نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
يا لذيــذي يا تعب چفي وربـات عيـوني
"""""""""
" ما قبل الأخير "
شــام :: واكفين بباب المطبخ اني وغزل نبجي عبالك امنا الراحت بعيد وبقينا وحدنا ولا تخيلت نفسي ابجي ، جنت أضحك من غــزل تگول الرويده ابجي وراج ، ما دري بروحي اني الراح ابجي هجــام طلع وراهم للشارع وبأيده دولكة ماي تهتز بأيده كد ما ترجف
رش الماي وراهم ودخل سد باب الكراج كعد على حيله غطه وجهه بالقميص وبجه بصوت مرد گـــلبي مرد يشهك ضام وجهه بالقميص ويبجي .
غسلت وجهي كومت غــزل تغسل ورحت الهجام كعدت يمه خليت ايدي على كتفه
- هجــام كافي مو زين على رويــده .
وهو ما مهتم اول مره ينهار بهالطريقة من حجالي حادث بنته مابجه هيج بحيث ماكادر يكتم صوت البحة ببجيه سحبت راسه الصدري وهو أنفجر
- يمه ، هجــام فدوه كافي. لا يصير بيهم شي مو زين البجي وراها والقران مو زين.
كام من يمي وهو دموعه على خده مشه بسرعة للبيت واني وراه دخل الغرفة رويــده وقفلها عليه جان اصعب يوم علينا بيتنا حسيناه بلا امان بلا دفو بارد وخالي من كل المشاعر .
حيــادر شوية واجه على غــزل حضنته ورجعت تبجي سكتها وراح الهجام حاجاه يريده يفتحله باب الغرفة وهجام ولا مهتم ولا فتح الباب .
حيــادر :: نروح غزوله .
شــام :: عفيه لا ابقوا هنا اليوم ، جا كلكم ترحون .
حجيته مقهوره. ابتسم اخذ ترف من ايدي كال
- هاي هي نبقى ويا تروفه حبيبتي عمو .
كعد على القنفة بصف غــزل يلاعب ترف وغزوله مدري شلون تباوعله تخوصرت وكالتله .
غــزل :: حيــادر خاف الطفل البطني ما يطلعن عيونه ملونات .
- ههههه الله كريم حبيبتي رزق شيجي نعمه .
- لا اني اريد عيونه نفس عيونك .
- واذا عيونه نفس عيــونج شلون نرجعه ؟
- ننطيه البيت هجــام ونسوي جديد .
شــام :: درت وجهي منحرجة ضلت تجفص وحيادر بس يتحمحم طلعت للمطبخ ، وهي قفلت وكل شوي وكالتله خلي اباوع بعيونك حتى يتلونن عيون الطفل لو تكله فتح حيل خلي اشوفهن زين وهو حاير وياها
اخذتله چاي لكيتها تصور بعيونه وفاتحه فلاش وهو فاتحهن حيل
شلعت كلب كلبه يله كملت خلت صورة عيونه خلفية التليفونه كالت
غــزل :: حتى كل عشر دقايق اشوفها .
وهو باوع لترف بوسها وكالها
— دشوفي الجمال هنا دشوفي لون العيون يابه هنا هنا وبس
غــزل :: شوف خاف طفلنا يطلعن عيونه لا عليك ولا عليَ نفس ترف عيونها لا يم شــام ولا يم هجــام .
حيــادر :: لا ترا ماخذه من عيون امها ، وبعدين عندي صور مصورتهن امي النا انا وهجام من جنا جهال عيون هجــام عسليات .
شــام :: صدك ؟ الله شو هسه جوزيات طوخ ؟
حيــادر :: من كبر تغيرن ، وهسه ترف بس تكبر يصيرن طوخ .
غــزل:: شو ما مراويني الصور .
حيــادر :: من نرجع لبيتنا اشوفلي صورة مستورة اراويها الج
غــزل :: شــام اصورهن وادزهن الج هههه.
حيــادر :: حبيبي ترا اطفال عمرنه سنه وانا وهجام بلا بجايم مصلخين شتراوين ؟
غــزل :: عزا عزا والله عيب عليكم .
حيــادر :: الله والله العظيم مشتاق للعيب عليك مالتج .
شــام :: دنكت اضحك اريد الصورة واستحي احجي كدام حيــادر بس ردت الزم غــزل وحدها حتى اخليها تدزها الي .
غــزل :: ليش ما لابسين بجايم .
حيــادر :: معليج حبيبي سوالف زلم هاي .
- هستوك كلت جهال ، اني ولا اصور ابني بلا بجامه حتى من يتزوج وزوجته تشوف الصور ما تضحك عليه.
حيــادر :: يعني انتِ تردين تشوفينهن حتى تضحكين عليَ؟
شــام ::ضحكت وغزل ضمت روحها بحضنه تضحك شوية ودخلوا للغرفة لان حيادر تعبان ، وهجام شكد ما حاولت وياه ما فتح الباب
رويــده :: درت عيوني لعيونه مبتسمه ضحك وهز راسه ها كتله
- تزوجنا .
- هههه شفتي شلون شكد ما ابتعدنا ورحنا ، رجعنا لان رب العالمين كاتب نصيبنا لبعض .
- بس لا تنسه انتَ ضاربني راشدي
-هههههه ولا تنسين انتِ رجعتيه الي اقوى
ضحكت درت وجهي اباوع للشارع ماخذه راحتي لان السيارة مضللة ما احس الا وكفونا المرور نزلوا هو وموسى يحجون وياهم ماكو ما قتنعوا غرموا. هم ماتوا قهر واني مدري شبيه لزمتني الضحكة .
رجع صعد يحجي بحركة ويستغفر حرك من يمهم دار وجهه عليَ لكاني مبتسمه زفر نفس وابتسم يسأل
- شبيج ؟
- ليش مضللها ؟
- حتى مرتي تاخذ راحتها من ازفها ما تختنك .
- ههههه بس غرموك .
- اي والله قهروني .
- الله يعوضك ههههه ، لا تنقهر .
دار عليَ رافع حاجبه ضحكت ما كدرت
- والله فد متشمته انتِ ماكو هيج .
متت ضحك الحد ما وصلنا للبيت موسى وصل قبلنا فتح باب الكراج يُســر دخل السيارة باوعت الافاطم هستوها تنزل وتنزل بالأغراض ، فتحت الباب وافتر يُســر يساعدني ضحكت واني اشوف الطريق الي لازم أمشي عليه ممدود ورد بس مبعثر باوعلي وكال
- والله جان مرتب بس هاي لأن تأخرنا صار هيج
عضيت شفتي وموسى يصور خليت ايدي بأيد يُســر الكبوس على راسي ونمشي على الورد دخلنا من باب المطبخ وكل الطريق ممدود ورد موسى صاح
موسى:: تصعدين تبدلين وتنزلين تنظفين مو عبالج انا اشتغلج .
يُســر :: صور صور واسكت .
موسى:: دمشوا عدل لعبتوا روحـــي .
يُســر :: افاطم ما تصورين انتِ ؟ هذا ذلانه ترا .
افاطم :: ما اعرف ، صدك امشوا عدل راح توكعون.
ضحك يُســر خجلان ويمسح بكصته دخلنا للصاله موسى قفل الكاميره كال .
- خلصت فلوسكم يله ولوا.
يُســر :: روح جيب عشا
موسى:: عرسان من سوك مريدي ، يدورون عشيات ديله رايح ، رويــده ارجع الكه البيت مكنوس وفلوس الورد بغرفتي مو بس خساير على راسي .
رويــده :: عود نرجعها ونوكفلك بعرسك .
باوع الافاطم متحسر وهي ترتب بالجنط وحده بصف الثانية اخذ السويج وطلع ، يُســر كال
- اخذي راحتج عمــري اصعدوا اذا تحبون ترتبين اغراضج ، انا راح اصلي بالاستقبال.
هزيت راسي موافقة عاف السترة على القنفة وطلع صعدت افاطم تسحل بالجنط واني لازمه البدلة باثنين ايدي صعدت وراها ضحكت اول ما فتحت الباب دارت وجها الي وكالت
- شوف يُســر وسوالفه ورد وكذا ، ينلام ويا هجــام من يكول عليه جذاب مو متدين .
- ههههه لا والله شبيكم وياه هسه شمسوي واذا مدلي الدرب ورد
- من هسه تدافعله ااخ كون احجي الهجام
فتنا نضحك ساعدتني بدلت وهي ترتب بالأغراض مسحت المكياج صليت ورجعت خليت خفيف
- كافي افاطم عوفي البقية باجر نرتبهم اني وياج تعالي ننزل .
اخذتها ونزلنا جوا هم لبست ابيض بس شي بسيط فتحت الاستقبال يُســر ماكو وموسى بعده ما جاي رجعت للصالة ، افاطم فاتت للحمام ،. طلع يُســر من غرفة امه عيونه حمر ورموشه بينن جان يبجي ، باوعلي وابتسم يسأل
- صليتي ؟
- اي .
- تقبل الله .
- منا ومنكم صالح الإعمال.
زفر نفس براحة مبتسم طلعت افاطم وبس بارعتلنا لزمتها الضحكة دنكت ساكته بين ما اجه موسى وهو يلغي وما عاجبه خله الاكل على الكاونتر واجه كعد بالصالة خله رجل على رجل كال
- كومي ست رودي صبيلنا يله ما اشتغل عندج انا .
- ما اصب اني عروس .
موسى:: يُســر كوم .
يُســر :: انا عريس هم ما اصب .
موسى:: تخزون ترا !! لعبتوا روحـــي .
رويــده:: ضربه يُســر يضحك كمت ورا افاطم رتبنا الآكل واجه يُســر اخذه للصالة كعدنا ناكل سوع وورا العشاء ا يُســر سوالنا چاي
رجعنا كعدنا بالصالة عفتهم ونسحبت للمطبخ خابرت شــام گـــلبي . يم هجــام وهي جنها مخبله اول ما جاوبت كالت .
شــام :: احجيلي احجيلي شصار ؟
- شصار ؟
- يعني كذا وكذا ؟
- شنو كذا وكذا .
- يعني هاي وهاي وهيج وهيج شبيج سولفيلي متحمسه ؟
- شــام
- ها احجي احجي اسمع ههههههه .
- طاحظج سخيفه .
- شدعوه عيني هسه شصار عليج عمي .
- هههههه اسكتي ، كليلي هجــام شلونه ؟ بالي يمه اكل شرب علاجه .
- ها هجــام ، اي اي اكل وشرب علاج .
- وينه احاجيه ؟
- مو شسمه راح طلع راح ويا زياد .
- ها ؟
- اي ، غــزل وحيادر كتلهم ابقوا يمنا حتى ما اضوج وقبلوا شوي ودخلوا للغرفة الثانية ينامون جا لو رايحين مو احسن .
- هههههه ، ترف شلونها.
- تكول كولي العمه شصار بالكذا وكذا .
- كليلها تكول عمتج امج طايحة حظ .
ضحكت سديت المكالمة منها رجعت للصالة جانت باديه لعبة سباق سيارات ، يُســر اعرفه من زمان يموت عليهن ، موسى يباوع اليسر بنظرة كلها شماته كاله
موسى:: ما تتابع ؟
دنك يُســر يمسح على ركبته كاله .
يُســر :: لا لا ما احب هذا الفريق .
- مو جنت تحبه .
- مو المتسابقين تغيروا بعد ما حبيته .
كعدت يم افاطم وهي تتصفح بتليفونها باوعت وياها مدري شسوي اصعد ابقى حسيت استحيت شوي ووصلتني رسالة من يُســر كاتب
- استأذني واصعدي حتى اجي وراج .
قريتها وباوعتله دنكت متوتره وهو يتحمحم ويباوع للشاشة ويا موسى افاطم شافت الرسالة وياي همست
- روحـــي رويــده اني راح اصعد انام بالترك .
- ليش مو هاي غرفة .
- ارتاح هناك احبه .
- خاف ترحين تبجين ؟
- هههههه لا والله ما ابجي اليوم وعد فرحانتلج مستحيل ابجي .
ابتسمت لزمت ايدها شكد متمنيه وجودها يمي دائمًا . كمت استأذنت وصعدت للغرفة ، گـــلبي يدك حيل ومتوتره ونوب المشهد من جنت طفلة وباسني ما جاي يروح من بالي خرب حظه لطش لطش بعيوني بهذا المكان جنت ميته عليه ، دخلت سبحت وطلعت بسرعة لبست اللبس الوصته غــزل. سبيتها حلفت مستور وهو طلع الفتحه مالته شكدها .
خليت مكياج وايدي ترجف نعلعله وينك هجــام تعال اخذني خفت ، تخيلي هجــام يجي ويشوفني لابسه هيج كدام يُســر شيقنعه لان زوجي وعادي كبل يشدهن ويجي امسحهن اله .
وكفت ازفر نفس بقوة واهمس الروحي ، ما اخرب هاليوم ، صار سنين بعيده عنه صار سنين حبه بكلبي ضامته خلي هسه ابينه كافي الضميته بكلبي هواي ، عدلت الفرشة شلت الورد منها شهالسوالف هاي ياهو علمك عليهن يُســر والله اعرفك فقير منيلك هاي الرومانسيات .
وكفت عدل من سمعت خطواته فتح ألباب ودخل باوعلي سد الباب فتح أيديه.
- رويــده اركضي الحضني مثل من جنتي طفلة .
- هههههه شبيك .
- شبيه ؟ تعالي .
- استحي .
ضحك بصوت واني وجهي نار ميته مستحه وحلكي تشنج كد ما مبتسمه .
- رويــده تستحي هاي جديدة ما سامع بيها قبل .
- اووو فد خجوله والله بس اضمه عود ما اخجل .
- أبقي ضامته عفيه ، تعالي .
- شنو ، استحي ترا اخابر هجــام .
- ارميه .
- اذا اخابره واكله تعال يوصلني لو جنازه ، شتعرفه .
نزل ايده واجه يمي يضحك .
- عمي بطلت لا تركضين الحضني .
سحبني من خصري عليه ايدي على صدره ورافعه راسي اباوع لوجهه رفعت ايدي عدلت شعره من كصته
- شكد جان بنفسي ارتب شعرك من يتخربط بالهواء.
- اوووف شكد محظوظ .
- اممم بس انتَ ما مقدر النعمه .
- ههههههه ذليتيني .
- اباوعلك وما تباوعلي جنت أتمنى عيونك يصيرن بعيوني .
- ما ادوس الحرام انا .
- وشبيه اني يُســر شبيه وحرام اذا باوعتلي .
- مو بيج الصوج ، بتفكيري ، اموت رويــده اذا باوعتلج ، عيوني ياكلن شفتج ، خدودج ياما وياما تمنيت اطكعهن من البوس كبل اتخيلج بحضني وهالشي حرام ، انا يمج ضعيف الأيمان ما عندي سيطرة على افكاري .
- هم ما الي ذنب انتَ متدين نص ردان، شكد اباوعلك ولا مره تمنيت هيج .
- اممم ولا مره ؟
ضحكت دنكت حضني أقوى وهو يكول
- احجي .
- شنو ترا مؤدبة اني .
- وانا شنو ساقط ؟
- ههههه لا بس قصدي تفكيري سليم مو نفس تفكيرك .
- ما مصدكج ، اعترفي ولا مره ، أقل شي ما تمنيتي احضنج .
- اي بالمراهقه .
- ها وبعد .
- ومن دخلت كلية
- وبعد .
- من تخرجت.
- اممم
- من جبرتني على العقد أصلًا وقتها حلمت نايمه بحضنك .
ضحك ورفعني من خصري ضم وجهه برگبتي حضنت ركبته وهو يبوسني ويهمس
- احبج رويــده احبج يا عشكي يا بعد روحـــي.
وصلني للچرباية عدل المخده جوه راسي ورفع وجهه يباوعلي
- رويــده .
- ها حبيبي.
غمض حيل
- اووف شلون اتحمل انا شوي شوي على گـــلبي .
عدل خصلات شعري تلمس خدي .
- شبيج صخنتي ؟
- لان خجلانه .
- ههههههههه ، ما تمشي عليَ هاي الدروب رويــده ما اعوفج لا تحاولين.
- ترا سألت وجاوبتك يمكن هاي دروبك ، خاف تريد تنام .
- هههههههه انا ، انام ؟
- اي يمكن .
هز راسه لا ايده على خدي ومن خدي لشفتي مسحها بابهامه .
- احقق كل أحلامي قبل لا انام .
- شنو احلامك ؟
باوع لعيني نظراتة اول مره اشوفهن شكد جريئات بس ابد ما خفت منه جنت اضحك وفرحانة بقربنا. ، نزل عيونه لشفايفي وتقرب بهدوء يبوسني تضاعفت دكات گـــلبي واختلطت مشاعري ، لمساته لگلبي قبل جسمي سند راسه على راسي جريت نفس بقوة همس
- هذا الاول .
رجع باس خدودي بقوة
- وهذا .
- ماشاءالله احلامك شكد كبيرة ومزهرة .
- اعجبج .
- هههه من زمان .
- اخ گـــلبي اخ اذا اكلتها يجي هجــام يلومني ولج شسوي بيج شسوي .
عصر وجهي بين ايديه وباس شفتي حيل ومن احجي وده يلطم ومن اتلمس ركبته لو اذنه يسلمها رأسًا يغمص واضحك ، تشاقينه وضحكنا وسولفنا كام طفى الاضوية ورجع للفراش سحبني الحضنه دك گـــلبي حيل
- رويــده خايفة ؟
حركت راسي لا وحضنته أقوى ، كانت جواب لكل تردداته خايف عليَ اكثر من روحه ،
لمساتة هادئة محتله لكل جسدي كلماته تتردد بمسامعي ، اختلفت مشاعري بين حب وأمان ولهفة ، مستسلمه لكل لمسة منه روحـــي بأيده ذبلانة ودكات گـــلبي عاليه اما هو كمت اسمع صوت نبض كلبه حضني الصدرة حيل بوس خدي
- رويــده رودي حبيبة روحـــي مرتي وحبيبتي الاولى والأخيرة .
خليت أيدي على گـــلبي بس اريد نبضاتة تستقر ، وهو حاير بيه كل شوي وكال شكو شبيج
- مابيه لان خجلانة .
- ههههههه بعد خلصت مرحلة الخجل .
- لا شنو راح ابقى سنة اخجل ، هسه احس مستحيه مدري شلون اباوع لوجهك .
غطه وجهه يضحك
- يله غطيت وجهي .
- لا تفتح بين ما يروح الخجل عفيه .
- يله خوش كليلي من يروح .
نزلت من الجرباية بهدوء عفته ودخلت للحمام بسرعة ، بالي يم افاطم هاي هسه تتعارك ويا موسى شوية واروح اطمئن عليها .
طلعت يُســر سابح جوا رفع الغطاء
- تعالي لا تبردين .
- خلي انشف شعري .
- اكلج انا راح انزل اسويلي كهوه راسي كلش يوجعني بلكي ارتاح اسويلج وياي ؟
- لا ما اريد .
كام من الفراش وكف وراي دنك باس رگبتي وشم شعري حيل
- شنو ؟
- شنو ؟
- ليش تبوس ؟
سويت نفسي احجي بجدية وهو رأسًا تغيرت ملامحه وراحت ابتسامته وكفت كدامه لميت ايدي الصدري وحجيت
- ليش تبوس ؟
- شبيج رويــده ؟
- شبيه ليش رجعت تبوس ؟
- شنو ليش غير زوجتي ؟
- اي اعرف زوجتك وبستني وتم زواجنه وهاي هي كلمن بجهه بعد .
- شنهاي .
- نذر هذا .
فك حلكه واني مدري شلون كادره الزم ضحكتي واحجي بجدية مسح كصته توتر
- شنو نذر شبيج رويــده .
- من واني صغيرة نذرت اذا صرنا البعض مره وحده تصير بينا علاقة بس بليلة زواجنا وبعد حتى ما تلمسني . رجاءً احترم نذري لا تلزمني بعد .
رفعت ايدي بوجهه. ورجعت ليورا خطوة وهو فاك عينه كلها ما يدري شيحجي
- شبيج شنو هاي وين اكو هيج نذر .
- بعد اني نذرت لازم تحترم قراري ونذري .
- رويــده لا تطلعيني من الإسلام شنو من نذر هذا منين جبتيه .
- هاي اني كلت عهدًا عليَ اذا تزوجت بيسر الشيخ بعد ليلة دوجنه ممنوع يلمسني .
- اي انتِ كايله يسر الشيخ انا مو شيخ هسه ، يعني نذرج مو صحيح وبعدين سالفة النذوره ما تمشي ترا ماكو هيج شي حبيبتي.
حجاها وتقدم يريد يلزمني رجعت ليورا اكثر احجي ووالضحكة كوه ضامتها .
- لا لا رجاءً لا تلزمني لا تبطل نذري .
وهو عصب ما يعرف شيحجي يفتر اعصاب ويرجع يباوعلي
- رويــده ماكو هيج نذر . قهرتيني بالقران جاي تدوسين على گـــلبي .
شهكت ورحت الحضنه بسرعة
- يمه اسم الله على گلبك اتشاقة والله ما ادري هيج تضوج .
حضني حيل
- ليش تسوين هيج تدرين شيصير بكلبي .
- والله توقعت ما تصدك كلت ما تعبر عليه آسفة.
وخرني من حضنه هز راسه لا
- ما احب كلمة اسفة لا تكولينها الي اعتذري ببوسة .
ضحكت ورفعت رجلي فرق الطول البيني وبينه قليل راسي يوصل الكتفة بست خدودة ثنينهم وبست شفته
- هاي ثلث اعتذارات ليكدام ههههه .
- كثري سوالف احب هيج اعتذارات .
ضحكت وهو نزل يسوي كهوه اله نشفت شعري ودك تليفوني صوت رسالة فتحتها من موسى كاتب
- كاعده ؟
- شكو افاطم بيها شي ؟
- لا يمعوده انا جاي اتنسى على جكارة وطلعت اريد اشتري كلها معزله وسويج الصخامات عند الشيخ يُســر فدوه بوكيلي جكارة ورثيها واشمريها من الشباك انا جوا بالحديقة
جريت الشال خليته على راسي وسحبت البرده فتحت الشباك اباوعله رفع ايده يضحك ويسويلي هلو .
- موسى عوف الجكاير شبيك .
- بداعتي بس وحده طكت براسي ما اكدر .
- هو شنو الطكت براسك شبيك مو تختنك .
- رويــده محروك حرك ما تفهميني نطيني جكارة يابه بس هي تفهمني ، ما اريد اروح لبعيد ادور جكاير يُســر يضل يحجي
- استغفر الله ربي ، بس وحده !!!
- اي اي وحده والله .
سديت التليفون فتحت الجرارات ادور جكاير يُســر لكيت باكيت وجداحة الباكيت بعده أصلًا ما مفتوح ، فتحته اخذت جكارة وعفته على الميز شعلت الجكارة وانفخ عليها حتى ما تنطفي جمرتها رفعت راسي بفزة على فتحة الباب دخل مبتسم ومن لمح الجكارة بأيدي راحت ابتسامته وفك عينه بصدمه صاح
- رويــده تدخنين ؟؟؟؟؟
واني بس اريد اكتم الرد بداخلي ماكدرت همست
- زياد علمني .
حجيتها وضحكت وهو عاف كوب الكهوه على الميز يباوعلي فاتح عينه بغضب وحيرة ضحكت وتقربت يمه
- اتشاقة حبيبي.
- ليش تحركين بكلبي .
- احب اشوفك غيران .
- لا تحبين فدوه اروحلج لا تحبين احس تچوين بگلبي من تسوين هيج ، شتسوي الجكارة بأيدج ؟
- ها حضرتها الك حتى اضم الباكيت ورا اسبوع ارجع انطيك وحده .
- لا مو هيج ما يصير كل يوم جكارتين الصبح وحده وبالليل وحده ها ؟
- لا عيني لا .
بقى يدك ناعم ضميت الباكيت بالي يم موسى راسلته
* موسى ماكدرت يُســر صعد وشافني. ، خلي ينام وابوگلك
- اهوو ابقى بالحديقة انا .
- افاطم وين ؟
- كالت انام بالترك وعفتها براحتها خاف الح وياها وتزعل مابيه حيل اصالح .
- يله بس ينام يُســر اشمرلك جكارة
- منتظرج خرب روحك يُســر .
تمددت وهو راح يغسل رجع تمدد وسحبني الحضنه يمسد على شعري ونسولف ، شوي وحسيت بيه نام فتحت أيده من خصري فز
- وين رايحه .
- للحمام نام عمــري .
وهو تعبان هز راسه تمام وهمس بثگل
- كعديني اذا ماكدرتي ترجعين تنامين .
- تمام نام .
كمت من يمه اخذت جكارة والجداحة وتليفوني لبست ونزلت جوا راسلت موسى
- ها نمت ؟
- ما انام اذا ما اشربها .
- نزلت اني وينك .
درت على فتحة باب المطبخ دخل مبتسم والتليفون بأيده
- هاك كتلت روحك عليها شبيك .
- اول تالي ابقى بدون جكاير .
- اني هم مصدومة .
- حكم القوي على الضعيف اخذتهن من ايدي افاطم .
- امممم .
دنك مبتسم
- ما تنام شعندك كاعد .
تحسر وحجة بجدية .
- عيوني ما تاخذ نوم من هي كاعده .
- افاطم ؟
- اممم ، بس لا تخافين ما صاعد يمها والله ما اضوجها كاعد على الدرج .
- دربك نفس درب اخوك .
- شنو .
- هيج .
هز ايده مستهزئ وطلع للحديقة كتبت رسالة الافاطم
- فطوم .
درت وجهي على صوت الرسالة يمي عايفه تليفونها بالصالة على الشحن سحبته من الشحن شيطلعني احاجيها .
بالغلط دست الاشعارت ولمحت رسالة من شــام كاتبتلها
- اني جذبت على رويــده خطيه ما ردتها تقلق .
كعدت على حيلي خايفه بس اريد الرمز ينفتح فتحته ورأسًا دخبت لمحادثة شــام إقرأ كاتبتلها
شــام :: بجة بجي يكسر الگلب ودخل غرفة رويــده لا اكل ولا شرب من العصر الهسه حاولت شكد وياه ، وحيادر حاجاه وغزل ولا فتح الباب حتى علاجة توسلت بيه ياخذه ما قبل كال روحـــي .
يمه گـــلبي عفت تليفون أفاطم واتصلت على شــام جاوبتني بخوف فازه من النوم
- شــام شبيه هجــام ؟
- يمه شبيه شكو ؟
- شبيه شنو ما يطلع من الغرفة .
- افاطم كالتلج ؟
- اني شفت رسالتج جاوبي والله گـــلبي يوجعني هجــام يبجي من وراي .
- عادي رويــده لان متعلق بيج لا تقلقين الصبح يتعود .
- اكل شرب علاج ؟ ، لا تجذبين شــام عفيه .
- والله رويــده متت كد ما حاولت ولا قبل ولا فتحلي الباب شسوي تعبـــت للوحدة اني احاول وياه ما فتحلي الباب . وهسه غافية بلا ما احس وترف مصخنة ملتهيه بيها ما كدرت ابقى الح على هجــام .
- وشلون شــام يبقى بلا اكل وعلاج شلون.
- لا لا معليج هسه انزل احاجيه ، لا تفكرين انتِ .
سدت التليفون واني گـــلبي صار نار تبجي عليَ يا روحـــي خلصت عمرك تمسح دموعي وهسه نزلن دموعك على فراگي .
مسحت دموعي بس اريد يوكفن ما اكدر اتخيله وكلبي ينطحن صعدت للغرفة كعدت على الكرسي ودموعي على خدي بلا صوت
شلون لا يوم ولا يومين هذا عمر راح نعيشة بعيدين .
- رويــده.
مسحت دموعي والتفتت اله وخر الغطاء منه ومف شغل الضوء يباوع لوجهي مصدوم وكف كدامي حاضن وجهي بين ايديه .
- شبيج عمــري شكو ؟
هزيت راسي ماكو شي شفتي ترجف .
- احجي فدوه ارح لعيونج احجي لا تچوين گـــلبي بدموعج احجي شنو البجاج .
- هجــام ، حابس روحه بغرفتي بلا اكل وعلاج وباجي هواي وراي .
شهكت مختنكه وابجي حضني الصدره يمسد على شعري
- اشش على هاي تبجين كومي بدلي هسه نروحله.
ابتعدت من صدره ما مصدكة
- بس الساعة ب 3::30
- وان يكُن ، كتلج من قبل شوكت ما ردتي اخذج لهجام وانا ورا كلمتي كومي بدلي حبيبتي .
- خلي اكول الافاطم .
- لا عوفيها اذا راحت خاف ما تقبل ترجع بعد وانتِ تردينها يمج كم يوم حتى ما تملين من نروح للدوام .
- خاف تزعل .
- لا ما اتوقع .
كمت بدلت وهو بدل النعاس بعيونه بس ما تردد ولا لحظة لزمني من ايدي ونزلنا اني لمحت موسى على الدرج وهو بس شافنه رأسًا ختل ورا الدرج على ما يُســر غل السيارة كتبت الموسى
- رايحه الهجام ، فدوه خل بالك على افاطم ولا تضوجها .
صعدت ويا يُســر وطلعنا البغداد
افاطم :: ولا كدرت انام تفكيري شلون راح أبقى ويا بيت هجــام ورويده ماكو خاف احس بروحي ثگيله عليهم وبصفتي منو باقيه وياهم ، ويرجع يتخللني شاور غريب بمجرد يخطر موسى على بالي
اباوع للشاشة متابعة فيلم معليه الصوت بس حتى يتشوش عقلي وما افكر ، بس بلا فايدة خلص الفيلم واني ما فاهمه اي شي منه ، تلفتت ادور تليفوني تذكرت عفته على الشحن ، نصيت الصوت وكمت اريد انزل اجيبه بس فتحت الباب التفت موسى ليفوك كاعد على بايات الدرج
- موسى .
وكف نكث أيديه.
- ها عيني .
- شعجب كاعد .
- ماجايني نوم .
- ليش كاعد هنا ؟
ايتسم ودنك رجع باوعلي
- صعديني يمج
- ما تروح للبيت ؟
- ميخالف اجي يمج ؟
سكتت ابتعدت من يم الباب وهو صعد سديت الباب كعد على القنفة وتغطى بغطاي
- عرفت شنو تتابعين وتابعته وياج على التليفون .
- هههه ولا فهمت شي منه .
- مو حلو لو كايلتلي انطيج أفلام تخبل .
- مو كلش احبهن بس هيج مرات اتابع .
كعدت بصفة وهو شغل غير فيلم سكتنا فترة وكال .
- افاطم تقريبن انا كل اسلوبي ضحك وشقة بس هالمره اريد احاجيج بجدية ما اريد اركع اضغط عليج ولا المسج غصب عنج مثل ما سويت ذاك اليوم حيل نقهرت بعدين وتندمت ،
شوفي انا حاس بيج شي تغير ناحيتي عيــونج صارن يشوفني بشكل مختلف ما اعرف شلون بس متأكد ، شهرين بس شهرين انطي العلاقتنا فرصة وراها اذا ما تقبلتي والله اطلكج واعوفج براحتج ماتشوفيني بعد ولا ازعجج .
- موسى اني والله ما افيدك والقرآن.
- معليج انتِ هسه متفقين ، خلينا قريبين البعض شهرين اذا ما حسيتي بمشاعر تجاهي والله وحك البگلبي الج اعوفج ما تلمحين وجهي بعد .
- شلون ما المح وجهك واني اجي لرويده وانتَ تجي الهجام .
دنكً متحسر رجع باوعلي حجة بحسرة
- أسافر ما ارجع بعد .
سكتت دك گـــلبي حيل
- ليش تسافر .
- لان من أبقى هنا ما اكدر امنع نفسي عنج أفضل حل أسافر.
موسى:: دارت وجها بزعل وغضب لمت شعرها لفته ليفوك حفظتها كل ما تتضايق تلم شعرها المفتوح
- افاطمي .
دارت باوعتلي عيونها نظرتهن مختلفة
- متفقين ؟ بس شهرين .
مسحت وجها وهزت راسها تمام رجعت تباوع للشاشة تمددت على القنفة رجلي ورا ظهرها باوعتلي ودارت
- تعالي أفاطم.
باوعت الايدي ساكته رفعت الغطاء وتمددت ظهرها بصدري غطيتها وياي لامها الحضني شيصير لو تحبني ربع حبي الها
العنوديه العصبية العاشكها
افاطم :: فتح شعري وخله اصابعه بين الخصلات يحجي على الفيلم ويشرح لان شايفة من قبل
- هاي جذابة ويا العصابة .
- عرفتها .
غمضت عيني من ضم وجهه بشعري من ورا يسحب نفس ويضغط اكثر بحضنه الي .
- موسى.
- همم .
- آسفه
- على شنو .
- تعبتك وراح اتعبك بس نفس النتيجة ، اني مة رافضتك اني رافضة الحب والزواج ، وباوع اذا هسه كتلك اي يله خلي نتزوج زواج حقيقي اكون كذابة وممكن السبب يكون حتى ما ابقى ببيت هجــام واحس بنفسي غريبة .
- اكثر شي احبه بيج صراحتج رغم مرات تجرح .
- ما اكذب اني.
-اعرف اعرف بيج ، زين افاطم واذا اطلب منج نتزوج يعني نعقد محكمة ونسوي عرس .
- اذا وافقت فـ لنفس السبب الذكرته قبل شوي ، وما راح اكذب واكلك احبك .
- افاطم احس عبالج انا كاتل روحـــي عليج بس علمود يجمعنا فراش وعلاقة .
- لا.
- شوفي لو هالشي ببالي مرتين تسلميني نفسج وبالمرتين ما الزمج انا ما رايدج حتى تكونين بأيدي جثة جسمج بايدي وروحج الله يعلم وين ، ردتج صديقة قبل كلشي وحبيبة وعود وراهن ردتج زوجة .
اختنكت صوتي راح همست
- اخاف اني .
- من شنو افاطم من شنو .
نزلن دموعي يحركن بخدي ويخنكن صوتي
- اي شخص احبه اخسره ياخذه الموت من عندي.
- كل شخص قدرة وساعته مكتوبات ، تفكيرج كلش غلط .
مسحت دموعي ما اريد يحس ولا يشوفهن سكت فترة غمضت عيني مد ايده سحب الريموت نصى التلفزيون رجع حضني القنفة صغيرة وثنينا عليها اخاف انگلب واوكع .
- اريد انام عدل موسى .
رجع ليورا أكثر سحبني من ايدي فوك صدرة
- تعالي .
خليت راسي هادئة ما ادري وين اريد اوصل واعرف الصبح شكد راح الوم نفسي واذم تصرفاتي ، بأثنين ايديه حضني ساكتين ثنينا غمضت عيوني هستوني اغفى وحسيت ايده على ركبتي
- شتسوي؟
- اريد اشوف السلسلة بعدها .
- ما انزعها .
- هههه خل أتأكد.
- موسى
- همم.
- دام متحملتك وساكته اسكت لا تخليني ارجع افاطم التعرفها .
ضحك لزم السلسلة بركبتي لفاها على اصبعة .
- لا تكطعها .
فلتها تحسر غمضت عيني حسيت بيه نام قبلي .
شــام :: عجزت ويا هجــام وخفت على رويــده الاعرفه البجي ورا المتزوجة مو زين ،
شاعة انام بالصالة ساعة انام بالغرفة ولا ارتاحيت نزلت لان حيــادر وغزل يطلعون للدوام من وكت لكيتهم كاعدين بالصالة يترييكون كال حيــادر .
حيــادر :: هجــام بعده بالغرفة .
- اي تعبـــت للاربعة اني احاجيه وماكو .
زفر نفس بحيرة ندم الجرس عكدت حاجبي
- منو جاينا من الصبح .
كام حيــادر فتح الباب طلعت وراه باوعت للكاميرا
- يااا عزا رويــده .
وهي دخلت بخطوات سريعة
- يمه شجابج .
وهي وجها تارسه الخوف رأسًا كالت
- هجــام وين ؟
دخبت للصارحة وغزل فزت وصاحت بصوت عالي
- رويــده.
وكامت بسرعة حضنتها وتبوس بيها عبالك صار سنة ما شايفينها نفتح باب الغرفة وهجام باوعلها وخرت غــزل منها وهو رمض حضنها الكلبه وشالها من الكاع وهي تبجي
نزلها ويبوس بوجها وايديها عيونه حمر ويهمس
- يا روحـــي رويــده يا روحـــي .
سلم يُســر وكاله
يُســر :: ما كدرت تنام من عرفت بيك ضايج .
- ما انطيها بعد
يُســر :: كول يا الله البارحة اخذتها .
هجــام :: اي كافي بعد سنه تعال اخذها يوم ورجعها.
يُســر :: لو مطبق هالشروط على حيــادر جان سكتت بس مال تتحيز الابن عمتك وتظلمني بقراراتك لا يابه ما تمشي يمي هالسالفة. .
حيــادر :: غزوله كومي نروح لدوامنا بابا الله يكفينا شر هيج قرارات .
شــام :: ضحكوا كلهم وهجام مخلي رويــده جوه كتفه رجعت الضحكة البيتنا ، حيــادر وغزل شوي وراحوا للدوام واني صحت الهجام
- روح جيب كاهي وكيمر .
- لرويده تاكله ؟
- لا حبيبي شنو تاكله شكد قديم منو بقى ياكل كيمر وكاهي لا لا تطورنا لازم تخليهم بسطل وتسبح بيهن هاي ورا التطور صارت هيج العادات .
ضحك ضربني بخفة على راسي اخذ فلوس وطلع. رجعت للصالة رويــده تلعب بترف وتبوس بيها ويسر خبه راسه على التجوة مال القنفة وغمض .
- والله مخبله شلون اجيتي .
- غير نفت گـــلبي من شفت رسالتج ويا افاطم متت ، ويشر خطيه فد لكاني ابجي كال بدلي هسه نروح .
- الوتي بس سمع صوتج طلع واني من امس طلعلي كرون احجي وماكو حتى ترف بجت ولا طلع من الغرفة .
ضحكت ودنكت تبوس بترف رجعت للمطبخ احضر لحد ما اجه هجــام وجايب الكاهي والكيمر والصمون صورهن ودزهن الحيادر ودزاله صوتيه كاله
- ناس تاكل بيض وخبز مجمد يحمولهم وناس تاكل صمون حار وكيمر وكاهي .
ضحكت
- والله فشله هو حيــادر شوكت متريك يمنا وخليناه يتريك خيز محمه .
- شبيج أصلًا هواي عليه وحتى يُســر هواي عليه لو بأيدي اوكل بس رويــده منهن .
- اها بس رويــده .
- ومرتي هم .
رجع حيــادر دزاله صوتيه كاله
- المهم من ايد زوجتي غزوله يصيرن عسل عسى ما خيز يابس دام من ايدها عندي اطيب من العسل ابوس أيدها اصيع اصبع وبعد تعرف شسوي بيها .
وهو خزر التليفون وحضر حيــادر كتمت صحكت خفت اضحك راح للصالة واني اباوع وراح تحمحم وراح كعد بين رويــده ويسر متت طلعت للكراج ضحكت ضحكت خلصت ضحكتي ورجعت للمطبخ صبيت الريوك واخذته الهم
وهو يسوي لفات لرويده سكت على غفلة وكالها
- افاطم وين .
باوعتلي رويــده ساكته بلعت ريكها باوعت ليشر كاله
يُســر :: نايمه ما ردنا نكعدها .
- وموسى ؟
رويــده :: راح للدوام هسه خابرنا واحنا بالطريق مايدري بينا طلعنا بس افاطم تعرف احم .
هجــام :: ها يله تريكوا
دنكوا ياكلون سكته ورا الريوك ناموا بالصاله يُســر على القنفة ورويده بالكاع على جهه لعبت ويا ترف الحد ما غفت .
راح هجــام تسوك وكعدنا اني وياه بالمطبخ وترف بالكريكوت بصفنا سوينا الغدا سوا هو خله جمرية بالكراج وشوة اليمج عليها وخاير غزوله كالها
- جيبي الچلب حيــادر وتعالوا تغدوا هنا .
ورا ربع ساعة خابرته غــزل كالتله يكول حيــادر ما اجي العزيمه لنسابته العزاز قابل الي .
شال الحضر من حيــادر وخابره يتعارك وياه ويغلط. بالنهايه ضحك. وسد التليفون اني ساعة اروح يمه ساعة ارجع للمطبخ
شوية وندك الجرس واحنا بالكراج راح فتح الباب دخبت افاطم العيون طاكه وبحركة تمشي وراها موسى باوعتلي مختنگة وترجف كالت
- وين رويــده .
- اسم الله شبيج . جوا نايمه .
دخلت للبيت بعصبية واني وراها من ركعت الباب فدوا ثنينهم شمرت شالها بالكاع بحركة ونزلن دموعها على خدها صوتها مختنك صاحت
- انتِ شلون تعوفيني وتجين .
كامت رويــده بخوف حضنتها وتهمس
- اسم الله اسم الله شبيج عمــري شبيج ها لان نايمه عفتج
رفعت وجها من حضنها يُســر يباوع الموسى بخزر
موسى:: شبيكم انتَ تخزر هذاك يخزر ، ترا من كتلها راحوا البغداد تخبلت من وحدها .
رويــده اخذت افاطم وفاتت للغرفة تهدي بيها فتت وراهن تحجي بقهر
- اني ليش رحت لهناك مو علمودج ها احجي رويــده مو علمودج ؟ شلون يصير تعوفيني وتجين لهنا شلون يله كليلي .
- مو والله مستعجله جنت اسفة والله كلش اعتذر منج اعوف تصرفي غلط .
حضنتها الكلبها الحد ما هدأت كامن وياي للمطبخ رجعت افاطم شالت ترف وتضحك وياها تغير مزاجها والولد طلعوا يم هجــام للحديقة وصوت ضحكهم واصللنا بين ما اجوا غــزل وحيادر الضحكة ترست بيتنا
ومن صبينا الغداء هجــام كعد بينهم وبين البنات وهم يضحكون خنك بس خطيه هو من صدك يضوج يريد يلزم نفسه الحظة اكثر من مره يحاول ما يتدخل ويقنع نفسه بس ما يكدر .
ورا الغدا غــزل وحيادر راحوا وللعصر يُســر كال الرويده يله ، افاطم قفلت بعد كالتلها ولا اروح وهجام هم ما قبل كالها ما تروح افاطم .
طلعوا من يمنا ورويده تحلف بهجام لا تنقهر لا تعذبني ابقى رايحه راجعه والطويق يتعب وفعلًا بس راحوا رجع هادئ كعد بالصالة يباوع الترف بايد افاطم كالها
- هذا بيتج أفاطم ، حالج حال اخواتج ، موسى تردينه تنزفين اله بعرس مثلج مثلهن ، ما تردينه يطلكج وتبقين هنا معززة مكرمة خوش ؟
وهي هزت راسها اي ساكته باوعلي تحسر
- راح اروح الزياد اليوم المشية مالته وما رحت وياه .
- مشيه ؟
- اي خطي هاي صاحبتج .
- عززا صدك شو ما ادري .
بدل وطلع واني ركضت خابرت زينب
- الو منو .
- شنو منو خير حاذفة رقمي زينب شنو بعدج ما تزوجتي
- يا شــام ولج والقران الكريم تليفوني نكسر والارقام كلها راحت وحساباتي كلهن راحن وحرت شلون اوصل الج كلت الزياد حاجي هجــام وجيبلي رقمها كال اطلبي اروح للقمر ولا اجيب طاري وحده من عائلة هجــام .
- والله ودي أزعل والقرآن اكول وين اختفت .
- افتحي كام اني اليوم خطوبتي ترا .
فتحت كاميرا وشفتها بفستان الخطوبة شكد فرحانة كالت بعدين احجيلج شصار سديت المكالمة منها ورجعت جوا على صوت ضحكت افاطم ضحكت اصيح
- هاي شمسويه بيها .
وهي منزعه ترف التشيرت وتخلي حمره وتبوس بيها بوجها بصدرها ببطنها كالت
- شفت صورة مسويه هيج عجبتني اسويها بترف واضمها .
- ديله بس انتِ تمسحين الحمره منها .
- اي اي شوفي بهذا الزيت وهم هاي عاديه بسرعة تروح .
هزيت راسي اي اضحك وهي ترست ترف بوسات وحمره نوب صورتها وسوتلها جلسة تصوير وكل شوي تفرها على جهة .
هجــام بالليل ل١١ يله رجع اجه يمنا للغرفة يباوع الترف بضياع ويتحسر يبوس بيها ويحاجيها
- مقصر وياج انا بابا مقصر حارمج من كلشي ، بس علمودج يا روحـــي .
اجه يمي حضني ويكلي كولي بوسني
- ما اكول لو تحبني تبوس من وحدك .
- مو انا مسلتت بساعة عصبية كولي هسه شخسرانة
- خو انتَ تنازل .
من شافني قافلة عافني وراح الا اشلع كلبه لان هو صاير يشلع الكلب من يجي يمي ويحس بروحه يضعف يبتعد كوه على روحه حيرني ومن اسأل يكلي مريض لو بعدين تعرفين .
افاطم :: شكد ابوك ترف من يم شــام احب وجودها يمي تخليني احب الحياة واضحك ضحكة حقيقية. بس اليوم ماخذتها شفت هجــام فات الغرفتهم ماكدرت اصعد
حجيت ويا رويــده وراها تابعت فلم مليت ما نعسانه رجعت لصور ترف ابتسمت خليت وحده منهن ستوري وتساب لاول مره . عفت التليفون احاول انام وصلت رسالة سحبته فتحتها من موسى تفاجأت جنت ضاربته بلوك هو رافع البلوك من رقمه كاتب
- هاي منو بايس ترف هيج ؟
- اني .
- شدعوه هلكد بايستها ؟
- علمود الصورة .
- افاطم ؟
- ها !
- ابوسج مثل ما بستي ترف اسويج هيج حمره بس بلا حمره .
قريت كلامه ولاول مره حسيت گـــلبي . نعصر بطريقة غريبه ووجهي صخن خليت أيدي على بطني مستغربة تأثير هالجملة عليَ
كوه رحت للحضر وحضرته عفت التليفون وغمضت كلامه يدك بكلبي وعقلي رسم مشاهد لكلامه بس ردت انساه شنو قريت ماكدرت على اعصابي يله كدرت انام .
شــام :: تعبـــت هجــام تحسن من كل النواحي الا من ناحية ملاك لا عاف الغرفة ولا صورها وولا تأثيرة بموتها وكفت كدامه
- اخذني الابوي اريد ازوره عفيه
وكف مستغرب حضن وجهي بين أيديه
- شبيج شومه .
- حلمت ببابا عفيه اخذني هجــام عفيه .
هز راسه موافق
- صار صار يله بدلي ، وترف وافاطم .؟
- ييقن هنا احنا ما نتأخر.
قبل وطلعنا للنجف بعد ما راسلت رويــده وحجيتلها بالبداية خافت بس يابه لشوكت أبقى خايفة شيريد يصير خلي يصير .
نزلنا بالمقبرة سألني
- تندلينه .
هزيت راسي اي گـــلبي يدك حيل فتحت التليفون وامشي على التثبيت أيدي بأيده مقتنع احنا رايحن الابوي لمحت اسم ملاك اختنكت وزادت دكات گـــلبي سحبته من ايده باتجاه قبرها وصلت يمه وهو داير وجهه يباوع لغير اتجاه عبالك يدورها فتحت صورتها نزلن دموعي جمالها يمر الگلب وكفت وهمست بخوف
- هجــام .
باوع لوجهي أشرت على القبر دار عليه بس لمحها شهك وفتح عينه بصدمة
يتبع 🦋