للكاتبة الــريم
سَاكت شرد اگلك ،
هو ظل لسان
بي اكدر اسولف
واعترف مُعجب ؟
شِفتك من بعيد
وخَذت كُلشي وياك
آنة ادري شراح تاخذ
منّي من تگرب ؟
- جبار رشيد
<><><><>
التصويت على البارت
التعليق بين الفقرات لُطفًا
<><><><><><>
في مــكـــان اخر حيث
" هيلين "
إلتفتنا بإستغراب وشفنا ابوه وهي يمشي خطواته للمكتب بدون ما يلتفت
إلتفتت لإيليا متحركت اي شعرايه من المشاعر واني احاول احجي اي كلمة مُمكن تنقذني
نِظرلي من فوك ليجوه وهِمس
- إيليا : هم امج دكت عليج مو ؟
هزيت راسي بإي متوترة وهوَ مَد إيده للامام لطريق المكتب كان مثل الجحيم عليه بأي عين اطب واني اليوم دخلت لهل مكان شبسرعه راح اطلع بفضيحه مشيت واني اردد
( وجعلنا من بين ايديهم سدا ومن خلفهم سدا فأغشيناهم فهم لا يبصرون )....
دخلنا واشر لإيليا بطرف اصعبه السَبابة على الباب رجع خطوه للواء ودفر الباب برجلة
انسد بصوت عالي
رجعت نظري لأبوه اتقرب منا وصل لإيليا وحجة
- ابو إيليا : فراشه ؟ حضرتك شني بالضبط
هَز راسه بكل صلافة وبإتاكيد
- إيليا : ليش انا جذبت ؟
صاح بصوت طب لدماغ دماغي متفاجئه من كلامه وعصبيته
- ابو إيليا : اي نعم صاير تحب وتنحب وتتغزل بوسط شغلك كدام الناس ناسي لو تريد اذكرك
- واكفلي وياها بنص المَمر إيلياااااا لتخليني اتعصب عليك حتى وضيفتك اطلعك منها
نزلت راسي مستحية يحجي كدامي شي
طلع إيليا مفاتيح من جيبة وخلاهن على الميز من دون ميحجي ونظر نظرة سريعه إليَ
- إيليا : وباجر توصلك فلوس الحليب والحفاظات الجنت تشتريهن إلي من انا صغير
استغربت بقوه مجرد حجاية كالها هل كد اثرت بإيليا ؟..
إتقدم إلي ابو إيليا متعصب واردف
- خربتي ...
رجعت خطوة اول يوم إليَ وهيج المشاكل لو ابقى شيصير وكف كدامي إيليا وهوَ يفرد ذراعيه كدامي
- إيليا : عذرًا سيادتك لكن ما اسمح انا الغلطت
ابعدت نفسي منهم حاولت احجي لكن سُبقني ابوه بقوله بكُل إستحقار
- ابو إيليا : ابتعدي عن إبني استحي على نفسج دوري من نفس طبقتج وجلبي بي مو على ابني
- إيليا : يااااااااااابه
دفعت إيليا بهدوء وثبتت رجلي بكُل قوه وتكبر
- هيلين : احجي هل حجي لإبنك اني شعليه ابنك وابنك تشوفه ولي العهد ازركك
اخذت نفس وحجيت
وثانيًا اني راح انخطب لإبن عمي مدخلني بي
كذبت عليهم واني ما اعرفهم مجرد حاولت ابين اني مو بحاجة الهم شهل إستحقار
فزيت على صوت إيليا ينتل نَتل
- إيليا : لتكليلي اخو جسومي؟
صفنت اني جاسم حتى اخو ما اعرف عنده لو لا اردفت بسرعة
- هيلين : اي نعم عندك اعتارض .
صاح بصوت عالي وفُرك ايده بتوعد
- إيليا : سهلة الظاهر جسومي مايتوب
عفتهم وإنداريت افتح الباب وحجيت
- هيلين : وإبعد ابنك عني رجاءًا
سديت الباب وطلعت متجاهلة صياحهم الصار لكيت كدامي تجمع للموظفين واكفين قريب على الباب ويهمسون بينهم
حسيت نفسي شكد رجلي عليهم رجل شَر
هسه شنو بإيدي هوَ ؟
هستوني خطيت خطوة خارج المحل اتفاجئ بشخص يصيح عليه وكفت طريقي وإلتفتت
وكف كدامي متوتر مِستحي
- إيليا : انا اعتذر بدال الوالد اعذري
قطعت كلامه رافعة ايدي امامه
- هيلين : لا فعلًا كلامة مو نفس طبقتي ولا مستوايَ المادي تقريبًا المهم انكشفت حقيقتكم تدورون مظاهر
- إيليا : والله انا مو هيج شلون ابينلج
كُمش ذراعي بخِفة
- إيليا : ولج يا مظاهر هوَ انتِ بوحدج لوحة
ابعدت ايده عني متجاهلة كلامه ابوه يهيني بوسط شغلهم على اي اساس واجي اقبل اعتذارة
مشيت خطوة وكف كدامي مُبتسم برهاوة
- إيليا : خاب تغديلچ فدوه الموناليزا
مشى خطوة ويايَ إجاني صوت ابوه
- ابو إيليا : ارجع أم اتصرف تصرف غير لائق
إلتفتله وأشر إله
- إيليا : إتصرف انا البيت بعد ما اطبه والوضيفة اخذها الك بعد لگيتها
وِصل لكلمة " لگيتها " وإبتسامتة وضحت اكثر
عفته ومشيت على السريع
وكف بالقُرب مني
- إيليا : چا تزعلين ؏ شي انا ممسوي !
وجهت نظري للامام بدون ما اباوع بعيونه
- هيلين : مو مشكلتك لكن اهلك ممتقبليني ليش احشر روحي بيك انسى البينا
- إيليا : مو كره شخص بيج رُبما بس هوَ خوف من اخر علاقة جنت بيها اتأذيت ولكيت روحي بمعرفتج معبالك حاب قبل جان بُدعة ظلال جانت وهسه حقيقة كدامي
- هيلين : رجاءًا اتركني
مشينا لِفرع باوع علية محابته إبتعد شويه من شاف حجية جبيرة بالعُمر تمشي إتقرب الها
- إيليا : الله يساعدج يمة
رَدت عليه بكُل رحابة صدر
- الحجية : ويساعدك
أشر عليه وحجة كأنه مِحترك كلبه ويشكيلها
- إيليا : كليلها تحبني
صاحت عليه لو اني ما اعرف وين اودي وجهي مستحية منهم
- الحجية : ليش دادة متحبي دشوفي الطول
هِمست بإنحراج
- هيلين : مثل اخويَ
ضربت على ايدي بخِفة
- الحجية : امج حبلت بي يدادة
هزيت راسي بلا وإيليا صاح
- إيليا : چا انجبي
صِحت بي بجَزع
- هيلين : لتغلطططط
ضحكت الحجية وهيَ تحجي
- الحجية : يمة تخبلون يحفظكم الله
سلمنا عليها وإبتعدنا بسرعه اباوع عليه كُل دقيقة يلتفتت ويضحك
وكفت تكسي اريد اشرد منه تعبني باوع على شكل ابو التكسي جان شاب تقريبا صغير
هز راسه بلا
ردت اصعد وياه سحبني واشر لأبو التكسي يروح إلتفتت اله
- هيلين : ليش خل اروحح !
- إيليا : لا هذولَ اخاف عليج ليش متجين ويايَ انا اوصلج
هزيت راسي بلا اخر شي كال
- إيليا : خاب تعاي
سحبني لسيارته وفتح الباب إلليَ
- إيليا : مُمكن تتفضلين ؟
صعدت وياه مشى بالسيارة واحس بداخله حجي سكتت مالي نفس احجي الموضوع ضوجني بشِدة
نزلت على السريع وقبل لا اطب للبيت
- إيليا : يمكن أتأخر ياله تشوفيني
إنشدت ملامح وجهي بإستغراب
- هيلين : ليش !
طلع باكيت الجكاير وحجة
- إيليا : إتعاركت ويَ أبويه على مودج وراح اطلع من البيت وحتى شغلي اتركة
- هيلين : ليش ليششش علمودي ؟؟ اني ما اقبل هسه تعوفني ومتعوف اهلك وشغلك ضابط وتعوفة ؟
- إيليا : لتخليني انتدم حجيتلج اريد راحتي انا تعجبني حياة بسيطة ويَ بنيه مِثالية بعيوني
مو حياة كلها تمثيل لو بس شكل كدام الناس وانا بداخلي ما مرتاح
هزيت راسي ما اعرف شنو اكول هِمست بتردد
- هيلين : براحتك حياتك هايَ اخذ راحتك
إبتسم تَك خذ
- إيليا : اه يعني اخذج ؟
إبتعدت عنه بدون ما اجاوبه وكملت طريقي للبيت دخلت لاكتني إمي مبتسمة بوجهي
- ام هيلين : بشريني يوم ؟
ضحكت بوجها
- هيلين : ما ناسبني الموضوع وتركته
خلت ايدها على ثَغرها بتوتر وحجت بصوت ناصي
- ام هيلين : شلون وجاسم يكول فلوسي متكفي بس للبيت والجهال
- هيلين : اني اشتغل بشهادتي ماكو داعي
هزت ايدها بإستهزاء
- ام هيلين : وين التعيينات تغنين انتِ ابو شهادة الماجستير يشتغل عمالة
ضحكت بحُزن فعلًا ماكدر اتعين بشهادتي
جان الدكتور سالم من خلال الصدفة اتعرفت عليه وما اعرف اخباره او اي شي عليه الان
فعلا عظم البَني آدم ثكيل حتى على اهله
- هيلين : اذا تلكولي شغل واني هم ادور اشتغل وين ما كان
صعدت لغرفتي سديت تليفوني ورجعت كالعادة نمت بعد ما كملت صلاتي
ثاني يوم الصبح إندك الباب فتحته لكيت كدامي شخصين مغطين وجهم وشخص حجة منهم وهوَ يطلع ورقة ما ركزت بالكتابه بس اتوترت من كال
- وين جاسم **** *****
كال اسمه لو اني إنرعبت إلتفتت بخوف خاف ماما تشوفنا لو تسمع
- هيلين : ليش ؟
كال وضيفة وهز راسة متردد ونظر للبصفه أيدة بالكلام
- وضيفه عمل واجينا ناخذه
عرفته سوالف إيليا هِمست
- هيلين : والله ما انخطب
رَد عليه شخص من يمهم
- جاي نكول وضيفة يا ما انخطب رجاءا صيحي جاسم
حاولت ابعدهم عن الباب وهِمست
- هيلين : خابروا كلوله والله ما انخطب وجاسم ماله شغل
لحيت عليهم شخص إنسحب منهم يخابر وشخص بقى واكف يمي
رجع بعد ثواني وكال
- سيادته يكول جاوبي على الإتصال
سديت الباب بوجهم شورطني بي هذا البلوه
صعدت على السريع مريت بإمي جانت فوك وجاسم طالع هم زين
لكيته يتصل جاوبته بتردد
- هيلين : ها
ضحك بصوت عالي
- أيليا : ها يابعد الها واهلها
سكتت وهوَ شويه واتغيرت نبرته
- إيليا : واذا انخطبتي لأخو ابن جسومي مادري اخو ؟؟
- هيلين : ما انخطب والله بس عوفه
- إيليا : ترى اكلب الدنيا على راسكم مفهوم
عليت صوتي وحجيت
- هيلين : دتجاوز واني مدتعجبني تصرفاتك
- إيليا : ليش تعلين صوتج بوية ؟ يله إعتذري
إستغربت منه شدعوه !
- هيلين : شعتذر ؟
حجة بصوت واثق وكاني راح صدُك اعتذر
- إيليا : كولي اسفة سيادة السيد المُحترم حبيبي إيليا يله
وخرت التليفون واني اباوع على الشاشة هذا رقم إيليا لو غيره بقيت منصدمة منه
- إيليا : يله احجي مو بعدين تتندمين ما اعتذرتي
- هيلين : بيباي
سديته وضحكت بهدوء مو صاحي هل ولد
عفت التليفون وكملت حياتي طبيعية مابيها اي شي غريب لكن المو غريب بعدها
مَر اسبوع واكثر ماكو اي خبر لإيليا على عكس مكالماته ومن يجي يوكف بالباب بالليل
فتحت الشباك لإلقي نظره عسى ولعل اشوفه يجي يِحن اي شي
الشارع يخلي من السيارت سديته ورجعت مُتحطمة
تليفونه مُغلق اي شي ماكو يوصلني إله
لكيتلي شغل بماركت بعيد شويه منا اشتغل بي
مرات اروح العصر لليل ياله ارجع
مُجرد احاسب واغلب المُحاسبين صارت بنات بسبب بعض الاشخاص عود يدورون شكل لو ك حيلة يسووها ينحرج الشخص اذا راد يرجع شي او هاي كدام المُحاسبة عود لازم يبين جانتل مان
وفعلا هيج مَرت عليه مواقف
اشتغلت بهل ماركت ، شكل الماركت جدًا جبير وعليهم إقبال من الناس
ما اسوي شي مُجرد احاسب الشغلات وارجع الباقي والراتب جان قليل مُقارنة بالراتب الإنطرح عليه بشغل ابو إيليا
كُل ما اتذكر مُعاملته اكره حتى روحي بس هواي زبائل صاروا معاميلي يحاسبون اله يمي ههه
والله مرات افرح من شخص يفتقدني من الزباين اول وحده ترجع من الشغل ما ادري شنو بس هي تجي بوقت نهاية الدوامات اذا جان دوامي صباحي تشتري
يصير بينا حديث قصير كُلش حبابه حِنطاويه عبالك شعرها قصير تضحكني سوالفها
ظل بداخلي فضول اعرف شنو اسمها بس هي متطرق لهيج مواضيع
أحد المرات دخلت اشرت كالعادة
وإتقربت حاسبت الها لكن وكفت كدامي وتحرك بحلقة الزواج واللتي تدل على المشاكل الزوجية
هِمست الها واني عيني على المُشتريات
- هيلين : متزوجة ؟
ضحكت بصوت ناصي
- ساعة السودة لو جلب ولا هذا
رفعت راسي الها مستغربة وضحكت بهدوء
- هيلين : ليش محلو الزواج ؟
- ويَ الاوادم يكولون حلو بس مو هذا العندي
انطيتها الكيس واردفت
- لو تبقى عليه افضح العائلة كلها واطشرهم بس شسوي
اخذتهن ودفعت الحساب وراحت مَر كم يوم وما اجت استغربت خاف صار الها شي !
اتجاهلت كل شي حتى اسمها ما اعرفه
مَر اكثر من شهر وإستلمت اول راتب الفرحة جانت ناقصة رُبما إيليا ماكو ولا اي شخص والكال هاڤال موجود واني اجيبه لاهو ولا حجاياته عيشاني على امل
طلعت من الماركت شفت من بعيد شخص مِتلثم بس عيونه مو غريبة عليه ضخم بس شكيت بي إيليا بس مو نفس شكله
ملابسه كلها صبغ الاعرفه إيليا يشتغل بالسلك العسكري اعتقد ! ومفاتحلي هيج موضوع
نظر بعيوني لفتره واني وكفت منصدمة اباوع
لوحت بإيدي اله
دار وجه مِني ومشى كملت طريقي جان بالجهة المُعاكسه لطريقه وصلت لنصف الطريق
وردت ارجع عليه
إنداريت اباوع بعيد جدا عليه هِمست
- هيلين : يجوز شخص عابر ليش اكبر الموضوع
رجعت للبيت ومَر روتين عادي انطيهم اغلب الراتب وحتى اكل ما احب اكل لو اريد وياهم
مرات اشتري من الماركت اي شي اكله وارجع
لو اروح للمطاعم القريبة
ارجع بس على كد النوم الصلاة وهم زين لكيت شي التهي بي لو ابقى بس انام وبالبيت اضل ادور سوالف قديمة واتعارك
وحجابي الحبيته اكثر إلتزمت بي ملابس ضيكة ما البس ضليت احب هل شي بسبب اشوف احترام الناس إللي بعض الاشخاص يتشاقون ويَ الملابسه حجاب او ياخذون ميانه يسلمون
اما ويايَ مجرد سلام
مو يعني اسيء للغير مُحجبات بس زاد احترامي بين الناس تشوفهم يتعاملون ويَ الكل بُحريه اله اني حدود بينا
وهم موجودات كم بنيه بالماركت بس مو عل الكاشير لا موجود هنا اكثر من كاشير الماركت واسع وجبير
مَرت اكثر من شهر ثاني لكن بأحد هذهِ الايام حسيته مابيه اي شي يوم عادي !
لكن ان وصلت لنهايته اتغيرت
بوسط شُغلي كالعادة كاعدة
إتقدم إللي شخص منتهبت عليه اردف بصوت متغير وبحة غريبة عليه
منتبهت لكن حجة
- متوفر رُمان ؟
بقيت على نفس وضعيتي جنت منزلة راسي
جاوبته واني أشر على القسم
- هيلين : بهذا القسم متوفر
استغربت اكو هواي موظفات يكدر يسألهن ليش إجاني .. يله مو مشكلة يجوز مموجودات
حاسبت لكم شخص وإتقدم إللي شخص
ما جان إللي وقت للتفكير
انوضعت امامي سلة المُشتريات
بديت احسب اله المشتريات
- 57 الف
انطاني إثنين خمسة وعشرينات وعشرة الالف
بقت تلاثة الالف
انطيتة الفاتوره وسحبت التلاثة الالف
- هيلين : اتفضل الباقي
إبتسم بوجهي الولد
- لا ميحتاج هيلين
إستغربت منين يعرف اسمي راد يتحرك الولد انسحبن الفلوس مني واتقدمت للولد بسرعة رفعت راسي
وهو يحاول السيطرة على اعصابه
- إيليا : مو وقت كرمك كدام النسوان نريد نحاسب
الولد اخذ الفلوس وطلع يمكن هاي اخر مره شفته يطب للماركت على الرغم هو عميل جان دائما يجي يشتري
ضحكت بوجة متفاجئه
- هيلين : شـجابك !!
ضحك وهوَ يخلي مُشترياته
- إيليا : جابنـي كلبـي السـاحله حتـى ابـوه
حاسبتله على السريع وكُل ما ارفع عيوني تصد بعيونه المُتركز عليه
- إيليا : هـذا شـني موقـعه الملگـلگ
قدمت إله العلاكة
- هيلين : عليه اليوم الحساب سيدي
- إيليا : اريدج سالمة
ضحكت بوجه متفاجئة وين جان حاولت ما ابين اهتمامي لكن اتسرعت ما اكدر اخفي فرحتي
- هيلين : وين جنت ؟
- إيليا : والله مطرود وبعدني مطرود بس مطرود بكرامتي
صفنت بوجه شويه وحاولت اتدارك ضحكتي ما اكدر
فززني صوته وهو يحجي
- إيليا : سالمين شني تشمتين
هزيت راسي بالنفي انطاني الفلوس بعد ملحة من الطرفين
اتحرك راح يطلع بس رجع
- إيليا : شويه واطلعي اريد احجي وياج
طلع إيليا واني هم بعد اكثر من ساعة طلعت من انتهى دوامي طلعت على السريع
ادور عليه إلتفتت اريد المحه مشفت شكله وين راح
مشيت كم خطوة اباوع كم شخص موجود بس ماكو هوَ ايست يكون موجود بس ليش مموجود
لاكاني احد الموجودين بالماركت باوعلي واردف
- اوصلج ؟
هزيت راسي بلا وكل ثانيه ألتفتت اريد اشوفه
بس للاسف ماكو حَزت بخاطري ماكو مشايفته
صارلي هواي
إلتفتت اخذت تكسي ورجعت للبيت حتى مالي خلك بوكتها اكُل .
لدرجة سألتني أمي
- ام هيلين : بيج شي ماماتي ؟
هزيت راسي بالنفي مالي حتى خلك احجي والدمعة بطرف عيني
ثاني يوم مرحت للشغل كعدت تعبانه ومالي خلك نزلت لكيت جاسم متحضرلي وماما وراه
تغمزلي مادري شنو باوعت شكو
إتلكاني وحِسة يلعلع
- جاسم : ليش مرايحة الفلوس شيكفن لو يكطع منهن
اباوع وين جان لو ما اداوم سنه ميحاسبني على فلس هسه حَسرة عليه اعطل
والماركت مابي عطل اصلا يفتح اربعه وعشرين ساعه
جاوبته امي تحاول تسكته
- ام هيلين : يا دشوفها شلون مريضه خطية
إلتفتتلي وهي تحاول تسد الموضوع
- ام هيلين : يا يمه تردين اسويلج شي دافي
رَد عليها بصوت عالي
- جاسم : منليناااا والثلاجة فارغة شتسويلها يادوب ناكل
باوعت عليهم عيوني أتغوركت بالدموع مو بحاجة للفلوس يشتغل خير من الله واني هم وفلوسي وهم ياخذ فلوسها
لبست حجابي وملابسي وطلعت بيومها ظهر والشمس قويه ماعرفت وين انطي وجهي
دنيا واتحاسب على اللكُمة
ودتني رجليه للماركت دخلت ناسيه حتى فلوسي اني إشتريتلي كيكة وعصير وخليتها يكطعون من الراتب صح متسوى بس حقه
طلعت افتر بالمنطقة الحول الماركت اريد اكعد بمكان بي فَي
مشيت شويه اباوع على البيوت اتعديت كم بيت
لكن وكفت على صوت باب انفتح بقوه
إلتفتت فازة من الصوت مجان الشارع بي احد
انداريت نَفس البنيه الجانت تجيني بالماركت
طالعه والشعر منفوش وكأنها متعاركة ركعت الباب ومشيت وهي
تعدل بردانها وباوعت عليه حاولت تبتسم بوجهي لكن لا وضعي ولا وضعها يساعد
صاحتني
- يبنيه انتضريني
اتقدمت إللي ومشينا سويه سإلتني
- شنو إسمج لج تطكين انتِ بالكاع
ضحكت بوجها واردفت بخفوت ... هيلين
ضحكت وباستني بسرعه تاخذ ميانه
- اني إسمي باريا اذا تردين تعرفين اسمي
مشيت وياها سوالفها تِونس وتضحك
- باريا : بيتكم هنا ؟
هزيت راسي بلا واني اقسم الكيكة بيناتنا
باوعت عليه وضحكت
- باريا : لا يابويه مالتج ما اخذها
حاولت استضرف وياها
- هيلين : لا بس اكُمشيها
صفنت بوجها وخذتهة وهيَ تاكل شويه منهة
- باريا : علمود لتعيديها
ضحكنا شويه ومشينا ماندري وين روح
- باريا : معليج امشي منضيع اني قديمة بهل منطقة
- هيلين : صدك والله ؟
دارت وجهة للورة
- باريا : لج بابنا يا لون خاف اتيه
باوعت عليها وصفنت
- هيلين : ما اتذكر
ضربت على خدها
- باريا : يله عادي اذا ضعت خل يدور عليه
مشينا شويه طلعنا على الشارع إلتفتت محل ديعدلون بي مادري شنو بس بي عُمال
وشخص كاعدة ساند ظهرة على الشجرة بوسط الحديقة
عبرنا سويه وصلنا للجزرة الوسطيه النفس الشخص كاعد بيها ردت اعبر بِتسرع
وصوت باريا عاطت
- اوكفي
ما سمعتها ردت اعبر شخص سِحبني من ذراعي
وهوَ يكول
- الله الله
وكفت السيارات واني واكفه بنصف الشارع
عَبرني الشارع ونَزل لِثام الشغل
- إيليا : لو صايرلج شي انا وين انطي وجهي ؟
بقيت صافنه بوجه منصدمة اباوع بعيونه خذت اكثر من ثانيه كامش ذراعي
ما احس أله باريا تلم الشارع بصوتها
- باريا : لك نزل ايدك منها
سحبتني لجهتها وتريد تتعارك وياه
- باريا : شو خذاك الواهس
اباوع إيليا كلب وجه من شافها وصيح
- إيليا : بااااااريا ؟
صاحت بي بصوت عالي واشتغل عدها عِرق الغرور
- باريا : منو انتَ وتكول باريا كول الدكتوره باريا
رادت تسحبني ونروح بس صاح عليها إيليا
- إيليا : والله اذا اكمشج وانا شلون متحلفلج
رجعت عليه واني اسحب بيها خاف تسويلنا مشكله وشِكل إيليا كله صبغ حتى ايده
رفع ايده عليها وهو يحجي
- إيليا : مال الزكج براشدي تنصبغين ويَ الحايط
- باريا : دجرب وشوف اذا ما اخلي الناس تضحك عليك
إلتفتت احاول اسكتهم اباوع على الناس تضحك عليهم إثنينهم مخابيل شسوي ياربي
- هيلين : بس كولو يا الله منين تعرفها
دار وجه وحجة بإنزعاج
- إيليا : لو ما شايفها اشرف من شفتها لو كل المشاكل وكعت علينا
- باريا : امداك وامدة الوكت الشفتك بي
ابتعدت إلتفتت لإيدي كلها صُبغ وكفت شويه
وباريا مكملة طريقها تحجي عليه
اتقربلي إيليا وباوع على القميص
- إيليا : هسه اجيبلج غيره شلون تمشين وي هاي
حاولت اجاوب بس رجعت باريا
- باريا : هم رجعتتتتت ؟؟؟
- إيليا : شعليج والله لو ما صديقي جان دفنتج هنا
وجهت الكلام إلي
- باريا : منو هذا اذا اخوج إتبري منه شلون وجه زفر ما ينجرع
باوعت منصدمة عليهم هذا منين يعرفها وهاي تدافعلي وهاي شنو دخيلك ياربي انصدمت
<><><><><>
اعرف قصير اعرففف بس المهم مراضاة على السنه الجديدة حتى لو اليوم 3 بالشهر
بس عبالي عطلة وكملت البارت وايست ماكو عطلة قريت شويه وهسه عدلت عليه ونزلته
عمي اهل بغداد فد نحيسين
كُل المحافظات اله احنااا
اكو كم وحده اني علمودهم كملت البارت بسرعه سإلوني شوكت البارت مادري نزلي البارت
ما رديت عليهم برساله رديت عليهم بنَدوة 🫶🏻
عددنا الان 182 k يُحفظكم الباري ♥️
<><><><><>
لنا لقاء اخر ... اعزائي