روح في بحر الظلام

الحلقة الأربعون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفا🫂🤎

البارت اكثر من 5300 كلمة 🌸🌸🌸

_____________________________

سرى

كنت اضن
ان جميع اوجاعي رحلت
وان خريفي انتهى واشجاري ازهرت
بعد ما روحي بروحه تمسكت
ايام الشقاء ولت وانتهت
واحزاني تبددت

كنت اضن وكنت اضن.. وماكان في ضني أثم
بل كان حلم الثم
استيقظت منه وانتهى
وحزني في روحي جثم

كلمات بقلم بحر

_______________________

سرى

نسولف ونخطط ونحلم وشنسوي وشلون نعدل وغزل وكلامه اللي يحسسني انو الله ماخلق غيري أنثى هيج احساسي وياه
تمدد حاط راسه بحضني

:عزا تتلف ملابسك
:يولن ينغسلن

:مرتضى اتأخر الوقت ابيش صارت الساعة
:عوفي الساعة خل تولي
:مو اخاف خالة تتعصب وخالو همات وحدة خطية ، وهمات اريد اخذ علاجي الطنين لعب نفسي

:ابقي يمج اجيب الموبايلات من السيارة ، شوية ونروح
:لا لا جاية وياك بعد خل نرجع  تأخر الوقت  والوضع خطر انووب بس لا مايخلونة نعبر

صعدنا بالسيارة .... باوع لموبايلة بغرابة وصدمة  :فوك ال ٣٠ مرة متصلة امي وهاي الجيران ششكو ياا ستار

:كلبي وجعني مرتضى شصار  فدوة اتصل عليهم

ضل يتصل ومحد يرد علي  سوة الطريق دقايق.. حطيت ادية على اذاني خايفة من شدة السرعة

:لا تخافين يروحي مسيطر والله
:عفية انتبه
هز رأسه وكمل قيادة

كنا نمشي بين البيوت الطرق الاساسية اغلبهة مقطوعة، والمطبات فلشت السيارة تفلش

وصلنا من بداية الفرع والناار ششاعلة الضوة مبين  من بعيد

صاح بصرخة  غااضبة:لاااااء لاااااء لااااا

كان بيت ماما خالو شاعلة  النار بيهم والدخان والنار غالق كل المنافذ من الشباييك و حتى الابواب

اني اباوع مصدومة مندهشة مررتعبة
لحد ما وصلنا نزل يركض  متوجه للبيت بكل سرعتة بس ولد منعووه

صار يشمر نفسه بلارض ويضرب بيهم فرفحت رروحة

خالة ام مرتضى  لاازمااتهة  مجموعة من نساء الجيران

اركض بين الحضور ادور على خالو اركض اعثر  وانهض 
لافة نفسي بالعباية بصعووبة
صصررخت بصووت عاالي

خااالووو خاااالوووووو ووويييينك وووويييينكك خااالوووو
اجاني الصوت حزين وباكي مااعرفت من منوو

:جوة خالج حبيية 

كان تركيز الكل منصب على مرتضى وامه، بكل ركضت بعباايتي وبكل سسهولة گدرت اووصل للباب المسستعر
والناس تحاول تطفي بكل الطرق المتاحة  واسسمعهم يحاولون يتصلون بلاطفاء

عديت الكل متوجهة للباب
التفت على صرخة مرتضى المدويية

:سسسسرى سسسسسرى بررروح امممج لاااا سسسسسرى

اللي بالباب انتبهولي اجوو يركضون ليمي  دخلت للبييت بعبايتي وفسستاني الساتان

ارريد ددرب ولو صصغير يفووتني للاستقباال مااكوو الصاالة
وشبابيك الاستقبال متفجررة
واني اننحششرت 

:خااااالووو خااالووووو ابوووييية ييياااابة لاا تموووت بداااعة امي خااالوووو اااجيييتك والله

سمعت صوووت صصرخة  خاافتة من غررفة البناات

صحت ملهوووفة
:رررقييية ررررررققييية ررردي

الارض كانت سسيراميك وجممرت من شدة الحرراررة
لافة ررووحي عديت بصف الحاايط  رجلية انطبخو احسس امششي على جمرر

المشكلة البيت رغم صغير بس مليان قطع اثاث  وكان مفروش  هالشي سهل احتراقه 
اسمع صوت انفجار التحفيات الزجاجية 

:رقية ررردي رررقية 

رقية:ووولج تعااالي رااح امووت  وويينكم

سرى الغبية سسرى المتسرعة  العنيدة ام دم  الحاامي
بلااا تفكير على صوتهة اقتحمت النار  بدون  ما احسب حساب للعواقب

ثانيتين في وسط النار كفت انوو النار  تلتهم العباية والفستان 

صرت اصصرخ بعالي صووتي 
بسرعة انسحبت للحايط ولف علية البطاانية

:حبييبي حبييبي مااكوو  شي مااصاارلج ششي..

:ررقيية جوووة

جررني من ششعرري.. بنت الكلب اناا اعللمج...
ششلوون اطلعهة واططلعج ششلووون

:هناا هناا حجت هسسة والله حجت

مررتضى:رررقييية ررررقييية ووولج اااحجييي رررقية

:مرررتضى خل يسااعدووونا فدووة
:مااايررضووون ييخاافوون. هوو اني كوة فلتوووني، شلوون دخللتي سررى ششلوون  خببلتيني 

يحجي وييدفر بالخششب والفراش بررجلة

واني اختنكت من تلدخاان مكرفصة بالبطااانية

:ييييااااابة دددخيييلك ييااابةة  ررررد علييية اموووت وررااك ييااابة

تحركت من ييمة
:ووولج نااار يغضب الله نااار ووين رررايحة

اططلع من المفررغة اني اكدررر وااافتتح القفل مااالت ششباك غررفة البنااات

:سرى البراني مششتعل انحششرنا... يبااوعلي بيأس  الجوو صاار جهنم

دخان غليظ، نار بكل مكان، يأس رعب، اختناق  النفس صاار ماايوصل للرئة

الحمام  قرريب  بس اللي عايقنة التخم كان بطريقة

:كووم مررتضى لاا تسسوي هييج اخااف من الناار اخااف والله
وخاالوو و رقية سسكتوو ولك كوووم

الكلام صار بصعووبة صعب علية حتى الوقوف

انحنيت بصف الحايط، وهو اقترب حضني

:بااوعي ررااح الفج واااعبر بييج لاازم اافووت بالناار حتى تفتتحين الششباك

:ت ت تحت تحتررك

:راح نحترك بكل الاحوووال

نزع القميص والبنطلوون كال يشبون بية وما اكدر انزعهم بعد
.. بالكوة وكفت

كفني بالبطاانية وششالني هي كم خطوة وسمعت صراخة المتألم وشدد حضضنة  يحااول يخبأ وجهة وصلنة للحماام  شمررني ششمر وصصار جووة المي هااي المنطقة مختنكة دخان اكثر من ناار

هدم المفرغة بوكساات والدم صار ينزل من ادي بغزارة
، الشكر لله كنت اكدر اعبر من الفتحة بس هو لااء

شمرت رروحي ششمر والنار شاعلة بالحيياطين والجيران  اللي  يمنة واضح مفرغين بيتهم لان ضلام 

وصلت الشبااك كان مغلق بچيينكوووة

:مررررتضضى ووووينك

يحجيي بصوت گوة ينفهم من الخنكة يحجي ويكح

:عبب عببري السسياج ماا اكدرر اططلع اعببري سسرى

:لااااا لااااا اسسسكت ياالله لاا تصصوب كلبي بمررتضى دخييل اسسسمك
يياا الله بحق الحسسسين يااا الله اححجي واجر بالجيينكوة ادية تتملخن الدم ييجري  واضضغط على الالم واسسحب

:وووووينكم اااحد ييسساعدنااا يااا ناااس.. ولكم احتترركنااا

محد لبى ندائي ابدا

المصيبة  مرتضى قافلة من الخارج  بحديدة لذالك حط الجينكوة على الشباك
وهذا الشي كان بطلب من البنات كانو يخافون من  المنور
اللي كان سياجه عالي و سقفه  شبكة حديد
ررفعت عييني كاانو اثنين ولد يكسرون باطراف الحديد
ويصيحوون

:مررررتضضضى  رررد مرررتضى
لك كول ل ابوو الاااسعاااف تعااال منااايه دعوووفوو الواجهة 
:منييين منييين يفووت الطابق الثااني اشششتعل مييطفى
:لك مررررتضى  بالخوووة لتموووت مررتضى
:بععد ماا اگدر احتتركت رااح اننزل
:لك لاا اووكف فلششة برجلك  كوول ياااعلي ووادفرررهة سسجاد لاا تنززل صااحبك يموت تكضي عمرك ندم

سسويت فتحة صغيرة بالجينكو ودفعت بيهة جسمي
منطقة الزنود والاكتاف والبطن اللحم مالتهم انكشط كششط

ادخل بروحي واصصرخ
ومررتضى تتخبل وهو يشوفني من ورا الجام وماكان   يگدر ييسوي ششي  بس يدك على رراسه مختنك

كان عاري ويسسحب بشي،
رفعت الحديد بكل قووتي 

فجأة انسسحبت من الوراء  وانززاحت الجيينكووة  دففعوو البااب طلعوو مرتضى من فتحة الشباك

الاختناق كان مو طبيعي
دخان اسسود  أيست
لان الولد صارو يكومون ويوكعون من الخنكة والحرارة

بس عبر الششباك اششر على الغررفة اللي النار اقتحمتها حتى المنتصف 
مرتضى:ار ار رر رقية عاايشةة

دخلوو الولد لفو  ررقية وشاالوهاا
اقترب مني مرتضى
قبل ما افهم اي شي فقدت الوعي

فزيت بصرخة على الم جرووحي وكانت

ام مرتضى تضربني بكل مكان متهسسترة متخبلة بلا  حجاب وبدشداشة البيت وحاافية

:كتتتلج اطططلعي مننيي وولج ليييش لججج ماااات مااات جميل ماااات  حررركتووو ماااباقي منة شششي وولج كلتلججج اططلعي

جلدي متملخ ومحترك وهي مووتتني ضررب 

:ررقييية احتتتركت رررقية جاااي تموووت هههجمتي بييتي ماااضل شششي الله يلعنكم
كل بسسسببكم بتتتي اتمناالهةة المووت بسسسبج بتي حتى اعضااامهة انكششفت وللج ليييش

خالو مات رراح خالو هسة من صدك تيتمت هي تضرب وتملخ بششعرري

نززلت من السسدية وهي مابطلت فششار وضضرب
مرت اخوها كانت تتفرج من بعيد

اني ضليت اصصيح واصرخ من الالم
دخلت اختهة وخرتهة من يمي

:على بختج ام مررتضى يمعوودة بنية يتيمة شششدسسوين ووخري وخخري منهة

:بسسببهة بسسسبهة ررراح جميييل ماات جميييل مااات زعلاان مننني وبنتيي راح ترروح من بين اديييية كلتلهةةة روووحي رروووحيي ماااراااحت  عاااندتني

:ماالهة ذنب عييفييهة بروح ابوو مررتضى عييفييهة  والله مييقبل علييهة عييفية

لججج عييفيهة

كانت تجر بششعري وتضرب بي بالسسرير

التمت الناس والممرضات خلصوني منهاا

:والله والله والله ااحررركج اذاا بقييتي بحيياتي وحييااة ابني اااحررركج احححرركج اني احححرركج كلتتتلج ررروحي ليييش رررجعتي

ارريد اطلع وبااوعت لنفسسي محتركة متملخة انننزف بالفستان الاسود المحترق المشؤوم

اختهة شاافتني نزعت عبايتهة اللي كانت ترتديهة فوك الجبة وانتطتها اللي

لبسستها وطلعت منهززمة
باطن اقدامي المحترق احسس امشي على سكاكين
امشي واكح احس صدري ممتلي دخان

من بعيد ششفت شبح مرتضى اثنين سساندي

وهذا الووصف ادق مااكان بششر كان ششبح يمشي

من ششافني اجا بأتجااهي
:خاالو خاالوو ووينة ارريد اشووفة عليك الله  بسس اوودعة واطلع من حياتكم للابد

:عضااام وررمااد 

:مرررتضى فدووة

شدد على الحروف موسع عيونة :عضاام وووررماااد ابووية تفحم جووة ووحدة
اااانيي السبب اااانيييي شششسووويت اااني السسسبب

التفتت على صووت الصريخ ام مرتضى اجتي ورراي
ارتعبت منهة كانت بحالة جنون وهستيرية تامة ططلعت ارركض عفت مرتضى منهاار يصييح
:اااني السسبب اااحترركو اثثنيينهم بسسسبي  الله يحررركنييي
انيي السسبب

حطيت العباية على راسي وطلعت محتتارة وووين ارروح ووين اولي

حيرة وخوف وندم والم ونزف
:ششرجعج سرررى ليش ررجعتي الهم ليييش لييش ررجعت خااالووو يااابة والله اسسسفة ششلون ررجعتلك
يياااربي اكلتة الناار وررجلي مكطوووعة يااابة خاالوو فدووة لتتزعل والله ما ادري هيج يسوون بيك

كعدت على الارض خايفة محتتارة ورجلية ماا اكدر امشي علييهن 
شلون اخاف اطلع من المستشفى اخاف ارجع يرجعوني ليمهم والله يااكلوني اكل نضراتهم صارت تخوفني

:ماااماا وووينج خااالووو تعاالوولي

شلوون ارووح لبيتنا مااعدناا بيت ياااربي معقولة تعووفني هييج 
تمشيت للحديقة الشهكة ملازمتني جسمي يصيح من الحروق والتملخ مبين كنا هسة واصلين
لان مماخذة اي علاج ولا تعقيم

لفيت روحي وكعدت ردت اتمدد حتى لو بالتراب ما گدرت جروحي حيل عميقة

صليت بلا وضوء ولا مصلاية صليت اطلب العون والرحمة والصبر
فترة قليلة عدت
وطلع الضوء واني نفس حالتي
الالم بمرور الوقت يززيد
كنت گاعدة بعيد عن المخرج اششوف الناس تجي اغلبهة شكول اعرفهة
مبينين جايين لمرتضى... اخاف واستحي حتى افكر اروح يمة... منضرة كان يخووف

على نفس الگعدة بس اباوع خاتلة بين اشجار الزينة
لحد ماصار الضهر

شفتهم وهم يطلعوون وكاانو مجموعة كبيرة حييل تتوسطهم ام مرتضى

حالهة يصعب على الكافر
اني السبب اني
اني السبب بحالكم طرردتني ورجعتلهة يااريت بقييت هنااك جان هسة امووتيني ومرتاحة ياااريت

عدة الضهر وهم اختفو جميعا واني ماغيرت موقعي 
ماحسيت بالجوع ولا العطش لكن طاقتي نفذت
عيوني غووشت الامي في تزايد..

هلكت نهضت امشي طلعت من المستشفى حرارة الشمس  مثل ابر تنغز جلدي

محتارة بروحي اني حتى ما اندل اي واحد ارروحلة ووين ارروح هسسة انووب العلاج ماماخذتة ياا الله الطنين راح يفجر رااسي

مششيت وعبرت ششوارع بحيرتي
اخاف يصير ليل، اخاف اكو جلاب، واخاف من البشر
:مرتضى والله اخااف، تعالولي فدووة لوجهكم

تعبت من المشي گعدت على مصطبة بالشارع، اباوع على العالم، اجت على بالي رانيا
:وينج ياروحي ووينج من يوم فاركتج مااعرفت الراحة ووينج ررانيا تعالي ششوفي حاالي
اروح لبيتهم حتى لو فارغ حتى لو مهجور احسن من الشارع ارروح هناك 
بس خاف مسدود الباب

الشوارع كلهة مقطوعة والمتضاهرين بكل مكان
امشي بين الناس غريبة في بلدي
وكفت يم مجموعة شباب وياهم حجي
لافة روحي بالعباية لان الفستان فوك ما فضيحة محترك

حجيت ابجي خايفة:عموو
:اهلا بابا شبيج كولي، شنو هذا حالج
:عموو هاي اني محترركة بيتنا احترك
:شنو شنو بيتكم شبيج بابا، شمطلعج يا بنيتي الوضع زلم ممتحملته ششمطلعكم

:لا عمو اني مو متضاهرة والله بيتنا احترك واجينا للمستشفى واهلي عافوني ورااحو

ضلو يباوعولي بشك شنو هالفلم شنو احتكو شنو عافوج ماعندج رقم موبايل شلون طلعتي من المستشفى

:والله مدا اكذب وروح امي عموو فدووة بس وصلوني حتى لو بعيد بس للمنطقة وصلوني اني ادبر نفسي

:شنو اسمج ومنطقتج شنو اسمهة

انطاني الحجي مي اغسل وجهي غسلتة ، واخذولي صورة،
سألت ليش گالو للامان خاف يصير على وليدنة شي

راح ولد منهم شلوية ورجع بيدة دراجة
:ماكو غير هاي الدراجة

بجيت ورديت:لااا فدووة شلوون دراجة اني ملابسي متملخة ماا اكدر الله عللييكم

الحجي:بابا مااكو متحصلين سيار مناا لكيلو متر والضرورات تبيح المحضروات

اصعدي خل يوصلج
:لا عمو الله عليك فدوة دبرني والله ماا اكدر
:شبيدي عليج بنيتي هذا كل اللي اكدر علي

رحت من يمهم مشيت مسافة خاايفة  شووية وطبگ يمي نفس الولد بس بتكتك

:صعدي اخيتي
ابجي واحجي
:مشكور الله يووفقك ويحفضك

صعدت ورا وهو يمشي بكل سررعتة عبالك طاير يسأل واني اوصف وصفتلة بيت رانيا

ششوية وصاح متووتر
:لاااااا
:شششكو ششصار عفية
:ابوو الهمرر ورراية خررب

وصلنة للفرع وتخطينااه صحت
:هننااية عفيية نزززلني
اول ما نزلت رجلي
حررك التكتك خاف جنت عاايزة انكلبت بالشااارع وجهي واديية وجبهتي انضضرب

رحت لبيت رانيا اصصرخ بقههري مثل طفلة متألمة رايحة تشكي ل امها لحد ماا وصلت لببييتهم

اضضرب بالبااب بكل حييلي المتبقي
من انفتح الباب طلعت بيبيتها صارت صرخاتي فرح على حزززن
من ششفتهم كأني ششايفة اهلي المييتين

___________________

رانيا

المشاعر بهاللحضة صعب ووصفها صعب صياغتها وكتابتها
مشاعر الحزن من صراخها وبكائها
مشاعر الدهشة والصدمة من منضرها
مشاعر الفرح لششوفتها
مشاعر الالم اللي اجتااحتني
اريد وماا ارريد احضنهاا

دست على نفسي ونفسسيتي ومخااوفي واسستقبلت عزيزة روحي بين احضاني
لقاء ببحر هائج من المششاعر
صرخات وضحكات ونحيب
متمسسكات ببعض بقووة
صااحت اااخ وابتعدت ووكعت العبااية
واششوفها ششلون جلدهاا مكششوط ومحممر بششدة

ششهكت فااتحة فمي وعييوني
وابتعدت اصصرخ والطم بجنوون،
:منووووو منووو هيييج سسسوة ووووين جنننتي سسرى ششسوولج اااحججي شششصار

:خااالوو بييتهم ااحترررك كلة اححترك ماا بقى ششي وبييت مااماا احتترك خاالو ماات مااا گدر ييطلع

:يييااع  ولح يياااهو خاالج بس لاا الرجاال الرجلي مكطعة

:ااي خاالة خووو خاالوو احتترك وماات

بيبي غطت وجهة وضلت تبجي وسرى انهارت تبجي بكل قوتهة ماگدرت حتى ترفع نفسهة حطت ايديها بلارض وصارت تبچي

مشمش وهي تجهش بالبكاء:بييبي كاافي فدووة خطيية باعي ششصار بيهة

رانيا :گوومي گوومي خل نعقم جرروحج
:انيي السبب بسسبي لوو ماا راجعة مااكان ماات

طلعت ماما تزحف وهي عافتنة ورااحتلهة
حضنتهة
:ششبيج خاالة ششصاير بيكم
ماما حضنت راسها لان جروحها مااكانت تلزم

ليلى:امرر الله موو بسبب احد، كلمن يمووت بيوومة لا تلوومين نفسسج بنيتي

:خاالة ام مررتضى طرردتني ررحت لبيت جدي بالناصرية اني اني من رجعت دمرتهم  بسببي خاالو احتترك بسسبي

:كلامج مييجوز بنيتي هذاا حد يومه وقدره مسجل بهاليوم يمووت...

:اني محتاارة خاالة شلوون بية ويين ارروح مااعندي ااحد حتى مررتضى يلوم بنفسة لان رجعني
اني ليش هيج والله ممسوية شي حتى اتعاقب بهالقسوة

:عقابيش يااماما انتي طفلة، اللي ديتعاقبون الكبار انتي بأبتلاء وراح تتخطي لاا تصيرين ضعيفة ششوفي ششوفي راانياا الگدامج

مررت عليهة مصايب جبل مييتحملهة وتعلاوة على ضيمهة اخووهة بسجن وابووها ماات اصبري ياماما محد مررتاح
كل شخص بالدنيا مبتلى بهم من نوع من شكل مختلف الكل يعاني
ماكو راحة بالدنيا بنيتي.. الدنيا مو دار راحة رااح نصبر لحد ما الله ياخذ امانته ونروح لدار القرار

التفتت علية مصدومة

:عموو عمااد ابوو زيياد عموو عماد ماات

هزيت راسي بدموعي الجاري
ضلت تلطم وتصيح:عزززااا عزززااا يااربي ررحمتك
بجيناا على هاي الگعدة لوقت طوويل

گومتهة وكانت خايفة  تررجف نرجف بقوة

:ششبيج سسرى بردانة
:اخااف
:من ششنو والقران اذذبحة اليدنالج لوو اعرف  بيهة مووتي
حجت تبجي:اخاف من التعقيم جسسمي كلة يحركني

:اني ارروح وياج بس يأذيج اذبحة
مشمش: دستقري  يالعنيفة

سرى بدموع:مشامش يرروحي هالكد مشتاقتلجن احسس روحي ردت بشوفتكم

رجعنا نبجي
مانعرف نعبر بالكلام
بس نبرة الصوت والملامح رجفتنا دموع عيوننا
كانت خير تعبير عن كل الم نحس بيه

نزعناها الفستان مع صوت انينها اليجرح الروح  حاولت ما أذيها بس تاذت

لبست دشداشة كبيرة من بيبي وكنت گازة على اسسناني بقووة خاايفة تتجرثم

مااكدرت اسسيطر على اعصصابي ضليت اصررخ
:رراح تتجررثم جسسمهااا راح يتتجررثم ششووفي ششوفي هسة يصصير بييهة ششي لااازم لببس جديييد

احمرار عيني ونزيف انفي والطريقة اللي كفشت بيهة ششعري
حطتني تحت نضرات استغراب من سسرى

سسحب كلنيكس تريد تحطة على انفي دفعت ايدهة بنتر

:وووخرري وووخري رااح تتجررثمسن نززعيهة هاااي ملبوووسة

بيبي:خاايبة مغسسوولة ييمة جااانت بالششممس، والغسل الغسسل حضضج مااتسستحين زاايحة الحييا

:ووولكم مرريضة هيي مجرروحة محتتركة لويشش متفهموون

سرى:كاافي ررانياا ششبيج ماابيهة ششي كاافي

تأذيت حييل تإذيت من رروحي، ررحت للحماام اغسسل واهدئ برروحي
مااكوو شي ماابيهة شي لااتجييبين الشبهة لرروحج ااهدي ررانياا عييب البنية مريضة

اندگت الباب بدون تفكير صرخت بأنفعال
:شششكو

مشمش:اطلعي راانيا البنية متأذية خطيية

فتحت الباب وطلعت اشتت بنضراتي عن لبسهة وادعي واقرأ بداخلي ربي يحفضها ومايخليني ارركز وي لبسها

اخذناها للمضمد دخلنا لزوجتة مثلة دارسة تمريض لان كان يستحرم يلزمهة

ماگدرت انتضر بقيت برة انتضرهة سادة اذاني بأدية واحجي بصوت عاالي
:ناجي عليا مضهر العجائب تجده عونا لك في النوائب
كل هم وغم سينجلي بولايتك ياعلي ياعلي ياعلي
لا حول ولا قوة الا بالله
مابطلت دعاء ولا فتحت عيني ولا اذني لحد ما اندغ كتفي

سرى وهي مبتسمة وتشهك مبين باجية هوواي
:ششبيج عممري ترة مو هواي تأذيت
:خلصتي
:خلصت رانيا تبقوني يمكم فدوة، والله ماعندي مكان
:بروحي تبقين معاجبهم اخذج واشرد والنبي

بييي:رانيا وروح عماد گلبي صاير نفاخة منج امشي واسكتي لا امدج بنص الشارع واخليج تزوعين مصاارينج

مارديت عليهة اخاف منهة واحترمهة واحبهة واعرف دا اضوجهة كل مرة انطي لنفسي وعد راح اتغير واخلف وعدي

رجعنا للبيت جهزتلها فراشي وفرشته
ورحت اسوي شوربة للعشا وسلطة وخضرة الموجود بالبيت سويت منة

دا اشتغل التفتت واكمز اشوفهة وراي
:عززا العززاج ششجابج
:مشتاقتلج رانيا خليني يمج فدووة
مشيت بهمة مسحت الكرسي ورشيتة ديتول مخليته بالمرش مالت المي  وخليتهة تگعد

سرى:شگد دوورت عليج وهوواي رحت للمركز ودورت عليكم لگيتكم شاايلين

واني اسكب الشوربة بالكاسات التفتت عليهة وتكلمت اخفي عبرتي
:هوواي سووالف صارت احجيلج كلشي ششكد محتاجتج سسرى متتخيلين ششكد
:وااني بعد ارريد اسسولف كلششي كلبي يووجعني

دخلت مشمش لازمة المشط
:رانيا سرحتة بس اضفري
:روحي لفي بالخاولي وتعالي نتعشا اول شي، متنا جوع
سوتلي بوسة بالهوا وراحت
حطينا الاكل ماارفت راسي من اكلي ابد ماا اريد اششوف اي شي اخاف أثر عليهة
لان فاقدة السيطرة على انفعالاتي بشكل مفرط

خلصنا وهمات اجت يمي واني اغسل المواعين كانت حرارتهة مرتفعة وعيونهة مدمعة ومتقبل تروح من صحت بيهة بجت

خلصت بسرعة لان المطبخ حاار خفت عليهة استعجلت عفتهة بفراشهة سبحت ورجعت ليمهة
لكيتهة تضفر لمشمش

:خررب موو مي يجي لجرروحج
:لاا معلية شي عوفيني ترة حيل مشتاقتلهة

گاعدين نسولف بهمس بصوت ناصي وتبجي تشهك على خاالهة ردتهة تناام مااكو گالت
: يتروالي  اتخيلة يصرخ من الالم وماايكدر ينقذ نفسسة ورقية خااف تمووت مااراح اساامح نفسسي اني السسبب

:حبيبتي موو السبب انتي، انتي ضحية مثلهم
:رانيا والله مجبورة اني اصلا مريضة وراسي صار بي فطر وعندي التهاب بالعصب عندي طنين مسستمر والله ثانية ميفاركني ررجعت مجبوورة، واني ماا اجيت هم ررجووني يااريت عايفينس ميتة

:سرى خالج ادى واجبة خالج رجال اي واحد مكانة هيج يسوي ومرتضى اذا ميخلص مرتة لعد شكو عايش انتي مثلهم ضحية

:مرتضى عفتة يلووم بنفسسة بعد ميرريدني كرهني
:اني ارريدج والله اني محتااجتج ابقي يمي اني اختج مو اخوات دنيا احنا لوو لا اني ومشمشة اخوواتج

مشمش تمسح دموعهة:همززين ذكررتي نعاالة، شوية واحس نفسي حاايط

سرى:انتي رروح الرووح والله
:حبيبتي انتي... نحجي ومابطلنا بجي

بيبي:طلعن بالصالة انا راسي ثايل من البواجي وهبطة هالمخبلة اليوم اخذت حييلي اطلعن وخلن المگرودة تنام

سرى:لا خالة نسكت والله
:خايبة ياخالة تردسن تردسنس لششبابي بيبي كوولي

مشمش:بس تذكرينيه تكول زوجوني

:هاا ولج ررديتي السووالفج

:شدعوة شبي الزواج دزوجوني اني
رانيا:لا تتحمسين لا والنبي اطيح حظج

احجي بحدة، صاحت بية سرى
:هيو لتصيحين عليينة شنو انتي ماخذة خااوة علينة لوو شنوو
ضحكتني شلوون تحجي معصبة
مددنا وحطيناهة بالنص
مشمش تلعب بشعرها ششوية وغفو كلهم ناامو

وبقيت اني وهموومي شبيج يادنيا علية انطيني مفكة خليني اتتنفس

اخذت الموبايل اللي كنت مخليتة بالشحن ولافتة بالملابس... صعدت للسطح
الساعة تقريبا 11:00

اتصلت بعبد الوهاب كان مغلق
ضليت لازمتة وابجي  وادعي عليهم
واهدد.. من حركة كلبي لا اكثر ولا اني ما اگدر اسوي اي شي غير البچي والتجفيص

كمزني اهتزاز  الموبايل لدرجة وگع مني التقطتة بسرعة ومسحتة بموبايلي

:الوو الوو
:هااا رانياا الغبية ششتردين تفتررين وراي بالشووارع ذكرتيني ابوي بمراهقتي هيج يفرفر وراي

:والله شلعتوو لكلبي موو عررفتو بريء ششتردون بعد
:يعني اني شايف اغبياء بس مثلج ماا مرر علية
:ليش سيدي لييش شمسويية.. بس ارريد اخووي  كافي تعذبوه فدوة والله امي دتمووت رجعوو النة والله مضلوم

:لا ياا بنت اللذين لج ذاك هو معزز مكرم عايش احسن من عييشتي اني اللي دا اتعذب بالشوارع 

:انزلي وجيبيلي الجهاز اليمج وتعالي على السريع 
:سيدي شلون اخاف والله
:خلصيني صصخام تخااف هي تخااف، اني اخاف وانتي متخافين، نزلي وصعدي بالسيارة اللي يم الهيكل خل احجي وياج بلكي اخلص من شرج وتستقرين قلقتييني ترة

سد الخط اني نزلت اركض فتحت الباب وطلعت بسكوت
وصلت للسيارة امشي اتلفت وادردم

:شكد حقيرة ومالي رداد.. بس شلون غيير اعررف ززياد شوكت يرجع... عززا اني وووين ررايحة خاف يصير بية شي ذولة ميتأمنون... خاف زياد يعرف ويزعل مني
لفييت ووجهي رراجعة للبيت ودك الهوورن بكل قووتة كملت طريقي
اهتز الموبايل
:حييوانة جيبي الجهاز لاا افوت افلش رااسج وراس عششيرتج

رجعت امشي... حجة كاتم ضحكتة بصعوبة

:مخبلة انتي يابة، موو اجييتي شكو تررجعين ششبيج

مرر علية جهاز تفتيش يباوع ويضحك ويهز بيدة
مارديت بس ضليت ابجي
:رانيا
:سيدي عليك الله
:رانيا اسسمعيني اخرر مرة اشوفج واشرحلج بعد منا وجاي تلفين لسانج ووجهج وعبايتج الملحة
وتنجبين وتكعدين بالبيت

:بس گولي شوكت يرجع زياد والله ماما مريضة

:لج ررررااانييياا..
فرك وجهة وكمل كلامه
هاي عصابة كبيرة عصابة تجارة مخدرات ويتاجرون بالبشر، اخووج اذا طلع ينقتل اخوج، لوو تعرفين الضهر اللي ورا دريد مديرية شرطة بغداد بكبرهة ماتوكف بوجهة

:عزززااا شمسسوين والله ممسووين شي
:انتي علاقل اخوج عايش شايفة الضباط الاستشهدو دنك  والله كل واحد يكول يهز الجبل بقوتة وضخامتة

الضابط حسين ست سنوات عاشگ وحدة وتزوجهة وصار عندة ولدين وعافهة حامل امة تخبلت بالشوارع تفتر
ونزار عاف وراه خمس بنات حتى ولد ماعندة تدرين ام نزار دفنت ابنهة بمقبرة اطفال قريبة من بيتهم حتى تگدر تزوره لان ماعنده احد غيرة
والشرطي يتيم لا ام ولا ابوو حتى محد مشة بجنازتة غير اصدقاءه

اخوج تعذب لان الشر يعم رانيا، اخوج مضلوم بس الخمسة الوياه كلهم مجرمين زين اني ششلون اعرفهم بدون تحقيق

وانتي الفاهية كلما اتذكر من اعترفتي ارريد اططيح حضج ولج شهالفهاوة لجج شنو من عقل

:سيدي والله مووتو ضرب وهو معوق وجماعتكم يدوسون على رجلة المعاقة سيدي ماا اعرف اناام صووت صررخات اخووي برراسي والله دمررتووني وابوي انتوو قتلتوو وكفت كلياته ومات واني اني حطيت ايدي غالقة فمي

:هذا التحقيق تدرين اللي اعترفو كم مرة تعرضو لعميالات اغتيال ونقذناهم باخر لحضة

:عززاا حتى زياد
:زياد بالحفظ والصون رانيا، اعتبري منهزم من عصابة اذا طلع يموت وعمج شاك بي واحد من العصابة بس ماكو دليل علي ابد مراقبين كل خطواتة

صبري بس صبري راح نسسحلهم والله  وهذا اخوج اني واسطتة اخلصة من كلشي واني اوضفة

يلا هسة انطيني الموبايل اليمج وروحي للبيت عمج شهاب لا تصطدمين بي ابد عووفي موو تتخبلين وتهذررين... خلي يصرف عليكم بسس لا تجيبين طااري ززياد ابد

:لاااا ابد كلش

:اي مثل ابو التكتك.. بعدين حققت وياه طلعتي حاجيتلة كلشي

لطمت على وجهي.. عززززااا عززاا اخذذتوو الوولد ييتيم سسيدي ررجعووه والله اني الحجييت والله فقير والله
احجي وابجي بتووسل وصدمة

:عرفتج يا حمارة يا ادبسسز عررفتج والله

:امششي مناا رانيا امششي الولد ماا حققت ولا صخمت ردت اكششفج من طاح حضج وحضي وولي منييي

:كول والعباس ما لزمتة
:والعباس ماالزمتة
حجاها وضحك
:شهاب ليش متلزموه
:ثاني يوم يطلع ماكو ضدة اي شي اصبري ولج اصصبري اطييتج اسرار ضباط ماا تعرفهة  بس لا كسرتي خااطري  زياد تبرأ مو قانونسا مجرد اني وانتي وعبد الوهاب نعرف زياد بريء
:گلتولة بابا مات
:لا ميصير عووزة ضيم هو يطلع ويعرف
:ايبااه يخافون على مشاعرة
:المجرم ندعس راسة وراس الخلفة والبريء انحطة بوسط عيونة وزياد هسة يلا بين بريء

مد ايدة سلمتة الموبايل
: هاج هذا مبلغ بقي يمج خاف تحتاجي
:شايفني أگدي منكم
باوعلي بعصبية
رديت متلكأة: ءااا يعني ما اريد شكرا مشكور ماريد الله يوفقك
 احجي و امشي واتلفت ... وصلت دخلت للبيت مطمأنة خلي احسن ماا يموت

رجعت بداخلي رراحة شوية هدوء نفسي
لكيت مشمش توهة  طالعة للطرمة

حجت بخفووت: عررفتج والله عررفتج ووين جنننتي

جريت ايدهة اضحك تعاالي اكوولج ويين
دخلنة للمطبخ وهي ملامحهة الحزينة فرحت بلهفة وي ضحكتي
:هاا شكو
:حلفيلي متكولين ابد ابد لوو تمووتين
:والله ما اكول
:ترة اذا حجيتي زياد تموت
:والقران والعباس ما اكوول لوو اموت
:باوعي الشرطة عرفو زياد بريء وهم مبقي يمهم حتى لينقتل يعني فترة و رااح يطلع بعد ميعذبو
:خل نكول لماما عفية خطية جتى ترتاح وتطيب
:انتي حلفتي ترا العباس يسسطرج معليج اني اكول انتي متكولين ولا تفتحين الموضوع

طفرت علية حضضنتني بقوة
لميتهة بحضني
اندكت الباب وخرتهة مني متفاجأة منوو

:منو هذا رانيا
:ما اعرف والله

مشينا اني وياها ننضر من الثقوب الصغيرة كنا مغطين الباب بستارة صغيرة لان الرصاص بآخر هجوم على البيت ملئ الباب بالثقوب

بهمس:عززا هذا مررتضى

مشمش بهمس:اكول لسرى
:تؤ اصبري

رانيا بأرتباك: م منو

:اني خوية
:شتريد محد هنا محد عدنة روح الله وياك
:اخيتي بس سرى يمج
: لا وين يمي شسوي بيهة الله وياك
:اذا اجت بقيهة يمج فدوة
:ماتجي ماتجي
تحسر بصوت عالي وگال: الله وياج

مشمش: لوو اني مررتضى وربي اگوول سرى هناا
:ماا ادري ارتبكت  صايرة غبية موو مدري شبية خفت باعي گلبي يرجف خفت ياخذهة ويقتلوهة

التفتنا على نحيب سرى ايديهة على وجهة تبجي
سرى: شلعت گلبة مررمررت عييشتة خطيية خاالو كان اخوو وابوو وصدييقة لازم اكوون وياه احضنة اصبرة بسس شسوي اخاف

:اشش يروحي انتي شبيدج متگليلي
: يمكن جان يدور علية
: لكاج واطمئن اني وفهاوتي فضحنة كلشي الله ياخذنة
:لا اسم الله عليج يروحي عووفي خلي يفكر ويعيد حساباتة احسن  ما اتحمل نضرات الندم بعيونة خلي بحالة كافي علي اختة وامة وخالو لا ازيد همة اني

مشمش :تعااالي تعاالي رانيا عدها سالفة وياج

باوعتلهة متفاجأة

ضحكت وردت : كوومي ششبيج موو عندج سالفة وياها هههههههههه

تعالو خل انام
سرى : روحو هسة شوية واجي
: والله ولا اروح نگعد سوة ونام سوة
گاعدة تبجي وتحجي وتلوم بنفسهة شاركناهة الدمعة والحزن لان جرح بابا بعدة طري
___________________

مشمش

بعد وقت طويل من البكاء بمشاعر مليانة وجع

صاحت بطني الحقيرة قر قر قر

التفتن علية اثنينهن

باوعت لبطني احجي بجدية من بين دموعي
:انتي لوين تضلين هيج حقيرة وفاضحتني

فجأة صرنا نضحك بصوت عالي وهاي سرى تضحك وتبجي نضحك ووجوهنا غارثة بالدموع

راحت رانيا گلت طماطة وسوت لبن گعدنا بالمطبخ ناكل صفنات الحزن بروحنا

ورانيا اللي كلما صارت لمة اكل ماترفع عينهة من ماعونهة لحد ما نخلص
احس بيهة ادري ماتقاوم صرت اساعدهة وانضف وياها انضف نفسي گدامهة وارش من معقمهة حتى بس لا تكش مني

سوت بيبي اقتحام علينة
:ييع ششعدجن ولجن بفجر تجررشن خاف تنتخمن..فلك اضنجن دووم ماا نمتن

مشمش:نمنا بيبي بس گعدنا نتسحر باحر صيام
:شنهو خايبات مالجن اتضاحكن ماتحجن شتهذري الفرخة

رانيا: بيبي ماكو شي بس ضلينا گاعدين وجعنا

: الله يكملج بعكلج يبيبي علواه انا الاكول لاء

دنكت رانيا خجلانة من كلامهة
خلصن وانسحبن طايحات الحض... وبيبي رربطتني علما نضفت المكان يلا رحت لكيتهن يسولفن

صفكت ايدي وغميتهن
:ششكد ماا تستحن لييش عفتتني واجيتن

رانيا: يا حقيرة لو ما دايخة جان مووتج هسة  شهالافاظ
:شقة ششبيج متعرفين شقة
نمت وغطيت راسي زعلانة
شوية وشبعني اتكفخ  سرى تضربني بضهر ايدهة الجلبة لان باطن ايهة جان متملخ
تضربني وتتأذا وترجع تضرب

:كاافي ررضيت رررضيت رررضيت والله رضيت..

نمنا واني ابالي فكرة المدرسة ضالة بنفسي ومستحية احجي بيهة واربعين بابا بعد ما معدي
نمت واني ادعي ربي يسهلها ويهديهم هم يحجون واني اكول لاا ويتوسلون بية واوافق

الصبح گعدت قبلهم كلهم رحت للحمام وگعت يمي طابوگة صغيرة
تكي الثاني على الحايط
ضحكت وصعدت على البرميل وهي مدتلي ايدهة تضحك

راوتني اوراق
نادية : بااوعي سجلت  اول متوسط قبلوني مدرس ال..........
مشمش:الله مدرسة رانيا هاي
:يلا عفية احجي وياهم خل يسجلووج
:هو اصلا الدوام تأجل
:اي بس هم يالله حتى تتجهزين
: لا ميصير هم بياحال واني احجي وياهم اني

بيبي : وولج مشمش ششعدج اتششلبين انتن تااالي ويياجن ششجاجن ما تتيهن

نادية بأبتسامة حلوة: صباح الخير بيبي
: صباح العافية يبعد روحي نزلن يمة عيب العالم تشوفجن شتگول
:بباع شلون تحجي وياها بنعومة واني بس عياط ودفر
:عبنهة خوش بت انتي رعينة ماتفيدين
; كافي نادية نزلي شوية بعد اذا سولفتي تهرش اذنج بالشكاوي

باستني وسلمت ونزلت تضحك
اقتربت بيبي ليمي رفعت ادية لراسي ضنيتها تضربني
مدت ايدهة تريد اسندها
سندتها اتوگلها خاف تعصب لان متنجرع اذا ضاجت
: تعاي تعاي حبيبتي حارة عليج

: تردين مدرسة مشيمش
: لا بيبي ماريد خل تولي
: لالة ماعليج اناا اسجلج بس نروح للبصرة هناك خوش مدرسة، مدرسة سهيوة

: لا بيبي فدوة اني اريد هنا هاي تخبل وبيهة صديقاتي
: مايصير ييمة كلمن يرد لهلة طالت عرضت انتن رادات بس الله يسهل ويفك سجن اخيج
سودة علية عماد يمة رحت بحسرة ولييدك

:ميخالف بيبي سجليني هنا علما يطلع زياد
همست بداخلي
عززا بعينج مشمش اثكلي اثثكلي عيب ولج عييب

:يجي عمج واشورنة
دخلنة جوة

بالليل اجا شهااب للبيت 
قبل ماا نفتح الباب البيت انخبص راانيا اخذت سرى وصعدت للسطح
ووصتني اللهي
سولفت وياه بتوسل  بلاول عارض وصار يحجي بنتر
:هننااك بووية اهلجن ونااسجن هنناك تمشت هناك والله اعيشجن امييرات شتطلبن وشتامرن
بس هسسة عووفي السالفة كافي علية خبال اختج عاايفجن هناا والدنيا محترگة
كل هذا وانا مراعيجن انتن هم حسن انا رجال دربي بعيد وزلمة شايب
كليون ماخذ الدرب وراده

: عموو ماا اگدر ليش هيج دسسوي احنة متعودين هذا بيتنة وبيت بابا ومدرستنا عموو فدوة لحد ميطلع زيياد هوو يتصرف
: شنهي ولج يطلع زياد، زياد فرخ زعطوط تحطين راسة براسي الحل والعگد بيدي انا مجان ابوجن

تعصب كلش ماعرفت ارد
بس سويتها مناحة بجيت   بحرگة تذكرت بابا..... لحد هسة مامتعودة احد غيرة يتأمر علية هو حس بالموضوع

راضاني ووعدني يسجلني وأداوم لحد ما يطلع زياد

وصدك نفذ كلامه وصار كل فترة يحيبلي ملابس والجنطة والدفاتر والاحذية مااخلى شي
كلهم انواع غالية وحلوة
بصراحة بابا ماا كان يشتريلي هيج اشياء غالية لبسنة نضيف ومرتب لكن متواضع
والفرحة كانت اكبر كانت تنعش الروح

هسة لاء سرى ورانيا اثنينهم رافضين المدرسة يتضاهرون بالفرح وياي
كسرتهم كاسرة فرحتي

__________________________

رانيا

انگدت الباب واحنة نتعشا
كلنا فزينا لان ماكنا منتضرين احد
اشرت لمشمش بعيوني للباب طفرت عبالك غزال فدوة لعيونهة

رجعت تركض موسعة عيونهة

: هذا عمو شهاب
التفتنا لسرى
سرى لزمت ثوب بيبي بعيون متوسلة
: عفية بيبي ليعرف اني هنا
بيبي صفنت ثواني وفززهة طرق الباب بصوت اعلى
:گومي ولج اخذي صويحبتج فوگ علما نشوفلهة چارة
سرى صعدت الدرج ببطئ  واني ساندتهة من ايدهة  گعدنة ورة البيتونة هي على كرسي مصعدي لان منحتاجة واني على بلوكة بالسطح
التفتت لمشمش
:عززااا شعندج جااية انزززلي سوولفي وياه لهي بالسووالف

: خررب فد اكرره اعوفكم وحدكم
نزلت وهي تدردم وتدفر

سرى بخوف: حتى انتي انزلي عفية خاف يشك ويصعد
: هسة اشحتة لتخافين
: عزا بعينج رانيا صايرة متنجرحين شبيج بابا غير عمج
:عمة بعينة ان شاء الله گولي امين تدررين لو بسس دقيقة يصير الحلال مباشرة اخنگة واخلص العالم من وجهة
:اوي عيني العنيفة
ابتسمتلهة ورديت: لعد شعبالج
:دگومي يلاا راح يصعد گوومي

نزلت الدرج گلبي مليان كره وحقد  وغضب وألم محدد ملامحي غصبا عني

هو من شافني وكف باس راسي
:هلا بيج بوية شلونج
: زينة الحمدلله
: الف الحمدلله.. لا هالمرة رادة بيج العافية عساج دوم بخير
:عمو بس انت ميصير تجي لبيتنا
: هاااه ليش بوية
:غير ماما حادة وباوع احنا ماعدنا مكان ميصير  خاف تشوفهة ومو زين على بابا ولا عليهة

: لا بوية يصير بس كون لا اتزين ولا تعلي حسهة
: متقبل عموو هي ماما متقبل گلتلهة يصير مقبلت
تحسر ورد
: هذا هو براحتهة انا اجي اشوفجن واروحن ومايصير خاطرجن الا طيب

ابتسمت ودنكت
هو كل جذب مسفط لا حاجية ويا ماما ولا هاي، بس سمعتهة گالت لبيبي بديت بالحدة

بقى شوية وراح  صعدت لسرى لگيتهة تبجي وتحجي وي روحهة وتلوم بروحهة
كلما اتركهة الگي حالتهة حال
ضليت حتى للحمام ما ادخل لحد متنام
هي وجروحها اللي متعبتني ومأذيتني اكثر من أذيتها

:سرى ششبيج  وتالي وياج والله فطرتي گلبي

: تعالي انتي تعالي خل اطيح حضج مانسيت شلون ضامة علية سالفة قريد النعال  كمليلي  السالفة يلا

: يا ام العلوم.. باع شلون تتنشط على الگالات هههههه
: لا جديات بعدني زعلانة اني ماضامة عليج شي انتي لويش ضامة علية هيج

: جنت خجلانة وخايفة والله خايفة الكل يگول هي انطتا مجال خفت على سمعتي، انوب سمعتي شوية ويذيعونهة بالجرايد والله حتى اخجل احط عيني بعين الناس
حجيتها وبجيت

:بس أني سرى انتي تعرفين اني شنو وشلون اشوفج اني اذا اشوفج بالغلط بعيني اكذب عيني، شلون ماحجيتي ليش حملتي كل هالهم وحدج

: بعد صارت دفعت ثمن غالي سرى ومستمرة ادفع الثمن ركبني العار بعد.. والله ما اعرف انام والله
كوابيسي وهمومي جاي تاكلني.. انتي نعمة رب العالمين دزهة اللي
ورجوعنا لهنا كان  اكيد لعيونج
كلشي بتدبير رب العالمين
لكن لكل شخص بينة قدر ولازم نعيشه
والا ليش اكو جنة واكو نار

تحسرت وكملت كلامي

تتذكرين البنية اللي تلبس صدرية كابوي والمدرسة ترزلهة
: هااي الخفيفية اللي بشعبة جيم

:لج هاي اللي ضربتهة ست ميسون كف گدامنة ومن راحت ضلت تفشر

:اييي
:هاي هية
بداية السنة من بنو السوبر ماركت اللي يم المدرسة  نزلت من سيارته للتافه كان وقت خروج الطالبات هو نزلهة قريب على المدرسة بطريقي
جنت امشي واباوعلهم لعبانة نفسي  من المنضر كانت مدنكة راسهة الة من الجامة گدام المارة بدون خجل ولا خوف
من صارت عيني بعينة
صاح : عيون لو بحر غرركت اني غرگت
ردت علي هية: عوع متعرفهة ليغرك المنضر ترة اكبر حقنة بالمدرسة
: تسوة التعب يبوو الششامة
عديتهم ورحت

بقى فترة طويلة مرة يسألني عن مكان مرة عن مدرسة مرة عن طالبة
حتى حاول يغورني يحجي وي البنات
لابستة لبسة النعال تكرمين
مرات يتعصب
واني مثل الحمارة متحملة وساكتة

باوعتلهة وضحكت
:شبيج
:ترة ماكو شي اسمة حمارة
: لعد انتي شنو
: مطية
ححجيتها وضحكت بهستيريا
وهي صافنة بأبتسامة  وتهز بيدهة

بعدين كملتلها كل القصة
ردتها تحجي شصار وياها تشاركني همها
بس كان ردها

: لا عفية مو هسة اسولفلج كلشي والله بس صبري علية  خليني اتعايش وي قهري

لوقت متأخر نزلنا لگينا مشمش حاضنة دشداشة بابا وتشهك بيهة..

:بابا مششتاقتلك ماا اريد منهم ششي اريدك باااباااا شلون يعني بعد ماا اشوفك تعاال حتى لوو مريض

گابلناهة متخبلين اني وسرى
سرى اللي ذكرت امها   وانهارت ضلت اتدگ حتى نزفت جروحها

رحت جبت المعقم والشاش غيرت على  كل جروحها  ونامت

بعدها غيرنا لماما لبسها ولگيناهة سامعتنة وعيونهة وارمة.. بصعوبة صبرنا عليهة

عدة اسبوع وانتهى موعدي الصبر وگلبي صاار يطالبني بزياد بصوتة بصورتة بأي ششي

اتعوذت من الشيطان حااولت ماا گدررت وووين ارروح ووين اوولي حتى رقم ماا عندي  اخاابرهم
كان الوجع اشبه بوجع العين
مثل شخص مضطر يجرع ألم العين بدون مسسكن

نوبات جنون تخليني اريد اكل اللي يتقربلي زاد الوسواس عندي والكوابيس دمرتني
احااول واحااول علمود وضع سرى
مرات اسيطر مرات انهار وتضل تبجي
كانت تبجي علية موو مني

من انام الكاها تقرأ قران اسمع دعائه اللي

وبيوم مشؤوم قرر شهاب ان يغير موازين حياتي ويدخلني برعب لا متناهي
من مقطع فيديو مصور

___________________ يتبع

والباقيات الصالحات
بسم الله الرحمن الرحيم 🌸
لا حول ولا قوة الا بالله 🌸
سبحان الله وبحمده سبحان الله العظيم 🌸
اللهم صل على محمد وآل محمد

🌸🌸🌸جمعة مباركة رويحاتي🌸🌸🌸

تفاعلكم سبب استمرارية الرواية🌹

ارجو عدم التعليق بالنقاط وشكرا لحضوركم
ارجو ان تكتبو تعليقات تخص الرواية ك تحفيز
ل اختكم الكاتبة

حسابي الانستغرام

اعتذر عن الاخطاء الأملائية💞🤎