طلع سكاي من المستودع وبده يمشي لحد ما وصل لسوبرماركت طلع قائمه وبده يتسوك اشياء الهم
وكف كدام طبقات البيض والي هيه الجزء الاصعب بالنسبه اله لان ما يكدر يفرق او يعرف يا نوعيه هيه الاحسن
ودائما عتاد وقصي يحجون عليه ويكولوله انو ما يعرف يختار بيض بيه حظ اجه صوت من بصفه كال " اذ كنت تريد اختيار البيض اختر البيض ذو لون الاسمر "
باوع سكاي بصفه وشاف واحد لابس نظاره شمسيه سوده وشفقه كال سكاي " شكرا لك " نزع الشخص هذا نظارته وكال " لا داعي لشكر سكايلين "
تعرف عليه سكاي بسرعه واول ما شافه عاف كل الي ب ايده وبده يركض ركض الضابط رايان وره سكاي
الي باوع وراه وشاف الضابط يركض وراه دخل الخوف لقلبه شاف فرع جانبي وفات بيه وبده يفوت بالفروع وهو ما يدري هو وين اصلا
بس جان كل همه انو يشرد وهو يركض وكف بتعب بوحده من الافرع نزل منحني وهو يحاول ياخذ نفسه شاف حذاء واكف بصفه
ومسدس انحط على راسه فز بخوف وعدل جسمه كال الضابط " لقد اتعبتني حقا بالركض خلفك سكايلين "
رفع سكاي ايده بخوف وكال " انا لم افعل شيئا سيدي " رد رايان " فعلا انت لم تفعل اي شيء سوى المتاجره بالمخدرات وجرائم قتل وتهريب وحمل سلاح غير مرخص لن تسجن لمده طويله قد تكون اربعين خمسون سنه ليس الا "
