#صاحب الثام الاسود
وي غيري گاضيها ضَحك
و وَياي وجهَك ينگلُب
گلبة رسوم الفاگدة
وأنه الغشيم الماعرَف
شايلَك بگلبي عِشگ
مَا شالة گلُب الوالدة
----------
ههـَمم -: ايد نحطت على راسي وتمسح بحنان جسمي متشنج ماكدر اتحرك ولا افتح عيوني واحس بماي بارد يوكع على جسمي عصرت عيوني بقوه اريد افتحهن اريد ارفع ايدي ماكدر احجي ولا اسوي اي حركه ضاك بيه النفس حسيت بايده الدافيه نحطت على خدي البارد ويهز بيه ويحجي
الـسفـاح-: فتحي عيونج بابا
بجيت بقوه واحاول افتح بيهن وهو يطبطب على ضهري وحاطني بحضنه راسي راح ينفجر مشتعل نار مسح على عيوني ويهمس بخفه وضامني لحضنه هواي نزعجت بس ماكدر اتحرك
الـسـفاح-: فتحي عيونج هديتي حيلي
يمسح بعيوني وانا احاول افتحهن واخيرا فتحتهن بس على كيف رجعت غمضت وهو يكلي فتحينها رجعت فتحتهن باس عيوني غمضتهن وانقهرت حيل لان باسهننن حراممم!! من غمضتهن غفيت
فتحت عيوني وباوعت لانحاء الغرفه وخرت الغطى عني بهدوء وشفت نفسي لابسه غير ملابس جانت تراك اسود عريض حيل غمضت عيوني بقوه ونزلن دموعي نفتح الباب ودخل السفاح بايده صينيه اكل كعد كدامي غمضت عيوني متنرفزه من وجودو نزلن دموعي مهضومه على حالي وانقهرت حيل منو غيرلي ملابسي !.
اردفت بصوت مهضوم وعالي
-: منو غيرلي ملابسي؟
ابتسم وباوعلي وهو يمسح
لحيته
-اممم تتوقعين منو؟
تقرب يمي وحط الصينيه بقربي
دفعتها وبجيت واصرخ باعلى صوتي
-منووو غيرليي ملابسيييي
كوللل ابننن النعال
رفع حاجبه مامهتم وتقرب يمي
وسوالي لفه قربها يم حلكي
دفعته ايده طاحت الفه
من ايده خزرني خزره
درت اموت من الخوف
-شهل تصرفات نعمة الله؟
ماهتميتله وحطيت ايديه
على وجهي وانفجرت بالبجي
نهضمت حيل وينكسر كلبي
من اعرف هوه غيرلي ملابسي
شهكت بقوه وكلت واني احاول
ابلع غصتي بس فضحتني
- م منو غيرلي ملابسي
باوعلي باستغراب وابتسم
ضحك ضحكه قويه وكال
-لج لتبجين وداعت عيونج
مو انا غيرت ملابسج
رفعت راسي مرتاحه
لكلامه مسحت دموعي
بابتسامه حزينه
وميلت راسي وكلت بتساؤل
-جا منو بدلي؟
مارد وسوالي لفه اخذتها من
ايده واكلتها صح ماطايقته
بس بطني اهم وصارلي هواي
ماماكله موعبالكم توالمت وياه
اني اعلمه والله اذا ما اشرد
ماطلع اني بنت ابويه
خلصت اكل واخذت الماي
شربته كله صارليي هواي
ماشاربه ماي ولا ماكله
واحس نفسي ضعفت حيل
باوعت لايدي ضعيفه حيل
نوب منه هيه ناعمه احس اذا
لزمتها تنكسر ، وخرت الصينيه
عني ولفلفت روحي بالبطانيه
وغمضت عيوني صح ماجايني
نوم بس ماريد اشوف وجهه
اليخوف وخزراته سمعت
انفتح الباب وطلع وانسد
كمت من مكاني بسرعه
لزمت راسي دايخه خلاص
هاي فرصتي الوحيده علمود
اخلص منه
تقربت
يم الباب لزمت يده الباب
ورجف كلبي خايفه ماينفتح
ويطفه املي حركت اليده
والحمدالله انفتح الباب
ركضت بقوه ماشوف شي
غير ممرات اركض بكل قوتي
اريد اشرد اريد ارجع لحضن أمل
اريد احس بألامان والراحه لو بس
يوم واحدد !!
مشيت بقوه امشي وابجي مرات اركض
بس ماكدر رجلي توجعني
شفت كدامي
باب جبير واسود اريد
افتحه ماينفتح
مقفول بقفل شويه ضخم اباوع واتلفت
بخوف وافكار براسي هسه اكول
راح يجيني يكتلني
يذبحني ويعذبني صارت انضاري
على حجاره جبيره وضخمه طفرت
عليها واخذتها جانت ثكيله ضربت القفل
بقوه ماينفتح وبس اسمعه صوته هو يصيح
باسمي بجيت بقوه واضرب بالباب وايدي
غوركت بالدم واخيرأ انفتح الباب
واحس صوته صار قريب حيل
دفعت الباب بقوه وحسيت نفسي تحررت
من شفت نفسي برا والجو ضلمه وممطر
اركض بقوه ماعرف شنو مصيري ووين اني ومنو الي وكعت بقبضتة هاذا الذئب المتوحش الي ماعنده رحمه
بين الاشجار وضلام المنطقه والشهكه الي شكت صدري وبروده الجو الشديده اركض بقوه اريد انجو واهرب من هالمكان الي مسببلي خوف وكوابيس افكاري متشتته
وبنص ركضاتي والعرق الي ينزل من جبهتي حسيت بخطوات ركض وراي درت وجهي وشفته يركض وراي بضخامته وطوله الي يغطي المكان وصوته الي يحسسني بالامان والخوف اركض بقوه ولكن هو اسرع مني جرني بقوه من ايدي
وحضني بألم وشدد قبضتة ع خصري صرخت متأذيه وقرب شفايفه لاذاني وكال بهمس وصوت مرعب
-: مراح تكدرين تخلصين مني
ادفع بيـه بقوه وابـجي واصيح
-: مريضض عوفنيي دمرتنيييي
شدد قبضته ع ايدي واردف بصوت خشن
-: ماعوفج مهووس بيج انا صرتي بقبضة "السـفاح" .
وحسيت ببزه قويه بكتفي ووكعت ع صدره منغمي عليه
اصوات صياح
وبجي واصوات مرعبه
اصوات صراخ وتعذيب...
افتح بعيوني بتعب غمضت
بقوه بسبب الضوه العالي
رجعت فتحتهن وعيوني مغوركه
اباوع للمكان مو الغرفه متغيرأ
او ناقليني لغير مكان!؟
حركت ايدي بتعب ورفعتها
شفتها ملفوفه بلفاف او باند
موكلش توجعني اكدر احركها
نجرحت جرح عميق بيها بسبب
الباب او الحجار القوي
رجعت غمضت عيوني وفتحتهن
ماكدر اخلص منه ولا من قبضته
مليت من كلشي احس الدنيا
ماتريدني بعد تنتضر اي فرصه
علمود الله ياخذ روحي لوو الناسس
المقربين الي خانوني باسوء شي
تحرش وضرب وضلمم اشياء
بشعه صارت النه ومانكدر نتخطاها
شايف من يضيك بيك النفس
تحتار وين تروح لو من تمرض
تريد بس واحد يعينك يهتم بيك
ومتشوف غير بس الله المعتني بيك
هاذا حالي باختصار الله نطاني نعمه
اجمل نعمه هيه الصبر لازم نصبر
بكلشي يصير النه هواي نضلمت بحياتي
شفت اشد انواع العذاب والتحرش والخذلان
لو غيري جان انتحر من شدأ الالم والقهر
بس اني اختاريت طريق رب العالمين
طريق الرحمه والحنان والصبر
مالازم نقسي على واحد ونأذي
حتى لو بكلمه اذا غلطت على شخص
او أذيته رب العاليمن راح يغضب عليك
وراح يعاقبك بشيء عضيم
فما بالك من تقهر يتيم وتأذي
والله وصه بي وكال
(فَأَمَّا الْيَتِيمَ فَلَا تَقْهَرْ)
شي كلش حزين من تشوف نفسك يتيم
محد بصفك مراح تحس بأمان وراح
تشتاق لحضن امك
وحضن ابوك وسوالفهم
رجعت نضري للباب ونزلن دموعي
مالي خلك لكلشي احس روحي نسلبت
لفلفت نفسي بالبطانيه وألم ايدي
الموتني جنت مرتاحه بس وحده توجعني
هسه صارن ثنين وزاد وجعي
نفتح الباب بين صفناتي غمضت
عيوني وغطيت وجهي مالي خلك
سمعت صوت الكرسي من نحط كدامي
واسمع صوت حركات كعد على الكرسي
كدامي شميت ريحه دخان وعرفت
ورثله جكاره، ورا شويه من الهدوء
كال
-نايمه؟
ماجاوبته ولا حجيت بقه يحجي
واني مامهتمه حسيت بالغطى
نسحب مني عصرت عيوني
وامثل النوم ايده تمشي على
كل ملامح وجهي واني ارجف
وقشعريره بجسمي
السفاح-: اول مره اشوف
واحد نايم ويرمش
عصرت عيوني اقوه وارتبكت حيل
حسيت بايده وهيه تمشي على شفتي
دفعته ايده بقوه
هـَمم-: انعل ابوك
ابتسم ولزم وجهي بقوه
وقرب وجهه عليه دفعته وصرخت
كعد يمي وقيدني ولزم وجهي
ضربته حيل وهو ماتحرك ولا سوا اي رده فعل
بجيت وهو صار يتماده بلمساته
دفعته بقوه ابجي وماكدر احجي لزم خصري بقوه ويوخر خصلات شعري بايدينه رجع منضر حمزه وهو يتحرش بيه غمضت عيوني بقوه والنفس ما يوصلي اريد اتنفس اريدده يوخر عني ماريد اتذكر هل ذكريات السوداويه دفعته بقوه
هـَمم-: وخر وخر ح حباب
لمني لصدره مامهتم كرهت روحي وكرهت كل شيء حواليه جمعت كل قوتي ودفعته وطفرت بالكاع
هـَمم-: انعل ابوك وخررر يارخيصصص
يتبع💜.
الكاتبة روجـين الـ علي✨.