للكاتبة الــريم
تبارينه الذمم والحب طوينا
وشمرنه الذكريات حجاره بالبير
مادام النهر ضيك عبرنا
وكلمن خلي يذكر صاحبه بخير
الكاطع
<><><><>
التصويت على البارت
التعليق بين الفقرات لُطفًا 🫶🏿
<><><><>
في مــكـــان اخر حيث
" باريا "
الكُل موجود للحظات حسيت هذا الوقت المُناسب وادافع بي عن حُبي واتحرر من قيوده التحكم بوسط نظرات خالو حيدر ونظرات الترقب من كل الاطراف إلى نظرات أمي جانت مليانه شر وكانها نتنظر كلمة وتحدد مصيري
جانت هاي مُجرد لحظات بسيطه وقليلة وتذكري لشيء عظيم وبتذكري لحُكمها عليه !
بالحالتين سوف افقد الشرف اذا كان شرف الحُب ام شرف الضمير
ضحكت بوسط حُطام كلبي واصراره هاهي لازم انفذ خُطتي حتى لو لفترة قليلة ادبر بي روحي
واول خطة اجت على بالي اتخربط
غمضت عيوني وكعت بالكاع مادري شحس بهاي اللحظة وكعت واحس صدك اتكسرت وفد ندمانه
ميهم الكسر المهم الخطة
شنو عبالكم احس بتأئنيب ضمير على خوفهم عليه لا
المشكله حِصرتني الضحكة ردت افتح عيني شويه بس خاف انكشف الهوسه الفوكايه واليكول خل اوديها للمستشفى ردت اكوم شنو يودوني واطلع جذابه كدام الدكاتره لا شلون
صاح خالو حيدر على مُسلم
- حَيدر : جيب السويج واني اشيلها
لا هنا ستوب
سويت نفسي هستوني دا اصحصح وساده عيوني وضليت اصيح ... اخخ راسي
لان اذا يودوني واني كلشي مابيه لا يشمروني بالزباله
قدمت إلي حسناء مي بين نظرات امي وتحديها ويايَ لكن استسلمت لأمرها
اضطربت دكات كلبي احبه علي الدُر احس روحي محد يتحملني غيره
كومتني بسرعه امي للغرفه وبحجة تعبانه ردت اجلب بالكاع ماريد اتحرك جانت نظرات الشك بعيون خالو مسلم واما خالو علي فمادري وينه وليش مموجود ؟
شنو مشارك وياهم !
سحبتني للغرفه وقفت الباب وقربت شفايفها قريب على أذني
- المُحامي يريد بضاعه جديده ماملموسه
رفعت خشمي ...
- وإن كانت بضاعه جديدة فتحرم على غير حُبي الحقيقي
ضحكت بإستفزاز اتمنيتها للحظات هاي مو امي واحاسبها مُحاسبه شخص غريب هيج يتجرأ يحجي وياي اهينه
- بعد يومين الخطبه وخليهن هذني سوالفج بينج وبين روحج
دكيت على راسي بقوه
- يا يوميننن شتحجين شنو وين موافقتي جان على الاقل حسبتوا حسابي ؟
- اشش نفس ما اسمع
نهت جملتها وابتعدت عني تفتر حولي بطريقة غريبه وتحجي ببطء
- هذا الشخص يمكن تعرفي مثل ما فهتمج منثق بي ثقه بس لازم تكونين وياه وتساعدينا وتتأكدين من شغله ، شخص عَبقري جليد لكن ينصهر عِند نُقطة وللاسف كانت النقطة يمنا
هزيت راسي بإستغراب
بوسط كلامها وضحكت بقوه حيلل ... عَرضه وشَرفه بيدنا
- باريا : مجاي افهمكم والله شتردون
- سناء : انتِ بمهمة وياه وضده وهوَ كذللك
- باريا : شدتحجين ؟ شنو ضدي شنو وياي
اتجاهلتني واشرت بإيدها حركة النصر التداولت بالايام الاخير للحشد وغيرها من الفئات جان معناها جدا حلو ورمزي تدل على الانتصار بس هل مره انتصرت عليه !
ردت تطلع بس سحبتها بقوه ممتقصدة هذا الشي بس اريد اتاكد
- باريا : ضمنتي موافقتي بس شنو اليضمنلي سلامة كلبي ؟
خلت ايدها على كلبي
- سناء : مابي شي
حاولت اضبط ردت فعلي وحجيت بسرعه
- باريا : تقصدين المعنى الحرفي ام شيء اخر ؟
- سناء : ريحيها وخابري وسوالفج مالت تتخربطين عجبتني
طلعت وبقيت بمكاني اخبار ليش لا
بس اني منو راح اتزوج !!
ليش هل برود البكلبي ليش ما احجي لعلي يحلها ؟ ليش هل خوف البروحي
اخاف اخسره بس اني راح اخسره
اهل فعلا من يعرف راح يقدر وضعي ؟
البي خير إلي خل يصير روحي اختنكتي احس الملابس خنكتني بالزايد اريد شي يريد كلبي مثل الشخص العطشاء وارتوى بمَي بارد هذا حالي من بقيت اردد بهذا الدعاء
رَضيتُ بِما قَسَّمَ اللَهُ لِي
وَفَوَّضتُ أَمري إِلى خالِقي
كَما أَحسَنَ اللَهُ فيما مَضى
كَذَلِكَ يُحسنُ فيما بَقي
سبحانه طلعني من نص داعش منو متخيل يطلع بسلامات جنت اضحك على روحي اذا اطلع
بجهة تدخل للعراق محد يعرف تكنيكها وطريقة انتقامها وشي مجهول يقتل بدون ضمير !
شنو بهل سهوله جانت لا
رفعت ايدي احجي بكلبي اشكيله
- ربي ضوجوني عِبادك لتهديهم اخذهم
جان من كل عقلي احجي مشعوطه روحي مرت اكثر من ساعه واكفه احجي وي روحي
رجعت للجربايه بسرعه من حسيت بخطوات
عرفتهم حَنين وياي حيل
دخل خالو مُسلم وخالو حيدر باوع من بعيد دزلي بوسع بالهوى
- حيدر : اجيبلج كباب لو فلافل ؟
- باريا : فلافل عليك الله
اتقدم إلي خالو مُسلم
- مُسلم : ها ها مو جنت متخربطه
حسيتهم كاشفيني بس ياخذوني على كد عقلي فد حسيت بفشله بس للاسف مستحيت
طلع خالو حيدر وإتقربلي خالو مُسلم واني رجيجه يمه بسرعه اكتهن اله
حتى اذا اخطا مجان يضربني او يحجي شي يضوجني يكتفي " انت غلطتي ماكدر بكلامي اغير شي "
بس مجرد يحسسني غلطت وفعلا بطريقته يجربني ما اعيد الخطا
كمش ايدي بقوه واعرف طريقته شلون يسحب من الكلام ردت ابعيد ايدي اخاف احجي
كمش ايدي بقوه ليخلي كلبي يأمن يستعمل هاي الطريقه من يريد يعرف شيء معين ويباوع بعيني درت عيني صاحني بصوت حَنين ... مشتاق لعيون بنياتي
رجعت عيوني من حسيت بحنيته احسها نتقل من ايده لكلبي بدأ يكمل طريقه بأنه يمدح
- مُسلم : اثق بيج ثقه عمياء واكدر اكتشفها بطريقتي بس تخسرج شي جبير هو ثقتي وحبي
- اني اشوف هل وجه الازرك لج الملحه شكد احبج اكثر من امج
- باريا : منيلي ملحه هاي من الشمس
فعلا جان فرق بيناتنا ايده ابيض مني بدرجات مو بس درجة بس ميهم جانت مثل المغناطيس يمدحني لدرجة يلعب على الوتر يخليك تستحي تجذب عليه كل شخص منهم عنده طريقه بإكتشاف شي واحمد ربي مو خالو حيدر اجه
باوع بعيوني وابتعد عني للحظات واتجمعت الكلامات الحقيقية كلها تجربني احجي
طولت اكثر من خمس دقايق صراع بداخلي ماكدر اجذب يكلي اثق بيج اكسر ثقته ؟ شلون
اخذ جكاره والاعرفه خالو مُسلم مو دربه الجكاير بس الويسكي شعجب غير
اخذ جكاره وهوَ ساكت سحب وحده بدون ميشغلها هز راسه بأنه احجي
- الصبح رحت اجيب صمون ومن ردت اتخربط جان بداخلي كره مردت احجي وي امي ضوجتني بسبب قبل اتذكرت سوالفها وي احمد ومادري بعد هاهي
الجكاره البإيده فتتحها بقوه وعصره باوع عليه مره لخ يحجي بحركة كلب
- مُسلم : شايفتني كامش واير واكتل بيج وتخافين متحجيلي
همس قريب مني
- مُسلم : وحق روحها الطاهرة والعزيزه عليه وروح ريحانه والما حالف بيها من ماتت ولخاطر
زراكج حلفت بيها
سحب جكاره ثانيه وكمشها بنفس الحركة
بلعت ريكي بصعوبه اخاف اني
- مُسلم : تحِبين باريا بابا ؟
سكتت محتاره وغركانه بعيونه المهتمه بيه وما استاهل هذا الاهتمام
- مُسلم : اني فاهمج اني حاب قبل لا امج تزوج احجيلي التحبي وباجر نروح نخطبه الج بس احجيلي اشوف شي ويحجولي شي !
اردفت ببرود
- باريا : شحاجين ؟
- مُسلم : شخص راح يخطبج وانتِ تردي
استغربت شنو علي الدُر حجاله لو شنو عدلت كعدتي وحجيت ردت اتاكد
- باريا : شيشتغل ؟
- مُسلم : مُحامي قابله بابا ؟
بانت على تفاصيلي التوتر والإرتعاش
ماعرفت شنو احجي بالضبط
رجع لموضوعه بسرعة
بس هل مره سحب جداحه حسيته ديهددني مادري راد ينطيني موعضه من شعل الجكاره وبدأ لهب وحراره النار تسحب عافيه الجكاره وتخلص شويه شويه صار الرماد يتطشر بالكاع
وهو مركز بالجكاره ودتخلص شويه شويه
- مُسلم : كل ما اشوفه الجكاره تذكرني بيج تشوفين هذا الرماد ؟ هيج راح تنتهين .
مَل مني ومن احسه يتوسل بيه بس يريد يعرف مني شي بس ما اكدرر احس شي سحب نفس بتعب وحسيت اعصابه تعبت ويايَ وهو عايف كل شي ومتفرغلي !
خجلت من روحي بهل لحظة ...
اخذني من ايدي لبره نزلنا سويه اتلاكه ويانا على الدرج خالو حيدر باس راسي وهمس
- حَيدر : خوفتينا عليج الجذابه
منطاني مجال ارد عليه اخذ ايدي اليمنى بينما جان خالو مُسلم كامش ايدي اليسر وينزلوني حسيت نفسي عندي اشخاص اذا اضوج يهتمولي يحبوني يريدوني
نزلني وجان كدامي مُصعب واكفلي شواربه جنه اني اول ما طلعلي ملزكهن بجِل
وكف يمي مُسلم وضحك بصوت عالي
- مُسلم : دشوفي شواربه جنه شواربج من زينتيهن بموس
فتحت عيوني على قوتهن وكل ولد خوالي كاعدين كمل كلامه يضحك
- مُسلم : مادري شتحسين لو كلتيلي اني بخيط واسويلج اياهن مو بموس وطلعن خضر
إلتفتت اريد خالو حَيدر يدافعلي شي
لكيته داير وجه وبس أكتافه تهتز
ومُصعب هي الاهانه عليه ويضحك
نطت برلين من يمها
- برلين : صدك سويتيهن بموس ؟
دشوف هاي البطرانه شحجي وياها لو هم ضحكوا بالزايد نزلت راسي بإنحراج
- باريا : طيش مراهقات وداعتج
هذا الموقف اهون من موقفي من بدأ تبرز الاماكن الإنثويه والشي الأسوء اسئل احمد بكل شي بدون ما استحي او اكول عيب
من ركضت اله اسولفه من بجيت بقوه
ورحت مبَرطمه لأحمد واول كلمه كلتله
هستوه ديكوم من الصلاة
- باريا : اريد احف نفس البنات الكبار
جان ديسبح تسبيح الزهراء واول ما كلتها عاف السبحه وإلتفتلي يضحك مستغرب من كلامي
سحب ايدي باسها وضحك
- أحمد : بعدج صغـيره بـاريـتـي
ركعت رجلي بالكاع واحجي بصوت عالي
- باريا : ما معليه اريددد
كمشني يريدني بس اسكت واني اصيح
- أحمد : اني احفلج اياهن بس اسكتي
مسكتت اله لمن سمعت ماما اجتي عليه وتصيح بصوت عالي
- سناء : متفوسده طلعتلها شعرايتين تريد تشيلهن اذا ما ابطلج اوكفيلي
- باريا : منتضرج اني اريد ابطل
رجعني أحمد وره ظهره ويضحك عليه
- أحمد : لج حتى ممبينات والله لو مبينات اني اوديج
اتغاضيت عن كلامهم كله وخططت وجان تنفيذي بنفس اليوم وهو كلتالي
- ابوك موس من أحمد واطب اسبح والصبح اروح للمدرسه محد يشوفني
اقتنعت بفكرتي وصار الليل أحمد جان طالع بقيت افردش بكنتوره اشكال من الموس والعطورات أحمد حيل نظيف ويتهم بنظافته وعطره
اخذت واحد منه ميلاحظ عنده هواي
ضميته بملابسي وركضت للحمام وكفت كبالي المراح سحبتهن مره وحده وبسرعه
باوعت على المرايه بوجهي بإقتناع
باوعت على الموس بإيدي وكلام بداخلي
- شراح يصير لو اسوي وجهي ؟
وصلت ايدي لحواجبي وسحبته بقوه
سحبته وحسيت بحراره بوجهي
باوعت بصدمه والدم الصار بوجهي شلون اداوم
الوجع يحرك بيه والدم الصار
طلعت على السريع وتاركه اثار جريمتي ورايه وين اروح اخاف تكتلني اذا تشوفني
ياريت لو سامعه كلام أحمد ولا متهوره
رجعت لواقعي من قدم إلي مُصعب قوطيه ببسي قاطع كلامي الئواد ئبر
مضت هل ليلة بسلام خارجي فقط إلى كلبي المشلوع وهنَ يتلمن عليه بالليل يا وجع روحي
مَر فقط يوم بسلام إلى امي طلعت للسوك
وليش ساكتين الها ؟ ليش ميحجولي احس بروحي غريبه محد يحجي
اكو إنه بالموضوع ومو سهلة
طلعت جابت بنطرون مال شباب ستايل عبالك والجو بارد وكلاو احمر وقميص وردي
دخيلك شطلع كملت يومي بدون ما احجي بس إتفاجئت بالليل من تكلي
- سناء : باجر تطلعون سويه
- باريا : عفوا ؟ شعدنا طالعين شنو عاقدين سويه مثلا او شلون تقبلين اطلع !
- سناء : يكمل هل يوم تطلعون ثاني يوم الخطوبه اني اريدج ترحين وغصبا ما عليج
دفعتني وطلعت بره ليش محد يجاوبني على اسئلتي من اريد احجي ليش يبقون هل فضول البداخلي
صحت وراها بصوت تكدر تسمعه
- باريا : شتسوين تسوين سوي ما اطلع
نزلت بدون متحجي وكمل اليوم وبالليل قريب الساعه ب7
بعيدا عن كل خوف وبكل لحظة أتردد اخاف على علي الدُر لكن كلبي اشتاقيتله
سحبت تليفوني واني اتذكر الرقم قافلته
تعبت نفسيتي وسديته واني زعلانه عبالي ميسأل عليه
خليت الرقم واتفاجئ بكمية المكالمات والرسائل بكميه الحُب اكثر من رساله باليوم يتطمن عليه ويختمها ... بدون متردين اعرفج تعبانه
خابرته بسرعه متلهفة عليه جاوبني بعد لحظات واصيح عليه
- باريا : علاوووووووووي
ضحك واحس انطرشت من قوه الضحكه الراحه الصرت بيها لثواني نستني هَم الدنيا
- علي الدُر : أمي متسميني علاوي ولج بريا
احجي وياه بنشاط واحس هسه رجعلي الدم بوجهي
- باريا : شلونك الرائد علي الدُر
- علي الدُر : يا رائدددد صرتي على جتفي انتِ
باس التليفون بقوه ويكول
- كم يوم واجيب امي
- باريا : تعالي علي الدُر اريدك
مكال لا سديته منه و لبست نعالي الاصفر على السريع وطلعت الحذاء شاورت سناء ... طالعه اني
منتظرت جوابها واصلا متهمت وخوالي كل واحد كاعد يم مريته لو خالو مُسلم نلكاه يكعد وره البيت شوف وين
طلعت بسرعه اتمشى بالشارع محد يهتم لو طلعت ام لا ... واقل من ربع ساعه شفت سيارته اقتربت مني ابتسمت بفرح اصلا اعرف سيارته من الرقم مُميز
فتحت الباب على السريع والضحكة البوجهي والفرح نسيت اني المن جايه اصلا
صعدت بالصدر واول ما شفته ضربته بقوطيه جان مخليها بالسيارة
- باريا : يا بذاتت لك ئببببببر
منتبهت على لبسه بس جان لابسه قيافته وسحب رتبه جانت عباره عن نجمة ونسر
قدمها إلي والإبتسامه حسيتها اني الترقيت مو هوَ رجعت خصلات شعري ليوره بحُب
وعيونه تتبعني اخذ نفس وباوع على الرتبه
- علي الدُر : هاي النجمة انتِ والنسر اني
باس النجمة بقوه
- علي الدُر : هاي فرحتي تتضاعف لو نتزوج
خليت ايدي على خدي ماعرف شلون اصارحه
ابتعدت كُل شي عني وصحت اله
- باريا : المقدمممم علاوي
- علي الدُر : الموووقااااادم
عوجت شِفتي شبي هذا نزل راسه لنعالي
- علي الدُر : هذا يضوي بالليل ؟
- باريا : ودوامي !
اردف بغضب
- علي الدُر : ذكرتيني سالفتج حيل طويله بس ماكدرت اخيلج تداومين وي هذول السرسريه وترحين
قاطعته بعصبيه اكثر
- باريا : لااااااا والله ؟ وتعبييييي
- علي الدُر : حولت دوامج تداومين بمدينة الطب تداومين حتى قريب من دوامي
- باريا : شنو بكيفك تقرر ؟
عض ايده بقوه
- علي الدُر : السرسرية ديله انجبي تداومين وين ترجين جاا
فتحت ضوه السياره جان مخليها بمكان اظلم
دار وجه بسرعه على جهة الجامه
اتجرئت بسرعه وسحبته من حِنجه
مادري شلون ملاحظت وجه
على وجه كَدمات موجودة على خذه
اتحسست مكان هاي الاثار
- باريا : شنو سببهن
بقى داير وجه وبرود
- علي الدُر : مو زلم ولا اكدر اكول عنهم نسوان لان النسوان مو مقياس للضعف بس خياسس
- باريا : ليش تعرفهم
- علي الدُر : معليج بيهم شيلي ايدج لج
خذاني الواهس وضحكت بوجه
- باريا : ادري امك مرضعتك حليب لو شرف متكلي
رجع ايده وره وسحب سحب علاكه حيل جبيره
- علي الدُر : اشتريت لبت اخوي لعباه واتذكرتج
طلع منها كارتونه جبيره عباره عن ادوات مالت طبيبة ولعابه لابسه لبس دكتوره جان شكله يموت ولطيف
طلع علاكه لخُ هاي بيها حلويات
- باريا : شنو زعطوطه وتجيبلي هيج ولك
عدل شعره يضحك وسوالي قلب الحُب بإيده
- علي الدُر : راح ارجع وراي طريق 5 ساعات ويمكن اطول اكثر هناك كلت اودعج
رُبما شي ريحني مراح يعرف
- باريا : توصل بالسلامه
- علي الدُر : انتِ السلامه والراحه
نزلت على السريع واخذت العبه والله جانت حلوه وكل ثانيه إلتفت اله اشوفه بعده واكف بمكانه
وصلت قريبه يم الباب طبيت للغرفه فتحت الكنتور وضميت اللعبه
وخوفي من باجر هل فعلا راح يكون بمَحله !
غمضت عيوني براحه وَقتيه فقط
وشنو سر اصلا خوالي ساكتين لهل مهزله لو مسويتلهم شي صخام !
بدأ العد النتازلي لموعد خطوبتي الماعرف الم منو بالضبط بس التوتر يزيد ومجرد اني وسيله بالحالتين لوصولهم لنقطة ويعبروهة من خلالي
كعدت غسلت وصليت خالو حَيدر وبرلين المادري شنو سالفتها شو احس ممرتاحتلها بس هي فقيره ؟
وحَسناء مو بس دوله وعلم لا قاره بوحدها
تستاهل شخص يحبها اكثر من مُسلم بس مجرد مجبورين
عبرت الساعه الاربعه العصر واتقرب خالو مُسلم يحاول يشاقيني
- مُسلم : دروحي ميشي روحي سوي شي هلهلي
اتدخلت تباوعلي وتبتسم
- سناء : خطيه تستحي
طول هل فتره اني مبتعده عنهم لا ادري شسوا لا ادري شكالو بس مَر من يمي مُصعب
- مُصعب : معجب شلون مقتنعه بي مفكره ؟
انصدمت من كلامه بس هو منو كمل كلامه
- مُصعب : صح مَيمون صديقي بس ما اضمنه الج هاي سالفه جبيره مو بهل سهوله
كلامه نزل صاعقه عليه مَيمون ! ! !
شهل خريط حماة الوطن مو محامي
ومن حجة عليه هناك شنو كلامه هذا
وايضًا مفكرت شلون اصلا طلع من هل مكان ثواني
ابتعدت عنهم لازم اكتشف شنو هل مهزله وشنو اشتغل ضده وياه
- مُسلم : لتدخل مُصعب راح يطلعون ويتفاهمون سويه وبكيفها بعد
ابتعد مُصعب ما بيده شي
بنفس اليوم بالليل لبست لبس جدا عادي وردت اطلع بنعالي الأصفر بس حرامات هذا بي ذكريات كلها حلوه جا اخربه لا
لبست حذاء فلات بيضه وياها بنطرون جينز وقميص ابيض
بِتمام الساعه خمسه ونصف صاحتني امي اطلع لكيت خالو مُسلم وحيدر يحجون وياه واحس خالو حيدر يحقق وياه والتوتر البوجه مَيمون
كرهت شكو رجال بالعالم مبتعده عن الظروف
إلتفت لإمي شفتها تراسل بالتليفون
مجنت اعرف وي منو تحجي لكن اكتشفت هل شي لاحقا دتخطط لشي !
الرخص الحسيت روحي بي واني اصعد وي شخص غريب واخون حبي حتى وان كان مابيناتنا ورقه بس بينا مشاعر تفصلنا
وبكل خطوه امشي بيها اتذكر كلام علي الدُر وخوفه عليه
سلمت عليهم ومشيت وخالو مُسلم صاح على مَيمون
- مُسلم : احنا نثق بِتنا وخليناها تجي لان مُستقبلها
أتافئف بصوت ناصي وصعدت
اول ما صعدت ما حجة اي شي
اتحركت السياره والاعرفه راح نكعد بمطعم نسولف عن حياتنا اي شي
اتشجعت واردفت
- باريا : تقبل تزوج وحدة كلبها مو يمك ؟
- مَيمون : لو جانت تهمني لا
اتحمحمت وحاولت احجي لكن سبقني
- مَيمون : اعرف كِلشي بدون ما تحجيلي ولغوه زايده
- باريا : احترم نفسكك شلون تقبلها بله اني انجبر انتَ شنو عذركككك وشوف محامي والشهادة والقسم وين راحنن؟
سكت وركز بالسياره وبعد اكثر من ربع ساعه احسه يقطر عليه بالكلام
- مَيمون : الظاهر مكايلتلج
- باريا : شتكول؟؟؟؟
سكت مجاوبني وصلنا قريب على مطعم معروف بغداد حيلل راسلتني امي كتبت ... وصلتي؟
رديت عليها ... اي
مَردت عليه او بالاصح نزلنا
شفته يراسل شخص او يحجي جان حاجز طاوله النا كعدت ونزل الاكل ما الي نفس احجي ولا اكل
خليت ايدي على الميز ومنزله راسي بالغلط إلتفت على الجهة الثانيه شفت بنيه رافعه تليفونها علينا ومَيمون قرب ايده عليه
ابعدتها على السريع وخاف البنيه ممتقصده ؟
ردت اكوم اتعارك وياها او احجي اكوم افشلها كدام آمة محمد
نزلت تليفون تصور بانحاء المطعم اتجاهلتها
وبقيت كاعده
متحملت كمت للحمامات ابجي بحركة كلب بداخلي احس نفسي اخونه احبه اتشعوطت بداخل الحمامات
طلعت بره العيون حُمر اباوع على وجهي تعبت يارب
رجعت لطاولتي وجان كامش التليفون اكثر من 3 دقايق وبقيت مخليه ايدي على الميز قرب ايده فوك ايدي سحبتها بقوه اكثر ردت اعيط بي
بس اتفاجئت من مَيمون ينجر من مكانه وشخص يصيح بصوت رج المطعم رج
كمت بسرعه وانصدمت من اشوفه كدامي كامش مَيمون يضرب بي بكل قوته
والناس تحاول تفك مَيمون
بوسط هل هوسه يلتفتي الي وسحبني من ايدي لخارج المطعم
- علي الدُر : هيج تجازين كلبي مُهجة فؤادي ! جا استاهل تسوين بيَ هيج
<><><><><>
عددنا الان 142 k قارئين🥹🥹🥹
تابعوني انستاااا كليباتي urys1.7
<><><><>
لنا لقاء اخر ... اعزائي