روح في بحر الظلام

الحلقة الواحدة والأربعون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفا pahrasoad

اتهاوى ك سقف لفقير بالي
هوت بي رياح الغدر ولم تبالي
يا مالك الاقدار بحقك اجب سؤالي
واعد لي عزيز الروح وارحم بحالي

كلمات بقلم بحر

_________________________________

رانيا

وخري مني سرى فدوة اروحلج وربي تعبانة
:والنبي ماا اوخر لوو تمووتين باعي شلون گابة نار، گوومي يلا اكلي كلنا ما اكلنا من الصبح لهسة بسببج

: ما اشتهي والله بلعومي بي مرارة ويأذيني
ماما: گومي يمة اكلي حتى تاخذين علاج شصابج متگليلي بالگوة ردت روحج

استحيت منهم اني مو بزر دلال وممتعودة على هيج معاملة واصلا اكره هيج تصرفات

وخرت الغطاء وگعدت
الحرارة مكسرتني سندت نفسي ماخليتهم يلزموني، سبحت بلكي يخف هالالم اللي بجسمي

شاورت سرى بهمس: هاي منو طبخ
:اني والله وعيونج حيل نضيف غسلت ١٠٠ مرة ولا وگعت شي، اعرفج تتحسسين

:عمري انتي، هواي تعبتج
:شعندي غيرج اني رانيا

تغدينا اكلت وياهم بالگوة
خلصنا كفينا الاكل كعدنا بالمطبخ ماخلوني ارجع انام ومشمش تسولف سرى تحجي وياهة وتباوعلي بس تريدني احجي شي

دخلت بيبي من برا تلهث صعب عليهة المشي
:سريوة يما هذا شهاب اجا صعدي فوك

گامت خجلانة مرتعبة.. طول هالفترة شهاب ميعرف بوجودها يمنة
صعدت فوك
اني دخلت للغرفة يم ماما
دخل للبيت يتحمحم ويسلم
بعد السلام سأل عني
:رانيا وينها
بيبي مصخنة مدري شصابهة البنية
:صيحيلها مشمش
اجتني مشمش قبل ان تتكلم نهضت من وحدي

طلعتلة باوع بوجهي
: شنهي يابة شجاج ليش رديتي انتكستي
:ماكو شي عمو من انقهر اصخن
:ان شاء الله راح يكضي القهر بدلي وامشي وياي، ماتردين تشوفين اخيج

استبشرت ملامحي وابتسمت بفرح
:هسة
:لا هسة عندي سويلفة وياج نخلص وباجر المواجهة اخذج وياي هااه راضية
:صدك تحجي عمو، خاف تجذب علية
: لا يا طايحة الحظ امشي وياي  اريدج ويحيدنة
: وين نروح
:لبسي عباتج وتعاي  للسيارة وبيبتج تروح وياج

لبست العباية وطلعت وراه رجعنا للشقة اللي كنا مأجريهة
طلب من بيبي تبقى برا يم الدرج تسلل الخوف لقلبي ورجف اطرافي ودموعي صارت تنزل من ارتفاع الحرارة
تكلمت بضعف: عمو شكو ليش رجعنا هنا
:مأجرها شهر... عوفي هالسالفة هسة هاي مو سالفتنة
: لعد شنو
: انتي تدرين المثلج تنذبح
: ش شنو
: فوك فضيحة السجن طلعتي مكسورة وذابتلج فرخ
صحت بي بغضب: شكوو عموو شبيك عيب عيب مايصير هيج تحجي ماا سويت شي مااصارلي شي

:نصي صوتج وتأدبي اطيتج وكتج كلت ترد لعقلها بس لهنا وبس
احجي ياهو العمل بيج المصيبة
: يا مصيبة عمو فدوة  للج بيبي ووينج
:اناا الورطت زياد بسالفة المخدرات
وسعت عيوني رغم اعرف لكن صلافتة بلاعتراف صدمتني: اي اناا الورطتة وانتي الورطتي روحج انا هدفي زياد عبنة صلف ويستاهل وانا شهاب الذيب ما دام اللي حگ يم احد ماتنام عيني الا اخذة

الساني انعقد من شدة الصدمة، محتارة شحجي
:شعندج وي الظابط عمر وشكو يشوفج بنص الليل وشحجيتي وياه

دب الرعب بكل جسمي وتسلل بين ضلوعي احتل قلبي، ارريد اررد ارريد احجي كلمة مااكو ضااع الكلام

: بكل شي ادري وادري شفتي دريد ياهو خذاج وياهو ردج

: ك كذ كذب ماا شفت احد ماا اعرف عن شنو تحجي
سحبني من شعري
:رانيا شووفيني زين اناا شهااب شهاب عبد الخالق  زلم فارهة ولاعب عليهة تجين انتي تضحكين علية
ولج بصلافتج وك..... ماا مر علية
طلع موبايل من جيبة وحط الشاشة گبالي

كان الفيديو واني واكفة وية عمر
:شعندج وياه هذا هم لاعب وياج

بس كمل سؤاله ركضت للحمام شكو ابطني ذبيته
غسلت وطلعت انفت من الرجفة، محتارة شلون اطلع نفسي 

:عموو ودييني للبيت فدووة

طلعت لبيبي: كوومي فدوة امششي نرووح

: مالي حااية بيج انا بزعت روحي منج رانيا احاميج واغطي عليج بس لوين تالي ماتالي تخلين اهلج تنام وتطلعين للظباط لو هنا يذبحج مايرف گلبي عليج

سحبني من زندي وشمرني بالارض وسد الباب
: متفقة وياهم تتجسسين علية موو؟
هزيت راسي لا
ضحك وكال
: انا اگدر هسة اعلگج تعلك لومن تعترفين، بس ماريد مايفيدني لني اعرف كلشي جاي يصير
المقطع من اني وعمر واضح مأخوذ من كاميرة بيت او محل مو عالية الوضوح لان ليل، لكن مبين انو هاي اني كنت واضحة لان العباية
نازلة مني اكثر من مرة بس عمر ممبين لان وجهة بالظلام شلون عرفة ما ادري
ماجاوبت على سؤالة
مو ذكاء مني ولا حسن تدبير الامر
لكن الموقف والرعب صنع لجام لفمي 

شغل فيديو ثاني وهو يضحك، صرت اشوف ملامحة مو ملامح عمي، صرت اشوفة شخص مجنون ضحكاتة وملامحة وطريقة كلامة وتعابيرة اللي تتبدل بالثواني رعبتني

شووفي
فيديو تصوير موبايل واني اعترف لبابا منو اللي اعتدا علية

نزل ليمي للارض
: قيصر مهران البغدادي
: عموو دخييلك
: انتي واختج، مشيمش هم مو صغيرة تتزوجون هناا وبأختيااري وغصب عنج واي كلمة زايدة ناقصة يرانيا اخووج يمووت  ابطن السسجن

:ليييش لييش شسووينالك ليش هيج، اني اذبحني اللي موو اني العار هاي اني يمك اذبحني واخلص من عااري

: موو عاار ولا مذنبة قيصر العار الاندك بتاج راسة قيصر اللي راح ينذبح ويموت بس اولها ياخذج وتنسترين وتردين لهلج بسمعة طيبة

: لااااا لاااا والله لوو تمووتني والله لوو تذبحني والله

: ما اذبحج بس اعرسج ل شايب يرضى بعيبج بعيد عن اهلج واختج هناا ازووجهة واخووج يموت بالسسجن
لو ما عيون امج وخاف تموت جا ذبحتج على فعايلج بالسجن ومو بيدج ورضينا
هسة شنهي عذرج تفترين وي الزلم هااا

كلامة واعترافة مثل ماء النار وانصب بشراييني، كررهتة ردت استفزة واقهرة بأي طريقة حجيت وياه بكل قوة وحدية رغم الامي وقهر گلبي

:ترة امي عرض اخووك، شيل عينك وايدك من بيتنا، واحترم ششيباتك رجال جبيل وافعالك افعال مراهقين كل شرف وغيرة ماعندك استحي على ششيباتك عبالك مخبل وتفتر علينة

كانت كلماتي اشبه بلكمات وصفعات على وجهة، رد عليةط بكف غطا كامل جهة وجهي متسببة بضربة رأسي بالارض
؟ غمضت عيني عاجزة سحبت ايدي غطيت اذني متألمة من كمية الكلام الجارح والفشار اللي نطقه بكل استهتار واستقواء بدون رحمة ولا حياء

سحبني طلعني برا وهو يتكلم بصرامة
: يوومين وتررديلي الخبرر تررضين مثل الكلب
يسحب بية مثل جثة بلا روح، صافنة بكلامه معقولة هاي واقع، يارب يكون حلم يارب اصحا واخلص

وصلنا للبيت نزل بعصبية فلشهة للباب وبيبي طول الطريق تدردم علية

نزلت دخلت واني دفعني بنص الطرمة طبگ الباب وراح اجتني مشمش تركض

: عززاا بعيينة ضااربج ششبيج رانيا شصاير
بيبي: عمج هذا يالعرمة يابايعات الحيا لارقيب ولا حسيب تلعبن بكيفجن

رانيا: الرقيب والحسيب ابنج واحد سجنة وواحد قتلة حسبي الله ونعم الوكيل عليكم، ابنج هو الورط اخوية هوو السبب بمووت بااباا

:بسسج بسسج عود جي حاجاج وطكج تذبين علي تهايم عمج ولج هذا محد وكفلج غيرره ترة وعلي ابو الحسن اعوف البيت واخليجن هيج

:عووفي وخلي ابننج يعووفنا بحاالناا

سرى: لج كاافي سسكتي بااع شلوون ترجف خالة فدوة عووفيهاا

:من عرامتها ترجف وحدة داايحة
گومتني سرى امشي مغمضة عيوني الضربة رجت راسي رج، متخبلة كلي ارجف، شيحجي هذا شنو تاخذينة شنو يذبحة اني وين بكل هاي الوضعية شرراح يصير يا الله دخيلك

مشمش: ررانيا شبيج  شتحجين،
:لاازم ننهزم لاازم
سرى: دغسلي هسة حلگج كلة دم شبي كو طلعتو هادين شسصار رانيا

:ماا ادري شصار  تعبت ماا ادرري شصار يمكن حلم هذا ززياااد وووينك الييوم امووتك لك وووين عفتتتني زييياد ولك ررراح اموووت من ساعة الفاركتك ماااشفت راحة زززيااااد يياااربي تعبت عجزززت ولكم احد يحط طلقة براسي وييفكني
___________________

مشمش

گاعدة بالحمام وتخمش بوجهة وتصرخ سرى بأديها اللي بالگوة بدت تتحسن التفت وراها وقيدت حركتها عاصرة وجها بألم
جنت صافنة بصدة بطني صارت بيهة لويات من صوتها

: ششيرريد مني ششهااب بعد ابووي وقتلة اخووي وناايم بالمووت هسسة يكوولي تتززوحين ياا ربي ضاگت علية الدنيا وين اروووح

سرى: بس علكييفج علكييفج امي ويياج والله اهدي

: يكولي ازووج مشمش واقتل زيياد، ويسسسوييهة يسسويهة المجرم النذل البلا شرف

بيبي تصيح بصوت عالي وتغلط علينة: جذذابة بر......  وحدة مااا تسستحي شلوون نشدهة وين دايحة فضحتنة... هذا ابو الدكان ششايفة هو ورياال غريب وراوة التصوير ل ششهاب مااعجبهة تريد تفلت ال......... من باااجر اخلي يرد للبصرة وتردين مثل الجلب وياه

بيبي: ششبيج بيبي يعني قابل تجذب لو ماسامهة الكلام من شهال مجان حجتة كاافي شبيكم شنو ماووين تموتونهة مثل بابا

: يييييع مشيمش ال....... هذا المرادد ويياي

لفت عبايتهة وطلعت اباوع الرانيا فاتحة عينهة بحضن سرى ماتتحرك

سرى : ارركضي مشمشة عبي السطل مي باارد
: مااكو حار هذا
: جيبي الدبة مالت السبلت ركض
جبت المي مالت السبلت فيضناهة

:عززا ششبيهة البنية
:خاف ضغطهة صعد
شهكت مصدومة : رانيا بيهة ضغط
:بلي من دخلت للسجن صار
شلناهة طلعناهة لاكتنة ماما تسحل بروحهة

ليلى:جييبيهة

حطيناهة يمهة وهي متكأ ضهرهة على الحايط
تمسح المي من وجههة : ررانياا ماما بنيتي لا تفجعيني ماابية حييل بعد وولج رررانيا
تفتح بعيونهة
سرى تفرك بأيدهة وتبجي

فقدت اعصابي اروح وارجع جبت مي بارد غسلت وجهة محتارة
الا راانيا صبر ماعندي اذا تخربطت ثواني عقلي يرتبك وياها

دخل شهاب وبيبي وراه تبجي جا عصبي بس من شاف رانيا بحض ماما وخشمهة وحلكهة بيهم بقايا دم رغم الغسل

ليلى: شهاب لوجه الله اعتقنا، لو تگتلنا سوة لو لا تضل تعذب بينة

: ششبيج ليالي مااجاي أذييهة كل الجااي اسسويه لمصلحتهة
: بنيتي مااتت ششهاب شوف حالة ششسويتلهة وطاحت هالطيحة
: انا افهمج كل شي بس صبري علية
دنگ على رانيا شالهة بثنين ادي وطلع يركض، ويحجي

: يما انتي ضلي يمهن لاا تطلعين.. صاح بصوت عالي.... مشششيمشش بس خل اررردلج الا اكص لسسانج

ووين تررجع غير جااية وراك امداية اذا بقيتهة وحدهة بعد وياك
بتراك البيت لبست شال ولحگتة لگيته يصعدهة بالسيارة

ويدعي على نفسة
باوعلي خزرني
حجيت بدموع : والله والله والله ماا اررجع ارروح وياها..

امششي سستري رروحج وولي
:هياتني سااترة
: امممشي
رجعت لسرى ارركض انطتني جبة رانيا انووب طوويلة علية

طلعت لگيته محرك ما مبتعد بس يمشي رفعت الشال وطكيتهة ركضة وراه اركض وابجي لحد ماا وكف السيارة ونزل منهة

:بناات عمااد هااي الصصلافة منييين ووارثثاته ششهالعنااد ولج
احجي ببكاء عالي: كوو گلت لبسسي وتعاالي ششنو تتضحك علي
سحبني من زندي بغضب دخلني يم رانيا
صعد وحرك السيارة
: ششسوويتلهة هاا والله حررام ششنو تززوجهة متششوفهة مرريضة شبيكم انتو عليينا شمسويلكم

:بر....... سدي حلكج لا اطبگج ويااهاا راس براااس
: خاابر ماما خطية رااح تررجع تتمرض ومتحجي بعد

: اوصل واخابر كااافي لاا تحجين بعد اششك حلحكج والزهرة

: انووب يريد يززوجني وييقتل زيياد خوو احنا نقتلك ونخلص منك

مد ايدة ضربني على وجهي ضرب راسي بالجامة
:ولج مو گلتلج اسسكتي ليش ماتكعدين وتنجبين

اريد ارد وكف السيارة دار وجهة فجأة حط اصبعة السسبابة على فمهة وخزرني بقوة

: اششششش ولااا كلمة دييري باالج

دنكت ابجي بصوت نااصي وراس رانيا بحضني، دموعي تنزل على وجهة..
وصلنا للمستشفى وهي فاقدة شالهة مثل الطفل وراح يهرول بيهة، ولا عبالك شايب ولو هي رانيا صايرة عبالك طير حيل ضعفانة

طلب ابقا برة وهو دخلهة بغرفة الطوارئ كل شوية يجي يشوفني ويرجع واني گاعدة على الكرسي اخوزر بالرايح والجاي من حرگة گلبي

قريب النص ساعة واشرلي اروح يمهة
دخلتلها كانت الطوارئ ردهة كبيرة جدا ومقسمة بفواصل خشبية بين كل مريض وآخر

گعدت يمهة نايمة وبأيدها الكانيولا دمعت عيني اديها مزرفة ومليانة آثار تكسر الخاطر 
قبل كانت ايدهة تخبل حتى ماما كلما تشوفهة تكول
ليلى: ايدين رانيا ورجليهة علية هيج بشبابي ادية بصبوبات صبابة

گاعدة وامسح على ايدهة وابجي ضربة شهاب بعدهة مأذيتني

حسيت بأدين حاوطت وجهي من ورا من فزيت باس راسي

شهاب: طويرتي زعلانة علية

ماحجيت ولا رديت ضليت مدنگة
: يابوية والله مايهون علية بس انتن ترفسن بالچبد
ماحجيت شوية ورد حجة
: هسة شلون مانتراضة
: مو زعلانة عمو بس ما اريد احجي
: هااه مشمش ماتحجي ومازعلانة.. لا والله هاي معناها الزعل چايد وطووخ

بجيت بصوت وحطيت ادية على وجهي اقترب حضني ضليت اوخر بي

: ماابية شي ماا زعلانة عمو فدوة بس عووفني
تحسر ووخر مني
: والله ياعمي يهون علية زعل الدنيا باهلها الا انتن هالثلاثة لو زعلتن ضاكت الدنيا بعيني

: لعد شكو دتريد رانيا تتزوج موو خطية باعلها شلون مريضة
: مجبور هيج اسوي لاازم حتى تنضف حياتها وترد تعيش مرفوعة راس
:شنو اصلا هية كرفوعة راس قابل بيدهة انسجنت
: ترة حتى انتي راح اعرسج اشوفلج واحد يرضى بيج اگلة هي صدك معذربة بس حلوة

:ياااا والنبي اهججكم لا عبالكم اسكت ترا اني مو رانيا
: شوف شوف شوف اللسان عود اريد اراضيها، انجبي وضلي بزعلج صوتج ما اسمعة

سكتت عدت ساعات ورانيا نايمة
راح جابلي كيكات وعصير، ما اكلت، رفع حواجبة يتصنع الاستغراب، ماسيطرت ضحكت وهو گبل حضني، بعد عمج وعمرة

:مزاعلتك والنبي ما ارضة بس اني هيج اضحك لان ما اگدر ما اضحك
: اضحكي جعلني فدوة لهالضحكة

خرب زين هسة اني هذا شلون اكرهة ياا الله
نعست كلش غفيت على الكرسي ورأسي على السرير قريب من راس رانيا

___________________________

رانيا
گعدت راسي ثگيل وعيوني مغوشة
بقيت فترة علما استوعبت مكاني ووضعي
رفعت ايدي طخت بشعر لمستة عرفتهة مشمش نايمة والشالل واگع
: يروحي مشمشة عمري شلون هيج نايمة تجين ليمي
گعدت تعصر بروحهة 
فزت مصدومة
: هاا گعدتي
: لعد ترديني اموت
: لا يمة اسم الله
:هههههههه منو جابني شصار
: وكعدتي خشمج نزف وجابج عمو شهاب ضغطج صاعد ماما قاسته
عقجت وجهي من سيرتة
صفنت وسألتهة بخوف
: سرى؟ سرى بس لا عرف بيهة
:والله ما اعرف بس ما سألني عنهة ابد حتى اني نسيتهة
:يلا شلون نطلع هسة ضل بالهم
: لا خابرهم عمو طمنهم

واحنة نحجي دخل شهاب من شافني گاعدة راح صاح ممرضة، انطتني حباية
كان لازم نبات بس لحيت نطلع تعصب وماكو اصريت حتى صاح بية ضليت
: والنبي ماا ابات هناا ماما مريضة
: ولج جدتج يمهة
: طلعني منا ماا اگدر
طلعنا بالسيارة سأل
:مشيمش منو هاي البنية يمجن جانت
رانيا : صديقتي
: شو ماخذة راحتها فدنوب
: اي بيتنه محد بي ذبت شالها شصار قابل

رجعنا للبيت واني بگلبي نار بس لا الگاها بوجهة
بس الحمدلله ماكانت موجودة، سأل بيبي عنهة گالتلة صويحبتهن
بس ما اقتنع صعد فوك حتى بالكنتور دور وماكو حتى اني فهيت وخفت وين راحت
من راد يطلع گال لبيبي
: يمة ديري بالج الكانولة لايجيسهة ماي بعد عدهة دوة

:هي ترد على حد يا يمة
هز ايدة وطلع
گمزت من مكاني دخت لزمت الحايط
: سرى ويين شوو ماكو وينهة بس لا طلعت
جوة
دخلت لكيتهة خافية جوة بطانية ماما
بوست ماما وهدئتها
: شبيج ماما ماكو شي واللع، بس اني مدري شبية صايرة مايعة
: اخذتي حيلي يا يمة والله تعبت ارحمو حالي شوية
: ماكو شي والله بس راسي شوية يوجعني حتى الخرارة راحت
ضربت سرى بخفة فزت
: عززاا اجيتي
:امداج على شنو العزاا
: رانيا والنبي دمرتي اعصابي شوية هدي گبل وضليتي ترجفين دصبري خل نفكر ندور حل شبيج متگليلي

تنهدت ودنگت يا حل والله خوف الدنيا كلة نايم بين ضلوعي

اختفا شهاب يومين
وبعد تأخير مطول بدأ الدوام المدرسي وكان اكثر سنة يتأخر بيهة
ومشمشة المتحمسة اللي تحاول بكل طاقتهة تخفي حماسهة
عمري صارت اول متوسط وتصرفاتهة وركضهة عبالك خمس سنوات
بس انساهة شوية الگيهة بالشارع وتتعارك وية الجهال مرتين شهاب جابهة ساحبهة من اذنهة

عكس صديقتهة تماما ذيج من الثكل تحسهة ثلاثينية
قهرتني بأول يوم دوام من ركضت للطرمة للمكان اللي يگعد بي بابا يلبس حذائة

: عزااا بس لا بابا راح وخلاني بلا مصرف
من راحت لگت المكان فارغ شمرت الحجاب وضلت تبجي بقوة، كلنا انحفرت جراحنا
رغم كلشي ررغم كلشي سواه بابا بس احبه حييل احبة من ورا ما مات نسيت كل السيئات
ضلت بس الزينات ابالي
گومتهة تشهك عيونهة مورمة غسلت و اخذتهة بيبي توصلهة
نادية ابو عبد يوصلهة
طلب من مشمش تصعد بس رفضت لان ام عبد قبل بيوم هدت علينة

: كفوونة شركم رجاءا منرريد بيكم لا علاقة جورة ولا صداقة عيفونة بحالنة وگولو لبنيتكم تبعد عن نادية مابينة حيل مشاكل ياعيني اني معندي شي وياكم
بس انتو عائلة سمعتهة صارت بالوحل والانسان احسن ماعندة سمعتة والسمعة السيئة عدوة ترة

ليلى : هسة صرنة سمعة سيئة وعدوة لعد من كنت اخيط ملابسج وملابس بنتج وبرداتكم كلها ابلاش مكان بينه عدوة من كانت بنيتكم تجي لزياد يدرسهة مثل اختة ماكنا عدوة ابو عبد من عالو علية وهدو ورا المرحوم وزياد ماكنا عدوة
يكولون كلشي دين وانتي ماوفيتي دينج ياجارتي ويا صديقتي

: تعيريني بأفضالكم علينا
: لا مو اعيرج بس اذكرج ان احنا مو عدوة احنا ناس انضلمنا وانتي وحدة من اللي ضلمونا بس ميضيع شي عند الله
: دباع ام حلك الاعوج هم تحجي، عدلي لحلكج انوب عايري..

ماما خجلت نزلت دمعتهة ودنكت
خررب دتعااي خل افرغ بيج قهر عمرري
اول ما وكفت دخت بس الغضب شحن طاقتي، ركضت علي
طلعتهة اتدفع من البيت
: ووولي اتكسسحي ووجهج بعد مااا اششوفهة ياا ما حذرونة مننج بس كناا مخدوعين بوجهج المتمسكن ياا مگدااية ووولي ترروحين فدوة ل ابو عبد

مشمش من شافتهة حاولت تضربنة اجتلهة ركض بكل سرعتهة  ووگعتهة
دفعانهة ضلت تلعلع وسدينة الباب

باوعت لبيبي حاطهة شيلتهة على حلگهة وتضحك
رانيا بضحك: تضحكين علينة كريمة اجيج اكتلج
:تسوينهة يعرمة، بس والله عاشت اديجن طالعات على يدتجن طلعتنة تدهرب

نزلت سرى من فوك متطلع اذا اجا واحد
: هاا رراحت
:راحت كتلناهة وراحت
ضلينة نضحك بس مشمش ضاجت تخاف تأثر على نادية وهي حيل تحبهة

________________________

مشمش

طلعنا نمشي اني وبيبي للمدرسة خطية فحطانة

مشمش : بيبي ترجعين والله اعرف الطريق ماعلية شي
:مشيمش انچعمي واسكتي مابيه حيل مداهر
: لعد عمو لويش موصلني
: خرا بعمج اي والله هو انتن شخليتن بالرجال مو هل مطيحات حضة رايح راد للبصرة هسة يموت وليدي واضل هيج

: اي والله شايب وانتي اشيب منه
: خايبة بعدني هو انا من صار شهاب يلا صار عمري اربعطعش
: عزا لعد شگد عمرج وازوجتي
: ثلطعش سنة بس شبيت ابوي يوزني الله يرحمة
:حبيتي ل جدو
: تحسرت وردت مبتسمة بحزن... اييه حبيته بس اذاني مااشفت راحة حط فووكي اربعة ذووب گلبي قهر ياا يمة

:تردين نسبة حتى ترتاحين
: ياتربية شهيبان تسسبين يدج
: لعد موو ضووجج
: ولي طبي ووصلنا امششي مني

ودعتهة ودخلت وكان يوم صعب البنات الراسبات واللي يعرفون رانيا وسرى  صارو يسألوني عنهم

بقينة اسبووع كامل هية توصلني كل يوم، وكل يوم نفس المعاناة وي البنات واني اكتم وماا اسوولف بالبيت خاف رانيا تنقهر

لحد ما بعد اسبوع من القهر والمحاولة واقناع نفسي ان كلشي راح ينسي وتتحسن الامور

اجت وحدة وكانت بلا حجاب صدريتهة ضيگة ومسوية شعرهة كعكة بس شكلهة ابد مو مريح للعين
، وكفت بعيد وتحجي للبنات
: اختج طلعوها من السجن لو بعدهة
: وانتي شكو
: اكولج كم ضابط اخوج قتل صدك يكولون خمسة
:متولين مني لاا اخليهم هسة ياخذوني لان راح اقتلج
: ك.... تعودتن على درب السجون راحتجن صاارت هنااك موو

هند: تعالي مشمش خل تولي
مشيت وياها ابجي خايفة من المشاكل لان الكل نضراتهم مو مريحة ونادية اللي كانت سندي ابتعدت من يمي من شافت البنات ضدي

واني امشي وياها سألتني
:اگولج هم اهلج تجار مخدرات لو اسلحة
دفعتهة وگعت بلارض
ضلت تصرخ وتبجي
اشو البنات عذر والله جابة الهم
التمت علية مجموعتهة ملخني تملخ وجهي امتلئ خدوش وادية وملابسي السود توسخت
اجت المعاونة ومدرسة

هااي ششكوو ششصاير

شافتني شالي واگع بلارض وجنطتي
گمت اشهك وانكث بملابسي شكلي صار يفشل

هند ببكاء : ست مسسويتلهة شي بس وخرتهة من بنات السادس كانت دتسب بيهم وتهدد تگلهم اقتلكم اني متعودة حتى اسأليهم

شهدولهة زور ان هية صادقة

مشمش: كذاابة ست والنبي كذاابة حتى هاي نادية وسألية هم يتجاوزون علية وعلى اهلي اني معلية بيهم

شهدت نادية بس خنجر وفات بگلبي من كالت : ست اني ماشفت شي مكنت موجودة اني معلية

صرخت من قهر گلبي
:لج ليش تجذبين مو كنت هنااية وااكفة
ضربتني المعاونة كف بكل قوتهة
نضرات الكره والشماتة اخذت من حيلي عززا اني وحيدة هناا

الكل صار يشهد اني اللي افتعلت المشاكل واني هددتهم بأن اهلي تجار اسلخة ومخدرات
اخذوني للمديرة
دمرت نفسيتي بالسب والغلط والضرب على راسي وبعدين طردتني من غرفتهة

اخذت جنطتي وطلعت من المدرسة وهمزين الحارس مكان موجود

ما طلعت بين البيوت طلعت على الشارع حتى الطريق يصير اطول
كارهة البيت ماا اريد ارروح للبيت
امشي وابجي وجهي مخرمش والشال مالبستة ضميتة لان مترب
واني اصلا ماكنت محجبة

امشي وابجي وسمعت صوت هورن وراي
ما التفتت لحد ما سمعت صوت مو غريب علية

: لج طررمة متسسمعين اوووكفي

نزل من سيارتة خزرتة ومسحت دموعي

تكلم مصدوم : هاي شبيج منوو هيج مسسوي بيج

____________________

رانيا

راحت مشمش للمدرسة بقينة مانمنا نشتغل كلمن صافنة بقهرهة

وسرى اللي دمعتهة ماتنشف لحد هسة ما اعرف شنو عاشت بس واضح من دموعهة قهرهة
مر ابو الستوتة يبيع خضروات وفواكه

بيبي مكانت موجودة وسرى متطلع قنعتني ماما ان اطلع اجيب مسواك
لان بيبي متقبل الا يجي شهاب
طلعت  بعباية بيبي
اشتري
حطلي كذا وكذاا وهو مستغرب ليش ما المس البضاعة مالتة بس ما اباوع بعينه حتى ما انقهر 
دخلت المسواك واجا  طفل ابن جارنا گلت
: اخووو بس لا هم تشتكي من مشمش
: لا والله هاج هاي وداها الشرطي

رقم مكتوب فوقه حرف  A
عرفتة مباشرة عمر
يمة ششكو ركض اخذت موبايل ماما رادت سرى تصعد

حجيت محذرتهة : لاااااء لااا لااا تجيين ممنوع سسرى هسسة اجي افهمج دا انتضر خبر من زيااد لتجين

اخذت الرقم وصعدت دگيت رد
: الوو رانيا اني عمر لتخافين احجي
:سيدي هاا صار شي اخوية بي شي
: ماابي شي،رانيا احد معتدي عليج بالسجن
: شنو؟
: اححجي رانيا لا تخافين اذا الج حگ اني موجود والله اطلع حكج

حجيت بكلبي اي واذا طلع دازك تختبرني ساعتها اقرا على نفسي السلام
رديت امسح دموعي تمنيت اثق بي بس ما گدرت
: لاا محد ليش شكو
:قيصر مهران راح  يتقدملج ، ليش وشلون وقيصر كلنا ندري بي مستقر بزواجة وعندة اطفال منين طلع هالقرار

عرگت جبهتي وانمغصت ذابت روحي بقهر حسيت اريد استفرغ، گعجت ساندة رأسي على الحايط 
:ش شنوو شلون يعني
:انتي تعرفين شنو نبرة صوتج الخايفة فاضحتح رانيا.. وقبل فترة اجا عمج التقا بقيصر علگت للستار وطلع يرعد
: الييوم قيصر يقرر يتقدملج فهميني شكو.. اگدر اساعدج رانيا اني حلف يمين ما اخون واجبي لو على گص رگبتي بس فهميني شصاير
: اني تعبت اني مريضة والله اريد اروح الله وياك مابية شي بس عووفوني بحالي
سديت الموبايل عيني للسماء
: لاا ياربي فدوة ماا اگدر دخيلك ياا الله مو لهدرجة شلون بية

نزلت لماما گعدت يم ركباتهة وهي جالسة على الكرسي حجيت بالخط العريض
: الرجال اللي اغتصبني اليوم يريد يتقدملي، بالسجن اني اغتصبني ضابط وانتي تعرفين كلكم تعرفون، ادري بيكم تعرفون هسة ديريد يتزوجني بسبب شهااب، شلوون الگيلي حل انتي امي سوي شي اني دا احترك هناا  ملك الموت طوول علية حيل سساعديني ششسوي انتحر

نترت بية بيبي
: لااه ما تنتحرين عمج حجة ويانه وفهم امج السالفة تعرسين وتسكتين تنتحرين للجير، وهالمگاريد اخووتج وابوج بگبرة شذنبة يلوحه العار
: واني شنو ذنبي شسويت بعمري وهيج يصير بية والله ماا سويت شي

:هاي بعد تاخذينة وتسكتين انتي بنعمة راح تنسترين، المثلج

قاطعتهة بصرخة : تتتتنذذذبح ايي متذذذذبحوووني وتخلصصوني عااد اذذبحوووني فكوووني سسنين مرتاحين من ششوفتكم دخلتوو حيااتنا مثل الزلزال من شفتكم واني ما اسمع غير اذبح اصلخ انعل

عصرت ايدي ماما
:عمج راح يخلصج فدوة لوجهج كلها فترة قصيرة وتنتهي والله انتي ترتاحين واخوانج يرتاحون شهاب حلف بكلام الله ما تضلين يمهم

عززااا العزززاني مسسسولفين ومقررين ولوماا ادرري وحديي جاان محد گالي
ولكم موووتوووني والله مووتووني

اجت سرى تركض سسحبتني من يمهم  للغرفة جنت اشهك واضحك ومشمش تتكاون وية بيبي وماما

مشمش: تخببلتوو ششبيكم ووين تتزووج بحاال زوواج هيية لييش هييج منوو بقالي غييرهة ووين اررروح اني ويين
بيبي: صوتج يالعرررمة انتي هم يراد تنسسترين عبن ماا الجن امااان العن ابوو هيج تربية
:كااافي فكي عناا رووحي ل اببنج منرريد احد رروحو خل نررتاح هذا لا بيتكم ولا منطقتكم

: خيبة ياكلجن الجرب لو رحنة ياهو يطي ايجارجن ومصارفجن تنجبن وخلن الزلمة سااتر عليجن
:نگدي خووش نگدي وماا ندگ بابكم عوود
مااماا انتي صدك تحجين والنبي اذاا عرف زياد يطيح حضهم وحتى انتي ميحجي وياج بعد

:يطيح حضمن ولج يالفصمة

عافتهم واجتني ترعد حيلي رايح حطيتي ايدي على حلگهة اريدهة تسكت حضنتني وتشاورني

:نشرد نشرد منا ونشتغل ونعيش ارواحنة نفتح مطعم نبيع لفاات لاا تخافين نشرد ولا نضل ولا تزووجين
يماااا لاا لاا والله ماا اگدر

سرى بس تبجي محتارة بضيمهة ومصيبتهة وقهرنة فوك قهرهة
تفرك بأيدي
وتحجي بدموع وحسرة
: بنات شبيكم اصبرو شوية خل نفهم الموضوع يمكن مايصير هيج فدوة كاافي

ضل شهاب رايح جاي يحاول يقنعني مرة يتعارك ومرة يهدد وصلت بي حتى يضربني
: بسسيطة والله الا اششتكي علييك
: دليل ماا يمج لا تعبين رووحج.... ونقطة الثانية اذاا تهددييني اكسسر حلگج افتتهمتي

بعد كم يوم اجاني الضهر گال
: كومي اليوم مواجهة اخووج
: كذب مااكو مثل ذيج المرة دتريد تاخذني للشقة وتهدد وتضرب واني هذا رأيي ومااا يتغير
: اخووج طالبج، وهاي سجلت حجيج ماتردين ترحين لان حيلي راح وصرفت طاقتي كلها يطبكم طووب انتي وهو

من راد يطلع صحت وراه، لابسة جبة وشال غركانة بيهم رغم كانو قياسي قبل المصيبة السودة

رحنة للسجن ولغوة وهناك شفنا النذل حسام
طلب ننتضرة بغرفة مكتب
شهاب : ليش چا مو بغرفة المواجهة
حسام: حالة خاصة وحدهة تنتضر مو انت
: شنهو مااكو هيج سالفة جاية وياي تطلع وياي هي لا سجينة ولا متهمة
: الاوامر من فوك اجت ان زياد عماد عبد الخالق يلتقي بأختة خارج غرفة المواجهة لااا اتعبني رجاءا

:امشي بوية ماا بلازم

غرفة المواجهة اعرفهة يصير بين السجين والزائر فاصل شبكة حديد لا بل اثنين فواصل يصير حتى الصوت گوة ينفهم

لزمت ايد شهاب ودنكت ابوسهة واتوسل : الله عليك الله عليك بروح بابا اششوفة بالمكتب غرفة المواجهة ما اگدر اشوفة عليك الله والله گلبي عطشان شوفتة

حضني حيل وتكلم بحزن :والله اخاف عليج ولج عمي شلون اتهيج يمن عساني متت على هالمصيبة

: فدوة عمو والله گلبي راح يوكف خل اشووفة بالمكتب حلفتك بروح بابا
دنك باس راسي وبأستسلام گال
: روحي بوية الله يحفضج

صرت احس نبتت لي اجنحة وصرت اطير هيج جمال الشعور واني لاحقة الحقير حسام

دنمشي والتفت علية يحجي مضيق عيونة
: حذرناج متحجين لو لا
يابة روحي نسلبت بهالسؤال حسيته تهديد اللي ول اخواني
وسعت عيوني وبلعت ريقي بصدمة
: مء ما ما محجيت
حجيتها ونزلت دموعي
: هممم وهاذي اللي بالتصوير  امي تسولف ل ابوها موو
توقفت ماگدرت امشي  واني اباوع بعينة

: وين وين وي وين ماا ماخذني انت
: ل اخوج غير
: رجعني رجعني عفسة رجعني ماريد اششوفة لويش ماخذني مناا

ترااجعت بخطواتي للوراء والتفتت قبل ما اقدم خطوة سحب ايدي ومشاني
: امشي لا تخافين، تشوفين اخوج وتولين... غبية انتي رانيا حيل غبية گالج راح احل الموضوع تحطي بهيج مووقف لييش امششي

: عوووفني عمووووو تعااال مااا ارريد ماا ارريد رررجعني 
فتح باب مكتب ودفعني

دخل وسد الباب
وصرخ بوجهي
: صوووتج أگعدي هناااا
فزيت... تقدمت گعدت على الكرسي
گعد على الكرسي المقابل
حاط اصبعه الاوسط تحت حنكة واصبعه السبابة على وجنته اليمنى متكأ على مرفقه  وتكلم
: عمج هذا الشايب لتثقين أبد.... مو بحضن وكلمة طيبة تسلمين روحج واسرارج كلهة

باوعتلة وحجيت بداخلي لعد اثق بيك.. لكن ما تكلمت لان اخاف منه احسه مجرد من الانسانية ووقح  عكس عمر تماما
تحسر وحجة : اخوج تعبان لا تشغلين بالة عليج... قيصر راح يهجم بيته ويتزوجج تنستر السالفة وينتهي الموضوع
تأفأف وتكلم... ترة لا عبالج خوفا من عمج تقدم هالخطوة من الاول ناوي هالسالفة
متحجين؟
:شش شحجي
: فرق كبير بينج وبين ام لسان ذيج طفلة بس شجاعة
مارديت بس انضر للنفاضة يطفي بيهة الجكارة  اتمنى اكسر راسة بالنفاضة لان جاب سيرة مشمش
: نجحت من السادس
هزيت راسي أي... ضحك وسكت

انفتح الباب ودخل زياد

__________________________

سرى

تعبانة اني كلبي تعبان روحي تعبانة من تأنيب الضمير كلما احط راسي على الوسادة اسمع رقية تطلب المساعدة اسمع بخيالي اسمع بجي خالو وهو يتمنى احد يساعدة

اسأل نفسي بتكرار
ياترى لو ماراجعة ومتحملة خالو هم راح يموت
: يمكن يموت يمكن لا يمكن مايموت بهالبشاعة وهو مقطوع القدمين
كانت رقية سالمة كان مرتضى ماعاش هالالم ولا خالة ام مرتضى عانت بهالشكل اني السبب

احجي وابچي ومثل كل مرة تفز شريكتي بالروح والقدر تحضني وتهديني

رانيا: سرى فدوة كافي كليوم هيج حالج، والله ما اگدر  هيج اشوف حالج اتمنى اشيل هيج وترتاحين
تعالي نامي على رجلي  افلي شعرج وتغفين يلا
:دروحي علاساس انتي شبعانة نوم
: اني ما انام اصلا تعالي يلا
نمت على رجلهة تلعب بشعري توني اغفي وتكلمت
: عزا سرى  هاي گملة؟
:انجبي رانيا
شعلت فلاش الموبايل بشعري
: يمه وربي خفت عبالي گملاية طلع خيط صغير... وخري مني لعبت نفسي بعد ماگدر

باوعتلة مصدومة صفكت ادية وغميتهة
: امداج يا حقير عود صايرة حنونة
: ايع روحي غسلي شعرج قحط مي
: لتصيرين زمالة مو شفتيني الضهر سبحت اشو بسببج صرت يومية اسبح

مدتلي ايدهة:هاج بوسي
ضربتهة هاي شنو شبيج
: شبية بعد غير لو ما اني ماتعرفون المي
ضحكنة وتمددنة سوة لازمة بأيدي بس بعد مالزمت شعري
اندگت الباب فزيت خايفة ودگات گلبي مو منتضمة باوعت لساعة الموبايل الساعة 2:33
گمت اتسحب عقلي يهديني
وگلبي يريد ينهزم مني للباب حاطة ايدي على گلبي اهدي
وصلت للباب
باوعت من الثقب الصغير
الدنيا ضلام بس القمر كان مضيء وكاشف كلشي  بس شفته شهكت
هو التفت بسرعة
مرتضى: حبيبي
سكتت مارديت  اخاف من المواجهة اخاف يطلب مني ارجع اخاف اشوف امه اخاف اسأل عن رقية وعن مروة

: زعلانة مني.. تنهد.... تعبان سرى اشوفج واروح ماريد شي... حرام عليج والله انا عايز قهر وتخليني اضل محروم منج
هياتج ورا الباب دا اسمع نفسج وشهكاتج افتحيهة كافي عاد

خلص صبري ما اتحمل يتوسل اكثر
فتحت الباب
بدون تفكير دخل التفتت وراي رانيا  اشرتلي بأصبعهة واشرت بأيدهة ابقي يمه

قبل ما التفت علي ادي حاوطت خصري وحط رأسه على كتفي
يتنفس بقوة
همس :حضنيني حيل
حضنتة وهو حاضني بقوة ويبوس بكتفي ورقبتي
ابتعد عني لزم وجهي بكفوف ادي رفعت ادية حاضنة كفوفة لوجهي وابچي بصوت ناصي
:شلون سرى شسوي
: مرتضى والله آسفة ماكنت اعرفهم هيج خطرين والله عفية سامحني نضرة الملامة والندم منك ذبحتني ما اعرف اعيش والله

: ليش يروحي ليش هيج والله مالج ذنب الذنب ذنبي كان لازم اسافر بابا طلب مني نسافر للشمال واني رفضت اني السبب موو انتي حبيبتي لا تبجين فدوة لعيونج
رجع حضني
:شگد مشتاق لعيونج اني خذلت بابا تاركج غريبة، بس والله مو بيدي لا تزعلين مني هسة ساكنين ابيت خالي، امي منهارة ما أگدر اخذج ليمها
: ماعليك مني هنا حاطيني بعيونهم
: تخبلت واني ادورج عفت كلشي ورحت ادور عليج احس روح بابا تعاتبني شلون ضيعتج
:لا حبيبي هياتني مابية شي
: ممنوع تطلعين سرى، عمامج خباث اشتكيت وطلعت الشرطة ماكو اي دليل ان هم الحارگي للبيت، الحريق مفتعل بس الفاعل مجهول  راحت الشرطة لبيتهم طلع عدهم فاتحة جدج توفة
وفوگاتهة هدو علية يگولون هججتة بنتنا يردون ياخذوج، لا تطلعين أبد لحد ما اشوف اخرتها

بجيت خايفة حضني ويبوس بخدودي
: اشششش بعدني ع الوعد سرى وياج ل آخر نفس بس صبر هسة محتار برقية والله
: رقية شلونهة
رد علية بغصة :مالها لون محترگة من راسها لرجليهة

: والله راح اتخبل غرفة البنات ممحترگة وهي بية شلوون مررتضى
: چانت نايمة يم بابا والنار سادة عليهم الباب بابا ماگدر يطلع وهي چلبت بيهة طلعت منهزمة للحمام محترگة وطافية وحدهة مصلوخة صلخ
راح اسفرهة للهند بعد كم يوم ومحتار بيج والله

:روح الله وياك ماعلية شي
:أحبج اني حيل احبج

ودعتة وراح حيل مقهور  وعيونة مدمعة

بقيت وياهم بالبيت كأنهم اهلي ماحسيت بالغربة ابد لوما عمهم شهاب

بنفس اليوم الصبح اتكسر علينا الباب
رانيا صاارت ترجف احتتاريت اختل لوو اهديهة عززاا هااي منوو كل ضني عمهة

بس من سمعت صوت سليم وحميد ورباب وبعد اصوات خفت احتااريت برووحي

ضربت رانيا كف  بقووة اريدها تصحا لان فقدت،
لزمت وجهها
: عمااامي عماامي يردوون يذبحووني اصصحي ختتليني مااعندي غييرج اصصحي

رانيا: راااح امووت رراح يااخذووني رراح يذبحووني

صاحت علية خالة ليلى
:سسرى وووينج تعااالي
رحتلهة اركض روحي مفرفحة

: اصعدي بالسطح اختلي بالبراميل اللي بسطح بيت ام عبد ارركضي
فهيت بوجهة مافاهمة شي
جرتني مشمش من ايدي وركضت بية للسطح
صعدنا اشرتلي على براميل ثلاثة مسطرات
: امشي بلا صوت على اطراف اصابعج لتخليهم يحسون

نزلنا بسطحهم علكيف گلبت البرميل علية  خلتني أگعد وگلبتة فوگي غطاني بالكامل

قريت آية الكرسي هوواي قريته
مرة بالنيابة عن كل شخص بالبيت تحفضة وتحمي
ثواني وصرت اسمعهم صوتهم بالسطح
انرعبت حتى النفس كتمتة يارب يااا الله ياا معين دخيلك يا الله 

ماميزت كلامهم بس كانت اصوات عالية ونبرات غاضبة  صعد ابو عبد تعارك وياهم لان رادو يتجاوزون على سطح بيتهم

: والله وبالله اشتكي عليكم شنو يابة وين عايشين عصابات تگمزوون على البيوت هسة راح اتصل على الشرطة يشوفون شغلهم

سليم:دخابرهم وشووف والله الا نشگك شك گ..... انزل وانجب محد جاي يمك
لا لا تعال انت ليش خايف خاف انت خاطفهة يمة گلبي وكف گلت هاي هية انتهيت

:الوووو يااابة الحكنا هذول عصابة طفرو على الجيران وجايين على بيتنا جييب الشرطة بالعجل اي فدوة لگلبك لو عدل لو ميت تلگيني

حميد : يمعود ابو الغيرة هسة عليمن هالمعامع بتنا ضايعة وجاي ندور

: اني نازل عود تجي الشرطة ونتفاهم، لتفكرون تنهزمون الكاميرات سجلت كل شي

ضلو يدردمون ويسبون
سمعت وياهم صوت حسن يهدد ويتهدد

نزلو بقيت اني جوة البرميل اخاف اوخرة ويطلع صوت الشمس ضربتة  نقص الاوكسجين صااار ناار علية

ماايقارب الساعة ونص واجوني رانيا ومشمش رفعو مني كان بيني وبين الاغماء ثواني

طلعوني نزلنا الدرج سانديني مددت بالغرفة من الخوفة والحر  حسيت انتهيت
كاني محجووزة بقبر غسلو وجهي بمي بارد  شربت مي صحصحت شوية

ضلت رانيا تتوسل وتتعذر لان مگدرت تساعدني 

:رانيا لييش هيج صصرتي خووفتيني عليج والله شبييج متگليلي هواي بنات انسجنو واتعنفو ليش هيج صاار بيج انتي

:مااا ادرري ماا ادرري ماا اگدر اناام اني لليوم ماا اگدر اتهنا بنومي لليوم اشوف نصرة ورسن بالحمام، اباوع ل ادية الف ذكرى مرة تسحلني لذاك الوكت

طلعت رجليهة وتأشر بحركة... شششوووفي ششووفي ششسوو بية شووفي

شووفي اذني ششرمهة ششرم  واخذ الترچية ششوفي گصتي ششلوون مفتووحة ارريد انسسى ماا ااعرف اريد احضنكم وماا اسبح جااي امووت انيي والله جااي امووت

تدنت عليهة خالهة تزحف على مقعدهة  بصف الحايط 

ليلى : مااصار هوواي يمة ماا صار هوواي جرووحج جديدة والله تنسسين وتعديين وتعيشيين ان شاء الله يكتبلح اياام حلووة يعوضج عن مرارج بسس  اصبرري

: مارريد شي خل يرجع زيااد وهاي هية اني اصير زينة والله اني اعررف رووحي

مرت اياام مرة بيهة لحضات حلووة  وساعات مرة بيهة انتضار بيهة تعذيب وتأنيب ضمير كلما بكيت تسألني شصار وياج واتهرب ما اجااوبها

الى لن زعلت مني

سسولفتلها الها ولمشمش كلشي عششتة اللحضات المرة والحلوة واللي عشتة ابيت عماامي واللي عشتة ابيت خاالو حتى اللحضات الرومانسية اني ومرتضى حجيتها بأصغر تفاصيلها ومشمش مفهية بوجهي تطردها رانيا وتررجع

ماا بقى شي لحد ووصية خالو واللي صار بالمسستشفى وهم يسمعون ساعة نضحك وساعة تدغدغ قلوبنا بسوالف مرتضى وساعة ننقهر ونغضب من سوالف عمامي والمرض اللي سببو اللي والضرب اللي تعرضتلا ضلينا نسب ونغلط وهم وياي حجيتلهم عن فرحة وسوالفهة جنا گاعدين عصرية بالسطح
حررت كلشي بداخلي حسسيت خف الحمل عنني

كل اسرار سرى صارت بأيد رانيا ومشمش  صديقات عمري واخواتي

عدت كم ييوم واجا مرتضى صدمني بالطلب اللي يريده مني، تدمرت كل حصون الصبر وضهر انهياري العاجز

___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

رجاءا اتمنى منكم  اذا حابين تدعموني وتدعمون الرواية علقو اشياء تخص الرواية لا نقاط ولا قلوب لانها تزعج القراء الاخرين 🌹

حسابي الانستغرام

اعتذر عن الاخطاء الإملائية، وشكرا جزيلا لحضوركم الجميل
وأحبكم بگد العراق🥺💕 pahrasoad