان يعَدل بساعته إجيته من ورة وهِمست
- باريا : ترى مو بس انتَ دقيق بمواعيدك حتى اني
إبتسم لفترة وجيزة ما كدرت اباوع بوجه او بعيونه اني منا خربان حالي اخربه بالزايد
حاولت امنع عيوني منه واباوع على كل شي اله هوَ بَس رَد
- علي الدُر : مِرتاحة ؟.
قِطعت سؤاله بسِؤالي
- باريا : وين الفلوس ؟
- علي الدُر : بسيارتي
كِمت اني وياه إنطاني الفلوس مَحسبت الفلوس ثاقة بيه ينطي زيادة مو نقصان
- علي الدُر : متعشية ؟ اوصلج ؟
- باريا : ممشتهية بس رجعني للبيت
صِعدت بالسيارة اشوفه متوتر اكثر منِي هدوء عجيب صار قِطع هل صَمت
موجه نَظرة على الطريق وبإيدة الثانيه جِكارة وهِمس
- علي الدُر : لتلبسين هل قميص ضيك
- باريا : صار
إلتفت متفاجئ وإبتسم
اول مره اكول شي بدون ما اللح لو اكول مو بكيفك او غيرها حسيت صدك القَميص شويه ضيك
رجعت للبيت ضَميت الفلوس يمَ حسناء وإتفقت ويَ شخص هو اليودي الفلوس بعد ما خليت كم شغله اذا حسيت كامل يغدرني او شي ومو بس شخص واحد يروح اكثر من شخص وبمكان عام
إعذروني ما اثق بأحد وخاصتا باليغدر بصديقة صديقة وعِشرت عُمر وباعة اني ميبيعني ؟
إتفقنا على يوم مُحدد وبيومه رِحت لصالون غَيرت قَصة شعري وسويت الاطراف لون مارون غامق وسويت تنظيف لبشرتي
كِشخت اخر كشخة وكأني رايحة لعرس ولا جني راح اهجم بيت المفلوك
رِجعت للبيت جبت اكل وإتغديت اني ومَيمون مع علامات إستغراب بوجه اول مره اسويها
وبَعد الغدا جاب حلويات كعدنا سويه وكُل شويه اضحك على حاله بعد كم ساعة
كضينا هل يوم جدا سعيد سوية
اجواء اشبه بالعائلية لَطيف
إقتربت الساعة تصير ب8 وقَبل كُل شي مجهزة مُحامي وكُل شي يخص طلاكنا
وِصلت إللي الفيدوهات إبتسمت واني اشوفها إلتفتت بهدوء لمَيمون كاعد يكَلب بتليفونه بهدوء
رُبطت التليفون بالتلفزيون وشَغلت اله مَقطع جدا جدا بسيط ههههههههه
اول كم ثانيه مَنتبه بس صِدر
رفعت راسي كدامه
جليت صوتي واني اركز بعيونه
- باريا : شنو عبالك من تسوي هيج شغله بيَ اسكت؟
لو من شفتني ساكته يعني معقوله مجنت اشتغلك على شي عجيب شكد قشمر !
صاح بصوت عالي متفاجئ من هل جانب والجوه إللي ما اتمنا اظهره على روحي مو على الناس اطلع اسوء من الحياية
قبل شويه جنت الطف مني ماكو !
وهسه انكلب عليه بهل دقيقة انكلبت بشكل
- باريا : مو ضروري يكون الانتقام طلقة وحده
ممكن يكون يخسرك ربك ويخسرك كلبك وربُما يؤدي يخسرك حياتك ؟
هز راسه وكانه منتضر اكمل كلامي
واني متأكدة من الراح يصير هسه لو وراها مو بس يدمرة حتى اهم شي والي هي سمعته
- باريا : لتخاف متكدر تخلص منها لان بدال الخطة وحده مسويه لا مسوية اربعة خاف الاولى والثانيه متاذيك لا الرابعة تنهيك ...
فرك راسه اتبهذلت احواله
- مَيمون : احجيييي انااا المأمن بيج واحجيلج شمسوية من وره ظهريييييي؟
اردفت ببرود واني اشوف انعكاس البركان بداخل عيونه يغلي
- تعرف منو زورينا ؟ هاي نفسها الانطت بيك
زين تعرف اكو وحده جنت دائما تتلاكون وياها وبحفلات خاصه وسوالف ؟ هاي من طرفي
هااا احب اضيفلك كل الحفلات الخاصه والسهرات والغرف الجانت تضن انه بس انتَ وبنيه فلتخاف جان موجود الله وكامره صغيرة مُركبه بالضبط كبال الجربايه
غمزتله واني اهمس بتلاعب
- باريا : وانتَ فهمك بعد شجنتوا تسوون شي يرضي رب العالمين لو يهز عرشه هز ؟
كملت كلامي بنفس الثقة وهو بعده مصدوم
- باريا : كلامك عن بعض الاشخاص مثلا مثلا
العميد رُكن ***** والفريق ******
تحب اضيفلك بعد اسماء ؟
هذا نفسه الشخص خطية انطاني التسجلات وكلها وصداقتكم كلها باعها ب50 ورقة
- تعرف شجنت تحجي مو؟
هاي الاسماء وبعد اكو اسماء جنت تتناولها عن روؤس جبيرة بالاحزاب وبالدوله
باوعت على الساعه منتضرتها تصير ب8 ضبط
- بعد 3 دقايق يوصلن الهم ههههه
ضحكت بصوت مستفز واني بعدني ممكملة اصلا
- تحب اضيفلك ؟؟؟
اتقدم بسرعة يريد يضربني
دفعت ايده بإشمئزاز واردف بعصبية والوجه دم
- مَيمون جنت ثاق بيج شلووووون ما اتوقعتها من الكل بس انتِ ما اتوقعتها منج
هزيت راسي بنفي شوكت ثاق لو على الكم كلمة كالها حاول يكسب تعاطفي
- باريا : ما اثق بإللي ما يصلي ولا يعوف رب العالمين ويروح يغضب رب العالمين بفد حفلة خاصه شلون اثق بله ؟
دك تليفوني كدامه
فتحت التليفون والسبيكر
- كامل : التسجيل وكل الصور وصلت الهم وصور الحفلات وصلت لزوجة المُحامي ا*** وكل صور تخصهم وصلت حتى لابهاتهم
بهل لحظة تأمريني على شي ثاني ؟
ضحكت واني اشوف حال اهله
- باريا تسلملي متقصر تكدر بعد نص ساعة بنفس المكان راح يجيك الولد تستلم الفلوس وكلشي اتفقنا عليه وزياده ...
سديته منه مُلتفته عليهم
- ودع اهلك حبيبي ودع هاي الحياة لان بعد يمكن حتى الهوا متشتمه خطية لا حظت برجيلها ولا خذت سيد علي ...
لا سعيت لدنيتك ولا سعيت لاخرتك
بالحالتين خسراننن هههههههه
إتقربلي وهِمس
- مَيمون : ما طول هاي اخر شي خل احسن من ما اطلع ممريح كلبي اطب بالسجن وانا متخلص منج
إبتعدت عنه خطوات اكثر إتقرب إللي حاول يخنكني وجواه أدفع بي ما اكدر دَك تليفونه ولونه إنكلب
إبتعدت اكح احاول اتنفس بصورة طبيعية
هاهي اني خلص مشواري
دخلوكم اشخاص بحيله ؟ راح تطلعون بحيلة وانتو مهدميهم حياتهم
تعاملون بالمثل سالفة الاخلاق هاي متمشي لا عندي ولا انتضر رب العالمين ياخذ حقي اي بس هم اني اخذ حقي ...
مثل كل شخص بعد ما يكمل الجكارة يسحكها وبدايتها يحركها شوي شويه ويزيد عليها ياخذ كل الموجود بيها ويذبها
ليش تكون جكاره ؟
كونوا انتو التسحكوها مو العكس
ما اكول كونوا حيالين بكل وقت ..
بس صير ذئب وي الحياية
صح ثنينهم حيوانات بس حيالين يمكن
طلعت بسرعة ماعندي شي ابقى ليش؟
خابرت سارة اصيح بصوت عالي
- زغرطي ينشراحححح
هلهلت بصوت عالي احس التليفون بعد ما اسمع بي ونهتها بضحكه يمكن الكرخ كلها سمعتها
- هاي الصداقة لازم اثنيناتنا حيايةةة اعترف احنا صديقات السوء اليهجمن بيت وعشيرة اليندك بينااااا
هسه راح تبدأ رِحلتي متكون مُقيدة او مجبورة من احد لا اني بكل قواتي العقلية راح اختار الاريدة
<><><><><>
لنا لقاء اخر ... اعزائي