#صاحب الثام الاسودِ
يجي وَكت العتَب وأتعاتب وّيـاك
وأخليهن گبالك وحدة وحدة
أجرح بالعَتب مَا اجرح بسيف
لأن جرح العتَب محَد يضمدة
موّ گتلك ترة الدنيا دولاب
إذا أفترت عَليك عَكس
حَيلك تهدة .
•••••••••••
عافني وطلع ورا شويه اجه وبيده صينيه اكل كعد كدامي وصار يسويلي لفات واني مثل الحبابه اكل وهادئه
بعد الهدوئ عاصفه
خلصت اكل وعدل كعدتي حط ايده على ضهري ساعدني اعدل كعدتي وشربني ماي ورجعني تغطيت وهو شال الصينيه وراح رجع وكعد كدامي غمضت عيوني حسيت بايده نحطت على خدي وخرت وجهي عنه مابيه اسوي اي حركه تعبانه اريد ارتاح شويه كارهته ماطيقه شعور غريب احس بالامان يمه بس اخاف منه افكار متشتته واندم الف ندمه لان اذيت نفسي وهاي امانه انطيته ضهري وحطيت خدي المحروك على المخده حسيت بألم قوي بس ماهتميت لزم ايد وعدل كعدتي نومني على ضهري
-: مايصير تنامين على الحرك فهميييي!!
صرخ بوجهي بقوه غمضت عيوني خايفه ونزلن دموعي سمعت صوته يستغفر بللت شفتي وحسيت بلعبان نفس فتحت عيوني وباوعتله اريد اكله راح اتقيئ ماكدر لزمت ايده وخليتها على بطني باوعلي باستغراب مافاهم وردت اتقيئ واخيرا فهم لزمني من ايدي وكومني وصلنه للحمام حطيت ايديه على المغسله وهو ساندني من خصري انعل ابو خصري شلزكت بي تقيئت واحس حتى معدتي طلعت حيلي باد وصارت رجفه بكل جسمي تعبت حيل من التقيئ هواي تقيئت وهو يدك على ضهري على كيف وساندني على ضهره بقيت فوك العشر دقايق اذب من راسي غمضت عيوني تعبانه لزم ايدي وشبكها تقيئت مره ثانيه وردت اطيح لزمني بقوه
-: يلا بابا تحملي هسه شويه ونخلص
وجهي بهت ورجعت تقيئت بقيت هواي اتقيئ ماكدرت اتحمل وكعت بالكاع شالني من خصري ودخل اصابعه بحلكي ورجعت تقيئت اكثر
-: علمود ترتاحين يلا بابا سباعيه انتي
تقيئت اكثر من مره وحتى رجليه مجاي اوكف عليهن وبطني احسها نشلعت وطعم مروره بحلكي واخيرأ خلصت وبعد ماتقيئت لزمني من خصري بايد وحده والايد الثانيه غسل بيها وجهي وحلكي رفعت راسي وشفت وجهي بالمرايه شعري مومخربط مشط ومحاطين باند لراسي ولزكه بخدي خشمي احمر وحلكي ناشف وابيض وبي من النص احمر نشف وجهي وحط ايده جوا رجلي وضهري وشالني لحد ماوصل للجربايه حطني عليها وغطاني غمضت عيوني وارجف من البرد حسيت بايده الدافيه نحطت على كصتي فتحت عيوني وعكدت حواجبي
-: مصخنه البربو*
ماهتميت لكلامه وغمضت عيوني مره ثانيه ماحسلكم اله بمغص ببطني لزمتها وعصرتها غوركن دموعي من الوجع سمعت صوته وهو يسحب بالبطانيه عني
-: كومي كومي شبيها بطنج
YOU ARE READING
صاحب اللثام الاسود(متوقفة)
Horror....... لاتعوفني -: اذيتج روحي -: انتَ ملاذي ماكدر اروح -: تتندمين ! -: ما اتندم لاتعوفني -: أذيتج هواي -: ماكدر اعوفك تعودت عليك -: تنسين -: هيج سهلة عليك تعوفني؟ -: موسهلة شايفه أب يعوف بنته؟ راح اختفي شلون السراب البليل كلمن بدنيا احلالك واحل...
