رويدة من بعد حادثة الإغتصاب اللي صارتلها نفسيتها
ادهورت وبدت تشوف ف كوابيس ف نومها وديما وهي
سرحانه وتفكر 💔💔
__________
زينب حالها مش احسن من حال بنتها واجعتها بنتها
يلي ادمر مستقبلها وهي صغيرة وانقلبت حياتها بعد
ماكانت مدللة وديما هي مبسوطه وتضحك انقلبت لي
انسانه انطوائية وكئيبة ومعاش هامها شي ف الدنيا😔
______________
علاء قاعد فكره يرفع فيه ويجيب وحاس انه يلي صار
معاه أبدا مش خيال لكن كيف بيتأكد م الشي هذا مش
عارف وحتى هو مقضي حياته بين شغله ف العيادة
وبين حوشه يلي عايش فيه وحيد وديما سرحان🤔
ويذكر ف تفاصيل هديكا الليلة اللي غيرت هلبا في
حياة أبطالنا ومزال بتغير ف المستقبل
___________
صلاح هذا يلي طلع فجأة والله أعلم شن وراه وشن
الشي اللي مخليه يبي يتزوج رويدة وكيف تجرأ أصلا
وتقدملها مع انه عارف ان رويدة م تحباش ولا اطيقه
بسبب سمعته وكلام الناس عليه
_____________
هذا كله رح نعرفوه ف الحلقات الجاية
تصويت + تعليق+ متابعه...مايخدوش من وقتك
وم تبخلوش عليا بش م نبخلش عليكم في التنزيل أول
بأول وأكيد رايكم يهمني وأصواتكم دعم وتشجيع ليا
❤❤❤❤❤❤❤❤❤❤❤❤❤❤❤
______________
عند علاء
غير حوايجه وكان بيطلع عنده مشوار ووقف قدام
المرايا ويصكر ف بطم سوريته فجأة لاحظ انه في
خبش ف رقبته أول مرة ايلاحظ وجوده وكان قديم
شوية و واضح انه اثر أضافر وقعد سارح ب خياله
واذكر اللي صار معاه هديكا الليلة المشؤومه وكيف
كانت البنت تقاوم فيه وخبشاته ف رقبته هني تأكد
من ان يلي صار معاه م كانش مجرد خيال والأثر يلي
ف رقبته كان أكبر دليل قعمز علاء وقعد شاد راسه
بإديه الزوز وكل مرة يذكر حاجه وكان مصدوم ويحكي
ف خاطره
علاء:- انت شن درت ي علاء شن درت استغفر الله
العظيم
وناض علاء حط لصقة جرح ع رقبته غطى بيها الجرح
وكمل لبسه وطلع
_________
عند مبروكه
صلاح:-شن صار
مبروكه :-وشن بيصير
صلاح:- قصدي شن قالولك وموافقين ولا لا
مبروكة :- بسم الله الرحمن الرحيم شنو علاش
مستعجل المرا بتشاور بنتها وبياخدوا وقتهم وبيفكروا
شنو تحسابها صبلي نشرب؟
صلاح:- اممممم ويفكروا ش المشكله لكن صدقيني ح
يجي يوم ويترجوني ناخدها
مبروكة:- وشنو اللي مخليك واثق هكي
صلاح:- تو تشوفي
مبروكة:- تو نشوفوا😏
___________
علاء وهو مقعمز ف قهوة مع صاحبه زهير
زهير:- وكيف عرفت
علاء نحى اللصقة وورى ل زهير ألجرح يلي ف رقبته
زهير:- اوووو شكله حق ي معلم وكيف صار؟
علاء:- اللي نذكر فيه وكنت نحسابه مجرد خيال بس
انها طلعت قدامي وجبدتها صكرتلها فمها ودرت اللي
درته من غير م نعلم بروحي
زهير:- تي تستاهل دامها طلعت قدامك بعدين كانها
بنت مزبوطة م تطلعش بروحها الوقت هداكا
علاء:- استغفر الله العظيم مستحيل نسامح روحي
طول عمري
زهير:- تي فوتها دسكت تأنيب الضمير ي راجل وعيش
حياتك تو بتقعد تخمم فيها ومن قلها تطلع بروحها
عقاب الليل😠
علاء:- ابصر من هي وشن صاير فيها توا اكيدة تدعي
عليا ليل ونهار وتتحسب فيا
زهير:- انت شنو مشيتلها ت ماهو هي جت لحد عندك
علاء:- وربي لو نعرفها بسس لما نتزوجها كيف م كان
شكلها وعمرها اقل شي بالك ربك يتوب عليا
ويسامحني
زهير:- تتزوج طا🔞 ناقص غير تاخد وحدة عاهرة
م تندري عليها وين كانت ماشية ولا منين مروحه
علاء:-تي نقلك كانت بنت بننننننت اني دمرتها وربي ما
مسامح روحي طول عمري بعدين مش شرط تكون
بنت مش تمام الله أعلم شنو كان السبب اللي مخليها
تطلع هداكا الوقت
زهير:- توا شي صار وفات كيف بتعرفها وانت حتى
شكلها م تجيباش ولا تعرف حوشها ولا اسمها
علاء:- اي صح لازم ننساها ونركز ف حياتي لأن
التفكير فيها مش حيجيب نتيجة بالعكس بيزيدني
تأنيب ضمير وبس
____________
عند ملاك
تحكي مع رويدة
ملاك:- تي جووو فوتي الموضوع لقيت سمية هديكا
متاع المرايات عرفتيها؟ لابسة لبسة لتوا م عرفتش
لونها لا تعرفيها هي رادة عاللبسة ولا اللبسة رادة عليها
مالا كان تشوفي مرام الدرية صاهدتها الشمش وحاطة
فاونديشن مش ليها لين مولية رصاصية الحاصل انه
اني احلى وحدة فيهم وقفطاني كلهم هبلو فيه ويسألو
فيا منوين شاريتيه وبكم وووووو
رويدة:- اما قفطان لبستي
ملاك:- قفطانك انتِ اللي لبسته ف عرس هيفاء
رويدة:-😂 وكيف خلاك عبدو مشيتي
ملاك:- تي بجهد جهيد عطاني التصريح وايوصي ألبسي
نقاب وم تطلعيش هكي والبسي عباية ووووووو
رويدة :- النوعيات هذه يابياخد بنت خالته يابنت عمه
ملاك:- نننننننننن اني كلبة اصلا اللي جاية نحكي
ل وحدة ق🔞 زيك... قولي ي عنز
رويدة:- نعم
ملاك:- خير بلاك معاش فتحتي نت
رويدة:- علاش
ملاك:-شي غير استغربت قلت خير بلاها الفرخة هذه
مش علي بعضها
رويدة:- م خيرني شي كساد
ملاك:- تعالي كسدي عندي
رويدة:- تو نشوف ماما كان خلتني تو نمشيلك
ملاك:- مصح وجهك من امتا امك تشد فيك عليا
رويدة:- 😔
ملاك:-حلي فمك خيرك؟
رويدة:-م خيرني شي
ملاك:- مالا سكري فمك وتعالي خ نكسدوا
رويدة:-به
ملاك:-باي توا
رويدة:-باي
وطلعت رويد جنب أمها
____________
عند زينب
مقعمزة وتخمم في رويدة واللي صار معاها
رويدة:-خيرك في شنو تخممي
زينب:- شنو لابسة وين بتمشي
رويدة:- بنمشي ل ملاك شوية مليت من قعدت الحوش
زينب:- استني نمشي معاك م تمشيش بروحك
رويدة:- هيا
لبست زينب وجت بتطلع فجأة وصلها مسج مكتوب
فيه
( لو خايفة ع سمعة بنتك خليها توافق )
زينب:-😳
رويدة:- خيرك ي ماما شن في
زينب:- اقري
رويدة:- ومنو هذا
زينب:- وين نندري ع بلاه اني اصبري خلي نعاود عليه
وعاودت زينب عالرقم يلي بعتلها المسج
زينب:- الو منو انت؟
........:- منو عمتي زينب؟
زينب:- اي منهوا انت وشن قصدك بيه الكلام هذا
صلاح:- اني صلاح وقصدي اللي فهمتيه لو خايفة ع
سمعت بنتك وافقوا بالحسنى خير من الفضيحة
زينب:- فضيحة شنو؟
صلاح:- أسألي بنتك
زينب:- يعني انت اللي....
صلاح:- اييييييوا بالزبط
زينب:- حسبي الله ونعم الوكيل فيك دمرتلي بنتي الله
لا يربحك ي واطي انشالله تلقاه ف صحتك
صلاح:- هيا نستنى في الرد وانتِ اختاري ياتوافقي
ياتنفضح بنتك وتوا تشااااو
زينب:- الحقير الله لا يربحه الله ينتقم منه هالواطي
رويدة:- خيره شن قلك😳
زينب:- طلع هو والله الا كنت شاكه فيه من لما قلتي
واحد سكران الا قلت مايطلع الا ولد مبروكة الله لا
تباركله أيام 😭
رويدة:- لالا مستحيييل مستحيل يكون هو
زينب:- لا هو طلع بعدين هو شن عرفه باللي صار
معاك لو مش هو نفس الشخص
رويدة:- وشن قصده ب وافقي؟
زينب:- ماهو جت أمه امس تخطب فيك غير اني
م قتلكش لأني ناوية بنقلها م فيش نصيب
رويدة:- وتوا؟🥺💔
زينب:- شنو توا؟ لو يموت ما نعطيك ليه ناقصني غير
صلاح اللي مايصحاش بكل وشاد الطرق 24ساعة
ومامخلي حد ف حاله
رويدة:- وكيف بديري ي ماما بالله عليك ديري حل
مستحيل ناخده اني 😭
زينب:- ياااااارب افرجها من عندك لانا صحاب شر
ولانا م الناس اللي تتكلم علي اعرض غيرها هاربين
علي رواحنا وكافيين خيرنا وشرنا علاش ايصير فينا
هكي من دون الناس
ومصارش م الطلعة ورويدة قعمزت من قوة الصدمة
وقعدت تذكر ف هديكا الليلة وقعدت تقارن بين
الشخص يلي اعتدي عليها وبين صلاح وكانت شاكه
يكون صلاح هو اللي دار العملة لأن كان في اختلاف ف
الهيئة لأن يلي اغتصبها كان طويل وعريض بينما صلاح
كان قصير وضعيف وقعدت شاده راسها وتحاول تذكر
اكتر
____________
😳
مش ع أساس علاء هو اليييييي....؟
باهي وصلاح هذا شن عرفه بالموضوع🤔
وزعما حق بياخد رويدة؟؟ غبارة كنهذا😱
بكرا رح نعرفوا كل شي
وتمت + نحبكم+ يتبع...#
❤❤❤