#جلباهار" الضل الاسود "
#الكاتبة: ايفا الصابر
*بنات بنائاً على تفاعلكم ويةة البارتات والاحداث راح يكون التنزيل،،،، عندي استعداد انزل بارتين بـ اليوم الواحد بس بشرط يكون تفاعل قويي اما اذا تفاعلكم قليل لا والله تعذروني♡.
**********
بعد مـرور 6 سنــوات.....
واكفه واني شايله ابني بيدي اليوم هو رجوع اخوي ثابت من بعد سنوات،،
اليوم راح يرجع على بيت اهله وهو الدكتور ثابت وكلها تحسبله الف حساب،،،،
صفنت واني مبتسمه هواي امور صارت بهل سنوات منها زواجي وزواج امنيه من ولد عمي وهم خطوبه احلام وولاده نسوان اخوتي،،،
ما شاء الله كل واحد صار عنده طفلين بس گاطع عنده ولد واحد وهسه مرته حامل بالثاني من بعد انتظار،،،
وكل هذا وثابت ما اجى ولا وصل الديره لان ملتزم بدراستة وهم اوضاع العراق موزينةة والحدود مسدودة،،،
بس اليوم الحمد لله راح يرجع وهو كد كلمته الكالها قبل سنوات،،،
صارت عيني على بنات عمومتي حصرتني الضحكه واني اشوفهن شلون يرتبن ويلبسن،،،
ما شاء الله اخوي ثابت راح تركض ورا البنات مو هو يركض وراهن،،
بقينا نحضر برا الزلم تطبخ لان ابوي عازم هواي ناس بقينا مده مو قليله وسمعنا صوت التفگ،،،
كلها صارت وحده تلطش بالثانيه عرفنا اجى اخوي من التفگ والهوسات وصل اخوي،،
ظل بره يم الزلم ما وصللنا واحنه نتگلة عليه بس ما كدر يدخل يمنا لحد ما كفت الوادم ورة الغده يلا دخل النا،،
ما اعرف اعبر عن شعور ذيچ اللحظات واني اشوفه يدخل بطلته وقاطه والشخصيه الحلوه ذيچ،،
دموع فرح ورجفه امي تخربطت ونزل باسهةة حتى من اصابع رجليها واحنا المچلبات بيه ما نقبل نهده،،،
ما عرفناه لليل گال
ثابت: اصعد ارتاح بعد متكسر تكسر من السفر والدرب
صعد لغرفته وكلها تطشرت اني بيتي يمهم باي ساعه اريد اهلي اروح لان يمهم حايط على حايط،،،
بلش اخوي يستقر هنا وبلشت اشوف تودد بنات عمي الةة بس اخوي ما جان ينطيهن اي اهتمام ولا يشوفهن اصلا بعيونه،،
لحد ما بيوم كاعدين وسمعنا هوسه وصياح طبت علينا بنيه شابه الشعر محلول وترجف وجهها ما يبين من الضرب والدمايه،،
ركضنا الها اني وامي والبنات وهي تصيح
: دخيلة عدكم اني دخيلةةةة
ماكو ثواني وصار التفگ فوك منه طلعوا ابوي واخواني يتراكضون صاحوا بينا ندخل جوه لا تجينا طلقه تايهه،،
طبينا والبنيه بدينا ترجف منتهيه خطيه ضلينا يمها ما سالناها اي شيء انطيناها ماي وعفناها،،
مده مو قليله وصار الصياح بالديوان حيل قوي لحد مادخل ابوي فاير والولد وراه باوعلهم وصاح
حسبان: ولكم تكسرون حچايتيي؟؟
گاطع: بوية اطيهياهم شلنه بهل طلابةة خلي اهلها يضبوها
حسبان: ولك گاطع البت دخيلةة سحگت گاعي شلون اطيها بعد؟
اسعد: شنو نسوي لها يعني واهلها حادين عليها؟
صفن شويه ابوي واردف جمله خلتني اجمد بمكاني
حسبان: ماكو غير ازوجها الواحد منكم
بقينا صافنين ونسوان واخوتي وجوههم صارت تنطي الوان الولد ظلوا واحد يصفن بوجه الثاني خطيةة،،
گاطع: شتحجي بويا خلي البنت تولي تريد تورطنا من تالي
حسبان: ما اكدر انطيها دخيله هاي عندي اذا انطيتها معناها اني حتى على اهل بيتي ما اكدر احافظ
سوادي: بويا احنا متزوجين ما عدنا استعداد ندمر حياتنا
هز راسه وباوع على ثابت
حسبان: ثابت راح ياخذها
بقى ثابت جامد بمكانه ما مصدك وهو طول هالوقت ما نطق كلمه بس هسه لا تغير الوضع
ثابت: شتحجي يابا؟
حسبان: هذا اللازم يصير
ثابت: لا ابويا لا مستحيل
حسبان: تكسر حجايتي ولك
ثابت: حجايتك على عيني وراسي بس لا تخرب حياتي هيج
حسبان: ولك ثابت
ثابت: بويا لا تفكر بيها حتى مستحيل
حسبان: ليش اكو وحده براسك انته
صفن اخوي ثواني واردف بثقه
ثابت: اي اكو وما مستعد ادمر حياتي
حسبان: ياهيه هاي ولك ثابت
ثابت: بعدين اكولك يابا هسه حلو سالفه هاي لان مستحيل اخذها
اسعد: لا تخاف يابا اني اخذها
هز راسه برضه ابوي وسكت گدروا يفضون سالفه البت وتزوجها اسعد،،،
بس لاحظت اكو مشاكل بين اخوي وابوي هالفتره ما عرفنا شنو الموضوع لحد ما سمعنا حسهم بيوم عالي،،،
حسبان: ولك بعدك زعطوط توكف جدامي وترادد
ثابت: بويا مو زعطوط اني وانت على عيني وراسي بس هاي هويتها
حسبان: واني اكولك ما تاخذها
كلنا صافنين وراحت عن بالنا سالفه ثابت من كال
: اني اكو وحده براسي اريدها
اباوع كلها ملتمه وصافنا باستغراب مثلي اردف ثابت وعيونه مدمعه
ثابت: احبها بويا والله احبها لا تكسر بيا
باوعله ابوي واردف بجمود ما همته غصه ثابت
حسبان: لو اشوفك ممدود گبالي بتابوت يا ثابت ما اخليك تاخذها
بس كال هيج شهگت امي وكلها تباوع مصدومه اباوع لاخوي تخربط وضعه باوع بكسره لابوي،،
بس اباوع ابوي ما همه ورجع صاح بعصبيه
حسبان: ولك ثابت هاي السوريةة تعوفهااا لا ادوسك بالطين،، انيي عراقيات ماريد لان غرب تروحلي السورياااااااا
يتبع😈..
شرايكم بـ الاحداث يبنيات😂؟
تفاعلوا حته انزل البارت الجاي بسرعةة♡.
صوتوا وانتضروا البارت الجاي.
«في امان لله»