روح في بحر الظلام

الحلقة الثانية والاربعون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفا

__________________

رانيا

من شدة كرهي للحضات الانتضار، أود أن أقتصها وان كان ذلك يقصر عمري 

گاعدة على الكرسي والضابط حسام يحجي واني نضراتي الملهوفة شابحة للباب منتضرة شمعة عمري تضوي عيوني

:مووو ويياااج
فزيت من صفنتي ورديت : بلي سيدي
: اخوج ميعرف بوفاة واالدج
: ل ليش
: لمصلحتة يطلع وگولولة
: تمام

وي فتحت الباب وگفت على حيلي
دخل واحد ما اعرف شگال بالي مو يمة طلع ودخل زياد يعرج متألم

صاارت عيني بعينة
يازياد ياخوية، كنا اثنينا خايفين منهم بس هو قوس حواجبة بحزن وبچة
وي بچيتة صررخت بلهفة وركضت علي

كان بأيدة كلبشات رفع ادي للأعلى ودخلني بين ادي حااضني
حضضنتة بكل قوووتي
علااقتنة حييل قوية بس ولاا مرة حضنتة هييج

حاضنتة وابجي بفرح واشم بريحتة ريحة تعب وقهر ومرار
: زيياااد زييااد انششلع گلبي والله وييينك
:علكيفج عيووني  لچمتي جرروحي

ابتعجت فااززة
: اخووية ياااروحي ياا گلبي ويينك عني  زيياد ششوف ششصار بحاالي داا امووت بفرراگك روحي تتگطع والله

مشى حسام مدنگ بأتجاه زياد
هو انخطف لونة واني شهكت فازة بس فاجأنا سحب مفتاح مد ايدة سحب ايدين زياد فتح الكلبشات
طلع وهو يتكلم : اخذو راحتكم

اول ماطلع نزل زياد للأرض مهدود حيله يبچي يبوس ايدي
رانياااتي بعد رووحي هاالگد مششتاقلج يوولي صووتج وسواالفج برراسي ششلونج
:ماا لي لون والله داا امووت كلبي مفرفح عليك فرغت علية الدنيا زياد
: عبالي نسسيتوني گلت كرهوني لان اني السبب
: الله ينساني اذا انسساك والله لوو بيدي ارجعك طفل واشرد بيك ياروح اختك ياا دنيتي النهدت فوك راسي

: كافي كاافي لا تبجين هيج اضل بعقلي شلوونكم ماما شلوونه مشمشتي بابا
: كلهم زينين بس ميتين على شوفتك
: ماما تحسنت بابا كلياته زينات

بجيت وحجيت : اي اي زينين بس يردوك
: يگولون اذا اطلع انقتل بطلو يأذوني حتى اعمال ما اطلع هلايام زينين ماا اعرف شديصير

: ان شاء الله كل خير.. خايف انت زياد اشو ضعفان
: لا يخسون اخاف غير خبلتهم خبال اخووج انا لا تخافين علية بس گلبي واجعني على شوفتك

المس بوجهة شعرة الهسة طالع وجهة مليان ندوب عميقة عينة الذهبية المطفية  محمرة ولونهة خربان   نزلت عيني ل ادي شفت اضافرة ضليت ابچي بجنوون
دنگت ابوسهم 
احتار شلون يهديني
: راانيا كاافي لج رااح يخلص الوقت خل اششوفج خررب يومج كاافي تعووين
رفعت راسي بهت بووجهي

: خررب هااي شنوو ششبيج
مديت ايدي ل انفي اتلوثت بالدم

رااد يصيح علييهم لززمتة
: لااا لاا فدوة يطلعوووني منك لاا تصيح ماابية شي ماابية

نزع الفانيلة حطهة على وجهي

حجيت بشهكاات خاافتة : زززيااد ههاي ششنو ششالعين من لحمك هااي ليش زنوودك هييج عززاا العززاني ياا الله ششنوو هاااي

ابااوع للزنوود مشلوع منهة لحم الضهر متملخ  بطنة بيهة خييااطاات
ضليت مووسعة عييوني وابااوع
: زيياد ششلون امششي خل نششرد ماابيدك كلبششات اممشي بعد محد يضربك
تكلم مبتسم بحزن ودموع : محد يضربني والله هااي قديماات
:ششهاب السبب ششهاب السسبب هوو گالي بس مااعندي دليل يكذبووني

: اصلا من قبل لا يلزموني كنت حاس هو السبب بس وداعة عييونج ودااعة قهر امي بسس اطلع ياا شهاب حاالف اذبحة ذبح
الا اطلع ثار كل لحضة عششناها  لا تخافين فترة وتكضي وهاي الجروح تطيب

: شلون راح انسسى عبالي يبرد گلبي من اشوفك
: صيري سباعية لا تصيرين فااهية رانيا لحد يحس انكسرناا
عشنا بفقر بس محد داسلنا طررف اشتغلي بعقل

: فدوة شهالسوالف الحلوة صااير معدل
: ههههههه اگلج
:هاا... خجل عرفتة يريد يسأل عن منى
:ماكو خبر عن منى شلونهة مرتاحة
: ماا اعرف بس صايرة مشاكل، احمد رجع من السويد وصوب شهاب ابابنة بس ذاكيا عرج ميطكة

: اخوج راح يطكة، والله محتار شلون اعذبة

: زيياد ززعلان مني لان اني السبب انيي الورطتك بسببي حتى الحادث السگط رجلك اني سسببه  اني السبب بكلشي
لازم رأسي من روا ويمسح بالدم بالتيشيرت  خازرني

: دييري باالج تفكرين ههيج كلهم مذنبين الا انتي اذا بيوم عدتي هذا الكلام ازعل

: اخيتي انتي والله اثق بيج اكثر من رووحي دريد وشهاب بس خل اطلع اخذ ثارج من فصوص عيونهم

ضلينا گاعدين نسولف
مايخليني ابچي جروحي تعتبر صفر يم اللي عاشة زياد اتمنى يسولفلي بس كسر الشكوى بضحكات امل يطمني بيهة
لبس التشيرت كلة بقع دم
: لعبت نفسك
تنهد بحزن: شصاير بيج انتي ليش هيج مسلولة سل
: هذا فراكك زياد

: بس انا ما ارضى رانيا لاتشغلون بالي عليكم ديري بالج على نفسج وعلى مشمش وعلى ماما ترة اذا لكيت بيكم شي احاسبج

: لا لا هاي هية هسة بعد اكل

اباوع بعيونة اريد اكولة على قيصر وشهاب وسالفة الزواج واسكت
حتى هو لاحظ
: كولي رانيا عندج حجي سولفي
:لا مااكو شي

دخل حسام وياه شرطة اثنين
بسرعة سحبت رأس زياد لكتفي اريد اضمه بروح
حاوطني بأدي ضليت ابجي بصوت عالي من كل گلبي

:رانيا لا تسسوين هيج فدوة كافي والله فترة وتخلص

: لاا زياد گلبي يووجعني ماا اگدر فدوة خلوو يروح وياي احناا نحمي

حسام: ميصير قانونا هو مجرم ما تبرأ لازم جماعتة ميحسون ان سالفتهم مكشوفة ، وحفاضا على حياته لازم يبقى هالفترة

يلا ياابة أخذو

سحبوو مني فز كلبي وطفرت تمسكت برجلي
: لااا لااا فدوة خلوو شوية بعد بس شووية
خزرني وصاح ووخرري راانيا واشر بعينة لوراي

التفتت حسام يقترب يريد يسحبني، ميريدة يلزمني
اخذوو طلعو وعينة بعيني نزل رأسة وي نزلة دمعتة رووحي تملخت

گمت بسرعة انهزم اكره هذا الشخص ما اگدر ابقا وياه بمكان واحد

بس طلعت من الغرفة حجيت بدون وعي من نص شهگاتي
: الله يوزع قهرنا بگلوبكم بحق محمد

: شنوو شگلتي?
: ماا گلت شي عفية طلعني وينة عمو

:برا قوندرتج امشي وانتي ساكتة نفس ما اسمع

امشي واتلفت للوراء بالممرات عسى ولعل ان المحة او يرجعو اللي لكن عبثا، انتهى الطريق وصلت لشهاب حاجيتة بعتب ودموع

: لييش هييج سوويت لييش حطيت عقلك ويااه طفل ياريتك مخسسرنا يااريتك كااسر ايدة ومااخذ ثارك يااريت حارك بيتنا لييش هدمتناا لييش

خززرني وتكلم وهو گاز اسنانه وعيونه تتلفت بالمكان
:اشششش ولاا نفسس امشي للسيارة بسرعة

رحت امشي اجر بذيالي ثوبي خيبة وغدر وحقد وخوف
صعدت بالسيارة روحي مسلووبة  حالي حال
عفت روحي يمه وطلعت

وصلت للبيت لگيت مشمش منتضرتنا بالباب بس وصلت تقدمت سندتني
صاح بيهة شهاب
: مشمش عمي اززينج گرعة بعد مااعندي حل
: شبيك عمو شسمسويتلك وين ماشفتني تررزلني
:ولج منعوولة الووالديين موو بطوولي رااح تصيرين وتفترين بتراكج بالشارع اللي بيج يوم اگرم رجليج
عافتني ودخلت للبيت ترجف من الغضب

: مااات ياا الله ماات بگبرة وماا خلص من شرركم ليشش تسبه لباابا موو حرام علييك ماا تخاف من الله

هجم عليهة يريد يضربهة لان كانت بالطرمة وتصيح بكل صووتة سبقتة بيبي

: ولك يمة لااء جاهل ششهاب اغضب علييك ليووم الديين كون اطكهة وخي بسسدي

: بر...... زلة اللساان مااتنطي مجاال لساانهة يصلي صلي  

تقدمت اخذتهة ندخل لجوة تكلمت واني امشي
: يعني تسبون ابوهة شتردوهة تسوي تصفگلكم

: ولج ررااانييياا، علي صووتج من تحجيين

ادري بي سمعني بس مالي حيل مرادد واصلا مايفيد بي دخلت لماما وكانت عينهة على الباب
بس شاافتني بجت وسألت

: هااه ششلونة اخووج شلوونه زيين هم زعلاان عليية هم سأل عني
شمرت العباية وتمددت حطيت راسي بحضنهة وابچي

: زيين ماما مابي شي بس مششتاقلج
: هم طاگينة مثلج معورينة هوواي
: لا لا زين حتى حليان
. احجي وابجي گلبي متفتت من القهر

: لعد ليش تبچين تجذبين علية رانيا؟ شو باوعيلي

: لا ماما شكو اكذب بس ابجي ردتة يجي وياي بس ميصير يگولون هناك احسن

: الشهر الجاي اني اروح حتى لو على الكرسي اروحلة اشوفة
:تمام بس اهدي ليصيرلج شي هوايه وصاني عليج خايف عليج

:عمممت عيييني عليك زيياد ييمة سسوودة بوجهي
ضلت تنحب بقوة
تريد تلطم تريد تصرخ ماا تگدر  طوولت بالساعتين  ماترضى تسكت
مشمش حاضنتهة وتبجي

الشوق كان نار وحارقتنا بالتسلسل

: مااماا فدووة والله يزعل عليج گال اطلع ما اريد بيكم شي خطية فدوة، تروحين تنتكس حالتج بلازيد

صاح شهاب
: مووتنهة كلشش مووتنهة واررتااحن
مدت ايدهة طلبت علاگة العلاج، اخذت حبوب وتمددت
بس طلع شهاب نزلت سرى من السطح عرگانة ودمعته بعينهة
بقينة بلا غدا كلياتنا

اني هم سبحت ونمت، مو نوم صراع مع النفس كوابيس  ودموع افز من نومي الگا مخدتي  مبلولة بدموعي بدون ما احس

تغيرت نفسية مشمش صرت احسهة دائما متوترة ومالها خلك
وبلسانهة كلام وما تگدر تگولة، احسهة تريد تشكي من بدا الدوام وهي كثرانة صفناتهة 
جانت تدرس عاقدة حواجبهة بغضب، واني صافنة عليهة
فجأة شمرت الكتاب وصاحت

: بالله هسة اني شستفاد من المصخمة رانيا اريد ابطل
: شبيج شصاير، هسة شفتهمتي انطي لنفسج مجال

: صعبة رانيا باعي الدروس
سرى: صعبتيش ترة الاول سهل اني ادرسج الصعب
:مو هاي اني بعد ما احب المدرسة خصوصا هاي لو تنقلوني لو تبطلوني

گلبي نغزني سألتها بأستفسار : شصاير مشمش احد محاجيج
: مااكو شي رانيا شبيج، هسة بتليت گلت ابطل

سكتت عنهة

بعد يومين من تهجم اهل سرى علينة اندكت الباب بقوة طلعت مشمش ورجعت تركض

: اختلي بسسرعة سرى هذا عموو شهاب
مسكينة راحت خايفة وجهة اصفر صعدت فووك

دخلت لغرفة ماما وبيبي بقت على نومتهة هاذ الدگ كلة وهي تشخر

راحت مشمش فتحتهة ودخل يرعد عليينة
: رااااااانييا

طلعتلة اتضاهر بالقوة بس اني اسناني اصطكن من الخوف
باوعلي خاازرني وركض للسطح
ركضت مشمش وراه تلطم على خدودهة وتحرك شفايفهة بدون صوت

: يبوووو.. يبووو يبوو

اني گعدت ماگدرت اضل واكفة حتى الارض حسيتهة راح تبلعني

شوية ونزل وكف يمي
: شنهي السسالفة ياهم الزلم طابين للبيت وليش اناا ماا ادري
ضليت ساكتة رجع صاح بووجه بيبي
: ماااتحجين ييمة زلميييش طاابين للبيت

بيبي: خيب يمة انااا ادري هيج نااس يدورون على بتهم ضايعة وعبالهم عدنا
: بتييش منيين اناا ذاك اليوم شفت فرخة هناا وماا ارتاحيت للسالفة

مشمش: لاا عموو هاي بنت صديقة ماما يتيمة موو هي تريد ارروح اصيحها
يلاا رايحا
كملت كلامهة وهي تمشي

سحلهة من ملاابسهة
: تعااااي انتي تعاااي بس ترردين تطلعيين طبي جووة

: اووووي شكيت الفاانيلة لعد غير انت گلت
: طططبي جوووة
عمي راانيا منين الزلم تعرفينهم

: شعرفني بيهم هو اني بس شفتهم طار گلبي من الرعب
: خل اروح اششوف كاميرات الناس  يگولون لاگطتهم

بس طلع ركضت مشمش سدت الباب واره وصعدنا

ندور على سرى ماكو
لحد ما فتحت غطاء خزان المي
: طلعووني عفية المي حاار حرركني جروحي أذتني

تحجي وتشهك
طلعناها تبجي واحنا نبچي على حالها
: تعاالي لاا تخاافين نزلي مناا على ضهري
: لا لا متگدرين

تعاونا اني ومشمش ونزلناها
دخلت للحمام علاساس اسبح وهي يمي
سبحت بمي بارد ومعقم وغيرت لبسها وهي تبجي

: شبيج سرى ليش تبجين اذا راح بعد ندخل هنا لا تبجين كافي مردتي كلبي

: مقهورة حيل، هاي عيشة بلا كلضيتها ختلات لا اهل لا بيت لا دنيا مليت من الغربة من ماتت امي لليوم واني ماعرفت الامان شلونه
: طاح حضج لعد احنا شنو مو اهلج، ترة شهاب الغريب مو انتي

: گلبي يوجعني رانيا هوواية خايفة اني
: مادام انتي يمي شيصير خل يصير

رجع شهاب گال هسة ماخذ الفيديو ورايح للمركز..

بعد مدة من الزمن
فززني كابوس مرعب
كنت اشوف زياد التقى ب بابا وكان بابا فرحان بي ويسلم ويتوسل بي ياخذة وياه
بابا بالحلم كان مثل المسافر، فزيت ابچي لان بالحلم زياج گلي
: رانيا عوفيني خليني اشوف دربي بلكي هناك احسن

طلعت مفزوعة من ابجي مختنكة اقنع نفسي انها مجرد اضغاث احلام
فتحت باب الصالة وسمعت صوت ورا البردة مالت باب البراني
شوية انرفعت البردة سرى
ركضت علية

: شبييچ رانيا
: مااكو شي، بس انطيني فدوة بلعومي ناشف
ركضت جابت مي حسيت اكو شخص ثاني ورا البردة
اجت تركض سألتها
: مرتضى
هزت راسها ودنكت منحرجة
:سرى اخاف شهاب يراقب البيت شدسوين
: راح انبهة وربي اخر مرة، وهو اصلا اجا عكس الكاميرة مالت ابو عبد
هزيت راسي ودخلت، اعرفها مجبورة على هالتصرف

---------------------

سرى

رجعتلة بس لمحني سحبني لحضنة
: حبيبي شبيك
:سببتلج احراج
: لااا بس خفف شبيك خنگتني
: اسكتي شويه اروحلج فدوة
كان يشدد بالحضنة ويخفف يشمني يتنفس بشعري بعمق
اضطربت نبضات قلبي وتحجرت الدموع بعيني وصارت تحرقني بسبب الخوف
الوضع ابد ماكان طبيعي
هذه كانت احضان وداع مو احضان شوق

دفعته مني وتكلمت باكية
:مرتضى شبيك فدوة
:نتفاهم؟  فدوة لا تصعبيها والله محتار شلون افتح الموضوع

: لك احجي شبيك وگفت گلبي

: امي على هاوية الجنون سرى، راح تتخبل، وتدعي علية وعليج ليل ونهار 

:أيي

:انتي ماتدرين شگد احبج سرى ولا حتى خيالج يگدر يوصف حبي والله

وخرت من حضنة وطنين اذني صرت احس  صوته مضاعف

: اححجي وعووف المقدماات مووتتتني

: سرى ننفصل بس هالفترة بس گدامه بس علما اروح للهند وأرجع والله ارجعج لذمتي ولو اعرف اسلب وانهب، احطج ابيت وحدج بعيد عن كل الدنييا

: لاااااا لا فدووة لااا، اخاف والله اخااف، رووح اتززوج سسوي اللي يعجبك بس خليني على اسسمك اخااف اخااف من الدنيا بدوون اسمك، مابقى منكم غير اسسمي على اسمك

صار يشهك ويبجي بصوت
حطيت ايدي على شفايفة بقوة امنع الصوت
واحجي بصوت خافت
: لاا مرتضى أني اماانة يمك لاا تضيعني اخااف ماا اقبل لتعووفني

: امي سرى هاي امي ومحمد دتتخبل خايف عليهة ترريد تنتحر اذا سوتهة ماا اسامح نفسسي دخيلج لا تأذين گلبي بعتابج كلهة فترة والله

: نطلق كذب لعد
: حلفتلهة بالقران راح اطلقج

ضحكت مخذولة ضحكة قهر  وحزن

: هههههه متفق وبايعني ومخلص انت

: لاا تحجيين هييج ابيع رووحي وما ابيعج

مسحت دمعتي الملم المتبقي من كرامتي اللي حسيت اني هدرتها بالتوسل بي، طلع الموضوع محسوم مسبقا

وگفت على حيلي وتكلمت بصعوبة

: شوكت متريد اني جاهزة

سحبني حاضني بكل قوتة يحجي وصوتة مليان خجل وقهر
: هسة سرى هسة، بالنهار ما أگدر ميصير احد يعرف انتي هنا

ماگدرت اعين روحي ورجلية ماشالني وگعت بلارض وحاول يسندني ما گدر

گعدنا بلارض هو يبچي واني اصارع نفسي حتى ما ابچي

طلب بصوت مهموم متوسل
: سرى البسي شال ثواني وراجعلج

گمت على حيلي، اصحاب اشد المواقف مرارة وعزيزين النفس هم اكثر من يحس بشعور هاللحضة
كنت احبس صوت البكاء ويغافلني ويطلع شهگات خانقة
اريد احافظ على ملامحي من تعابير البكاء حتى ما اخوف رانيا وما استطيع
دخلت لرانيا بوجه باكي مبتسم قمة الالم والخوف
مثل وكأن لما يغادرني  اسم مرتضى راح اتعرى من ثوب القوة
راح اواجه الدنيا وحدي تماما
گمزت من مكانهة تحجي همس لان الكل نايم

: شبيج شصار شسوالج احجي والله اطيح حضة

حجيت مبتسمة بقهر احاول اضبط نبرة صوتي الفاضحة حزني ووجعي

: يريد يطلقني

: ياا نذل لييش ليش هيج ششبي هذا

: امة جابرتة رانيا
: ياكل......

: اششش انطيني شال

وسعت عيونه وحجت مصدومة

: هسسسسة بهالليل
هزيت راسي : يلا گومي وياي جايب واحد وياه يطلقنا

طلعت برا البيت وبس ايدي بالبيت ورانيا بالباب  لازمة ايدي لگلبهة وتبچي
نزل من سيارته اثنين اعرفهم اولاد خوالة ورجال اخر  تمركزت عيني بعيون مرتضى رغم الظلام

صار كلام بينهم  انتهى بصوت مرتضى

: سرى انتي طالق، طالق..
شهكت، مدلي ايدة لزم ايدي
حجا وياه واحد منهم

: تحرمت عليك يابه

ماحسيت الا خالة ام مرتضى من سيارتة تلعلع بكل صوتة

: هذي اولهااا، وبعد مااا شفتي شي، مسسسلمتكم بيد الله
جرتني ررانيا وانسحبت اصابعي من يدين  مرتضى دخلت للبيت
گعدت ورا الباب ورانيا حضنتني ترررجف بكل قوتهة حضنتها واشهك مصدومة بدون دمووع

: كلشي انتهى بعد ماكو مرتضى كلشي انتهى بعد ماعندي اهل ولا زوج ولا ام

رانيا : ءااا ءاا ءاني ءاني اني موجوودة اني

بعز وجعي خفت عليها رجفتها مو طبيعية خفت يرتفع ضغطها گومتها وحدة ساندة الثانية لفراشنا

رانيا غفت بسبب وجع رأسها، واني بقيت بمعاناتي مع الطنين، مرتضى بالمرة الاولى اشترالي علاج بس خلص كنت اخذه حتى بغير مواعيده

أذن المؤذن نهضت بلهفة باكية، كنت رايحة اشتكي لربي من الدنيا كلها تيتمت وشبعت كفخات  امي ماتت، وابوي ضاعت اخبارة اختفى مثل كأنه لم يكن ما اعرفه حي ولا ميت، واستلمتني الناس منين ما اطكهة عوجة

رحت امشي مشية شاكية مخذولة
حطيت المصلاية صليت الصبح، اخر سجدة طولت حيل طولت مانزلت دموعي وماحجيت كل الكلام اللي اجيت بي ضاع مني
تعبت من وضع السجود  رفعت رأسي سلمت بعد ما انتهيت مديت ايدي لطرف السجادة اسحبهة حتى اطبگها عصرت الطرف حيل وانحنيت باااكية

: ياارب من گد تعبي ضاع مني الكلام، اللهم اني فوضت امري اليك وتوكلت عليك ليس لي غيرك، اللهم نضرة لعبدك اللذي انهكته الهموم، اللهم لا تحملنا مالا طاقة لنا به، يارب انت احن عليه من قلب امي انضر لحالي يا الله، رب اني مسني الضر وانت ارحم الراحمين

ضليت ابحي بعد فترة سمعت صوت وراي التفتت وابتسمت
: مشمشة شمگعدج
حجت بصوت ناعس وعيونهة مدمعة : ليش تبجين احد مضوجج هنا بيبي مسمعتج حجاية

: لا يروحي ليش هيج تحجين
: لعد لويش هالگد زعلانة
: انتي شمگعدج
:عندي مراجعة اريد اقرا شوية
اثنينا التفتنا لصوت طرق الباب الخفيف
قادني قلبي واني بمحرم الصلاة
كان مرتضى شفتة من خلال الثقب وكان وقت مطلع الضوء، ملامحة واضحة وعيونة دم تكلم  وعينة على الباب

:بعدني ع الوعد للموت ع الوعد هاي مرحلة وراح تعدي مثل هواي قبلهة، ونور محمد شگد ما انتي متأذية انا متأذي اضعاف
شهگ وگال كاره روحي والله كاره روحي اتمنى اموت واخلص

: روح مرتضى ليجي خالهم وتفضحني يشمروني بالشارع خلي العالم ساترتني

: اااااه الله ياخذ مررتضى موو رجال اني ماا عرفت احمييج

دنگ حط علاگة
: هاي مصرفج وعلاجج  وموبايلج بس علما اروح وارجع ديري بالج على روحي 

: ما محتاجة شي اخذهم وروح بسرعة اني ماعدت مرتك يعني مو مجبور تصرف علية

: اشوف بخير ياروح روحي

مشمش: شنو مو مرتك شبيك
ابتسمت بدموع : طلگني خل يولي
: عززززاااا

عفتهة ودخلت شوية ودخلت وراي هاج هاي العلاگة كانت برة خاف تنباگ هو راح بعد شكو باقية برة

اخذتهة كان بيهة فلوس مبلغ مو قليل ماحسبتة بس واضح  وموبايلي والعلاج ورسالة

حضنتهن بقوة
حاولت انام ماگدرت لحد ما اخذت من العلاج
بي مهدأ  مؤقت لصوت الطنين ماينتهي كليا لكن يخف.. وبي نسبة منوم اخذته ونمت

________________________

رانيا

استيقظت  قبلهم مشمش كانت مموجودة صليت  جهزت اكل لسرى اللي كانت تمر بذروة الحزن

وخرت الغطاء منهة كانت نايمة وعلى وجهة اثر الدموع  ماگعدته تكيت ضهري على الحايط رافعة راسي صافنة على المروحة تفتر ببطئ لان التكييف شغال

ضليت مركزة وياها واحاول اعد مرات الاستدارة واني صافنة اتذكر جروح زياد وطلب شهاب الغريب وحالة سرى  ماحسيت الا واني عااضة ايدي بقوة من شدة التوتر

بعدت ايدي وتعوذت من الشيطان، غالقة اذاني وعيوني الى ان هدأت
شوية وسمعت شهكاتهة رفعت الغطاء من راسها زاد نحيبها
گعدت ماما مستغربة سألتنا سولفنالها
باوعتلها مبتسمة
: يمة ترة الولد يحبج هسة انا بعيدة وغريبة عنة وادري بي يحبج بس مو كل اللي يحبون يصيرون لبعض كلمن ياخذ قسمته، كونه من نصيبج لو الدنيا كلها توكف بوجهج يصير الج وكون لاء بعد بيه صالح وانتي بعدج بعز شبابج والعمر گدامج
انطي روحج مجال، وكافي بجي شوهتي ملامحج شيصير خل يصير
بس انا لو بمكانه اسوي مثلة ترة هاي أم وغضبهة يعني غضب رب العالمين
: خالة ادري والله بس گلبي مايصبر كلش احبه
: يعالج اخيتة ويرجع وان شاء الله خير، هسة انتي بدون لا فهم ولا علم ونصبتي العزا

: يعني يرجعلي خالة

: يرجع خالة شعلي قابل، واليرجع هلا بي والمايرجع الله وياه محد يموت ورا احد

بيبي بنضرة غاضبة : لا ي ليالي يمووت ، تموت روحيتة وتندفن بجسمة الحي  لا تگسين گلب البنية خلها تبچي وتنوح وتناطر ولو رد يبرد گلبهة، لا تسوينهة نسخة ثانية منج

ليلى: اذا تردين نفتح الدفاتر القديمة كل الحق راح يكون اللي انا اللي انضلمت بين ولدج عمة لا تحاولين تحرجيني وتخجليني بين ابنياتي حتى لا نحجي الصدك وتزعلين

التوا فمهة بأنزعاج ودارت اتجاه جلوسه بزعل
اشرتلنة ماما نروح ناكل

دخلنا للمطبخ شافت كلشي جاهز ومغطا ومنتضرهة

:فدووة هااي اللي

هزيتلهة رأسي بأي، وسحبت ايدهةة للكرسي
: تعالي ناكل حتى نسمن صايرات عبالك طالعين من مجاعة حتى استحي احط عيني بعين احد

: خررب حضي واليوم انفتحت شهيتي

:مو شكول دلال انتي  ضلي هيج علما يجي التحفة يلكاج كوم عضام ويغير رأية ضلي ضلي

سحبت الكرسي وگعدت تاكل ساعة تصفن ساعة تضحك بدموع وتسولف بسوالفة

گمنا للبيت  اني وياها خلصناها مداهر وطلايب

اندگت الباب هي طفرت تركض طرقة طرق شهاب للباب حفضنااها

مباشرة بدون اي تفاهم طكهة ركضة للسطح
انسحلت روحي من الخوف
نزل سرى ساحبهة من ملااابسة
ركضتلة انطاني دفرة بنص صدري انضرب ضهري بالحايط
صرخت وشنجت ضهري بقوة من شدة الالم

ضلت سرى تصرخ وتتوسل
: عمووو فدوووة دخييلك لااا تضرربني الله علييك والله مااعندي مكان

بيبي بالغرفة طلعت وكانت لازمة بأيدة وتصيح

: يتتييمة ولك ييمة ييتيمة مولية ماالها احد ولك اشششهاب اكتلك ورروح عليي اكتتلك

شهاب : احاااجيجن ررردن علييية هاااي منييين وششنهي الززلم البارحة طاابة طاالعة ولللجن گ....... شهرتنااا وخززيتنا

ررااانيا بألم : عوووفها ولك عوووفها مووتتها ولك زوووجهااا هذا والبااارحة طلگهااا ولك عمووو يتييمة فدووة عووفها

جنت احجي بصعوبة كلماتي محاصرة بالشهقات والعبرات

سحب مسدسة من جيبة سحب الأقسام ووجهة علينة

: اااححجي هاااي منيين، ووولج ررانييا من ماا جيبهااا جنج موو بريئة من عملة السجن، كلييوم وووي الزززلم ششعدجن بنااات عماااد تربية ليلى ال..........

التفتت الماما اللي طلعت من غرفتها زاحفة وبقت بمكانها تتفرج وتبچي علينة كان مكرفص امامنا ويلوح بالمسدس

: هااي هاي صديقتي سرى خفت منك والله خفت ماگلتلك

: اي بعد عمج اي سوي المصيبة بگد راسج وصصيخي خفت اااحجي

رفعت ادية لراسي خايفة من صوت الصرخة وملابسي فاضت من نزيف انفي ماما من شافتني ضلت تصرخ عااافني وراحلهة

: لووو تمووتين موو تنزفيين اليوم لوو انا لوو انتي اصصبريلي جاايج

شالوها من اديها ورجليها، صوت صدى صراخه يتردد بأذني اباوع لسرى وكنت فاصلة، جابت مي تغسلي وتكرر كلمات اعتذار واسف بخجل
دقائق ورجع
وبيبي وراه تهدي
: يتامة يمة يتاامة جارت عليهن الدنيا اسمع منهن ششهاب فدوة الطولك عييب يمة فضحتنة تفشر عليهن حرام عليك مگاريد موو بديهن الدنيا مالت وياهن

: ووووخخخري عنني ششلوون نششد گروون ونخلي رانيا تلعب گبلهااا ررردي علية ررانييا

اقترب علينا

ووكفت سرى وردت علي بعصبية

: عمو اني رااح اطلع من بيتكم بس وخرر منهة ررااح تمووت
:أگععدييي
گعدت يمي خايفة، منضرة وصوتة ماكان قابل للنقاش

اججحي وعووفي البووواجي اححجي منين هااي

ضلينة مگابلينة وسلوفنالة كلشي
من وفاة خالة جميلة الى معاناة سرى في بيت عمامة الى عودتهة وقضية احتراق البيت الى البارحة طلاق مرتضى

كان مكابلنة مندمج لحد طلاق مرتضى صفگ ايد بأيد وگال : لااا يا نااقص وهسة شلون بيج ولج

بچت ودنگت: عموو فدوة بقيني هناا والله اخاف منهم، ياريت يموتوني واخلص بس راح يعذبوني والله فدوة بقيني  هنا والله ما اطلع ولا ادخل ولا تشوف وجهي

: الله اكبر علييجن معناها الوادم تدري بيهة هنا وراح يردون ردود وهالنوب يجوز وياهم شرطة وتجينة تهمة خاطفينهة
هسة بلا انا عاايز يابوية وتجين تزيدين حييرتي 

دنگ يفرك بسبحتة
تكلم وهو مدنك
: مارديتيلي خبر ررانيااا
نبرة صوتة ونضرتة المفاجأة لسرى وارتدادهة اللي كانت تهديد واضح

اصطكت اسناني بقوة وصارت تضرب بعضها بقوة
قاطعنا دخول مشمش
وضربتهة للباب بقوة
شافت شهاب بلا كلام ولاا سلام صااحت بي

: ززززياااد ششوكت يرررجع

__________________________

مشمش

التفتت علي هذا الضابط حسام

: ووخر من طرريقي

: شكو شبيج منو سوة بيج ههيح احجي

اصيح وابجي من قهر گلبي: وانت شكوو ششعليك منوو سووة ماا سووة

: صووتج لج
وخرت من يمة ورجع اعترض طريقي
: والنبي محمد اذا ماا وخرت مني الم علييك العالم داا اگولك وووخر

: هسسة غير تحجي  وووين ررايحة ليش طالعة من المدرسة وشبي وووجهج منو مأذيج هيج

: انتتتتم انتم والله انتم بسسببكم صار الكل يعايرني بأختي واخوووي فووكاتهة قتلتو بابا واخووية سسجنتوو المن اششتكي الللمن

تكلم وهو يتلفت ونضراتة كان بيهة شفقة وأسف
: امشي بالسيارة خل اووصلج
:وووخر داا اكوولك انت متتستحي شنو صعدي بالسيارة

سحبني من ايدي بقوة وغصب واني اصرخ دفعني بسيارتة بالكرسي الورة وصعد هو بكرسي السايق

ضليت اعتعت بالباب احاول افتحة مينفتح

:عوووفي الخرراااا مققفوول مااا ينفتح

وخرت ايدي وتكلمت بنبرة توسل : عفية نزلني ليشوفني احد
: احجي منو وياج

: محد ماالك علاقة بس نززلني والله اخااف

التفت علية : شكو تخافين يابة اعتبريني مثل اخوج

: مااعندي اخوو بسس زيااد وسااجنينة افتتح الباب خل ارروح
:مااكو ماينفتح اذا ما گلتي منو هيج مسوي بيج

: ماا اگوول انت واحد ماتستحي ليش تقتلون المتضاهرين ماتخافون من الله

التفت علية يضحك : ترة ماكو هيج سالفة وين الربط بالمواضيع عندج

: انت مو ضابط ليش لابس هيج

: يمكن تتخيلين حتى بالتواليت لابس بدلتي
: وششكو اتخيل لبست ولا مالبست افتح الخررا داا انزل

خزرني وتكلم بتحذير : احجي بأحترام وخليني محترمج

: وروح بابا ما اگولك لا منو ضربني ولا منو حجا وياي وأفتح الباب يلاا تأخرت ارريد ارروح

: دضلي خلينا هنا انا هم هسة نازل ماعندي شي

درت وجهي على الجامة غاضبة وصامتة ودموعي تنزل غصبا عني
حرك السيارة مشى مسافة، يغلط بصوت ناصي وصلني لبداية الفرع فتح القفل وتكلم بغضب

: أنززززلي

فتحت الباب ونزلت بسرعة عفتة مفتوح ومشيت بسرعة بگلبي النار واليحاچيني انفجر بوجهة وصلت لگيت شهاب بالبيت

: زييياد شووكت يرررجع
موو حلفت موو وعدت موو گلت هذا شاااربي موو علية اذاا مارديتة وووينة اخووية ارريد زيياد يلااا

گام متفاجأ من منضري وغصبي

: ششبيج يااهو ويياااج  شني طاگينج

: اييي طاگيييني من اول يووم دوووام واناا الكل يعييرني اخووج تاحر أسلحة اخووج تااجر مخدررات ابووج عدموو  اختج هيج اهلج هييج. حتى صديقتي صاارت ضدي امششي منزلة ررراسي بين الناااس اسستحي لبااوع بووجهم لييش ششنو ذنبي ززييااد وينة طلعة خلي ابعابم تفك عنا

يحضني واني ادفعة ووخر مني وصاح

: ياهو طاكج بش فهميني

: البناات يغلطوون علية وضربوني والمديرة بهذلتني منتضرين مني الزلة والله تعبت ملليت هااي بطلت اررتاح موو تريد ابطل هااي بعد ماا ارروح 

شمرت الجنطة والشال ودخلت جوة ماما نايمة

عززاا هااي سرى شلوون گاعدة يم عموو شهاب صفنت ثواني
وعفتهم شبيدي قابل
غيرت ملابسي ونمت

ثااني يوم بالتواسيل داومت
حتى عمو شهاب صار يتوسل اداوم
سرى خاتلة بالمطبخ
قاطعتة اسأله بأستفهام : عمو يعني انت موافق سرى تبقى يمنا
: ماايصير بابا شلون تبقى لازم نحل موضوعهة بس هسة مأجل السالفة هالفترة علما اروح لأهلها

: عزززااا والنبي يموتونها
: عوفي هاي السالفة هسة ورگزي بروحج باچر دووام وارج اشوف ياهو يندگ ببنيت گلبي الا اردة ابطن امة

راح وراي  شهااب ووياه اثنين رياجيل لابسين الزي العربي كامل  هووس عليهم  وعيط واني واكفة

كلشي ماعاجبني رحت للصف
الدرس الرابع واشوف حسام بالزي العسكري طالع من الادارة
وكف من بعيد يباوع بوجوه البنات  لمحني من بعيد  ابتسم ثواني ودار وجهة وطلع

والخفيفات دگ غزل صخونة بعضامجن هسة شفتهمتن زين مو زين گبل سحتن

مع تغير معاملة المدرسات والمديرة للأحسن قلت مشاكلي وي البنات

تغيرت نفسيتي صح ماعندي صديقات وحتى نادية رجعت اعتذرت مني
سامحتهة بس مارجعت مثل قبل وياها على گد السلام رغم حاولت وصارت لطيفة اكثر من قبل بس ماگدرت  اتقبلهة
صرت وحيدة بس مرتاحة لان حتى اذا حاولو البنات يحجون وياي بش اروح للمدرسات يردوهن

عكس رانيا
اللي من اخر طلعة وي شهاب حسيتها تغيرت
اللي ذبحني هدوئها نحاول نحجي وياها نضحكها وهي بس ساكتة
يجي شهاب يحجي وياها وحدهم ويطلع اسبوع واكثر على هالحالة وبيبي وماما يحجون وياها يردوهة توافق على الزواج
وهي توخر منهم ويلحگونها 
كنت مأيسة منهة توافق

بيوم الجمعة من الصبح بيبي گالت اناا رايحا اجيبنا سمتياات واجي  مادام جمعة نزفر حلوگنا ونشد گلوبنا

جابتهم رادتهم مرق
: لااا بيبي ششوي
: شوويييشش سونهن مرگة مشتهيتها ولا تلعبن
: لاا عليج العباس شوي حتى نقرا الفاتحة لجدو هو يحب الشوي موو انتي گلتي

: هاااه؟
: اي والله عدنا حطب فووگ واني تعلمت شلوون اشوي باليوتيوب
: يااا مشمش السمجة غالية وجبيرة لاا تخربنهة

: عززاا تشككين بقدراتي
: شنهو
: ماكو شي يمي معليج

اخذتهن رانيا اللي صارت مسؤلة عن الطبخ حتى بس تگدر تاكل زين وتفتر تنضف ليل ونهار

ميت مرا بالليل تگوم تتأكد من الابواب والغاز والكهرباء والليل اللي يخلص بجي بالسطح مانعرف شنو علتها، او نعرف بس ماباليد حيلة

سرى : امشي خل نجهز الحطب بين ما تغسلها
:لااا انتي معليج اني اسسوي اليوم تاكلون من اييدي

رانيا : الصغيرة اشويهة بالفرن، اني ما احب لعبان النفس مالت الحطب وماما بعد مريضة اني وياها بالفرن

: تندمييين راانياا تندميين
: عود خوش

أستفزتني گمت ارركض بكل حماس اكسر بالخشب وسرى بس تتقرب اوخرها
: اليوم من اييدي تاكلون
: لج اي بس اساعدج متگدرين
: وخري وخري هسة تكوليلهم اني ومشمش ساعدتني

اني احجي بجدية وهي تضحك

كسرت الخشب وجهزتة  بالمنقلة هي شلون منقلة عاابتلهة ترگل يمين ويسار
يارب لا تفشلني

صعدت رانيا شافتني ابتسمت
:تعاي جيبيلي ملح مااعدنا
: موو بيبي يمج
: مااكوو طالعة، وانوب ماما نايمة شووية صوتج قللي فضحتينة كلها درت جبنا سمك

نزلت اركض اجيب ملح
جبتة وشمرتة يمهة بسرعة، ادري بيبي برا مالي خلك انزل بعد افتح الباب عفتلها الباب مفتوح وصعدت فوك رجلية طااحت كلساع نازلة صاعدة

رانيا : مشمش اسستقري فدوة والله راسي داخ شبيج متگليلي
: القداااحة مااكو

:هاااج وووخري مني

: هااي ماما گعدت خل اششوف ششبيها واصعد بعد انتي دير بالج عليها معلية

ماردت علية رحت لماما، عاطت بية راسها مأذيها من صووتي

:شدعووة ماما ششمسووية هااي رراح اصعد اششوي نفسي اكلوني وافتكو منيي بعد

___________________________

رانيا

كنت بالمطبخ انضف السمك كانت سمكة للشوي جهزت الحشوة وشغلت الفرن اسمع صوت امي ومشمشة الوكحة اللي متعرف تستقر يمين شمال تحسهه موجودة بكل مكان وزمان

كل هذا وانا عقلي غايب مني روحي بغير مكان اشتغل بالبيت واجاوب ع كد السؤال صرت احس حتى النفس واجب اسحبة لازم ابقى عايشة

بين ماجهزت حشوة السمك التفت جان اشوفه وراي شوكت وصل شلون دخل انا متأكدة قفلت الباب تجمدت بمكاني كازة على اسناني بقوة الوقت وكف صار 6 شهور ع اخر لقاء مشؤوم

برتبتة بملابسة العسكرية بضخامتة بمنضرة القبيح ليش اجا شيريد بعد ما بقى عدنة شي ياخذة جان صافن بوجهي مانزل عينة منتضر مني ابدي الكلام بس شأحجي كنت مرعوبة

كل أطرافي رجفت عيوني مفتوحة على وسعها وبعد دقايق كال
قيصر: كنت سكران

:ش شترريد

: اساعدج

: اششلون  دخلت دتفتشون گال الضابط عمر  احنا بريئين والله

: مو تفتيش الباب مفتوح كان اريد احجي وياج

ياا الله كل اطرافي ترجف واحشائي صار بيهة ألم اخاف اصيح يشوفون سرى مالازم احد يعرف بيهة اهنا اخاف ماما تنفزع من تشوف الشخص اللي أذاني

: رء روح روح اطلع منا  ماعدنا شي بعد والله، بابا مات وامي مريضة اطلع

: رانيا هذا العقد لازم يتم افهمي راح اهجم بيتي ادمر نفسي بس حتى اصحح هالغلطة
ادري شلون تشوفيني هسة بس والله غلطة كنت سكران

: لا لا تخاف محد يعرف والله محد يعرف شهاب عرف لان گلت البابا ابوية كان ديموت وگلتلة وشهاب مصورني اني ما اعترفت

:شهاب نذل رانيا أگدر انكر وراح اسويهة اذل اضطريت   بس راح تتطين سمعتج وسمعة اهلج بلاكثر دا احاول اساعدج ساعدي نفسج

گعدت بلارض وعيني مانزلت من عينة نزلت نضراتي لملابسة لحزامة بس لمحت الكلبشة
دنكت راسي اتقيء واصرخ  بدون وعي
تراجع خطوتين انطاني ضهرة ديطلع حط ايدة على الباب وتكلم

: خلي ابالج ان الزواج شكلي وعقد على الورق فقط فترة أقل من سنة وراح يرجع كلشي المكان وتخلصين
نضرة اخيرة بيني وبينة وطلع  
عندي ارحم احد يضرب رأسي بمطرقة ولا اتقيء
احس بشفقة ل نفسي والم مو طبيعي صار شهور وان لحد هاللحضة ما متعودة انام واگعد أكول باجر اتحسن باجر افضل
وكليوم اسوء من الآخر

دخلت مشمش شافتني ركضت علية بصرخة

:ماااماااا
رانيا : اششش مابية شي ووخري مني لا تتلفين لا تفززين ماما

عافتني وطلعت تركض بمل سرعته نزلت هي وسرى
وجوهم مرتعبة

رانيا : اطلعو برا اطلعو مني بسرعة
: رانيا ترا اخواتج و محد تلعب نفسهة من اختة

: اططلعوووو برررااا اطلعو عوفوني ووحدي
طلعو مني گمت في حالة يرثى لها بوجه مصفر ويدين مرتجفة وذهن شارد
نضفت المكان بكلور ومنضف وگعدت تعبانة 

سرى : رانيا شصاار
:كان هنااا، ووين كنتوو الشيطان دخل للبيت تكلم وياي ووينكم ليش محد شاافة

: منو رانيا شبيج منو دخل

: معقولة انجنيت، ليش محد ششافة مشمش كانت يم مااماا معقولة خيال

: لج منوو
: قييصر، الششخص اللي شهاب يريد يزووجني الة قييصر قييصر اللي  ءااا اللي.. قيصر مهران كان هناا حجة ويااي

مشمش: خاف تتخيلين رانيا قبل شوية  اني يم ماما

: اششش... التفتت لمكانة شفت اثاار البسطال نهضت من مكاني
;ششووفوو ششوفوو موو مجنونة اني اصحا منكم هااي اثار حذااءة هناا كان وااكف ووين كنتووو شلو دخل البااب مسدوود

مشمش: لاا اني عفتة مفتوح حتى بيبي تدخل

هجمت عليهة ارريد اضربهة لززمتني سرى
گعدت بلارض دخلت بنووبة بكاء اششهك بكل قوووتي
: الملعوون النجسس القذررر يهدد اجاا يهدد  هناا كان ووااكف يهددني يگولس يعقد لوو ينكر عملتة هناا كان وواكف
: ليش ماا صرختي
: خفت خفت عليكم والله خااف يشووفوج يااخذووج هنااك مووت مييصير يشووفوج

حضنتني واني ابجي بحضنهة

بهاللحضة دخلوو شهاب و فؤاد وياهم عمتي ساجدة وخالتي وبيبي

:شششني هااي رررانيااا  يااهو هذاا انووب

: عمووو ماالي علااقة والله ماالي علااقة  هوو الدخل للبييت ولكم اررحمووني فدووة تعبت والله تعبت  يااربي اخذ رووحي كاافي

اقترب مني سحبني من أذني خاازرني
فؤاد: ششصاير شهاب يااهو الفايت هناا ماا تفهمني شني السالفة

: اخلص من ساالفة هااي وارجعلج،
نتر اذني بقوة  والتفت لسرى

: يلا بوية حضري رووحج، اهلج جاايين رااح يوصلوون

__________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

رجاءا اتمنى منكم  اذا حابين تدعموني وتدعمون الرواية علقو اشياء تخص الرواية لا نقاط ولا قلوب لانها تزعج القراء الاخرين 🌹

حسابي الانستغرام

أعتذر عن الاخطاء الإملائية، وشكرا بحجم السماء لحضوركم، وأحبكم بگد العراق