الكاتبة :- زينب الحربي
حساب الانستكرام:-zienab_alharbi
……………………………
نَحنُ أعمَق مِن أن نَنْطَفئْ
نَحنُ نُجومٌ سَرمَدية الضِياء
………………………………
ريم: -
طفيت التلفون وكعدت بالكاع بجيت ليش هيجي ربي ليش معقولة ثكيلة علئ امي خاطر تفكر بية هيج تفكير معقولة تكول لا اني امج ولا اعرفج اذا تطلكتي زين ليش مو حجيتلها كلشي معقولة ما حرك بكلبها ولا اشوية زين اللي مريت بي ما حننها علية ليش هيجي ياربي ليش نخلقت بنية اني بمجتمعنا استغفرت الله وكمت غسلت وسكتت عمرها مراح تفهمني ولا راح تحس بية ولا احد حيحس بية الوجع ميوجع غير راعية بجيت بدون صوت بس دموعي تجري يا علي المدد كلبي بعد ميتحمل ابدا
اخذت تلفوني وكمت اشوف جهالي دك التلفون بايدي رفعتة وشفتة هو جريت نفس شكو تخابر شكو فتحت خط وعطت حيل الووو
_الوات اشلونج عيني
_طلعت حركة الله كلها بية لك متجوز انت عود جاي تستفزني خاطر اغلط عليك وتطلع انت البريئ واني الغلطانة مو انت انسان جدا منحط
_علئ كيفج حياتي هسة اني شحجيت غير اتصلت اطمان عليج وعلئ الجهال
_انهجم بيتك يبو الجهال ميت عليهم انت عود تريد تلوي ذراعي بيهم عادي تعال اخذهم المهم اطلك منك
_اني لا لويت ولا شي مستعز بيج واريدج شعلية بالجهال اني
_تريدني حتئ تعلمني اشياء منحطة مو بدينا بالشرب والجكاير يجوز اذا رجعتلك هسة تاخذني للملاهي وتسويني وحدة وصخة مو بعيدة عليك
_هوب هوب شبيج بابا اهدي عليمن هالحجي هسة خل نفتح صفحة جديدة لخاطر نفسنا ولخاطر الجهال
_ليش افتح شنو حصلت منك غير الهم والغم شحصلت منك غير الاذية ضرب خيانة جرح شرب تدخين كلشي محصلت منك غير انو تبعدني عن رب العالمين انت وصخ ووصختني
_نضفيني انتي ما اكدر انضف روحي بروحي ادري بروحي وصخ
_جريت حسرة وبجيت اني تعبانة كلش خل اكوم لروحي وبعدين الك
_لتبجين ادري بروحي انسان سيئ بس اعذريني مابيدي شي والله اكو شي جاي يتحكم بية
_ضلينا نحجي اهواي وبعدين سديتة جان عقلي مدري وين عفت اجراءات الدعوئ علمود امي ادري بيها تتاذة علئ الجهال سكتت وعفتها ضل كل يومية يتصل يسال عن الجهال وعلية ادري بي يريد نرجع ومخلي الجهال حجة بس ذيل الجلب ما ينعدل ويرجع اسوء من قبل مرت 8 اشهر اني بالعراق وهو بغير دولة بس يتصل و يسال علية وعلئ الجهال وامة تروح لمصر وترد علمودنا بيوم جنت داطبخ غدة ودك التلفون غسلت ادية ومسحتهن بالصدرية واخذت التلفون رديت الوو
_الوات اشلونج ريمي الجهال اشلونهم كلكم اشلونكم
_ما انكر اسلوبة تغير وكلماتة تغيرت بس اني ممنطيتة مجال كتلة تمام زينين كل احنا وانت اشلونك
_بخير عيوني اذا انتو بخير اكلج
_جر حسرة وهو يحجي كول شصاير
_راح ارجع هاليومين للعراق
_فكيت عيوني وكلبي كام يدك سريع دنعل ابو كلبي ما انكر حنيت الة واريدة بس كلبي حاقد علية علئ ذنيج سوالفة كتلة اي هلا بيك وسديت الاتصال لزمت كلبي السواه بية مو قليل لا تحنين ريم لا تحنين بس بعد كلشي قررت انطي فرصة ثانية خاطر امام الله ما اكون غلطانة وانطيتة كل الفرص وهو ما ساعدني قررت انطي فرصة بلكي الله يتغير وياي ونكون عائلة صغيرة بسيطة كملت الغدة وكعدنا نتغدة ضلينا ع تواصل بالتلفون ثاني يوم بالليل خابرني فتحت خط
_ريمي طيارتي ب6 الصبح يعني الضهر اني يمج
_توترت مدري شبية اي هلا بيك
_وبيج اكثر مشتاقلج فوك ما تتصورين
_خرب هذا شيحجي والله اني ماعندي كرامة اذا اتاثر بكلامة هسة تشتاقلك العافية كملنا حجي وسديتة كمت بتوتر رحت لامة كلتلها يوم
_ها ماما كولي
_باجر يجي حسين طيارتة الصبح
_اي ماما كلي هلا بي يوصل بالسلامة
_هو شسمة راح اروح للمحل اخذ كم شغلة وارجع ماشي ديري بالج ع الجهال اوكي باوعتلي وضحكت عرفت شنو اريد
_هههههه روحي ماما اخذي راحتج ذولة يمي
_لبست وطلعت للكوزمتك جبت شيرة ومرطبات ومواد عناية وكلشي ورجعت للبيت نضفت جسمي وسويتلي اجواء سويت حمام مغربي من زمان ممسوية ولا الي خلك لنفسي فرغت روحي النفسي وفوك التلث ساعات ماسكات وتبخير وسويت كلشي الجسمي مو الة بس لنفسي طلعت من الحمام لكيت خالتي بالصالة باوعتلي وضحكت
_مبروك يا عروسة لو ادري هلكد تهتمين بروحج وتوردين من زمان مودية.ع حسين
_جريت حسرة ماما قررت انطي فرصة وكدامج هاي الاخيرة تعبت كلش بس قررت انطي فرصة لخاطر الجهال
_هههه لخاطر الجهال علينا يمة كلنا هيجي جنة نكول بس لخاطر نفسنا مو لخاطر الجهال
_هزيت راسي ورحت من يمها نشفت شعري وشسورتة وخليت كريم ليلي واخذ جهالي بدلتلهم ونمنا ثاني يوم كعدت الصبح بين متريكنا وخلصنا ونضفت البيت ولبست جديد صارت ب12 ونص كلنا منتضرينة عشتو. دخل
_السلام عليكم
_كلنا ردينا السلام راح علئ امة واختة سلم عليهم وسلم ع خوالي وخالاتي وصل يمي اني والجهال حضني وباسني من راسي كتلة الحمدلله ع السلامة
_الله يسلمج ذولي الادبسزية كبرانين ميعرفوني
_صدك ميعرفونة ثمن اشهر صار شردو منة بس اني علمتهم رحت صبيتلة غدة وتغدة وكام راح للغرفة اشرتلي خالتي بمعنئ روحي وراه رحت وراه اول مدخلت كال سدي الباب واني التوتر يقرا الف عبالك ليلة عرسي مو عندي اثنين جهال سديت الباب واجيت كعدت يمة رفع روحة وخر شعري من وجهي
_اوف شكد مشتاقلج
_خليت ايدي فوك ايدة تقرب مني باسني وسحبني وصار فوكاي سوينة كلشي يعبر عن الاشتياق واني هم تفاعلت وياه كمل وكام سبح واني هم سبحت اجيت تمددت يمة بدة يحجي
_شفت ايام حيل سودة هناك لا شغل ولا عمل وطردوني من الشقة واهلي كلهم هنا حنئ بالشارع نمت هاي حوبتج طلعت بية ما تعدتني ابد
_الله يمهل بس ميهمل حسين خل نبدي صفحة جديدة خل نتغير علمود الاطفال خلينا نكون بشر بمعنئ الكلمة مدام الله مخلينا عايشين الهسة ونتنفس وعدنا صحة وعافية خلينا نكون بشر مثل ميريدنا الله
_ان شاء الله اكون مثل متريدين
_غفيت ذيج الليلة بحضنة والجهال يم خالتي كعدت من الم بطني وضهري عرفتها الشهرية كعدت كتلة صباح الخير واني الوج باوعلي باستغراب
_صباح النور شبيج يحتاج اخذج للمستشفئ
_لا ميحتاج اجازتي حتبلش باوعلي بقهر وكال
_خرب بحضي شنو من حظ فكر
_باوعتلة وضحكت حيل هههههههه
_اي اضحكي شطايح ع كلبج
_اكلك شرايك اخلي لولب بما انو الحالة مو تمام وجهالنا صغار اكول لامي تاخذني ونروح
_اي عيني براحتج خل امي تاخذج
_صدك مرن اتلث ايام واخذت خالتي ورحنا للدكتورة تخليلي لولب شكلتة ورجعت للبيت او ايام مؤلم عبالك اشلون الحريك بس بعدين عادي حسين لكالة شغل بصفنا يومية 10 ونعمة فضيلة كلش بعد شهربن كتلة حسين
_عيونة
_شرايك ناجر الشقة الاخيرة بالعمارة بما انو العمارة كلها النا احسن ميجي احد غريب
_اي بعيني اروح واشوفة بلكي يقلل الايجار
_صدك راحلة العصر وبما انو كلنا ماجرين اقارب بهاي العمارة قللنا اهواي من الايجار وانتقلنا للشقة الجديدة اني وزوجي وجهالي وهناك ضلت حماتي وخالتي. خالتي الجبيرة كعدت بالشقة الكبالنا استقرينا نوعا ما والوضع طبيعي بعد مدة اجتني امي زيارة هي وخالتي وخالتي ام حسين كلنا كاعدبن نتغدة اني مخلية لولب داحس باوجاع قوية هالفترة تقلصات قوية والمانع يسوي اعصاب ما اخذت مانع خليت لولب وسكتت بس الالام دتزيد دخيلك ربي نضفت الشقة كوة وصبيت غدة كعدنا نتغدة شلت المواعين داشيل اخر صينية وحسيت سجينة دخلت ببطني عطت حيللل يمةةةة بطني كامتلي امي تركض و خالاتي
_يمة اسم الله شبيج يمة شصاير
_اخ بطني يوم بطني سجينة ببطني دخلت يمة. ود
كعدت حجيتلهم السالفة والالام حتئ الشهرية انكطعت يمكن من اللولب ممركبتة عدل هاي لو مسوي مضاعفات كالت امي
_بعد اشوية اخذج للدكتورة ونشوف
_وصدك عفنا الجهال يم بيت خالي يم مرة حماي غادة ورحنا اني وامي وخالتي للدكتورة امي ببغداد انتقلت بس بعيدة عني مو بنفس العمارة اخذتني امي للدكتورة كعدنا انتضرنا السرة صاحت السكرتيرة اسمي وطلعنا اول ما دخلت السلام عليكم
_وعليكم السلام هلا ماما اتفضلي احجي شعندج
_حجيتلها كلشي كالت
_كومي تمددي خل افحصلج واخذلج سونار
_صدك كمت تمددت فحصتني واخذتلي سونار
_باعي ماما ماكو لولب احتمال طافر او ممركب عدل وبطانة الرحم عندج ثخينة احتمال حامل
_الخبر مثل الصاعقة بجيت من وراه فدوة لتكولين حامل ما عندي قدرة للحمل نهائيا
_دكولي يا الله ماما لتبجين حتئ نتاكد سويلي ذني التحاليل واخذي سونار ملون يم دكتورة ………… وتعاليلي
_اخذت الاوراق وطلعت لزمت سرة شطولة ع السونار وسويت تحليل وسويت كلشي ورجعت للدكتورة دخلت انطيتهيا
_اي ماما مثل متوقعت اللولب طافر وانتي حامل وملتصق بالطفل واحتمالية جبيرة يصير اسقاط والاسقاط مؤذي انتبهي ع نفسج خوش ماما
_خبر جان مؤذي لدرجة باوعتلها بصدمة حياتي مخربطة واطفالي صغار مو مال حمل حمودي اريد ادخلة روضة علمود يختلط بالاطفال اني شسوي هسة ايقنت نعمة الله ميصير اتبطر غيري يتمناها كتبتلي ادوية كلتلها شكرا وطلعت لامي وخالتي ابجي كامت امي فكت عيونها بصدمة عبالها اكو شي خطير
_يمة دخيلك يا علي شكو شصاير
_بجيت وكلتلها الدكتورة تكول حامل هدات ملامحها وفرحت احسها وكالت
_اي مبروك صدك جذب عبالي بيج شي والله هبطتيني عبالي بيج شي نعمة الله هاي ماما وانتي اتخذتي احتياطاتج لكن ارادة الله فوك كلشي انتبهي ع نفسج وعلئ اللي ببطنج
_خالتي باركتلي وامي هم طلعنا اخذنا الادوية ورحنا للبيت اول مدخلت لاكتنا خالتي ام حسين
_شصاير وياكم
_خالة اني حامل شفتهم فرحو وابتهجو الا اني مختنكة بس بالنهاية نعمة الله ما اكدر اعترض ابد
_ماما مشتهية معكرونة بالبشاميل كلتلها هيجي واني ابجي ضحكت علية
_هههههه ماشي ماما تدللين بس لا تبجين نعمة الله هاي
_هزيت راسي وكعدت راحت تسويلي وهي ضايجة كلتلها خالة اذا مبيج حيل اكعدي اني اسوي
_لا يمة اني اسوي ماكو شي
_بعد الحاح عليها شبيها كالتلي وهي تبجي
_بنيتي عدها سيلان وكلش خطير
_عرفت حماتي الجبيرة عدها مرض ومعدي من رجلها انقهرت وبجيت عليها اشوية وخالتي جابتلي الاكل اكلت بشهية لان حامل وجوعانة كملت اكل وغسلت المواعين اشوية ودخل الاستاذ كال
_ها ريم شصار وياج شكالتلج الدكتورة
_كالت حامل اباوعلة استغرب وكال
_هذا الطفل ميضل لازم ينزل
_واني هم ما اريدة بس هاي نعمة الله وماكو حالة مرضية تستوجب ننزلة يصير نسوي هيجي شي خاطر الله يكلبها بينا
_كلت العندي هذا الطفل ميبقة ينزل يعني ينزل
_واني ام وداكولك مينزل الناس تتحسر علية واحنا نجي ننزلة الله شيسوي بينا بعد بعد عركتنا ومشاحناتنا خالتي فكتنا وطلع هو للعصر اجة حماي ومرتة خطية فرحان بحملي حتئ مرتة فرحانة باركولي وكعدو
_الله يبارك بيكم والله خالتي مخلتني اسوي شي هي ومرة حماي سون عشة وتعشينا وخطية مرة حماية عاجبتها دشداشة عندي انطيتهيا تلبسها جان لليل واجة الاخ سكران ويصيح جوة لطمت ع وجهي يا عزا علي كوم بداعتي هذا فضحنا راح حماي يجيبة وصعدة ودفعة سكران ويطوطح وكوة يحجي التفت وشاف مرة حماي لابسة دشداشتي كال
_يالوصخة يا بت الوصخة انتي ورجلج اثنينكم وصخين ما تستحين لابسة ملابس مرتي خاطر تمرضيها ادري بيج مريضة وتغارين وتريدين تمرضيها
_لطمت ع وجهي حيل وركضت اعتذر منج اعتذر نيابة عنة مو بوعية لتهتمين اباوعلها تبجي حضنتها وكلتلها انسان مريض معليج بحجية بالكوة سحلتة للغرفة كوم يمعود فضحتنا الله يفضحك طببتة للغرفة ودفعنة ع الجرباية سحلني وكام يبوس ويحضن خرب بيك حتئ وهو سكران ميسيطر اذا ميسوي ذني الشغلات. بس مسوة شي مسيطر ع نفسة ركض نام واني هم تعبت ونمت سحلتة سحل للصبح كعدت لكيتة يتريك ولا كانو صاير شي الصالة كلها ريحة عطر اني كلبت معدتي وركض تقيات ومن هنا بلشت نساوتي …………………
……………………………………
بنات اهم شي تصويتكم + تعليق ما بين الفقرات
الكاتبة: - زينب الحربي