سبحان الله وبحمده سبحان الله العظيم ♡
( الـفنـدق - قـبـل اذان الـفـجر )
قام ابو عبدالله وتوضى: لاإله إلا الله
ابر رائد: اذن ياخوي؟
ابو عبدالله: لا تووه يعني يمدي نفطر ونعين من الله خير
ابو نايف : العيال قوموهم والله مايقومون
الجد عبدالرحمن : هالحين اثور بهم
ابو عبدالله : لا انا اروح اجلس استريح
الجد عبدالرحمن: قلت انا يعني انا!
ابو عبدالله : ابشر
وطلع الجد عبدالرحمن متجهه لغرفه العيال
ابو رائد: الحين يسطرهم ويجيبهم هنا
ابو نجلاء:الله يعينهم هههههههههه
ابو عبدالله تنهد بضيق
ابو نايف : افا وش فيك؟
ابو عبدالله: بهاج راقد والله مايرفع راسه لو جاء زلزال وابوي راح له والله ليتخانقون وتصير سالفه
ابو رائد: ماهو صاير الا كل خير
ابو عبدالله: ايي يقولون ابو محمد من امس بمكه بس ماعلم احد
ابو نجلاء: هو الي بنته صيته؟
ابو عبدالله: الله الله وزيد بعد بمكه
ابو رائد: وليش مايعلمون؟
ابو عبدالله: مادري والله ياخوي
_____________________
(غـرفـه الـعـيـال )
كان عبدالله ونايف راقدين على السراير وعذرهم الوحيد "حنا اكبر منكم يعني ننام بالسرير "
رائد نايم بالكنبه واحمد نايم بكرسي صغير وبهاج كان نايم بالكنب وطاح بالارض من كثر حركته وكمل نومته بالارض
دخل الجد عبدالرحمن بعد مارفس الباب برجله وفز عبدالله ونايف لان نومهم خفيف
عبدالله : يقردناا
نايف : شوف حنا عقوبتنا ابسط من بهاج ورائد واحمد
عبدالله: يوهه يابهيج بيروح بها
الجد عبدالرحمن بصراخ: قومو يالكلاب المجمع !
عبدالله: قاعدين قاعدين
الجد عبدالرحمن : قوم السلق المصرع هنا
نايف : سم ، بهاج رايد احمد قومو جدي يبيكم
احمد بنوم : افلح
الجد عبدالرحمن بصراخ وعصبيه : قمم
احمد من الخوف قام واقف : هلا
الجد عبدالرحمن: قم
احمد : ابشر
وصف جنب نايف وعبدالله
تقدم الجد عبدالرحمن من رائد وقعد يحركه بالعصى : يارايد قم
رائد بنوم: اذبحههه لالا اقتله شفه وراكك وراك ياثور
عقد حواجبه الجد عبدالرحمن والتفت للعيال: وش يقول؟
احمد : سهران امس على لعبه حرب
الجد عبدالرحمن ضرب رائد بالعصى : يارايددد قم !
رائد قام منخرش ويحك مكان الضربه بألم
تقدم الجد عبدالرحمن لبهاج الراقد بالارض ويتبوسم وواضح الحلم حلوو
الجد عبدالرحمن بصراخ: بهاجج قم يلا
بهاج يتبوسم
رائد بهمس: شكل الحلم ثقه
احمد بهمس: شكله لقى بالحلم وحده غطت على حرمته
الجد عبدالرحمن ضرب بهاج بالعصى : قم قامت قيامتك
تنهد بهاج بأبتسامه ولازال راقد : اهخخ
احمد : شكل الحلم مايتفوت
عبدالله: بهاج تكفى قمم
الجد عبدالرحمن جلد بهاج مره مرتين ثلاث لكن بهاج لاحياه لمن تنادي و نزل لمستواه وقعد يقلبه يمين ويسار وبهاج لازال راقد
اما بهاج الي كان يحس بألم بظهره ولكن ماقدر يقوم ويترك الحلم
قام بهاج ولمح بطانيه وسحبها ورجع رقد
تنهد الجد عبدالرحمن ونزل العصى وقال للعيال جيبو ماء وفعلاً جابو وخذاه الجد ورشه بوجهه بهاج الي عقد حواجبه وكشر وجهه
رائد: للحين ماقام؟!
احمد : لا ماقام
نايف : راح فيها عزتي له
سحب الجد عبدالرحمن يد بهاج بقوه لدرجه انه جلس
جلس بهاج معقد حواجبه ومعصبب وقاعد يستوعب وش صار
الجد عبدالرحمن: يلا قومو جيبو قطور نبا نتنقذ نفطر (نتنقذ=ناكل )
رائد : ابشر ابشر
وطلع الجد عبدالرحمن
عبدالله : خارج من الشر يابهاج
رائد: والله يانه جلدنيي جلده راح جلدي
بهاج من قال رائد جلده استوعب انه هو بعد انجلد وحس بالجلده
عبدالله : وبهاج خذا نصيب من الجلده عاد اول مره ارحم بهاج والله ياجاه ضرب موب صاحي
احمد بضحكه: عاد بهاج رفع ضغط جدي هههههههههه
نايف : عندي فضول اشوف اثار الجلد
رائد بوهقه: انا منطقه غلط روحو لبهاج جلد ظهره
احمد: هههههههههه
تقدم عبدالله لبهاج المعصب : ورني اشوف الجلده
بهاج قفلت معه : تقلعع
نايف : بهاج خلنا نشوف لانه جلدك اكثر من مرهه اكيد منعدم ظهرك ورنا
بهاج كان يحس بألم بس ماوضح لهم انه يتألم
تسلل رائد بدون لحد يحس ورفع تيشيرت بهاج وصرخ بصدمه
احمد : طلعت الحرمه الي داخل رائد
عبدالله بخوف : وش فيك !
نايف : ولد انطقق اهرج
بهاج : ياولد تقلع عنديي
رائد كان يعاين ظهر بهاج بصدمه ومايرمش تقدمو العيال وشافو ظهر بهاج واتسعت عيونهم بصدمه وشهقو بصدمه من ظهر بهاج الي منعدم وكله اثار العصى ومتجرح
عبدالله : بهاج خل نجيب حرمتك تعالجك
بهاج : لا لاتدري العن خيركم
رائد : هو؟ ليش خلها تعرف
احمد جته خطه انه يجمع طيور الحب وصور ظهر بهاج بدون لحد يدري وارسله لنجلاء وراسل " وريه حرمه بهاج بهاج رفض يعلمها وقولي لها تجي تشوف وضع رجلها المنجلد "
بهاج اتجهه للحمام(يكرم القارئ) : قلت لاتدري!
ودخل
رائد: يمه الصدق ماتوقعت يجيه كل هالضرب
عبدالله : تصدق بحمد ربي انه انجلد وهو راقد
نايف : ايه لو صاحي تهاوش مع جديي
احمد : ياعيال ازهلونيي علمت حرمته
عبدالله : كيف؟ منين جبت رقمها!
احمد: لا لايروح تفكيركم انها تكلمني لا ارسلت لنجلاء تقول لها ودقايق وهي جايه
رائد: رجل المهمات الصعبهه
احمد ابتسم
نايف : يلا يلا البسو بنجيب فطور على ماتجي حرمته
_____________________
(غـرفـه الـبـنـات )
البنات كانو صاحين ماعدا نجلاء .والي تبخر والي تتروش والي تتهاوش مع خويتها والي تسوي لها كوفي والخ .
نوره كانت متصله على صيته فيس كام
نوره بزعل : صيته خير ليش كذاا!
صيته: افاا وش فيس
نوره: تستهبلينن! وش وش فيني؟ تجين مكه وانتي ماعلمتيني !
صيته: ايي عشان افاجائس مفاجأه
نوره: لاتعودينهاا كنت باخذك ونمسك خط !
صيته: هههههههههه المرات الجايه
نوره: صيوتت وربي اني احبك ياختي مقدر ازعل منك
صيته : انا الي احبتس ياختيي
نجلاء بصوت مليان نوم : بنت تقلعي برى الغرفه برقد مارقدت من امس طسي اني وطير الحب حقكك
صيته: هي غيرانه؟؟!
نجلاء قامت تدور صيته بعيونها: وينك؟
صيته :هنا هنا بيد النوري
نجلاء حكت راسها بأحراج: اهلاً
نوره: اخيراً قمتي
صيته: وجعع مسرع تخليتي عني
نوره: انتي بالقلب محفوره ويلا تجهزي بنقابل بعض
صيته : تمم
وقفلت الخط نوره
غدير جت وهي متروشه: بنات عندكم استشوار ؟!
نوره: اي شوفيه على الطاوله هاذي
غدير :تمام
غدير اتجهه لتسريحه تنشف شعرها
ونوره قامت جلست عند نجلاء : صباح الخيرر
نجلاء: صباح الليل تونا باليل وش قومكم تولجتونا
نوره: ايي لان شوي ويذن وننزل نصلي
نجلاء: ايي تمام
ولفت نظرها جوالها الي يرسل وفتحته وتجمدت ماتدري وشلون تصارح نوره
سهام دخلت: بنات وين البخور؟
نوره عقدت حواجبها بأستغراب من شافت ملامح نجلاء : وش فيك
نجلاء: نوره لازم نروح للعيال الان !
غدير: ليش ليكون محتاجات شي
نوره : تكلمي زينن ليش اروح
نجلاء مدت الجوال لنوره وسكتت تدري ان نوره بتكبر الموضوع وبتبكي وبتخاف عليه عشان اثار ضرب بس!
نوره شافت الصوره واستغربت : اوهه ياعمري من هاذا الله يكون بعونه
نجلاء : نوره ماعرفيته؟ ركزي يمكن تعرفين شعره
نوره ركزت بشعره وهي تعرف الكتوف والشعر زين الزين : لا لاتقولين
غدير سحبت الجوال: وش في...
سكتت من شافت ظهر بهاج المنعدم
اما نوره الي قامت بخوف وسحب عبايه وحده من البنات وسحبت الطرحه ورمتها على وجهها بشكل عشوائي وطلعت
ونجلاء سحبت عبايتها وطلعت ورا نوره
والبنات كلهم قاعدين يستجوبون من غدير الواقفه بصدمه
_____________________
(غـرفـه الـعيـال )
العيال لبسو بشكل بسريع عشان يطلعون لان عارفين ان نوره جايه
بهاج يمسح على وجهه بتعب ومستغرب ليش العيال لابسين: وين رايحين؟
احمد بوهقه : اء نبي نروح نجيب فطور ونجي
بهاج : اي روحو تسوون خيرر
تنهدو العيال براحه لان بهاج ماشك وطلعو واول ماطلعو شافو نوره ونجلاء متوجهات لهم
نوره بخوف : وينه؟
رائد: داخل
عبدالله: خذي راحتك حنا بنطلع
نوره: تمام
ودخلت نوره ونجلاء مادخلت احترمت خصوصيتهم ، وراحو العيال ونجلاء شافت ان وقفتها هنا مالها داعي ورجعت للبنات
دخلت نوره على بهاج بخوف : وش فيك
بهاج عقد حواجبه : نوره؟ وش فيني؟ ووش جابك !
نوره بدموع: تستهبلل من الي سوا بظهرك كذاا
بهاج بضحكه: ام دميعه ماتوفرين هههههههههه
نوره تجاهلته ورفعت تيشرت بهاج وكشرت بضيق من شافت الاثار اما بهاج مستغرب شلون عرفت وقرر يعطيها على جوهاا
بهاج بكذب : اخخ يانوره تعبان
نوره بخوف : ياعمري الحين اعالجه لك
بهاج كاتم الضحكه على تهاويلها بأصغر المواضيع
نوره اتجهه للمطبخ تجيب اسعافات اؤليه
بهاج هز راسه بضحك: بسمي بنتي دمعيه عشان تصير نوره صدق ام دميعه هههههههههه موب صاحيه ترى جرح بس ومايوجع بعد لكن خل نخوفها شوي وش ورانا
جت نوره وجلست ورا بهاج ورفعت التيشيرت وقعدت تعقم الاثار والدموع ماوقفو
بهاج بضحكه : فهمت كل شي بس ليش تبكين !؟هههههههههه
نوره : من ضربك بلعن خيرهه
بهاج بكذب : اهخخ عصابه جتني قالت تتزوج غير نوره ولانعذبك قلت مستحيل اتزوج على نوره وصار الي صار
نوره شكت بمصداقيه السالفه : قل الصدق!
بهاج : ابد والله يالنوري ماقمت من النوم وقمت لقيت نفسي مضروب
نوره : بهاجج ! لاتضحك
وبهاج يحاول قدر المستطاع مايضحك بس لعله فجرها من شاف دموع نوره
بهاج :هههههههههه
نوره بأستغراب: وش فيك؟!
بهاج حط يده على جبهه نوره : نوره صاحيه انتي عليك حراره؟ نوره الي يشوفك يقول متصاوب ترى مجرد اثر
نوره تركت كل شي بيدها وقامت وصارت قباله : هاذي جزاتي اجي واخاف عليك وتاركه شغلي
بهاج بضحكه: لابارك الله بالكتمان هههههههههه
تنهدت نوره : افف لاتضحك!
بهاج بضحكه: محد يلومني دام هاذا عملك هههههههههه
نوره: طيب دامك تتشمت ماراح اخاف عليك ابداً ابداً
بهاج بأبتسامه: ابداً ابداً؟
نوره: ابداً ابداً
بهاج تكتف : نوره لاتنسين تدعين لي
نوره: بدعي عليك موب لك
بهاج : ابك والله اني بريئ ولطيف معك
نوره ابتسمت: صح والله تستاهل ادعي لك
بهاج بضحكه: والله انك خفيفه هههههههههه
نوره:هههههههههه
بهاج: يلا اكيد العيال بيجون روحي قبل يجون يلا يلا ياعيوني
نوره خذت الاسعافات ورجعتها وابتسمت وطلعت وفعلاً لقت العيال جالسين ومعهم الفطور ويتنظرون طيور الحب يخلصون
رائد : ياربي الحمدلله
عبدالله: لو سمحتي خذي هاذا الفطور للبنات والحريم
نوره جت بتاخذ الفطور بس توهقت خافت تلمس يد عبدالله
وعبدالله توهق
طلع بهاج : وش فيكم !
رائد: نبي نودي الفطور للبنات والحريم وقلنا نعطيها نختصر المده
بهاج : وليش شايف حرمتي مرسول؟ خلاص نوره روحي وهم يجبونها لكم
نوره ابتسمت وراحت
بهاج : الله يقويكم انا تعبان ظهري يوجعني مقدر امشى
احمد : الي يشوفك يقول متصاوب مو مجلود
بهاج بكذب : اخخ ياظهريي
ودخل
عبدالله ونايف : حنا الكبار وانتم الصغار تصرفو
ودخلو
رائد تنهد : ياليل احمد حتى انا مجلود اخخ
احمد : لا تمشي معي
رائد ساح على الجدار واخذ وضعيه حياه الفهد
تنهد احمد : طيب خلاص بروح
رائد بأبتسامه : ياحلوك ي احمد
احمد خذا الفطور وراح ورائد دخل
_____________________
(غـرفـه الـحـريـم )
ام سحاب تطحن الهيل بالنجر وام عبدالله تسوي قهوه وام نجلاء تضف عفشها
ام سحاب : ابك انتم تعينتو الفطور
ام نجلاء: ايي هاذا احمد يتصل يقول افتحو الباب
ام سحاب : هه يلا نهضت بروح اجيبه
ام نجلاء : اجلسي اجلسي انا اروح
ام سحاب : لابالله علي الطلاق لاقوم اجيبه
ام رائد: طلقت المره خلاص
ام نجلاء: امري لله
راحت ام سحاب وخذت الفطور وجت: هاه صار شي لمني قمت وجبته؟ لابالله ماصار شي ولله الحمد
ام نايف: الحمدلله
وتليمو وافطرو
_____________________
(غـرفـه الـبـنـات)
دخلت نوره وشالت العبايه وشافت البنات واقفات ونجلاء معها طاوه وسهام معها زنوبه وغدير معها نجر والهنوف معها خشبه ووداد معها سلك شاحن ووئام معها مغرفه
نوره: وش فيكم؟
سهام: بشريي ياطير الحب كحلتي عينك!
نجلاء: ها سويتي دراما؟
وداد: ترى مجرد اثار
غدير: حبيبتي ماشفتي شي
وئام: بتتعبين اذا انتي خفتي عليه من الاثار بس!
الهنوف : صرتي خفيفه
نجلاء : وحنا نتعب ونقول اثقليي
غدير : بعاج خذاك مننا !
سهام: اي وحنا نغار عليك
نوره كانت منلخمه : طيب اس......
قاطعتها الهنوف : مافي مبرر لموقفك والحين بتاخذين جزاك
وداد : بنات بعد لـ ٣ ونهجم ونكوفنها
نجلاء: ويحد
وئام : ثنين
غدير : ثنين ونص
سهام : ثنين وربع
دق الجرس وتنهدت نوره
نجلاء: دقيقه بروح افتح وأجي
نوره : طيب و...
قاطعتها وئام: رجاً مانحتاج تبريرك
جت نجلاء: بناتت الفطور
سهام: الله مشتهيته
غدير: جوييي
نوره: اقلطورعلى كثر الكلافه
غدير: كثر الكلافه؟
نجلاء بشهقه : بناتت نسينا نعاقب طير الحب ذا
وداد: هيا عودي
نوره: ممكن اعرف وش سويت
تقدمو البنات وكل وحده معها اداة لضرب ونوره انخرشت
البنات رمو الادوات بالارض وركضو متوجهين لنوره وهم يحضنونها كلهم
نوره بين احضان البنات وشالوها فوق ونوره تضحك ومستانسه
نوره بضحكه: وش سببه ؟ هههههههههه
سهام: امشو نفطر ونعلمك السبب
وتجمعو البنات على شكل دائره وبينهم الفطور
سهام: المناسبه يانوره هييي
نجلاء: هييي
غدير : نعمتك
نوره : مافهمت؟
الهنوف : نوري منين طلعتي ليش ماكنا نعرفك قبل
وداد: نعمتك غطت على ناس
نجلاء: يلعن شكلك حبيتك
غدير : احسد اخويي
سهام : نحبكك ماكانت حياتنا كذا قبلك
وئام: ما ابوح بمشاكلي الا لك
اما عند نوره الي حاطه يدينها على فمها وتدمع بفرحهه وحضنو بعض
وافطرو واذن الفجر وقامو يلبسون عباياتهم
_____________________
(الـحـرم الـمـكـي )
البنات بجهه والعيال بجهه والرجال بجهه والحريم بجهه يصلون ويعتمرون
وخلصو صلاه واعتمرو .
ابو عبدالله: يلا تبوننا نشد للجنوب الحين ولا العصر؟
ابو رائد: العصر احسن
ابو نايف : اي بالله من مكه لـ ابها تقريباً ٥،٦ ساعات
ابو نجلاء: شوركم وهدايه الله
جو العيال وجاء معهم زيد وسلمو على بعض
بهاج: يبه متى نمشي وهل يمدي اخذ غفوه؟
الجد عبدالرحمن: ماتتوب عن النوم انت؟
ابو عبدالله: نمشي بأذن الله العصر
بهاج: حلو
ابو عبدالله: يقولون انك مجلود ياوليدي
بهاج: اي والله انجلدت
ابو رائد: اي بالله شفنا الصور واختلعنا
بهاج: صور ؟ منين !
ابو نايف : افتح القروب
بهاج فتح جواله وفتح القروب وانصدم ان صوره موجوده والتفت لـ احمد بعصبيه
احمد : الزبنه
وطلع احمد برى الحرم المكي وبهاج ورا احمد بيجلده
عبدالله : بروح اسلم على عيالي من زمان ماشفتهم
نايف : ترى امس شفتهم!
عبدالله: ذبحنا الشوق
ابو رائد: رايد قم رح دور البنات اكيد ضاعن
رائد : ليش يبه انا
ابو رائد: قدامي جبهم ولاقمت عجنتك
رائد: سم يلا عبود مشينا ندور عيالك
عبدالله : يلا
وراحو عبدالله ورائد
وراحو الرجال للفندق والحريم كذالك
_____________________
(خـارج الـحرم الـمـكي )
نوره ونجلاء من سوق لسوق يدورون صيته واخيراً لقوها تتهاوش مع العامل
صيته ماسكه قميص العامل : صديق هادا انا حصله في الرياض ٥ ريال كيف هنا ١٠ ريال
العامل : مدام هادا شغل انا
صيته : امحق وجهه شوف بيعه على بخمسه ﷼ ولا بروح محل ثاني
العامل : روح
صيته: ترى بروح
العامل: روح
صيته: خلاص بشتريه منك بـ ٦﷼
العامل : لا
صيته : كرهه وجهه
نوره : خلاص صديق شيل بعشره ريال امسك
نجلاء : تبي تشتريه بخمسه ومامعها الا ١٠ تستهبلين انتي؟
صيته: ابك ذا نصاب
نوره : خوذيه فضحتينا
صيته : اوهه نوره توي استوعبب
نوره: صباح اليل
وحضنو بعض وحضنو نجلاء معهم
وطلعو ولقو بوجيههم رائد
نجلاء: ياليلل
رائد: وش انتي بالحرم متغطيه وبرى الحرم كاشفه !
نجلاء: وشدخلك انت ليكون زوجي
رائد: لاتخليني اسويها واغطيك
نجلاء: ياي يمه خفت فارق بس
رائد : نوره والي معها رجاً روحو للفندق
نوره : لان اتخلى عن نجول
صيته دفت رائد : افلح عن البنت اقول لاقوم اسطرك الحين تراني توي مخلصه تسطير العامل لاتخليني اكمل عليك عاد
رائد : شله المتوحشات الثلاث صيرو بنات لو دقيقه بس !
نجلاء: شفت هذاك الفندق طس رح لمه وش عليك مننا
نوره: رجاً كل وحنا مننا عندها اب ولازوج انت وش دخلك انت حتى ماصرت اخونا
رائد: لاتحديني ادق على بهاج يشوف شغله معاك
نوره بثقه: دق يلا دق
تنهد رائد : انتي حرم بهاج وتعرفين بهاج لاتخليني اتصل عليه واطلعك بصوره سيئه
صيته سحب جوال رائد واتصلت على بهاج : تفضل
نجلاء: عزز ياصيوت
صيته: ماتمشي معهم الا العين الحمرا
بهاج يركض ورا احمد : هلااا رايد وش تبا
رائد بوهقه: اءء بهاج ابوي يقول دخل البنات للفندق وعيو
بهاج يحذف الزنوبه على احمد: العن شكلك
احمد : اي توجع
بهاج: وش علي منهم عندهم اخوان
رائد: لاحرمتك
تنهد بهاج : خلها وش عليك منها خلها تتمشى وين ماتبي بعد تسبدي يلا سلام بروح اطرح احمدوه
وقفل الخط
نجلاء: نفع تهديدك؟ لا يلا فارق
رائد:نوره اسف اذا سببت لك مشاكل مع بهاج بس ترى كان مجرد تهديد
نوره: تمام
نجلاء: يلا تقدر تروح
رائد: سمي اوامر اخرى؟
صيته: تقلع
رائد: موحشه ذي
وراح
نجلاء: ويتأسف ياحليله
صيته ونوره بصدمه: ياحليله؟؟!
نجلاء بأستيعاب :هاه لا اقصد ياقشرهه
نوره: ايي ياحليله
نجلاء: نوره انا قلت ياقشره بس شكل اذانك فيهم بلا
صيته: ياحليله
نوره غمزت: زيزو (زيد )
صيته هبدت نوره : كلي زق عادد
نوره : هههههههههه
نجلاء: مع اني مادري وش السالفه بس لبى زيزو
نوره: لالا شي خاص لاتقولين كلام حلو لـ زيزو سبيه بس
نجلاء : بعد وجهه يازيزو
صيته: هههههههههه
فجأه جتهم بنت : مرحبا
نوره : هلا
البنت : ممكن نتعرف ؟
نجلاء: لا هذولا محارمي تقلعي
البنت : حبيت اتعرف بس
نوره: اي حبيبتي مو مشكله
البنت : اسمي مشاعل واعيش بالرياض ووجهتي لـ ابها جايه اعتمر وانتي نو
سكتت البنت وهاذا الي خوف البنات
نوره: عاشت الاسامي انا نوره وهاذي صيته وهاذي نجلاء
مشاعل: تشرفنا
وفعلاً خذتهم السوالف معها لدرجه انها خذت ارقامهم وسناباتهم !
_____________________
(الـحـرم الـمـكـي - الـعـصـر )
صلو العصر وكانت دعواتهم لبعض لطيفهه جدا بهاج يدعي لنوره ونوره تدعي لبهاج
بهاج رفع يدينه لسماء يدعي : يارب إن رأيتها قلقه فطمنها وإن رأيتها حزينه فأسعدها وإن رأيتها متعبه فعافها وإن رأيتها سعيدة فأدم السعادة عليها
اللهم أحفظها بعينك ألتي لا تنام
يارب حصنتك روحاً احببتها ، تخاف عليها روحي من كل شيء فاحفظها اللهم إني استودعتك عافيتها وقلبها وروحها
نوره رفعت يدينها لسماء تدعي : ربي اوصيك خيرا بقلب من احب وانت خير من اوصي اللهم ارح قلبه ليرتاح قلبي ربي استودعتك اياه في نهاره وليله في نومه وصحوته وفي حزنه وتعبه استودعته الله من كل شي
هيام رفعت يدينها تدعي : الله ياخذك يانوره زي ماخذيتي زوجي الله لايوقفك بحياتك ياعلك ماتتهين بحياتك مادامك مع بهاج الله ينتقم منك اشد الانتقام ودعوه المظلوم مستجابه !
وكل واحد دعاء لنفسه ولمن يحب .
وطلعو للفندق وضفو عفشهم وحملوه بالسيارات
نوره : بهيج بسوق
بهاج: لا خطر
نوره: عمي اسوق؟
ابو عبدالله : والله يابنتي انتي الوحيده الي ماحب ارفض لس طلب لكن هالطلب صعب يابنتي بنروح لـ ابها والطرق ووعره وبعد شوي بنروح لطايف الهدا صعب على احد ماهو متعلم يطلعه
نوره ابتسمت: تمام
بهاج يلعب بحواجبه : خمس ساعات يانور بالشاص ودعي ظهرك
تنهد نوره: احد يخطفني ؟
نجلاء: انا بخطفك
بهاج: بشيلك يابو سالم بحطك بالحوض ان خطفت النوري
نجلاء : لا عاد مانبي الحوض العذر والسموحه النوري
نوره : افف احد يخطفني
زيد : وديي ودي
نوره : خالي زيد؟!
زيد : اييي
نوره حضنته : من زمان عنكك
زيد: وربي لك وحشه بالديره من زمان ماجيتيها هههههههههه
نوره: ايي مرهه
بهاج سحب نوره: نغار ترى!
زيد: هههههههههه
ابو نايف : يلا يلا شدينا
ام سحاب : الله يعينس يالنوري
نوره: جدتي ذا خاطفني انقذيني
بهاج: قدامي بس
نوره : اففف
وكل واحد ركب سيارته
_____________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
.
وشكراً والله على دعمكم لي 💗✨