روح في بحر الظلام

الحلقة التاسعة والثلاثون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفا pahrasoad

البارت تقريا 5500 كلمة

_________________________

شجاني وما حضنتك كبل متروح * * عفتني وغيبتك صارت طويله

شجاني وما كتلك الله وياك * * بقيت انتظر ليله بأثر ليله

________________________

رانيا

وكفت على حيلي وافترت بية الارض بسبب فقر الدم مديت ايدي اخذها شهاب وخرت منه شمرت روحي على الحايط
كنت اغلق عيني وافتحهة واطول بفترة الاغلاق لان نسيت نفسي ونهضت فجأة من معاناة اصحاب فقر الدم ماينهضون فجأة وبسرعة لان تجيهم دوخة مفاجأة

تركتة يحجي وية ماما اللي تهسترت تريد تروح ويااه

:ام منضر رحمة ل اهلج اگعدي لا ترحين تتخربطين مرة ثانية، الزلمة تعبان ادعيلة والله كريم

:شهاب فدوة لا يموت وماشايفتة بداعة الحسين عليك تاخذني
:اجييبة والله لليل يجي لهناا هسة طالب رانيا
مشمش:لعد واني عمو متاخذني

صاح بصوت عالي جار اذنهة
:انتي شششحاجية لطاارق يااهو الكاالج تسوولفين ويااه وتگليلة انا اقرب النااس اللي ماا مسوولفلهم

:ما ادري عمو والله ماا ادرري هوو سألني

:تعلمي تضبين السسانج اسسرار بيت هااي، جاان كلتيلة ماا ادرري ششعندج واكفة وي الوولد بالشبابيج ما تعرفن الحيا يولو بنات عميد شليتن فكري الله ياخذجن

:عووفني اااخ وووخر معاجبك رووح لبيتك ما محتاجينكم

ضربهة على وجهة صرخت تبجي
:ليييش ليييش ضرربتهة

:بر... ورووسجن اكسسره بعد تحترمن نفسجن وتمششن عدل شفتن الزلمة طاح وضليتن تلعبن شلم بلم

اباوعلة خازرتة بكل قوتي وحاضنة مشمش اللي ايدة طبعت على خدهة

دنك علية سحبني من ايدي بغضب
:عووووفني عوووفني مااا اررريد اررروح كااافي عوووفني
مشمش:عووفهة عموو شبيك عوورتهة دعوووفهة
بيبي:يااا شهاب يمة ششجاك الييوم على البنيات... عوف البت شهااب
:ابوووهاا يررريدهاا الزلمة عايفة وحدة يم طاارق اخووانة العارات ولا واحد لفة منهم الله اكبر ست خوان بس انااا مبتلي بييهم

:تعوفة انا جاية وياها
جرت عبايتهة وطلعت واني وراها امسح بوجهي واقنع نفسي بداخلي
... كاافي بجي كاافي دموع لااازم اصير اقوة لازم اتخطى وادير بالي على اخواني لاا تبحين ررانيا ماايصير

اواسي بنفسي وابجي وامسح دموعي
احضن نفسي اسولف وي نفسي اقنع نفسي وادعيلي
لان لازم اتخطى محد يكدر يقنعني الصار راح يعدي لان محد عاش اللي عشتة
محد غيري باس الرجلين طلبا للرحمة
محد غيري تعرض للضرب محد غيري لم امراض الدنيا بضرف شهرين محد غيري انسلب شرفه محد اعتقل وانسجن وتعرض لتحقيق واعتدو علي من الجنسين محد كان يتحسر على لقمة الطعام وساعة المنام محد بيهم فقد ولا زال فاقد الامان

مواساتهم ماكانت تقدم ولا تأخر مواساتي لنفسي وتذكير نفسي بأخواني وأهلي كانت تساعدني
ساعدت نفسي بالقران
كنت احضن القرآن على صدري يلا اعرف اغفى اذا اشتدت همومي التجأ لله بالقران قليل اقرأ لان تركيزي ضعيف
مجرد احضنه فترة وتهدأ روحي

وصلنة للمستشفى شهاب يمشي ك شعلة غضب من دخل للبيت وهو هاي حالتة وفرغ حركتة بينة
وصلنة لغرفة بابا انعصر قلبي خايفة من لحضة المواجهة

شهاب:اوكفي يمة وحدهة يريدهة لا تطبين
دخل واني وراه

بابا كان وجهة محمر من شدة الورم وعيوني بياضهم مصفر وشرايين متفرعة بيهة كان ما يرمش اباوعلة ركزت بعيونة وهو شبه فاقد ما اعرف يدري بوجودي او لاء
واكفة يمة كان يعصر نفسة مثل حالات الطلق المتعسر
مسبل ادي ورجلي المتورمة المليانة جروح
باوعلي مرتين بس كانه مايشوف معقولة مايشوف
كان يصدر انين خايف

دعيت بداخلي دعوات صادقة
:يارب اقسم عافيتي بيني وبينه، يارب فدوة دير بعضا من وجعهة بية، يارب اقسم من عمري وانطي
اباوعلة ودموعي تحرق بروحي ووجناتي وجفوني

:بابا

:هممم رد علية بأنين شفايفة جافة ومتفطرة وجسمة كان تشبه ببالون ماء اقدامة ازرقت من شدة التورم

:رانيا بوية بنيتي تسسامحيني

:سامحتك ساامحتك والله بابا سامحتك مبري الذمة على كلشي من كلبي ولساني مسامحتك
:بنيتي
:بابا مايصير انطيك من عافيتي
:لا يبابا ادعيلي اموت تعبت بعد ما اكدر ارريد امووت صار اليوم ثالث ماماكل ولا شارب اليوم ثالث مانايم بوية

:يبعد روحي يا بابا اروح فدوة ل اسسمك
:لاه لا لا اسم الله عليج اسمعي بوية ولاا تعبيني فدوة شكلج ردي علي
يااهو ياهو الاذاج بالسجن
:بابا محد

:الله اكبر ولكم لا عشت مرتاح وهم اموت ما مرتاح بداعة اخيج كليلي يبوية لا تضمين علية بس انطيني اسمه
:بابا كال يدمركم والله هددني بيكم اني خل اموت يطبني مرض بس ما اعرف اني ما اتحمل فراك بابا
والله ماجاي اعرف اصبر ولا اعرف انسى روحي جاي تحترك

:جا شلون اذا انطمت السالفة ينكر وبعد مجد يعينج وتجيبين العار الج ول اخوتج فدوة اروحلج جاوبيني ياهو ياهو الاذاج

حرك كلبي موتني قهر عيونة الجافة والكلام كان يطلع بصعوبة بالغة كان يعصر نفسة بقوة بين فترة واخرى
جبرني ارد علي حتى يسكت ويرتاح
كانت الرجفة ملازمتني والدموع غسلت وجهي البكاء كان بصوت مكتوم فكان الاذى مضاعف على قلبي
رديت علي وشيصير خل يصير

:بابا قيصر اسمة قيصر وكان برتبة........
هو اللي اذااني بابا والله ماسويت شي راووني نجوم الضهر تعبووني بااباا والله مررضوني، وحتى مرة اسمهة سعاد.. بابا گلبي يوجعني
ويطبني مرض هسة اريد بس انت وزياد ترجعون بعد ما اطلب من الله شي

مديت ايدي لزمت ايده مايگدر يحركة بس دارهة علية

:رانيا يابة جاي اموت انا اتديرين بالج على اخوتج وعلى مشمش كلش هواي ترة فطيرة طيبة كلب وتحبج اكثر من امهة تحبج والله انا بنياتي واعرفجن زين بس انا هذا اسلوبي قاسي موبيدي والله حاولت وهسة ندمان اااخخخ لو يرد الززمن

:كلشي خل يولي المهم ترد سالم
:لا بابا راح امووت ديري بالج هلى نفسج ولا تهلكين رويحتج حلفيلي وصيتي امانة يمج روحج وامج واختج طيبي بسرعة انا ادري بشنو تحسين بس قوي روحج.. اذكرني بالدعاء
اقريلي قران لو اشتاقيتيلي بالتكدرين علي
عزيزاتي انتن يابوية بس الزمن ما نصفني

ضحكت ضحكة كذب وقهر احاول اصبر علي
: مابيك شي بابا ان شاء الله تطيب وترجع احسن من قبل هاي يسموهو وعكة صحية شنو تبطل العالم ما تتمرض

:ان شاء الله سمعتيني رانيا مو تشلعين كلبي وانا بكبري وما اكدر اردج بس اشوفج بعيوني لا تأذين رووحج... خل اروح لوليدي ارروح لمنتضر صاار هوواي وحدة
عاد وين الله كووم يسامحني
حجاها مختنك
وين الله كون طهرني من ذنووبي بمرضي ويشهد الله اني رااضي بهالعذاب
ياارب تغفرلي يارب اشهد اني تبت وان انطيتني فرصة للحياة اكون عبد صالح
واذا ما انطيتني الفرصة يارب تغفرلي ذنوبي
تغفر اذيتي لعيالي
تغفر اذيتي لوليدي
منتضر يابة تسامحني وتلاكيني تفرح بجيتي لو تحاسبني

:بابااا فدووة اهدأ رب العالمين غفور رحيم اني اثق بي هوواي اثق بي راح يسامحك رراح ادعيلك وتدعيلي بس فدوة لا تعب روحك

طلعوني من يمة منتهية ما كدرت اخطي خطوة كعدت بلارض اعصابي ترجف والرعب مرسوم على عيوني

اجو شهاب ودكتور يسلولفون
:الطبيب كان يكولو جهزو نفسكم الا رحمة الله تنقذة عندة تمزق بالكلية وتسرب بالبول والدم من الكلية وماكادرين يسيطرون على الوضع

:لا بابا لاا والله اني احبك
عافني شهاب وراح جاب ماما ومشمش

اجت مشمش سابقتهم تركض كدامهم ملهوفة

________________________-

مشمش

رجعلنا عمو شهاب بعد ساعة من ذهابه وي رانيا وكان وجهة مصفر
اول ما فتحتلة الباب دخلت وعفتة
:ررويحة عمهة مشمشة زعلانة علية بوية
باوعتلة عيوني مدمعة بدون اي تعابير وهزيت راسي، لا
:بدلي انتي وامج وامشي لبوج
رجف گلبي وسعت عيوني ورديت
:لييش شبي بابا رااح يمووت
:اسم علي مابي شي بس يكول مشتاكلجن ومايكدر يجي

ماما كانت تسمع بس ماتكدر تجي
:اشششهااب ششهاب
باوعلهة ونزل عينة
:ليالي لبسي عباتج وامشي شوفي يكول اريد اسلم عليهة ولا تخافين مابي شي
لبسنة بالعجل ودموعنة مابطلت ساعدت ماما وهي جمعت كل طاقتهة وگعدت على الكرسي المتحرك بدون مساعدة شهاب
احسس الطريق صار حيل طويل هيج من لهفة كلبي اتمنى انزل من السيارة وارروحلة رركض

:لااا بابا فدوة لاا تموت
اسم الله عمي شجاج ماكو شي مايموت
ماما مدت ايدهة لزمت ايدي
:ام منتضر اخذتي حبوبج لا تطيحين هناك

ردت حابسة عبرتة:اي

نزلنا واني اركض كدامهم عمو يدفع بالكرسي وهو يكولي منا منا وصلنا ممر طويل لمحت بنهايتة رانيا جالسة بلارض وبيبي يمهة على كرسي
ركضت الهة بسرعتي
حضنتهة بكل قوتي اخفي خوفي من الدنيا بحضنهة مهما ضعفت ومهما تمرضت ومهما كان وضعهة كنت اريد حضنهة
مهما بلغ دلالهم اللي روحي تريد حضن رانيا
اختي ريحة الجنة
حضنتني كلهة ترجف جفونهة حمرة العباية واگعة على كتفهة وحجابهة راخي
تعبانة ملامح التعب مرسومة عليهة بدقة

وصلت ماما شهاب دخل لبابا ياخذ اذن من الدكتور
رانيا اقتربت من ماما
حضنت رجليهة
تباوعلهة خايفة
:بابا ما ما ما اعرف شبي تعبان كلش، عفية لا يموت بعد روحي ماتحمل ضيم لا يموت بابا

:اسم الله ابنيتي لاا تخافين والكاتبة الله يصير شبدينة رانيا يمة فدوة شدي حيلج لاا تكسريني بييج انتي سندي من بعد الله

:ماما شوفيني ماا اعرف اسسند رووحي والله لييش تحجون وياي هيج

:واذا سندتي روحج جنج ساندتني يمة فدوة لوجهج لتشلين حالي مابيدنا شي

هزت رأسها وكامت شوية شوية حطت ضهرهة على الحايط وساعدتهة لفل الشال وصعدت العباية

دخلنا لبابا بعد ما سمحولنا

مشمش:لااا بابا لااا هااي ششصاير بييك فدوة ارروحلك بببااابااا

قربنة ماما لزمت ايدة اللي حتى الجلد تحسة رقيق من كثر الماء المتكدس بجسمة
لان بوقتهة صار ضعف بالقلب الجسم تعطل بشكل مرعب
بابا كان فاتح عيونة بس عينة متجي بعيونة

:مشمش بنياتي
:باابااا فدووة لااا تتركني

:اششش صيري حبابة صيري خووش مرة لحد ييضحك عليج ديري بالج على امج واختج اريدج ذييبة سسبعة
:بااباا
:يروح بااباا

مد ايدة لماما
:ليلى اناا أذيتج هوواي، ماتبريلي الذمة
:بري الذمة محالل وماهوب عن كل ماجرى بيني وبينك

:حبييتج والله من كل كلبي ولا ملت عيني غيرج بس ماعرف ماعرفت شلون احبج ولا عرفت لخليج تحبيني

:شلون ماا احبك ابو بيتي لو شنو ماصار بينة انت كنت اللي سند وعن الاخطاء ابن ادم خطاء مو بدينة

:ترى والله مااسعيت مثل ما انجبرتي علية هم انجبرت عليج جنت احبج بس ماا جنت راضي بهالزواج وخفت عليج من محمد لان ادري بيهم رادو يعاندوني وينطونج الة
گلت لو رد اسلمج الة بس ماگدرت، يشهد الله تعلگتي وي روحي مااگدرت وغدرت

حجاها وشهك يبجي
ليلى:سسامحتك مبري الذمة بس شد حيلك ورد النة

بعدهة صار يون بصوت خفيف شلع گلوبنة بونينة
واحنة بس دموعنة تشكي حالنة
طلعنة برا دخل يمة شهاب دقليق وطلع يبجي ومسح دموحة بغترتة
كانو مأيسين منة تركونة يمة
فقد قدرتة على الكلام
لليل گالو دخل غيبوبة

بقينة مگابلين غرفتة وحدة حاضنة الثانية
اجوي اخوانة واخواته واولاد زوجة ابو

لا سلمنا ولا ردينا السلام ولا اكلنا ولا شربنا
منو يدخل لبابا يطلع يبجي لحد ما منو الزيارة

____________________________

رانيا

اجوي الممرضين واستعلامات المستشفى على صوتنا.. ضجيج ونحيب وسوالف

:يلاا عيني اتفضلو انزلو اكو جوة قاعة انتضار واكو حديقة رجاءا وجودكم هنا غلط تفضلو جوة

بيبي :ييمة شعدنة شمسوين گاعدين وساكتين
:حجية يشوفوكم بالكاميرات ونتحاسب رجاءا انزلو

تكلم عمو جاسم بهدوء:يلا حجية هو احنا شني ضلتنا هنا ننزل احسن خل يشوفون شغلهم

الكل تحركو اقتربت من الممرض :عفية بقينة هنا والله منسوي صوت
:اخيتي حالة الوالد خطرة، اخاف تبجون وتصرخون وهنا خطية مرضى كلهم حياتهم بخطر

بجيت ومشمش وياي:لا لا فدوة ابوي هنااا ما اكدر عليك الله بداعة امك

:استغفر الله.. ابقي انتي بس.. هو منو يمة منو المرافق
:عمي شهاب عبد الخالق
:بس انتي ابقي
:واني عمو قابل اني شمسوية والله بس اسكت

:ديلا انتي وياها فقط
حتى ماما نزلوهة وياهم.. بلحضاتة الاخيرة ماگدرت اتركة روحي مسلوبة من القهر علي وخايفة من الخبر اللي راح يجي

تمشيت لغرفة بيهة ممرضة ومكتب وواضح انها للتضميد او هيج شي
بدون مقدمات طلبت
:عفية ابوية ديموت اريد قرآن

باوعتلي ثواني حسيتهة راح ترفض لكن نهضت بثقل انطتني قرآن كان ملفوف براية للأمام الحسين

:بس اذا خلصتي رجعي لان مو مالتنة حجية ناسيتة هنا
:اخاف حرام
:اذا سألو عنة راح اگوللهم بس اكيد محد عندة مانع ان ينقري بكتابه، لكن لبراءة الذمة راح انطيهم خبر

اخذتهم لفيت الراية على كتفي والقرآن على صدري حاضنتة اقوى من حضنة اي طفل ل امه

تمشيت للعناية ومشمش وراية
وصلنا بالبداية رفضو گالو خاف يموت وتصرخون

:ماا اصصرخ صدكني ماا اصرخ بس خل ادخل اقرأ ل والدي علاقل ربي يسهل امره خطية ابوية تعب فدوة اروحلك تعب كلبي وية ابوية دخيلك

:لحضة ميصير كلكم وحدج تدخلين

راح جاب شهاب ماعارض لان ضغطة صاعد طلع من يمة يتطوطح
شهاب:رانيا بوية خل فؤاد يجي تموتين والله
:ههههه لو مكتوبلي اموت جان متت گبل، ما اريد لا فؤاد ولا غيرة ابوية محد يحبة غيرنا بناته
انتو روحو ابجو
ابجو على رواحكم مو علي، عائلة كاملة فرثتوها فرث
وينة اخوية مسجون وينهة امي مشلولة وينة ابوية هياته دندعيلة بالموت حتى يرتاح وينه مشمش ماكو طفيتو ضحكاتهة وطفولتهة واني گدامك صفيتوني خييال بس خييال
بس حوبتنة مراح تتخطاكم

احجي بحرگة دمي ودموعي متحجرة بعيني وعبرتي خانكتني
حاول يسكتني... بسج بوية كافي ولج اسسكتي شلعتي كلبي... ولج رانيا عمج انا ابوج الثاني... يطلع والله زياد يطلع

كملت كلامي منة ودخلت وعفت مشمش تبجي وراي مقبلو يدخلوها
مشيت متوجهة ل ابوية
كان فاتح عيونة ومسكن ونينة وكأنه بغير عالم، رغم كل المساوء بابا كان عاشق للقرآن كان هواي يقرأ قرآن وحافظ الكثير من السور

:هاا بابا ششلون ششسوي
احجي ومحد يرد علية، كعدت يمة، يارب عيني شلون شسوي
فتحت القرآن غوشت عيوني من الدموع ورجفة جسمي من هول المصيبة عاقتني ارجف مثل شخص كاعد بثلاجة

سديت القران، وقريتلة سورة يس اللي كنت حافضتهة قريت سورة الملك
صرت اقرأ وبابا بصوته التعبان يكمل وراي
فرحت عبالي ديتحسن
ضليت اقرأ وهو يرد
بس يذبح يمرد الگلب صوته
ياريت اني يااريت اني هناا بابا كلبي تعب بعد ماا اگدر والله
انتهى كلشي بشهكة
غمضت عينة
بست عيونة بست شفايفة بست رگبتة بست رجلة وايديه وصدرة وراسة شميت صدرة

:ارتاااح يروحي تعبت انت هوواي تعبت
انا سامحتك من گلبي ولساني وانا احبك يا بابا والله
ودعتة بدموع دم

بعد شوية اجو على صوت طنين الاجهزة
رادو يسوولة صقعة بصدرة كأجراء طبي أخير

الدكتور المسؤول عن حالتة منعهم
طلعت امشي
الممرضة اخذت القرآن وكالت الله يرحمة طلعت امشي تعبانة تعبتني هلايام حيل تعبانة

والله حسدت بابا على الموت، امشي واحجي بابا اخذني ليمك لتعوفني مابية حيل والله

__________________________________

مشمش
من بعيد ركضتلهة تمشي مشية عجوز تعبانة ملامحهة ذابلة ودموعهة تجري
وصلتلهة وهم لحگوني

مشمش:شششنو شنو شبيج شصار ششبيج رررانيا اررفعي راسج اااحجي

فؤاد:شمالج بووية احجي
باوعت لعمو شهاب وتكلمت بوجه متوسل
:مات قتلتة عاشت ايدك، بعد منو وراه؟

:لااا رانييااا لااا لاااات رررااانيااا مو گلتي ماكو شي رررانيا وووينة وينة بابا

عفتهم وركضت بكل سرعتي لطريق العناية
لززموني عمي جاسم وثائر

كنت اصارع بصراخ فقدت غالي كلبي عزيز رروحي

:بااااااباااااااا بااااببباااااا

روحي كانت تتصررخ عقلي مامستقبل الخبر

:ررااانيا خااف ماميت گوومي گووومي انتي ماااتعررفين امششي امشي نسأل الطبيب
عمووو عوووفني فدوووة بااابااااا لااا فدووة بااابااااا حبييبي

طلعو بررا
سحبتني رانيا..
:اششش اشش تعالي عووفي البچي بعدين نبچي هوواي هسة تعالي ودعي هاي اخر مرة نشوفة لا تصرخين لاااااا تصررخين مشمش
اسمعي والله بعدين نبجي
تعالي بوسي وشمي ريحته قبل ماياخذونة

:اقتربت منة كانت عيونة مفتوحة البياض مصفر وجهة تعبان كلش

مثل ما كالت رانيا حضنتة حضنة وداع شميتة بهداوة انسبة عقلي وكأني بعالم ثاني صراخ عماتي وعمامي وبيبي كان مثل صووت بعيد جدا بعييد

اجاا وقت الوداع
سحبو من عدنا اني گاعدة بلارض ورانيا
صارت تصرخ اصوات مدووية
صرخات فزع وخووف
كنت اباوعلهة خفت خفت من الدنيا بدون بابا
ضليت صافنة بوجوهم
احجي بداخلي
بابا دخل للسجن شسويتو بحالي.. هسة من راح للقبر شراح تسسوون
شهاب اللي كان اصدقهم بلانهيار
جالس بلارض وملامحة صعب تفسيرها
من صارت عيني بعينة صارت نضراته وحضنة المفتوح يناديني
ماما ماكو وينهة من اول ما طلعوني لحد هسة مات وهية ماكو

__________________________

رانيا

سحبو السدية ماخذينا من عدنا الشعور اشبه بسحب شوكة نابتة تحت الاضفر

ياايابة يااابووية
صريخ وفاتحة ولغوة نسوان
اجوي كل اهلنا العقارب والحياية والناس الطيبة كلهة التمت ابيتنا

نضراتهم حسب ضيمرهم وتربيتهم وحسب كمية السموم المزروعة بشخصيتهم

بيهم المتعاطف والمتجاهل والشامت والغير مهتم واللي جاي يغير جو واللي مشمئز من البيت واللي مكسور خاطرة

واللي سمية
اخخخ يا ناار سمية

بساعة الرجعونا للبيت حتى نغسل غسل الميت وناخذ بابا للدم
من احد وصاياه كانت بناتي يروحن وياي من تدفنوني
غسلنا
سألته عن ماما گال جاية بالطريق وراجن
غسلنا ولبسنا غير لبس وماكان اسود لان ماعدنا
مشمش اللي كانت بس دموعة تجري قلقتني بدون صوت بس تباوع بالعيون
احضنهة وابوسهة احاول اهديهة واني اريد اليهديني
اخواته عجن الدنيا بالصياح
ساعة صراخ ساعة سوالف بعيوني شفت سمية تضحك جوة شالهة وية فاطمة

بس كنت بحالة خوف صافنة اريد افسر وضعي
لعبانة روحي حتى من انفاسهم
قسم منهم شفتهم دخلو لغرفتي التوتر فوك المصيبة حرگني حرك
اجت ماما
تعبانة كلش، واضح انو هية عرفت
دخلوها بالكرسي
مدت ايدهة رحنا حضناها

قابلوها النسوان يواسونهة
فجأة اقتحمت سمية ميدان لطم النساء تأشر بأديهة على مااماا

سمية بصوت عالي:عليييمن عليييمن مگابلتهة ولجن هيية ترييييدة ميييتة علي بسسبهة وسسبب افرووخهة مااات اخوووي خسرنااااه ابناا المعدل المعتتبرر

صااحت بييبي بغضب :لاا ياالفووصة ياالماااعندج حيا جااية تخررربين عزززااا اخووج وولللك شششهااب ووووينك

دخل عمي جاسم واحنا حاضنين ماما لازم تتقوة لازم تحس بحاجتنة الها

جاسم:خييرج حجية ششهالصووت الزلم مناا عيب
:صصيحليي شهاب ولك هالمرة دقتني خل يردهاا للبصرة
:مرريض والله حتى ما يسند طولة

سمية الجانت تلعلع وفاطمة تعزز الهة بخبث
اخواتهة كانو طيبات يصيحون عليهة يتوسلن بيهة تدفع بيهن وتغلط بقلة ادب

جاسم، ء:شالقضية خووية حسسج جاية تعازين لوو تعاركين
:ماالك غرررض اطلع برااا يبن الغرريبة
انااا ارريد اليعاازيني موو اعاازي اخوووي اخوووي المييت هااي وحدة جذااابة هي وبناته كلششي مابيهن

بهاللحضة ودخل شهاب
عفنا يكتل بيهة ودخلنا ماما للغرفة
مايقارب السبع مرات ركضت اريد اتقيأ ومعدتي فارغة احسسهة رااح تنشلع

يبوسووني غصب عني، يحضنوني غصب عني، لعبت نفسي بعد ما اسيطر موو بيدي والله شدة العذاب والتوتر نساني حتى ابوية والفاتحة

عفنا ماما وصينة بيبي وعماتي عليهة وطلعنا للنجف
كاعدين يم التابوت والدفان يحفر

:علكيفك فدووة لا تستعجل علكيفك
:امر الله خووية شووفي هاي الناس كلهة مثل حالكم الله راح يلهمكم الصبر
اگعدو هنا اقروله قران سبحو نيابة عنه
هسة روحة خطية مستغربة العالم اللي دخلة انتو بنياتة الله يسمع منجن ويبرد كلبة وكلبكم

رحت اتوسل بيهم يفتحون التابوت
ماقبلو
كالة مغسل وطاهر مانريد يلوحة شي
بعد عذاب وتوسل وافق يكشف بس وجهة

لمست وجهة
كان هادئ حيل
:بابا دعييلي فدووة ادري غلطت بحقكم هوواي بس انت ابوية تسامحني تعاقبني وتسامحني سسامحني هسة ودعيلي علية حمل ثگيل

شوفني والله عبالك گاعدة بالنار مو على التراب ادعيلي ارجع مثل قبل لو ادعيلي بالموت احسن والله مشتهية الموت وما محصلتة باااااباااا

مشمش كانت لازمة اطراف التابوت وتباوع بوجهة بهدوء ودموعهة تنززل
مشمش:حبيبي يابابا ياارووحي انت بس لوو تدري شكد احبك بس لو تشوف كلبي شصاير بي
گمت من مكاني حاوطتهة بأدية اصرخ اريدهة تصرخ تبجي بصوت عالي ماااكو
هادئة حيل

لحد ما اخذو من بين ايدينا هي كمزت من حضني نسستني كلشي كمز كلبي وي طفرتهة
حضنها شهاب
تركتها وضليت اباوع لبابا شلون ينقلونة

اسمعها همست بابا بابا ما گلتلك على عمو شهاب ضربني باباا
تلاها الصراخ الموجع يشق القلب ك شق عصا موسى للبحر
يشق راسي، مصاب ماقبله مصاب
شهاب وي شكوتها لبابا رخت ايده ووگع بالارض
گعدنا قريب منااا وهو يلقنونة وينقلونة النقلات الثلاث
صاح بينا الدفان

:بنييياااتي خلوو ابووكم ييسمع التلقييين خطية حررام علييكم رروحة لازم تسسسمع لا تشدهون بالة
شنوو ذنبة مايرد على سؤال الملكين بسسبكم كااافي اكطعوو الصوت

:لا لا سكتناا كافي مشمشة كااافي فدووة كاافي
:بابا حبيبي

سكتنا من نزلو للقبر مااصرخنا بس ضلينة نلطم بقوة على وجهنا

مشمش تضرب بلارض حييل حييل بلارض بالرمل
شهاب حاولو ويا ماا استجاب عبالهم مات

مباشرة سحبونا للمستشفى
سعفو وخلصو ورجعونا للبيت

رادو يلاكونة صاحو بيهم عمامي
كااافي تعبااانااات مممنوووع االلي تبجي وييااهن حضهة اطيييحة

دخلنة لغرفة ماما بيبي
گامت بوجهي
:يمة ررانيا لخااطري اناا جديتج بداعة ابووج لا تجيبين طااري

شكو بيبي شصاير وخري خل اششوف ماما ووينهة
تخطتنة مشمش راحت لماما

صااحت
:هااي لييش ماامااا ششبيهة مامااا لج تعالي ششوفي وجهة

عفت بيبي وتقربت لماما وجهة كلة خراميش ادية مخرمششة كلهة دم وجهة ازرك

:هااي مييتة مووتووهة قتلتوووها ششسووويتووو ولكم للييشش مااما فتتحي عيينج

:مااكو شي يمة ماابيهة شي ماخذة دواها بروح ابوووج اسسكتي

ضليت اصرخ واضرب على راسي حسسيت انولينة كووم نسوان منوو يرحمنة

دخلو الزلم
فؤاد:يابة كااافي امج مرريضة ارحمي حاالهة كولي يا الله هو الصياخ يرد مييت

:يااا ميت ولكم ششوفوو امييي ششوفو ششمسووين

اقترب منهة باوع لوجهة وسع عيونة من المنضر

:هااي منوو شصاير يمة ششصاير
فاطمة:فؤاد سوالف نسوان مالنة غرض لا تتدخل

ضربهة كف بكل قوتة لان تكلمت بنبرة امر
ضلت تبجي تفشلت

اهز بيهة اريدهة تگعد :مااماا اگعدي ششصار فدوة
دخلو الولد ودخل وياهم هشام يستفسرون

:سمية تعصبت وطكتهة جي اخوها طكاها انهضمت
:يييمااا صدك تححجيين ليش ماا صحتن ماا كلتي موو برا احناا

:ييمة عركة نسووان
رانيا:خااافي رربج هاي عركة لوو طايحاتلجن بمشلولة وكاتلاتهة الله اكبر غضب الله عليكم مسسلمينكم بيد اذاا صدك دعوة يتيم اريد حوبتنا وقهرنا ما يتخطاكم

:الولد ركضو لسمية وبيبي ضلت تبرر

:ييمة والله مااندري بيهة طبتلهةوعلي عماتج حطن بيهة الحمس هي بت شلنفص ششبدينة عليهة

گعدت ماما تون وجهة مورم
تصادفا وي دخول شهاب هو شافهة وهو تحول حتى لعب ارواحنة سااعاات وهوو ييصييح

سطرنة سطر فشاير وغلط على الكل سمية هم كتلوهة بس ماسلموها الة خاف يموتها
بعدين كاللهم ماااتضل
لا هي ولاا فططيم

اخذووهم رجعووهم للبصرة

دخل للغرفة عيونة تدورهة بلهفة
وكفت على حيلي كل كلامه اللي سمعتة بذاك اليوم صار بأذني
ولو هم كبار بالعمر، بس هاي امي مالت ابوية مستحيل اخلي ينضرلهة نضرة غلط حتى.

:نعم؟
:ززيحي من دربي ولج
ماما جانت فاتحة عيونه ودموعهة تنزل بهضم
خوالي وخالاتي لحد هسة ما اجو وماعاد الهة سند بينهم

:ام منتضر بيج شي ناخذج للطبيب
:شسوي بالطيب خليني بلكي الله ياخذني وافتك هسة انا شنهي ضلتي بالله
مشمش:مااماا ششبيج فدووة لاا تحجين هييج
:حكج يوصل ليمج والله لاندمهة على عمرهة

كمل كلامة وطلع متوتر من نضراتي كان حاس اني سمعت كلامه بذاك اليوم

بعدهة بساعات اجوي خوالي
ناس مالهم علاقة حتى بينهم كانت العلاقة عادية الا تطلب منة يلا يجيلك من نفسهم ماكو احساس

عدة اسبوع ومشمش دموعهة ماتبطل تجري، وحالي مثل حالهة واتعس
الصخونة من القهر والتفكير ليل نهار ملازمتني كسرت عضامي ومفاصلي

حتى الضرب اللي لنضربتة بالسجن حتى الابر اللي ماخذتهة بسبب ارتفاع الحرارة تهيج علية
تجي يمي تجيبلي مي تسويلي كمادات، لو تروح لماما تساعدهة ماما اللي لحد هسة كلما نغير حفاضهة تتخبل بالبجي

ماتدري بنفسهة من تقضي حاجتهة لذالك مضطرين عليهة
بالليل گاعدين وبيبي يمنة تنعى على بابا وزياد تبجي وحاطة راس مشمش بحضنهة

اكيف عليهة من تنعى احسهة مثل الچاي اليعدل الراس
من ابجي والطم يخف الحمل
بس اذا بقى كلشي بگلبي تذبحني العبرات

دخل شهاب وفؤاد وياهم عمتي خالدة

گعدو كامت مشمش ركض جرت البطانية غطت ماما اللي كانت كاعدة تبجي ويانة

بعد المقدمات والترغيبات.. انو راح ادللجن وماتحتاجن ل احد وانتن بنياتي وماعندي غيرجن وتكملن دراستجن وشتردن يصير
انهى كلامهة
بجملة
:وانتن يابوية بعد ما الجن شي هنا وانا عايف مريتي وبيتي تعبت لازم اردن وتردن وياي للبصرة

:لا النة احد هناا النة اخو معوق وعينة مطفية، امي الهة قطعة من كبدهة، النة طفل مضلوم ماندري بيا سجن النة روحناا هنااا رروحو انتو سوويتو العليكم بعد عووفونة بحالنة

:موو هيج الحجي يابوية لاا تعلينة صووتج على اهلج شووفيهم اصغرهم اكبر منج بكومة سنين

من حسيت راح ياخذونة انهاريت، صرت احجي وارجف وابجي عدة منااخات سادت على شخصيتي

:وانا ماجاي اسب ولا اغلط، بس عمو من بغداد ما اطلع الا وايدي بيد اخووية

:الله وكيلج ومحمد كفيلج وخاي جتافي للعباس ي رانيا اخووج راح اذب كل حيلي حتى اساعدة بس امشي بدون ما تعذبيني

:وانت عوفنا بدون ماا تعذبني جاي اكلك ماا اطلع من بغداد الا واخوي وياي، واذا غصبتوني رااح تطلعوني جناازة

فؤاد:وولج انتي ششهالصلافة الصايرة عندج جنتي مؤدبة من طلعتي من السجن لليوم متسوفلة

صاحو علي وسكتو، اقتربت مني خالدة، تقنيع وترغيب..

:والله لو تحطون الدنيا بيدي ما اعوف اخوي.. ولكم حسسو بية اخووية وصديقي ودنيتي صارلي اخت واخو وابو وام
ززيااد حتى لو ماحجى كدامكم راح يعتب علية بكلبة اذا عفتة اني اعرررفة والله

اسستسلمو ل اصرارنا بالبقاء وماما ومشمش هم مايردون يرحون هناك قاومو بكل طاقتهم
حتى لو بس نشم الهوا اللي يشمة علاقل اذا عرف راح يتقوة اذا حس تركنا اخاف ينهار ويتأذى اكثر من أذيته

ليلى:حتى لو اخذتو البنات انا ماا ارجع شعدنا هنااك هنا وليدي عايفتة ورايحة شمضيعة يمكم

خالو:ليش خوية اهلج ونوكفلج ليش تشيلين الحمل وحدج
:مشكورين على وكفتكم وكلمتكم بس انا هنا ضالة
بقو لثاني يوم اختفو بقو بس النسوان

لليل ورجعونا گالو علاساس ماخذين عطوة واهل الضابط حسين متماهلين وياهم لان عرفو بابا مات

رجعنا البيتنا حيطان البيت لو الهة عيون كانت بجت ويانة
وبلاخص مشمش اللي ذاقت اليتم بسن مبكر وماتعرف تتعود وضالة بگلبهة شلون ما شكت على شهاب لبابا

هي مو هذا قصدهة بس هي ماتعرف تعبر عن حزنهة

بعدهة بفترة قصيرة راحو الكل وشهاب وياهم بقينة احنة وبيبي

شهاب گال بس اطمئن على شغلي ومرتة ويجي هو هيج كان بلاسبوع مرتين يروح ويرجع بس بالفترة الاخيرة من الصوابات مايگدر
ومرتة زعلانة وتاركة البيت

احس الدنيا متخربطة من كل النواحي

ماقطعت اتصالات برقم عبد الوهاب حتى بأيام العزاء اريد بس خبر زين مو زين بس خبر يهدي روحي

أيست منة يرد علية
ليلتها ماانمت لوجه الصبح صفنة تجيبني وصفنة توديني صار كل تفكيري ان زياد مات ومحد يكولي

گعدت ماما شافتني
:هاامااماا ما نمتي
:لااا بعد مااعندي صبر اريد اعرف زييااد وويينة
:ششسوي شبيدي حيلي الاولي وضليت كاعدة شو حتى رجلية غدرني
:اني اني بحيلي الاولي بس ماا اعرف ووين اررروح
:وين تروحين رانيا يمة اكعدي واسكتي لاا تشلعين كلبي
كمت يمهة اشهك بست راسهة وايدهة
:مااماا دخييلج خل ارروح اي واحد يوصلني ل اي مركز واسأل علي الله عليج خليني ارروح لاا تخليني اطلع من وراج والله ما يساعدني الله عليج

:بداعة زييااد برروح ابوووج اعقلي واكعدي تعبتي كلبي راانيا

تحجي تتلكأ بقوة بعد وفاة بابا صحتهة تراجعت
:ماما خااف يمووت شلون، والله ما اسامح روحي اذا بقيت اتفرج علي لازم اسوي شي
:يماما بنية انتي شبيدج
:اسوي ل اكدر علي اروح لعمر والله انسان معدل ما يأذيني بس اخاف غدرني مثلهم خل اشوف شنو الموضوع شوفي شوفي الوهواس ياكل بية

:ترحين ساعة وترجعين
:اروح لحد ما اشوفة وارجع
:لاا رانييا
:اتصل بيج كل شوية اتصل بيج لحد ماا اجي
وافقت بعد ماتعبتني حييل
. گعدت مشمش غيرنا لماما واكلناها
وطلبت من مشمش تسد الباب وراي ضلت تگمز تخبلت
:ماا ترحين مااا ترررحين منووو بقااالي رررانياا كافي ترروحوون كاافي أكعدي واسسكتي

سديت حلكهة ودخلتهة حاولت اقنعهة بس ما اقتنعت عفتهة تبجي وطلعت

خاايفة المضاهررات كانت قريبة من كل المراكز قريبة من اغلب الدوائر

لابسة عباية وبلا شال امشي بالشارع
الهتافات المتعالية محتارة ووين اروح وين انطي وجهي
وكفت تكتك
وجان شاب صغير بعمر السادسة عشر تقريبا
بس احس دعوة امي ورضاها تجسد بحضورة
كان صاحب غيرة وكلامة وشهامتة عابرة عمرة بمراحل

كل الشباب الصغار صرت اشوف بيهم زياد
گاعدة زرة واشكيلة الصار وعن ضليمة زياد وابجي بحسرة
لولا خوفي من الله جان حضنته
هالگد حنين.. اسولف وعيونة دكعت وياي

:هسة بس گليلي شسوي شلون اساعدج
:والله مادري توديني للمركز
:موو تكتك وخاف يلزمونهة
:لعد بس صلني حتى لو بعيد

:تمام لعد نصفطهة بعيد وننزل... بس كافي مسحي خشمج انفجرت السدود علينة

:ههههههه اسفة
ماعندي مناديل انطاني اريد امسح بالعباية صااح
:ووولجج لااااع هااج هاااج أخذي
انطاني كلينكس
مسحت وجهي
:انت شكد جذاب حتى ما منشولة
:ديلا بلا هسة اذا اعكطج بنص الشارع احد يلومني
:شنو
:يعني اشمرج اكطفج

نزلنا بعد مسافة عن المركز
:هو منو گال هذا اللي تدورين علي
:والله ما اعرف بس شسوي مابيدي شي ما اگدر ابثا بالبيت حتى ما عندي خبر منة ما ادري بي عايش ميت

:انا اخوج رانيا شتطلبين انا جاهز والله
:فدوة لگلبك بس سويت العليك هي كروتك اذا تريد روح لشغلك الله يوفقك

:اوكفي خل نشوف وكفنة نباوع على مدخل المركز تقريبا سااعتين
روحي اشتعلت تعبت من الدعاء والصبر مل مني

اتصل بماما ذبحهة القلق تصيح
:اررجعي ولج اررجعي ررانيا گلبي راح ييووكف

:ماما وياية صديق زيياد موو وحدي هااج احجي وياه

حجة همس يدفع بالموبايل

:انعل حضضج اسستحي خررب يومج ووخري عني ولج
:الله عليك بداعة امك
:خررب جييبي جييبي المخبلة ام المعقمات ام ريحة الديتول جييبي

رديت علي حابسة الدمعة والضحكة:والله واحد غيرك اطيح حضة يلاا هاك فدوة
حجة وياها طمنهة، فدوة لگلبة وجهة صار طماطة من الخجل مدري شبي
سدة منهة
:شبيك شنو خطبتك
:لا يا زمالة
انفجرت ابجي...
:انت شبيك سوالفك مثل سوالف زيياد
ضليت اصيح
ززياد ووينك والله ملييت كافي طلعوو اخوية الله لاا يوفقكم شليتوو حاالي

:كافي رانيا ترة اعوفج واروح كاافي حركتي كلبي
امشي نوكف يم المحافضة واذا ما حصلنا نسأل

:خاف أخرك
:اخذ كرروتي منج ششنو شايفتني عربانة تسحولين بية ابلااش
:لا انطيك والله عندي هواي
:همممم انششوف.. يلا همززين ما ركزتي

دنمشي للتكتك وحجيت
:عززا بعينك يعني ققصدك اني حماارة

:بعد وكت ههههههههههه
:صدك بس دا اكولج فد معلومة.. ماكو شي بالدنيا اسمة حمارة
:لعد مرت المطي ششسمهة
:طاح حضج حتى ماكو شي اسمة مطي
:لعد شنو شتسمون ابو صابر
:اكو حمار و مطية زوجة الحمار اسمهة مطية

:لعد والمطي
:هذا فضائي نايم براسج
:تجاوزت هواي راح اسمطك شنو هالميانة ترة راح ازعل واروح

التكتك تمشي والهوا عالي وهذا الكائن شال من همي احس بقوة احس حتى المرض خف

واكفين بالضهرية اباب مركز المحافضة ذبحنا الجوع عافني وراح جاب لفتين وحدة اللي وحدة الة

فرحت لان كنت جوعانة
بس لزمتهة قربتهة من فمي
نزلتهة صفنت عليهة..
هاي اكيد مليانة جراثيم ايدين الرجال ماغاسلهة يمكن خاف ارجع اتمرض خاف يصير التهاب ابطني
لا لا شدعوة رانيا..اكلي واسكتي فدوة

حاولت كل طاقتي ما گدرت
رجعتهة الة
:ليش ترة ضفتهة على الحساب اطلبج فلوسهة
:والله ما اكدر
:تاخر الوقت شنو ما جعتي
:لا ما اريد عفية اكلهة انت والله ما اشتهيهة
:خاف تردين كباب ولج
:لا بالقرآن كلشي ما اريد
اخذهة مني واني عقمت ادية بالمعقم اللي بجنطتي واللي صار رفيقي

عدت ساعات وأيسنا اتصل برقمة ماكو مغلق
صار الضهر وهو ما اتململ ولا تعب
اني تعبت وانسطرت من الهوسة
:نرجع للبيت
:والله احسن حل ترجعين لان هاي مو خووش ساالفة
:خاف يكون بغير مكان
:انتي تكولين يداوم بسجن نساء
:اي اكول يمكن تغير لان هو اجا لبيتنا تفتيش
:باجر هم اجيبج ندور لا تخافين انا وياج

:مشكور خوية رحمة الله والديك الله يرزقك ويوفقك ويخليك ل امك
:ميتة امي شيخليني..
:الله يرحمهة

ضلينة نسولف طلع عايش وي مرت ابو وحبابة هواية مدحة بس هو يشتغل ميحب احد يصرف علي ولا حتى ابوه

دار التكتك انريد نتحرك واجت من بعيييد سيارة عسسكرية
اي اي باوع مثل هاي السسيارة
:رانيا يعني كل واحد عندة سيارة عسكرية هو عمر، من اكلج اكوو مطي براسج تزعلين
حجيت واني عيني على السيارة
:ماكو شي اسمة مطي ترة
هو يضحك والتكتك تمشي بطيء واني صرخت
نزل عمر من السيارة
:هذذذاااا هووو هذذذاااا هووو وووكف اوووكف اوووكف

:بسس وكفتهة نزززلت من التكتك اصصصيح بأسمة

التفت علية لابس عسسكري واشررلي يسسب بأيدة راايحتلة ارركض بسرعتي وخطفت من ييمي تكتك شمرتني بنص الشارع

ركضلي ابو التكتك
وعمر هم اجا يركض ششطولة وششكدة الله يحرسة

:ششجابج ولج انتي ششنو من بنية خررب ووجهج ششجابج
:عمر اخووية اخووية الله عليك هذااا عبد الووهاب مااايرد علية خبلني
:ززمالة ششنو عمر ابن دوورتج لو صااحبج اني
:سي سي سيدي سيدي فدوة اخوية مااكو
:شوفي الدنيا شلون محتركة انتي ماا تخافين هذاا عقلج يمتة تسستعملينة

:كوومي رووحي اني احااجيج بعدين.. هذا منين الوياج
:هذا ولد ما اعرفة ساعدني

:والله هاي نضراتة الخايفة عليج جنج زعتي الاكو والماكو
:لا ابد كلش
:دكومي رووحي يلاا

:الله عليك مو تجذب علية
:توكلي

رحت ل ابو التكتك اللي حتى اسمه ما اعرفة ونسيت اسألة.. جان فرحان لفرحتي.. ماقبل ياخذ ولا ربع دينار رغم اخرتة يووم كاامل
ودعتة ودعيتلة واني ابجي
:لج دكااافي ششكد تبجيين كاافي سسطرتيني خشي يلا
:ههههه يلا راح اخش
مسحت دموعي ودخلت للبيت
بدون اكل بدون كلام دخلت للحمام سسبحت هالمرة حالتي اخف هالولد رحمة الله حطهة بطريقي ووجه خير
يارب يجي يوم اشكرة واردلة المعروف

من دخولي لحد ماغفيت بيبي مستلمتني رزايل وغلط
واني تاركتهة
كلبي بارد اليوم
غطيت راسي ونمت براحة

__________________________

مشمش

رانيا طلعت واني تخبلت وراها الساعات تمضي وتحرك بدمي اللوعات خلتني اشيل هموم اكبر من عمري رجلية طاحت سساعة اصعد فوك حتى اشوف اول الفرع ساعة اباوع بالباب
اللي مطمني عليهة كان اتصالاتهة نتوسل بيهة تجي وهي ماكو
بالبداية كنا مخلين بطانيات ومغطينهم ضامين عن بيبي وكلما تسأل نكوللهة نايمة لحد ما تأخر الوقت

:خاايبة شوو وخري عني ششلعتن كلبي خااف مااتت الفرخة
هي كشفتهة ماكو وهي تخبلت مشعت شعرهة تصيح ههجت ههجت البت انفضحناا يييبووو

رادت تخابر شهاب توسلنا بيهة يلا بطلت افتر بالطرمة واباوع على البرميل منا اصعد لبيت صديقتي بس هسة اخاف من امهةة

واني اباوع وطلع رراسهة مبتسمة
بجيت وصعدت على البرميل بسسرعة
حضنتهة من فوگ السياج وحدة حاضنة الثانية ونبجي

:صدك مات عمو عمااد مشمش..
حجيت اشهك بالبجي:اي والله تركني بابا هوواي مشتاقتلة كلبي يوجعني صار هواي مشايفتة
:يروحي ان شاء الله يطلع اخوج ويعوضج واختج وامج يمج وأني وياج ندعيلة.. هااا؟ عفية لا تبجين والله فد مشتاقتلج

:حتى اني شكد ابجي عليج والله
:هسة تجي المدرسة ونرتاح بعد منفترق هااا؟ بس لا تضوجين

هزيتلهة راسي اضحك وابجي
خربت فرحة اللقاء امها وهي تضرب بيهة وتنعتني بأسوء الالقاب اني واهلي

اجت رانيا والراحة مرسومة على ملامحهة الهادئة حضنتهة وبوستهة وهي صافنة وبيبي بس تغلط عليهة.

:ششلنفصص ب....... دايحة مالج رردااد ام الفوواين يجي شهاب لو مايجي
...... يع شوف البت حااكرتني الك...... اخذت درب الشوارع
سبحت وفاتت ناامت فااصلة عنه بس من احاحيهة تبتسم
يمة بس لا شخطت فدنوب عزا بعينج رانيا

كاعدين اني اقرض بأضافر ماما ورانيا تتغدة طماطة وبيض .. صارت متاكل من ايد احد الا هي تسوي لنفسهة

بيبي متخبلة شلون تستنجس مني
وهاي حتى ما تبرر بس ساكتة ومدنكة

طفرررنة بفزع على صووت الباب اللي انهجم
ورانيا تمشي وتوكع من الهبطة ماتن رجليهة احتتاريت بيهة وبيبي راحت للباب

دخلت للبييت تصصصرخ بكل صوووتهة

:ررررراااانييييياااااا وووينججج رررراااانييياااا اللحكيييني خااالووو حرركووو رررانيياااا ررااح يمووتوووني لج ووووينج..

رانيا بصوت هامس ودموع جارية:سرى سسرى هاي سرى

دخلت علينة سرى مدماية من الراس للرجلين
___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

رجاءا لا تعلقون نقاط براحتكم اذا حابين اكتبو شي يخص الرواية 🫂🦋🤎

حسابي الانستغرام

ضيفو حسابي الواتباد pahrasoadاذكر المستخدم المستخدم