كاتبه(ملاك الحسناوي)
بقلمي🖋
من ضلوعي ..
خشبها ابلامهم ذيج ،
وعبرو غيري بيها
وآنه ضليت!
جبار رشيد
............................
شذر: من شفت هذا الاشكر كبالي خفت حيل لا يوكعني بمصيبة واني كلبي خلصان
تقرب مني ا وكف اكبالي راد يحجي وسبقتة حجيت قبلة
شذر: انت صدك متستحي شعندك لاحكني لبيتي شكد عينك صلفة
الاشكر: اعصابج يول شهلهجومية هذي اني لحكتج لان نسيتي السكارف مالتج وطلعتو ردت انطيج اياه
شذر: وهذي المدة كلهة انت تفتر وراي حتة بس تنطينا
ما انطيتنياه من وكفنة يم الكوفي بالمنتزه
الاشكر: بينة الحجي ردت اندل بيتج
شذر: زين هسة اندليتة شستفاديت
الاشكر: استفاديت شوفتج عمري
شذر: اني اكول روح منا وتكفة شري لا الم الناس عليك
الاشكر: يعني متنطيني الرقم
شذر: ولي أكلك
الاشكر: ماشي اجيبة بطريقتي باي ياحلو
شذر: ولي كون من ولت روحك
صعد بسيارتة وابتعد شوية عني بس ماراح
اني كبل طلعت اسم بابا واتصلت علية حتة يفتحلي الباب
رد علية
شذر: بابا اني بالباب افتحة اريد ادخل
بابا: اجيت بنتي
شذر: سد التلفون مني شوية وسمعت الباب انفتح
طلع بابا فتحة الي سلمت علية
بابا: هلا بيج بنيتي شصار بيج اني حسبالي رجعتي من زمان
شذر: لا بابا تأخرنة لان رحنة للمنتزه
بابا: بس ميصير هيج حبيبتي اللي يشوفج توج راجعة شيكول عليج
شذر: بابا ليش تحسسني اني مسوية جريمة
بابا: لا بابا لتفهميني غلط بس مو حلوة بحقج ترجعين متأخرة بنص الليل وانتي بنية
شذر: تمام بابا اني اعتذر اول واخر مرة متنعاد بعد
رحت دخلت للبيت وبابا دخل وراي وسد الباب
اني صح غلطت لان بقيت لوكت متأخر
اهلي ممتعودين علية اطلع واتاخر برا البيت ونوب هالمرة بس بنات انلاصت علينة مجنة حاسين بالوكت لان فرة
أجيت ارد اصعد الدرج تلكتني ماما
ماما: هلا هلا بشذر السباعية هلا بالتجي بنص الليل لو بايتة بالشارع احسن
شذر: ماما بس اعصابج ترا ما كفرنة مو وحدي جنت صديقاتي كلهن وياي وتونة رجعنة لان كضيناهة فرة
ماما: واني حسبالج ما ادري بيج كلساع اتصل علا زهراء اسئل عليج ماطولج برا كلبي ما مرتاح
شذر الوكت مو امان يمة وانتم بنات ضالات بالشوارع
لنص الليل ماتكولن ورانة أهل صدكيني لو غير ناس يكسرونجن تكسر
شذر: استغفرك ربي و اتوب اليك يوم روحي شوفي الشوارع الناس تروش بيهة عبالك نهار
ليش تحسسني بس اني جنت طالعة
ماما : شذر صوتج لتعلي فهمتي اول واخر مرة
طلعة بعد بالليل ماكو تردين طلعين ترحين بالنهار أو وياج أحد بالليل ممنوع فهمتيي
شذر: رحت تقربت منهة وبستهة من راسهة وحجيت
صار العزيزة اعتذر منج مو قصدي يعلة صوتي عليج
بس والله يوم انتو مكبرين الموضوع
ماما: من خوفي عليج انصحج شذر
شذر: ادللي يوم اول واخر مرة متنعاد
ماما: يلة ماشي هلمرة سماح يلة روحي نامي لضلين سهرانة
شذر: ماشي ماما تصبحين علا خير
ماما: تلاكين الخير
صعدت لغرفتي بعد كم الرزايل اللي اخذتة
دخلت للغرفة شفت بطة تلعب بغراضي رحت يمهة
شلتهة من شعرهة
شذر: الغاكة شسوين بغرفتي ؟؟؟؟
بطة : اسفة اسفة والله مو قصدي العب بغراضج عوفي شعري
شذر: كليلي شجنتي تسوين واعوفج
بطة: طلعت الدفتر مالتج!!
شذر: يا دفتر لج؟
بطة : هذا مال الاشعار
شذر: اخذتة منهة وشمرتة علا الجرباية ودرت وجهي عليهة وحجيت
لج الغاكة شسوين بالاشعار وانتي كل عمرج ٩ سنوات
بطة احبهن والله دوم اشوفهن بتلفون ماما ومن جنتي يم زوجج اصعد اباوع باشعارج اللي كاتبتهن كلش حلوات
شذر: لج بكدج جنت حتة ما اعرف شنو يعني اشعار بعدج صاف ثالث وينج أو وين
بطة : عفية لتكلين لماما
شذر: امشي روحي لغرفتج وبعد لتلعبين بأغراضي والأشعار تعوفيهن ترا اكل لماما والله
بطة : رايحة رايحة بس لتكلين لأمي
شذر: يلة لتعيديهة وما احجي
بطة : خوووش
شذر: طلعت من يمي وراحت لغرفتهة رحت سديت الباب وراها ورجعت بدلت ملابسي وفتحت الكنتور اللي بي أغراضي القديمة
جنت قافلتة وضامةالمفتاح ما ادري شلون اندلت مكانة وطلعتهن
رجعت كلشي بمكانة الدفاتر مال الأشعار وعندي كتب
قديمة قاريتهن اكسسوارات رايح لونهم هم محتفضة بيهن
صناديك مسويتهن بيدي هم ضامتهن
صداريي مال المدرسة الجنط اشكال. الوان
ما ذابة اي شي
رتبتهن كلهن وصار كبالي صندوك فتحتة
طلعت منة صوري اني وصديقاتي من جنت بالابتدائية
الشهايد مالتي ورسائل من صديقاتي
ورقية
وصلت لنهاية الصندوك صارت كبالي رسالة همام
حييل والله ناسيتة ما ادري وين صفة بي الدهر
فتحت الرسالة ورجعت اقرة بكلماتهة
واتمعن بحجية ضل أبالي سؤال
معقولة همام لسة يذكرني وعلا وعدة؟؟
زين اذا اجة وشافني مريت بهذا كلة شنو رح تكون ردة فعلة ؟؟؟
نفضت الأفكار من عقلي ورجعت الرسالة لمكانهة وطلعت الكلادة الجابهة الي عجبني البسهة
رحت كبال المراية وكفت ولبستهة وضليت اتلمس بالحرف
صح ما عشت ويا لحضات هواي بس ما اعرف ليش دائماً يجي أبالي دعيت ربي يوفقة ويهني وين ما جان
رحت مددت بفراشي ونمت للصبح الساعة ب١١ يلة كعدت
كمت نزلت يم ماما كفيت البيت وياهة وطبخت لان جانت كلش تعبانة
كعدنة تغدينة وكفيت الماعين ورجعت كعدت يمهم جان بابا وكرار وعباس وخواتي كاعدات كلنة ملتمين
حجة كرار وي بابا
كرار: بابا اريد افاتحك بموضوع
بابا: كول وليدي شنو الموضوع
كرار: بابا اريد أتزوج
بابا: اي بيهة. الخير ابني بس اطلب انت من عيوني
ماما: ابو كرار متحسة بعدة زغير علا الزواج
شذر: ماما والله لو تدرين ابنج من قبل خمس سنوات مقرر يتزوج جان شكلتي
كرار: لج شذر ليش تحركين علية
ماما: هاااي شنو طلع الحجي هسة صدك تحجين عود
شذر: اي والله من قبل خمس سنين كل لحميدة اريد اتزوج بس مااعرف ليش سكت وبعد مفتح الموضوع
ماما: كرار صدك هذا الحجي
كرار: اي ماما جانت اكو بنية عاجبتني وكلت بس الم نفسي اتزوجهة
ماما: وين راحت هذي البنية هسة
كرار: تزوجت صار اربع سنوات
شذر: يعني ضربتك بوري
كرار: لتحجين عليهة انجبرت تزوج بسبب اهلهة
ماما: سدو موضوعهة الله يسعدها وين ما جانت
بابا: زين هسة منو ابالك وليدي
كرار: بابا اكو بنية أبالي بس خاف ترفضني
بابا: منو ؟
كرار: امل صديقة شذر
شذر: هههههههههه سالفتك تعبانة حيل وعلي
كرار: هاي ليش تحجين هيج لان ماعندي شهادة لو شنو ؟؟
شذر: لا حبيبي مو هيج قصدي انت تسوة الزلم كلهة
يروحولك فدوة أهل الشهايد بس امل عدهة حبيب
كرار: متأكدة ؟
شذر: اي والله البارحة كالت
بابا: بنيتي ليش تمشين وي هيج بنات
شذر: لا بابا امل حبابة حيل ومعدهة هيج سوالف بس
تعرف ماكو شخص ميمر بمرحلة الحب وهية هذا الشخص
ناوي يتقدملهة يعني ناوين علا زواج وماعدهة اي شي ثاني
بابا: الله يستر عليهة بنيتي بس حاولي مدخلج بهيج تفاصيل
شذر: اطمئن بابا بنتك كلبهة صار حجر بعد اللي شافتة ميهزني شي بعد
بابا: اروح فدوة للمعدلة ربي يعوضك خير عن كل اللي مريتي بي
شذر: تسلملي باباتي امين يارب
سكتنة شوية نوب رجعت علا كرار شفتة كالب الخلقة
شذر: ها يمعود وين سرحت تروح امل اجيبلك الف امل غيرهة
كرار: لا خلص سدي الموضوع مو وقتة
اترخص من عدنة وكام طلع من البيت حسينة بي كلش ضاج
ماما: هذا من شوكت عينة عليهة واحنة مندري
شذر: والله ماما شوفت عينج توني عرفت منة
ماما: الله يهدي سرة بس كون متضل أبالة
شذر: الله كريم يوم لتهتمين
بقينة. نسولف نوب فتحت موضوع الورث مالت أكرم الله يرحمة وي اهلي
شذر: بابا اريد أكلك علا شغلة
ماما: ياستار من شغلاتكم اليوم انتي شعدج نوب
شذر: شبيج ماما غير دنسولف
بابا: احجي باباتي شنو من شغلة
شذر: بابا اريد ابيع ورثي من أكرم اللي بالبصرة واشتري ابغداد
بابا: ليش بنيتي مو اجارات ومستفادة منهن خليهن علا شنو تبيعين
شذر: لا اريد اخلي كلشي يخصني ابغداد حتة ما اضطر بيوم من الأيام اروح للبصرة
بابا: اني اشوف تبقيهن احسن
شذر: لا بابا لازم ابيعهن وهم أبالي سيارة اريد أشتري
بابا: كلشي ولا السيارة شذر تولي
شذر: فدوة اروحلك بابا البنات اللي ويانة كلهن عدهن سيارات بس اني
بابا: اخاف عليج بنيتي تولي ما انصحج بيهة
شذر: فدوة بابا ادخل معهد تعليم سياقة واتعلم بس خليني اشتري فدوة
بابا: تعلمي اول نوب اشتري
شذر: زين من باجر اسجل بمعهد حتة اتعلم
والأملاك بابا اريد ابيعهن
بابا: اني من اروح للبصرة اشوف شنو اسوي
شذر: شوكت تروح بابا
بابا: بعد اسبوع
شذر : تمام لعد
سدينة الموضوع واني كلش مكيفة لان وأخيراً اقتنع أتعلم سياقة قبل هلمرة فتحت ويا موضوع جان كلش قافل بس هسة شوية اقتنع
كملت شغلي وصعدت لغرفتي لفيت راسي ونمت
ثاني يوم كعدت كلي نشاط وحيوية
نزلت نضفت البيت وي ماما وطبخت ورتبت كلشي
للعصر اتصلت علا امل تجي علية حتة اروح اسجل
بدلت وكملت ونزلت جوة انتضرتهة شوية واجت
صعدت وياهة وطلعنة
شذر: شلونج امول
امل: والله تعبانة حيل
شذر: سلامتج حبي
امل: اكو ناس مضوجيني
شذر: من. الناس ذول
امل: عزاز الكلب
شذر: بعدة جلبج زعلان
امل: والله لو تعرفين منو هذا الجلب الة تنجلطين
شذر: يا ستار منو هذا بلة معقولة اعرفة
امل: حق المعرفة
شذر: صار عندي فضول لج منو
أمل: كرار
شذر: لحضة لحضة يا كرار؟؟
امل: ههههه اي هو
شذر: اخوية؟؟؟؟؟
امل: تعرفين أحد غيرة بهلأ سم
شذر: لا ياغبرة يا طايحة الحض يا حقيرة لججج صدك تحجييين
امل: شبيييج يمعودة راح نندعم ليش تضربيييين
شذر: لج حيوانة غير تكليلي غير تحجين ولكم صارلكم شكد
امل: لج شحجي هي. ما ادري شلون صارت والله
شذر: احجيلي بالتفصيل
امل: خل نطبك بهذا الكوفي ونسولف
شذر: يلة
وكفت يم كوفي جان قريب علينة طبكت السيارة ونزلنة
كعدنة بالكوفي جان بي بس عائلة وحدة كعدنة بعيدين عنهم
والطاولة معزولة جانت
اول ما كعدنة ضربتهة راشدي
أمل: لج هاي ليش حقيرة
شذر: لان ذاك اليوم كلتلي علا اخوية جلب ابن جلب
حيوانة واني ساكتة ما اعرف تقصدمن
امل: يلة سوري سوري جنت شوي منفعلة منة
شذر: شو احجيلي بالتفصيل شلون تعرفتو
امل: اسمعي
من بداية الدوام اول ما اجيتي انتي وكرار اني جنت واكفة
بالباب مال الجامعة انتبهت علي. من نزلج وانتي دخلتي
بقيت شوية واكفة واباوع علية لفت نضري كلش
خية اخوج شكرلمة شسوي
شذر: هو انتي منو التشوفي تكولين شكرلمة
امل: لا اخوج بالدهن الحر
شذر: كملي كملي نشوف تاليتج شنو
امل: اي اسمعي هو بيومهة هم باوعلي وركز بعيوني كلش
خية نضرتة سحرت كلبي
شذر: سحرتج ام عباس كون وطيحت حضج فوك. ما هو طايح
امل: انجبي خل اكملج
المهم اني بس شفتة حرك السيارة وراح رحت دخلت ركض للقاعة وكعدت عاقلة جنت خايفة كلش
ما اعرف ليش
وانتي ألعوبة دخلتي قبلي وباقية تتصفنين منا ومنا
اني وصلت للقسم وانتي بعدج
شذر: دنحبي وكملي
امل: وراها انتي اجيتي وكعدتي يمي
شذر: اختصري اعرف هاي التفاصيل احجيلي شلون تعرفتي علية
أمل: اني اكلج بقينة شهرين علا هاي الحالة بس نضرات
بينة كل ميوصلج اشوفة هو يبتسملي واني ابتسملة
لحد ما الله سهل إمرة ورا شهرين يلة غمز
اني من الفرحة حسيت صخنت ودخلت اركض للقسم
شذر: الحمد لله علا نعمة العقل
امل: وراهة بكم يوم جنت دة امشي قريب علا الجامعة
شفتة كبالي اجة بصفي وضل يمشي وحاجاني
كرار: مرحبا
امل: مرحبا
كرار: شلونج
امل: زينة وانت
كرار: زين اني
اريد اتواصل وياج عادي؟
امل: اي عادي
كرار: انطيني رقمج
امل: تبادلنا. الأرقام وضليت احجي ويا يومية بالليل
جان ميعرف اني صديقتج لان مجنت اجي لبيتكم قبل
ومشايفنة سوة
بس اني اعرفة يصير اخوج بس جنت استحي اكلج
شذر: اي خطية المستحة ينكط منا ومنا
امل: اي والله
شذر: أو وجعة من الله كملي
امل: من درة بية انتي تصيرين صديقتي فرح حيل بس ما قبل انتي تعرفين بالموضوع
مشت الأمور طبيعية وضلينة يومية نتواصل ونتشاوف
مرات بالكوفي لو بالمنتزه
علاقتنة حلوة ومتفاهمين اني ويا كلش بس الموضوع اللي جان يضوجني اخوج جان حيل حساس ومن اي كلمة يتأثر يستنقص من نفسة أكثر شي علا موضوع الشهادة لان هو ممكمل
يكلي اخاف باجر عكبة تعيريني
شذر: شكتيلة انتي
امل: اكثر من مرة وضحتلة انو اني احبة والموضوع
ميهمني هو عاجبني بكلشي ومقتنعة بي قناعة كاملة
بس هو ميقتنع
لحد ما ذاك اليوم من طلعنة اتصلت بي قبل يوم جنة نسولف عادي كلشي مابينة فجئة كلب علية لان اتأخرت بالرد
انتي هاملتني ومتحبيني وحجيج كلة. جذب واني ما اناسبج ومن هلحجي عاد اني شسويت زعلت علي وحضرتة من كل البرامج
شذر: لعد شلون البارحة كال اريد أخطب امل؟
امل: ايي اليوم كلي
تدرين مراسلني من غير رقم اليوم
كاتبلي مع الأسف عليج اني جنت مخدوع بيج طلعتي تردين تتزوجين واني مجرد تسلية ومن هالخرط
كتلة شصاير سولفلي كال حاجيت اهلي حتة اجي اتقدملج وشذر كالت انتي تحبين واحد وتردين تتزوجينة
شذر: هههههه والله خطية طلعت اني اقصد علية وهو ميدري اني حجيت هيج لان كلت لبابا تحب واحد ردت اكحلهة عود كتلة تريد تتزوج بس خطية بدل ما اكحلهة عميت عيون كرار هههههه
امل: لج مليت منة كتلة ماكو هيج شي واني جنت قاصدتك انت يم البنات بس هنة ميعرفنك وهو قافل فد مرة خبلني
شذر: معليج عوفي دواه يمي
امل: شراح تسوين
شذر: بعدين تعرفين
شربت العصير اني وياهة وطلعنة رحنة للمعهد سجلت يمهم وكالو من باجر تبلشين تجين حتة نعلمج
وصلتني للبيت امل وخلت وراحت
مرت الايام طبيعية يومية اروح للمعهد مال التعليم
مر شهر أتقنت السياقة علا اصولهة بس بقيت يمهم
حتة استقوي اكثر
بابا راح للبصرة ورجع كال عرضت البيوت والعمارة يم صديقي عندة عقارات وهو رح يجيب شراية الهن بس
جان ضايج لان ابو هيثم من سامع بية اريد ابيعهن ضايج كلش وما قابل يكلة ماكو داعي تبيعهن يبقن هنا وهنا باسمهة
بس اني اصريت انو ينباعن
ورا فترة اجو شراية علا العمارة وانباعت وراها البيوت هم
انباعن رحت اني وبابا للبصرة بقينة فترة اسبوع بالفندق
مرحت لبيت أحد لان ماردت اشوفهم وأتذكر أيامي وياهم
جانت حصتي من الأملاك بيتين بالطويسة وعمارة بالعشار بأسمي والبقية تقسمن علا اخوانة
وراهة رجعنة لبغداد
مر أسبوع علا رجعتنة من البصرة وبهذي الفترة كضيناهة فرة اني وبابا وكرار ردت اشتري عقار
حصلت بيت بمنطقة كلش راقية
والبقية اخذت بيهن قطعة أرض مساحتهة ٣٠٠ جانت متوجهة كلش ومكانهة حلو
سلمتهة لمقاول كتلة ابنيهة ست شقق
ردت اخليهن للأيجار
خلصت العطلة مالت الجامعة وبقن عشر ايام علا الدوام
وكفت علا بابا وكفة وحدة الة اشتري سيارة قبل الدوام
وبالفعل رحنة للمعارض واول معرض دخلنالة صارت
كبالي سيارة صول صفرة ودواخلهة سودة احدث موديل
كلش عجبتني كبل قررت اشتريهة
اتفقنة وي ابو المعارض وخلال يومين اتسجلت السيارة بأسمي
جنت فرحانة كلش بيهة واول ما اشتريتهة طلعنة اني واهلي سفرة للجزيرة بيومهة حيل تونست
ورا هذي الفترة بدة دوامي اول يومين جنت غايبة لان ملتهية بهوسة السيارة
وراها داومت لان البنات سونهة مذبحة علية حركن التلفون حرك لان غبت يومين
دة امشي رايحة للقسم مالتي صار بوجهي ولد
انتبهت علية الاشكرنفسيتة
درت وجهي ردت اكمل طريقي رجع صار كبالي
شذر: توخر منا لو شلون؟
الاشكر: يابة علا كيفج الناس تكول سلام عليكم مرحبا شلونك مو وخر منا
شذر: وخر لا أصيح للحرس عليك يلة
الاشكر: دكتورة شذر ليش عصبية هلكد انتي؟
شذر: من وين تعرفني انت؟
الاشكر: اعرف كلشي يخصج من ساسج لراسج
شذر: شوف قسماً بذات الله اذا متعوفني بحالي اشتكي عليك
الاشكر: يمن تشتكين يمي هههههههه
شذر: ليش انت شنو واشتكي يمك ؟
الاشكر: وياج الضابط علي ..........
شذر: اي فتهمت ضابط علا روحك وخر مني
الاشكر: يابة شلزكتي بوخر مني اريد احجي وياج
شذر: انت مو مال عيني واغاتي خل اروح للإدارة أحسن
الاشكر: شذر بروح أكرم خلينة نحجي
شذر: من وين تعرف اكرم ؟؟؟
يتبع ..........................................
تصويتكم