سبحان الله وبحمده سبحان الله العظيم ♡
*تذكير للاحداث السابقه *
( شفاء ام سحاب من المرض الخبيث ،، هياط بهاج على غدير ،، وئام الي مو راضيه تفهم درس الرياضيات ،، شوبنق البنات الي على حساب بهاج ،، عين ام عواد الحاره ،،سوني بهاج،، اول يوم رمضان ،،بهاج ورائد الي اكلو كفوف بسبب طلوعهم على الجدار ،، العيال وغسل المواعين )
( بـيـت ام سـحـاب - الـعـشـاء )
الحريم يسولفون سوالف حريم طبيعيه عن مواعين ابو خمسه
الرجال يسولفون سوالف رجال عن العزايم والسيارات
والعيال يلعبون بالصابون بالمطبخ عساس يغسلون المواعين
البنات بغرفه نوره سوالف ولعب وضحك ويسوون حلا
رائد : ياعيال وش هالمطبخ الي ماينظف
احمد : لانك رخمه ماتعرف تنظف
بهاج لازال ماسك ظهره من الجلد الي جاه : ياعيال اسكتو بولد الحين من كثر الالم حسبي الله على ابليس ابوي شكله يدور فرصه يجلدني فيهاا
نايف : بلاك ماجربت جلد جدي
بهاج : اهخخ اسكت لاتذكرني مجرب جميع انواع الضرب والجلد
عبدالله : عشانك مطيوش وحركي وبس تطامر الجدران اكيد يجلدونك
زيد : لعنبو حيك بتصير ابو وعادك على حركات الورعان؟
بهاج : خلاص خلاص انا صح وانتو غلط
محمد : بصفتي محمد قفوطي فهاذي الكلمه فيها اسقاطهه بحقنا والاصح ان يقال انا غلط وانتو صح
بهاج مد القدر لـ محمد : افرك افرك هالقدر لاتفرك وجهك خالتي ام سحاب
احمد : ياعيال انا وجودي بالمطبخ زياده عدد يلا سلام بروح
عبدالله مسك احمد قبل يطلع من المطبخ : تعال تعال
رائد : عزتي للبنات من غسل المواعين
احمد : ياعيال والله بس بطلع اجيب جوالي واجي
بهاج : تمام جب جوالي معك
زيد: وانت جوالك ليه دايم راميه؟
بهاج: ماني حوله
احمد طلع واستمرو العيال بنتظيف المطبخ
،
وداد : بناتت عطشانهه
نوره : روحي تاكدي اذا العيال راحو خشي خوذي لك ماء وجيبي لنا
نجلاء : ايي بالله عطشتت
وداد هزت راسها برضى وطلعت
سهام : بنات وين موضي؟
الهنوف : منجد وينها اختفت قبل يذن المغرب
صيته : ابك انا قايله ان وراها بلاا
نجلاء : اتفق مع صيوت
نوره سكتت مالها وجهه تتكلم معاهم كلهم ضدها بهاج وام سحاب وبنات عم بهاج كلهم وصيته
سهام : معليش نوري عارفه انك بكايه بس موضي بتبكيك زياده
نوره : يابناتت تكفون قفلو الموضوع وربي تعبت من التفكير والله ماودي اعيد خطاي حق مشاعل وبهاج يقول خلاص لاتفكرين ولاتسوين شي انا بتصرف
غدير : خلاص نوري دام بهيج قال لاتسوين شي اكيد بيتصرف
وئام : عزتي للولد هاذا مشاعل وهيام وموضي كلها على راسه
صيته : اي لازم يحارب عشان نوريي
نجلاء : نوره لاتعطين موضي وجهه
نوره : بنات ببكي
الهنوف : يعمريي هرمونات حمل
غدير بمزح : جيبو بهاج يسكتها
سهام : نادوه نادوه
نجلاء: اتصلو على الدفاع المدني بينفجر خزان دموعع
البنات ضحكو
نوره : اشتقت
صيته: عساها انا
نوره : ايوهه انتم وجدتيي وبـ..
سكتت من ضحكو البنات
سهام: خلاص بنات امشو نجلس عند الحريم
الهنوف : تمام يلا
وقامو البنات متوجهين للحوش يسولفون مع الحريم
،
احمد طالع من المطبخ ويسولف على نفسه كلعاده ويمشي وهو منزل راسه يناظر خطواته ويسولف على نفسه ويناقش نفسه بمواضيع مو مهمه
رفع راسه من سمع شهقه وفز : بسم الله الرحمن الرحيم اللهم ان كان سحراً فأبطله اللهم سكنهم مساكنهم ، يمهه وش هالجني الي طلع بليله رمضان ياساتر ستاراستر
وداد : بس بس خلاص ريح فكك من الكلام
احمد عرف صوتها ونطق : اهاا انتي اخت ابو راس ؟
وداد : اي طيب معلينا العيال راحو من المطبخ
احمد يحلل النظره الاولى : هاذا وجهك؟ ياشينك شيناه
وداد اتسعت عيونها بصدمه ونزلت تاخذ شوزها وترميه عليه: وجعع يابو صنادح انا لو عندي جبهتك ماقابلت الناس
احمد ضحك ويحك مكان الضربه : علامك امزح معاك
وداد : اخلصني العيال وينهم
احمد استوعب الي صار ولو عرف رائد يذبحه هو ووداد ونزل راسه ونطق : معليش والله ، العيال بالمطبخ
وداد زفرت وراحت وصفر احمد : صاروخخ بس يعني جبهتي كبيره وهي جبهتها صغيره ماش ماش مانطابق بع....
قاطعه زيد الي معقد حواجبه : ولد من تكلم انت؟
احمد : بسم الله الرحمن الرحيم الواحد يتنحنح !
زيد : ليش اتنحنح لايكون انت حرمه تتغطى؟
احمد : لا بس خربت مخططاتي
زيد: الله اكبر يالمخططات عاد علمنا وش هي يالاخ
احمد : امور مالك فيها
زيد ضحك ونطق : ولد االعيال اتفقو قم امش اسمع الخطه
احمد : جوييي يلا
ودخلو المطبخ واول مادخل المطبخ احمد مسكه بهاج : تعال جوالي وينه؟
احمد ضرب جبهته : يوهه نسيته
بهاج تنهد : ياليلل الحين كيف نطبق الي خططنا عليه بدون جولات؟
عبدالله : ايي يالخبل بدون جولات عشان اذا فقدونا وحبو يتصلون علينا يكون عندنا عذر اننا نسيتا جولاتنا
محمد :عيال فكرو بعقلانيه لازم يكون معنا جوال عشان اذا صار شي يكون عندنا خبر !
بهاج : تمام عندي جوالي القديم بالسياره
نايف : رقمك القديم؟
بهاج هز راسه بمعنى ايي
نطق رائد: رقمك القديم من بيتصل عليه؟
زيد : خلاص ياعيال اجيب جوالي وانتو نفذو الخطه
احمد : ياعيال فهمونيي
رائد : نبي نهرب ولاتغسل المواعين لصبح؟
احمد : لا اهرب معكم
بهاج : تمم نروح بسيارتي
عبدالله : بالشاص ولا اللكزس؟ً
احمد : المدام حامل اكيد بيجي باللكزس !
زيد : لا انا جبت نوره واختي بهاج جاء لحاله كان ينقل عفش
بهاج ابتسم بوهقه : جيت بالشاص
العيال بصوت واحد : ياليلللل
بهاج : ياعيال حق هجوله حواري وتفحيط جدول جدول ثقه
زيد: اركد بس تراك بتصير ابو
عبدالله : كل الناس تعقل الا ذا الدلخ
بهاج : طيب مالكم الا الشاص عبدالله سيارته جيب ماتساعد للهجوله ورائد واحمد ونايف جو مع اهلهم وزيد سيارته صغيره ومحمد جاء كعابي جيراننا
رائد : تممم قدامم
احمد : معكممم
راح زيد يجيب جواله ويجي بدون لحد يدري وفعلاً جاب جواله بهدوء
وطلعو العيال كلهم بدون لحد يدري وبهدوء واخيراً قدرو يطلعون من البيت بدون لايقفطهم احد وركب بهاج الشاص وركب جنبه زيد ومحمد وعلى الباب نايف
رائد واحمد بما انهم اصغرهم ركبوهم بالحوض بس الي مالاحضوه ان اكبرهم عبدالله مالقى له مكان ومستحيل يركب بالحوض !
عبدالله : اصغر واحد ينزل يلا اشوف يركب مع القطيع الي بالحوض
احمد : اسمع تراك شايب وماودي اغلط عليك
رائد : عزتي له انت غلطت وخلصت
بهاج بكذب : انا اكبرهم وعمري قده بيصك الاربعين
محمد : قالو كيف عرفت انها كذبه؟ قلت من كبرها
نايف : انا شايب لحد يقول لي شي
عبدالله : كم اعماركم ؟
بهاج سكر اذانه لانه اصغرهم وبيلقم وبيركب بالحوض رغم ان السياره سيارته بس عبدالله اخوه الكبير له احترامه وتقديره
نايف وزيد :٢٧
محمد : تقريباً ٢٦
بهاج بلع ريقه وساكت ويسوي نفسه مشغول
عبدالله فتح باب بهاج ونطق : وانت يالحبيب؟
بهاج : مادري نسيت عمري كم
عبدالله مسك بهاج ونزله : انزل يالحبيب
بهاج : اصبر ياخوي خلني ابرر
عبدالله : اي اركب الحوض وبرر بالدريشه
رائد : القمم خل شماتتك تنفعك
بهاج التفت لـ رائد : اسكت لااهد سنونك
ورجع التفت لـ عبدالله : عشانك اخوي الكبير بمشيها مع انك قاسيي ياقاسي
ضحكو العيال وركب بهاج بالحوض مع احمد ورائد
بهاج اساساً كانت نيته مايكون الطاره حقهم واكيد مايرضى ان اخوه الكبير يركب بالحوض!
وشغل السياره وطلعت صوت قويي
زيد : الله ياخذ عدوك يابهاج وش مسوي بالسياره !!
بهاج ضحكك من صوت السياره الي هو متعمد يركبها للهجوله والتفحيط
: حيييي الصوتت
رائد: اقعددد مركب فلترر
احمد : ماتوقعتت انك تسويها
بهاج ضحك : سويتهاا واذا جيت بمشي من عند ابوي اقعد ادف السياره دف عشان ماتطلع صوت
احمد : مو صاحيي بركبها على الدسنن حقتي
بهاج: ابد اركبها لك كانك تبي
رائد : اقعدد يالخبراتت
طلعو عمامهم وكل اهل الديره على صوت السياره
الديره كانت صغيره وهاديه وادنى حاجه تزعجها
زيد : ادعسس ياعبدالله بسرعه شيبان الديره وعمامكم طلعوو
عبدالله من النوع المحافظ الي مستحيل يسرع مهمها كان الخطر وحرك ببطى
بهاج : اسرعع تكفىى جدي جاءء
رائد صرخ من شاف زبيريه متجه لهم : ياعياللل نزلو روسكمم
نزلو رواسهم العيال الي بالحوض وطاحت الزبيريه بينهم وضحكو من عرفو زبيريه جدهم
واخيراً ابعدو عن الحاره مع سواقه عبدالله الي كأنها سواقه شايب
زيد تنهد : يابو سلوم ماودك تطرف شوي خلني اسوق
عبدالله : سد حلقك وخلني اسوق
محمد : ياخوي سواقتك بطيئه وحنا نبي نهجول
نايف بهمس : ودي احش بس هاذا نسيبي
زيد : اهجد ترا سمعتك وترا خطيبتك انا خالها لاتحش
نايف : ياليل انسابي كثيرر
محمد ضحك وفتح بهاج الدريشه الي تفتح بين الغماره والحوض ونطق
:ياولد طالبك بهجولل
عبدالله : امسكو مجنونكم
رائد : ياخوي اسرعع
احمد : عزتي لنا العداد ماتعدى الخمسين
تنهد بهاج وجلس وقفلت معه اي واحد يتكلم سطره فـ رائد واحمد شافو وجهه بهاج المعصب وسكتوو مابغو ينطقون عشان مايلقمون كفوف منه ومنها خافو على العيال الي يتمشون بالديره يخافون بهاج ينزل عليهم يصفقهم لانهم يناظرون فيهم
عبدالله وقف عند السوق الشعبي للديره : ياعيال نبي صوله وجوله ونعود
نايف : الحمدلله وصلنا مابغينا
زيد نزل والتفت للحوض : ياعيال يلا
رائد يأشر بيده بمعنى "انقذونيي من بهاج المعصب "
زيد اشر له بمعنى " ياولد ماقدر اسوي شي اذا هو معصب ازبن "
احمد : علامكم تأشرون
بهاج وهو معقد حواجبه: كل سلح ياولد اسكت ازعجتنييي
احمد :ابشر يالنفاس
بهاج قام بيجلد احمد واحمد نزل من الحوض وهرب وبهاج يركض ورا احمد ويتوعد فيه
العيال ضحكو ودخلو يتمشون تاركين بهاج واحمد يتهاوشون
احمد وهو يركض : ياولد قل لااله الا الله
بهاج يركض ورا احمد : اوقف ومايحصل الا كل خير يالدب
احمد : صاحي انت اوقف لك عشان تصفقني ؟ يالوزغه
بهاج بعصبيه : اوقفففف
احمد : لاااا ياولد مو بصاحي انـ......
انقطع كلام احمد من صقع برجال وطاح
وقف بهاج وضحك ويتشمت ويضحك على الارتداد الي صار بكرشه الرجال
الرجال مسك ياقه احمد : خير يالطيب
بهاج يهاوش ويعصب ويضرب عيال عمه بس مايرضى عليهم مهما كان !
بهاج تقدم وسحب احمد من الرجال وصار بين احمد والرجال : ماظاهر فيه خير
الرجال يناظر احمد : احول ماتشوف ؟
بهاج بحده : اكسر الشر !
احمد : خلاص حصل خير بهاج اتركه
بهاج معصب وفيه طاقه سلبيه واكيد بيفرغها على الرجال هاذا فـ احمد اضطر يهدي بهاج
الرجال عرف اسم بهاج من احمد : اهاا انت بهاج الي انسحرت من حرمه ؟ الظاهر للحين مسحور من حفيده ام سحاب يالم.....
قطع كلامه بهاج الي اعطاه وحده على فك الرجال
احمد مسك راسه من شاف دم الرجال نزل من فمه : لااله الا الله
بهاج مسك ياقه الرجال بعصبيه : لعنبوك الشنب خاط وكلامك كلام ورع ؟ الكلام هاذا لااسمعه
الرجال ماسكت ولعل بهاج اكل له ضربه على حاجبه ونزل دم
وبهاج كذالك مايسكت وتهاوشو وتكافحو واحمد بينهم يفارع ويلقم كفوك من الرجال وبهاج
وتجمعو كل الي بالسوق الشعبي يفارعون بينهم بهاج المشتعل بالعصبيه والنار والرجال البارد المستفز
عبدالله : ياعيال علامهم متجمعين ؟
زيد: على حسب خبرتي ان في هوشه
رائد يتلفت : عيال احمد وبهاج وينهم لايكون تعاونو على احد
محمد : كدينا خير
وركضو العيال يدخلون بين العالم والزحمه وطاحت عيونهم على بهاج الي فوق الرجال ويصفقه
عبدالله تقدم وصرخ : بهاجج!
بهاج مايسمع الا "مسحور من حفيده ام سحاب "
وتقدم زيد ومحمد وشالو بهاج عن الرجال وبهاج يسب ويلعن ويشتم بالرجال والرجال منسدح على الارض يتألم
بهاج يتفلت من زيد ومحمد : اتركوني بلعن والدين ابن**
رائد : ياعيالل خلاص خذو بهاج وروحو انا بشوف وش صار على الرجال!
عبدالله بعصبيه : خذو الجني بسرعهه لايكمل على الرجال !
بهاج للحين يسب ويلعن ويتفلت وحاجبه دم وثوبه الابيض الملطخ بدم الرجال
زيد ومحمد سحبو بهاج بصعوبه وهم مكتفينه ويركبونه السياره ونايف يسوق وزيد ومحمد مجودين بهاج
بهاج ماكان بعقله كان بعقله تدور جمله" مسحور من حفيده ام سحاب " بس هاذا الي يدور بباله وعقله وكل مايغمض عيونه ترجع الكلمه تطلع له ويفور دمه وتتلف اعصابه
نايف حرك وابعد عن الديره وضجه الديره والين اختفت انوار الديره ونزلو يهدون بهاج
نايف : علمنا وش صار وكيف ووشلون
بهاج : ياعيال لا تكلموني لاكمل عليكم وانا ماوديي
زيد : بهاج حاول تمسك اعصابك شف وجهك انعدم !
محمد : ماتوقع تلفت اعصابه بدون سبب اكيد في شيي !
زيد تعمد يضغط بهاج عشان ينفجر ويقول السالفه هاذي الطريقه الوحيده ونطق
: لابهاج دايم اعصابه تالفه
بهاج انفعل : وكيف تبيني اسكتت والرجال يسب وليفتي وحرمتي ابن الكلب
العيال اتسعت عيونهم بصدمه
بهاج : خلاص عرفتو ؟
محمد : طيب خل نرجع للبيت نعالج حرجك عاده ينزف
بهاج حط يده على حاجبه وشال يده وشافها وشاف الدم ماحس بالالم كثر ماتألم صدره من الكلمه
زيد : بهاج يلا عشان نوره قم خلها تشوف جرحك
بهاج : مابيها تشوفني كذا
محمد : عادي زوجتك
تنهد بهاج ونطق : احس فيني باقي عصبيه خل افرغها واجيها
نايف : فراغها
بهاج التفت على نايف ورفع حاجبه : تعال جب صابرك اسطرك
(صابرك = خدود )
ضحك نايف ونطق : لابالله ماعطيك دامي شفت بعيوني الضرب الي جاء للرجال وبعدين بيني وبينك وراي عرس يعني تخيل احضر عرسي ووجهي مكفخ؟ ومن من؟ اخو العروسه الله المستعان صدق
بهاج ضحك ونطق : هاذا نص الي يجيك اذا زعلت وخيتي
ضحكو العيال ونطق نايف: اختك بحطها بعيوني ازهلني
بهاج حط يده على كتف نايف: والله اني داري انك رجال عن عشره
نايف ابتسم : قد الثقه بأذن الله
ابتسمو العيال كلهم ومن حسو ان بهاج هدا قررو يرجعون ياخذون عبدالله والعيال
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
