طرف واحد
يهزم الانسان في الاشياء
التي يبالغ في
محبتها
بس طلع الفريق صعد راسا بحر لغرفته
بين ما كعد ميشيل بالصاله الفوك يباوع على منظر من الشبابيك الزجاج الي كدامه
كال علي بتسائل " راح تعوفه ياخذ غرفتك ؟ "
رد ميشيل ببساطه " اي هو يعتقد انو هاي الغرفه مابيها كاميرات خلي الخدم يجهزولي باجر الغرفه الثانيه "
رد علي " حاضر سيدي تصبح على خير "
رد ميشيل " وانت من اهله "
راح وبقه وحده بيده كاسه
وصافن بنظره ليكدام
يفكر ب الف شغله بوقت واحد
لحد ما تعب من التفكير وكام راح لغرفته
او غرفه بحر بمعنى اصح
فتح الباب ولكاها ظلام
صعد على جربايه واقترب محتضن جسم بحر
ما متهم ب اي شيء ثاني
على رغم من انو هو يدري
انو بقاء بحر عنده اله سبب
الا انو شعوره وبحر بصفه وهو نايم بحضنه
شعور ما يكدر يوصفه ....
صباح اليوم الثاني
كعد بحر وشاف انو ماكو احد وياه بالغرفه
على رغم من انو حس البارحه ب ميشيل وهو ينام بصفه
كام من جربايته ونزل ليجوه
شافه واحد من الخدم وكال " سيدي هل احضر لك وجبه الافطار ؟ "
رد بحر " اين السيد ميشيل ؟ "
رد الخادم " لقد خرج منذ الصباح الباكر "
هز بحر راسه وبلغهم يسووله اكل
صعد ليفوك بسرعه طب لغرفته وسد الباب
قفلها واخذ شريحه تلفون
وطب لحمام غير شريحته ب الشريحه الثانيه
واتصل على اندروا
رد الثاني وكال " بحر لقد كنت انتظر اتصالك "
كال بحر " هناك مهمه جديده اليوم "
رد اندروا " يجب ان نلتقي لا يمكننا الحديث عن ذلك عبر الهاتف سوف انتظرك "
ارتبك بحر وكال " لا اعتقد ان ميشيل سوف يسمح لي بالخروج "
رد اندروا " عليك الخروج لنجد ايضا طريقه اخرى لتواصل "
وافق بحر وسد التلفون
غير شريحته وراح يضم الشريحه الثانيه
فكر وفكر بتوتر شديد شراح يسوي
هو يدري انو هو ما راح يكدر يطلع
ويدري هم انو ميشيل مراقبه
لبس ملابسه وطلع بسرعه من البيت
رغم انو الخدم استغربوا ووكفه واحد بيهم علمود ياكل بس هو جان مستعجل
ركب سياره تكسي بعيده شوي عن بيت ميشيل
متوجهه لشقه اندروا متمني انو ما يعرف ميشيل طريقه
والا راح يوكع بمشكله جبيره
يدري انو الي كاعد يسويه هسه
هو الغباء بحد ذاته ويدري انو اكيد ميشيل
يعرف بكل تحركاته
فتحوله الحراس باب شقه
دخل وشاف اندروا الي اجه ب اتجاهه
واحتضنه بين ما جسمه ضل متصنم بمكانه
ابتعد اندروا وكال " سعيد لرؤيتك "
رد بحر معبر عن قلقه " لا يمكنني المجيء لهنا
انت بالتاكيد لا تعتقد ب ان ميشيل غبي فهو يعرف اين انا وجميع تحركاتي "
رد اندروا " تعال لتجلس "
سحبه واخذه لصاله
كعد بحر وكعد اندروا بصفه وكال " مالمهمه الذي اوكلها ميشيل لكم "
باوعله بحر وكال " لم اكن بوعي حين اتفقت معك على كل شيء ، اذ قمت بفعل اي شيء سيعلم ميشيل سريعا انني من قلت لك ذلك
"
رد اندروا ب ابتسامه " لا تقلق حيال ذلك
ف انا لست غبيا لتوريطك بشيء كهذا
اعدك انني لن اجعلك تقع ب اي مشكله
"
باوعله بحر وصفن شوي عليه جانت ملامحه جاده وابتسامته حلوه بشكل ساحر
كال بحر بعد تفكير " سفينه احد الشخصيات الثريه من الطبقه السابعه يدعى ديفيد
محمله ببضاعه مخدرات تقدر ب مئه مليون دولار
"
رد اندروا " ديفيد دولف
لقد التقيت به في احدى المرات وهو شخص يبدوا وكانه لا يدرك شيئا لكنه يدرك كل شيء
ستكون مهمه ذات صعوبه لكون الجميع يضع اعينهم على تلك الشحنه
حتى الدوله "
رد بحر بحيره "
مالذي تنوي فعله "
رد اندروا " لا شيء سوف ننظر لجميع من بعيد ونلوح لفائز بتلك الحرب "
كام اندروا وكال " بالمناسبه هل تناولت الافطار ؟ "
باوعله بحر ب استغراب وكال " لا لكن عليه العوده " رد اندروا " لا ابقى هنا علينا الاتفاق على اشياء معينه "
كعد بحر نفس ذيج المره يباوع لمهارات اندروا
الي مسويله عرض بفن التقطيع والطبخ
تسائل بحر " لم تخبرني كم عمرك اذن ؟ "
رد اندروا وهو يكطع انواع من الفلفل " لقد دخلت ب 24 وانت "
رد بحر " دخلت 28 "
ابتسم اندروا وكال " احب فارق العمر بيننا "
سكت بحر بعدها كال " لماذا تكره ميشيل ؟ "
رد اندروا وهو يطبخ بحماس " لن اقول لك تلك القصص عن كوني ابن الهوى التي تم نسيانه
لكون والدي كان يرسل لي الاموال دوما
لكنني لا اكره ميشيل نحن منافسين
لكنني ايضا لن اكذب
لا تربطني اي علاقه من اي نوع به
سوى اننا نحمل نفس الدماء
وننتمي لنفس العائله
لكن لو قررت سؤال ميشيل
سوف يخبرك بالتاكيد ب انه يكرهني وبشده
ايضا"
رد بحر بتسائل " والدك لم ينكرك ؟ "
رد اندروا " قد يبدوا هذا غريبا وهو فعلا غريب لكنه لم يفعل خاصتا عند تاكده من انني ابنه
بل الحقيقه ان ابي كان يفضلني على ميشيل
وذلك احد سبب كره ميشيل لي "
رد بحر بفضول اكبر " لما ؟ رغم ان ميشيل هو من يحمل اسم العائله والعمل وكل شيء "
رد اندروا " هذا هو السبب
لان ميشيل كان مجرد اداة ولم يكن ابنا
تم الاختيار ب انجابه "
اقترب اندروا وحط ماعون كدام بحر وكعد مقابيله وكال " تناول طعامك "
بدا بحر ياكل وما يكدر ينكر انو طبخ اندروا كلش طيب
رد بحر " لكنك ايضا لم تاتي ب اختياره ! "
رد اندروا " اريد ان اخبرك ان ابي توفى قبل ان ابلغ ال 18 عشر لذلك لا اذكر جميع تفاصيل
لكنني اذكر جيدا حين يقوم ب احتضاني قائلا انت ابني انا ولست ابن الاخرين "
رد بحر بسؤال "هل علاقه ابيك وميشيل كانت متزعزعه "
رد اندروا " لا فقد كان ميشيل الطفل المطيع
لقد عاش ميشيل ک الامراء
مدركا دوما ب ان هنالك جدران تحبسه
وانه لم يولد نتيجه حب
بل نتيجه مصالح مشتركه
لهذا لم تكن علاقه ميشيل ب والديه
متزعزعه بقدر كونها فاقده للحب "
جانو اثنيهم ياكلون ويسولفون
هلكد ما بحر مندمج جان ما مركز بالاكل
سكت اندروا فتره وراها كال
" حين يولد الطفل ويرى ان والديه لا يحبان بعضهما فهو لن يستطيع معرفه الحب
الاسره هيه الاساس الذي يبنى ويهدم عليه
الانسان "
رد بحر " اتفق "
كمل بحر اكله وطلع بعد ما اتفق ويه اندروا انو يدورن طريقه جديده يلتقون بيها
بعدها ودعه وراح لمستودع
كضه شوي وقت هناك ويه اصدقائه
ورجع لقصر ميشيل
بس الي ما جان يتخيله
انو يلكه ميشيل كاعد وينتظره
اقترب ميشيل وكال " وين طلعت ؟ "
رد بحر بهدوء " رحت اشوف اصدقائي "
جره ميشيل من ايده حيل وكال " اصدقائك يعني مو شقه اندروا "
حاول بحر انو يبعد ايد ميشيل الي جانت تفعص بعنف شديد حاول يجر ايده بس ما كدر
كال ب انزعاج والالم " اذ انت تدري اني وين ليش تسئل " لزم ميشيل شعره وجره بقوه وكال بعصبيه " كلتله عن خطه اليوم ؟ "
خاف بحر من عصبيه ميشيل وصوته لتغير وكال بتالم " شعري " جان ميشيل لازمه بقوه لدرجه انو راس بحر كله مدفوع ليوره
حس بحر وكانو راسه رح ينكطع ، عاط ميشيل وكال " جاوب "
كال بحر ب خوف " لا ما كلتله ما كلت "
رد ميشيل بعصبيه " اذ خربت هذا المهمه صدكني يا بحر ما تلوم الا نفسك " قرب شفايفه من شفايف الثاني باس شفته بعنف او
بمعنى اصح عضها بعنف بحيث خلاها تنزف
بعدها عاف شعر بحر
وطلع من الغرفه
كال بحر وهو يمسح الدم من حلكه
" مخبل "
كام بحر بسرعه وغير شريحته
ودز ل اندروا رساله كاتب بيها
" اذ كنت تنوي فعل شيء الليله ف ميشيل قد علم بمجيئ عندك ويشك بشده ب انني اخبرتك شيئا رجاء لا تفعل اي شيء "....
بالليل
الكل جانو على يخت بالوقت المحدد
مثل ما بالخطه
ما دخلو بوقت واحد كل واحد جان اله وقت محدد
علمود محد يشك بيهم
دخل ميشيل اخر شيء ويه علي
اقترب المضيف وقدم الهم
عصير ممزوج ب ويسكي
التفت الانظار على ميشيل خاصتا وانو اول مره يحظر هذا النوع من الحفلات من وقت طويل
اقترب الي اسمه ديفيد
ومد ايده ل ميشيل الي سلم عليه وابتسم
وكال " ميشيل الكسندر جوزيف " رد الثاني
" ديفيد دولف بالمناسبه سيد ميشيل لا تحتاج لتعريف عن نفسك ف انت غني عن المعرفه "
ابتسم ميشيل وكال " كنت دوما متشوقا لحضور احدى حفلاتك التي ذاع سيطها لكن اليوم لي الشرف ب انني واخيرا استطعت فعل ذلك سيد ديفيد انت وحفلاتك تايتان بالمركز الاول دائما "
ابتسم ديفيد لمديح ميشيل ، جان ميشيل هواي حذر ب اختيار كلماته لان هذا الرجال محنك ومو سهل لازم ينفخ بيه هواي وينطيه فد اهميه ومكانه بحيث يكسبه لصالحه اذ رد هاي المهمه تخلص بسلام
كال ديفيد " تعال سيد ميشيل ل اعرفك ببعض الاشخاص هنا وانا متاكد من انك سوف تستمتع كثيرا اليوم "
تحرك ميشيل وياه وكال " متى سوف تنطلق السفينه " رد ديفيد وهو يباوع لساعته " سوف تنطلق بعد ثلاث دقائق "
جانت هاي الاشاره ، بعد ما انطلق اليخت بالماي
وابتعد بمسافه عن الميناء
بدات الخطه بالعمل
انطلقوا اثنين من رجال ميشيل واتجهو لغرفه الكاميرات وهاي جانت المهمه الاولى السيطره والتحكم بالكاميرات
دخلوا الاثنين لغرفه الكاميرات والي لحسن حظهم جان بيها شخص واحد كدروا بسهوله انو يسيطرون عليه جتفوه وربطوه بحبل
وبدا واحد بيهم بالسيطره على الكاميرات
والثاني يراقب الهم
ضغط على ساعته الي انطت اشاره لكل الي عدهم ساعه وهنا اجه دور بحر وثلاثه ثانين
علمود يتوجهون لغرفه القياده
وبذات الوقت انطلق ليو وعتاد سويه
وصعدوا لطابق الاخير بالسفينه
جان المكان اظلم والهوى كلش بارد
اتجهو ل اطراف السفينه وبدوا يدورن بعيونهم لمكان الزورق الصغير الي يجي ويه اليخت
بس لكوه شمروا حبل عليه
ودزوا اشعار من الساعه
حس قصي ب الاشعار جان خاتل بهذا القارب
شال الغطا عنه وبده يربط مجموعه من الاسلحه بالحبل
لحد ما خلص مهمته وقرر انو يرجع يتمدد تغطى وبقه يباوع لسما مستمتع بالمنظر لان لهنا وخلص دوره بهاي المهمه
اخذ كل من عتاد وليو الاسلحه وراحو يوزعوها على بحر والي وياه وعلى الاثنين الي ب غرفه الكامرات
ضموها بملابسهم ورجعو لقاعه مره ثانيه
جان سكاي كاعد على بار
بعد ما طلب كوكتيل خالي من الكحول
لان ميشيل اكد عليهم انو ممنوع اي كحول
لازم كل تركيزهم يصب على المهمه
فجئه حس بواحد يكعد بصفه
ما اهتم لان هذا عادي هو بار والكل يكدرون يكعدون
بس من مد الشخص كاسه من النبيذ ب اتجاهه
رفع راسه وباوعله
كال الثاني " هل يمكننا احتساء كاس معا "
رد سكاي " لا احب النبيذ ولست من هواة السكر "
راد يكوم لان ساعته بدت تنبض معلنه على انو اجه دوره بالمهمه
بس لزم هذا الشخص ايده وكال " سكايلين مارتين "
فتح سكاي عينه بصدمه لان محد يعرف اسمه الحقيقي وكال ب ارتباك " من انت ؟ "
ابتسم الشخص وبس اقترب من سكاي
وكاله " معك المحقق رايان جولكان "
بده الاصغر يركض مبتعد بسرعه عنه خاتل بعيد
بس بهاي الحركه
خله الكل ينتبه عليه وخاصتا مجموعه ميشيل
دخل الاصغر لحمامات وسد على نفسه الباب
وكف وراها وبده يتنفس بصعوبه
دكات قلبه جانت كلش عاليه
سمع دك على باب الي خلاه يخترع اكثر من ماهو مخروع بس سمع صوت خافت يكول " سكاي انا ليو "
بس سمع الصوت فتح الباب وشمر نفسه بحضن الثاني الي احتضنه بقوه وكال " رائيتك تركض شعرت بالقلق عليك وتتبعت ساعتك هل انت بخير ؟ "
كال سكاي وهو يتنفس بشكل مو منتظم " انا بخير الان " لاعب ليو شعره وكال " طفلي "
بعد ما هدا سكاي ابتعد عن حضن ليو وكال " يجب ان اذهب ل اكمال المهمه " حاول ليو انو يفهم شنو سبب خوف سكاي بس الثاني ما كاله
طلع سكاي وبده يتلفت بكل الاتجاهات قبل لا يطلع من طابق الحفله وينتقل لوحده من غرف التحكم
طلع لابتوبه من الجنطه الي وياه وبده يتحكم ب الاشارات مال السفينه
هذا جانت مهمته لانه من ابرع الاشخاص ب امور الهكر وغيرها بفريق ميشيل
بدقايق كدر انو يكطع اشارات السفينه عن الميناء وكدر انو يبث ضوضاء تحجب كل الاتصالات اللاسلكيه
وبهيج تخلص مهمته ، دز اشاره لباقين الي هما مجموعه من فريق ميشيل جانت مهمتهم اخذ البضاعه
جانت البضاعه بدون اي حمايه
لان اصلا محد جان عنده خبر انو اكو فد حموله من المخدرات بداخل هذا اليخت
بعد ما الكل كمل مهامه بدت الخطه
انسدت ابواب القاعه وحجه واحد من فريق ميشيل " ناسف ل ازعاجكم لكن هذا الرحله انتهت "
باوعوا الناس الي بالقاعه ب استغراب واحد لثاني
ومحد بيهم فهم شنو السالفه لحد ما حاولوا انو يطلعون وما كدروا
كال ميشيل ب استغراب وصدمه ل ديفيد " مالذي يحدث سيد ديفيد ؟ "
رد ديفيد بتوتر " سوف اتواصل مع القبطان دقيقه "
جان ميشيل بداخله مبتسم لان كل الي خطط اله صار مثل ماهو يريد بقه بس جزء واحد وتخلص خطته يتمنى انو يسير مثل ما هو يريد
اقتربت وحده من السفن الاصغر حجما من اليخت على مسافه من اليخت
وبدوا زلم ميشيل ينقلون البضاعه مستعدين ل انو يختفون من المكان
صعد سكاي وبحر وقصي وعتاد وليو ويه فريق ميشيل على السفينه الثانيه ويه البضاعه بعد نص ساعه من تحميل البضاعه
ودزوا خبر عبر الساعه ل ميشيل
الي ابتسم بعد ما جان متوتر
وخايف انو ما يلحكون على الوقت
بعد ما راحو فريق ميشيل انفتحت البوابات وحدها
وبدوا الناس يطلعون بقلق
لان حاولوا هواي يفتحوها بس ما كدروا
راح ديفيد لفتره من الوكت ورجع وعلامات العصبيه مبينه على وجهه
باوع ميشيل ل علي وكال " اعطي الفريق ب اكمله مكافئه واخبرهم بنقل البضاعه ل مستودع من مستودعاتنا .....
يتبع
كملو الشروط علمود اكمل كتابه
صح بارت راح يتاخر بس اذ شفت الشروط ما كامله راح يروح واهسي
اشوفكم يوم 31 ببارتات جديده
شغله ثانيه
تعذروني شوي اذ السرد مو كلش بهذا البارت
بس جزء منه انحذف واضطريت اكتبه مره ثانيه وجان موضوع مزعج