صاحب اللثام الاسود(متوقفة)

الـَمـلاذ 3🗽.

#صاحب الثام الاسودِ

رِدنّة نِنسى ومَا نسينا
رِدنّه نِبچيّ ومَا بِچينة
ونِعتب ونحچيّ عَليمن
وياهو يسمَع لو حِچينا ؟

------------------

أمل-: اخذت گدر الماي ووصله مال مسح وصعدت فوك يمها حطيت الگدر وجبت الوصله وغركتها بالماي امسح بخدها على كيف وركبتها الي بيها دم وصايره زركه من الضرب ولفت نضري ايددها زركه ومورمه وبيها دم بقيت امسح بيها لحد ماخلصت رجعت للمطبخ حطيت الگدر ورجعتلها لكيتها كاعده تون ومفتوحه عيونها تقربت يمها بخوف امسح على وجهه واحجي وياها
-: حبيبي تسمعيني

ماترد بس تون وتبجي وتهذي بكلام ماعرف شنوه بقيت كاعده يمها لساعات وهيه تفز تبجي وتون وتهذي وترجع تنام حطيت راسي على الكاع وغفيت

من بين نومي سمعت صوتها تبجي وتصيح باسمي كمزت من مكاني لكيتها مفتوحه عيونها وتبجي
هـَمم -: اخخ جسمي امل امل وينج تعاي

تقربت يمها امسح بدموعها الي صايرات حمر ومغوركات بالدموع
-: يعيون امل شنو يوجعج؟

-: جسمي وخدي يحركني ماكدر حبابه تعبت يأذيني

-: تحملي يبعد چبدي انتي اسبحج علمود يخف الالم؟

بجت بقوه وتشهك
-: اي اي حبابه سبحيني خليروح الالم

كومتها وساعدتها تمشي تكدر تمشي بس تعرج دخلنه للحمام وساعدتها تسبح وطلعت اخذتلها تراك وهيه كملت ساعدتها تلبس وماخليت يلوح ماي لخدها دخلنه للمخزن وهيه تون وتبجي من خدها اخر شي متحملت كعدت كدامي تصرخ وتبجي
-:حبابه حبابه راح اموت خدي خدييي امللل ساعدينييي

حضنتها بقوه ابجي شنو بيدي اسوي ماكدر اساعدها عفتها ونزلت جوا فتحت الثلاجه ادور مسكن ماكو كعدت بالكاع ابجي يابويه شسوي هدت حيلي

صبيتلها اكل وصعدت فوك للمخزن جانت دنيا ليل حيل والشباك مكسور ويدخل هوا بارد اباوعلها ترجف من البرد وخدها ينزف شوهو وجهها الله ليوفقهم كعدت كدامها مكابلتها وابجي شبيدي شسوي ماكدر اساعدها ماكو دوه بقيت يمها لساعات لحد مانعست واتثاوب
هـَمم -: روحي نامي امل

هزت راسها لا وبقيت اقنع بيها تروح لحد ماقبلت عافتني وراحت بقيت كاعده وابجي واون جسمي وخدي يونن عليه يوجعني حيل

هـَمم -: ابجي بقوه واشهك ماكدر اتحمل الالم كعدت كدام الشباك بس اريد الوجع يخف ماكو اشهك بصوت عالي وكل شهكه تشك صدري اباوع للشباك الهوه بارد حيل ويضرب بوجهي والمكان ضلمه حيل وقطرات المطر الخفيفه تتساقط عليه ارجف من البرد عفت الشباك وتمددت بالفراش ولفلفت روحي بالبطانيه اناشغ وابجي اريد يجيلي النوم ماكو ابد شويه وحسيت غفيت

بين النايمه والكاعده اسمع اصوات ركض قويه وطبكه واصوات عاليه ماكدرت انام كمت من مكاني منعسه فاتحه عيوني قليل وامشي واعرج فتحت الباب بايدي السليمه ماكو احد بس اشياء واكعه بالكاع عبرت من يمها ونزلت بالطابقه الثاني ضلمه وماشوف شي احاول افتح عيوني منعسه حيل وايدي ترجف من البرد واعرج ودموعي تنزل حالتي حاله تقربت وشفت شي نايم بالكاع وكع كلبي تقربت اكثر وشفت منضر خلاني اصرخ وابجيي عمو واكع بالكاع ومدمى وايده مكسوره والعضم طالع بين صرخاتي والبجي مالتي حسيت بركضه قويه واشخاص ورايه رفعت وجهي وشفت اربع زلم وخامسهم واكف أولهم من ضخامته وطوله مغطيهم باوعتلهم بصدمه ودموعي نزلت اباوع لعمو المدمى واباوعلهم بخوف وكلت بخنكه وصوتي كوه يطلع
-: م منو انتم

تقرب هاذا الضخم وكف كدامي غطاني بضخامته وطوله والي وراه يهمسون بمادري شنو تقرب يمي اكثر وحط ايديه الضخمات على خصري وجرني اله صرخت بخوف وبجيت وضربته بقوه بصدره وصرخت متألمه لان ضربته بايدي التوجعني لزمت ايدي ابجي وادفع بي بايدي السليمه واحجي بخوف
-: منو انت وخر وخر

تقرب يمي ماصار يفصلنه شي وشدد ايدينه على خصري صرخت متألمه وهو قرب راسه باذاني وكال بصوت مرعب ومريب
-: وياج 'الـــســفاح'.

ردت احجي وحسيت ببزه قويه بكتفي وشوشه باذاني قويه ودوخه سيطرت عليه اريد احجي اصرخ ابجي ماكدر اضرب بي بخفه بايدي ماكدر اتحرك حسيت رجليه مايشيلني وكعت بالكاع دايخه حيل ماميز الاصوات وحسيت انرفعت من الكاع وانغمى عليه

فتحت عيوني بتعب اني وين رجعت نضري لانحاء الغرفه هاي مو المخزن لا ياربي شجابني هنه راح يكتلوني كمت من الجربايه واجتني دوخه قويه لزمت راسي وعصرته بقوه بجيت بقوه وركزت على الغرفه جانت صغيره وبيها تراب هواي وشباك مكسور حته هنه لاحكني وبارده حيل وميز مكسور يبو كلهن مكسورات شسالفتي ويه المكسرات وكنتور صغير لفت نضري الباب تقربت يمه اريد افتحه ماينفتح عصبت حيل وبجيت بقوه ادفر بالباب وادك بقوه بايدي السليمه واصرخ بقوه
-: فتحوليي الباببب كواويددد اولاد الزنا ويننن اناااا رجعوني لاهليي يااا خايسيننن

تخبلت محد يفتحه طحت بالكاع اشهك بقوه وابجي واصرخ وجسمي يون عليه وخدي احسه يحركني احس نغزات بكلبي

ورا شويه وانفتح الباب كمت بسرعه من مكاني اعرج شفت الدخل نفسه هاذا السفاح يمه شكله يخوف حيل وجان ملثم ويخوزر باوعلي وعاكد حواجبه تقربت يمه رفعت ايدي اريد اضربه وبحركه سريعه منه لزمها ولواها ورا ضهري صرخت متوجعه ولزمت ايده بايدي المورمهه عيوني مغوركات دموع اريده يوخر ادفع بي وايديه موتتني
هـَمم -:اخخ حباب ايدي ايدي اخخخ عليك الحسين ايدي

رخه لزمته لايدي وبقه لازمها وصافن واني اشهك واناشغ وادفع بي بايدي المورمه بخفه لان ماكدر الزم بيها شي
-:وخررر وخرر ياخايسسس الثوررررر

عاف ايدي ومشه اصابعه بهدوء على خدي المحروك غمضت عيوني متأذيه لان توجعني حيل وتنزف حطيت ايدي على صدره ودفعته ماتحرك فتحت عيوني لكيته مخنزر وعاكد حواجبو واصبعه مرده بالحرك وخرت عنه ابجي واشهك ولازمه خدي الي ينزف واصيح بحركه كلب عليه
هـَمم -: ياخايسس يااا ابنن الزناا كوادد ابنن الك*** انعل ابوك يابو الجابك

كلام هوه وكلته وحسيته راسي طار واشتعل نار لزمت وجهي واستوعبت هوه ضربني راشدي بجيت بقوه وطحت بالكاع ازحف ليورا لحد مانضربت بالحايط حضنت رجليه لصدري اشهك بقوه وارجف بصوره موطبيعيه وخدي ينزف واحاول ماطلع صوت احبس شهكاتي ويأذيني هاذا الشيي تقرب يمي وكعد على ركبه غمضت عيوني بخوف وبجيت لزكت روحي بالحايط احاول اتبعد عنه فتحت عيوني ولكيته صافن عليه وعيونو حمر طلع من جيبه كلينس وحطه على خدي يمسح بهدوء غمضت عيوني متأذيه منه وهو ولا هامه ويمسح بكل برود خلص من المسح ورفع راسي بايده ولزم ايدي المرومه عاينلها ولزمها بقوه صرخت وبجيت ودفعته اتبعد عنه واشهك
هـَمم -: حرام عليك ليش هيج تسويلي والله انا مامسويتلك شي

مارد وعافني وطلع لزمت ايدي ابجي واناشغ وامسح عليها الجلب الحقير الثور انا اعلمه يطكني الخايسس نوبب يخوزر عود يخوف امداه كمت من مكاني وكعدت على الجربايه صافنه شسوي ياربي

يتبع🦋

الكاتبة روجـين الـ علي✨🐥.