عتمان قاعد في مكتبه و معاه تجار بيكلم معاهم و جيه شخص ....عتمان بيه عتمان بيه عتمان بيه
عتمان :في ايه يا ولد المركوب داخل ترمح اكده ليه عاد
الشخص راح لعتمان و همس ليه ....في چدع عايز يچبلك و بيجول انه يعرف مكان حبيبه بت ولد علي بيه الله يرحمه
عتمان بصله بتفجئ و قام ساب تجار قاعدين و خرج بسرعه بقي يمشي بخطوات سريعه لحد ما خرج و شاف خالد ف قام وقف ليه
عتمان بصله بحزر :ااانت مين يا ولد و چاي اهنه ليه عاد !!؟
خالد :انا عارف مكان حبيبه حفيدتك
عتمان : كيف يعني عارف مكانها
خالد: عارف العنوان بتاعها اللي هي قاعده في هي و امها
عتمان ؛ و انا اي اللي يضمنلي ان حديدك دي بحج و حجيجي
خالد:انا ابن اخو زينب مرات ابنك الله يرحمه
عتمان بحزر :و بتي فين مكانها
خالد : بالسهولة دي يا معلم دا ان مكان حضرتك معلم كبير و عارف كويس ان لكل حاجه تمن
عتمان : عايز كام يا ولد محفوظ
خالد :٥ مليون و اقولك مكانها فين
عتمان :موافج
هند : يااااااخاااالد قووووم يا واد ايه ودانك اتسدت
خالد قام مفزوع و بقي يبص حواليه بزهول ....في ايه انا فين
هند عوجت فمها :في جنه يا قلب امك قوم يا منيل قوم
خالد :صحتيني ليه بس يا امي كنت بحلم حلم جميل اوي
هند:حلم اي يا موكوس
خالد :ياه يا امي لو اتحقق يااااه
هند :و حلمت ب ايه بقي يا قلب امك
خالد :ان روحت للمعلم عتمان و طلبت منه ٥مليون جنيه و قبل ما اخدهم جيتي و صحتيني ماكنت صبرتي شويه بتيجي دايما في الوقت الغلط انتي
هند :وقت غلط !!!قوم يا اخره صبري قووووووم
زينب رجعت البيت و توحيده معاها
توحيده:روقي بقي كدا ربنا يعفي عنك
زينب :انا مش مضايقه عشان خاطر تعبي انا بس كل اللي مخوفني هي حبيبه هي ملهاش حد غيري هيحصلها ايه لو جرالي حاجه
توحيده :ربنا يخليكي ليها و يطول في عمرك
زينب و دموع ماليه عنيها: بس العمر مش مضمون و انا خايفه عليها اوي يا توحيده
توحيده :خلاص رجعيها لاهلها
زينب بصت ليها بزهول :ااااانتي بتقولي ايه لالالا مستحيل
توحيده :مستحيل ليه هما اولي بيها يا زينب جدها هيشيلها في عينه حكاويكي عنه بيقول انه كان بيحبها اوي ف اكيد هيحافظ عليها و يعالجك انتي كمان جوزك عنده كتير انتي اولي بيه يا بنت ناس
زينب :قولت لااااا بنتي مش هترجع لعيله صعيدي مهما حصل مش هرجعها تاني و انا ربنا يتولاني
الايام بقت تمر و الحال كما هو عليه و حسن خطب حوريه و كل متجمع عشان يجيبو دهب
صادق بصوت واطي :المره چايه بجي علي و رانيا
سميحه بنفس الصوت الواطي :كيف يعني و ابوك امعرجب فيها و ماعيزش الچوازه و انت عارف زين مفيش حاچه بتمشي ابوك مالوش كيف ليها عاد
صادق :اني هتحدد امعاه بعد ليله دي ما تنفض ماتجلجيش اني هحلها
حسن لبس حوريه الشبكه اللي اختاروها و كل بيظغرط
رانيا بصت علي علي و تخيلته انه بيلبسها شبكتها و بعد وقت كان اليوم خلص و كل واحد راح اوضته
علي طالع اوضته ف امه وقفته .... اي يا ولدي هتجيل خلاص
علي :اه يا امي عشان هسافر بكرا
حليمه: تروح و ترچع بسلامه يا نور عيني ربنا يحفظك يا والدي
علي باس راسها و طلع اوضته و جهز حاجته عشان يستعد للسفر تاني يوم
حسن قاعد في جنينه بيبص علي دبله و بيفتكر حوريه و هي بتلبسها ليه و يبتسم ليها و افتكر يوم امه ما فتحته في موضوع جواز
فلاش باك:-
حسن كان راجع من شغله و اول سميحه ما شافته طلعت وراه علي طول و بصلها بتفجئ:في ايه يا ماه
سميحه:عايزه اتحددت امعاك يا ولدي هبابه اكده
حسن :اتحدتي ياماه خير في ايه عاد
سميحه :مش ناوي تتچوز بجي ولا اي عاد انا عايزه افرح بيك يا جلب امك
حسن ابتسم :كيف بس ناوي اكيد و كمل كلامه بهزار...بس انتي عنديكي عروسه ليا يعني
سميحه: امال و عروسه زينه جوي و كيف الجمر في تمامه كمان
حسن :و مين بجي.دي
سميحه:حوريه بت خالك اي رايك فيها عاد بنته كيف جمر مش اكده يا ضانيا
حسن ابتسم : هو حد يجدر يجول غير اكده عاد
سميحه لاحظت ابتسامه حسن ف سالته :انت كنت رايدها مش اكده
حسن هز راسه بالموافقه:ايوه يا اماه
سميحه:و مش اتحددت امعاي ليه يا مخبل
حسن :يا اماه الچواز مسئوليه كبيره عاد مش خطوه هينه
بااااااك
حسن خرج من شروده علي صوت وجدي .....يا ابووووعلي
حسن انتبه :بتجول حاچه يا وچدي
وجدي :لا دا انت مش امعاي خالص اي اللي شاغل بالك اكده يا عريس
حسن ابتسم :ولا حاچه عادي
وجدي:امال جاعد اهنه لدلوج ليه عاد
حسن:الچو زين جوي بس
وجدي:انت مبسوط جوي اكده
حسن : هتصدجني لو جولتلك اني حاسس ان جلبي هو اللي بيرجص حوريه اني عاشجها من سنين و كنت حابس عشجي دي چوا جلبي
وجدي: طيب و ليه مش اتحددت دي بت خالك مش غريبه يعني
حسن : عارف بس الجصد ان الچواز مسئوليه كبيره و هي عاشت كيف الاميره اهنه كل طلباتها مچابه من جبل ما تطلبها مش تاچي بجي اما اني اتچوزها اجصر فهمت بجي
وجدي ابتسم : فهمت يا خوي ربنا يسعدكم يارب
حسن : يارب و عجبالك انت كمان
وجدي ابتسم بتوتر: طب انا هجوم بجي عشان نعسان
حسن مسك ايديه ....اجعد فيك اي
وجدي :مفيش يا خوي كيف ما جولتلك اني نعسان بس
حسن: شكلك مضايج من حاچه في ايه
وجدي: لع مفيش حاچه اني زين
حسن : متوكد يا وچدي
وجدي: اكيد طبعا و بعدين انت اخوي لو مش اتحددت امعاك هتحدد مع مين يعني
حسن : و ربنا وحده يعلم يا خوي غلاوتك عندي
صباح يوم جديد
علي رجع اسكندريه عشان المحاضرات و هو بيركن العربيه موبايله رن ف فضل يتكلم فيه شويه و بعدها خرج من العربيه كانت حبيبه ماشيه و اما شافته فضلت باصه ليه عايزه تروح ليه و محرجه منه
جني :هو مش كنتي بتسالي عنه كتير اهو جالك روحي ليه بقي
حبيبه بتوتر :ها
جني :في ايه يا بنتي
حبيبه :مفيش عادي يالا بس عشان المحاضره
حبيبه راحت هي و جني المدرج و قعدو انتظرو علي و بعد وقت قصير كان هو دخل و ابتدا يشرح المحاضره و بعد وقت كان خلص و خرج من مدرج و الوقت مر بيهم لحد ما خلصو كل المحاضرات و حبيبه ماشيه في شارع موبايلها رن برقم مرات خالها ف بصت للموبايل باستغراب ....في ايه عايزه ايه دي ...الو يا طنط
هند : ايه يا حبيبه انتي فين كدا
حبيبه : انا لسه خارجه من كليه اهو هركب مشروع و اجي في اي
هند: اصل امك تعبت و راحو بيها المستشفي
حبيبه بخوف : تعبت اذاي يعني ايه اللي حصل ليها هي راحت فين طيب في انهي مستشفى
خالد: انتي قولتلها ليه يا امي انتي عارفه ان حبيبه امها غاليه عليها
هند: مهو يعني تيجي تقعد علي باب يعني
خالد: ياستي اما تيجي هنا انا كنت هقولها
حبيبه : مااااما فين ردي علي الاول.و بعدين اتناقشي مع ابنك
هند: مستشفي الزهور
حبيبه قفلت معاها و دموعها نزلت بخوف و بقت تبص حواليها مش عارفه المفروض تعمل ايه و هتروح فين امها فيه ايه
هند بصت لخالد و ضحكت :اي رايك بقي في الفكره العبقريه دي
خالد :يا هنود هنا في الماظ مش مخ
هند :منا عارفه يا واد هو انا مستنياك تقولي
خالد :قوليلي بقي المفروض اعمل اي بقي بعد كدا
هند :انت هتتصل بيها و المهم تكون حنين معاها و تتكلم معاها و انت حزين و حاول تطيب بخاطرها يا منيل و خودها انت و وديها المستشفى و خليها تشوفك الواد جدع اللي هي كانت شايفاه غلط انت عارف ان تعب امها دا جيه لمصلحتك
خالد :اذاي مش فاهم
هند : حبيبه كبرت امها بس هي اللي قدمها هي حياتها كلها ف هتكون محتاجه مساعده اي حد و هتكون محتاجه حد يطيب بخاطرها دلوقتي يالا روح كليه ليها و كلمها في طريق و حسسها انك خايف عليها و مقدرتش تروح معانا عشان خاطرها و مش تسيبها لوحدها يالا
علي كان رايح يركب عربيته شاف حبيبه واقفه مكانها بتبص علي طريق و دموعها نازله فضل باصص ليها بتردد عايز يعرف هي فيها ايه و بتعيط كدا ليه و هل ممكن يكون حد ضايقها تاني ف بص حواليه مفيش حد بس الفكره نفسها قلقته و راح ليها.....ااانتي كويسه
حبيبه بصتله و مش ردت عليه بس باردو دموعها نازله
علي:في ايه في حد ضايقك تاني
حبيبه هزت راسها بلا
علي :امال واقفه كدا ليه و بتعيطي ليه كدا
حبيبه :ماما في المستشفى
علي :طبب اهدي و كفايه عياط بس الاول هي مالها
حبيبه :معرفش هي كانت صبح كويسه معرفش اي اللي حصل ليها
علي :ماتقلقيش هتبقي كويسه هي في انهي مستشفى
حبيبه :هما قالولي انها في مستشفى زهور و انا مش عارفه هي فين و لا هروح ليها اذاي
علي: انا عارفها
حبيبه بلهفه :بجد يا دكتور حضرتك عارفها اروحها ااذاي
علي : انا هوصلك تعالي
حبيبه باحراج : لالالا متشكره انا مش عايزه اتعب حضرتك معايا ولا اعطلك قولي بس و انا هروح لوحدي
علي : مفيش عطله ولا حاجه اتفضلي و المستشفى في طريقي اصلا تعالي يالا
حبيبه بصتله بتردد و علي راح جاب عربيته و وقف قصادها....يالااا اركبي
حبيبه بصتله بتردد و بقت تبص حواليها
علي :هتفضلي واقفه كدا كتير يالا اركبي يا حبيبه
حبيبه فتحت الباب بتردد و ركبت جنبه و علي اتحرك بالعربيه و شرد للحظات هو ليه بيعرض عليها مساعده هو من وقت ما اشتغل في مهنه تدريس و هو مش بيخلي اي بنت تتخطي حدودها معاه او
بل اصح هو مش بيخلي تعامل مع طلبه باره باب الكليه اشمعنا دي هو دايما اللي بيعرض عليها مساعده ليه بيعمل كدا ليه معاها مش بيفكر في مركزه ولا وضعه لو حد شافهم مع بعض هيقول ايه عنه ليه مجرد ما بيشوفها بينسي كل حاجه
و خرج من شروده علي صوت موبايل حبيبه
حبيبه لقت رقم غريب بيرن عليها ف ردت عليه بحزر.....الو
خالد : اي يا حبيبه انتي فين
حبيبه : مين معايا
خالد : انا خالد بن خالك
حبيبه : اها عايز اي
خالد : انا جاي اخدك عشان نروح المستشفى لعمتي انا عارف انك ماتعرفيش المكان
حبيبه بصت لعلي: انا اتصرفت خلاص و رايحه المستشفى شكرا ليك سلام و قفلت المكالمه
خالد بص للموبايل بغيظ ان خطته باظت ....اتصرفت اذاي دي اي الفقر دا و اتحرك علي مستشفي
و بعد مده كان علي وصلها عند المستشفي
حبيبه :انا مش عارفه اقول لحضرتك ايه انا متشكره جدا ليك و اسفه جدا لو كنت عطلت حضرتك
علي :مفيش حاجه ربنا يطمنك عليها و تقوم بسلامه
حبيبه ابتسمت بحزن و نزلت دخلت المستشفى و علي فضل مركز عليها لحد ما اختفت من قصاده
حبيبه بقت تدور عليهم لحد ما شافت خالها واقف ف راحت ليه بسرعه.....خالو خالو ماما فين اي اللي حصلها
محفوظ : الدكتور معاها يا بنتي و ان شاء الله خير
حبيبه : طيب هي فين يا خالو انا عايزه اشوفها
هند جت شافت حبيبه واقفه مع محفوظ و دورت على خالد بس استغربت انه مش موجود....ماتقلقيش يا حبيبه هتبقي كويسه
حبيبه : هو اي اللي حصل ليها هي كانت كويسه الصبح
هند :انا طلعت اشوف عندها بصلتين كانت شكلها مش عجبني و كنت حاسه انها بتجر في رجليها بالعافيه و مفيش خطوتين و لقيتها وقعت من طولها حاولنا نفوقها و جبناها هنا امال خالد فين
حبيبه:انا ايه عرفني يارب اشفيها و اعفي عنها يارب
هند بصت ليها باستغراب و بقت تتصل على خالد مش بيرد عليها ....انت روحت فين يا منيل انت كمان مايتعمدش عليك ابدااا
و بعد مده خرج دكتور و حبيبه راحت ليه بسرعه....ماما كويسه يا دكتور صح
الدكتور بصلها و ابتسم بتوتر :هتبقي كويسه ماتقلقيش
محفوظ :طيب هي حالتها اي يا دكتور
الدكتور. :هو قي الحقيقه تحاليل اللي اتعملت ليها اثبتت ان عندها فشل كلوي ف هي لازم تفضل هنا في المستشفى شويه لحد ما نحدد ليها اول جلسه غسيل عن اذنكم
حبيبه بصتله بتفجئ: ممممماما انت بتقول ايه و بصت لمحفوظ بخوف ....هي هي هتبقي كويسه صح صح يا خالو ماما مش هيحصل ليها حاجه ماما مش هتسبني ذي بابا
محفوظ طبطب عليها:ماتخفيش هتبقي كويسه ادعيلها ربنا يعفي عنها يا بنتي و تقوم بسلامه
خالد جيه و امه اخدته و بعدت بيه .....انت كنت فين يا اخره صبري
خالد :كان عندي شغل وصلت الزبون و جيت
هند :اصوت هو انا مش قولتك روح خودها من زفت
خالد. :منا كلمتها و قالتلي انها اتصرفت و مشيت و قفلت سكه في وشي اعملها اي بقي
هند :و مش تسالها اتصرفت اذاي يا متخلف و تطمن عليها نفسي اعرف مخك دا فين فييييين انجر قدامي قدامي
الايام بقت تمر و زينب في المستشفى محجوزه و حالتها بتتاخر اكتر و حبيبه جنبها رافضه تسيبها و خالد بيحاول انه يبين انه كويس و بيساعدهم
زينب :روحي البيت ارتاحي انتي بقالك معايا ٥ ايام و مش بتروحي كليتك
حبيبه :انا مرتاحه و انا معاكي هنا و بعدين كليه اهي متلقحه هي هطير يعني بس سيبك انتي من كليه دلوقتي انا متفجاه من خالد ابن اخوكي بجد ماتوقعتش منه انه يطلع كدا لالالالا دا طلع راجل
زينب ضحكت بتعب. :يا بت و بعدين معاكي
حبيبه :والله بجد فجئني واقف معانا واقفه محترمه بامانه مش ابن هند لا لالا تفتكري غيروه
زينب ضحكت :يابت مش قادره اضحك
حبيبه ابتسمت و موبايلها رن برقم جني ف ردت عليها...الو يا جني
جني :عامله اي يا حبيبتي و طنط عامله ايه
حبيبه :الحمدلله احسن
جني :انا عايزه اقولك علي حاجه
حبيبه :ايه في اي
جني :دكتور علي نبه انهارده ان في بحث يجهز و يتسلم ليه و انه هيناقشه مع صاحبه و ادنا فرصه يومين و نسلمه ليه و أن كل شخص لازم يقدمه لنفسه انتي لازم تيجي بنفسك
حبيبه بصت لامها و خرجت من الاوضه....طيب انا مش هعرف اعمله انا مش بروح البيت اصلا و مش هينفع اسيب ماما
جني :بصي تعالي و اتكلمي معاه احسن و يمكن اما يعرف ظروفك يديكي فتره سماح اطول
حبيبه :هو مش سافر
جني :لا الاسبوع دا مش سافر
حبيبه سكتت و دخلت لامها
زينب :في ايه يا حبيبه
حبيبه ابتسمت :مفيش يا ست الكل في بس بحث مطلوب مني هروح اسلمه بكرا و اجيلك
زينب :ماشي يا بنتي روحي ربنا يوفقك يا رب و يصلح حالك
تاني يوم صبح حبيبه راحت البيت اخدت حاجتها و راحت الكليه و سالت عن مكتب دكتور علي و راحت ليه و خبطت و اما اتسمح ليها بالدخول دخلت
كان علي ماسك كتاب بيقرا فيه
حبيبه بتوتر :حضرتك فاضي يا دكتور دقيقه بس
علي بصلها ولاحظ الارهاق عليها ف هز راسه ....تعالي يا حبيبه
حبيبه بتوتر :انا عرفت ان حضرتك طالب بحث يتسلم لحضرتك بكرا
علي :ايوه
حبيبه :و انا عندي ظروف مش هقدر اعمله ماما محجوزه في المستشفي و مفيش حد غيري يقعد معاها ف انا
علي :اسمك ايه
حبيبه : ايه
علي اخد ورقه من جنبه فاضيه .....اسمك ايه
حبيبه :حبيبه علي
علي رفع وشه ليه بتفجئ للاسم
استوووووووووب ✨🔥💫🔥🔥
اي رايكم في البارت 🤔🤔
و تفتكرو ردت فعل علي اما يعرف اسم حبيبه🧐🧐🧐🔥🔥🔥🔥🔥🔥