روح في بحر الظلام

الحلقة الثامنة والثلاثون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفا pahrasoad

مرهم دواها الروح​
وانته الها مرهم​
ماأرهم بلياك​
گلي انته ترهم​
_________________________

رانيا

الزمن للقوي للضالم للباطل
وانا لم يكن لي نصيب من اي من هذه الصفات
هل كنت غبية ام مجرد انسان ذا خيارات محدودة؟

مثل الآلاف غيري من الضعفاء
انا انسان قام بتغطية ذنب انسان آخر برداء خوفي
فأصبحت لا اقل اجراما عنه
شاركتة بالذنب حين التزمت الصمت
شاركني الذنب كل من لم يمنحني الأمان
كل من لم يمنحني حضناً وعناقا
كل من لم يحاورني ويسمع شكواي

ما كانو لي اهلا يوما. والان انا ادفع ثمن اخطائي واخطائهم

وها انا انتضر ان يمضي هذا العسر لعلي يوما اعيش يسرا

على فراشي ذو رائحة المعقمات المركزة سمعت همسه
:راانيا اسسمعي اذاا وعيتي اتصلي على عبد الوهاب
تسسمعيني

:شش شهاب شهااب ورط زياد شهااب

:اششش لتذكرين اسمه اتصلي بعبد الوهاب يفهمج.. ويياي

نزلت الدمعة الحزينة وخنكتني العبرة وعيوني مغمضة رديت:اي
ورجعت غفيت

بديت استعيد وعيي واتذكر كلشي صار
فاتحة عيوني للسقف المشوه

معقولة يكون هو
للمرة الثانية اشك بوجوده
مرة بصوت عبد الوهاب وهسة احس هو اللي شفتة قبل لا افقد
منو جابني لهنا
اريد اتحرك ماكو جسمي متكسر تكسير
حسيت بغرابة بوضعي
نهضت فازة لگيت نفسي لابسة حفاضة
صرخت بكل صووتي

:منوووو منووو منوو لممسسني لااااء للاا لاا ليشش لييش

دخلت مشمش تركض  وبيبي بعدهة

:منو لبسني منوو لييش لابسة هييج اني منوو كان هناا سسمعت صووت هسة

اقتربت مني مشمش دفعتهة
:لجج اححجي منوو هييج سووة

:ااني ااني علكيفج خووفتيني خخل احجي ووياج

:ليش هيج

احجي وامشي واوكع في طريقي للحمام كانت مفاصل ركبي وعمودي الفقري في تصلب مخيف

:لج دباعي بأيدج كانوله شنو ليش صار يومين نايمة انتي

:لا لا منايمة.. لعد وينة زياد ماا اجاا شلون هاي ضحكو علية ضحكو علية ييااا الله ششهاب شهاب السسبب هوو السسبب

بيبي:خاايبة ياهو ضحك عليج اامم المصصاايب ام البلاوي.. يومية طابة علية بفاينة انووب رديتي على ششهاب بحالج بالله هو الرجال يعالج بروحة العزيزة وانتي تتمضيكين علينة تمضيك

عفتهة وركضت للحمام

اقتربت مشمش ليمي شاورتني من بعيد

:عمر يكول لتجيبين سيرة شهاب ولا اللي صار لا تخربين علية شغل..

:عمر؟

:بلي والله اتصل وحتى حجا وياج مساع شنو متتذكرين

:هاا؟

هزتلي راسهة اي

ضليت اتذكر المكالمة وتفاصيلهة

غسلت اكلت جلدي بالليفة اكل
:ياربي يمتة اتعوود يمتة انسسى تتعببت والله تتعبت
لااا هاااي بلعووومي منااا وصخ اذا بقى ينزل بي گمل

وضليت افرك وافرك لحدما نزل الدم
انوب ضليت امسح وابجي
بدلت وطلعت عقمت المكان واماكن ضربات فؤاد اللي كانت جروح ناشفة فقط اثار داكنة

:رانيا ماما تريدج تعالي

:كوليلهة نايمة

:كومي فدوة والله خطية دتبجي تريد تسألج عن زياد

الموضوع يخص زياد تلقائيا گمت وياها
كانت صحتهة على گدهة وتجاهد حتى تتحسن بالعلاجات والمراجعات وعافيتهة في تحسن ملحوظ
حتى لما يبتعد شهاب كان يدز الممرضة بالوقت المحدد تعالج ايدهة

دخلت گعدت يم الباب باوعتلي وجهة غارق بالدمع

:رانيا ماما فهميني شدتسوين وين جاي تطلعين، ولج ما اكدر اتستر عليج بعد وراح تضيفين من بين ادية

:دا اساعد زياد

:ششلون تساعدينة شتساعدين بي زلم كبار ماگادرة تسوي  شي انتي شبيدج ييمة

:باعي لا تبجين اني اعرف شدا اسوي  وزياد راح يطلع بس اصبري شوية

:ششلون فهميني شلون كافي لا تضمين علية لا تعيدين عملة دريد وياي رانيا

:هسسة ششكو تبجين

:تعالي يمي سولفيلي

:لااا اخاف تسولفين وتفضحيني وتضيعين تعبي كلة، اني ادري بيج كلشي تكولين لبابا

:ولج ابوج هسة لو يشوفوج معراية بالشارع مايحاجين الزلمة عندة تسرب بالدم من الكلية جاي يجالع فهمييني ررانيا

:لاا لاا مابي شي يصير زين
ضليت ارجف من الخبر، والقهر نزل دموعي اللي من وقت جلوسي احاول امنعهم

:ماما موو اني السبب والله مو اني بابا ضربو بالسجن، لا تلوموني فدوة والله بعد ما اكدر

:موو انتي هسة هو منوو تاهمج بسس فهميني ووين جاي تطلعين

:تحلفيلي بالقران ماراح تگولين ل احد

:ررانييااا احجي لاا تخبلييني ششجاي تسسوين

حجيت وياها رافعة حواجبي بتحذير :ترة اذا كلتي انهزم بعد متشوفون وجهي لان زياد راح ينعدم اذذا ما طلعناا موو تسسويلي سسالفة

:احجييي

:رحت لدريد
:عززاا العززاج

:الششرطة وياي لاا تخافين ماا صار شي وهو اعترف على نفسة وعل.....

قاطعتني مشمش وهي تصصيح
:رررانيياا صرصر وراج

طفررت منهزمة من الغررفة جسسمي مقشعر بقرف انكث بملابسي  واصيح
:وووينهة ممشمشش تعاالي فددوة ووينه

وكفت يم الباب خايفة مني

همست بصوت اسمعة تحجي وتريد تنهزم:كذب ماك ماكوو صرصر بس عمر كال لتجيبين سيرة ششهاب وانتي ردتي تتحجين

الهبطة العشتهة هدت حيلي، تصلب والالام مفاصلي منعني اضربهة ووراها
مالكيت غير كعدت ابجي بعجز

:اسفة رانياا بس كالو نبهيهة اخاف اذا حجيتي يرجعون ياخذونج

:ششلون  تواصلتي وياهم وية منو حجيتي تعاالي اكولج انتي حاجية وية الملازم حسام لو يتراوالي

:لا والله بس رزلتة

:خررب مشمش كون اكدر الا الا  املخج

:اكلج شنو انتي حية شو صار يومين بلا اكل وماجوعانة

:جوعانة

:يلا كافي لا تبجين فدوة شبيج والله هم كالو اني هم اخاف على زياد والله خاف يسوولة شي

رحت الماما محنية الضهر حجيتلهة مقتطف بسيط ضلت في شك لكن ماعندي حل ثاني

الشارع صار خطر بوقتهة مضاهرات معبية بغداد والدنيا محتركة
بعد يومين جابو شهاب للبيت صدرة ورقبتة وضمدة

زين اني شلون اصبر ضليت مثل انسان يمشي والنار شاعلة بي وميكدر يصرخ

ادخل للغرفة اضرب روحي املخة تملخ ومشمش ماتعرف شكو بس محذرينهه متجيب سيرة زياد كدام شهاب

نذل نذل شلوون ورطة هيج زيااد عمرة ممكمل تسعطعش سسنة  شلون هيج وركة وما رحمة شلون ورط اخوه ليش ششنو السبب شنو هالكره المرعب
معقولة لان حرك بيتة وسيارتة
بس هوو تناازل كدام الشيوخ والناس تنازل عن حقه بابا كالة دين واسدده وبنفسة تنازل ورجع يجي لبيتنه شديصير يا الله
معقولة الشغلة اكبر من هيج ليش زياد ششسويت ماالكيت غير ششهاب تتورط بي

شهاب عايش حريته واخويه هناك الله يعلم بحالة زياد ميتحمل واللي بالسجن كبار بالعمر مراح يتحمل اخاف يضربونة
اخاف يأذونة مثل ما اذوني
يمكن مايعرف النوم يمكن ما ياكل
معقولة يرجع مخبل
لا هو رجال سبع ماعلي شي اصصبري رانيا فدوة
هسة هم شمنتضرين
يلا عاد مو سمعتو مو عرفتو زياد بريئ شوكت يطلع
بعد ملحة الف مرة بلاتصال اجتني من  عبد الوهاب رسالة

:رانيا هذا ماا يكفي يگدر يطلع منه خصوصا اللي وراه ساندتة عصابة خطرة يضيع حقج وحق اخوج اصبري هالفترة شهر شهرين ويتحرر

تخبلت شنوو شهرين يضحكون علية
ذولة شن ناوين 
ليش هيج يسوون بينة

اسسبوع كامل واني اتصل بعبد الوهاب ميرد
ووجود شهاب مسببلي ازمة متشعوطة اعصابي لا اكعد يمهم ولا اكل وياهم وحدي بغرفة المخزن

تصلب الاعصاب والنزيف كان سببه نقص حاد بفيتامين D3
وباقي الفيتامينات وماكنت اخذ لا علاجات ولا مهدئات
صرت ما اثق بي
رجع علية فقر الدم صرت حتى عيوني بالگوة اشوف بيهة

عدا الاسبوع ودخل علية شهاب للمخزن
يتحسس حرارتي
:اططلع ااططلع عووفني اططلع برا.

:ششمالج بوية المرض اكلااج خليني احطلج العلاج رراح تمووتين شوو ارركدي لا وعلي ابو الحسن اكطع نيطج برفسة

:ما اريد ماا اريد شي بس اطلع فدوة

:ااكعدي ااحااجيج

نترت ايدي گعدني بصف الحايط وصار مقابيلي

:شعندج طالعة ويااسيارة اليكول فؤاد نزلج منهة

:كذذاب والنبي كذاب لا صاعدة سيارة ولا نازلة من سيارة انيي ا انيي اني بس اختنكت وطلعت وهم سألوني

:ياهم

:ششعرفني حتى نسسيت شنوو سألوو بس

:احجي الصدك ررانيا ششعندج طالعة بنص الليل

:عموو كاافي فدووة ووخر منيي

عصر وجهة متألم وصاح لمشمش اجتي تركض

:علاكة سودة فوك الثلاجة جيبيهة

:ياااا وين الوح

: بت الفكر مثل ما تتشلبين على السستارة عبالج ما ادري بيج امششي صصعدي على الكرسي وجيبيهة

رانيا:لتصيح عليهة

:مالج غرض

جابتلة العلاكة سحب ايدي
جريتهة منه
:ووخر ششدتسسوي لااا
:معقمة اييدي ماشفتتيني رششيت معقم هااج ششمي
سحب ايدي بقوة ثبت بيهة كانيولا وانطاها مغذي علكتة ابسمار بالحايط

دخل بي ابرة ما اعرف شنو 
:شنوو هاي ششحطيت بي

:حديد، ابر فقر الدم وجهج صاير ليمونة الله يعلم شكد دمج

مشمش:خو نجيلهة بوري صغير تاكلة

:بووري يفلش راسج انشالله كوومي عصريلهة برتقالة بسرعة وكلشي لا تحطين عليه لا شكر ولا ماي

: تصير شوية بس نص كلاص

:وولج بووية كوومي مالي حيل اسسولف

:ماا اريد لتسوون شي

:تردين مو بكيفج لو عاجبتج النومة ساويتي الكاع ماعولنه تكومين على حيلج
انوب لزمتي الشوارع

:الله لاا ينطيكم الله لا يوفقكم انتو  السسبب

:بسسج بوية شدي حيلج خلنا نتفاهم، هواي سوالف نريد نحلهة

سكتت بس كنت مثل بركان،   المغذي يمشي بوريدي
وشربت العصير بلاجبار 
بقيت فترة ايام
صح اعصابي مشدودة وخايفة بس بدني استعاد بعضا من قوته
صار ينطيني ابر للمفاصل
الزمن يمضي وبابا اخباره ما تسر

مشمش كلما اشوفهة دموعهة على خدهة ومن اسألهة شبيج ترد
:بابا
احس كلبي ممرود علي رغم كل الاذية بس بابا الة معزة كبيرة بكلبي حييل كبيرة صعب اوصفهة بس الهموم هواي احتار على ضيم اشمرك يكلبي

مكابلتهة ابجي وياها وامسح بدموعهة ودخل شهاب بأيدة علاكة الادوية
كدام عيوني طلع المعقم فرك ادي
ولطخ وجه مشمش

:مااتتعقمين جاتلج الووصخ
:عززا عموو لتروح تصدك وتخليني اسسبح هسة مو كافي رضت يومية سبحة وحدة

رانيا:كومي اسبحي
:انجبي رانيا ترا روحي طالعة والله احط بيج فشخة على كولة بيبي

:ههههههه تضحكين على امي ولج اصصبري خل تجي لو ما اخليهة تحط بيج فشخة

ابتسمت على مداهرهم ومسحت وجهي من الدموع

ردت تكلمت بصوت ينعوص

:اكلك عمو كافي زرفتو اديهة تزرف خطية، شنو عود انت دكتور
رد عليهة مبتسم:جا شنهي الدكتور احسن مني
:لا لا الله عليك عمو، خاف دكتور وضام علينه
:اي اخاف منج تحسديني عبن العيونهم حلوة يحسدون
:هسة ما افتهمت اسستحي لوو اتعصب
:شو بلا عصبي
:ما اكدر بعد تغزلت بعيوني
:هههههههه موو دكتور يم اللسان بس انا بس داخل دورة وهاي الابر يوصفهن  ابو الصيدلية
مشمش ادريج مخبلة مو تطورين وترحين تبزين روحج لو اخيتج ترة وعلي اشلع اذاناتج
:لا يمة شعلية

:يلا روحي سويلهة اكل ارد اخذهة للطبيب

:طبيب ايش ماا اروح ارريد اناام اني زينة ما بية شي
:ندري زينة بس لازمج تحاليل ودورة ابر دمج راح يخلص

سكتت عنه
العصر طلعنا رحنا لدكتورة طمنتنا الوضع مو خطر بس اهم شي تسترخي

من رجعنا كان الوقت مغرب ابو التكسي ما وكف يم بيتنا وكف السيارة يم بيتنا القديم

:انزلي
:لييش ووين جاايبني
:ااانززززلي
:مااا ارريد ررجعني لييش جبتني هناا رراح تصصير ضلمة ووين جاايبني خااف يقتلوناا هناا
نزلني سحل، ذبلت روحي كلت هاي هية جايبني يذبحني ميريد احد يعرف
شگد جنت اتمنى الموت بس من حسيته صدك خفت
رجفت شايفي من شدة الرعب
ماضل شي يتوسل الرحمة غير عيوني

:امششي لاا تخاافين اريد احجي وياج
دخلنا للبيت كعدت بالطرمة من الهبطة

كومني دفعت ايدة بنتر وكعت وارتديت ما كان عندي ذرة ثقة بأي مخلوق الملم بملابسي على نفسي واتراجع
:كومي طبي جووة ارييد احجي وياج كوومي
صار كبالي
انطاني حباية
:ابلعيهة بدون حجي زايد لا يصعد ضغطج لا تخافين ماكو شي بس احجي وياج

اخذتهة بأيدي المرتجفة اريد بس اهدأ حالة جديدة صايبتني اقل توتر يخلي اسناني تصطك لو تطكطك بقوة
طلع من الغرفة تاركني اصارع افكاري
تأخر تقريبا نص ساعة اسمعه يطكطك بالبيت يمكن سوة لنفسة جاي
رجع كعد بعيد عني ضهرة على الحايط

:يلا سولفي
:شسولف
:شصار وياج بالسجن منو اغتصبج
:مااا ماا محد محد شتحجي انت عموو، كووم كووم وودينيي يمااا

:رررااانيياا وعلي ابو الحسن لو ماحجيتي اذبحج بييدي

:محد عموو محد مااصار هيج ششي فدووة خل نرروح كلبي راح يووكف عليك الله لاا تحجي هيج

:ووولج ييااا محد وولج انتي ططلعتي املخة سالفتج مااتتلزك  اااحجي منوو سووة هييج

:لااا لاا محد فددوة لاا تحجي هييج

:درريد؟
:لا لا والله لاا عليك الله خل نرروح
:خطية ابوج جاي يموت رانيا، فوك الوجع التفكير بيج جاي يزيد مرضة احججي اذذا ماات بركبتج حالة حال زيااد

صوتي كان صراخ عارم وبكاء مخيف جنت احاول انوم اوجاعي وشهاب فزز شكو قهر ووجع  وذل واهانة عشتهة بذاك اليوم :لاااا ماااعليية شمسووية اني ششمسسوية ماا سوويت ششي فددوة لاا تحجي هييج
ماابية ششي ماابيةة ششي

:لاااا تصصااارررخيين صوووتج خن افهمج
جاا بس هو عبالج بسس ابووج وزياد عبالج زيااد اذا طلع راح يرتاح لاا والله فلا يشوف رراحة وين ماجان يتعير بيج وحتى لو كلج اناا ويااج تراه جذاب يجي يووم واعصابة تطلع من قهر العار

:مووو زيااد ززيااد اخووي بس هو يحبني كلكم جذذابين رراح يووكف وويااي اااني اني مااسوويت ششي ماابية ششي دتتجذب انت ججذذاب..

:كفيلج علي ابو الحسن حتى اخيتج تصيريلهة عار سالفة مااتعررسين هااي سولفيهة لخوالج هم يجي اليوم الناس تنگد وتكول شمالها ضالة هاي بيهة عيبة ولوو عرستي راح تنفضحين لان سالفتج مااتنسستر

وحتى مشمشة المالهة ذنب بس تحجي ويكلولهة بيج خير مالعبو باختج بالسسجن

دموع وتعرق فحطت من البجي وانا عيني بعينة متوسعة واني اتخيل اخواني شراح يعيشون بسببي اوخر بالشعر وامسح وجهي ورقبتي متهسترة
اتلفت براسي جنون تام

:ماابية شي اني ماابية شي.. يعني انت تريد تمووتني اذاا تريد تذذبحني بكييفك اني ما ما ماا اخااف

:ماا اذذبحج بسس اتكليلي ياهو ورا سالفتج خليني الملم السالفة.. وهذا الحجي موو مني وحق هذا الله الفوك منج وداني ابوج كال شوفلي يااهو  لعب بالبت خل نسسترها

:اااكبرر كذذاب اانت والله مااا اصصدك بييك كلششي بسسببك كلة بسسبك انت انتت وورطت زيياد

ضربني كف بكل قوتة على ووجهي
:اااششش ااشششش اااددبسسزز عييديهة ووشووفي ششسوي بحاالج
اااحجي منوو سوواهاا

:محححد محد
:بالسجن لو برا السسجن ولج اااحجي مووتيني اااححججي

تعصب صار يخوف من الاعصاب برزت عروقه وصار يرجف وجهة احمر

بس من شاف حالي عافني

:كااافي بسسج ييجي ابووج ويحااجيج ماا اللي غرض
رجعناا للبيت
كنت شخص ثاني
الله لا يوفقك ششهاب ووين ررجعتني
ثلاث ايااام واناا ماا اعررف الننوم كوابيس تطاردني و
ذكريات زياد الحلوة
زياد ياريتك مأذيني بيوم ياريت جارح كلبي مثلهم
حتى تروح من بالي لو دقيقة
والله ماجاي اعرف اعيش ولا اموت
وينك ياخوية وينك
اني ضيعتك لو شهاب ضيعك
خطيتك برگبة منو
حتى منوم انطاني وماافاد
من ساعة الرحة وية شهاب للبيت وانا بس اغفا افز انهض انكث ملابسي عبالي متكشفة واباوع ل ادية
اشوفهم بلا كلبشات اضحك بفرح مجنون
ذكرني ذكرني حتى بالتفاصل الناعمة

سااعات بدون اي حركة تصنمت بالزاوية اعيد بنفس الموقف من لما دخلت لمكتبه لحد تحذيراتة وانذاراته ان ما اجيب سيرته وشهاب بس ينطيني الابر بلاجبار ويطلع

تمددت اريد انام وكأن شخص يگولي الغاز مفتوح
:لا رانيا نامي مو شلعتي المنضم من القنينة ماكو غاز
لا هاي ريحة غاز
متوهمة اني ماكو غاز ياربي
عجزت اقنع الصوت اللي بداخل عقلي ان يهدأ
ونهضت للمرة الرابعة اتأكد ان المنضم مشلوع

تمددت وتغطيت
عدلت طرف البطانية التفتت سحبت الطرف الثاني
نكثت المخدة وشميت ريحتهة
نهضت نكثت فراشي

اخر شي احترك كلبي شمرت الفراش والبطانية والمخدة وكعدت بالزاوية ادك على رااسي
:كااافي كاافي ششبيه اني موو مخبلة لييش هيج داا اسووي موو مخبلة انيي

غبية انام على فرااش نضيف واخووها الورطته مايعلم بحاالة غيير الله مووتي الله ياااخذج مووتي

باوعت للكانيولا بيه دم  سحبتهة متنسحب وأذتني اباوعلهة ابجي برجفة

مشيت رايحة لشهاب وكان ينام بالطابق الثالث وبيبي رايحة يمة ومشمش بعد بس اني وماما جوة

امشي وجهي متعقج بقرف
لاگتني مشمش ناازلة

:هاااه ووين ررايحة ششطلعج
:ززمالة شنو شطلعج مسجونة اني

:عزززاا باع اللسان صاايرة عنييفة تعالي ابووسج

:ووخري مني شهاب فوك
:اي طردوني يريد ينام يكول سطرتيني
:سطرة البين انشالله
:هاي مالت بيبي
:مشمش ووخري من طريقي
:اجي وياج
:لا روحي يم ماما وحدهة
باستني ونزلت تركض مالحكت احمسهة
صعدت امسسح بالبوسة

وكفت بالباب اتنصت عليهم
بيبي:ردو للبصرة جا شمالة ما سلم علية ششجاه
:هاايشة وعلي هذا ابنج كلشي مايفيد، لا هو ولا عميد

:اييه كلهم بس انت تفيد
:غير شمعة بيتج انا وعلي انا كشختج كوولي لاء وعلي  اكوم اعضج
:طاح حضك يالشايب مااتثكل ولك... ترحون فدوة لعميد انت واهلك

:خررب موو حلفت يلا اطلبج عضة.. وهذا ابن فؤاد انا اعلمة الاعوي عود يرمي اكتلة واكتلة انوب نومهة بمتني كطيعة تلفك كون

:كافي يمة عوف الولد فدوة لوجهك
:ششعوفة غير اذا ما ازوعة العافية ما ارتاح جاايني تزوج اختي وتتحكم بينة ووين جنت عننهة خاايس ابوو السويدياات

:لا يمة لخاطر فويد اخيك وذراعك اليمين لا تنكر فضلة.. خووب ما طكو مثل زويد
:لا بس دغدغو و شحوتو.. هههههه هسة شيفكة من ابو عاد فؤاد وشلون فگري وهسة دفعلة حمسة فلووس  وعلي يمرمرة تمرمر ههههه
اكلج شوو هاي مشمش مااترد ليالي ما ماخذة دواها عود كلتلهه تطيني خبر لو شربتهة

:امممه لياالي هو ليالي يالماتستحي مرت اخووك هااي
:يمة ترة گلبي هفت ماضل شي من حبها غير كلمة ليالي وهاي تعويد ترة

:بسك ييمة عيب عليك لا يسمع اخووك
:الووم اخووي لوو الووم ابووي لوو ابووهة لوو الووم اخووي النااقص الرضا بكسر گلب اخووه
جان يددري يددري بروحي معلكة بيهة ششلوون سوواها والله فلاا اساامحه

:صدك لوو تجذذب ششمالك ششنهي اطيتك مجاال سدد الساالفة بسسك

كعدت سادة فمي اخفي تعابير الصدمة شديصير ششنو يعني شهاب يحب ماما لوو شنوو

سمعت صوته تغير صار بي قهر وأنين
:ووهيي هنااك حلفتلي حلفتلي بالعباس مااتعووفني كاالت اتاانيك العمر كلة اجي الكااها مرت اخووي الضاالمة
الله اكبر مااكوو غير اخووي خلصت ازلام البصرة

عززااا هذاا شديحجي دخييلك رربي

بيبي:جاا من تدري هيج والقهر لازمك للشيب، شلون تكسر گلب زويد وتزوج حبيبة گلبة

:هااي الب...... بس خن اصفالهة الا اكسر ريليهة..بعدة الزلمة ما ماخذها راح ننفضح گدام الوادم

:يااا فلك الفلكني يااهو گالك

:فويد سامعهة تسولف لمهة وتتعارك وياها... وكاضهة وكاتلهة هلاجا سبع البرمبة هاد علية

:ششكول عليك ياا يمة كلة من تحت رراسك خطت الواادم خووط

:يستاهلون جا بس انا حسرة علية نومة الليل خلهم يضوكون الغدر شلون يكسر

ضليت گاعدة مابية انزل ولا ادخل اواجهة احتاريت شسوي
دموعي نازلة وعرگت من الحر
نزلت نضراتي ل ايدي الدم مالي حضني 

صار هدوء بغرفتهم ردت انزل وصعدت قطة قذرة كانت عوراء سوداء 
بس شفتهة صحت
:مااااامااااا
طلعلي يركض طردهة وباوعلي مصدوم من وجودي  تكلم بتلكأ
:شجابج هناا من ليمتة انتي هنا
:هء هاا هسسة هسسة اجييت وهاي ال البززونة خووفتني  كمزت منهة

:شعدج ششصعدج لوو ططايحة من فوك

رفعتلة ايدي نزل عليهة

:شماالج ششبيهة اييدج ليش هيج مشلوعة
:بالبطانية انلفت ووحدهة
:كوومي كوومي ويااي خل اربطهة هو انتي منيلح دم يا بوية غير تنتبهين والله شلعتي طحالي

راد يسندني انزل ماخليته نزلت وحدي والدرج صعب
صاح مشمش بصوت عالي
:هاا ررانييا ششبيج
بجيت وحجيت:تعالي تعاالي لززميني راح اووكع
صارت يمي نزلت صافنة كلي يختض من اللي سمعته
ذب الكانيولا وحط لزكة وصعد اشوفه يحوس بس ما اتجرأت احط عيني بعينة

ثاني يوم نفذ الصبر
بغداد كانت الدنيا محتركة بيهة
والخوف رسملي اشكال الوان
ضليت كاعدة مثل شخص غايب عن الوعي
:يااربي ليش ززياد مااكو غير زياد تختبرني بي والله لو بروحي وهو مرتاح ما اتعذب هاالكد

اااستغفر الله ياربي موو اعتراض على حكمك اغفرلي يااربي ورجعة اللي والله تعبت والحيرة شلت حالي

عبد الوهاب ادك علي وماكو
دورت على الرقم اللي تركه عمر، على امل ان وسن ترد وتنطيني اي خبر
طلع غير داخل بالخدمة
من شدة قهري احتاجيت مواساة طلعت من الغرفة فحطانة من البجي
دخلت لماما لكيت حالهة من احسن من حاالي
:لج مااماا شلووون ششسسوي تعببت والله تعبت
:اصصبري اصصبري لا تزيدين خووفي ترة كلبي خلصان محتارة ابوج الجاي يموت لو وليدي المادري بحالة بنص الجلاب
لو انتي اليومية ططايحة علينه ترة كلبي خلص رانيا

:ماما باعي اني رراح اسسوي شي تسساعديني لوو اسسوي من وراكم والله

قاطع كلامنا دخول شهاب للغرفة عيونة حمر دم وجهة مختنك

:گومي رانيا ابوج طالبج
:شبي
:مابي يريد يحاجيج يلا استعجلي انا منتضرج برا

_______________________

مشمش

قبل ماا المس علاگة الدوة انلزمت اييدي صصرخت ورفعت رراسي

:موو اححجي ويياج اني لييش متتفتحيين
:عووف اييدي انت ماا تستحي عوووفني

اعت بيدي واضرب بأيدي الثانية
:خررب ايدج ثكيلة ششتاكلين ولج
:للحم جللااب تعال نطبخك
سحب مسدسة وجهة علية
فزز كلبي باوعتلة خايفة
:عييدي ششكلتي
:ششبيك مو عليك ييعني قصدي نطبخلك نطبخلك موو نطبخك

:موو اكلج اففتحي ليش متفتحي صار ساعة شاتلتني برا عبالك حرامي

:لعد انت شنوو

:ششنو؟
:ييعني مبين مبين شرطي شلون حررامي لابس مال شرطة شهالغباء

:خرررب.. حجاها ورفع المسدس على راسي
خوفني صحت بي ابجي :قصصدي غباء الناس النااس ششبيك انت يلاا روح لمركزكم  مدري بيتكم مدرري ووين انريد انام حتى دواكم منريدة

:طايحة حظ لا تصيرين خوش احجي بأحترام
هزيت راسي اي
نتر العلاكة مني عبالي هاي هية اخذهة وراح ادخل
:اوكفي لج
:هاا
:بااعي انطيهة هذا العلاج ل امج
:خاف هذا سم
:شنو متثقين بية
:عرف ولف
:انتي شكد عمرج ولج
:ششعلييك
:گببل كككداامي للسسسجن يلاا لج

:لا لا العباس عليك ما ادري والله مادري نسيت
:زعطوطة ليش هيج لسانج طويل شو اختج عبالك فارة
حترك كلبي اريد اكفخة على عينة واختف باوعتلة عيوني دامعة غاضبة
فتح العلاگة بيهة حبوب نوعين
كال حتى تنام وماتموت 
:فد اكرهك
:دجيبي هااي عود جايبلهة لفة الغبية
ولي دخلي يلا
دخلت عاوجة حلكي.. صدك كارهتة عود يضحك الطويل الماصخ
حط رجلة على الباب ومد ايدة.. اخذتهة منه لان مالي خلكة، حتى ما باوعت لوجهة دخلت وسديت الباب

انطيت لماما لحباية ولو خفت اضل وحدي بس ما اريد ترجع مثل قبل وهم شرطة اصلا شكو يأذون ماما

ماكدرت انام رغم اطمئنيت على رانيا من بيبي.. بس هو البيت ماكو راحة اصلا

قريب الفجر نمت
الصبح گعدت على صوت طرقات الباب القوية
كلبي رجف خوف
والله صرت اخاف من كلشي خاف الشرطة خاف غير الشرطة
خاف فؤاد خاف رانيا صارلهة شي
رحت يم الباب صحت
:منوو
:انا مشمش انا طاارق ششالقضية صار ساعة ادك الوادم كلهة طلعت على حسي

:شتريد
:زيياد وين مشمش صار فوك الثلث شهور اخابر وماكو

:باوع اني اخاف ما افتحلك الباب
:عاشت ايدج زين تسوين بس كليلي زياد وين
:شوف دور مناا اكو شباك راح افتحة دور من يمة
سمعتة تحرك اني هم انداريت للشباك

:شنهي ولج وين اخووج اشصابكم ليش شايلين بهالخرابة

:زياد بالسجن.. كلتهة وشهكت باكية
:اناا اخووك.. لييش من ليمتة
:من ززماان اخذو الشرطة يكولون مخدرات
:حشاا.. اخوي وانا اعرفة هذا متورط ابوج شمالة
:حتى بابا جان بالسجن وضربو وهيج صار
:صدك حذب ششصابكم
طلع تلفونة وضل يخابر ويفتر ويصيح

:بعد تعرفين عنه شي؟ شلون اوصلة

:شايفني شرطي لو سجان متشوفني حابسة روحي
:هههههههه تسدي الشباج لا تخلينة مشرع ومو ياهو الجان تحاجينة من الشباج

:لا والله بس انت
:عفية بخيتي يلا محتاجة شي
:لا
:امج وينهة مايصير اسلم عليهة
:لا مايصير خطية نايمة

ضحك وحجة:يلا خل اجيب ابوج حتى  اشوف زويد وين طبي جوة 
سديت الشباك ادردم :بعد وكت لو جاي بعد سنة احسن.. عالم شاخطة.. مدري اني شاخطة
اي هاي رانيا شخطتني وعبالي العالم شاخطين

كعدت ابجي وافرك بعيوني... شبيج ررانيا ليش هيج صصرتي شوكت ترجعيلي والله مشتاقتلج

ضليت انضف بالبيت قليت طماطة
:اوووف باع الريحة عاشت اييدج مشمش..
صافنة واتخيل اشكال ألوان احلام طفولية ارسم بكل مكان
اتخيل عندي جيب بي حلويات لا نهائية شكد ما اريد اكل
اتخيل اقص شعري ويطول خلال يومين
اتخيل قصر جبير اكون انا ملكتة واهلي يحبووني وزياد يغار مني ورانيا تتعارك ويا علمودي
اتخيل مشط سحري يغير الوان شعري مثل ما اتمنى
اتخيل شخص يحبني
اني رسمتة اني رسمت ملامحة اني حددت تصرفاتة والطريقة اللي يحبني بيهة
وكانت اول الشروط فقط يحبني ممنوع يبوس شفايفي ابد
خييالات خييالات
اندكت الباب
طفيت النار ورحت اركض
كانو بابا وطارق
دخلة للغرفة بالكرسي وماما نايمة اكعدهة تشرب مي وتاكل شوية وهي مسطورة
العلاج من الدكتور لان كان اوامر الطبيب ممنوع تتعرض لاي صدمة رغم العلاج كان يأخر من شفائهة لان بي نسبة تخدير للاعصاب وهم يريدونهة تتقوة لكن ماكان اكو حل ثاني

ركضت البابا كلمرا يحضني ويبوسني لو مهما يكون.. هالمرة كانت ملامحة منتهية ومايشوف اللي كدامة من شدة الالم
وممنوع علي المسكنات كان عندة تمزق بالكلية

دخلة للبيت وعافة يتلوى وطلع يمسح بدموعة وراح كال رايح لزياد

ضليت مكابلة بابا
اخخخ يانااري
اباوع ل ابوي صار يلهوس يحجي اشياء مموجودة
وهذي الهلاوس كانت من العقل الباطن وسببهة الامتناع عن النوم
كان مكابلني ويفر برأسة من شدة الالم
كعدت على ركبي حاطة ايدي على خدي
:مشمشتي حبييي بابا جوعان
رديت علي مختنكة من العبرة
:بابا سويت طماطة طيبة انطيك
:لا لا مو جوعان انا تعبان
:بابا نام ارتاح
:ولج ما اكدر مااكدر

اباوع ل بابا
كان وجهة يزداد اسمرار حول عيونة صار اسود جسمة تورم بشكل مخيف
رجلة صارت بقياس الشبر او اكثر تحسهة راح تنفجر

:بااابااا
:هاا بابا ششبيج
كان يرد علية ومايعرف شجاي يحجي واني ووحدي تددمرت

مالي غير ماما ركضتلهة
:مااماا فدووة بابا راح يمووت ششسووي فدووة تعاالوولة لييش عايفيني وووحدي
كعدت ماما ثكل السانهة اكثر بسبب المهدئ طلبت اشغل يمة قرآن لان مابيدهة شي

اخذت الموبايل شغلت يمة وكعدت ابوس برجلي وادي
:بابا ششسويلك بس كلي
كان يعصرر روحة بقوة من يجي الالم وعيونة مفتوحة مايرمش خبلني ليش ماايرمش ليش هيج عييونة تورمن

لليل اني وحدي وياه محد مر علينة
والسبب كان احمد ابن فؤاد رامي عمو شهاب
وبيبي ورانيا بالمستشفى

تركوني وحدي اقسم اني شارفت على الجنون
بلا اكل ولا شرب لحد ما بالليل

اجوي رانيا وبيبي
دخلت هاي الثانية فاصلة عن العالم
اخذت تلفونهة مدري منين طلع علينة وفاتت جوة

دخلت للحمام اسمع بجيهة بالحمام كلما امر من يمة شبيدي عليهة ماكان عندي قدرة اساعد اي شخص لا بنية جسمي ولا عقلي يساعدني كنت مجرد متفرجة كنت مثل صندوق يعبون بي هموت واصوات انين موجهة وقهر لا اكثر
كنت صندوق يعبون بي ذكريات
اخاف يجي يوم وتخلص طاقتي وتتكسر جدراني
طلعت من الحمام تبجي وتمسح رجليها
اباوعلهة وكفت بعيد عن بابا
تباوعلة وتبجي وتعض بأيدهة
تحجي بصوت نااصي
:باااباا والله اسفة بااباا فدووة لتموت لا تركووني فدووة
بابا والله لو يصير انطيك من عافيتي ياروحي انت والله طلعت علمود زيياد لا تزعل مني فدووة

لليل بابا رجعو للمستشفى
وسط انهيار ارواحنة الصامت

اعرف اللي يشمرون ورا مي يرجع
كلما يروح بابا للمستشفى اشمر ورا مي، ياروح روحي يابابا

اسمع رانيا تخابر واشوف حالهة مثل المتخبلة رانيا صارت مهووسة
ليل ونهار تصيح زياد
حتى بنومهة تهذي بأسمة

الوقت يمضي بلاهات والانين كل واحد همة على كدة

الكل نام الا رانيا
حاضنة القرآن على صدرهة وتنود
ودموعهة تجري
عفتهة ورحت نمت
بالغرفة يم ماما
بين الحلم واليقضة اسمع صوت طرقات على الشباب
زاد الصوت نهضت رفعت طرف البردة
كمزت من وجه حسام
فتحت الشباك وحجيت
:ششكو
:اليوم انعل والديج بت الزمايل افتحي الببباب صار ساعة مششتول اخختج برت
:شايفني فاهية تضحك علية
:لايا بت ال.........
ركضت لغرفة رانيا مااكو
ضليت احجي بصوت خافت :عزززاا عززززاا عزاااا يبووووو يبووو رانيا اليوم الا احط بييج فشخة عزززاااا

فتحت الباب لكيتة امددة بالباب كلخة تراب ووسخ
صحت بي بدون وعي
:لك هااي ششمسووي بييهة

ضربني على راسي :ششنوو لك ببكدج اني اللعب وييااج حماارة
:لعد ششجابك لييمهة وربي لاا افضحك اليوم ششمسووي بيهة
لج كوومي راانياا كوومي

:دخليهة يلا خل اوولي

سحبتهة من اديهة صاح بية: ووخرريي ووخرري

شالهة يدخلهة جوة واني تخبلت هذاا منوو ويشيلهة
شايلهة واني شابعتة رزايل
:ياا ماتستحون ياا مكروهين
الله ييااخذك لك عووفهة انت ماعندك اخووات
كوتوهة كل بسببكم خبلتوهة خبال لخبلكم

وتلفونة يرن ثبرة ثبر
لزمني من اثنين ادية وشمرني بلارض وطلع يدردم
:حسابج بعدين يا بنت ال......... هسة مافارغلج

كلشي يهون كلشي يصير طلع هين گدام المصيبة المفجعة الصارت بعد هلايام

_____________

سرى

:حتى لوو ماا عااندت وتجحشنت لا تعووفهة

:مااتعووفني ولاا اعووفهة يابة مخبل اعوف هيج گمر بس يا سرى اذا انعاد ذاك اليوم وتركتيني هالمرة سسماح مااكو اتركج انتي ومصيرج

:شنو مخبلة اعوفك لازكة بيك للموت
عض شفته وهز راسه وكام باس راسي
خالو سحبة من قميصة وشمرة بلارض
لان كان قريب علي كلش، حتى رقية فكت شوية وضلت تضحك ومروة
صفرت
خالة شمرهة بملعة صغيرة
:لا بابا لاا موو اليوم ، اليوم وجهي اثمن من كنوز فرعوون ديربالكم

مرتضى :دتعالي هل اعضج بخدج تضل ذكرى عززااا لااا لاا مرتضى فدووة هي تركض وهو يركض وراها

هسة گمنا واجو خوال مرتضى وخالاتة وبناتهم واولادهم عج البيت ضحك وسوالف، واجو قرايب خالو صح من بعيد مو اخوانة بس يحبو
سلمت عليهم لان امس مو الكل حاضر
ورحت لبست وجهزت نفسي دنطلع
جان وحدة منهم حجت لخالة

:لعد جنتكم شكو رايحة غير تبقى ابيتهة تساعد عمتهة وهي تعتبر ام بيت

وكفت انتضر قرارهم

ام مرتضى:لا شعدنة قابل خل تروح وية مراوي هم خاف تحتاجهة

:غير اختهة وياها اني برأيي تبقى هناية همات تستقبل ضيوفكم اصلا اللي لازم تروح للصالون ام العروس ههههه

خالة مرتضى:اهووو ياا سناء دفوتي حالها للبنية ام العروس يمي معليج منه الا اطلعهة احلى من مروة

:لااا عيني لاا لهناا وبس ممنوع وحدة تطلع احلا مني اخرب العرس واضل على كلبكم

ضلو يسولفون واني خالو اشرلي بعيونة اطلع

عفتهم طلعت شفت بقلاوتي يجهز بسيارتة حجيت اتحارش بي
:يحلوو
مارد
:هييو عبررنا يمدمررنا
يبقلاوة
اووي امووت على الثكيل
ييولد
فاجأني بحركة سريعة لف ايدة على خصري والتفت وحط ايدي ورا ضهري
باوع بالطرمة مكان بيهة احد كلهم جوة
حجة همس يم اذني:عييون الحلووو امررني كبد جاهزة البقلاوة شوكت متحب تاكلهة
:عززا بعيينك مررتضى مرتضى الله عليك لاااا اشاقة وربي شبيك عليك الله فلتني
:من انتي موو كفو وفاهية ششكو تتحارشين
:ششقة شبيك انت متكلي شلون نبطل منتشاقة مرتضى عفية عييب كافي

باس خدي وفلتني
حطيت ايدي على خدي، يمة صخنت ياا مخبل على هالدگة
مدلي ايدة لزمتهة باس ايدي يباوع بعيوني

:للموت سراوي؟
:للموت
:واليغدر ويعوف
:خوفتني شبيكم اليوم
:عمامج طالعين
:عززاا ششوكت
:لا تخافين ماخذين منهم تعهد
:تحميني مرتضى تتحملني رغم وجودهم
:مادامج وياي يعني انتي روحي بس اذا طلعتي من شوري تخسريني
انطيني وعد لو شنو يصير متعوفيني
:وعد كلبي الك للموت
حضني وكال كلج كلج اللي مو بس كلبج
:كلي الك
وخر مني وكال
:خل يخلص عرس هالغثة مراوي حتى نبدي بينة
التفتنة على صوت الكعب كانت مروة ورقية وبنات اثنين
كعدت بالكرسي الامام وهم ورا

غسل وجلف وصبغ ولغوة
سوالف وضحك نسسيت روحي نسيت عمامي وابوي المختفي ما اعرفه حي كان او ميت
وامي اللي خيالهة مافارقني

ضحكات الفرح بعيونهم نشرت طاقة عليه وتفاعلت وياهم بحب
كنت مثل وردة وحب مرتضى كان يسقيني ويحييني كل موقف كل لحضة تنحفر بروحي

كل لحضة حب كان يتم نقشها في ذاكرتي قد يفنى وجودي لكن حبه سيضل مرسوم على روحي حتى يأذن الله بفناءه

جهزت مروة وكانت من اجمل العرائس
لكن قوتها ومزاحها اتبدد من ادركت جدية الموقف وانتهى وقت اللعب وبدا الجد
خوفها تسلل لقلبي صرت اتخيل هذا يومي
ومثلها ارجف
اتصلت بالعريس حتى يروحون يوصلون وكان حاس بخوفهة
ويضحك عليهة انوب دمعت انريد نهديها ماكو
رقية كالت
:اني اروح وياهم اريد اصور  خابرو مرتضى

:عزاا شعندج رايحة عريس وعروس انتي ششنو

:خليهة سرى عفية خل تجي وياي خايفة مدري شبية

اتصلت بمرتضى ورفض رقية تروح وياهم وكان لازم يروحون للقاعة لكن
مروة طلبت تسلم على والدهة بفستان زفافهة
لذالك كان الاول للبيت وبعدين للتصوير وبعدين للقاعة

عاد رقية فرغت حركتهة بيهة بسبب رفض مرتضى تجاهلتهة ولا كأن موجودة

راحت مروة وراها بدقايق صعدنة اني والبنات وية مرتضى
يمشي ويتلفت عليه عاد صاحت بي بنت خالتة
:يمعوود مررتضى حتموتنة ذابة على وجهي ميتين وخمسين ألف ششنوو فلووس حررام تريد تحك وجهي بالرصيف
:هسة موو زين تموتين وانتي حلوة متنكشف حقيقتج
:عززاا شجاك ششنو طايرة مررتك لاحكين وتمل من جهرتهة
:بربح هذا وجه الواحد يمل منه الا مخبل غيير

عرس فراشات صارت بأحشائي احس اريد اطير

وصلهم وهبطني بكلمة اول ما نزلت
:سرى بيتكم يمكن داخل بي حرامي شنو انتي من طلعتي ما قفلتي

:ششنوو شنو مرتضى منين حررامي لاا عفية
عفتة وتوجهت لبيتنة مخطوف لوني

كنت لابسة عباية ساترة كلي ووجهي متغطي ابوشي خفيف وصلت للباب كان مفتوح
دخلت وشمرت البوشي
دخل وراي مبتسم وسد الباب
ركضت لغرفة ماما اتفقد اشيائهة التحبهم وملابسهة
خانة الصور مغلقة
ماكو شي مثير للريبة او ملموس
وكفت والتفتت علي بعيون متسائلة
وكانت ابتسامتة مليانه حب ولهفة وعيونة تطلب الحب بكل لطف

:م مرتضى ماكو شي مسروق خاف متوهم

اقترب مني نزل العباية
انكشف فستاني الاسود الساتان
المطعم بالكرستال والدانتيل الانيق
كان مخصر على طول جسمي مع فتحة حتى منتصف الفخذ
مكشوف الاكتاف بدون اكمام
والكعب الاسود الناعم
شعري الناعم المرفوع كاشف رقبتي تارك بعض الخصل السوداء مع عقد واقراط الكرستال الناعم
ومكياجي البني الخفيف
ختم نضراته بالنضر الى شفاهي بالروج الاحمر النقي
:جمالج متعبني سرى
: ترى عادية كل البنات حلوات
حضني بخفة ايدة مثل رسمة فنان غالية خايف عليها من التلف
:لا مستحيل لو الكل هيج لعد لويش اني هيج هايم بيج
مديت ادية ارتب قميصة اخفف من توتري والنار اللي شعلته نضراته بداخلي
كنت  بوضع اناقة مفرطة
ماهان علي يخربه طلب مني بتوسل
:ابوسج سرى
رديت علي بتمسكن ما أريد اخرب مزاجه
:مو باوع حرامات عرس وهاي تخرب الكشخة
اني راح أبوسك
بستة بخدة
اصدر صوت رفض واشر على شفايفة
بستة بخفة
لهفتة العارمة عدتني و خربنا كلشي
خربت الحمرة والتسريحة ضاعت الترجية
حمرتي لطختني ولطختة

انتبهت لنفسي دفعتة وتوجهت للمراية
:لاااا لاا مررتضى خررب ورربي ضضجت بااوع
:خل يوولوون احسن هيج ليشوفون جمالج ويخطفوج مني

:عززا مرتضى وربي ذبحتني بمبالغتك لا جمال ولا نعال هسة شلون اطلع شلوون رراح يررحون

ضل يضحك يصبر بيه واني سحت وي ضحكاته
دزيتة يجيب جنطة مكياجي رتبت روحي ابد مو مثل قبل نزلت شعري
وعدلتة وطلعنا سلمنا على خالو
مروة بعد مخربة مكياجي وبنت خالتهة دترتب بيهة
نضراتهم
كانت ان ترى ندري بيكم
ونضرات ام مرتضى المنزعجة
بس محد فتح الموضوع
سلمنا على خالو
وطلعنا
تم العرس وكان كلشي اكثر من تمام
عرس جميل انيق
أتصلت بمرتضى
اجا اخذنا اني وخالة ورقية
نزلهم وگال اني اريد اسهر ويا مرتي
رحنا  للنهر، ملفلفة بالعباية بمنطقة مضلمة نسبيا
انطينا بعض وعود
كلام غزل ذكريات دمووع فرح ضحكات عالية

انـــي ادري مــــا تنطـــال .. بالحلم حتــه
بس الگــلب والـــروح..مـالكهن انــــت

رجعنا للبيت انتهت الليلة بحريق شب
بكل احلامنا بماضينا ومستقبلنا

___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام اللي
رجعتة بالمرار اللي رجعتة هههههه

بنات عمرري ياارب يسسعدكم ويوفقكم لوو تعرفون تأثير دعواتكم اللي وربي خايفة احسد نفسي هالگد احبكم ربي لا يحرمني من طلتكم ولا وجودكم

البارت اكثر من 5300 كلمة

pahrasoad تابعوني