للكاتبة الــريم
حمسوني بتفاعلكم انزللكم وخاصتا الاسبوع الجاي الاحد والاثنين عطله اتفاعلوا علقوا بين الفقرات على الرُغم هذاك البارت ممتفاعلين بس احبكمم🥲❤️
<><><><>
وحكك ما غفينه وهم نسهره الليل
وحك حبر الرسالة الـ بالدمع يطفح
مثل ما يبقى دم برگبة المذبوح !
لازم يبقى دم برگبة اليذبح ..
<><><><>
التصويت على البارت
التعليق بين الفقرات لُطفًا 🫶🏿
<><><><>
في مــكـــان اخر حيث
" باريا "
الكسره الجانت موجوده بصوته والبحه البصوته كسرتني كسر راد يمشي على السريع وايده الكامشتني ترجف
مَرت اقل من الثواني وانجر من جتفي احس انخلع جتفي من قوته وكف علي الدُر والشر يتطاير من عيونه والغيض
رُفع ردانه علي الدُر وبدأ يتقرب من مَيمون
- عاجبك تنكتل مره ثانيه ؟
كالها ببرود لكن سارعا ما اتحولت نضراته لشخص باينه على وجه التعب والهلك شعره مُبعثر وكأنه ميت اله شخص جدًا عزيز !
صاح بأسمه علي الدُر
- شرار ضلعي شوف شغلك وياه
اتقرب منه الشخص شرار ومبين من عيونه نار وشرار لثواني واتذكرت هذا الشخص منو !
اخو نور بينهم شبه جبير الشعر ابيض مكلوب كُله وجانوا موجود بقيافتهم
- مَيمون : اكدر اتعامل وياك بالقانون كونا نتشارك بصِفات لكن ما اسمحلك تتهجم بهل طريقه على خطيبتي
رفع تك خذ بإستنكار واردف
- علي الدُر : خطيبته ههههه
ضحك ضحكة قَصيرة وإشتد الكلام بينهم بقوه لدرجة الكُل ملتفت عليهم خلى ايده بجيبه مَيمون وحجة بإستفزاز
- مَيمون : خطوبتنا الاسبوع هذا وتدلل انتَ اول المعزومين بالعرس
مابدى مني اي ردة فعل على كلامه لكن حسيت اختلفت موازين علي الدُر واصبحت هُنالك غيمة سوداء فوكنا وحاجز طويل حَيعيق طريقنا
اتقدم شرار بسرعه مترقب لردة فعل علي
يلتفتلي بكُل غضب متجمع بالكُرة الارضيه
- علي الدُر : احجي !
بلعت ريگي بصعوبه وبخوف احاول احجي بالكلمة بصعوبه
- باريا : صحيح كلام مَيمون
القيت نظره اخيره بعيونه الإنكلبت حُمر والخشم طك دم ارتفع الضغط عنده وكف عَن غلق عينيه يباوع بصدمه علية ، حقه اني البارحه جنت يَمه!
نطق بصعوبه بالكوه يحجي الحَرف
- علي الدُر : لو اني مسوي هل شي وياج وقبلها معيشج بوهم وتتفاجئين بيه تلكيني ويَ شخص جانت صديقتج تقبليهاااا ؟؟؟
- باريا : ما اعرف عن علاقتكم
قَدم إله شرار مِنديل ومَيمون يباوع ويبتسم مُتشمت بحالنا نظرات الإهتمام بعيوني تتبعه وهوَ يحاول يسيطر على الدم
- علي الدُر : اذا أللسان يجذب وعيونج !
مستحيل تجذب العيون حُبِ الجبير إله مو بس عيوني تعبر عنه حتى افعالي تعبره منو راح يضحي بحياته علمود شخص ؟ بس إللي يحب
ولو ما احبه ما اسوي هيج صح راح اخسره بس المهم اشوفه حتى لو مَره لسنوات عَديده
ولا يموت وبسببي واتمنى بس بالطيف اشوفه
سحبت نفس يرجف
- باريا : متجذب العيون
مخلاني اسمع جوابه سحبني مَيمون من ايدي ابعدت ايده بنتره كدام الناس اتفشلت المكان كُلش راقي وهادئ وجايين هنا نحل مشاكلنا
- باريا : الله لا يوفقك الله ليرضى على كل شخص يخرب بين أحباب
ضحك عليه يتشمت
- مَيمون : ادعي بصوت عالي خلي يسمعج
بجيت بصوت مُتقطع
- باريا : حسبي الله ونعم الوكيل
ابتعدت عنه اركض للشارع اريد اي سياره ترجعني مشايله فلوس ولا اي شي بس تليفوني
صاح عليه بصوت عالي
- مَيمون : ارجعييي بس كدام خوالج
- باريا : اني احجي وياهم معليككك
دموعي تصب عَشره عَشره مشيت اركض مهتم إلي صعد سيارته جان على الشارع سياره علي الدُر بجيت بالزايد وكفت تكسي وجنت مستحيه شنو اكله ماعندي فلوس
- باريا : عمو عادي توديني بطريقك وين راح وديني ماعندي فلوس
جان رجال جبير بالعُمر وشكله رَحماني
- اصعدي عمي
صعدت وصلني مسافه ودكوا عليه اهله
- اعذريني عمي بس اهلي محتايجني
نزلت من السياره واني اتشكره بقيت امشي واحس اريد اطلع حِيفي من الكاع مادري شنو اسوي بلحظتها كلشي خرب بالنسبه إلي تعبت
الحُب اصعب من ما إتخيلته !
هلكت رجليه واني امشي اخر شي كعدت على حافه الرصيف نزلت راسي خجلانه من روحي شلون اكسر كلبه اني !
نزلت راسي واني ابجي واتذكر تفاصيل وجه وانكساره اليحاول يخفي كدامي وعيونه
الجو بِرد بشكل مو طبيعي
حسيت عظام اتجمد بقيت امشي وقربت اوصل للبيت مسحت وجهي بقوه خاف يلاحظون
طبيت جانت بس ننا كاعدة كبال التلفزيون هي وأمي
اول ما طبيت سئلتني
- ننا : ها شلون الفرخ ؟
ضحكت
- سناء : يا فرخ وهو شطوله
بقيت ادور بعيوني بكل انحاء البيت على خالو مُسلم شو ماكو جاوبتها واني بالي مُشتت
- باريا : خوش فرخ
اتعديتهم ومشيت للغرفه نزعت الكلاو وكفت كدام المرايه اشوف شعري قصير حيل حتى ما اكدر اكُصه !
بقيت صافنه بالمرايه اكثر من نصف ساعه ضليت اتخيل علي الدُر موجود يمي
اصيح بصوت مَخنوك اخاف احد يسمعني
- باريا : احبكككك انييي علييييي ليش متصدكني
اجر بشعري بقوه واحس كلبي بعده نار يجويني
ضربت بإيدي على أحد العطور وكع بالكاع
اتحول لفُتات صغيره وقطع كبيره من الكزاز
دست عليه بكل قوتي اريد اتوجع اقوى اريد احس بنار اكثر من ناري الأني بيها
ثواني واندمج عِطري مَع دَمي
بقيت صافنه اباوع على الدم والوجع القوي الإجاني وبداخلي اردد ... استاهل اكثر
اتهسترت ازيد حسيت نفسي مريضه مادري
شنو اسوي ائذي بروحي بس اريد اطفي الوجع
البكلبي .. كعدت بالكاع منتجيه على حافة الجربايه رجلي اتخدرت من قوه الوجع
بقيت صافنه عليها اشوف كِدامي جِلد ملون باللون الاحمر
اخذت كزازه احركها على رجلي
مَرت اكثر من نصف ساعه وادركت الحاله الأني بيها رجعلي عقلي
ليش سويت بروحي هيج !
كمت بصعوبه ادور على فد كُطنه الصيدليه النخليها بالبيت الحمدُ لله لكيتهه بالجراره القريبه مني
بقيت اسحب بالكزازة شويه شويه بقيت ضاغطة على شفتي من قوه الوجع وبدون مُخدر او شي يخفف عني الوجع فوك وجع كلبي
عَقمت رجلي بديتول ولفيتها بقيت اباوع هسه شلون المهن ؟
صحت بصوت مُتقطع على حسناء شويه وإجتني فتحت عيونها بصدمه من شافت حالي
اجت تركض عليه
- باريا : ديربالج كزاز
مشت على كيفها وصلت قريب مني
- حَسناء : هذا الحُب !
عضيت شفتي السُفلى
- باريا : يوجع
ضحكت بخفوت
- حَسناء : من جنت اشوف مُسلم اتعجب واحسه يبالغ بس فعلا الحُب الصادق يسوي هيج واكثر
من جان حتى بأحلامه يردد اسمها احسه يجذب عليه
غَرغرت عيوني بالدموع
- باريا : إعذري عليج الله يكسر الظهر المفارك
ابتعدت تجيب وصله تمسح بي الكاع
- حَسناء : دهر دهرج العطر يكتللل
ضحكت عليها فعلا الكاع انترست بالعطر بس فدوه .
امي جانت المعزبه بهل ميدان التحجي وي خالو مُسلم والتخطط والبخور الجابته
جابتلي فُستان للخطوبه احمر أصريت عليها غير الاسود ما البس
على الرُغم من غضبها جابت فُستان اسود مفتوح من فوك وطويل
يومين يفصلنا ! للخطبه تليفون علي الدُر مقفل وكلبي محروك حَرك ميجاوب عليه
نزلت جوه بالكوه امشي توجعني رجلي وفلفلو على الخطوبه رحت احاول ابين عدم اهتمامي واسئل بصوره سطحيه بس متحملت
- باريا : خالوو
جان مشغول بالتليفون يكلب بي
- باريا : علي الدُر راح يجي للخطوبه ؟؟ وشعجب مجاي تطلع وياه
ذب التليفون على صفحه وباوع عليه بشكوك
- حيدر : ميكدر يجي للخطوبه وراح اروحله فد شويه للمستشفى
فتحت عيوني على وسعها وتأتئت
- باريا : ليش ش.. شبي ؟
- حيدر : يعني بالمستشفى شبي
عافني وطلع وضليت اكل بروحي أكل ماعرف شسوي وين المستشفى اروحله
رجعت ادك على تليفونه اكثر من مره
متحملت صحت حَسناء وسولفتلها كُلشي
رادت تكوم تحجي لخوالي
- باريا : بعد ما احجي وياج للموت والله
- حَسناء : انتِ مطيه شلون تسكتينن ؟
- باريا : الله يحلها بس هل فتره
كعدت تفرك بإيديها بقوه
- حَسناء : هاي وكلها ومتحجين متسويلج حل الولد راح يموت من وره سوالفج
عافتني وطلعت من الغرفه بقيت كاعده بمُكاني الايام تمشي بسرعه واني اموت تدريجيًا حياتي دتنتهي شويه شويه
ميفصل بين الخطوبه والعرس إلى كم يوم وهاي كل التخطيطات مماخذين رأيي ههه !
ولا اعرف اي شي عنها مجرد اباوع بعيوني والاسمعه اسمعه والباقي متسولفلي
وصلنا ليوم مشئوم راح اكون رسميا مو زوجة المُقدم علي الدُر بَل المُحامي مَيمون
شفتوا الإختلاف بعيد عن إختلاف الاسماء بس كلبي مو بإسم مَيمون شنو هل غيره اليتزوج وحده متحبه ويعرفها تحب غيره
من الصبح تكعد بيَ سناء رجلي اتحسنت شويه طبيت سبحت على السريع بس مو بنشاطي لو يكلولي باجر خطوبتج لعلي الدُر
شي بالكوه عليه اسوي اخذتني بدون روح للصالون لدرجة حتى ام الصالون استغربت من شكلي وبقيه البنات يسولفن لو يضحكن اله اني
سئلتني ام الصالون وهي تضحك
- دادة متضحكين شنو جابريج
ابتسمت بوجها وسكتت هيَ ايضا مبقت تحجي وياي كملت شغلها وطلعت على السريع
طول الطريق عاصره ايدي احاول ما ابجي
المعازيم اغلبيتها اجت بقيت كاعدة على الكوشه حتى إبتسامه ما ابتسمت
الدوخه الإجتني والغثيان مماكله شي ولا اريد اكل بقيت منزله راسي وكاعدة حتى الاغاني مخليت احد يشغل
اجتني سناء همست قريب مني
- سناء : متضحكين مو ؟ لتضحكين براحتج بس لتنسين سويناها مره بي نسويها الف مره وبعد بكيفج
كمشت ايدها اترجاها كدام الناس ودموعي نزلت
- باريا : ابوس ايدج لتسوين شي ابتسم والله
نزلت ايدي من شافت كم وحده ضلت تباوع بإستغراب علينا شعليه بالناس اني روحي مفرفحه
راح يعقد النا السيد قربوا مني طاسه مالت ياس ومي اشرت الهن
- باريا : ما حب هل سوالف رجعنه على زواجي الثاني
سدت حلكي حَسناء بقوه
وكفت قريب يم الباب وعاد الشيخ كلامه اكثر من مره فززني صوت الشيخ من كال
- قولي نعم
صحت بصوت عالي اتنرفزت
- مواقفه
ضحكن كل الموجودات مادري على شنو بس بالاخير كلت نعم رجعت لمكاني مكسوره
موجودين اهله واباوع بالوجوه امه تباوعلي من فوك ليجوه حسيت بروحي نقص ومبينه مُتحكمة وقياديه وتحاول تصغر بروحها وتخوزر بس هاي عليمن عليه والله يالله
كعد ميمون بصفي ابتعدت عنه اكثر
رفعت راسي اباوع عليهم احاول اكتشف شخصياتهم
اتقربت إلي كمت الها اسلم عليها بس اتفاجئت من اردفت
- ام مَيمون : لا عبالج راضين بيج لو ما ابني فلا اجي
همست قريب منه بإسفزاز
- باريا : شفتي بس غصبا ما عليج اجيتي ههههه؟
فتحت عيونها على وسعهن عبالها فقيره وما ارد عليها اني من اول لحظة اتعارك وما اسكت الها
اتكترت على صفحه وحجت وي بنات وتباوع عليه وكلأسد اباوع عليهن اضحك ممهتمه
والله ونسني بس شفت وحده رخيصه ملابسها اني البحساب خطيبته ملابسه هيج فستان
شغلن اغاني بُغضا بيَ بس هم حقهم ابنهم خل يفرحون من يدير بال إلي
اتقدمت تركص كدام ميمون وتهز بطي*ها
وياريت لو حلو وبي مجال لا والله
طي*ها يشبه وجه زوزايه متحملت طكيتها بضحكه طغت على صوت الاغاني العالي
اخخخ ضحكتي طلعت من كل كلبي من اتخيلت الربط بينهم
إلتفتلي مَيمون ايضًا جان معاجبه
اتقربت على ميمون اكثر وجانت حاره وهي عركانه دار وجه عليه عود يعني يستشرف وهي انلبست
الله ذب عليه الضحك مِن صدك جان الموقف يضحك بِشدة ولابسه لون اصفر جنه نعالي ابو الكركوشه بس جان نعالي نضيف وهي وصخه
مجنت اعرف هاي الشخصيه راح تشكل معظم مشاكلي !
لبسني الحلقه على السريع وانطيته الحلقه بدون ما البسها اله باوع إلي بخزره لبسها بوحده وطلع حتى بدون ما يوكلني كيك عوع شنو ما اعرف اني اكل
وبقى الذهب حتى اول مره اشوف ذهبي معبالي مشترين ذهب مطفيه ملبسني اياه وجان احسن
طلعوا والمعازيم بدأت شويه شويه يرحون أله اجتني وحده مجنت اعرفها بطلب غريب من دا انزع بحذائي
اتقربت مني واجت بعد اكثر من بنيه باوعت عليهن بإستغراب وبيدهن قلم
- اكتبي اسمائنا على الحذاء بلكي تمشي قسمتنا
باوعت على الحذاء 38 هاي مال اخليها بحلك مَيمون مكلت لا وكفتهن بالسره
اضحك عليهن شهل خُرافات
خذتهن على كد عقلهن
- باريا : يله انتِ شسمج ورجاءا ماعندي وقت دتشوفين كومة نسوان وراج
ردت عليه بسرعه
- اسمي فرح
ومشيتهن بالسره اكتب اسمائهن على الحذاء وقررت اول ما يطلعن اذبها بالزباله
المُشكله مكفت الحذاء فوك ال6 هن
طلعوا الناس الغربه وبقوا بس المُقربين
دخل خالو مُسلم حضني ويضحك وياي
واني الفاقده أحمد وعلي الدُر جان وكفولي
باركلي هو وخالو حَيدر وبس خالو علي سلم عليه من بعيد وراح
صحت على برلين عود تساعدني صعدت للغرفه
دفعتها لداخل وبسرعه قفلت الباب هاي وجها صار اصفر شنو اتحرش بيها !
بس هاي دكه بشرفي هيج اسويها اتقربت الها
وكمشتها من جتفها
- باريا : احبج
- برلين : استغفر الله
- باريا : تعرفين ليا مستشفى يروح خالو حيدر يمكن ديخونج متشوفينه كل يوم يطلع شنو انت متخافين
- برلين : اعتقد يروح لمستشفى ال****
قاطعتها واني ابوسها بستها بسرعه اكثر من مره بخدها فرحانه
- باريا : انتِ شنو مسويتلي سحر ليش هل كد احبج شكد شريفه
- ابعدتني عنها تستغفر بصوت عالي من عاب حالها شنو على سواد عيونها اكللها احبج
ثاني يوم نمت بكُل نشاط من الصُبح خذت فلوس وطلعت اجرت تكسي اروح اتفقد حاله
وصلت للمستشفى سألت عن غرفته جان بالطابق الثاني صعدت بسرعه خاف طلع ! واني مملحكة اودعه على الاقل
وكفت كدام الباب كلبي يدك بقوه دكيت الباب دكه خفيفة ودخلت
اتفاجئت من جانوا موجودين شخصين شرار وبعد شخص ما اعرفه كاعدين بصفه شخص يوكل بي وشرار يسولف
إندارولي شرار يخزر بيَ والشخص الثاني عيونه احسه نار تريد تعدمني ... كبر منو حارك حمامهم هذول ؟
بقيت واكفه بمكاني متصنمة دار وجه علي الدُر مني تعبان شكله اتغاضيت عنهم كُلهم اتقربت اكثر عليهم
صاح علي الدُر
- إيليا اخذ شرار واطلعوا
ثواني والغرفه فرغت بس إحنا جانت من وكت كُلش كلت اطلع حتى محد موجود
باوع عليه وضحك
- علي الدُر : شكد شايف برابيك مثلج ما شايف شلون صلافه
- باريا : خفت عليك
- علي الدُر : جنت قبلها بيوم ويايَ ثاني يوم وي غيري لو اموت شتسوين ؟
صحت بصوت عالي
- باريا : هاي الاني سويته كُله علمودك
ضحك وكأني كلت فد نكتة
- علي الدُر : جذبي بعد اكثر وحابج اكثر وهيج مجازاتي لج واني الاكول ترفه متعرف تجذب متأذي كلبي
اخذ نفس عميق وحجة بحركة كلب
- علي الدُر : شـابع ظـيم هلكـواد گـلبي
بجيت كدامه واحس بضعف واني احاول ابرر موقف لكن اكتفى بأنه يصد نظره عني وحجه
- علي الدُر : لتعبيني اكثر اطلعي
طلعت بسرعه ودموعي تجري اردف إيليا
- باريا : حيه زركة كله بسببج
باوعت بوجه اريد اكله بعيوني من الغيظ غثيثثثثث مينبلع بس هو الايده بالمي مثل الإيده بالتيزاب
عفته وطلعت على السريع واول ما طلعت اتذكرت اني مخطوبه ولا كلت لاهلي ولا حجيت لأحد اني طالعه
وهذا الموقف اتسجل عليه ذنب عظيم
وهسه الملائكه تلعني لان ما حجيت لزوجي بس شنو عوع اتحاسب علمود مَيمون ايع
وكفت بنص المستشفى ردت اغم روحي
والله جنت ممنتبهة واني على ذمة شخص
رجعت احاول استغفر اي شي مُمكن يغفر شويه من ذنبي والله مجنت اقصد
وكفت يم محل اشتريت إلي حُمره ونظاره علمود لحد يكلي وين رحتي هسه اني مترزله مترزله خل اتريك اني من اضوج اموت على الاكل
جبت لفة كص لَحم وعصير برتقال
اكلتهن ورجعت للبيت
استغربت شهل برود الاني بي وهستوني مضروبه بوري وكرامتي منسحله
رجعت لو هي الرزايل مُطر تمطر عليه من سناء وخالو حيدر زادها عليه بكلامه
- حيدر : متحسبين حساب لواحد منفلته تطلعين بدون ما تكولين لحد خاف عبالهم ضعت وين راحتت
- باريا : جنتوا نايمين وكعدت ضايجه
ادور بالوجوه اريد استعان بصديق وين خالو مُسلم واشوف عيون خالو حيدر انكلبت نار يريد يرزلني رزالته تدك بالعظم نزلت راسي اريد ابجي من صدك
شويه وسمعت خالو مُسلم يحجي وي خالو حيدر
- البنيه مو صغيره وتعرف شنو جاهل وتضيع لتخنكوها تعبانه وتشوفوها بيها توحد حتى صديقات ما عدها ويامن تطلع
ضل يحجي ويوصف حالتي إلى درجة ردت ابجي على روحي ، صدك اني بيه توحد ؟ لااا
حاولت اتجنبهم بهذا اليوم صافنه وايدي على الخد
امي على مدار اسبوع كامل كل يومين تطلع تجيب علاكة ملابس دتجهز من هسه للعرس
سألتها مستغربة
- باريا : ترى بعد وكت ؟
- سناء : الاسبوع الجاي يريدج ميمون بيتهم
طلعت من الغرفه شنو هم حاسبته خطيب ما رُفع تليفونه بالغلط عليه وهو يعرف رقمي بس حتى لو دك خيولي
بدت تطلع مرات هي وحَسناء لو برلين واما حَنين فهاي سالفتها سالفه طويله
شكد تتوسل بي اروح وياها حتى لو بس شويه بس ما اريد مرات اتخيل هل فتره وزواجي من علي الدُر هم راح تكون هيج ردة فعلي !
مَر اسبوع بسرعه حيل وجان جدا عادي محاسه بلذة العرس والفرحه رايحه روحي وحتى على الدُر ما اعرف اي خبر عنه اراسله ميرد عليه
ليلة هل يوم مكدرت انام الليل كُله صار
وصار التاريخ المتفقين عليهم
الشهر الخامس واحد وعشرين
الهالات السوده التحت عيني وضعفانه حيل شربت بس حليب فتحت تليفوني دزيت اخر رساله إله
- اريد اودعك بس اخر مره علي وينتهي البيناتنا هاي اخر فرصه
دزيتها وقفلت التليفون جابوا البدله مشايفتها ولا اعرف على كدي او لا والله باوعت بحيره والافكار تتطاير من راسي
- اذا اشرد شنو يصير !
ودوني لنفس الصالون والصدفه نفس البنيه المكيجتني اول مره بالخطوبه ضحكت بوجها لمن اتذكرت شكلي المزعوج
طلبت منها مكياج جدا خفيف لكن اتفاجى من امي تشاورها وهي تهز براسها
بدت تشتغلني وكلبي ممرتاح هاي دتخلي اللوان هواي
وصلت للنص ابتعدت شويه اريد اباوع اشوف عيوني قوس القُزح جميع الألوان مخليته على جفني صدك تحجي ؟
- باريا : رجاءا شيلي لا هسه ابطل واطلع اني حلوه بدون مكياج بس كوه عليه داخلي
بينت على ملامحها الانزعاج بس شعليه اني مكلتلها هيج سوته مكياج خفيف حيل وخربته بحمره حَمره عوجت وجهي وهم مردتها بس صاحت بيَ سناء انجبرت اسكت
رجعت ومُسلم لابسله قاط ومعدل بشعره
بقيت كاعدة اني جنت رايحه للصالون ب8 وطلعت من وكت بعدها الناس مجايه
شويه وصاحتني حَسناء لغرفه وره البيت تقريبا
وحجت وياي بصوت ناصي
- حَسناء : انتضري
جانت الغرفه متصله بممر طويل من بره من يدخللها الشخص من الطرمه ومن البيت الداخلي بيها بابين
لحظات قَليلة فرغوا الصالة وبقيت بس اني بيها ارجف مو بس اني ابجي احس كلبي هم وروحي راحت
مثبته الكاب مادري شسمه بإيدي ومنزلة راسي
بدلتي البيضة والمكياج وباقة الورد بيدي
انفتح الباب ودخل علي الدُر بسترة جوزية وبنطرون قماش اسود وحذاء رسمي اسود
والوجه تكول عمره اربعين سنه على كد الهموم البوجه سد الباب ونزلت راسي
وكف كبالي واسمعه يبجي بصوت ناصي كدامي
- علي الدُر : مكسور كسر ضلوع كلبي بفراكج شلون اتحمل كبالي تنزفين شكللهم اليوم زواج حبيبتي ؟
من يسألوني كاشخ ولابس اكللهم رايح لعرس اللازم تكون مرتي !
بقيت منزلة راسي ابجي اكثر ضاغطة على اصابعيني احسهن راح ينكسرن
منزلة راسي واشوف بس جسمه ايده ترجف اكثر مني
يحجي كلمة ودموعه تنزل على ايده
- علي الدُر : اخاف احسدج طالعة عروسه اليوم جان صرت اسعد انسان بهل عالم لو انتِ اليوم مرتي وبهاي عيونج اني اجودر وانام
صاح بصوت مُنخفض
- علي الدُر : ارفعيلي عيونج خل اشوف هاي العيون المامخليتني انام
رفعت راسي وعيونه دَم اشرلي انزل الكاب نزلته لو اني وياه انفجرنا بالبجي واحد يحب الثاني
دموعه المايكدر يسيطر عليهن ويمسحهن
لو لبسه اليشوفه يكول هوَ العريس
طول النَظر بعيوني وبقهر
- علي الدُر : جنت محظر كومة عَتب وانواع الكلام المحَمله بكلبي كله راح هسه
احس بداخله صِراع يتحرك بصورة عشوائية يفتر حولي
- علي الدُر : لج احس روحي ناقص شلون اباوع على عرض غيري
نهى جملته وباوع بعيوني بادلته النظر وعيونا غوركت بالدموع
- باريا : كلهم ناقص اله انتَ زائد
- علي الدُر : اي متشوفني اتبدلت ...
روحي راحت من البجي
- باريا : علي احبك والله احبك اريدك اني ماريد احد غيرك ماكدر كلبي يوجعني
رفع عينه شرار كدامي من الغليان
- ليششششش تحبينيييي ليش مو اني الازفج عروس بيديييي ليش شبيه مو الردت ازوجج لو ضحكت عليج بس حاجيني يالعيونج جحيمي
صوت شهكته العاليه والنَحيب وفتح كم دكمة بالقميص
- بس اقبلي والله هسه اخذج واشرد
كعت بالكاع ماكدر اسيطر على اعصابي ترجف اشوف خشمه طك دم وبعده كبالي ويبجي
- خشمك علييي
- اني الكلبي ينزف تجين تكليلي خشمك ؟
كلبي فرفح بكلامه ضليت اخرمش بإيدي واجر بشعري تعبوني اليشوفني يكول مخبله واني صدك انجنيت بهل لحظة اجرح بإيدي ... هلكت
انطاني كلينس وبعده خشمه ينزف اكثر دم
- علي الدُر : اني اتبدل يجي بمكاني احد بس ديربالج على عيونج محد يجي بمكانهن
- باريا : يروحلك فدوه عيوني ينعمن اذا يشوفن غيرك
صاح بصوت مُرتجف
- علي الدُر : ما تنقهرين عليه ؟ ولج زلمة شكبره يبجي كدامج واني الماباجي كدام روحي ابجي كبالج تروح روحي بشوفتج شلون ينطيج كلبج هيج تسويلي ليش ويايَ ليش تأذيني ؟
اختنكت هواي حجي بكلبي ميفهمني شكله شأحجيله محد يعرف شنو بكلبي شنو الدامر بي اني بسببه اني بسبب خوفي عليه
ركع كبالي وبمستوايه وخلى مَسافة مَتر بيناتنا
ويبجي كدامي مثل الطفل
رفع خصله من شعري
- علي الدُر : المدلله اليوم تنام بحضن غيري
اشر على ايده المتروسه نُدبات جوايت جكاره بكل انحاء ايده
اشرلي على الندبات
- علي الدُر : هاي كل ما اشتاقلج اجوي روحي وهم ما اتوب بعدني!
- يا صاحب المتعوبين يا كلبي
اندكت الباب ودخلت حَسناء باوعت علينا بقهر وهي تشوفنا ..
- الزفة راح تجي اطلع
كام بحيل مهدود على كيفه استند على الحايط مايكدر يمشي اتقرب منها واردف
- ممنون منج خويه ما انسى وكفتج
إلتفتلي وعيوني متركزه بعيونه
- علي الدُر : لتنسيني اسمج داكة وشم بكلبي
طلع وهوَ يريد ويدوس على الكاع بقوه
- حُكم اعدام كلبي اليوم ..
طلع وهي اجت تكومني احس انتهيت
- حَسناء : لج ليش تخليني اتندم كومي لو احد يشوفج شيكوللل
كامت تعدل بملابسي وبمكياجي جانت يمكن محسبه احسابها طلعت حمرة وباودر تعدل بمكياجي ماكدر اسيطر على دموعي وهي بكل حركة كلب
طلعتني من الغرفة ودتني للصالة والناس وسط همسات الناس الفضوليين واليسأل وين جانت
وهي تجاوب بكل ابتسامة وحُب
- تعرفون عروس وتعبانه لازم ترتاح
خايفه من مُستقبلي المجهول بدونه
شعور يذبحني ماكدر اني على ذمة رجال شلون افكر برجال ثاني
بس كلبي كلبي شلون بناره ماكدررر
مو هذا الاريده مخططة مستقبليي غير !
انطوني قرآن صغير كلولي اقري منه
فتحت القرآن واجت عيني على ايه
{وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ }
خلصت قراءة هذهِ الايه وتَمسك الامان داخل كلبي لكن سارعاً ما اختفى شُتات هذا الامان بدخولهم حجيمي مختبئين تحت قناع الحُب ..
تجيني افكار تسحبني سحب من عقلي ... افضحيهم ... خربي العرس ... لتروحين
اصرخ بداخلي هوستهم واهازيجهم
- مَيمون رايد رايته عايف بنات ولايته
رفعت راسي وبغَيض هذا رجل القانون ؟ هههه
هاي القسموا على القرآن والوعد والصدق بالعمل هاي تاليتها ؟
وين غيرته بالموضوع مجاي اشوف شخص بس اشوف خنزير مُتجسد على شكل انسان
بدون اي تفاهم كعد مغصوب يمي
وإلتفتت اباوع بالعيون غيربة بوسط اهلي وناسي
اباوع من بعيد جانت شخصية تباوع بقهر وبغيظ علينا شفت الوضع هيج لو اني احس احتركت فوك هاي الضيم تجيني وحده هسه تمرمرني اتقربت النا وطلعت هاي ام الاصفر لبسها الأصفر تكول مسويه كمين للقرد طالعة موزه
وين انطي وجهي إلتفتت اله يباوع مِبتسم عليها
وإلتفتلي وعيونه معلكه عليها وهمس
- احبج ياروح ميمونج
احس الكلام مو إلي ابد يحجي شي وعيونه شي
جان بداخلي امل صغير يفتهمني ويطلكني يساعدني يصخمني بس ئواد
نزل الكبوس عليه اكثر وهمست ... ترى مو محجبة شكو تخليه
دخلوا خوالي باركولي وخلوني كدامهم
- هاي امانه عندك
حضنتهم وضليت ابجي خالو حيدر يضحك ويحاول يسكتني بس خالو مُسلم الحنين يريد يبجي وياي ... بالكوه طلعوني من البيت
وزفوني واني بكل خطوه اتخيل شكل علي الدُر بهل لحظة شكد صعبه هل ساعة
صعدني بالسيارة للفندق واني اتمنى اموت ولا يسويها
وصلنا للفندق نزلنا واجت امي بيدها جُنطة صغيره دخلت للغرفه واجت تنطيني الجُنطة
- سناء : كلشي يكلج علي سوي وبعدين نبدي بالشغل بس طاوعي هل ليلة
طلعت من الغرفه ودخل وراها بعدني اريد اكُله ماكدر اتمم وياك هيج يوم بس اتفاجى من يتقرب ينزع الستره واني بعدني بالبدله !
نزع قميصه بسرعه احاول اجمع الكلام بحلكي
- باريا : عليك الله بس افتهمني
الجمود والبرود البوجه
- مَيمون : اششش علمود تحلمين ترجعليه
بجيت بصوت عالي خايفه
- باريا : بس إنطيني مُهلة والله بعدني ممتقبلتك يُعتبر اغتصاب مو بإرادتي هل شي
سَد حلكي بإيده والإيد الثانيه يفتح سحابه البدله حاولت اتحرك منه بسرعه ما اكدر
ابعدت ايده بصعوبه
- باريا : متعرف القانون لك اني اعلمك الإغتصاب وان كانت زوجتك جريمة يُحاسب عليها القانون
- مَيمون : شنو صعبه عليه اطلع منها وانتِ تنذبين بالسجن مثلا ؟؟؟
دفعني على الجربايه ويضحك
- مَيمون : انتهت قصة حُبج القديمه اليوم نتطوي ورقة الحُب تتبدل بورقة الجحيم
<><><><><>
عددنا هسه 144 k ❤️🔥
الحمدلله دائما وابدا
ردت اضيف جزء لهيلين بس كلت خاف اتاخر عليكم وعلى غير بارت اجمعهن سويه او واحد خاص بهيلين وتدللون عليه بس اتفاعلووو🙈
<><><><>
لنا لقاء اخر ... اعزائي