للكاتبة الــريم
<><><><>
مشكله آليحب حيل ..
كُلشي يكَول لمنْ يحتركَ دمه !
يهنيآل آلطفل بـ آلعبره مآ يحتآر
يلم دموعه ويذبهآ بـ حضن آمه ..
<><><><><>
التصويت على البارت
التعليق بين الفقرات لُطفًا
<><><><>
في مــكـــان اخر حيث
" باريا "
باريا : إقتلوني القتل افضل إلي اذا خُيرت ان افعل شيء يُغضب رب العالمين
بقيت على نفس وضعيتي حمدت الله وشكرته بكُل لحظة اني اذا اموت مراح ائذي احد ماعندي أطفال او شخص يتهتم بموتي
انسحبت الاقسام ببطء وسط سكوت تام
محد يتجرأ يحجي كلمة نطقت الشهادة الاولى والثانيه ما انكر لحظات مُرعبه شكد الشخص مرات يتمنى الموت بس من توصل صدك يصارع روحه من اجل البقاء .
اتذكرت ايامي الحلوة بكُليتي بطفولتي ويَ اخواني، علي ،خوالي لحظات خلت كلبي يرجف
صحت بصوت عالٍ بخوف مكملة كلامي
- وأشهد أن عليً بالحق وليُ الله
مدنكة راسي منتضره مصير مامتت بداعش هسه اموت اول وتالي اموت بس طولت اكثر من عَشر ثواني منزلة راسي بدون اي حركة حسيت بأرجل تتحرك بتوتر ودام هَمس بينهم
نِزلت دمعة وكأني اعاتب روحي بوكتها اتذكرت كل حياتي ضليت ما اسمع اي شي حسيت نفسي متت انعزلت بذنوبي
- يا رباه بِحق اهل الكساء أخرجني من ظلماتك
جانت جملة عفويه طلعت مني بحالة خوف ضعف ما جنت اعرف مدى قوه هل جُملة ، ما جنت اتذكر بوكتها شي الادعيه لساني ردد اي كلمة احاول اتمسك بيها بالقوه
انحسبت ثوانٍ وانكلبت موازين المكان
من السيطرة إلى الهلاك وعدم التدبير لأمورهم
اصبح صوت رنين هواتفهم يدك بصوت همجيه
وبدون توقف !
إنزاح من مُؤخرة رأسي السلاح وشخص دفعني برجله على الكاع
إنخدش خَدي الأسمر الناعم بإلارضيه الخَشِنة
بقيت بنفس وضعيتي عيني بدأت تشوف أرجلهم وهي تتحرك بصوره مخربطة وسريعه رفعت راسي بتعب اشوف كل شخص سحب سلاحه وابتعد مخبوصين القلق بعيونهم
سمعت صوت شخص يحجي بتوتر
- احد افرادنا مبلغ العصابه بالخطة
يا خطط يا عصابه اني اريد اشرد
حسيت بشخص يسد اذاناتي ويهمس
- مَيمون : ممنوع حتى السَمع
سحبني بقوه للسيارة وصعد ثاني ليكدام وإتحرك ميمون بسرعه جنونيه الطريق متروس بالحُفر وبكل طسه وحُفره احس روحي تصعد للسما شيء ما يدركة العقل اني بهذا حالي مستغربه شطلعني ؟ لو احد مسولفلي هل موقف جان ضحكت صعبه
حسيت بشخص ينظر إلي حولت نظري اشوف شخص ما اعرفه باوع بوجهي وإبتسم
- بعدها صغيره ما تعرف
صحت عليه اعصابي تالفه
- باريا : شنو ما اعرف هذا الإبن الجايفه موديني بنص الموت احس كلبي انشلع لحظات واني عبالي هاهي راح
بلعت ريكي بصعوبه احس كلبي محمل بالحجي
واشوف شكله مُصغي إللي ماكدرت اتحمل كملت كلامي ابجي
- باريا : عذبتوني كرهت روحي كرهت حتى أمي الوضيفه الاحبها هذا الماعنده ذرة غيره او شرف هوَ الجابني هناا ثقيت بي لك حتى عقدنا باطلللل مو برضاتي هذا باطل
موقفي واني اشكي لشخص ما اعرفه محتاجه ابجي محتاجه اعتكف على روحي يم شخص ارتاح يمه محتاجه حَنان ام خوف أب
سإلتني روحي والصوت البداخلي يخاطبني
- وين اهلج ليش ذبوج هنا .
روحي هي عدوتي .. حسيت صار بيَ انفصام مشاكل بداخلي صياح قوي ماعرف وين افرغه ويم اي شخص احجيله
فزيت على روحي واني اضرب بكتفه اكثر من مره جابرته على الوقوف
- باريا : نزلوني هنااااا والله اذب روحي
ضليت اضرب بشكل مو طبيعي واني اشوف كمية سيارات مو طبيعيه بالشارع الخوف اتملكني
ما اهتم بقى يمشي اخر شي صاح البصفه
- خليها تنزل ونرجع الها تتأذة اذا تروح ويانا
- مَيمون : لتدخل
مشفت أي فائده من كلامي ميفيد ماكدرت اسوي اي شي بوسط العاصمة ومو آمان بدأ يتحرك بأمكان وازقه بالكرخ الدنيا بدأت تظلم
وطب لمنطقة اول مره اشوفها استغربت نطق الشخص الجان قريب من مَيمون " الحاج "
بإنتضارنا
دخلني لمكان اول مره اشوفه وادخل لهيج اماكن مشبهوة طبيت ماعرف شلون اوصف المكان لكن يمثل انهُ مقهى سحبني من إيدي لدرج صعدت وفتح الباب رفعت عيني واسوي شاشات عرض الريسز
وكراسي واشخاص كاعدين يباوعون عليهن قريت على روحي السلام إلتفتت بخوف للحيطان شاشات جبير نزلت راسي
الدنبله والقمار
حاولت احجي ماكو سحبني وياه إلتفتت اباوع هذا المكان تَلَ خان الروليت والبنات الموجودات
انواع الالعاب الجنت مُجرد اسمع بيهن
ميوزه والفلوس والاوراق المشمرات
استعاريت اذكر اسم الله بهل مكان من شدة المكان مشبوه وخزي اباوع الاشكال تسد الوجه اكثر من مَيمون
دخلني لغرفة سَلم على شخص عرفت اسمه الحاج حمزة من خلال حديثهم شلون يوصوله
اباوع على المكان بصدمة خزينه على نهاية المكتب ومن لبسهم والشخصيات
بلحظتها تيقنت اني داخله لأكبر مافيا بالعراق وعصابه وهي " الروليت "
باوع شخص عليه جان واكف بالقرب منه
- تنباع ؟
ضحك مَيمون
- لا هاي مو حالها حال الباقيات هاي
اهلها كلهم دولة
- اهاا اكول شعجب شنو اسمهم ؟
رَد عليه مَيمون بإسم عائلتي وحجة
- مَيمون : واكيد مار اسم جدها عليك ؟
ضحك الشخص البصفه وهز راسه
- اكيد اعرفهم جانت علاقتي بيه بس خربنا
عركت وعيوني تتنقل بينهم جدي ! ما ذاكره الكم ولا لأي شخص عنه ، منو هذا ويعرفهم
الموضوع اكبر من هيج اصلًا جدي اتحول لغير محافظة لفتره وما اعرف اي خبر عنه ولا احد يجيب طاريه
رَجل سوف يُحيل للتقاعد بعد فتره زمنيه وجيزة لكن انتقاله وارادته لشيء ما غيرت كُل شي !
صفن بوجهي شخص ثاني
- إبنه حمزة ؟
ضحك شخص بصفه يُمثل الكوميديا
- مو بنتي
نفة براسه وركز بوجهي
- ابوج اعرفه مو الجان يش
شيء مُحزن اتواجد بهيج مكان وسط هذهِ اشباه الرجال وهم يُخمنون حياتي ويتكلمون عنها
قاطعه بجوابه
- مَيمون : اي نعم
جنت مخلوسه بهل وكت ماكدرت انطق اي كلمة
ضحكوا بينهم على لا شيء واتصافح مَيمون وياهم
- لخاطر بنت حمزة ترى
ضحك مَيمون وياهم ، إثنين حمزة شخص ابويه وشخص ما اعرفه حاج يسمو ( حاج لحم )
كلبي وكع اني مو بس متورطة اني راح اتورط بأكبر عصابه موجودة خطيت خطوه خايفة يارب مو نفسها
حجة شخص لابس لبس رسمي ما انكر الكاريزما اليمتلكها والإسلوب بس شنو ريحة حلكة من العرك تكتل
- الحاج حمزة : شعدنا غير بنت الغالي
اردفت بصوت هامس بيني وبين نفسي متنرفزه من القرف
- باريا : الغالي ما يسوى نعالي
ضحك بس هوَ هلكد مركز
- الحاج حمزة : لا فعلًا انتِ جدًا جميلة
كُمش مَيمون ايدي بقوه شابك ادينا باوعت مصدومه بالوكت الإحتاجيت ايد دافيه تساعدني ما شفت ايده هسه يجي !
إتقدمت تاركة ايده سحبت قطعة منديل من الميز مسحت خدي بخفه من اثر الوكعه رجعت الملحه مالت هذا وسأل
- الحاج حمزة : هذا مَيمون ؟ اطيحلج حظه
إلتفتت لمَيمون اتوتر ويباوع عليه بخزره
- مَيمون : لا لا وكعت
إلتفتلي وكأنه يريد يأكد على كلامه
- باريا : لا
ما اتحملت اذا ابقى استفرغ طلعت من الغرفة مادري شنو ماعرف شنو اتصرف شنو احجي
مشيت بخطوات وحسيت نفس الشخص الجان بالسيارة همِس يمي
- ابتعدي اهلج معروفين تتأذين وتأذيهم
- باريا : مو بهل سهولة ما اكدر
- اساعدج
- باريا : اضحك على غيري .
ابتعدت عنه من شفت مَيمون اتقرب النا مشيت بدون ما اسمع شي نزلت الدرج
العديد من الشخصيات الموجودة من ظمنهم بنات شُبه عاريات موجودات اباوع متعجبه شنو هل مكان جنت بس اسمع بي وبس بالختله
افكر بكلامه هلكد اني جاهلة اثق بشخص مجرد هاي اول لقائي ويا ! مستحيل وهو العرض عليه المساعده اذًا عنده غايه
وماكو مساعدة بدون مقابل
نزلت بهدوء وبكُل سـذاجه يأمرني بالصعود بسيارته
رفعت تک حاجب بإستنكار
- باريا : صعد خالتـك مو اني .
درت وظهرت واتحركت لمكان مادري وين
صعد سيارته وأمشي وهو يمشي بالسياره
مشيت فتره تعبت من النك ومن المشي
اخر شي طكت روحي
إلتفتتله منزل الجامة يحجي ويايَ
- مَيمون : اصعدي لج
- باريا : ولچلاچه التلصم حلكك
حجيتها بصوت عالي وبجيت بكِذب وصيحت عليه
- باريا : ماعندك خوات متستحي وخررر ساعدوني يا اهل الغيره
صيح عليه
- مَيمون : صوتججج يا اتحرش بيج مرتي
- باريا : وين وصلت بيكم المرحلة حتى تكذبون ما اعرفك روح ميمونننن
سكتت من حسيت نفسي جفصت
مشيت بسرعه وهوَ حرك السيارة بس تعابير وجه مصدومه عباله ما اسويها صدك
كملت طريقي بسرعه وهو شفته من بعيد وكف سيارته عباله يلكفني طبيت لفرع ما اعرفه بس المهم اشرد منه
مشيت فتره كلش طويله من مكان لمكان على الشارع
وكفت كدام جسر غمضت عيوني
ودموعي بلتت وجناتي
ضحكت ماعرف شسوي هذا حالي نفسه القبل كم دقيقة جنت بنصف الخطر ! مستحيل
رجعت نظري اباوع ما ادري المنو ممصدكة
اشوف اليضحك بنص الشارع بصوت ساخر
ممتهم للناس المهم يضحك ويَ صديقه
لو ألفتت للاُم التعبر اطفالها الشارع وهي كامشه بإيدهم بإحِكام تلتفت على الطريق
الإمهات هي التُكمش ايد أطفالها تساعدهم
اله امي هي اللوت إيدي
اباوع على روحي بمعجزة واتخيلت روحي جان هسه اني مقتوله !ما اتحملت كعدت على الرصيف ابجي بخنكة شجابني يم هاي الناس اني شورطني
منزله راسي وابجي والشمس تضرب بيه انحركت حرك بقيت بمكاني ثواني واحس ظل صار كدامي خَفف عليه ظل الشمس
رفعت راسي والدموع مغوشه نظري
شِفت ايد انمدت إلي بإيدها الف
- اتفضلي اختي
إلتفتت للجهة اليمنى واليسرى اباوع على الناس
احتارت شحجي رجعت نظري عليه حاولت اجاوبه اتقدم يمكن صديقه فتح محفظته
ويريد يطلع بالفلوس
وكفت كدامهم انكت بالتراب منحرجة
- باريا : اسفه اخوتي بس هاي شكل مجديه ؟
ضحك الشخص البصفه
- والله شفتج تبجين عبالي محتاجه
مسحت الدموع العلى خدي وضحكت وياهم على روحي ضحكوا سويه وقدم الشخص الثاني نفس الالف وكانهُ يريد يغير الجو
- وها هسه متردين الالف تشترين بي ببسي ؟
مكدرت اضبط ضحكتي جان شكلهم لطيف حيل ومُحترمين جا ليش بس الإبن جايفه يجيني
وهذول مطشرين
مشيت من يمهم الواحد ما ياخذ راحته حتى بالبواجي إلفتت اريد ارجع عليهم اني ربع مماخذة وياي لا اهم شي الكرامه بس شتفيد الكرامه يم الاكل
مشيت لمسافه احس هلكت هاهيَ طبيت لفرع وكفت إلتفتت وين اني طلعت التليفون اخابر على مادري منو ،شنو عندي زلمة بي خير واخابره صدك ابن
دكيت على علي الدُر هو مُنقذي محد يوكفي بكدة لو مو اخطأ ، بكِتره اتحامى انفتح الخط بدون ميحجي اي كلمة اردفت بصوت باكٍ
- باريا : علي ساعدني احسبني حتى لو غريبة وتساعدها بس تعال محتاجتك
ثواني وحسيت حركة قويه صارت واتحرك
- علي الدُر : لا تحجين هيج حتى لو متربطني علاقه على الورق بيج اني وياج
رجفت شِفتي واحجي بصعوبه
- باريا : تعالي بسرعه خايفه ماعرف اني وين
- علي الدُر : انطيني اي شخص يمج قريب منج بس على العنوان
إلتفتت لكيت شخص جبير بالعمر سألته
- باريا : عمو اني وين ؟
رَد عليه الحجي بإسم منطقة مسامعه بيها انطيته التليفون وصف الشارع والمكان
رجعلي التليفون واسمع صوته يلعلع
- علي الدُر : شلون توصلين لهل مكان
- باريا : ما اعرف تعالي
إنتهد ورَد بعد عدة ثواني
- علي الدُر : شلون ما اجيج
غمضت عيني افكر بإبتلائي ؟
شنو السويته لهل درجة اغضب رب العالمين
وديعاقبني عليه شنو الشي اليكفر عن ذنبي
لو إختبار من رب العالمين يختبر مدى صبري وتحملي بقفدي العديد من الاحباب
أين الفرج يا إللهي !
التفكير ياكلني شعوري بذنب اني ما حاسه بي جاهلته دائما ما مرتاحه خاصتا اول ما طلع علي الدُر احس كلشي اصبح ضدي
فتحت التليفون وصار كدامي اشعار تم حفظ التسجيل ما ركزت حيل طبيت عليه شنو سجل فتحته خليته على إذني واسمع صوتي من سألت مَيمون فتحت التليفون التسجيل طويل
إلتفتت اريد اركع من الفرحة رفعت راسي وهمست بفرح " الحمدُ لكَ حتى ترضى "
وكفت سيارته كدامي إستغربت بقوه شبسرعه
دكيت على الجامه مظللة نزلها وغمضت عيني
- باريا : تساعدني واني مأذية کلبك ؟
- علي الدُر : لو تکتلين اهلي هم اساعدچ
اشري اصعد صعدت درت وجهي على شكله
يُمثل القوه وبعيونه بيوت مِحتركة
ركزت بوجه دار وجه عليه من شافني ركزت دار وجه بتوتر وكأنه مسوي شي ويخاف ينكشف
عيونه حُمر بشكل مو طبيعي رجفه بإيده سواد ملحوظ يختلف عن الايام القبلها عيونه ناعسه واحسه بالكوه مفتحهن ؟
اردف بخفوت
- علي الدُر : اول مره وال
صحت عليه بصوت عالي فاقدة اعصابي
- باريا : المنن اجيك انتَ التحتاج تعين روحك اني الوجع البجسمي وبروحي وما سويت سوايتك
إلتفتلي والعرگ ينطح من على جبينه
- علي الدُر : وجع بجسمج !
فتحت باب السيارة ابجي وصحت
- باريا : اي اني انهانيت
ماكدرت اكمل اخاف من المشاكل اذا احجيها
إلتفتت للجهة الثانيه شفته نزل عايف السيارة مفتوحه مِشتغله
وكفت بسرعه كدامي حاضن إيده وراء ظهره
مانع طريقي إلى الامام واردف بصوت مُترجي
- علي الدُر : بــَــاري اهدء
حجايه كُلبت موازيني رجعتني لروحي
كلمة محد يعرفها بيني وبين أحمد بس هذا شمعرفه بيها ؟ ، مجان اكو وقت للتفكير
- باريا : جنت اشوف بيك التزام أحمد وتصرفاته الجان قدوه إلي وين جانت مصلايتك التفرشها وسبحتك لو هي شنو
دفعته بقوه واصيح بعصبية
- باريا : وخرر شواربگ چنهن شوارب گواد
كملت كلامي
- هي فعلا مو كل الشوارب زلم مثل امثالك
هِمسلي بفَحيح .. اظنج حيل اتجاوزتي
حسيت روحي حيل جفصت وبالشارع اخذت نفس عميق وهمست " يستاهل اني مخطأت "
- علي الدُر : إصعدي
غمضت عيوني مُتعصبه صعدت وحرك السيارة
فززني صوته وهي يصيح بعصبية
- علي الدُر : اعذرج مليون مره واذا خلصن هم اعذرج اذا تجاوزتي ما اخلي عقلي وياج ما استنقصج بس كلبي ما ينطيني أذيج
بس فعلتج ما اكدر اعذرج بيها
ضرب الستيرن بقوه
- علي الدُر : ما تعرفين بحالي من انزفيتي
كلبي انشلع وياج لج صلاتي عفتهاااا بيومها
ماعرفت وين اروح لج اجيب الحبوب اريد بس انام ما اكدر ما يمض بجسميي
كمل كلامه اختنك
- علي الدُر : احتاريت وين اروح اركض بالشارع جني فاكدلي عِزيز ، الناس تنقهر عليه وما اسولفج من صارت ب12 الشياطين جتفتني
- باريا : جبروني اني خلو كدامي شخص يردوني اشرحه استخرج اعضائه انسحب عليه اقسام اتهددت انقتللللل واني بهذا عمري ابو العمرين ما واصل لضيمي شحجي احمد ربك عندك ام بيها خير احسد الناس على الحجايه الحلوه من حلك الام لو دعوه من الاب وكفه واحد بظهري
من احتاج احد الكه اهلي بسدي مو اتنخه بغريب تستعطفني انتَ تنقهر عليه من اخابرك اعرف بس شسوي المن اشكي اتخطالي فتره تجيني اصعب المن اصيح وين اهلي وين اخواني احبابي
وكف السيارة وإلتفت
- علي الدُر : احجيييييي يا قتل شبيها امج راح اتسودن شنو انسحب اقسام ماا تجي بالعقلل
- باريا : احجي ؟ حجيت من راح تروح الهم فرضًا وسألوك منو انتَ ؟ شنو تقربلها وتدخل ماكدر بصفتك منو اني اندفنت حياتي بعد .
نزل عينه وحجة بدون وعَي
- علي الدُر : هاهي جا جذابه انتِ احجييي
ضحكت بسُخريه ونزلت نظري
هل فعلا الضيم الوصلتله محد يكدر يدركه محد يكدر يفهم روحي شبيها ؟ الغريب والقريب جذبني
همستله بصوت مُنخفض
- باريا : بس اريد ارتاح تعبانه
فرك وجه وبعد فتره تَمتم
- علي الدُر : الظاهر اتعديت حدودي اسف مو المفروض هيج احجي
ما حجيت اي كلمة سكتت وهوَ احتار شيسوي
إنتبهت لشاربه بالغلط لاحظت كم شَعرايه متلونه باللون ابيض من الضيم مادري منين
رفعت راسي لشعره بي خُصل قليلة مَعدوده
- باريا : شيبة بخت ؟
رَد عليه من دون ما يلتفتت
- علي الدُر : لا شيبة طي*
- باريا : احسبني اختك
- علي الدُر : وهوَ كذلك
- باريا : فتره وكُل شي احجيلك بس ما اكدر
رَد عليه بعد سكوت دام عدة دقايق
- علي الدُر : ارجعج للبيت وين اوديج لا من انتِ مفهمتني ولا شي شحجي
- باريا : اريد اشتري بيت ، سمعت مشتري بيت ؟
هز راسه وهمس
- علي الدُر : اي
رَد عليه ورفع تليفونه خابر على بنيه
- علي الدُر : اذا كملتي البيت اطلعي اني راح ارجع
إستغربت هاي منين
- باريا : منو ؟
احسه بالكوه يرد عليه حقه
- علي الدُر : مُساعدة تسويلي الاكل وتنضف البيت وقبل لا ارجع اخابرها تطلع
سكت وكف السيارة كدام بيت بمكان راقي جدًا " اليرموك " اباوع البيت يشك شك التصميم يخبل والاضويه والديكورات الموجودة بره هي المنطقة كلها على بعضها تخبل
نزلت وسحبت الاوراق مالت البيوت اخلي هو يتصرف
بس قبل لا اطب وكفت يم الباب
- علي الدُر : شوفي
أشرلي على مكان درت وجهي باوعت ماكو اي شي رجعت نظري اشوفه مركز بخدي مادري مركز على طبع الحزام مادري على الخَدش
- علي الدُر : منو مسوي هيج بخدج ؟
كون المس خدودج و امحي الآثار
وطبطب عالكلب ياحلواتي تهون
انتِ النور وحدج و البقيه اضلال لو
يلمض ضواج آتيه العيون .
- باريا : وكعت .
ما مشت عليه اكيد بقى يباوع بشكوك مستغرب مني
بهل لحظات دك تليفوني اباوع رقم غريب
شو هذا لح مادري منو فتحت الخط واجاني صوته يصيح
- مَيمون : لج ام الرعاويص وين وليتي
- باريا : يم خالتك
- مَيمون : يله هسه جايج بس شموديج الها
ببساطة سديته بوجه رجع يلح واني شلون اضوج من الملحه سديت تليفوني
طبيت للبيت الحديقة بالبدايه جدا متراهم تناسق الوان حتى جايب مرجوحة والعاب
- باريا : ما شاء الله المتر بيش اشتريته
- علي الدُر : حسبه إللي رخيص تقريبا المتر ب3 ملايين وكلش ممتاز المنطقة هادئة وال
ديكمل كلامه رفعت حاجبي
- باريا : رخيص ؟
- علي الدُر : ادخلي شوفي البيت اني راح ابقى بره بس اشوفج المطبخ
- باريا : اثق بيك احتاج بس تخلي البيوت عند الدلال وانتَ اتفق وياهم اي سعر بالك بس بيناتنا
استغرب من كلامي وليش اله هوَ كتله
- علي الدُر : ليش تبيعيهم ؟
- باريا : اشتري غيرهم مجرد دخل إضافي إلي اكون جدا ممنونه إلك اذا تسويها
باب المطبخ جان مفتوح ويحجي
- علي الدُر : اذا عجبج اكو بيت ورانا هم عارضي للبيت بس اصغر من هذا
دخلنا شويه البيت مابي هواي اثاث إلتفتت مستغربه لحركة ورايَ
باوعت اشوف بنيه بملابس نوم مخليه فوكاه مادري شنو مجهزه روحها كأنها عروس والمكياج إلتفتت لعلي اباوع جان شويه هادء قبل شويه لكن اشوف شكله هسه وكانه متوحش
لَم قبضه ايده واني ابتعدت واردفت
- باريا : اعتذر اني طالعه
اول مره اشوف علي بهل غضب البنيه جانت مصدومه مني ودخولي
- منو هاي
طلعت من باب المطبخ واسمع عياطه
- علي الدُر : ارجعي بااااري
دار وجه منها ويصيح بعصبي
- علي الدُر : اطلعي من البيت ريتاج لا ابتلي بيج مو معناها اخليج هنا تجاوزين صوجي اني انقهرت عليج ولا اني ما عندي إيد لو رجل اعين نفسي
اباوع عليها تبجي واتقربت كم خطوه إله واني واكفه متفرجه على شكلهم خليت الاوراق على الميز وطلعت من البيت ما اتحمل هل شكل كلبي يحترك
فتحت تليفوني خابرت مَيمون مَرد عليه وكته
صوجي اني اتعده وادخل للبيت وي شخص غريب اخطأ وما احس شنو شكل وحده عروس مثلا خابرت امي هم مجاوبت ما اندل حتى بيته
امشي اكمل طريقي واخابر اخر شي خابرت ميمون للمره الاخيره جاوبني
جاوبني بهدوء
- مَيمون : احسن الج لتجين
- باريا : انطيني مكانك جايه
انطاني اسم المكان والبيت جانت هم قريبة اشرت على تكسي وصعدت ولا ربع بجيبي فد تصرفاتي غبيه وخطأ اعترف بهل شي
وصلني كدام البيت الحسب تذكري وكفت ابو التكسي ونزلت
- باريا : بس اجيب الفلوس واجي
فتح الباب مَيمون وكلته ادفع الفلوس انطاه فلوسه بعد ما سأله
- مَيمون : منين جبتها
رَد عليه ابو التكسي .. من اليرموك
هز راسه وإلتفتت إلي طبيت لبيت تقريبا صغير فتت كبالي الصالة خليت تليفوني على الميز
ما اتهتميت لشي إجاني صوته خَلفي
- مَيمون : الظاهر راح تصير علاقتج قويه بالحزام
إنداريت اله شفت بيده الحزام هزيت راسي وفتحت قميصي نزعته بسرعه وإنطيته ظهري
- باريا : اضرب
جرني من شعري قربني إله
- مَيمون : باليرموك ؟ متوبين
باوعت بعيونه بكل قوه
- باريا : متوب وانتَ مدخلني لتَلَ خان ؟ لو تكلي تعاي استخرجي اعضائه ؟
عِصَر زندي بقوه
- مَيمون : خل اكلج طك بطك اعرف مراح تسويها واعرف لو تساومتي وي الموت تموتين وما تخضعين الهم وكل خطوه انا مخططها
ضحكت بشكل مُستفز
- باريا : اي عفية اي هسه لازم اصدك وابوسك واكله اوووووي شكددد حَنيننننن
أبعدني عنده اتحضرت للضرب هاهيَ سمعت صوت شي وكع وقرب ايده خلى اديه على كتفي
وإتقرب بهدوء همست بصوت ناصي
- باريا : لتعض اتسمم من وراك الجلب
باس كتفي العاري وضغط عليه كعدت بالكاع وبعده مثبتني اول مره اشوفه بهل هدوء
- مَيمون : اذا سمعت بيج رايحه مره ثانيه تدرين شسوي ؟
- باريا : متكدر تمنعني
باس كتفي بقوه اكثر حسيته اتوحش
- مَيمون : ترى بعدني ما متخبل
- باريا : ليش تضوج من الحقيقة ؟
حسيت بأظافره وهي تنغرس بكتفي
- مَيمون : صيحي
ضحكت بصوت عالي
- باريا : زين انتَ إرتكتبت خطأ لا يُغتفر من وديتني وبمناسبه يعرفون ابويه اروح الهم وممكن اشتغل ضدك ؟
إبتعد وصار كدامي بقيت بنفس وضعي
- مَيمون : متكدرين تدرين ليش ؟
إستغربت شنو ما اكدر
- باريا : ليش
- مَيمون : اليشتغل يشتغل سكته مثل هسه انتِ شنو جانت تهدد بيج تكلج اسوي هيج وهيج لو بعد ما خططت لكلشي اجيتي ؟ ، فاشل اليحجي عن خططه هذا ما اخاف منه كل شي ميسوي
ضحكت بداخلي ليش اني مراح اسوي شي ؟ هو فعلا اشتغل سكته
- باريا : اها
- مَيمون : تردين تأذيني مو
حسيته ديقره افكاري بوكتها مثلت القوه
- باريا : ما اريد شي بس اتطلك
نزع الفالينه الداخليه واتقرب جاب ديتول
وقطن بقيت اباوع عليه وهوَ يتحرك كمية الحقد البكلبي عليه متنوصف
سحبت القميص اريد البسه بس رَد عليه
- مَيمون : شني حجة وياج وسام
صفنت يا وسام ثواني واتذكرته يمكن نفسه الحجة ويايَ حجيت
- باريا : مكال شي
هز راسه وسحب راسي خلاه بالكاع خله شويه ديتول بالقنطة خلاها على خدي صارت عيوني عليه ضحك
- مَيمون : تدرين متعجب بيج اتزوجتي بس علمود تخافين عليه
- باريا : اشوفه شي طبيعي لان مأذاني فد يوم
حجيت بداخلي حتى لو ما احبه ما اتحمل فكره شخص يتاذة بسببي علي الدُر بدون اي شي مجرد شكله ينحب تصرفاته مو بس ويايَ وي اي شخص
- باريا : شعجب مضربت ؟
- مَيمون : باجر اهلي يجون ما اريد احد يدري وفعلتج مينسكت عنها يعني لتظنين سكتت شويه يعني نسيت
فعلا ذيل الجلب ما ينعدل شحجي وياه
- باريا : جوعانه
كومني من إيدي كمت وياه كلقشمر
وكف كبال الثلاجه وقفلها بيبيتي مجانت تسويها
ضحكت بوجه
- باريا : ما ميته على اكلك مو عينا على اللكمة اهل خير احنا
- مَيمون : خل تفيدج هذني الحجايات
مماكله اي شي ادور على بطل مي اي شي اشرب شنو اعيش على الطاقة الشمسيه
طلع من المطبخ فتحت الحَنفيه اشرب مَي منها
مراح ينطيني لو طلبيت
رحت ادور على تليفوني ملكيته ثواني واتخبلت
ادور عليه لكيته كاعد يكلب بيَ
وكفت كدامه وصيحت
- باريا : انطيني تليفوني
لكيته يدور بالرسائل ماسحه كل شي مخايفه بس خفت خاف حَسناء تجفص
ثواني وانطاني اياه اخذته على كلبي ما مخليه بيه رمز
شفته كام مادري وين بقيت كاعدة بالصاله باوعت على وردة من الصبح مماكله اكل هاي الورده اتقربت الها حركتها اصطناعية امداه
بقيت اباوع البيت يخنك صغير لبست قميصي واخذت الحزام بعده بالكاع هههه
شلته ورحت للمطبخ وصلت لمرحلة لو مركة شجر هم اكلها اريد اي شي اكله فتحت الكاونتر ماكو شي شدعي شحجي حتى على الاكل
صعدت على الدرج فوك غرفة جان بابها مفتوح طبيت الها لكيته على الجربايه وكفت بالباب وهوَ منطيني ظهره
إتذكرت ضربته إلي والحزام بيدي باوعت عليه
اخذت نفس سريع وقرار مُتسرع
اتقربت بهدوء وهوَ يكلب بتليفونه حسيته راح يلتفت إلي بحركة سريع ضربته على كفته بالحزام وبقيت بمكاني
جان تصرف مجرد نابع من حقد وقهر وجوع واتجمعت عليَ شفته كام بسرعه جنونيه ما لحكت حتى ادير وجهي
ذبيت من ايدي الحزام واول كلمة كلتها
- باريا : مو اني الضربتك عليك الله لتضربني
يمكن هي بس مره ضربني بس خلت بداخلي خوف جبير
اتقرب قفل الباب وراح على الكنتور طلع قميص واني احتار وين اروح الباب قفله واخذ المفتاح
اخذ القميص وشكاه لوصل
واشوف النار البعيونه يجدحن صعدت على الجربايه وهوَ يتقرب خطوات بدون ما يحجي اي كلمة الموضوع خوفني
صاح عليه بصوت رج البيت
- مَيمون : خل اشوف يا کوا* يحميج مني
يحجي والتليفون يدك سحبت تليفونه وهوَ اتقرب بسرعه فتحت الخط حاولت احجي مَيمون اخذ التليفون وصيحت
- لتأذيني اخر مره
ذب التليفون واتقرب عليه سحبني بسهولة
- مَيمون : اخطئي وكولي لتأذيني ولازم ما اذيج واعذرج واكول عادي مووو؟
نطقت جملتي والدموع اتجمعت بعيوني كأني طفلة
- باريا : هوَ هيج جان يعاملني .
<><><><><>
شلونجن روحي ؟ ، شلون اخبارجن طمنني عنجن شكد احبجن واحس روحي محضوضه بيجن راح تنتهي هل سنه واحنا سويه
ان شاء الله احاول هل ايام انزللكم احداث مُستقبليه يكون قبل موعد نزول البارت والإسبوع الجاي يمكن يكون اخر بارت واتوقف لفتره الإمتحانات والروايه ان شاء الله تنختم ببدايه العطلة الربيعيه النهاية مُرضية جدًاااا .
بس شويه راعو ضروفي المدرسية واني لو بيدي كل يومية انزل بس شبيدي عليكمم اتمنى تسامحوني
عددنا الان 174 k ✨️
<><><><><>
لنا لقاء اخر ... اعزائي