" គុកគីមកញុាំបាយកូន "
" ....... " ស្ងាត់មិនមានការឆ្លើយតប នេះងរ អីម្ល៉េះគេទះកំប៉េះគូទតែមួយដៃសោះក្មេងនេះ . មើលចុះនៅអង្គុយមើលទូរទស្សន៍ជាមួយ
ហារ៉ូគិ សើចសប្បាយធ្វើមិនដឹងចាត់ទុកដូចមិនឮសម្លេងគេហៅយ៉ាងចឹង
" គុកគីហា! ប៉ាសុំទោសណាប៉ាខុសហើយ " ហឺយ កើតតាំងពីកើតមកមិនដែលលួងអ្នកណាផង តែមកត្រូវចាញ់ក្រោមដៃអាល្អិតកូនចិញ្ចឹមមួយថ្ងៃកន្លះនេះវិញ បាក់កាលីប
គីមថេយ៉ុង យូសាគិ អស់ហើយ ព្រះអើយដឹងដល់ណាខ្មាសគេដល់នឹង .
" ហឹស ...ពូៗរ៉ូគិ យើងទៅលេងនៅសួនបា ( សួនច្បា ) ហូវនៅដុំ ( ម្ដុំ ) នេះអូនដូចឮឆំលេងហុយ ( សម្លេងរុយ ) មិចហេនៀក អូនឡង់ ( ថ្លង់ ) ហាស រំខាន " យីកូន ចាត់ទុកប៉ាវាជារុយ ថេយ៉ុងគាំងចំហមាត់ធ្លុងតែម្ដង នេះង៉ក់ងរ នឹងគេមែនទែនឬ
" បា .... បាទ តោះយើង " ហារ៉ូគិ តបទៅកាន់តែអាល្អិតវិញទាំងរដាក់រដុប មិនមែនគេភ័យទេតែគេអស់សំណើចនិងម្ចាស់ខ្លួនធ្លាប់តែមានរឹទ្ធិអំណាច អ្នកណាក៏ខ្លបខ្លាចអីឡូវនេះបែរជាធ្លាក់ខ្លួនមកជារុយគួរឲ្យរំខានទៅវិញ
" អ្នកប្រុសតូច លេងមែនទែនហី " ហារ៉ូគិ ពរ អាល្អិតដើរបណ្ដើរក៏លួចខ្សឹប ត្រចៀកសួរ ហើយក៏មិនភ្លេចងាកមើលម្ចាស់ខ្លួនដែលនៅឈរគាំងមិនទាន់បាត់
" ណាភើ ( ប្រើ ) ឲ្យប៉ាៗវៃតែអូនធើអី អត់វៃពូៗផងវាមិនថូវ "
" យីអ្នកប្រុស ខ្វះរឿងច្រណែនហី "
" មិនដឹងហេស " កុំថាឡើយថេយ៉ុងក្នាញ់
អាល្អិតគុកគីសូម្បីហារ៉ូគិ នៅទ្រាំមិនបានម្ដងៗចង់តែចាប់ក្រញិចឲ្យណាណីទេ នេះបើកុំតែ
ថេយ៉ុងដណ្ដើមយកធ្វើកូនទេកុំអីណាគេចាប់ញិចឲ្យបាត់ក្នាញ់ហើយ ចេះអីចេះយ៉ាងនេះ ចេះហួស ចេះច្រណែនតាំងពីនៅប៉ុនអាចម៍ចៃទៅហើយ
" ចុះអ្នកប្រុសតូចអត់ខឹងពូទេហ៎ "
" អូនខឹងៗៗៗ "
" ចុះមិចនៅនិយាយជាមួយពូទៀត "
" បើអូនអត់យាយមួយពូៗ អូនមានណាយាយមួយប៉ាឈឺ ( បញ្ឈឺ ) ប៉ាៗ " ស្លាប់ក្មេងនេះឆ្លាតហួសពេកហើយ ចេះយល់ ចេះបញ្ឈឺឌឺដង ផ្លែផ្កា នេះគេត្រឹមជាឈ្នាន់សម្រាប់បញ្ឈឺលោកម្ចាស់ខ្លួនទេឬខំតែអរ
" ពូៗដាក់អូនចុះ មេបៅៗៗ ( មេអំបៅ ) " គ្រាន់តែបានចុះពីលើដៃហារ៉ូគិភ្លាមអាល្អិតហក់កញ្រ្ចោលលោតដេញចាប់មេអំបៅពេញសួន តែរត់យូរៗអល្អិតស្រាប់តែឃើញសត្វមួយក្បាលដែលជាទីចំណាប់អារម្មណ៍របស់គេទៀតហើយ
" អាយ៎ ... ប៉ាៗជួយអូនផង ហឹកៗ "
" គុកគី កើតអីកូន " ក្នុងចិត្តភ័យស្ទើរតែគាំងបេះដូងទៅហើយ ឃើញកូនរត់លេងសើចសប្បាយសុខៗក៏ស្រាប់តែស្រែកយំឡើងវ៉ាស់ទំនងមើលទៅដូចជាភ័យខ្លាំងណាស់
ផឹប
" គុកគី កើតអីកូន "
" ប៉ាៗមើលសត្វនួកវាដេញខាំគូទអូនហក៎
ហឹកៗ ... ប៉ាៗវៃវាហូវហឺ " ពុទ្ធោ គេស្មានតែមានសត្វល្មូនស្អីខាំអាល្អិតទេតើខំរត់យ៉ាងលឿនទៅរកតែដល់ពេលងាកទៅរកដើមហេតុដែលធ្វើឲ្យអាល្អិតគុកគីខ្លាចជាសត្វកង្កែបសោះនាយគាំងហួសថ្លែងរកនិយាយលែងចេញដោយសារតែអាល្អិតនេះទៀតហើយ
" គុកគី សត្វកង្កែបតើ វាមិនចេះដេញខាំកូន
ទេ "
" អត់ដឹងហេស ហឹកៗ ..ហឺ គ្រាន់អូនវៃវាម៉ាពាត់ឆោះ ( សោះ ) អាកែបកួត ( កង្កែបឆ្កួត ) និងវាដេញខាំគូទអូន ប៉ាៗវៃវាហូវ ហឹក "
" អារ៉ូគិ នៅឈរ សើចស្អីទៀតអាស្អីគេនេះ មិនចាប់កង្កែបចេញទៅ "
" ដឹងហី អាងតែខ្លួនឯងមេ ជេៗ "
" រអ៊ូស្អី "
" អត់ផង "
" អឹប ...តោះកូនឆ្លាតប៉ានាំទៅងូតទឹកនឹង
អាលបានញុាំបាយ "
________
" ប៉ាៗ អាកែបកួតនឹងពូៗរ៉ូគិ យកវាទៅណា " ញុាំបាយសុខៗអាល្អិតស្រាប់តែនឹកឃើញដល់កង្កែបដែលគេបានវៃមុននេះ
" ពូរ៉ូគិ យកវាទៅបោះចោលហើយ "
" បាទ "
" គុកគី ប៉ាសួរកូនមួយបានទេ "
" បាទ "
" ឆ្លើយឲ្យត្រង់ណា "
" ហូយ ប៉ាៗកាលឆួរ ( សួរ ) នៅអូសកាឡានិងហី "
" អា៎ សុំទោស កូនចាំថាខ្លួនឯងមកពីណាទេ " តាមពិតទៅក្នុងចិត្តថេយ៉ុងនៅមិនទាន់ជឿជាក់សម្ដីមិត្តខ្លួនដែលថាលុបការចងចាំអាល្អិតចេញនោះទេ រឹតតែមិនទាន់ទុកចិត្តថាអាល្អិតនិយាយការពិតដែរ គេនៅតែមានគំនិតតូចមួយក្នុងចិត្តថាអាល្អិតកុហកខ្លួន
" ប៉ាៗយាយពីអី អូនអត់ដឹងអីទេ អូនអត់ដឹងថាមិចអូននៅត្រង់នោះទេ " អាល្អិតនិយាយទាំងបើកភ្នែកឡង់ៗសម្លឹងមើលទៅថេយ៉ុង គេពិតជាមិនដឹងពិតមែន ក្នុងចិត្តពិតជាអន់ចិត្តជាមួយថេយ៉ុងខ្លាំងណាស់ ទោះបីជាគេនៅក្មេងតែគេមានអារម្មណ៍ថាកំពុងតែទទួលការមិនជឿទុកចិត្តពីថេយ៉ុង ជាខ្លាំង
" អឹម ... " ថេយ៉ុងមិននិយាយអ្វីគេឆ្ងោកមុខញាំបាយវិញជាធម្មតា តែទង្វើនេះរឹតតែធ្វើឲ្យអាល្អិតគុកគីហាក់កាន់តែអន់ចិត្តលើសដើម ទើបសម្រូតខ្លួនចុះពីលើកៅអី ហើយ
ដើរសម្ដៅទៅខាងក្រៅវិមាន
" គុកគី កូនទៅណា " ស្ងាត់គ្មានការឆ្លើយតប ថេយ៉ុងចាប់ផ្ដើមជ្រួញចិញ្ចើម ស្អីទៀតហើយ កុំប្រាប់ថាមកពីរឿងដែរគេសួរអប្បាញ់មិញនេះណា ក្មេងនេះចិត្តមួយពាន់ពិតមែន
________
" អឹកៗ ហឺ ... " សម្លេងយំខ្សឹបខ្សួលគួរឲ្យអាណិតរបស់អាល្អិតគុកគី ដាស់អារម្មណ៍អ្នកយាមល្បាតនៅក្បែរៗនោះឲ្យងាកមើលគេភ្លាមៗ
" អ្នកប្រុសតូចចង់ទៅណាទាន "
" ហឹកៗ ពូង៉ោល ពរ អូនរត់ចោលប៉ាៗតិចមោហឺៗហឹកៗ "
" ទេមិនបានទេ អ្នកប្រុសតូចលើសសមត្ថភាពខ្ញុំហើយ " នាយត្រង៉ោលពោលឡើងទាំងបើកភ្នែកធំៗក្រវីក្បាលសឹងជ្រុលកុំថាឡើយតែហ៊ានលើកដៃពរ ជុងគុកនាយមិននឹងហ៊ានផងទម្រាំនាំគេរត់ទៀត ក្បាលនាយជ្រុះពីស្មាពុំខាន
" នែ ក្មេងចិត្តមួយពាន់ នេះ ងរង៉ក់ចង់រត់ចោលប៉ាផងឬ ប៉ាគ្រាន់តែសួរទេតើ " នៅតូចញឹបសោះចេះមានគំនិតថ្លើមធំរត់ចោលប៉ាវាហើយ ចុះទម្រាំធំទៀតមិនដឹងយ៉ាងណាទេ តាមមើលទៅកាលអាល្អិតនេះនៅជាមួយមិត្តខ្លួនត្រូវគេទម្រើសហើយបានជាបាត់ការចងចាំហើយចរិកក្បាលរឹង ឌឺ ចិត្តច្រើនកប់សេរីតែម្ដង ឃើញរឹកពារអាល្អិតហើយមានអារម្មណ៍ថាដូចខ្លួនឯងយ៉ាងមិចមិនដឹង
" ហឹក ប៉ាៗមិនជឿអូនធើអី "
" ប៉ាគ្រាន់តែសួរឲ្យអស់ចម្ងល់តើ "
" ប៉ាៗហក់ ( កុហក ) អូន "
" យីកូន "
" យីប៉ាៗនេះ ពូង៉ោលពរ អូន រត់លឿន " គេនៅតូច ជើងខ្លីៗចឹងហើយមានតែពឹងកូនចៅថេយ៉ុង បើរត់ខ្លួនឯងមិនឈ្នះថេយ៉ុងទេ
" អាយ៎ អាប៉ាកួត ( ឆ្កួត ) លែងអូន ហឹកៗហឺ ដឹប ៗ អាប៉ាកួត ( ឆ្កួត ) ហឺ " រាងកាយតូច ហោះស្ទុយ ដោយថេយ៉ុងចាប់លីអាល្អិតជុងគុក ដាក់លើស្មា ចំណែកអាល្អិតក៏មិនព្រមងាយៗដៃតូចៗរបស់គេវាយខ្នងថេយ៉ុងឮសូរដឹបៗ គិតទៅប៉ាកូនពីរនាក់នេះនៅជាមួយគ្នាមិនទាន់បានពីរថ្ងៃត្រឹមត្រូវផង កាច់កុងគ្នាដល់ម្លឹងហើយ
__________
To be continued 🐰💗