#صاحب الثام الاسودِ
"أبدي مِنْ الوَجع
مِنْ الصَفر مَليت"
---------
نمت بدون ماحس من التعب والصريخ والبجي نايمه واحس احد يحركني ويشيلني من مكاني وعدل كعدتي فتحت عيوني بتعب شفته السفاح دفعته على كيف لان مابيه اتحرك
-: بس شويه بويه شمسويه بروحج مغركه دم كومي غسليي
هزيت راسي لا ودفعته
-: كله من وراك ياخايس ابن ****انعل ابوك
جرني من ايدي بقوه وحط ايديه
جوه رجلي وشالني دفعته بقوه
واحوس اريد اوخر واطفر
مايخليني لازمني دخلني
الحمام جان داخل الغرفه فتح الحنفيه
وقيدني اريد اضربه ماكدر صار يغسل
بوجهي لان كله دم غسل وجهي وطلع
كلينس من جيبه ويمسح وجهي
على كيف خلص ودفعته بقوه ومشيت
اعرج احاول اوصل للجربايه لحد
ماوصلتلها كعدت عليها ولازمه خدي
يوجعني وبجيت بقوه اصيح واغلط
عليه وهو ولا مهتم ينضف بالغرفه
كمت ووكفت كدامه جان لابس اسود
وملثم وشعره جان قصير ونازل على
وجهو وبس مخوزر تقربت يمه
ووكفت كدامه خزرني وهز رأسه بمعنى شكو؟
خفت منه حيل خزرته تخوف
ردت اغير رأيي بس لا الكرامه اول
خزرته وهو ابتسم جان اضربه بصدره بقوه
حسيت ايدي نكسرت وهو ولا تحرك ابتسم ولزم شعري بقوه غوركن عيوني
وتندمت على الي سويته
-:اله تنكتلين؟
بجيت بقوه وتفلت عليه واعيط
-: زمال ثور يالمطي رجعني
والله اكتلك اموتككككك
لزمني من فكي بقوه حسيته نكسر
بايده يحجي ويهز براسي بقوه
-: باعي بويه لتخليني اطلع
من طوري واحطج هنه اكسر راسج
بجيت بقوه ولازمه ايده الي
على راسي واشهك
-: انعل ابوك ماتخوفني
عوفني امداك
لزم ايدي المورمه على كيف
-: ماتخافين مني مو؟
دفعته واحاول افك ايدي منه
مايفيد بجيت بقوه اناشغ واغلط عليه
-: عوف ايدي ابن الچلاب عوفهاااا
عصر ايدي بكل قوه حسيت روحي
شاغت صرخت بكل قوه احس صوتي
راح ادفع بي بقوه وهو لازم ايدي
ويعصر بيها ادفع بي وابجي اصيح
اغلط وافشر بس اريده يوخر دفعته
بقوه وهو يعصر بيها ازيد بجيت
هواي وواصيح عليه مايعفوها
جانت حيل تأذيني وكعت بالكاع وايدي
لازمها مرفوعه ويعصر بيها ابجي
بقوه احس دخت حيل اريد
انطق ماكدر احجي نزلن دموعي
وشهكت شهكه شكت صدري
وحجيت صوتي مخنوك وناصي
هـَمم -: حباب ايدي
رفعت وجهي اله بترجي عيوني
مليانه دموع اشوف مغوش
رخه قبضته على ايدي وكعت منه
لزمتها دايخه حيل وامسح عليها
بخفه احس بالمكان يدور حواليه
وشوشه براسي قويه نغزات بكلبي
راشديات خفيفه بوجهي
واسمعه يصيح باسمي بس
ماكدر اجاوب ولا انطق وصوته
صار بعيد ارفع بايدي
وتوكع اريد احجي اريده ينقذني
راح اموت اشوف مغوش وشاشه
سوده واخيرأ انتهى هاذا الشعور
ورحت للضلام الدامس
احس نحطيت على فراش ناعم وبطانيه
حيل دافيه وريحه طيبه افتح عيوني
واسدهن ماشوف شي مغوش عصرت
عيوني بقوه وفتحتهن واخيرا
كدرت اشوف شفته كاعد يمسح على وجهي وعاكد حواجبو
مسح على راسي ووخر الشعر الي
على وجهي وكال
الــسـفاح-: نامي بنيتي ماشبعتي
صريخ وبجي ونوح
اريد احجي ماكدر دايخه حيل
وعيوني تنسد من وحدهن اريد
احجي واخربط بالحجي
-: تف عليك
سديت عيوني وماسمع شي غير
ضحكاته المرعبه بقيت شويه وغفيت
___
هـَمم -: اغمض عيوني وافتحهن ماشوف شي مغوش عصرتهن حيل وفتحتهن اشوف شويه عدل لفلفت روحي بالبطانيه جانت الغرفه ضلمه كُلشي ماشوف والشباك يدخل هوه بارد حيل جانت البطانيه دافيه بس البروده اقوه منها ارجف بقوه واحس جسمي جمدددد
كمت من مكاني واني ملفلفه روحي بالبطانيه وتسحل وراي ماشوف شي امشي بالمجهول لحد مانركعت بالباب وصار صوت قوي لزمت راسي متوجعه ومسحت عليه كضيت اليده واحاول افتحه مانفتح دكيت بالباب بكل قوتي محد يرد ادك بقوه ومحد موجود خفت حيل نوب الغرفه ضلمه وانا اخاف من الضلمه كعدت يم الباب وحطيت ضهري عليه وانتجيت بجيت بقوه خايفه واتخيل اشياء بالغرفه واباوع بانحائها تفف عليك السفاح كله من وراك هيج صارلي
لفلفت روحي اقوه ورجفت بقوه واسناني يرجفن والشباك مفتوح كبر حتى كبر خاطفني وهوه شباك مايعرف يصلحه همداني لو باقيه بالمخزن ابركلي
كمت من مكاني ودكيت الباب اقوه محد يرد والبطانيه كل ثانيه تطيح مني وخرتها عني وشمرتها بالكاع زادت رجفتي بس ماهتميت لزمت يده الباب افتح بيه بقوه وادك بالباب واصيح باعلى صوتي
-: افتحليي البابب راححح اموتتتتت
وكعت بالكاع وجريت البطانيه غطيت روحي بيها حيل تعبانه ودايخه ماكدر اعين روحي وماماكله شي صارلي هواي رفعت ايدي ماشوفها من الضلمه بس احس عليها من ترجف وحتى رجليه ماكدر اوكف عليهننن الله لايوفقه السفاح الخايس بجيت بقوه اشهك وراسي يوجعني لزمت خدودي باردات حيل حضنتهن اتدفه بايديه جنت كاعده بالزاويه يم الباب وغفيت واني مادري
احس بايدين دافيه تحضن وجهي وتمسح عليه واحد يصيح باسمي فتحت عيوني شفته السفاح متربع وكاعد كدامي وحاطني بحضنه دفعته بخفه واريد احجي احس صوتي رايح ووجهي احسه شعل نار
الـسفـاح-: مصخنه دستجني خلشوف دربي
دفعته بايدي على كيف ودنكت راسي اريد انطق ماكدر صوتي يوجعني وكدرت احجي بس اعتقد ماسمعها
هـَمم -: حيوان .
ابتسم وشالني دفعته بقوه ابجي واريده يوخر واغلط عليه وهوه ولا مهتم بس ادفع بيه وماخلي يشوف دربه اخر شي طكت روحه دفعني على الجربايه وطلع حبايه من جيبه وباوعلي بنضرات ماعرفت افسرها
عيوني غوركن بالدموع وخفت حيل وصرخت عليه وهو يتقرب مني ومخنزر طفرت على الجربايه ونمت عليها نوب البطانيه يم الباب ماكدر اخذها نمت نفس الجنين يعني مونمت غفيت تمددت وحطيت ايدي على حلكي بقوه احسه نجعص
تقرب يمي وصار فوك راسي صارت رجفه بجسمي ورجعت نضري لغير شي وغمضت عيوني حسيت نسحبت من خصري وشالني بقوه وكعدني بحضنه دفعته بقوه اريد احجي وجان اعطس بوجهه مسح وجهه وضحك
الــسـفاح-: عفيه
دفعته بقوه واصرخ وابجي وهو قرب الحبايه لحلكي سديت حلكي قوي وهو خزرني
الـسـفاح-: ليش تتعبين نفسج انتي راح تبلعينها تبلعينها
من بين صراعي بحضنه وضربي اله قرب الحبايه لحلكي وحطها بنص حلكي ولازمه بقوه بجيت ضعفت حيل وماريد ابلعها
صرخ بوجهي بصوت خشن حاد خلى اطرافي
تتراجف من الخوف
-: بلعيههااااا!!!
-: مااااا ابن الجلابببب
لزمني بقوه من خصري وعصره صرخت متألمه وبلعتها بالغلط لزمت حلكي اباوعله مصدومه ودموعي تنزل
-: حرامم عليككك بلعتهاا كله من وراك
ضحك وانا احس بدوخه قويه احس ايديه ضعفت ماكدر ارفعهن بس اريد انام وارتاح همست
هـَمم -: اريد انام
هز راسه بلا واني راح اتخبل اريد انام وارتاح
ضربته على صدره بحقد وصرخت بوجهه
هـَمم-: كتلككك اريددد اناممممم
ابتسم وماهتم واني راح اموت بس اريد انام وارتاح
باوعتله بنضرات ممزوجه بالحقد والكره عكس نضراته الهادئهه، غمضت عيوني ورجعت فتحتهن احاول اتمالك نفسي
شالني وودخلني للحمام وغمضن عيوني او غفيت
يتبع🦋✨
الكاتبة روجـين الـ علي 💕.