روح في بحر الظلام

الحلقة الرابعة والثلاثون

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق  بين الفقرات لا ينزل تفاعلكم اكثر لان استمد قوتي منكم

+ لتنسون اضافة الحساب لطفا 🥺💔

البارت اكثر من 5000 كلمة

⭐🌟⭐

/////////////

عاتبته بس شعاتيت كتله انه عنك طولت
مفروض اجيك بكل وكت
يا مرهم انته لكل علل
ابالي عايش ونبي
كتلك تعال وماتبي
حتى لو تعاند ماتجي بالطيف الك جا سيرت

___________________________

رانيا

ليلة المحاكمة لوجه الصبح اني گاعدة بالطرمة بلارض بلا فراش النوم مجافيني مريضة حيل وتعبانة ودوخة فقر دم تسويلي لعبان نفس

گاعدة بصف الحايط وانود
البگ اكلني اكل، وما اگدر ادخل جوة ليلتهة انعادت هواي ذكريات مشؤمة

گاعدة وابجي واحك بقرصات البگ اللي ورمت ادية ورجلية تنرفزت بشدة واني اعصابي على الشعرة مرگدة ضليت ابجي واضرب بوجهي

:ووينك ززياااد وووين صرررت والله تعبت ياااربي
يرجع رانيا لا تخافين يرجع واحضنة واني ادللة وادير بالي علي حتى اكثر من قبل

بس خاف يحكمونة هواية لان هو ما تبرئ لا من القتل ولا من سالفة المخدرات
دريد السبب دريد اللعين اني حقيرة اني جبانة كلشي صار اني سببه ليش ماگلتلة وحجيتلهم عنة
واذا موتوني واذا ذبحوني على الاقل زياد زين
هههههههههههههه غبية خافت من الموت هسة اتمنى طاري الموت عشت الموت ميت مرة ومامتت
هههههههههه فرحانة باچر يطلع بابا وادعي لزياد عبالهة راح ياخذوهة بلاحضان
بس اني مالي ذنب والله
زياد يسامحني اي زياد هذا مالتي
بس بابا راح يعذبني
بس اني شنو ذنبي
ياااا الله سسساعدني راااح اموووت شهالحيييرة يااا الله

-گمت وگفت مشيت خطوات وافتريت حوالين نفسي اكل بأضافري واحجي بصوت مسموع

لا ضل شرف ولا سمعة اني شكو عايشة ومنتضرتهم شريد منهم

اذا اذا رجعو راح يسألوني عن دريد هههههه ويشكون لية وميصدگوني
صخام الصخمج رانيا
ياربي انقذني بالموت ماكو حل ثاني
حتى اذا حلفت بابا مراح يصدك يمكن يخلي حتى مشمش تكرهني  دريد اريد من الله موتك يصير ابشع موتة يارب تموت مقهور مثل ما ضيقت علية الدنيا بكبرهة انت وقيصر اللهي لا تسامحهم لا تغفر الهم

:شبينج وبين دريد

التفتت علية بسرعة موسعة عيوني بخوف وبصدمة
كان ضخم والظلام يسود المكان
واني عيوني مغوشة
فماشفتة غير خيال ضخم

:ششش شترريد منييي المن لحكتني لهناااا، اني مااا جبت سسيررتك مااا حجيييت الهم عنك روووح روووح تعاااالووولي الحگووووني

گعدت بالارض رجلية صارن خيوط من الهبطة وهو
دنك علية

:وولج شششهاب اناا شهاااب ولج عمممج علكيفج

ضليت الجي بصوت عالي واصييح

:ولك وووخخخخرررر وووخخخخررر  رررااااح امووووت

:وخرت بوية وووخرت مووو يمجج والله موو يمج بس فوووتي وكافي لا تحجين وي رووحج بالضلمة موو ززيين

اجت مشمش مفزوعة شعلت الضوة  گعدت يمي

:هاا شبيج، عموو شبيهة شسويتلهة

:دهر الدهر عمج بت الگ...... موش تششوفيني مصمهر حالي حالج شششسوويت

:عززا ششبيك هسة اني شگلتلك اكلتني بگشوري

:ههههههه ششيياااكلج صايرة افادج افاد اخرس كوميهة يلا وكومن نامن

:وين بالقران ضعفانة بس انت ياكل بيك السبع سبع ايام

خزرهة وجر اذنهة : انتي كلش ماتنعطين ويه ولج

:عموو ااااي والنبي اذني صارت عبالك اذن حمار من التجرجر

:طبج حدار، يلاا كافي لغاوي وكومن

امسح بدموعي وترجع تنزل مشمش مدت ايدهة توخر الشعر من وجهي دفعتهة

:گومي رانيا گومي خل ندخل جوة الله عليج، والله راح يصير الصبح مو تردين ترحين لزياد وبابا تعاي حتى تصحصحين

:لاا بطلت ماا اروح مااروح ما اريد اشوف احد

:يلا گومن ارد اسد الباب طلعت البرودة  گومي بوية رانيا لا تشلعين گلبي لا نفرش ونام اهنا بالحر

گامت مشمش مدت ايدهة تمسكت بيهة استندت

:اني اريد اسبح گعد بلارض وتلوثت هسة تلتهب جروحي

:بووية امشي ناامي الصبح اسسبحي وراي گعدة من غبشة الله

:لا لا هسة اني قذرة جلدي يتوسخ بالزايد خل اسبح

دخلت وكلعادة اكثر من 3 مرات اسبح وانشف وارجع اسبح
ولو ما الخيالات المرعبة كنت راح اسمتر للصبح على هالحال

طلعت لكيت شهاب ماكو بس مشمش نايمة وهية گاعدة  رقبتهة ملتوية

اقتربت منهة بست راسهة، فزت حجت بصوت ناعس وهي تفرك بعيونهة
:دكافي مو صرتي صلعة من السبح، باچر اگول لعمو يكسر الحمام بعد منريدة

:گومي يلا انام

:لا عمي ليكسرة انوب الگيج مبطبطة بالنسگ مالت المطبخ

:گووومي

رحنا يم ماما وبيبي تنام يم عمو شهاب بالصالة

:مشمش سولفي وياي انعس حيل واخاف اصفن وافكر دوخيني اريد انام
:امداج رانيا ترة انتي حيل صايرة مدري شلون شنوو دوخيني يعني سوالفي تدوخ هسة من اكول طاح حضج موو تزعلين

عفتهة ودرت وجهي مالي خلك
تمدتت يمي

:حتى لو زعلانة ومريضة وتبجين احبج حتى لو تضربيني المهم انتي يمي واكدر اشوفج، من انتي مو هنا تمرضت وكلبي يصير يوجعني وبالليل ما انام وحتى ما اكل اريدكم ترجعون، همزين اجيتي لا تخافين اني ادعيلج كليوم وحتى اقرا قران حتى تطيبين اني اموت عليج والله

غفيت، اني اسمع كلماتهة اللي كانت مثل جلسة علاجية   احساس حلو انو امري يهمهة اني لازم اطيب واعيش لخاطرهة ولخاطر امي وابوي وزياد

گعدني شهاب الساعة الثامنة صباحا
:يلا بوية گومي فكي ريجج مو كلتي ترحين وياي

:لا لا ماروح

:مااا يصير يبوية انا سايرتج بس ماايصير لازم ترحين طالبين حضورج

:ماا ارووح گوللهم مااتت اي شي فدووة

:بكيفج لا ترحين انا رايح بلكي اشوف زياد هسة مشتاقلكم عاد واحد من اهلة يروح غود اذا سألني اكلة مالهة خلك تجيك

طلع من الغرفة انخمشت روحي لا لا شلون ماا اششوفة، صحت وراه

:لااا لااا انتضر ارووح ارروح

:يالله كومي ومانرحين بلا ريوك لا تطيحين عليه هناك وياعمي تعال وشيل

اكلت شوية وانطاني علاج فقر الدم والضغط لبست دشداشة وعباية ماما وشال منضري كان بهذلة

كنت عبارة عن بقايا انسان
عايشة بالحياة تأدية واجب

صعدنة بالسيارة وصلنا للمحكمة واشوف العساكر مالية المكان
ارتعدت اطرافي وتمسكت بأيد شهاب بكل قوتي وضليت ابجي بصوت واصوات طكطكة اسناني تخلي كل اللي يمر من يمي يلتفت علية

:بووية انا لازم اقدم اوراق عنندي شغل اررردج للبيت

:لاا لا مابية شي ابقى وياكم فدوة

بيبي :اكلك تعال خلنة نگعد انا وياها اهناا علما تبدي المحاكمة وتعال علينة لا تضل مهجولنة وهاي تعوي راح يوكف گلبهة

:لاا مابية شي لا تخلي يعوفمي خااف يرووح

:خييبة ووين يررروح ماتشوفينة بنص المحكمة تعاااي يمي هناا

اخذتني للمنطقة الخارجة كعدتمي وجهي ع الحايط مدت ايدهة تغسل وجهي تراجعت ودفعت ايدهة
حطت البطل يمي اني سحبتة وغسلت

بقينة گاعدي وكلبي يرجفي يخفق بقوة لولا صلابة اضلعي لخرج من مكانه من شدة الخوف والرهبة

بقينة فترة طويلة گاعدين بعدين اجا شهاب گال يلا سحبني من ايدي وبيبي من الجهة الثانية لان الخوف سلب عافيتي

دخلنا وگفنة على صفحة گال
:تعالو هما علما ايي دورنة

وگفنة فترة وكانت ابمحكمة مكتضة بالحضور الكثير من الناس باسباب مختلفة ومحامين ونساء ورجال وشرطة وعساكر  كلمن بضيمة والناس تمشي بهمة واللي يتكلم وي البصفة
حاولت اباوع حتى بلكي يتشتت انتباهي وتنتضم نبضاتي بس ماگدرت
بالي كلة يم لحضة اللقاء شوكت اشوفهم وين صارو

لمحت قمر زماني المطفئ
لمحتة ابين اثنين شرطة كلنو ساندينة بقوة مكبل بلاغلال والسلاسل
يمشي اعوج اقرع تقريبا

:عموو عموو عموو باوع فدوة باوع هذاا هو

:اي هذا هووو
هديت اديهم وركضت بدون وعي
واني اصيح بأسمة بكل صووتي لدرجة بلعوومي انجرح وصرت محط انضار الكل المووجودين

:زززززيااااااد زززيااااد  هااي اني هنااا

رفعلي راسة وعينة صارت علية ملامحه اعتلتها  الدهشة والابتسامة الحزينة

:رااانياا عااايشة

بس تقربت منة اقترب مني شرطي مسرع دفعني
قبل ما اوگع لزمني شهااب

:اخوووهة ياابة اهوووهة خطية

الشرطي :ووخرهة ووخرو من الطريق بالعجل

زياد بدموع:رانيا شصاير بحالج

:زياااد شششلوون فدووة ششسووي

:وخري عن الطريق لا يصدموج

كنا نمشي بماحاذاتهم، اني ابجي بحرقة وزياد دنوعة تنزل ويمسحكم بكتفة
واحد ينضر للثاني نضرات مليانة وجع وقهر
كان ملبان كدمات عضام وجناتة بارزة وراسة محلقي وطالع الشعر جديد كان اكو بقع  خالية من الشعر بوجهة وحتى حواجبة رمشة رأسة
افكار مرعبة غزتني حول الموضوع موسعة عيوني وانضر للبقع ما گدرت ما ايأل

حجيت بسرعة وبخوف

:هااي شنوو لييش شعرك ماكوو لييش هيج فررااغاات ششمسوويلك زيياد

:ماسوو شي هاي ثعلبية لا تخافين

:كم اضفر قلعور منك  بجيت بقوة وكملت، جابوهن اللي كلهم حتى اضافر بابا

:حتى بابا

:اي اي والله

الشرطي تضايق من كلامنة صاح بوجه شهاب

:تووووخروون لوو شلووون

زياد:سسلمي على ماما ومشمش هوواي وديري بالج على نفسج خاف ماا اشوفج بعد

اقترقت طرقناا ضليت اصيح وراه

:لاا لاا اششووفك والله لااا تخاااف رااح نسسسااعدك

راد يلتفت صاحو بي يمشي عدل لان مايمشي عدل ثقلة كلة عليهم

قبل لا تصير المحكمة جابو بابا وحالة مو احسن من حالنة كانت اكو صوندة طالعة من جهة كليتة وكيس مي معلگ وحوالين عيونة بسواد الضلم  اللي عيشونيا بلا ذنب

ابد ماا خلوني اقترب منة وشهااب لززمني

بابا صاح بية بضعف :ررردي ولج ررردي لاا يعووروونج ررردي بوووية ررردييي

التفت لشهاب وتكلم بخزرة : وحق الله ومرار ايام بزرري ياا شهاب اذاا الك ايد بسالفتنة مااا ارحمك

عتو الشررطة عت ضلو يفشرون علي ويغلطون ويصيحون وبيبي تصيح وتبجي

:ولكم علكييفكم كسسر بدييكم ولك يمةة عمااد شلوونك يمةة عميد منين ايتك هالمصيبة

اني كلبي ذااب ضليت بس اعظ على ادية واعصرر برروحي بقوة اريد اسسااعدة واخلصة من الذل اللي ديعيشة بس ماا اگدر

من اختفو من انضاري بدخولهم للقاعة رفعة عيني لشهاب  بتساؤل

:عموو شنو قصدة بابا ليش شاك بيك ليش هددك انت الك ايد بالصار

:افااا تشكين بعمج هو ياهو وكف وياكم غيري  عييب بووية بعد لاا تعيدينهة، وانجان على ابوج كلشي يحجي مسامح علي من قهرة وضيمة يشبش

دنكت منة احجي بداخلي.. وليش لاء انت تكره بابا وزياد بس هو گال دريد ماا اضن هوو اكيد بابا من قهرة يحجي

دخلنا لقاعة المحكمة وزياد وبابا واقفين وقفة الذل والأهانة

دريد كذالك كان حاضر 
صح متعرض الضرب عنيف حول عيونه متورم ومزرق بس صحتة جيدة وكفتة منتصبة عكسنة كنا محنيين بشدة

صار القاضي يسأل ويعيد ويزيد وحضرو باقي المتهمين

وتكلم العامل اللي وية بابا انه اتهمه لان كان يكرهة ل بابا واجتلة الفرصة حتى يتفق وي احد اصدقائه اللي كان يشتغل بلأنشائيات وي زياد 
اتفق وياهم ان يورط بابا وعلاساس زياد هو شريك الهم بالجريمة
ونفى وجود اي علاقة بينة وبين دريد وعلاساس انه كان اعتراف كاذب بسبب التعذيب

ودريد  اللي كان مبتسم بأريحية هو ومحاميه
وكان اله ناس واضح انهم واصلين كانو حاضرين بأفضل حال واثقين من نفسهم
وشهاب شهاب اللي صار بدائرة الشك كلما التفتلة ارى نضراته متوجهة على دريد، صار عندي احساس ان اكو شي غلط

رفعت انضاري ل ايه فوق كرسي القاضي

وإذا حَكَمْتُمْ بَيْنَ النّاسِ أنْ تَحْكُمُوا بِالعَدْلِ
هذه الآية كانت مكتوبة بشكل جميل مزينة جدران المحكمة

باوعتلهة وابتسمت بخيبة، ياارب وين العدل
شوف الضالم شلون مرتاح وشوف حالنة شلون

بعد هدوء الاستماع

صار صراخ وعياط من الحضور بسبب عدم قناعة القاضي وصار تساؤلات حول تغيير رأي المتهم بعد ااسابيع من اصراره ان بابا كان يبيعلة وعندة علم بأنضمام زياد لعصابتهم

اما دريد كان وياه محامي من احقر خلق الله صار يسألني اسئلة ويطلب جوابات مختصرة
صار الحق علية وان اني كذابة وانفضحت گدام بابا وزياد وعمو شهاب

تركت الكل ووجهت كلامي لزياد

:زياد والنبي مداا اكذب اني من كلت اعترف هذا قصدي الاعتراف والله العظيم ماالي ذنب والله فددووة صدگني

دريد:انتووو منيين طلعتوولي صدك لاتسسوو خير الشر ماايجيك لج سمعتي ساابقتني ابن عائلة وناس اخرب سمعتي علموود ششكولااتج

زياد:درريد موو انت الششغلتني وياااك مووو انت الشمرتنة هالشمرررة ليشش هيج تبريت مني هذول موو جماعتك وانت حطيتني ويااهم منين صارو عصابة بعد

:شبيك بابا تخبلت انت شفتك حالك تعبان شغلتك حالك حال عشرات الشباب شمدريني بيك وبجماعتك

بعدهة صار القاضي يضرب بمطرقته

:سكووووت كااافي ممنوووع شنوو گااعديين بگهووة حرف ثاني بلا اذن متلوومون الا اروااحكم

كل المتهمين كانو متفقين ان زياد واحد منهم بس ماكان متعاطي كان يبيع

تعبت حالتي كعدت بلارض ارجف وعيوني مليانة ذعر وندم اني السبب اني السبب بسببي زياد تورط وي دريد الله لا يسامحني ششسوويت اناا شسوويت

صحت واني انضر للقاضي بصوت باكي مليان خذلان وعجز
:سسسيييدي فددوة والله اخووية بريء كاافي تعذذبوو عليك دم الحسسين والله بريء  اني السبب لوو محذرتة مكاان توورط فدووة سسااعده

خزرني ويضرب بالمطرقة

سكتت مليانة خيبة ووجع

بعد مدة طويلة من الضغط العصبي طلع القاضي من المحكمة بقرار التأجيل وكان منزعج العامل خرب الشغل وتأجلت محاكمة بابا ايضا

عموو شهااب عافني وراح يهرول هو والمحاامي يتكلمون والوانهم اختلفت
بيبي كعدت بصف الحايط مثل الغايبة عن الوعي

عيوني على زياد وهو سحبو ويتلفت علية وبابا يباوعلة ويحاجي بس ما اسمعه بس اشوف بابا يباوعلة ويبجي وهو يرد علي وعيونة علية

بابا فقد الوعي على الكرسي طلعوو بسسرعة

كلبي انعصر شتحمل بعد شعيش بعد كافي اوكف يا نبض وخلصني من هالدنيا

طلعوهم من غير الباب اللي نطلع منه ضليت اصرخ بدون وعي رجفت اطرافي وضليت اصرخ على فرد صوت بدون سكوت

:زززززيييييااااااد  بااااااابااااا ززززييااااد فددوووة شششسووي

من بين الضجيج برز صوت زياد العالي المليان قهرر

:لااا تخااافين اننيي وياااج والله  لااا تخااافين اني مصدگج رررااانيااا فددوة ديري باالج على  نفسج وعلى امج ومششمشش

:وولك تعااال ششلوون بيية  زززيااااد ررااح امووت

:انتضضررريني ضلي انتضضرري وادددعيلنااا

رااحوو واني بگعدتي التفتت لبيبي كلبت عيونهة واني كل حيل مااعندي

اقتربو مني مجموعة شباب تراجعت للحايط صارخة مرتعبة،
:لااا لاا تلزززمني لححد يلزززمنيي عموووو وووينك

:محد يلزمج خوية شجاج بس الحجية انتهت انتن شنو محد وياااجن

:عممووو عمو شهاااب وووينك

بكل هيبة وهدوء اقترب مني وياه اثنين شرطة قدملي كأس ماء بلاستيكي  صغير

:جرري نفسس لاا تخاافين خوية  جرري نفسس وجهج صاار ازرگ وأحجي وينة عمج

_________________________

مشمش

رجعو من المحكمة كل واحد حالة اسوء من الثاني عمو دخل بيبي ساندهة ورانيا وجهة مذعور وجهة متخرمش حالهة متدمر

ركضت عليهة دفعتني وگعدت بالطرمة على ركبهة
وجهة مخيف عيونهة جاحضهة وكأنها كانت بحرب دامية

كعدت تدك على وجهة مثل شخص مو واعي وتصرخ صراخ فضيح

ابتعدت عنهة بصف الحايط ابجي بأنين واكل بأضافري
عمو شهاب تعداني وطلعلهة

:بووية كولي ياا الله صلي على محمد

:سمعتهم كلهم شهدوو ضدة كلللهم اخووي رااح انتهى زياد عيونة مأيسة عموو

:ماايصيرلة شي هذاا هوو حتى التحقيق تووقف

:عززااا بس لاا يعدموونة يااا ههههههه هو عادمينة ليش هو شبااقي بي لج يماااا شلووون ششسووي ششسسوي

:كوومي كوومي دخلي جوة ابكاع حاارة كوومي والله مااعلي ششي كوومي لاا ينزل دمج

:عموو اني السبب اذا عدمو زياد بتهمة قتل الضباط والشرطي انيي السبب

ضلت تحجي وتعدد بأصابعة
بسسبيي زياد تكسسر وعابت رجلة وطفت عينة درريد هددني كال اذا ماا راسلتيني اكتل اخووج وبسببي دخل للبيت وبسسبي دخلنا السسجن كلة بسسببي
اذذبحووني ااني سكتت خايفة لا تذبحووني هسة اني اكوولك اذذبحني خللصصوووني

وتشهك والجو حااار كان كلش وجهة المليان جروح تحول للون الاحمر واختلط الدم والدمع والتعرق على بشرتهة صارت تحك بجلدهة بهستيريا وتصصيح

:جلديي جلديي بي گمل جلدي داا يحتررك بية فطررياات رراح يصير بجلدي سسررطاان اني متجرثمة اني نجسة ساااعدوووني سساااعدووني

تخبلت ضلت تتبرغث بلارض مثل شخص شاعلة بي الناار شهاب يريد يسيكر عليهة ماااكوو
صاح بية بكل صووتة

:وولج روووحي جييبيلي شيلة لوو شي ارربطهة بي ارركضي

رحت اركض صارت گدامي الحبل اللي رابطين بي البردة فلتة بسرعة وطلعتلة لكيتة دايرهة ومقيد حركتهة لف الحبل علية وعلى خصرهة وهي تخبلت بالزايد

سمعت صوت مااماا ركضتلهة لكيتهة تبجي متمددة القلق بادي عليهة

مشمش:كاافي لااتبجين فددوة راانيا راح تتخبل لازم تطيبين محتاجينج مااماا فدوة كاافي تعبت اني والله تعبت

تبجي وتمسح على راسي وتحجي بلسان ثقيل ماا افهم كلاامهة  صار هدوء بالبيت الحزين اللي صار كانه ملجأ ارواح
الحزن مخيم تماما انعدمت الابتسامة نهائيا

بالليل شهاب جاب علاجات واكل عبا الثلاجة وطلب من بيبي تجي وياه ديحجي ويا ماما

رانيا نايمة بلابرة من اول ما اجو
وبيبي وعمو گاعدين مقابل ماما اللي كانت جالسة اني كنت اسوي مساج بزيت معين ل ايدهة العاجزة ورجليهة
من عرفت شهاب يريد يدخل ضبطت شالهة وغطيتهة

:الله بالخير

ردت هلي بيبي وهو كمل كلامه

:ام منتضر شغلة عماد محلولة بقوة الله، وزياد سالفتة تطول بس نتفائل وانكول ان شاء الله خير، انتي مريضة وماريد اطول عليج انا راد للبصرة يومين عدي شغل ولازم ارجع

بعدهة حجزتلج عد دكتور  فائز ال(.......) خوش دكتور وصيتة سابگة وان شاء الله بس اردن  تبدين علاجج بس لا تعارضين وتشلعين گلبي

:عموو ليش رايح وين عايفني كلهم مريضات والله اخاف يصير شي

:لازم اروحن بوية، شغلة طارئة ولازم احضر  مالج شغلة بشي بس بأخيتج ركزي على علاجهة لحد ما اجي عگب باجر انا يمج ماا اطول عليج

علمني على العلاج شلون ادگة ناعم وارشه شوية شوية ذرات على اي شي تاكلة او تشربة حتى تبقى نايمة

لحيت وياه حتى اعرف شنو الشغلة بس كان يتهرب بالكلام ويشاقيني يضحكني وينسيني جاب المسواگ والحلويات والمي

الصبح گعدت على حركة بشعري
كانت رانيا بعيون ناعسة تلعب بشعري ومبتسمة
ابتسمت بوجهة تكلمت بنعاس

:شعرج يخبل صاير طولان
اباوعلهة مبتسمة وعيوني تغمض وتفتح بالگوة واعية

:انا شلون احميج مشمش خايفة عليج
:شتحميني غير اليقترب مني اردة ابطن امة

ضربتني على راسي صحتني على زماني وطيرت ام النعاس
فزيت گاعدة على حيلي احك مكان الضربة
:اوووي شششببيج

:حجيتي فشار حمار من جبتي هاي السالفة
:من عمو شهااب كلما يخابر يگولهة ههههههه لوبيدة يرجع العالم كلهة لبطن امهم

:لجج عييب

بسرعة وبضحك سسحبت ايدهة ونمت عليهة  وهي تدفع وتصيح

:لج ووخرري

:شووكت سبحتي عفتج نايمة

:قبل شوية

ما صرت استغرب هدوئهة هي هيج مزاجهة صار يتبدل بالثواني وعرفت هذا الهدوء سببه العلاج

غفيت الصبح گعدت ادورها ماكو
:عززاا بعينج مشمش نومة اهل الكهف انشالله شلون نسيت علاجهة

طفرت من مكاني دورت بالبيت مااكو دخيلك ياا الله وين ررااحت

صعدت فوگ بكل سرعتي لكيتهة بالسطح حاضنة ملابس زياد وتبجي

عفتهة وركضت سويتلهة بيضة وجاي وطحنت الحباية ورشيت بلكشي من الاكل حتى متحس

ديلا بالله هااي شلون اقنعهة تاكل
عززاا شوو بيبي همات ماكو هذول شبيهم مسوين انتشار يا الله

شكول عليك شهييباان عافني بهالمستشفى ابمليان مرضى وطفر
بس يلا بيبي طبهة طوب ماعليهة شي.. كنت احجي وي نفسي بصوت مسموع
وهي ردتني فحطانة وتضحك مبين كانت بالشارع

:يااهي ولج يطبهة طووب من فلك طرج وطر لسانج يالمخبلة

:مو عليج بيبي شبيج اخذتي على نفسج، اكلج فدوة بعدين اراضيج بس تعاي حليهة رانيا تبجي بلا علاج بالسطح اخذتني النومة شلون اقنعة تاكل

:شيرادلهة هي تتسودن عليج سوي روحج بطنج تويعج وتريفين وانا اكلج اكلي وانتي لا تتطوحلين الا تاكل وياج

:عززاا بعينج بيبي ولا تنگدرين يلا راح اوگع وابجي بس منشن اجيب دموع هاي مخبلة تكشفني والله

:فوتي دگي على ويهج وحطي تفال على خدودج

:شهاللعبان نفس شبي المي هاي راح مي

:يبين يهايشة

:هالگد ماتصيحولي هايشة احس حتى دا اسمن

:لا هايشة بفعالج

:اتجاوزج بأخلاقي

شالت شحاطته وحصرتني بالزاوية وحمستني حمس هية تريد تبجيني وانا دمعت من الضحك

حجت فحطانة:يلاا ميخالف المهم دمعتي يلا اكعدي تلوي من الويع

راحت ركضت تصيح على رانيا من الدرج

:خاااايبةة هوووه رااانيااا خايبة يدة وووينج تعاالي اختج تصرخ مدري شصابهة وانا مالي حيلهة

وصلتلي وجهة مايتفسر من الخوف تتلمس وجهي واكتافي
بهالوضع اني بجيت بجيت من گلبي على خوفهة وعلى رعبتهة وعلى مرضهة حضنتهة ابجي بصراخ

:ررررااانيييااا

:ششبيج ششبيج فددوة ششيووجعج

بيبي:بطنة توجعهة وماترضاش تاكل الا تاكلين ويااهاا

:لاا لاا اني شبعاانة كلش شبعانة اكلت والله

:ابد ولا اكل لكمة

:راح اضربج مشمش لا تعاندين

اعااند والله لو تموتيني

استسبمت ل اصرار واكلنا سوة ماطولت ربع ساعة وتمددت بمكانهة وعيونهة ماتبطل دمع

:بيبي ماما تساعديني عليهة ما اگدر وحدي رانيا مريضة

:هي تريكت ريكتهة واخذت علاجهة ضل بس نغيرلهة وهيج مضى الوقت اتحايل على ران لحد ما اجا شهاب

بقة يوم واحد ونص واجا بالليل الكل كانو نايمين فززني صوت رنين موبايل بيبي

كلمتا بأنزعاج من شدة النعاس:بيبي بييبي ردي على مووبايل حتگعد ماما خطية بطلوع الروح نامت من الوجع

:اي اي ردت هااا يمة اييت، هاااه بالباب يلا يلا اييتك

نهضت من نومهة تطوحر مفتاح الباب الخارجي كان برقبتهة لان شهاب قبل سفره نبه عليه ماينفتح الباب لأي شخص بس هي بيبي تلزمهة كلمة تشوفنة نمنة تطلع وتسد الباب علينة من برا

حسيتهم تأخرو ما دخلو  طلعت وراهم امشي بخفة حتى ميحسون شفتهم واكفين بالباب بيبي ترزل بي وتمسح بدمعهة بشيلتهة

:حووبت زويد مااتتخطاك يشهااب كسرة كلبة راح تنام وياك بگبرك

:افهمييني يمة لخاطر ربج ماايناسبهة ماايفيدهة هذا فرخ جاهل

:وهي جاهل ومايلوگلهة غيرة، رحت يوزتهة  لهشام لا يمهة ولا گرباهة اكبر منهة بخمسطعش سنة والفرخة عقل طفلة ليش ورطتوهة ليش ييمه

:هاي بعد صارت زفوهة وراحت بحال سبيلهة ماعليهم شي ينسون

:ماا نسييت انت مو شيبت وبعدك تطحر ولليوم حالك يتخرط گدامهة وما ملت عينك وحدة ولا حتى نهاية الجنهة الشمس

:كاافي يمة عييب وحراام سددي السالفة هاي هية تزوجت ادعيلهة وبسج لا تعلين گلبي
صاحت بعصصيبة :اخووهة ووينة الدثوو عود تنختة امدااه وامدة علمة مالحك لخيتة

:صوووتج يمعوودة اخووهة باچر يااي چاا انا ليش استعجلت ماا ارريدة يخرب شغلي

:خببييث لاا بارك الله بشيبااتك

:تدعين علية الغليضة المتينة ولو صخنت تناطرني جنهة فسيفس فووتي يلاا ادعبلي ناامي يلاا

صفكت بأيدهة وغمتة وفاتت

غلقت فمي بكفوفي وحطيت راسي تحت المخدة والبطانية اخفي شهكاتي

:عززاا زييااد يمووت قهر وحق الله فوك الضيم يجي يلگاهة متزوجة
خطية منى يااربي ياا عموو شهاب الخبيث الله لينطيك على هالعملة

نمت بصعوبة واني ابجي الصبح  يدغدغك بية ويجر بگصيبتي اول مرة ضحكت لان احبه واحب ضحكاتة بس من تذكرت دفعتة وگمت

:هاااه خباالوو شماالج
:ماكو شي
:جا گومي ساعدي يدتج سولنة لكمة حتى اختج تاخذ علاجهة وانا اروح لبوج مرة جبيرة ماتكدر وحدهة والحديثة متوثة نوم

سكتت عنة مارديت بس انضرلة نضرات عتب وحزن وعيوني دامعة

:شمالج بوية اشاقيج انا لو مابيج حيل ردي نامي

:والله حرام عليك، زياد ومنى من الطفولة واحد يحب الخ ليش هيج سويت خطية هسة يموت قهر

شمر علية النفاضة مالت الجكاير بس خطتني تكسرت وراي

صاح بصوت غااضب:ادددبسسسززز موو عييب هاالحجي مااا تسستحين مووو عييب بلا سمع رجلهة مشمش والعباس ابو فاضل املص رگبتج ضبي لسسسانج بحلگج ولا تهبشين بالحچي

واكفة كبالة وابجي وطلعت رانيا  مررعوبة قبل لا توصل ليمي

صار اطلاق نار كثيف صووت مخيف وكأن جببهة قتال تعالى الصراخ بالبييت وشهاب ركض علينة سحبنة مدنگ رؤسنة للمطبخ وركض مدنك لماماا 

خوفي من شكل رانيا كان اكبر من خوفي من صوت الطلق مع انه كان كثيف والواضح انه بيتنه المستهدف
لان اخترق الابواب والشبابيك كان يخترق باب الطرمة ويدخل للبيت

اسمع ششهاب يصييح

:فؤااااد الحك ولك دكووونةة تعاالي ول ع السسريع عووف كلشي وتعاال

كانت جالسة بصف الحايط مادة رجليهة وأديهة وموسعة عيونهة جاحضتهم لدرجة تحس طلعو من مكانكم وانفهة كان ينزف  بيبي حايرة بروحهة خايفة ركضت گعدت يم رانيا اطبطب على وجهة وابجي
:رررااانيياااا ولج شششبيييج رررااانيااا فدووااا
عموووو الحك الحك ماااتت رااانيااا فدوووة وووينك

ماكان يگدر يجيني لان الرصاص يخوف واني اسستمرريت بالصراخ

الى ان هدأ الرصاص

كان اكو صوت صراخ رياجيل وفشار  بصصوت عاالي على بابا وزياد بعدهة سمعناا شخطة السياارات

اجا عمو الرانيا يركض حاضن وجهة ويطبطب عليهة بس ماكو عينه مفتوحة وجهة صار مثل الشبح مثل لون الثلج  وبس لا كلام ولا اي شي  گلبهة بلارض بس وگعت شفنا الدم اللي جواها

:ششنهي وولج مصييوبة اختتج لوو شنهي

_______________

سرى

صوتة امان الدنيا بكبرهة، كان حضن دافي كان مثل حنان امي يصيح بكسرة

خجلت من نفسي لان خذلتة، حتى لو لخاطرة كنت خجلانة من المواجهة 
كورت نفسي بنومة جانبية وضليت ابجي من خجلي

:سررررى يوولي ررردي علية الى متى تبقين شالعتة ل گلبي ااحجيي

هي ثواني وسمعتهم يصيحوون

:ببااالك ببااالك ييمعوود

:اش اش اشبيكم ات اتخافون فون 

عرفتة محارب صعدلي

:اش اشمالج مالج ما ما ترردين ين  تخ تخبلتي  تي

استداريت على صوت ضحكتة يضحك على مرتضى

:هههههههااااي. ام اموو مو هييج  ررييلك ريلك حط حط حطهة هناااك

من شفت مد عيونة من  ديصعد گعدت ومسحت وجهي

:ام ام الف الفوواين ين  كلكلة كلة منج

مرتضى كمل صعدتة واقترب مني يتنفس بسرعة وجهة غاضب

: استنزفت كل طاقتي وصحتي وياج وراح ارجع انطيج فرصة انقذج بيهة تجين وياي لوو تبقين

ياا ابقى غير بعد لو خالة ام مرتضى تشمر ملابسي بالشارع ما ارجع.. مارديت علي بس بجيت وهزيت راسي بأي

:اشتكيت عليهم تشهدين ضدهم لو همات تخذليني

:اشهد والله حتى رباب باع ششسووت بية شكت بطني كان ليل ميشوف شي واضح

بس من كملت اقرت لحافة السياج وصاح

:سسسيدي ربااب ررباااب لاا تطلع ترة  مرتي مصابة وبطنهة مشكوكة

:يمنةة لا تخاف بس نزلهة هيي شصعدهة فووك اصلا

:ان انااا صعصعدتهة امي امي ترترتريد تجتلهةهة

:سيدي فدوة بس اسبقوني اني راح اسااعدهة

نزلو
باوعت للطرف المكان مضلم ومخيف الصعدهة شكد ما صعبة بس اسهل بهواي من الزول

ضليت ابجي خايفة
:شلون مرتضى والله اخااف ماا اگدر

:لااا سباعية انتي متخافين

:باوع اكو درج خشبي جوة جيبة خل انزل علي

:ول ولج هذااا داك داكينة بالحا بالحاايط

:لعد دبررولي ددرج

:اناا رااح راح راح ان انزل وان وانت نزلهة هة تن تنزل عل على متو متوني

نزل محارب بسرعة

:يلااا الششرطة مناا عييب  لااا يصعدوون

ابجي وادفع بي
بعدين جبرني بالسحل سحبني للطرف ونزلني حاضني واني متمسكة بي

ثبتت رجلية على البلوكات وحطيت ايد اتمسك بيهة والاخرى محاوطة رقبتة

كان حااضني بكل قووتة رأسه برقبتي ياااخذ نفس وكان النفس حاار  حيل، حسسيتة ارتخا صصحت بي

:مررتضى رااح اووگع فدددووة
رفع رأسة مني ونزلني شوية شووية تمدد فوگ ونزلني الى ان صار وجهة قريب مني حيل مشة خدة على خدي وشفتة طخت بشفايفي   وصلت رجلية لكتف محارب

صااح:ثثج ثثجيلة ول ولج يييل يلااا عفت مرتضى وكملت نزول البايتين الاخيرات وگعت منهم

صحت بصوت عالي

:جااايج جاايج

نزل هو الثاني هم تكربس بصفي

كام بسرعة وهو يتألم گومي گومي
نزلني ساندني 

اخذونا ورحنا للمركز كتيت الاكو والماكو حتى بلما يسألوني من قهري ماخليت شي حتى مرت الشيخ والبنات اللي وياها شلون ضربوني والارتاج اللي براسي وصوت الطنين اللي لحد هسة مافارقني ولا لحضة
مرتضى  صار يتهدد بس الضابط حجالهة حقكم مااراح يضيع

رباب جانت مكبعة بعباية وشيلتهة وياها ابوهة واخوتها وابنها  ابوها كلساع يصيح ويصيحون بي يخلو يبلع لسانة ويسكت

مرتضى طلع خالو للسيارة

كعدني يم بنية طلبو تقارير طبية وتحقيق  بعدين طلعنا للمستشفى

مريت من يمة لحسن اللي كان احد الموجودين

همت يمة واني امشي :انت عبالك روحك زلمة بس ترة انت عربانة مالت مطاية يسحلون بيك يمين ويسار بهيمة انت ماتعرف الصح من الخطأ مجرد صوت عالي مثل نهيق الحمير او نباح كلاب
اتعلم المرجلة من محارب شايفي هذا اللي تعيبون علي هذا تاج راسكم بس هو رجال بيكم وانت تغار منه ترى  فلس متسوة بسوگ الزلم لا انت ولا عمامك وبعد شغلة عووفوني اني متزوجة وراقب اختك بالليل ششتسوي

مرتضى:دمششي امششي يالمتزوجة امششي

سحبني تأذيت حيل لفيت ادية على بطني وونيت متألمة
دنگ شالني وطلع بية رحنا للمستشفى
الدكتورة گالت هاي متحتاج خياط فقط تضميد وان شاء الله الاثر يروح بمرور الزمن

:دكتورة طنين بأذني قوي فدوة والله راح اتخبل

:تحتاجين مفراس احتمال صار عندج ضرر بالعصب

:وهسة ماكو شي يسكتة

:حاليا لا لحد منحدد المشكلة يلا يتقرر العلاج

طلعت من يمهة والصوت براسي
:اكلهة انتي زينة تكول ايي تكوولي اي

:خفت عليك والله ما اتحمل يصيبك اي شي

:احنا انتهينا سرى لا تخافين علية ولا اخاف عليج بعد منا وانتهت

نزلت دموعي من دون وعي اني ودشداشتي وشالي وبلا عباة الله لينطيكم شهالمنضر الحطيتوني بي

رجع للمكرز بقينة بالسيارة اني وخالو وهو نزل وحدة
:شلون صرتي يبابا
:تمام يروحي زينة بشوفتكم
:تنعاد هالعملة وتكسريني بعد سرى
:بعد لو يذبحوني ما ارجع اموت يوم ولا كل يوم
:اسم الله عليج ابقي يم رجلج ومحد يتجرأ يقترب منج واذا صار احتمي بس ترة مرتضى كفو
:يكول بعد متهميني
:هاا وهذا ابوي اللي منكد علينة عيشتنة ولاوي بوزة ليل ونهار
:ويكول احنا انتهينا
:ههههه گليلة عود خوش
:ويگول اجيت أدي واجب عود لخاطرك
:هههههه لا يا گ..........

رجع مرتضى  مسلم التقارير واتفق وياهم
واخذ توقيعهم على التعهد ان ماراح يقتربون منة ابدا

رجعنا لبغداد سألوني اذا جوعانة گلتلهم لا بس ماسمعو مني نزل جتب لفات وببسي اكلت وشربت علاجي ودگيتهة نومة
گعدت اتمعصر بعدهة النعسة براسي ومتكسرة عقجت وجعي من صوت الطنين  شعل الضوء مالت السيارة لام كان ليل

:صح النوم
باوعت بالمراية مالت السايق شفت عيونة علية 

:يصح بدك شكرا

حطيت ايدي على فمي تثاوبت ودرت للجامة مرينة على لافتة مكتوب بية باقي كذا كليومتر وندخل بغداد

ابتسمت مرتاحة
:عندج وجع
:قليل بس الصوت مأذيني
:متضرر عندج عصب الاذن بس نرتاح اراجع بيج

:لعد مو ما اهمك
:لوجه الله

:شنو دا اجدي منك ماريد اعتبرهة وصواصة بأذني ولا اخليك تتصدق علية

:كافي لا انزلج اكسرج  ترة ومحمد كلبي نار منج

تكلم خالو بدون لا يتحرك: كاااافي

حطيت راسي نعسانة ضليت اباوعلة من المراية مانزلت عيني منة ويباوعلي1 ويباوع للشارع

رجعت نمت
گعدت هو ينزل بخالو للكرسي والسيارة مدخلهة بالطرمة كان بتدي يضهر ضوء الصباح

نزلت وراه اجو البنات كنت مشتاقة احضنهم حيل بس حسيت سلامهم بارد وكأنهم غربة عني ام مرتضى خزرتني من بعيد  واقتربت سلمت عادي بس گالت هلا بيج

مروى بضحك :الله هذا فستانج ماركة

:اي كلة ماركات صرت البس

:ههههههه دفووتي فوتي

رحت طلعت تراك لازمة اشيائي وابوسهم واسلم عليهم ركضت للموبايل عزااا ملياان شحن طلعت احذيتي اغلبهة مملبوسة ماتهنيت بعيشتي من حزن لحزن  اخذت تراك ومنشفة حاضنتهم وابوسهم مرتضى كان گاعد بالصالة شفتة مبتسم ثواني وغضب وجهة ودار مني

اباوعلة بحب واحجي بداخلي.... يول ابوس الزعلانين اگرطهم اني عزززاااا شهالجمااال شمشتاقة لهالعيون

كملت طريقي واني عيني علي اخفي فرحتي وابتسامتي بالگوة  وهو يباوع ويدير عينة

سبحت وذبيت تعبي وقهري بس الجرح صار يوجعني متت حرگة مو طبيعة بدلت وطلعت بلا تمشيط  احس براحة رحت للمطبخ دا اشرب مي

هسة رفعت البطل الصغير لفمي وانجريت من ردن التراك
:المممن ررردييتي علييية ترردوون تبلوووني منين طلعتييليي انتي واهلج الهمجج
تاااخذيلج يووميين وتلفين رووحج وتنقلعين من بييتي

بجيت  بحرقة لازمة جرحي ومدنكة رأسي خجلانة ومقهورة

: ووين ارروح بس فهمييني ووين اررووح فدووة لعمرج اعتبريني من بنااتج تقبلين تشمرريني هيج وربي موتوني راسي فطروو وماضل شي ماشفتة هنااك فدووة لتطرديني...

رفعتلهة رأسي متفاجأة من نبرتهة اللي توترت وتغيرت

:ل لااا يووم شعندي ويااج البيت الج والعتبة النة

اباوعلهة تحجي وياي وعيونهة على مرتضى اللي كان وجهة محمر من شدة الدهشة والغضب
تكلم وياهة بهدوء عكس ملامحة

:لييش ليشش يوم  كلهة اتوقع منهة الخبث الا انتي شللوون گدرتي تكونين بوجهين يمي تبجين عليهة وانتي الطاردتة مناا 

التفت علية وتكلم
:روحي ارتاحي

تخطيتة ورحت وهو بدا موجة الخبال
حتى خالو طلع صوتة
:لج انتي شنووو تخافين هالهمج متخااافين من الله الله اكبر عليييج من بششر

:لعد انتضررهم يمووتوون ووحييدي لوو يقتلوون بنااتي الله يرضاالكم لييش محد يحس بناااري اني ما اكرهة بسس اخااف

:كلششي برگبتج كضل جررح انجرحتة وكل شي عانتة الج جزء من ذنبة يااضاالمة

رقية:كافي بابا راح يصعد ضغطك

مرتضى:ابد ابد ماتوقعت منج هيج شي لو الله ما سمعني بأذني ماكنت صدكت لو يشهد عليج كل الخلق ماصدكت يعني كرامتي انهانت بسسسبج، لج يووم اخذو مرتي گدااام عيييني

:لك مرتضى كافي تقهرني امك اني امك عييب وحررام اللي دتحجي وياي علموودك والله علموودك انيي امك واعررف بمصلحتك

:ههههههه هاي هي اني الغلطان وحقج علية.

  اني قفلت الباب وگعدت ضايجة هاي شيفكني من شرها بعد، شكول عليك مرتضى، هسة راح تكرهني هسة لوو ساااكت ماال وااحد يلزمك ودك عض

لا شنو عض عيب مخبل هذا يكيف على هالسوالف

تحركت بخبال ارفس بالفراش والغطاء فرحانة خلصت منهم
حضنت نفسي نايمة اضحك
رحبت بالسعادة حتى لو كانت مؤقتة
فرحت الطفلة المختبأة داخل شخصيتي العنيدة

للحضة تصالحت مع وضعي
ماراح امرغ نفسي بالاكتئاب
كنت مرتاحة بحزني تعودت علي وحسيتة صار جزء يزين شخصيتي
ماكنت اعرف غيره ولا اعرف اطلع نفسي من هالوضع

لكن الآن تغير شي بداخلي قررت اعيش
وراح اصالح حبيبي اللي ديتدلل علية

نمت جوعانة حطيت بأذني سماعة بيهة قرآن يسكن روحي ويخفف الطنين اللي
صار مثل قرين يلاحقني

گعدت وما اعرف شگد مر وقت بس كان الهدوء سائد بالبيت 

رفعت شعري من وجهي بأيدي وجريت السماعات بلاخرى عيوني مغمضة ممستوعبة شي
فتحت عيوني من انطبكت الباب
نهضت مسرعة خائفة اشوف منو كان يمي التفتت للدرج
شفت ضهر مرتضة صاعد مسرع

دخلت كلبي يرجف فرح عزاا بعيينك يالثكيل
غسلت ومشطت شعري ورتبتة
ضيم هلاسابيع المرة كلة انزاح
بقيت مستحية اطلع

ضليت ادور على مشكلة طنين الأذن
كسر گلبي ان هواي ناس بالتعليقات دتشكي وانهم صارلهم سنين متخبلين ومديلگون علاج

انفتحت الباب بسرعة دخل وسند ضهرة على الباب

وتكلم بكل انكسار وقهر

___________________ يتبع

✨انتظر تقييمكم وتعليقكم 🫂💕

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

بكل أسف اخبركم اني ماعندي موعد محدد للتنزيل
التنزيل حسب حالتي الصحية