#جلباهار"الضل الاسود "
#الكاتبة: ايفا الصابر
﴿بسم لله الرحمن الرحيم﴾
نبدي باول بارت من روايتنةة بتاريخ «2024/2/2»
كرزاتي وثقوا تاريخ قرائتكم للرواية♡.
**************
حسرة: ها يمة ما خابرتي اخيچ؟
: لا والله يمه دگيت بس مغلق
حسرة: وين صار هذا المگموع
: لا تخافين اكيد عنده شيء معطله
هزت راسها وهي ما راضيه ورجعت لغرفتها،،
تهدت بتعب هذا اخوي من دون اخوتي البقيه هيچ شالع گلبها،،
احنا ناس عشاير امي اجت فصليه لابوي بس ما تقبلها وكسر گلبها بزوجه ثانيه عناد بيها وما گدرت تحچي لانها اساسا فصليه حتى لو تموت بديهم ما تحچ،،
صار عند امي اربع ولد وثلاث بنات اخوتي، سوادي، وگاطع، ومچبس، وثابت والبنات اني سجود، وامنيه، واحلام اني اكبر البنات بس الولد لا همة اكبر مني،،
اما زوجته الثانيه صار عندها بس ولد اسعد وبنت يبرق،،
اخوتي كلهم طالعين على جدي وابوي روحهم بالشيوخ والدواوين والگهاوي الا اخوي ثابت،،
اني احسه طفره وراثيه بينهم ما يطبق هيج امور مع العلم ابوي من هو وصغير يطلعه وياه بالديوان يگول حتى يتخشنون ومو بس هو اخوتي البقيه هم يطلعهم ويكول حته ما يظلون مثل الحرمه ويتخشنون،،
بس هو الوحيد اللي يروح على عمى عيونه وياهم واكثر من مره يتحجج باشياء حتى ما يروح،،
چنت اني الوحيده اللي منتبهتلة من اجي يمه واحاچي
سجود: خوية ليش ماتطلع مثل اخوتك ليش تكره الدواوين؟
جان جوابه
ثابت: اني ما اكره الديوان بالعكس اني فقط اضوج من اللي بالديوان يگولون ننصف العدل بس همه اكبر ظالمين شنو ذنب بنيه عمرها 12 سنه انطوها فصليه الواحد بكد ابوها والله عود حتى يوكفون الدم چا والطفلةة شنو ذنبها بالصار؟
سجود: جا ما تحاجي ابوي؟
ثابت: ما اكدر احاجيك يكلي انت بعدك طفل وهم ما اكدر ارفع صوتي حتى اذا همه مو خوش بس بالنهايه همه بعمر ابوي واحترامهم واجب عليه
سكتت عنه حجية صدك ما عنده ولا غلطه بس جيب ليقتنع بهذا الشيء،،
مرت السنوات وبدينا نكبر احنه البنات مايبين علينه بس الولد ماشاء الله شبو واحلوو كلش،،
الولد تركوا دراستهم بس اخذوا شهايد الابتدائيه وهمه اساسا كوه جايبهم ابوي بالخوف،،
جانوا يطفرون حايط المدرسه ويشردون ويوميه طلابه،،
رادهم ابوي يوصلون بس ما واحد بيهم يحب الدراسه يرحون على عمى عيونهم،،،
بس جان ثابت اصغر منهم بعده خامس ابتدائي جان يكول اني اصير دكتور بويا عوفهم ذولا اني اوصل،،
جان ابوي طاير بيه طيور ويحضنه ويضحك ووين ما يكعد يكول اصير دكتور محد بينا جان مصدك طفل وماخذينه على كد عقله بس ما عرفنا راح يكدر يثبت كلامه بعدين،،
بلشنا نكبر اخوتي بين واحد وواحد سنه سنتين الفرق ابوي زوج سوادي وگاطع بنات عمنه اخوات هن توام زوجهم اول ما طبوا ال 18 سنه،،
يكللهم احسن حتى تخلفون وتكبر ولدكم وياكم ورة سنه تقريبا زوج مچبس هم واحده من بناتنه ما يرضى ياخذ غريبه يتخبل يكول
: لا ننطي لحمنا للغريب ولا ناخذ لحم من الغريب
هذا الحچي ثابت واصل وگاعد يمتحن سادس علمي وصار رجال ماكو منه اخو اخيته وصاحب حمولةة،،
بس بفتره السادس عزل نفسه عنه مرات حتى اكله نوديه له غرفته،، وابوي هم يوصي بينا عوفوا ابني خلوه يطلع شي بي خير،،
احنا البنات ما درسنا ما رضوا بس حطنا ثابت كل عطلت نهايه سنه يعلمنا للحروف والارقام لمن خلانا ثلاثتنا و رابعتنه يبرق اختنه من ابونه خلانه نعرف نقرة ونكتب ماعافنه اميين،،،
بفتره امتحانات السادس اشوفه انتهى صار عودان والسواد جوا عيونه جنت من اشوفه تخنگني العبره بس هو يبتسم بوجهي ويكول بكل صدك
ثابت: لا تخافين هسه جاي اتعب بس بعدين العب هيج قانون الدراسه اتعب تلعب
وصدك خلصت الامتحانات وضلينا بقلق على النتيجه كلها منتظره اهلنا والاقارب والجيران تكول ما ادري شنو منها تريد تتشمت لان هو دائما يكول اريد اصير دكتور ومنها تريد تفرح على فرحه لحد ما صار يوم النتائج،،
بذاك الوكت ما جان اكو انترنيت ويعرفون من عنده،،
جان لازم الطلاب تروح للمدرسه بيومها راح ثابت وراح وياه ابوي للمدرسه يجيبون النتيجه،،
واحنا ظلينا منتظرين على نار لحد ما رجعوا اباوع ابوي دخل يضحك وعيونه مدمعه وثابت الفرحه ما واسعته طب ابوي وصح على امي
حسبان: وينج يا مرا تعاي تلگي ابنج الدكتور
ضحكت ونزلت دمعتي
واخواتي مثلي،،
امي ومرت ابوي صارن يهلهن توكف وحده تهلل الثانيه گلبنا گلاب بالهلاهل،،
كلها تضحك فرحانه بيومها احتفلنا بي وامي تطش چكليت وما بالبيت غير صوت ضحكنا،،
مرت فتره واخوي ثابت صار يقدم على الجامعات بس بذاك الوكت ما جان اكو جامعات مثل هسه لا جان اكو اختلاف وصعوبه قبل،،
اخر شيء صدمنا ابوي من كال
حسبان: ثابت راح يسافر يدرس الطب بسوريا
حسرة:شنهو؟
حسبان: اي اني اريد ابني يطلع شيء جبير واوضاع العراق هسه مو زينه يروح بالخارج احسن
ظلت امي تنحب وتبچي وكوه راضوها وسكتوها،،
سافر اخوي ثابت كلها فرحانه لان راح يرجع مو بس ثابت لا راح يرجع الدكتور ثابت،،
بس محد جان يدري سفره ثابت هاي راح تدخل عواصف على عائله ال حسبان وتدمرهم دمـار نهائي...!!!!
يتبع😈..
كرزاتي شرايكم بالبارت الاول؟؟
بنات هل روايةة شما راح تحاولون تحزروها بس ماتكدرون راح تكون صدمات صدمة ورة صدمة😂،
صوتوا وانتضروا البارت الجاي♡.
«في امان لله»