اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قلب مشوه
يمشي بين ازقة الطرقات باكيا
وهو ينادي لقد
اقتلعت قلبي
الاقتباس عليه والشخصيه عليكم
شروط البارت
350 ک
50 ن
---------------
فلاش باك
بغداد قبل خمسه وعشرين سنه
جانت العائله كلها ملتمه سويه
كاعدين عادي مثل اي عائله
كالت مره جبيره بالعمر
" بقه بس احمد شوكت نزوجه
"
رد نديم وهو الاخ الاكبر "
ها واخيرا الحجيه اقتنعت تزوج
فلذه الكبد مالتها "
باوعلته امه وكالت " اي صار
جبير ولازم ندورله على بت الحلال "
باوع احمد على بت عمه
هدى وابتسم وهيه هم شافته يباوعلها
خجلت ودارت وجها
اجه طفل وصاح " عمو " وكعد بحضن
احمد باسه الثاني وكال " شهم الروح "
حط راسه على صدره
وكال " لا تروح عمو ضل بالبيت "
رد احمد " شسوي غير اشتغل يا روح عمو
لعد منين اجيبلك فلوس واشتريلك اللعاب
واجيبلك حلويات "
رد ابوه " باجر تنزل ؟ "
باوع احمد ل ابوه ب احترام وكال
" اي باجر انزل لواجب "
ردت امه " الله يخليك ويحفظك وليدي
"
بعد هذا الحوار الصغير خلصوا الكل اكل وتفرقوا كل واحد لشغلته
طلع احمد هم ويه اصدقائه
رجع لبيت بحلول الليل تقريبا
دك باب البيت بعنف
فتحت هدى الباب اله وهيه تصيح
" اي قابل طايرين اصبر "
باوعت ل احمد الي جان
مايل وعرفت بيه شارب
جرته بسرعه وكالت " لو يشوفك عمي
الا يعلك جنازتك ولك "
كال بصوت عالي " اني ما اخاف من احد
بس عيونج يموتني "
حطت ايدها على حلكه وكالت
" اسكت ولك فضحتنا هسه لو يسمعك ابوي لو ابوك شيصير "
