ရိပေါ်မနက်အစောကြီးကတည်းကSeanတို့ကျောင်းရှေ့ကအုတ်ခုံမှာထိုင်စောင့်နေတာ ကျောင်းတက်ခေါင်းလောင်းထိုးတော့မယ် မျှော်နေတဲ့သူကအခုထိမလာသေး ရိပေါ်လက်မှာပတ်ထားတဲ့နာရီကိုကြည့်လိုက် လမ်းကိုကြည့်လိုက်နဲ့တစ်ယောက်တည်းအလုပ်ရှုပ်နေတာ ဘေးကသူငယ်ချင်းလာတာတောင်မသိလိုက်
"ရိပေါ်....ဝမ်ရိပေါ် မင်းဒီမှာဘာလုပ်နေတာလဲ"
"Seanကိုစောင့်နေတာ အခုထိမလာသေးဘူး"
"ဒီမုန့်တွေကဘာလုပ်ထားတာလဲ"
သူ့ဘေးကမုန့်နဲ့အအေးထည့်ထားတဲ့စက္ကူအိတ်လေးကိုလက်ညှိုးထိုပြတာကြောင့် မုန့်ထုပ်ကိုသူ့ပေါင်ပေါ်ကိုကောက်တင်လိုက်သည်
"အဲ့ဒါSeanအတွက်"
"အော်အေးပါကွာ အတန်းနောက်ကျအုံးမယ် မင်းရဲ့ကလေးကကျောင်းမလာဘူးထင်တယ်"
"မဟုတ်လောက်ပါဘူး လာမှာပါ ငါခနစောင့်လိုက်အုံးမယ်"
"အင်းအင်း အဲ့ဒါဆိုငါသွားနှင့်မယ်"
"အင်း ကျင်းလုံ သွားနှင့် မစောင့်နဲ့တော့"
ကျင်းလုံသူ့ဘေးကထွက်သွားပြီးမကြာပါဘူး ကားအဖြူလေးတစ်စီးကျောင်းရှေ့ထိုးရပ်လာသည် ပြီးတော့ကားထဲက ကျောပိုးအိတ်ကပိုကရိုလွယ်ကာပြေးထွက်လာတဲ့sean
ရိပေါ်လဲ seanကိုတွေ့တာနဲ့မတ်တပ်ကလေးထရပ်လိုက်သည်
"Sean ကျောင်းနောက်ကျနေပြီ"
"အာ...ဟုတ်တယ်ကော ကျွန်တော်အိပ်ယာထနောက်ကျလို့"
ရိပေါ် သူ့ကိုကောလို့ခေါ်လိုက်တဲ့အသံလေးကြောင့် နားကြားမှားသလားလို့ပြန်မေးယူရသည်
"ဘယ်လို ကောဟုတ်လား"
"အာ ဟုတ် အဲ့ဒီဘက်က ကျွန်တော့ထက်ကြီးတယ်လေ အာ့ကြောင့်ကောလို့ခေါ်လိုက်တာ"
"ဟုတ်ပါပြီဗျာ seanအင့် မုန့်စားလိုက်နော်"
Sean သူ့ဆီကမ်းပေးလာတဲ့ စက္ကူအိတ်လေးကိုကြည့်ကာ သူ့အတွက်လားဆိုပြီး သူ့ကိုယ်သူလက်ညှိုးထိုးပြတော့ အရှေ့ကလူကခေါင်းငြိမ့်ပြသည်
"Seanစားဖို့ဝယ်ထားတာ ကိုယ်အစောကြီးကတည်းကထိုင်စောင့်နေတာ သွားတော့လေ ကလေး ကျောင်းနောက်ကျနေပြီ"
သူ့ကို မျက်လုံးလေးပြူးကာကြည့်နေတဲ့သူကို ကျောင်းနောက်ကျနေကြောင်းပြောတော့ ဟုတ်ကဲ့ဆိုပြီးကျောင်းထဲပြေးဝင်သွားသည် လမ်းတစ်ဝက်ရောက်မှ ပြန်လှည့်ပြီး ခေါင်းလေးငုံ့ကာ ကျေးဇူးတင်စကားပြောတဲ့ကလေးက တစ်ကယ်ချစ်ဖ်ု့ကောင်းလွန်နေသည်
ရိပေါ် ထိုကလေးကိုပြုံးပြီးကြည့်နေလိုက်သည် sean ကျောင်းထဲဝင်သွားပြီး အရိပ်ကလေးမျက်စိရှေ့ကပျောက်သွားမှ ရိပေါ် သူ့ကျောင်းဘက်ပြန်လာခဲ့တော့သည်
.
.
.
.
.
.ရှောင်းပေါင်တို့သူငယ်ချင်းနှစ်ယောက် နေ့လည်မုန့်စားဆင်းချိန်ရောက်တော့ ဘယ်မှမသွားချင်တော့တာနဲ့ အတန်းထဲပဲထိုင်နေလိုက်သည် ရှောင်းပေါင်ကတော့ ခုံပေါ်ခေါင်းမှောက်ပြီးအိပ်လို့ ထိုအချိန်လုဝေက ရှောင်းပေါင်ကျောပိုးအိတ်နားက စက္ကူအိတ်ကလေးကိုမြင်တော့ ရှောင်းပေါင်လက်မောင်းကိုလှုပ်ပြီးမေးသည်
"ရှောင်းပေါင်...ရှောင်းပေါင်လို့"
"ဘာလဲ လုဝေရာ..."
ရှောင်းပေါင်အိပ်ပျော်ခါနီးနေမှ လက်မောင်းကိုလှုပ်ခါပြီးခေါ်နေတဲ့သူငယ်ချင်းကြောင့် နိုးသွားပြီ မျက်လုံးမှိတ်ရက်ကလေး ပြန်ထူးသည်
"အဲ့ဒီစက္ကူအိတ်ကဘာလဲ ငါမနက်ကတည်းကကြည့်နေတာ"
လုဝေပြောမှသူသတိရသည် မနက်ကဟိုတစ်ယောက်ပေးသွားတာ ဘာတွေလဲသူလဲမကြည့်ရသေးဘူး မုန့်လို့တော့ပြောလိုက်သံကြားတယ်
"ဟင်ရှောင်းပေါင် ဘာလဲလို့"
"အော် အင်း မုန့်တဲ့ ငါလဲမသိဘူး"
"မသိဘူးဆိုတော့ မင်းဝယ်လာတာမဟုတ်ဘူးလား"
"မဟုတ်ဘူး ဟိုတစ်ယောက်ပေးတာ"
"အော် ငါသိပြီ အဲ့ဒါဆိုလဲစားလိုက်အုံးလေရှောင်းပေါင် ဗိုက်ဆာနေမယ်"
"အင်းအင်း"
သူ့ဘေးကစက္ကူအိတ်ကလေးကိုယူပြီးဖွင့်ကြည့်တော့ Sandwichတစ်ဘူးရယ် strawberry juiceတစ်ဘူးရယ်
သူကြိုက်တဲ့strawberry juiceကိုတွေ့တော့ ရှောင်းပေါင်မျက်လုံးလေးတွေအရောင်လက်သွားပြီးချက်ခြင်းပဲယူသောက်လိုက်တယ် ပြီးတော့စက္ကူအိတ်ထဲ စာရွက်လေးတစ်ရွက်ပါတာမို့ ဖတ်ကြည့်တော့
📃Seanကြိုက်တတ်တဲ့Strawberry အသီးလေးတွေနဲ့ဖျော်ရည်ကို အခွင့်အရေးရရင် ကိုယ်ကိုယ်တိုင်ဖျော်ပေးချင်တယ် အခုတော့ဒီjuiceလေးပဲပေးလိုက်တယ်နော်♡♡♡
အောက်ဆုံးနားကအသည်းပုံကြောင့်ရှောင်းကျန့်ရင်ထဲ ထိတ်ခနဲတောင်ဖြစ်သွားတယ် ဒီလူအခွင့်အရေးရရင် ရသလိုကို လူကိုကလိကလိလုပ်နေတော့တာ တွေ့တာမကြာသေးဘူး ဘာဖြစ်ချင်နေမှန်းလဲမသိဘူး သူကရောဘာလို့ ဒါလေးတွေ့တာနဲ့ရင်ကတုန်သွားရတာလဲ
"ဟူးးးးတစ်ကယ်ပါဘဲ"
သူသက်ပြင်းချပြီးတိုးဖွဖွပြောလိုက်သံကိုလုဝေကကြားသွားတယ်ထင်တယ် ဘာဖြစ်တာလဲဆိုပြီးမေးငေါ့ပြလာတာနဲ့ သူလဲပြန်ပြီးခေါင်းရမ်းပြလိုက်ရသည်
ညနေကျောင်းဆင်းချိန်ရောက်တော့ ရှောင်းပေါင် သူငယ်ချင်းကိုတောင်မစောင့် ကျောင်းတံခါးနားကိုအရင်ဆုံးပြေးလာသည် ပြေးနေရင်းလဲမျက်လုံးကတစ်စုံယောက်ကိုရှာနေသေးသည် သူရှာနေတဲ့သူမတွေ့တော့ မျက်ဝန်းလေးကညှိုးပြီးနှုတ်ခမ်းလေးဆူလို့ ပြီးမှသူဘာလို့ရှာနေမိတာလဲသတိရပြီး ခေါင်းရမ်းနေလိုက်သည်
ဝမ်ရိပေါ်တစ်ယောက်ခပ်လှမ်းလှမ်းကနေ နှုတ်ခမ်းဆူလိုက်ခေါင်းယမ်းလိုက်လုပ်နေတဲ့အကောင်ပေါက်ကိုကြည့်ကာ ပြုံးနေမိသည် အကောင်ပေါက်က ဘာတွေအလိုမကျဖြစ်နေမှန်းမသိ မျက်လုံးကလဲ အငြိမ်မနေ ဟိုရှာဒီရှာနဲ့ ရိပေါ် ဆိုင်ကယ်ပေါ်ထိုင်နေရင်းကနေအကောင်ပေါက်ရှိရာဆီသို့မောင်းသွားလိုက်သည်
"ကလေး!!!"
"မား!"
ရှောင်းပေါင်သူ့အရှေ့ရုတ်တရက်ရောက်လာတဲ့ဆိုင်ကယ်ကြောင့်လန့်ပြီး အမေပါတမိလိုက်သည်
"ကိုယ်ပါ လန့်သွားတာလား"
ရှောင်းပေါင်သူ့ရှေ့က တစ်ကိုယ်လုံးအနက်တွေဝတ်ထားပြီး ဆိုင်ကယ်ဦးထုပ်ကို ဟန်ပါပါလက်တစ်ဖက်နဲ့ပိုက်ထားတဲ့သူကိုသေချာကြည့်နေမိသည် ခေါင်းမော့ပြီးဆိုင်ကယ်ဦးထုပ်ချွတ်လိုက်တုန်းက ပွသွားတဲ့ဆံပင်နက်နက်တွေရယ် ဆွဲဆောင်မှုရှိပြီးယောက်ျားဆန်တဲ့လည်စိရယ် ရက်အုပ်ကျယ်ကျယ်တွေ ပြီးတော့ ဆိုင်ကယ်ဦးထုပ်ကိုပိုက်ထားတဲ့ အကျောစိမ်းတွေထနေတဲ့လက်သွယ်တွေရယ်
"ဘာတွေကြည့်နေတာလဲကလေး ကိုယ်ချောလို့လား"
"အဟမ်းးးမ မဟုတ်ပါဘူး မနက်ကကျောင်းအင်္ကျီနဲ့မတူတော့လို့"
ငေးတာလူမိသွားတော့ အရှက်ပြေချာင်းဟန့်လိုက်သည်
"အော် ဟုတ်တယ်ကလေးရဲ့ ကိုယ်မနက်ကကျောင်းကိုခနပဲလာတာ ပြိုင်ပွဲကမပြီးသေးဘူးလေ လေ့ကျင့်ရေးထပ်ဆင်းရမယ်"
"ပြိုင်ပွဲ?ဆိုင်ကယ်ပြိုင်တာလား"
"အင်း ဆိုင်ကယ်မောင်းပြိုင်တာ"
"ဝါးးးမိုက်လိုက်တာ"
"သဘောကျလို့လားကလေး"
မျက်ဝန်းတောက်တောက်ကလေးတွေနဲ့အံ့သြဟန်ပြနေတဲ့ကလေးက သိပ်ကိုသဘောကျနေတဲ့ပုံ
"ဟုတ် သဘောကျတယ်"
"ကိုယ့်ကိုလား?"
"အင်း...မဟုတ်ဘူးလေ ကျွန်တော်ကဆိုင်ကယ်စီးတာကိုပြောတာ"
"ဟားးဟားး ဟုတ်ပါပြီကွာ"
ရိပေါ်စလိုက်တာကို ယောင်ပြီးဖြေကာ အသည်းအသန်ပြန်ငြင်းတဲ့သူလေးကိုကြည့်ကာရိပေါ်သဘောတကျရယ်လိုက်မိသည်
"ဘာရယ်တာလဲ"
"ရယ်လို့မရဘူးလား"
"မရယ်နဲ့"
"ဟောဗျာ"
"ကိုယ်နဲ့ဆိုင်ကယ်လိုက်စီးမလား ကလေး"
"လာမခေါ်နဲ့"
"လာပါ ခနလေးပဲ ကိုယ်ပြန်လိုက်ပို့ပေးမယ်"
"မားဆူလိမ့်မယ်"
"မဆူစေရပါဘူးကွာ"
"အနောက်ကလိုက်ခဲ့ပြီး လမ်းမှာတွန်းချခဲ့မှာနော်"
"အဲ့လိုတော့မလုပ်ပါနဲ့ဗျာ ကိုယ်ကသဘောကျလို့ပါ ဒီက ကလေးလေးကိုသဘောကျလို့"
သူ့အရှေ့ကလူရဲ့စကားကြောင့် ရှောင်းပေါင် မျက်နှာတွေပူထူပြီး နားတွေလဲရဲနေပြီ အရှေ့ကလူကိုကြည့်တော့လဲ သွားဖြီးပြီးရယ်နေသေးသည် ရှောင်းပေါင်အမြင်ကပ်ကပ်နဲ့နှာမှုတ်ပြီးမျက်စောင်းထိုးလိုက်သည် သေချာတာတော့ သူရင်တွေတုန်နေပြီ အဲ့လူအရှေ့ရောက်ရင် အလိုက်ကန်းဆိုးမသိတဲ့ရင်ကလဲတုန်လာပြန်ပြီ စွာတတ်တဲ့အကျင့်လဲဒီလူနဲ့မှ ကြက်ပျောက်ငှက်ပျောက်
"ဟွန့်"ဆိုပြီးမျက်စောင်းလေးလှမ်းထိုးတဲ့သူကို ရိပေါ်ပြူံးပြီးကြည့်နေမိသည် ပြီးတော့သူလဲဆိုင်ကယ်ပေါ်တက်တော့seanကအနောက်ကခွတက်လာသည်မို့ ဆိုင်ကယ်ကိုလမ်းပေါ်သို့ဦးတည်လိုက်သည်
ဆိုင်ကယ်သွားတဲ့လမ်းတစ်လျှောက်သူတို့နှစ်ယောက်ကြားမှာ ခနတော့တိတ်ဆိတ်သွားသည် တစ်နေရာရောက်တော့ ရိပေါ်ကဆိုင်ကယ်ကိုရပ်လိုက်ပြီးနှစ်ယောက်သားဆိုင်ကယ်ပေါ်ကဆင်းလိုက်သည် တိတ်ဆိတ်မှုကိုစတင်ဖြ်ုခွင်းလိုက်သူကရိပေါ်
"ကိုယ်မနေ့ကပေးတာလေးသဘောကျရဲ့လားSean"
"အမ်...အာ..ဟုတ် သဘောကျပါတယ်"
"ပုံလှလှလေးတွေပဲဆွဲနော်"
"ကျွန်တော်ပန်းချီဆွဲတတ်တာဘယ်လိုသိလဲ ပြီးတော့ အိမ်ကိုဘယ်လိုသိတာလဲ"
ရိပေါ်သူ့ရှေ့က ကလေးကိုဆွေးမြေ့မြေ့မျက်ဝန်းတွေနဲ့ကြည့်နေမိသည် *ကျွန်တော်တစ်ယောက်တည်းအကုန်မှတ်မိနေရတာ တစ်ခါတစ်လေတော့ ဝမ်းနည်းမိတယ်ကောရဲ့ ကျွန်တော့်ကိုမမှတ်မိချင်လောက်တဲ့အထိတောင်ကျွန်တော်အမှားတွေကများခဲ့တာလား*လို့ ရိပေါ်စိတ်ထဲကနေတွေးရင်းမျက်ဝန်းထဲကမျက်ရည်လေးတွေဝေ့လာခဲ့သည်
ရှောင်းပေါင် သူမေးတဲ့မေးခွန်းကိုအဖြေမလာတာမို့ အရှေ့ကသူကိုမော့ကြည့်တော့ ထိုသူ့မျက်ဝန်းထဲမှာမျက်ရည်တွေဝေ့လို့ ဒီပုံစံကိုမြင်ရတာ ဘာလို့သူ့ရင်ထဲကနာလာမှန်းမသိဘူး ရင်ထဲမှာဝမ်းနည်းသလို အရေးကြီးတာတစ်ခုခုကိုမေ့နေသလိုကြီး
"ဆောရီးကော ရှောင်းကျန့်ကပန်းချီဆွဲရတာကြိုက်တယ်လို့ညကပြောတာကျွန်တော်မေ့သွားတယ်"
ရိပေါ်သူ့ရှေ့ကလူသားလေးရဲ့စကားသံကြားမှတွေးနေတာကိုရပ်လိုက်ပြီး ပြုံးပြလိုက်သည်
"အင်း Seanလက်ကလေးတွေလဲ ပန်းချီဆွဲရင်သိပ်လှမှာ အဲ့ဒါကြောင့် လက်လှလှလေးတွေကနေ အမှတ်တရလှလှလေးတွေကိုပဲဆွဲနော်"
"ဟုတ်ကော ကျေးဇူးပါ"
"seanသဘောကျရင်ပဲရပါပြီ"
"ပြီးတော့မနက်ကမုန့်နဲ့juiceအတွက်ရော"
"Juiceကအဆင်ပြေရဲ့လား ကိုယ်ကအသီးကိုဖျော်ပေးချင်တာ seanကအသီးဖျော်ရည်ကိုပိုကြိုက်တာမဟုတ်လား"
"ကျွန်တော်ကြိုက်တတ်တာတွေကိုဘာလို့အမြဲသိနေရတာလဲ"
seanစကားကြောင့်ရိပေါ်ရေးရေးလေးပြုံးသည် မျက်နှာကိုတစ်ဖက်လှည့်ကာ တွေးဆဆလေးနဲ့ပြန်ပြောသည်
"ကိုယ်မသိခဲ့တာဆိုလို့မင်းအချစ်တွေပဲရှိခဲ့တာပါကွာ"
ငွေ့ရည်ဖွဲ့တဲ့မျက်ဝန်းတွေနဲ့ထပ်ပြောလာတဲ့သူကိုရဲ့မျက်ဝန်းတွေကိုရှောင်းပေါင်သေချာကြည့်နေမိသည်
"တောင်းပန်ပါတယ် ကျွန်တော်ဘာမှမမှတ်မိဘူး ကျွန်တော်ကိုယ်ကျွန်တော်လဲ သူဟုတ်ရဲ့လားမသေချာဘူး အိမ်မက်ထဲမှာ မက်နေတဲ့နာကျင်စရာတွေကလွဲရင် ဘာမှမသိဘူး"
အိမ်မက်တွေမက်တယ်ဆိုတဲ့စကားကြောင့် ရိပေါ်အံ့သြသွားသည် seanကအိမ်မက်တွေအမြဲမက်နေတာလားသူသိချင်လာသည်
"အိမ်မက်?"
"အင်း...အိမ်မက်တွေတော့မက်တယ်"
"ဘာတွေမက်တာလဲsean ဘယ်သူတွေလို့မက်တာလဲ"
"မသိဘူး မျက်နှာတွေကိုမမြင်ရဘူး ဒါပေမယ့် ဒါပေမယ့်အိမ်မက်တွေထဲကအဖြစ်အပျက်တွေက အရမ်းရင်နာစရာကောင်းတယ် ဘယ်သူဘယ်ဝါမှန်းမမြင်ရတာတောင် ရင်ထဲမှာအရမ်းမွန်းကြပ်တယ်"
"ဟင်? ဘာ...ဘာတွေမက်လို့လဲဟင်"
"မက်တာတော့ခနခနပဲ ဒါပေမယ့်ဒီတစ်ခေါက်နောက်ဆုံးမက်တဲ့အိမ်မက်က အတော်ဆိုးတယ်"
ရိပေါ်သိပ်သိချင်သွားသည် အရင်ဘဝကအကြောင်းအရာတွေများအိမ်မက်မက်နေခဲ့တာလား ဘယ်လိုဆိုးရွားတဲ့အကြောင်းတွေကိုပြန်မက်ရတာလဲပေါ့
"ကိုယ့်ကိုပြောပြလို့ရလားဟင်"
"အင်း အိမ်တော်ကြီးတစ်ခုထဲမှာကောင်လေးနှစ်ယောက်ရယ် ကလေးလေးတစ်ယောက်ရယ် တခြားလူတွေရယ် ကလေးလေးကလှေကားကပြုတ်ကျတယ် အပေါ်ကကောင်လေးကပြေးပြီးဖမ်းတယ် မမှီတော့ဘူး လှေကားအောက်ကကောင်လေးက ကလေးကိုဖက်ပြီးအခန်းတစ်ခုထဲဝင်သွားတယ် ပြီးတော့ပြန်ထွက်လာပြီး ခုနကကောင်လေးကိုဆွဲထိုးတယ် ပြီးတော့ပြောတယ် အရမ်းမုန်းတယ်တဲ့ အပြောခံရတဲ့ကောင်လေးကိုသေချာကြည့်မိတော့ ကျွန်တော်ဖြစ်နေတယ်"
မျက်ရည်လေးဝဲကာ သူ့အိမ်မက်ကိုပြောပြနေတဲ့ ကောင်လေးကို ရိပေါ်ဆွဲဖက်လိုက်သည် ထိုကောင်လေးကိုဖက်ထားရင်းမှ ခေါင်းမော့ကာ မျက်ရည်တွေကျမလာအောင် မျက်တောင်ကိုပုတ်ခတ်ပုတ်ခတ်လုပ်လိုက်သည် အခုသူ့ရင်ထဲမှာလဲစို့နင့်နေတယ် သူကအဲ့တုန်းကအကြောင်းရင်းသေချာမသိဘဲ ပြောဆိုလိုက်မိတာ ကောကအဲ့စကားတွေကိုရင်ထဲထိစွဲသွားခဲ့တာတဲ့လား
"အဲ့စကားကိုကြားရတာ ကျွန်တော့ရင်ထဲနင့်နေတာပဲ
ကျွန်တော်ဘာတွေမှားခဲ့လို့ သူများကအဲ့လိုပြောရတာလဲ ပြီးတော့ အဲ့လူကဘယ်သူလဲ ကျွန်တော်တစ်ကယ်မမှတ်မိပေမယ့်ရင်ထဲတစ်ကယ်နာကျင်ရတယ်"
အသံလေးတွေတုန်ရီကာ မျက်ရည်လေးတွေကျနေတဲ့သူတိုးဖက်လိုက်ပြီး ခေါင်းလေးကိုအသာပွတ်ပေးလိုက်သည် ခနကြာတော့ရှိုက်သံလေးတွေတိတ်သွားတော့မှ ဖက်ထားတာကိုခွာကာ ကောင်လေးရဲ့မျက်နှာကို သူ့လက်ဖဝါးနှစ်ဖက်နဲ့အုပ်ကိုင်လိုက်သည်
"Seanဘာအမှားမှမလုပ်ခဲ့ဘူး အထင်လွဲခဲ့တာ ကိုယ့်ကိုယ်ကိုအပြစ်မတင်ပါနဲ့ မကောင်းတဲ့မှတ်ဥာဏ်တွေကိုသိမ်းမထားပါနဲ့တော့ အများကြီးပိုချစ်ပေးမှာမို့ ဘာမှမမှတ်မိလဲဖြစ်တယ် အဲ့ဒီ မကောင်းတဲ့မှတ်ဥာဏ်တွေကိုပြန်မမှတ်မိချင်ပါနဲ့တော့ နော် ပျော်ပျော်လေးပဲနေပေးပါနော်"
"အဲ့ဒီလူက ကောလား?"
ရိပေါ်နှုတ်ခမ်းကိုကိုက်ရက်သားနဲ့ခေါင်းငြိမ့်ပြမိတော့ ခေါင်းလေးငုံ့ကာငြိမ်သွားတဲ့ကောင်လေး
"ကျွန်တော်အရမ်းဆိုးခဲ့တာလား"
"မဟုတ်ပါဘူး မဆိုးခဲ့ပါဘူး ကိုယ်မကောင်းတာ ကိုယ်မကောင်းတာမို့ ကိုယ့်ကိုပဲအပြစ်တင်ဟုတ်ပြီလား"
သူ့ပုခုံးနှစ်ဖက်ကိုကိုင်ကာပြောနေတဲ့စကားကိုအာရုံမရတော့ အဲ့ဒါဆို သူကရှောင်းကျန့်သေချာသလောက်ရှိပြီပေါ့ တစ်ဖက်လူက သူ့ကို ကိုယ့်ကိုယ်ကိုအပြစ်မတင်ဖို့ပြောပေမယ့် သူတစ်ခုခုလုပ်ခဲ့လို့ အဲ့လိုစကားတွေပြောခဲ့တာပေါ့ သူဘာတွေတောင်လုပ်ခဲ့တာလဲ သူအရမ်းသိချင်နေပြီ သူသေချာသိအောင်လုပ်မှရတော့မယ် သူမနေ့ကမြင်ခဲ့တဲ့ပုံရိပ်အကြောင်းကိုမေးလိုက်ရင် ပိုသေချာသွားမှာ
"ကော ကျွန်တော်တို့ အရင်က ကမ်းခြေသွားခဲ့ဖူးလား"
"အင်း သွားခဲ့ဖူးတယ် သူငယ်ချင်းတွေအများကြီးနဲ့"
"ကျွန်တော်တို့နှစ်ယောက်တည်း သဲသောင်ပြင်မှာအတူတူထိုင်ခဲ့ဖူးလား"
"အင်း ထိုင်ခဲ့ဖူးတယ် အဲ့နေ့က အဲ့နေ့ကကိုယ်ဖွင့်ပြောဖို့လေ မပြောဖြစ်ခဲ့တာ"
သူ့စကားတွေကိုမျက်လုံးလေးပြူးကျယ်ပြီး အံ့သြနေတဲ့သူလေးရဲ့မျက်ဝန်းတွေကို ရိပေါ်သေချာစိုက်ကြည့်လိုက်သည်
"အရင်ကဖွင့်မပြောဖြစ်ခဲ့လို့ နာကျင်စရာတွေဖြစ်သွားခဲ့တယ် ဒီတစ်ခါတော့ ကိုယ်အဲ့လိုတွေထပ်မဖြစ်ချင်တော့ဘူး"
ပြောရင်းseanရဲ့လက်ကလေးနှစ်ဖက်ကိုဆုပ်ကိုင်လိုက်သည် seanကတော့သူလုပ်နေတာတွေကိုမျက်တောင်မခတ်တမ်းလိုက်ကြည့်နေတယ်
"ချစ်တယ် သိပ်ချစ်တယ် ဟောဒီရင်ထဲကနင့်နေအောင်ချစ်ရတာမို့ အနားကထပ်မထွက်သွားရင်ရပြီ ဘယ်တော့မှမမှတ်မိလဲရတယ် ဘယ်လောက်ဆိုးဆိုးရတယ် ကိုယ့်ကိုဘယ်လောက်ပဲနှိပ်စက်နှိပ်စက် ကိုယ်လက်ခံပေးမယ် ရင်နာရအောင်လုပ်လဲလက်ခံပေးမယ် အနားကထပ်မထွက်သွားရင်ရပြီ"
Seanတစ်ယောက် ရိပေါ်ရဲ့မျက်ဝန်းတွေကိုသေချာကြည့်နေမိသည် သူမမှတ်မိတာတောင်ရတယ်တဲ့လား အရမ်းချစ်တာတဲ့လား
သူတို့နှစ်ယောက်ရဲ့အိမ်ပြန်လမ်းလေးက တိတ်ဆိတ်နေသည် နှစ်ယောက်စလုံးက အတွေးကိုယ်စီနဲ့ seanကရိပေါ်ဘက်ကဖွင့်ပြောတာကို ဘာမှပြန်မပြောခဲ့ဘူး စဥ်းစားမယ် မစဥ်းစားဘူးလဲမပြောခဲ့ဘူး ဘာပြန်ပြောရမှန်းလဲမသိခဲ့ဘူး အခုသူ့စိတ်ထဲတွေးနေတာက seanအနေနဲ့လား ရှောင်းကျန့်အနေနဲ့လားဆိုတာကိုပဲ သူ့ကိုယ်သူလဲမသိဘူး သူ့ကိုစကားလာလာပြောတဲ့ရိပေါ်ကို နည်းနည်းသဘောကျမိသလိုပဲရှိတာ ရိပေါ်ကတော့ပြောပါတယ် seanကပြန်မချစ်ချင်ရင်လဲ သူကတစ်သက်လုံးချစ်ပေးသွားပါ့မယ်တဲ့
.
.
.
.
.
.
"ဝမ်ရိပေါ် မင်းနောက်ထပ် ရှောင်းပေါင်နဲ့မပါတ်သက်ပါနဲ့"
"ချစ်နေယုံလေးပါ ထိခိုက်အောင်မလုပ်ပါဘူး မထိခိုက်စေရတော့ပါဘူး"
🥺စာမစစ်ရသေးဘူးနော် ဘာတွေမှားလဲကြည့်ပေးကြပါအုံး🥺 ရွှယ်လုကကန့်လန့်တိုက်အုံးမှာပါ ဘာလို့ဆိုဒီဘဝမှာသူကအမေတစ်ယောက်လေ ပြီးတော့ အရင်ဘဝကနာကျင်စရာလေးတွေက မမှတ်မိခင်ထိတော့ ပါလာအုံးမှာပါ HEတော့သေချာပါတယ်
I'll be there(မင်းအနားမှာ)
Chris Ellina