កាយនៅទីនេះ ចិត្តនៅទីនោះ អារម្មណ៍រសាត់អណ្ដែតមិននៅនឹងខ្លួន កាលបើត្រូវឃ្លាតមនុស្សជាទីស្រឡាញ់មកឆ្ងាយយ៉ាងនេះ ។
នាយតូចអង្គុយត្រមង់ត្រមោច ស្ងៀមស្ងាត់តែម្នាក់ឯង នឹកគិតពីរាងក្រាស់ ចង់វិលទៅរកណាស់ ប៉ុន្តែនិស្ស័យរវាងពួកគេទាំងពីរអាចនឹងចប់ត្រឹមនេះដែរទេ ។
ក្រលេកមកកាន់ Jungkook វិញ អង្គុយបៀមស្រាសម្ងំតែក្នុង Condo សូម្បីតែវិមានក៏នាយមិនទៅជាន់ ចង់នរណាមករកក៏មិនរវីរវល់ចង់ជួបមុខ ។ នាយគិតតែអង្គុយអោបដប សម្លឹងមើលរូបថតជាច្រើនសន្លឹកដែលបន្សល់ទុកអនុស្សាវរីយ៍រវាងពួកគេទាំងពីរ ។
«ឈប់ងប់ងល់បានហើយ Jung !! គេទៅបាត់ហើយ កូននៅចង់អាឡោះអាល័យគេដល់ណា»Mrs.Jeon ចូលមកកញ្ឆក់រូបថតពីកូន ស្ដីបន្ទោសដោយការតឹងទ្រូង ។ Jungkook បានត្រឹមអង្គុយភ្លឹកមិនតបស្ដី ចង់ម្ដាយនិយាយអ្វីក៏នាយមិនប្រកែកដែរ ។
«បញ្ឈប់ចិត្តស្រឡាញ់ទៅ Jung មិនខ្វះទេមនុស្សស្រីដែលស្រឡាញ់កូន ត្រូវការកូន ចង់បានកូនជាគូនោះ ម្ដេចក៏ឈ្លក់វង្វេងនឹងគេដល់ថ្នាក់នេះ បើគេស្រឡាញ់កូនពិត គេមិនទៅចោលកូនទេណា Jungkook !!»Mrs.Jeon ចាប់ស្មាកូនប្រុសអោយមានស្មារតីឡើងវិញ ណែនាំគេមួយៗអោយភ្ញាក់ពីការលិចលង់មួយនេះ ។
«ខ្ញុំល្ងង់ណាស់ទៅហេស៎ម៉ាក់»Jungkook ឈោងខ្លួនអោបម្ដាយ ស្របពេលដែលដំណក់ទឹកភ្នែកក៏ហូរស្រក់មកមិនដាច់ អារម្មណ៍ពេលនេះវាឈឺស្មើនឹងគេអាសាច់ផ្ដាច់ចំណងស្នេហ៍របស់នាយយ៉ាងដូច្នោះ ។
«អត់ទេកូន...ឈប់គិតពីគេ ហើយចាប់ផ្ដើមរៀបចំជីវិតរបស់កូនសាជាថ្មី អ្វីៗនៅមិនទាន់ហួសពេលទេ Jung ! កូនម៉ាក់ពូកែ កូនប្រាដកជាធ្វើបាន»
«ប៉ុន្តែខ្ញុំនឹក Tae...»Jungkook នៅតែទទូចនិយាយពាក្យដដែលៗ ទោះបីអន់ចិត្តដែលគេចាកចេញ ចិត្តមួយក៏ខឹងដែល Tae តែងលែងដៃនាយបែបនេះ ហេតុអ្វីបានជានាយព្យាយាមតែម្នាក់ឯងរហូត?
«ស្ដាប់សម្ដីម៉ាក់ណា Jung ! គេមិនមែនជាជីវិតកូន Kim Taehyung មិនអាចត្រួតត្រាលើឧត្តមគតិរបស់កូនឡើយ ទោះកូនខំចិញ្ចឹមចិត្តស្រឡាញ់គេ ចុងក្រោយគេគង់តែមានអ្នកផ្សេង ព្រោះគេមិនបានស្រឡាញ់កូន ជឿម៉ាក់! អនាគតនៅវែងឆ្ងាយ ជួនកាលគូព្រេងរបស់កូនអាចជាអ្នកផ្សេងទៀតក៏ថាបាន សំខាន់គឺផ្ដោតលើខ្លួនឯង ចំណែកគូស្រករចាំគិតពេលក្រោយក៏មិនយឺតពេល»Mrs.Jeon ទាញរាងក្រាស់អោយប្រឈមនឹងគាត់ និយាយដាស់សតិរបស់គេអោយគិតផ្លូវមួយផ្សេងទៀតដើម្បីកាត់ចិត្តពី Taehyung ។
«ខ្ញុំគួរធ្វើបែបណាទៅម៉ាក់»
«មិនពិបាកទេ ឈប់គិតពីគេ ផ្ដោតលើការរៀនសូត្រ ចាប់យកក្ដីស្រមៃដែលជារបស់ខ្លួនឯង បង្កើតអ្វីដែលកូនចង់បាន រៀនធ្វើជាម្ចាស់ការ ឈប់អោយគេមកគ្រប់គ្រងកូនទៀត ចង់ធ្វើជាស្ដេចត្រូវតែមានទំនួលខុសត្រូវ រៀនបែងចែកស្នេហានិងការងារអោយជ្រះស្រឡះទើបអាចក្លាយជាមនុស្សដែលខ្លាំងបាន»
«បាទ...»Jungkook ងក់ក្បាលទាំងងោកងុយ ត្បិតវាមិនមែនជារឿងងាយដែលត្រូវបំភ្លេច Tae ប៉ុន្តែនាយគ្មានជម្រើសនោះទេ អ្វីៗគ្រប់យ៉ាងគឺស្ថិតនៅលើនាយជាអ្នកសម្រេច ថាចង់បន្តឬបញ្ចប់ទំនាក់ទំនងដ៏អាក្រក់មួយនេះ ហើយទីបំផុត...
ពួកយើងនឹងក្លាយជាអ្នកដទៃម្ដងទៀត!!
#Next Day
Tae ក្រោកពីព្រលឹមចេញទៅជាមួយគ្រួសារដើម្បីមើលហាងដែលគេរៀបចំនឹងបើក ។ គេសម្រេចចិត្តហើយថានឹងបើកសម្អាងការមួយជារបស់ខ្លួនឯង មានទាំងការ Design រោងការ និង Design ជាសម្លៀកបំពាក់អាពាហ៍ពិពាហ៍ផងដែរ យ៉ាងណាលោកប៉ារបស់គេជាអ្នកជំនួញខាង brand សម្លៀកបំពាក់ស្រាប់ ដូច្នេះវាមិនមែនជារឿងពិបាកសម្រាប់គេជាមួយនឹងការឌីហ្សាញទាំងអស់នេះនោះទេ ។
«យ៉ាងម៉េចដែរ ប៉ាជ្រើសទីតាំងដែលល្អបំផុតសម្រាប់កូនហើយ មិនឆ្ងាយពីផ្ទះប៉ុន្មានទេ អាចជិះមកមើលហាងបានមិនពិបាកឡើយ»
«អរគុណណាស់លោកប៉ា»Tae ញញឹមបិទមាត់មិនជិត ដើរមើលហាងដែលទទេស្អាត មិនទាន់រៀបចំនៅឡើយ ។ ទីនេះគឺប៉ារបស់គេសាងសង់ដោយផ្ទាល់សម្រាប់ជាការដូរខួបកំណើតនាពេលខាងមុខ ។ យ៉ាងណាក្ដីស្រមៃរបស់គេជិតក្លាយជាការពិតហើយ
«ទីនេះអាចនឹងតូចដែរទេ»Mrs.Kim ងាកមើលជុំវិញហាងបើសិនជាតាមចិត្តដែលស្រឡាញ់គាត់ចង់ធ្វើអោយធំជាងនេះទៅទៀត ។
«មិនតូចទេម៉ាក់ ទីនេះល្មមហើយ ខ្ញុំគ្រប់គ្រងតែម្នាក់ឯងមើលទៅណាមិនអស់ទេ ម្យ៉ាងក៏ចង់ឆ្លៀតពេលជួយការងារលោកប៉ាខ្លះដែរ»Tae សសៀរមកអោបដៃម្ដាយ ស្រដីចេញមកយ៉ាងស្រស់ ។
«ក៏ល្អម្យ៉ាងដែរ ចាំប៉ាជួយបង្រៀនបន្ថែម»គាត់ជាម្ចាស់ប្រេនដ៏ល្បីប្រចាំប្រទេសកាណាដាមួយនេះដែលឌីហ្សាញតែសម្លៀកបំពាក់បុរសប៉ុណ្ណោះ ប៉ុន្តែក៏មានសន្ទុះនៃការគាំទ្រ និងបន្តនាំចេញទៅក្រៅប្រទេសថែមទៀត ។
«បាទ អរគុណណាស់លោកប៉ាដែលជួយកូនមកច្រើនយ៉ាងនេះ»រាល់ថ្ងៃគេមានតែគ្រួសារប៉ុណ្ណោះដែលជាខ្នងបង្អែក ។
«មានកូនតែមួយគ្រាប់ ខំរាល់ថ្ងៃក៏ដើម្បីតែកូន បើមិនជួយ Tae ខ្លាចក្រែងអ្នកម៉ាក់កូនគេបន្ទោសថាប៉ាមិនកើតការជួយជ្រោមជ្រែងគ្រួសារមិនបាន»
«បងពន្លើសពេកហើយ អូនមិនដែលស្ដីអោយបងម្ដងណាទេ»
«ហិហិ ព្រោះលោកប៉ាតែងតាមចិត្តម៉ាក់រហូតនោះអី...ត្រូវហើយ កូនចង់រៀបចំហាងពីថ្ងៃនេះតែម្ដង លោកប៉ាគិតយ៉ាងម៉េចដែរ»
«តាមចិត្តកូនប៉ុណ្ណោះ!! »Mr.Kim គាត់មិនបានទម្រើសកូននោះទេ គាត់គ្រាន់តែផ្ដល់នូវអ្វីដែលគេត្រូវការ ជួយតាមលទ្ធភាពដែលអាចធ្វើបាន អ្វីដែលត្រូវស្ដីប្រដៅអប់រំគាត់នៅតែនិយាយ មើលតែចរិតរបស់ Tae ក៏ដឹងថាគេស្ដាប់បង្គាប់គ្រួសារប៉ុណ្ណា ។
Skip~~
រូបថតត្រូវបានបកចេញម្ដងមួយសន្លឹកៗ ដាក់ទៅក្នុងឡាំងមិនបន្សល់សូម្បីតែស្លាកស្នាមដែលធ្វើអោយចិត្តដិតដាម មានរបួស មិនថាវត្ថុអនុស្សាវរីយ៍ឬអ្វីដែលជាប់ពាក់ព័ន្ធនឹង Tae នាយនឹងកប់ចោលទាំងអស់ ។ Jungkook រៀបចំ Condo របស់ខ្លួនសាជាថ្មី រស់នៅដោយគ្មានវត្តមានរបស់គេ ។
«លាហើយ Kim Taehyung »ក្រឹប~ទូរត្រូវបានបិទចាក់សោរយ៉ាងជាប់ ចាប់ពីពេលនេះតទៅ លែងមាន Kim Taehyung នៅក្នុងជីវិតរបស់នាយទៀតហើយ ។
ថ្ងៃទីមួយវាអាចនឹងលំបាកក្នុងការធ្វើចិត្តមិនគិតពីគេ ទើប Jungkook ព្យាយាមធ្វើខ្លួនឲ្យរវល់មិនទំនេរសល់ពេលគិតពីគេនាំតែគ្រាំគ្រានោះទេ ។
«ដល់ម៉ោងបាយហើយវុើយ ផ្អាកការងារសិនទៅ»Edward ហៅអ្នកជាមិត្តដែលគិតតែអង្គុយមុខ Computer មិនក្រោកទៅណា ។
«បន្តិចទៀតរួចហើយ»
«ឯងខំទៅណា មិនបាច់បន្ទាន់ពេកទេ យើងនៅសល់ពេលច្រើនទៀតតើ»
«មិនចង់ចំណាយពេលអត់ប្រយោជន៍»
«មិនមែនចង់គេចពីការពិតទេហេស៎»Karl ដែលមិនដឹងមកពីណា អើតមាត់ទ្វាស្រដីឌឺដងដល់បុរសមាត់រឹង ដែលស្ងប់ស្ងាត់ប្រែក្លាយជាមនុស្សគល់ឈើមិននិយាយស្ដីរកនរណាមួយម៉ាត់ ឯចរិតព្រានក៏មិនដឹងជ្រុះទៅណា ពេលនេះហាក់ដូចជា Jeon Jungkook មនុស្សថ្មីយ៉ាងចឹង ។
«ទៅសុីបាយ!!»Jungkook ក្រោកចេញទៅមុនបាត់ មិនតបឆ្លើយនឹងមិត្ត ។ គម្រោងរបស់នាយអាចនឹងលេចរូបរាងឆាប់ៗនេះ ក៏បានដាក់គោលដៅខ្លួនឯងដែរថាបីឆ្នាំទៀតនាយនឹងបង្កើតក្រុមហ៊ុនហ្គេមមួយអោយបាន ។
រំលងមកមួយសប្ដាហ៍ក្រោយ វាយូរដែរហើយដែលពួកគេបានបែកពីគ្នា ម្នាក់ៗសុទ្ធតែរវល់រៀបចំអនាគតរៀងខ្លួន ភ្លេចគិតខ្វាយខ្វល់ពីខ្លួនឯង ។ ពេលនេះហាងរបស់ Tae បានបើកសម្ភោធជាស្ថាពរ ក៏ធ្វើជាពិធីជប់លៀងតិចតួចជាការអបអរផងដែរ ដោយអញ្ជើញតែអ្នកជិតស្និទ្ធប៉ុណ្ណោះ ។ Tae មិនដែលភ្លេចមិត្តសម្លាញ់ Park Jimin នោះទេ តែដែលភ្ញាក់ផ្អើលបំផុតនោះគឺវត្តមានរបស់ លោកតា លោកយាយ Jeon ។
«អប់អរផងណាចៅ បានហាងមួយហើយ ថែរក្សាអោយល្អលឺទេ»លោកយាយ អង្អែលសក់រាងតូចថ្នមៗដោយក្ដីស្រឡាញ់ ស្មានថាលែងបានជួបមុខក្មេងម្នាក់នេះហើយតើ ។
«ទំនេរៗទៅលេងតាផង នៅទីនោះពិតជាស្ងាត់ណាស់ពេលដែលគ្មានឯង គ្មាននរណានឹកគិតពីមនុស្សចាស់ទាំងពីរនេះទាល់តែសោះ »
«កុំនិយាយបែបនេះអី គ្រប់គ្នាប្រាកដជាបារម្ភពីលោកតាលោកយាយ យ៉ាងណាខ្ញុំនឹងឆ្លៀតពេលទៅកំដរអ្នកទាំងពីរដូចពីមុនចុះ»គេមិនដែលប្រកាន់គំនិត្តអវិជ្ជមានលើពួកគាត់ឡើយ គេមានតែសប្បាយចិត្តដែលគាត់សន្ដោសប្រណីទុកគេដូចជាកូនចៅដូច្នេះ
«ប្រសើរណាស់!!»
«ជម្រាប់សួរលោកយាយ លោកតា ហៃយ៉ា!មកជាគូតែម្ដងហើយ»សម្ដីចច្រិចបែបនេះគ្មាននរណាឆ្ងាយក្រៅពី Jimin រាងស្រឡូនម្នាក់នេះឡើយ បណ្ដើរគូស្នេហ៍ចូលមកយ៉ាងពព្រឹម ញញឹមដូចផ្កាត្រូវទឹកសន្សើម ។
«អា៎!អាច្រម៉ក់សោះ ខានឃើញយូរហើយ ពេញកម្លោះអោយស្ដូក»លោកតា
«ខ្ញុំជិតបានប្ដីទៀតផងលោកតា»មិនស្រដីតែមាត់ នាយល្អិតរហ័សកៀកដៃគូស្នេហ៍បង្ហាញរាងចំណាស់ថែមទៀត ។
«ជម្រាបសួរលោកតា លោកយាយ»មិនបាច់ណែនាំខ្លួនច្រើន ក៏ពួកគាត់ស្គាល់ដែរ Min Yoongi កំពូលសុភាពបុរសស្មោះស្នេហ៍ ថ្នមរាងតូចនេះក៏ពូកែដែរបានជាគេស្រឡាញ់ងប់យ៉ាងនេះ ។
«ខ្ញុំថាទៅរកកន្លែងអង្គុយប្រសើរជាង»រវល់តែរាក់ទាក់ទើបមិនទាន់បានរកកន្លែងសមគួរ ។ Tae ជូនដំណើររាងចំណាស់ទៅរកម្ដាយឪពុករបស់ខ្លួនដែលជាអ្នកអញ្ជើញពួកគាត់មកដោយផ្ទាល់ ។
«Tae ទៅខាងក្រៅជាមួយយើងបន្តិច»Jimin កេះអ្នកជាមិត្តមុននឹងអូសដៃគេចេញទៅខាងក្រៅដែលស្ងាត់គ្មានមនុស្ស ល្មមគួរសមអាចអោយពួកគេនិយាយគ្នាបាន ។
«ឯងមានអ្វីហេស៎»
«រឿងដែលយើងលឺម៉ាក់អ៊ំ Jeon និយាយជាការពិតដែរទេ ដែលឯងលែងលះជាមួយ Jiho hyung នោះ»គេនៅមិនអស់ចិត្ត រាល់សម្ដីដែល Mrs.Jeon និយាយ គេហាក់ពិបាកទទួលយកខ្លាំងណាស់ ។
«អឹម គ្រប់គ្នាបានដឹងការពិតអស់ហើយ»Tae បានត្រឹមឆ្លើយទាំងមុខស្ងួត ។
«ចុះរវាងឯងនឹង Jungkook នោះ»ក្រែងស្រឡាញ់គ្នាណាស់មិនអញ្ជឹង ទម្រាំនឹងតស៊ូមកដល់ចំណុចនេះ មិនមែនគិតចង់បោះបង់ដោយងាយទេដឹង ។
«...ពួកយើងចប់គ្នាហើយ»Tae ក្រវីក្បាលឆ្លើយទាំងស្ទាក់ស្ទើ អោយបន្តបែបណាបើឧបសគ្គធំយ៉ាងនេះ គេជំនះមិនរួចទេ ប៉ុន្តែបើសួរថាគេនៅស្រឡាញ់នាយឬអត់? ប្រាកដណាស់ថាគេមិនដែលចង់បំភ្លេចនាយសូម្បីម្ដង ។
«ងាយយ៉ាងនេះហេស៎ ឯងមិនស្ដាយខ្លះទេឬ?»
«ទោះចង់ត្រឡប់ក៏ហួសពេលដែរ ខណៈនេះ Jungkook អាចនឹងខឹងស្អប់យើងហើយក៏មិនដឹង យើងគ្មានមុខឯណាដើម្បីវិលទៅរកគេទេ Jimin »ធ្វើខុសធ្ងន់យ៉ាងនេះចង់អោយគេទៅបកស្រាយរបៀបណា គេដឹងថាខ្លួនកំសាក តែគេគ្មានជម្រើស ។
«ធ្វើតាមបេះដូងទៅ ស្នេហាមិនស្ថិតលើការចាញ់ឈ្នះឬមុខមាត់ទេ តែត្រូវយកក្ដីស្រឡាញ់ដើម្បីបង្ហាញថាយើងពិតជាត្រូវការគេខ្លាំង យើងជឿថា Jungkook គេនៅមិនទាន់បំភ្លេចឯងទេ»
«កុំអី គេលំបាកដោយសារយើងមកច្រើនហើយ យើងមិនចង់ក្លាយជាបន្ទុកសម្រាប់អ្នកណាម្នាក់ បញ្ចប់ត្រឹមនេះក៏ល្អ Jungkook នៅមានភារកិច្ចច្រើនទៀតណាស់ដែលត្រូវខ្វាយខ្វល់ មិនមែនយើងទេ»ទោះមាត់ក្បត់បេះដូងក៏គេត្រូវតែឃ្ជាក់ពាក្យនេះចេញមកដើម្បីតឿនខ្លួនឯង ។
«ឯងមិនអាណិតដុំសាច់តូចមួយនេះខ្លះទេហេស៎»Jimin ចង្អុរទៅទ្រូងខាងឆ្វេងរបស់គេដោយការសួរបញ្ជាក់ ។
«ឈប់រំលឹកទៅ ចូលទៅខាងក្នុងល្អជាង គ្រប់គ្នាកំពុងចាំ»Tae គេចមិនព្រមឆ្លើយ ដើរចេញពីការពិតដែលមិនអាចប្រឈម ប៉ុន្តែមិនប្រាកដថាគេអាចមាត់រឹងបែបនេះរហូតឡើយ យ៉ាងណាការពិតគឺមិនអាចក្លែងបន្លំ ។
To be continued
Lie Naa