រំលងទៅពីរថ្ងៃក្រោយ ក៏ឈានមកដល់ថ្ងៃប្រកួត ដែលគេរៀបចំឡើងនៅ stadium ដ៏ធំនាកណ្ដាលទីក្រុង Manila តែម្ដង ។ មនុស្សដែលមកចូលរួមក៏ច្រើនកុះករមានទាំងរូបភាពផ្សេងៗដើម្បីបង្ហាញពីការគាំទ្ររបស់ខ្លួនទៅកាន់ក្រុមនីមួយៗ ។ អ្នកដែលមកចូលរួមគឺមានដប់ប្រទេសផ្សេងគ្នា ដែលប្រព្រឹត្តទៅរយៈពេលបីថ្ងៃដើម្បីស្វែងរកម្ចាស់ពានប្រចាំរដូវកាលនេះ ។
ការជម្រុះចេះតែអស់ម្ដងមួយក្រុមៗ ឯការប្រកួតក៏កាន់តែស្វិតស្វាញ ម្នាក់ៗព្យាយាមបញ្ចេញអស់ពីសមត្ថភាព ខណៈអ្នកដែលមកទស្សនាហាក់នៅមិនស្ងៀម ផ្ចង់អារម្មណ៍តាមការប្រកួតរបស់ Idol ខ្លួនរង់ចាំមើលថានរណាឈ្នះ ។
«ហឺ...សូមអោយគេឈ្នះផងចុះ»ថាអ្នកដែលអង្គុយនៅមុខហ្គេមនោះទៅគួរតែភ័យ តែរាងតូចដែលសម្ងំក្នុងសណ្ឋាគារឯណេះវិញ សម្លឹងអេក្រង់ទូរទស្សន៍ទាំងបែកញើសតាមជើងសក់ បន់ស្រន់អោយ Jungkook ឈ្នះ កាលបើនេះជាគូចុងក្រោយទៅហើយដែលត្រូវស្វែងរកម្ចាស់ពាន ។
កម្មវិធីបីថ្ងៃមកនេះ Jungkook មិនបានអនុញ្ញាតឱ្យ Tae ទៅជាមួយឡើយ ត្រឹមអោយគេសម្រាកនៅសណ្ឋាគារ ចំណែកខ្លួនទៅ stadium ជាមួយមិត្ត ដោយហេតុថានៅទីនោះមនុស្សច្រើន នាយអាចនឹងបារម្ភពី Tae រហូតដល់បាត់បង់សមាធិក៏ថាបាន ទើបជ្រើសអោយគេរង់ចាំខ្លួននៅទីនេះគឺល្អបំផុតហើយ ។ ថ្ងៃនេះផងដែរគឺជាចុងបញ្ចប់នៃការប្រកួត ក្រុមរបស់ Jungkook ប៉ះជាមួយជនជាតិហ្វីលីពីនផ្ទាល់ ដែលម្នាក់ៗទឹកដៃសុទ្ធតែមិនអាចបំបាក់បាន ជាហេតុធ្វើឱ្យថ្ងៃនេះជាថ្ងៃដែលវិសេសបំផុតសម្រាប់អ្នកដែលទស្សនាចង់ដឹងថានរណានឹងក្លាយជាអ្នកឈ្នះប្រចាំរដូវកាលនេះ ។ (admin ខ្ជិលរៀបរាប់ច្រើន កាត់ចោលខ្លះហើយ😁)
ដំបូងខាងគេអាចនឹងមានប្រៀប ប៉ុន្តែជ័យជំនះគឺស្ថិតនៅលើសាមគ្គីភាពនិងមិនរាថយ ។ ក្រុមរបស់ Jungkook វាយលុករហូតដល់បន្ទាយ មុននឹងសម្លេងស្រែកហ៊ោកញ្ជ្រៀវបានបន្លឺឡើងយ៉ាងខ្លាំង អបអរដល់ក្រុមរាងក្រាស់ដែលអាចបំបាក់ខាងហ្វីលីពីនបាន ។
«Wow...ទីបំផុតយើងរកអ្នកជើងឯកសម្រាប់រដូវកាលនេះបានហើយ ដែលជាម្ចាស់ពាននៃស្ដេចហ្គេមបានទៅលើក្រុមចចកមាសដែលមកពីប្រទេសកូរ៉េខាងត្បូង សូមអបអរ!!»សម្លេង MC បន្លឺឡើងខ្ចរខ្ចាយ អង្រួនចិត្តអ្នកគាំទ្រអោយកាន់តែស្រែកហ៊ោខ្លាំងឡើង រីករាយជាមួយនឹងជ័យជម្នះដែលបានទៅលើក្រុមសំណព្វចិត្តរបស់ខ្លួន ។
«ធ្វើបានល្អណាស់!!»Jungkook ប្រមូលផ្តុំគ្នីគ្នាទាំងរីករាយ ដែលក្រុមរបស់ខ្លួនអាចបម្រះចេញពីភាពបរាជ័យ រហូតដល់អាចបំបែកបេសកកម្មមួយនេះបាន ។ ក្រុមទាំងពីរសម្លឹងមុខគ្នាដោយមិត្តភាព នេះគ្រាន់តែជាហ្គេមប៉ុណ្ណោះ នរណាឈ្នះក៏នៅតែជាមិត្ត ។
«យេ៎...ឈ្នះហើយ អស្ចារ្យណាស់»ថាម្ចាស់គេទៅរំភើប នាយតូចឯណេះលើសសាមីខ្លួនគេទៅទៀត ។ Taehyung លោតកញ្ជ្រោលពេញពូក ស្រែកផង រាំផង សម្លឹងមើលម្ចាស់ចិត្តលើកពានលើអេក្រង់ទូរទស្សន៍ទាំងសើចសប្បាយ បើនៅជិតវិញគេប្រហែលជារត់ទៅអោបនាយលើទីលានប្រកួតបាត់ទៅហើយ ឬ Jungkook ជាអ្នករត់មករកគេមុន?
«លោកបងចង់ទៅណាបន្ត»ក្រោយពីចប់កម្មវិធីពួកគេក៏មកជួបជុំគ្នានៅបន្ទប់សម្រាក មុននេះចំណាយពេលជិតពីរម៉ោង ត្រូវគេសំភាសផង ថតរូបផង ដែលកាន់តែយូរទៀតនោះគឺនៅបញ្ចេញចរិតព្រានឆក់យកបេះដូងនារីៗបរទេសហ្នឹងឯង ។
«សណ្ឋាគារ!!»Jungkook ស្រដីខណៈដែលកំពុងតែជូតញើស នាយកំពុងបន្ទាន់ត្រឡប់ទៅវិញ ផង គ្មានអារម្មណ៍នៅជ្រៀតជ្រកដូចរាល់ដងទេ ។
«អុញ មិនជប់លៀងសិនទេហេស៎លោកបង នេះទើបនឹងម៉ោងប្រាំប៉ុណ្ណោះ»ពួកគេជ្រួញចិញ្ចើមមិនយល់ពីមេក្រុមដែលប្រញាប់ប្រញាល់ធ្វើមើលតែប្រទេសមានសង្គ្រាម ។
«អា៎...វាម៉េចនឹងនៅ បើស្នេហាវាកំពុងតែចាំនៅក្នុងបន្ទប់ឯណោះ»Karl ស្រដីចម្អន់ទាំងញាក់ចិញ្ចើមឌឺជាមួយ Edward ។
«អញ្ជឹងតើបានជាមិនខ្វល់ពីកូនក្រុមសោះ បើមិនយល់ទាស់ទេ បបួលសិស្សច្បងមកជប់លៀងជាមួយពួកយើងក៏បានណាលោកបង»
«កក់ហាងមួយទៅ យប់នេះជួបគ្នា»Jungkook មិននៅបូរបាច់ស្ពាយកាតាបចាកចេញទៅបាត់ទុកអោយពួកគេអង្គុយសើច មុននឹងជំនុំគ្នារកកន្លែងផឹក ឯពានមុននេះគឺទុកនៅ Jungkook ព្រោះនាយជាមេក្រុម ទាល់តែទៅដល់ប្រទេសកូរ៉េទើបយកទៅតាំងនៅក្នុងទូរកញ្ចក់ក្នុង apartment Edward ដូចជារាល់ដង ។
#Okada Manila
សន្ធឹកជើងរត់មិនថ្នមសម្លេង មុននឹងបើកទ្វារសម្លឹងរកមនុស្សដែលខ្លួនកំពុងតែនឹក គ្រាន់តែឃើញ Tae ភ្លាម មិនបង្អង់យូរ Jungkook ក្រវែងកាតាបរបស់ខ្លួនទៅលើពូករត់មកអោបរាងតូចជាប់ ត្បិតថាគេកំពុងតែញញឹមចាំទទួលនាយដូចគ្នា ។
«Jungkook.....អ្ហឹម»មិនមែនត្រឹមតែក្រសោបកាយតូចច្រឡឹងមួយនេះទេ រាងក្រាស់សង្គ្រប់ថើបបបូរមាត់ទន់ៗយ៉ាងតក់ក្រហល់ ដើម្បីបញ្ជាក់ពីការនឹករលឹក បឺតជញ្ជក់ដោយមានការតបតពី Tae ដូចគ្នា ។
«ហ្ហឹម...បានហើយ Jung »Tae លែងចេញពីការថើបបញ្ឈប់រាងក្រាស់មិនអោយបន្ត ព្រោះតែខ្លួនដកដង្ហើមលែងរួចទៅហើយ ។ ស្នាមញញឹមបើកឡើងដោយហាមមិនបាន រាងក្រាស់ថើបថ្ពាល់ក្រពុំបន្តិច រួចក៏យកថ្ងាសទល់នឹងរាងតូច ខណៈដែលមាត់របស់ពួកគេសឹងតែប៉ះគ្នាម្ដងទៀតទៅហើយនោះ
«ខ្ញុំឈ្នះហើយ!!»
«អ្ហឹម...ពូកែណាស់»នាយតូចលមុខថើបបបូរមាត់រាងក្រាស់ទើបស្រដី ទាំងពោលសរសើរ Jungkook អោយនាយសប្បាយចិត្តកាន់តែខ្លាំង ។ គិតទៅមើលថាពេលដែលបានមនុស្សដែលយើងស្រឡាញ់បំផុតមានមោទនភាពចំពោះនោះ តើក្នុងចិត្តរំភើបប៉ុណ្ណា ?
«ពួកយើងទៅដើរលេងល្អទេ?ជាការអបអរមុនពេលត្រឡប់ទៅវិញ»
«Jung មិនទៅ party ជាមួយមិត្តទេហេស៎ ពួកគេអាចនឹងត្រូវការលោក»
«ប៉ុន្តែខ្ញុំចង់នៅក្បែរបងច្រើនជាង សឺត ក្រអូបណាស់»Jungkook បង្អូសខ្ទង់ច្រមុះថែលថើបថ្ពាល់ទន់រលោងរបស់រាងតូច ។
«ពួកយើងនៅមានពេលច្រើនទៀតណាស់ កុំអោយពួកគេអន់ចិត្តដោយសារតែវត្តមានខ្ញុំអី ថ្ងៃនេះខ្ញុំអនុញ្ញាតអោយលោកផឹកស្រាបាន ជាការអបអរ»
«ហឹស បើចឹងពួកយើងទៅជាមួយគ្នាល្អទេ»Jungkook សើចឡើងស្ញេញដាក់រាងតូចអោយគេខ្នាញ់ជាខ្លាំង មុននឹងចាប់ទាញថ្ពាល់របស់នាយទាំងសងខាងប្រៀបបាននឹងកូនក្មេង ប៉ុន្តែ Jungkook ក៏ពេញចិត្ត ចង់អោយ Tae ថ្នាក់ថ្នមគេបែបនេះ ។
«ប្រាកដហើយ ខ្ញុំមិនបណ្ដោយអោយលោកទៅតែម្នាក់ឯងទេ»អស់ពីទាញថ្ពាល់ Tae ក៏ចាប់ច្របាច់មាត់កំហូចនេះលេង ក្រឺតខ្នាញ់ណាស់ថើបគេម្ដងៗចង់អស់ខ្យល់ ។
«បើចឹងតោះ»
«អេ៎...ចង់នាំខ្ញុំទៅណា»Tae ភ្ញាក់ក្រញាងរហ័សតោង.ករាងក្រាស់កាលបើនាយស្រាប់តែលើកបីគេឡើងទាំងមិនប្រាប់បែបនេះ ។
«ទៅងូតទឹក ដើម្បីទៅ Party នោះអី!!»
«អត់ទេ ខ្ញុំអត់ងូតជាមួយលោកទេ»Tae ស្រែកចាចអោយរាងក្រាស់ដាក់ចុះ តែគិតថាក្មេងរឹងរូសដូច Jungkook ព្រមធ្វើតាមគេឬ ? រាងក្រាស់សើចស្រស់ បីកាយតូចចូលទៅក្នុងបន្ទប់ទឹក ចាត់ការសម្អាតខ្លួនអោយមនុស្សធំដែលរពិលរពូចរកតែរត់ចេញក្រៅ ប្រហែលជាមួយម៉ោងជាងទើបរួចរាល់ ឯក្នុងបន្ទប់ទឹកវ៉ល់អស់ហើយ ព្រោះតែពួកគេប្រលែងគ្នាមុននេះ ។
Jungkook បណ្ដើរនាយតូចចូលមកក្នុងហាងមួយដែលនាយជួលដាច់ជាន់ខាងលើនេះតែម្ដងដើម្បីជប់លៀងសម្រាប់យប់នេះ ។ កាយវិការមិនខុសពីសង្សារ រាងក្រាស់អោបចង្កេះនាយតូចចូលមកខាងក្នុងទាំងមិនខ្វល់ពីក្រសែភ្នែកមនុស្សគ្រប់គ្នាដែលខ្សឹបខ្សៀវនិយាយពីរូបគេ។
«លោកបងមកហើយៗ»គ្រាន់តែមកដល់ខាងលើភ្លាម គ្រប់គ្នាស្រែកឡើងកាលបើឃើញ Jungkook ចូលមក ម្នាក់ៗមុខរីករត់ទៅអោបរាងសង្ហារជាប់ ។ ហៃយ៉ា...មិនអោយស្រឡាញ់យ៉ាងម៉េចបើថ្ងៃនេះបងធំពួកគេជាអ្នក pay ទៅហើយនោះ ។
«អេ៎...មិនមែនមកតែម្នាក់ទេ តែសិស្សច្បងពួកយើងក៏មកដែរតើ»ពួកគេក្នុងក្រុមនេះសុទ្ធតែស្គាល់ និងធ្លាប់បានដឹងពីទំនាក់ទំនងរវាង Tae និង Jungkook លើកលែងតែក្មេងចូលថ្មីពីរបីនាក់ដែលមិនទាន់ដឹង ។
«សួស្ដី សិស្សច្បង!! កិត្តិយសណាស់ដែលបានរួមតុជាមួយថ្ងៃនេះ»ម្នាក់មួយម៉ាត់ស្រដីរាក់ទាក់នាយតូចមិនអោយគេមានអារម្មណ៍ថាទើសទាល់ឡើយ ម្យ៉ាងក្រុមនេះក៏រលាម ហើយព្រាន សម្ដីចាក់ទឹកមិនលិចដែរ បើមិនមែនជារបស់ Jungkook ទេ ម្ល៉េះពេលនេះពួកគេលេបខាយតាមញ៉ែព្រាតបាត់ទៅហើយ ។
«សួស្ដី ថ្ងៃនេះសុំចូលរួមផង សង្ឃឹមថាគ្រប់គ្នានឹងមិនទើសទាល់»Tae ញញឹមរួសរាយតាមចរិតមិនចេះឆ្មើងឆ្មៃរបស់គេ ប៉ុន្តែអ្នកខ្លះឃើញហើយបែរជាមិនពេញចិត្តទៅវិញ ។
«បាទ រីករាយទៅវិញទេ»
«ឈប់ញញឹមដាក់ពួកវាទៅ ហើយមកអង្គុយត្រង់នេះ»Jungkook មុខក្រញ៉ូវទាញកាយតូចអោយមកអង្គុយក្បែរខ្លួន ជួបជុំគ្នាជាលក្ខណៈវង់ធំតែម្ដង តែសមាជិកត្រឹម11នាក់ប៉ុណ្ណោះគិតទាំងរាងតូចម្នាក់ទៀត ។
«Wae ប្រច័ណ្ឌហើយៗ...»ពួកគេកេះគ្នាសើច សម្លឹងមើលទៅគូស្នេហ៍ដែលហួងហែងគ្នា ម្នាក់មុខអៀន ម្នាក់ទៀតមុខខឹងសម្លក់កូនចៅដូចសត្រូវ គិតខុសឬត្រូវដែលបបួល Tae មក ។
«តោះ ជប់លៀងទៅ»
«យកស្រាមកៗ»កម្មវិធីចាប់ផ្ដើមប្រព្រឹត្តទៅជាមួយនឹងបរិយាកាសយ៉ាងស្រស់ស្រាយ គួបផ្សំជាមួយនឹងសម្លេងតន្រ្តីដែលខាងហាងរៀបចំមកអាចអោយពួកគេច្រៀងលេងជាការកម្សាន្តបាន ។
«នេះញុាំទៅ ជាអាហារកូរ៉េ ខ្ញុំបានប្រាប់អោយគេរៀបចំសម្រាប់បង រសជាតិធានាឆ្ងាញ់»Jungkook ចាប់អាហារអោយរាងតូច ព្រោះគេមិនសូវចូលចិត្តអាហារបរទេសប៉ុន្មានទេ ទើបនាយសុខចិត្តចំណាយលុយអោយកូនចៅរៀនចំសម្រាប់យប់នេះគឺមានលាយជាមួយនឹងអាហារកូរ៉េបន្ថែម ។
«អរគុណណាស់»Tae
«រីករាយជានិច្ចសម្រាប់មនុស្សស្អាតៗដូចជាអូន»សម្ដីព្រានបញ្ចេញមកយ៉ាងច្រឡើម ញាក់ចិញ្ចើមទ្រើតៗញ៉ោះរាងតូចអោយគេអៀន ។
«ឡប់ណាស់ អ្នកណាអូនរបស់លោក ខ្ញុំអាយុបងដល់ទៅ4ឆ្នាំ»
«aww បងជាប្ដីហៅប្រពន្ធថាអូនមានអ្វីខុស? ម្យ៉ាងរូបរាង Tae បែបនេះ សាកសមធ្វើជាអូនរបស់ខ្ញុំណាស់ដឹងទេ សឺត»Jungkook ឆ្មក់ថើបថ្ពាល់ក្រពុំយ៉ាងប្រហើន ទាំងមិនបានចាប់អារម្មណ៍ពីក្រសែភ្នែកភ្នែករបស់គ្នីគ្នាដែលតាមសម្លឹងមើលគូរបស់គេញ៉ែគ្នា មិនខ្វល់ពីកម្មវិធីអ្វីបន្តិច ។
«មនុស្សឆ្កួត ធ្វើស្អីហ្នឹង!!»
«ហេម...ផ្អែមខះកតែម្ដងហើយ តើយើងផឹកស្រាចេញទឹកឃ្មុំឬ?»Edward
«គេទឹកឃ្មុំ តែឯងសាកសមនឹងផឹកទឹកខ្មេះច្រើនជាង»Karl
«គាត់អៀនហើយ មិនបាច់ខ្មាស់ទេសុទ្ធតែគ្នាឯងតើ»ពួកគេសម្លឹងទៅ Tae ក៏ឃើញគេមុខក្រហម បាត់មាត់លែងហ៊ានស្រដីទៅហើយ ។
«និយាយច្រើនណាស់ ឆាប់ផឹកទៅ»Jungkook បង្វែរសាច់រឿងលើកកែវដើម្បីជល់ ខណៈដែលដៃម្ខាងទៀតនៅក្រសោបស្មានាយតូចជាប់ដើម្បីបង្ហាញភាពជាម្ចាស់ ។
«សិស្សច្បងមិនញុាំស្រាទេហេស៎?»ឃើញ Tae អង្គុយញុាំទឹកក្រូចក៏នឹកចម្លែកចិត្ត ទើបពោលសួរ ។
«អត់ទេ គ្រប់គ្នាញុាំចោះ ខ្ញុំអត់ចេះញុាំស្រាទេ»គេចាញ់ជាតិអាកុលទាំងនេះណាស់ គ្រាន់តែហិតក៏កល់រកក្អួតដែរ បានជាគេចេះតែហាមមិនសូវអោយរាងក្រាស់ប៉ះសុរាអស់ទាំងនេះ ព្រោះខ្លួនចាញ់ក្លិន ។
«ម៉ោះ cheer.....»គ្រប់គ្នាលើកកែវឡើងជល់មុននឹងផឹក ទឹកមុខរីករាយ ញញឹមញញែមដូចមនុស្សត្រូវថ្នាំយ៉ាងចឹង តែគ្មានទេទម្លាប់ពួកគេតែបែបនេះ ពេលវេលាផឹកស៊ី ជាពេលដែលសប្បាយបំផុត ។
Ring~ ភ្លាមនោះទូរស័ព្ទរបស់រាងតូចស្រាប់តែរោទ៍ឡើង ប៉ុន្តែគ្មាននរណាបានលឺឡើយក្រៅពី Tae និង Jungkook ព្រោះតែសម្លេងបាស់ធ្វើអោយស្ដាប់មិនបាន ។
«ខ្ញុំទៅលើកទូរស័ព្ទសិន»Tae ប្រាប់ទៅរាងក្រាស់ជាមុន ទើបក្រោកចេញទៅតែម្នាក់ឯងដើម្បីទៅនិយាយទូរស័ព្ទ ចម្ងាយរាងឆ្ងាយគួរសម ល្មមលែងលាន់សម្លេងបាស់ទើបគេលើកទទួល ៖
«ហាឡូ Jiho hyung!!»
«Tae នៅឯណា?»
To be continued
Lie Naa