وحَق عِيناكَ لِم يَكُن لي رأيٌ بالفُراقِ بل فُرضَ عَليّ .....
العُسبرَة
**********
شنو اكثر شي ممكن يسعد الانسان ؟
اكيد سعادة الانسان تكون ويا حبيبه شخص يحبه ويحترمه عزيز عليه يبيع الدنيا علموده يتحدة كُل الناس يسوي المستحيل في سبيل يحصل علی حبيبه وأوسيد كذلك حاربهم علمودي وحتى يحصل علية واكون من نصيبه سوة كُل شي
أوسيد ثبتلي هو شكد شهم ورجال بكُل معنى مو بس كلام ووعود لا هو ثبتلي حبه وتمسكه بية كبر بعيني كُلش واني كُلش فرحانة لان باجر خطوبتي ورح يجي يخطبني ونصير لبعض خلص وينتهي العذاب
من بين افكاري ومخططاتي للمستقبل مع شريك حياتي وحبيبي انفتح الباب ودخلت سهام تباوعلي بطرف عينها كالت من ورا خشمها وبنبرة امر
سهام : كومي عمچ يريدچ
ريتان : شيريد
سهام : كومي سأليه
كالت كلامها وطلعت استغربت شيريد مني كمت من مكاني وطلعت اله چان كاعد بالاستقبال دخلت وكتله : ها عمو
سليم. : روحي بدلي حتى نروح
عكدت حواجبي بأستغراب : وين ؟
سليم : مفاجأة ورح تحبيها كُلش
باوعتله بدهشة وكتله : مفاجأة !! ومنك
سليم : هاي شبيچ عمو اني صح ظلمتچ بس هسة اريد اعوضچ يلا روحي بدلي
ريتان : وين عمو غير افتهم وين
سليم : مو دنكول مفاجأة امشي بدلي رح نتأخر
ماچنت مرتاحة ابد للسالفة بس كلت اروح وياه واشوف وين يريد يوصل صعدت للغرفة بدلت ونزلت اله من شافني كام ومشيت وياه صعدنا بالسيارة شغلها وانطلقنا لوجهة مجهولة بالنسبة الي
طول الطريق يسولف وياي ويتشاقة استغربت وحسيت بغرابة مو طبيعية وعرفت ورا هذا الهدوء والضحك مصيبة جبير
تلفونه كُل شوية يدُك وهو يجاوب هسة رح نوصل ماظل شي ويرجع يتصل لحد ماطلعنة من المحافظة خوفي زاد ودكات گلبي ينبضن بخوف وقلق وصلنا لمكان اشبه بالبستان مكان جبيرر كُلللش كُله اشجار ونخل وزرع يفتح النفس
فتنا بفرع وبنهايته بيت مو بيت قصر رغم بعد المسافة بينا بس مبين كبير كُلش كُل ما نتقرب اكثر تتوضح الصورة اكثر وتبزر ملامح القصر
مكون من عدة طوابق تحيطه حديقة جنة من الجمال بيها اشكال الورود والاشجار والفرع الدخلنا بيه على الجانبين اشجار تحمل انواع الفواكه وعلى طول الفرع
مناظر تفتح النفس بس اني دب الخوف بداخلي وروحي رجفت من وكفت السيارة كدام البيت ونزل منها عمي ظليت كاعدة بمكاني اشرلي انزل بس مانزلت اجة علية وفتح الباب وسحبني من ايدي نزلني وباوعلي بأبتسامة
سليم : هاا شنو رأيچ
ريتان : هاي شنو عمو شنو هذا المكان والمن
الي
الرعشة سرت بروحي قبل جسمي تصلبت بمكاني لالا دا اتخيل مستحيل يسويها اكيد دا اتخيل معقولة يصير بهل نذالة ويجيبني اله التفتت ليورا واني احاول اخدع نفسي واوهمها بأنو دا اتخيل لكن بأت محاولتي بالفشل واني اشوفه يطلع من البيت ويتقدم بأتجاهنا
عمي من شافه راحله يسلم عليه ويحضن بيه ويسأل عن اخباره واني واكفة بمكاني مثل الصنم اباوعلهم واحاول انفي الي دا تشوفه عيوني
تقربو مني وهو يبتسملي : هلا بريتان شلونچ
ظليت ساكتة ومتبسمرة بمكاني بس عيوني دور بينهم عمي ضحك بفشلة لان مارديت وكاله : هههه مصدومة بعدها خلي تستوعب الوضع
جاوبه : خليها على راحته شعدنا غير ريتان
سليم : عيني حازم الامانة وصلت وصلي امانتي حتى اروح
ضحك حازم وكاله : امانتك موجود شوكت متحب اخذها تريدها هسة بعدين بكيفك
سليم : لا هسة اخذها وياي
حازم : خوش
التفت وصاح لواحد من العمال وكاله على جنط بداخل البيت يروح يجيبهن اني لحد هاي اللحظة اقنع عقلي جذب جذب هذا كُله جذب وسليم مايسوي هيچ ادري هو حقير بس مو لهل درجة
شوية واجة العامل جايب جنط اثنين كبار راحله حازم وفتح وحدة من الجنط وظهر من عدها كومة مال شدات اباوع لاعمي عيونه نبضن بفرح والضحكة شاگة حلگه واني بس مبحلقة بيهم عقلي جمد الدم جمد كُل شي بية تثلچ وجمد ما اكدر اتحرك من هول الصدمة
باعني عمي اخو ابوية باعنيي
اهز راسي برفض ومامصدكة الدا اشوفه صحت بيهم : شسووووون
سليم شال الجنط ووداهن للسيارة وسد الباب وراح على جهة السايق
سليم : بعد هذا بيتچ زوجچ تاج راسچ وانسي ذاك المهتلف لو تذبحين روحچ ما انطيچ اله
تخبلت عقل ماظل راسي رحت ركض عليه وادفع بيه واصيح بگلب محروك دمي فاير اصيح بقهر وادفع واضرب بيه وابچي
ريتان : حقيررررر حقيييررر نذللل تبيعنيييي اني بنت اخوك يانذل ياعديم الشرف تبعينييييي
يحاول يتفادى الضرباتي بس اني چنت كُلش معصبة وحتى ماحاسة بنفسي من ضربته حسيت بقبضة قوية التفتت علية وحاوطتني ومنعتني من الحركة
حازم : اهدي لاتسوين هيچ
احرك بجسمي واهتز اريد افلت من عنده ماكو لازمني بكُل قوته صحت بيه : عوفنننننني دا اكُلك عوفنيييي والله لو تموووت لو تموووت ما اصير الك اني لاوسيييد أوسيد رجلي أوسيييد حبيبييي انتو نعالات برجلي ما احطكممم لكك عوفنننننننني
كتفني بقوة اكثر وسليم يباوع علية بكره كالي : اسمعي لچ حازم رجلچ وغصب عنچ وتبقين هنا ورجلچ اذا وصلت لهناك اكسرها الچ واحملها سمعتتتي
كال كلامه وصعد السيارة وراح اباوع بس لاثر التراب وهذا لازمني ومحاوطني بين ايديه وعايق حركتي
دموعي تجري واني اباوع للسيارة شلون تبتعد عمي العم والد وهو زوج امي يعني لازم يكون مسؤول علية مو يبعيني ويشمرني هيچ ليش شسويت اني شنو الذنب الاقترفته شنو سويت من خطأ كُل السويته حبيت حب نظيف طاهر ليش يريدون يبعدوني عنه ليش
سكنت حركتي وهو خفف قبضته وكعت بالكاع على ركبي وصافنة على الطريق وبس دموعي بعيني
مكسورة روحي وخاطري كرامتي كُلهن انكسرن بسبب عمي باعني حالي حال اي غرض ينباع وينشرى
حسيت بيه كعد كدامي ركبة ونص وباوعلي بحنية مسح دمعتي : لاتبچين خلي يولون اني كُل اهلچ
مارديت عليه : لزمني حتى يكومني بس دفعت ايده وكمت وصرت امشي بهذا الفرع الي اجينا منه واحس بيه يمشي وراية ظليت امشي وامشي ودمعي ماوكف دقيقة امسحه ويرجع ينزل
ظليت امشي ودخلت بداخل البستان وصرت افتر بين الاشجار بدون وعي وبفكر خالي امشي خالية الروح ما اعرف شسوي ظليت امشي لحد ما وصلت لبحيرة صغيرة تطلع تقريبا عشرين متر كعدت على الحافة واباوعلها
أوسيد هسة وين وشيسوي وعرف لو لا واذا عرف شنو يسوي رح يدور علية رح يسأل زين رح يعوفني لو راح يقاتل علمود يوصلي شنو موقفه رح يتأذى على بعدي اذا ما لكاني يتزوج غيري وينساني
كُل هاي الاسئلة چانت تدور براسي ماچنت افكر غير بأوسيد هو روحي وحياتي كُلها اخوية وصديقي قبل لا يكون حبيبي شلون يريدوني يبعدوني عنه واني روحي معلگة بروحه بعدي عنه مرض مثل السرطان ينهش بروحي مو بجسمي
ظليت كاعدة افكر واحس بيه كعد يمي وهو ساكت ظلينا هيچ فترة اني ابچي ودموعي جمر على وجناتي واشهگ وهو ساكت ظليت فترة طويلة كاعدة لحد مابدت الدنيا تظلم واسدل الليل ستاره
حسيت بيه وكف وهو ينفض ملابسه من التراب : كومي يلا
ظليت ساكتة ومارديت عليه رجع كالي : ريتان لاتعبيني كومي صار الليل امشي
ريتان : روح انتَ ما اجي وياك
حازم : شلون اعوفچ هنا كومي الجو بارد
ريتان : معليك بية عوفنيي
جرني من ايدي بقوة ووكفني كدامه : لاتعانديني وخليني حباب وياچ
قبل لا ارد عليه عتني من معصم ايدي وهو يجر بية ويمشيني واني اجر بأيدي ما اريد اروح وياه واصيح بيه واضرب بكتفه
ريتان : عوفننني حقيررر دا اكُلك عوفنييي عوفنيييي
ظل يجر بية بدون اهتمام لصراخي ولا الضرباتي ووصلنا كدام البيت فتح الباب ودخلنة دفعني لداخله وقفل الباب صحت بيه
ريتان : جللللب يانذل ياتافه تففف عليك يانعاال
خزرني بقوة وصاح بية : ريتااااان سدي حلگچ ما اريد أذيچ وبعدين اندم
ريتان : اكسر ايدك اذا تريد تأذيني سمعتتتت اكسرهااا والعگلها الك حقيررر
حازم : ريتاااااااااان
صرخ بية بصوت خلسني وكتمت صوتي كلت هسة يجي يُكتلني هو بسرعة طلع وسد الباب وراه قفلها باوعتله بقهر وكعدت بالكاع ابچي واضرب بأيدي بالكاع واصرخ
ريتان : ااااااااااه ياربييييي ليششش بس اريد اعرف ليييييش مايحقلي اعيش بفررررح الباجر خطبتي من حبيبي ليششش ليييييش
ظليت ابچي واتحسر على حياتي شنو الشتفه كُله قهر بقهر فد يوم راحة وفرحة ماتتنغص ابد لازم بعد كل ضحكة دمعة تتبعها الكثير من الدموع ظليت ابچي بمكاني لحد ما فزيت على فتحة الباب كمت بفزع ووكفت من شفته كدامي كالي : اهدي لاتخافين
باوعتله شايل صينية اكل حطها كدامي بالكاع كتله : اريد ارجع
حازم : تعالي اُكلي
ريتان : اريد : ارجع
حازم : ريتان لاتعبيني تعالي اُكلي من الصبح ماماكلة شي
دفرت الصينية برجلي وعطت بيه : كتلك اريد ارجعععع
صح چان تصرف خطأ وحرام السويته لان نعمة الله بس چان گلبي محترك وهذا يكُلي اُكلي بس على عكس رد فعلي جاوبني بهدوء
حازم : اطلبي غير شي ومن عيوني انطيه الچ
ريتان : اريد ارررجع اريد أوسيييد ما اريدكم ليشش ماتفهمووون
حازم : ريتااااان انسسسسيه هذا حبيبببچ انسيييه مستحيللل ترجعليه سمعتتتي
ريتان : لاخررر نفس أوسيد بروحي لاخر نفس انساكم واتذكره سمعتنيييي
شال المزهرية وركعها بالكاع وصاح : ليييييش ماتفهميييييين اني احيججججج احببببچ واريدچ لييييش ماتفهميييين
ريتان : انتتتَ ماتحبنييي محد يحبنييي غير أوسييييد محددد
حازم : لاتكولين اسمه لاتكولييييين اسمممممه
تخبل صار يشيل بالغراض ويشمرهن ويكسر بيهن تراجعت عدة خطوات للخلف بخوف وگلبي وجسمي يرجف وعيوني تباوعله بزعر ودموعي تنزل مغلوبة امرها
حازم : اني احبببچ اشتريتچ منهم لان احبچ اريدچ شتريدين اسويلچ شتريدين اجيبلچ كُليلي موت اموووت بس لاتكُليلي ما احبك لاتكولييين
ريتان : لو چنت فعلا تحبني تخليني اروح ويا الاحبه والي اعيش بسعادة وياه مو حابسني يمك واني ما اطيقك
حازم : تعاستچ بس انتِ يمي راحة
ريتان : انتَ مخببل مو صاحي مخبللل
حازم : اي اي اني مخبل بيچ مثل مجنون ليلى اني مجنونچ هيچ
ريتان : انتَ مهوووس بية مو تحبني
هدأ وركز نظره علية وحجة بنبرة مكسورة : ليش ماتحبيني ليش تحبيه اله بشنو هو احسن مني
ريتان : أوسيد يحبني اني يحب روحي يحبني كُلني اشتراني بروحه بدم گلبه اشتراني حارب الدنيا وواجهم كُلهم حتى اصير اله انتَ شسويت من جوة لجوة حفرت ودفعت فلوس واشتريتني حسبتني حالي حال اي غرض او سلعة واشتريتني من سليم الطماع شفت الفرق بينك وبينه هو اشتراني بدم وانتَ اشتريتني بفلوس
باعولي نظرة طويلة بدون مايحچي وكالي بعض كلمات كانت جدا قوية بنية غيري چانت رح تتأثر بيهن
حازم : ممكن طريقتي خطأ بس هذا التربيت عليه اني احبچ وچنت اريد اسوي اي شي حتى احصل عليچ
كال كلامه وعافني وطلع باوعت لاثره وكعدت يالكاع ابچي بقهر واني حاضنة نفسي واشهك بالبچي لحد ما غلابني النعاس ورحت بنوم عميق
***********
شنووو الووو أوسييد أوسيييد وينك الووو
وخرت التلفون من سده عززا هاي شصاير رأسا دكيت على هادي اكيد وياه شسوة ظل يدُك بعدين جاوبني
عبق : الوو هادي شصاير
هادي : يمعودة انكلبت هنا هذا تخبل عليهم
عبق : يمعود احچي مو نشف دمي
هادي : اجينا نخطب وشيوخ وضباط وحتى دكاترة اصدقائه اجو كعدنا وضيفوهم ومن حچة الشيخ الكبير حتى يخطب
شيخ : ابو كريم خوية سبب زيارتنا معلوم ان شاء الله واحنا جايك بطلب
سليم : اي شيخ تفضل واني حاضر
الشيخ : احنا جيناك اليوم حتى نطلب كريمتكم ريتان لابنا اوسيد
سكت سليم شوية باوع لأوسيد؟ورجع نظره للشيخ وكال : العفو منك شي هذا الشي شرف النا بس اكيد انتو مخربطين
الشيخ باوعله بستغراب وكاله : شلون
سليم : اني ماعندي بنية اسمها ريتان عندي بس بنية اسمها اسينات
عصب اوسيد وصاح بيه : ريتااان بنت اخوووك فاضل
سليم : اخوية فاضل الله يرحمه مات وماعنده اطفال
اوسيد تخبل ووكف بغضب عيونه صارن براسه من العصبية : لككككك سلييييم ريتاااان ويين
سليم : لاتصيح اني محترمك لان ببيتي دا نُكلك ماعندة بنية اسمها ريتان
الشيخ : اوسيد ابني اهدة ابو كريم عيني معقولة احنا جايينك من مكان بعيد ومتعنيين الك
سليم : شيخ لو بيدي من عيوني انطيها الكم بس ماعندنا بنية اسمها ريتان عندي بس بنية وحدة اذا تريدوها كبع واخذ
الشيخ وكف واعتذر منه على سوء الفهم وطلع وطلعو وراه كُل اصدقاء اوسيد وهو واكف على اعصابه عيونه صارن دم بالكوة لازمه لا يهجم على سليم ويفضحنا من طلعو كُلهم سليم باوعله وضحك بخبث وكاله
سليم : اخليها حسرة بگلبك ابن العار
اوسيد جن جنونه دفعني وهجم عليه بطحه بالكاع وتولاه كتل ويصيح بيه : ويييين ودييتهاااا عاااار وين وديتهااااا احچي لا اموتك هنااا وادفنك احججججججي
سليم : هههه لو تموت ما اكُلك هسة هي يم واحد احسن منك صح اثنينكم نفس الخياس بس ذاك جيبة متروس هههه
لزمه اوسيد دماه دمي يشيل راسه ويركعه بالكاع ويضرب بوجهه ويصيح بقهر اجر بيه واصيح عليه ولا يمه فاقد دخل النه لسليم وجر ابوه واني جريت اوسيد روحي فحطت وهو ولا عبالك جريته وطلعنا من البيت صعدته بالسيارة وصعدت بصف اسوق وهو روحه شايطة
ضرب على الدشبول بقهر وصاح : اااااااااه الجلب الحقير الخسيسسسسس ال..... ابن ال...... انعل ابو ال..... الجاب هيچ ........ لك باعهااااااا باعهااااا النذللللل الجلببب
هادي : كافي اهدة ضغطك صعد
اوسيد : انعل ابو ضغطييي عوفني عوفني اذا ما انعل والديه اخليه يدور الهوا دواره ولك اشرب من الدمه الجلبببب بنت اخوووه بنت اخوووه يبيعهاااا ماكو هيچ نذل و..... ماشايف بحياتيييي
صحت بيه : كااااافي هاي عصبيتك كُل شي ماتسوي اسكت خلي نلكة حل
اوسيد : وين الكااااها وييين لك هادي ضاعت من ايدي راحتتت
هادي : ماتروح لاتخاف هي الك ومن نصيبك
عبق : وهسة هو وين
هادي : رحنا للهذا حازم لبيته وللشغل محد يعرف وينه حاولنا نسأل عن الاماكن الي يروحلها بس محد يعرف وين
عبق : ياا زين اوسيد وين
هادي : راح ما ادري وين ماقبل يكولو
عبق : ليش عفته وحده خاف يسوي شي
هادي : ماقبل تخبل صاير عبارة عن كتلة نار
عبق : شوف الوعد ياربي الله يعينه زين هود مو چان وياكم وينه
هادي : اجة ويانة بس قبل لانحچي بالخطوبة خابروه اهله مدري شصاير عدهم
عبق : شصاير شو محد كال شي
هادي : ما ادري
عبق : شوف هادي خابر على اوسيد شوفه وينه خطية لاتعوفه وحده
هادي : اي ان شاء الله هسة اشوفه
عبق : يلا الله وياك اذا صار شي عود كُلي
هادي : الله كريم
سديته منه واتصلت على هود ظل كومة يدُك ومايجاوب قلقت كُلش ورحت بدلت ملابسي وطلعت بسرعة لبيت هادي وصلت بعد فترة قصيرة دكيت الباب شوية وفتحتلي الباب بنتهم مرام دخلت بعد السلام وكتلها
عبق : مرام وين هود
چانت متخصر وتباوعلي : شتسوين بيه
عبق : شعلييچ سألتچ سؤال جاوبي
مرام : شعندچ وياه
عبق : انتِ تفهيين بالحچي لو مطي براسچ دا اكُلچ اخوچ وين
شكووو
التفتت على مصدر الصوت وشفت عيسى اجة بأتجاهنا كشرت عن ملامحي بقرف ودرت وجهي
عيسى : شكو شتريدين
عبق : هود ويين
عيسى : شتسوين بيه
عبق : شنو الفضول وراثة عدكم دا سأل هود وين تندلوه كُلولي ماتعرفون هم كولو وخلوني اولي
عيسى : طلع هو وابوية
عبق : وين
عيسى : بشغلة
عبق : ماكالو
مرام : انتِ شعندچ شكو تسألين عبالك داخلة تحقيق
عبق : لاتتدخلين عيب من يحچي كبار تنط الصغار
مرام : انجبي حيوانة ماظل علية بس الخلاگين
تقدمت عليها بغضب وكلت : شكلتي ولللللچ
تراجعت خطوات ليورة ووكف كدامها عيسى : مرام سدي حلگچ وانتِ عبق شرايدة
عبق : شريد اجيت اسأل على هود
عيسى : هود مو هنا
عبق : خوش
عفتهم وطلعت اييع وجوه تكطع النعمة عمي شنو هاي على الرغم من جمالهم الكُل يشهدله بس ماينجرعون تباوعلهم واحد احلى من الثاني كُلهم جمال ماشاءالله بس لا اخلاق لا اسلوب شيفيد الجمال
ركبت سيارتي ورجعت للبيت اهووو هسة هذا وينه وصلت ونزلت من سيارتي دخلت للبيت تلكتني بيبي بالباب
خديجة : هاا ولچ شو اليوم مارايحة للدوام
سديت الباب وفتت : يمعودة يادوام
خديجة : صاير شي
عبق : ولچ خديجة اليوم راحو يخطبون لاوسيد
خديجة : ايي
عبق : وجاب الشيخ واصدقاءه خلاهم واجهة اله وهناك ابو البنية الجلب كاللهم ماعدنة بنية بهيچ اسمه اني ماعندة غير بس بنية وحدة
شهگت بيبي وكالت : شوف الجلبب
عبق : وهذا اوسيد متخبل لازمه مكسره تكسر انوب هود مدري شصاير وياه مخابريه اهله وطالع يركض رحتلهم يكولون ماكو شي وطالع هو وابوه
خديجة : يااااا ولچ هذا كُله صاير وماتحچين
عبق : قبل شوية دريت شمدريني اني
خديجة : وهسة اوسيد وين
عبق : شمدريني هذا عمها الحقير منطيها لاواحد وبايعها واوسيد ماظل عقل براسه ودا يدور عليها
خديجة : يااا سودة علية لچ عيني هذا الولد ماتهنى بحياته
عبق : الله يعينه
ظليت كاعدة يمها وهي تسوي بالغدة واني اساعدها بأشياء خفيفة وكُل شوية اروح للتلفون گلبي ظل قلق عليهم كُلش خايفة بس ما اعرف شلون اساعده ولا اعرف وينه حتی اروحله
ورا فترة دَك تلفوني رحت اله شفت المتصل هود رديت عليه وكتله : هاي وين چنت الف مرة دكيت عليك
هود : محتاجة شي
عبق : لاتغلس وينك چنت ادُك عليك
هود : عندي شغلة رحتلها
عبق : حضرت الخطوبة لو لا
هود : لا مو دا اكلچ صارت عندي شغلة
عبق : حچيت ويا اوسيد
هود : لا شبيه صوتچ صاير شي
تنهدت ورديت عليه : اتفركشت الخطوبة
هود : ليش
حچيته كُل الصار وهو تخبل ظل يسب ويغلط على عمها وهو يتوعد اله كتله : يمعوددد خابرتك حتى تهدي اوسيد مو تنفعل وياه
هود : هو هسة وين
عبق : ما ادري هادي چان وياه روحله هود وخليه يهدة حتى يلكاها
هود : يلا هسة اروحله رح اسده
سديته منه واني افكر هسة البنية شنو حالها وينها بيا مكان الله لايوفقه عمها شكد حقير باعها حالها حال اي غرض بالبيت كبر لهل عقول الخايسة يعني شصار عليه واذا انطاها لاوسيد انطيها اله واخليهم يعيشون سوة وهم يحبون بعض شصار عليه شهل حقارة وهي يتيمة ودا يدخل بخطيتها هل مسكينة بس الفلوس تعمني النفوس علمود كم فلس باع بنت اخوه
كمت صعدت لغرفتي بدلت ملابسي ونزلت سألتي بيبي : خديجيي وين شهيناز
خديجة : طلعت
عبق : شوكت
خديجة : قبل لاتجين
عبق : ادري مرة ماتكعُد ببيت صدُك جذب
خديجة : عوفيها ترفه عن نفسها خطية شعدها كاعدة بين اربع حيطان الوحشة تُكتل يايمة
رحت عليه وحضنت كتفها وبستها براسها : اووووي اروح فدوة للحنين
خديجة : انزول عليچ ولچ اكُلچ ماعرفتي شي عن البنية
ابتعدت عنها وكلت : لا والله ماكو خبر انوب ادُك عليهم محد يشيله
خديجة : شو دُكي بلكي يجاوبون
طلعت تلفوني ودكيت على اوسيد اول مرة ثاني مرة بالثالثة رد كتله : اوسييد وين انتَ
اوسيد : رايحله
عبق : المن
اوسيد : لهذا ال....... حازم
عبق : اوسيد تحچي صدك اوكف اوكف بس هخلي افهم شلون عرفت مكانه
اوسيد : حددته من رقمه
عبق : احد وياك
اوسيد : لا رايحله وحدي
عبق : لاتروح وحدك اوسيد خلي الولد يجون وياك
اوسيد : لا ما اريد احد يجي
عبق : زين بس اسمعني انتَ وين هسة يعني العنوان العرفته وين
اوسيد : اكُلچ حتى تروحين تكولين الهم
عبق : لا والله ما اكُللهم بس كولي
اوسيد : عبق اذا كتيلهم تخرب
عبق : وعد ما اكول
اوسيد. : ..........
عبق : خوش بس امانة عليك لاتتهور وتسوي شي يأذيك ويأذيها
اوسيد : ماشي
سديته منه وصعدت بسرعة ليفوك ابدل ملابسي واخذ السلاح وياي وبيبي تفتر فوك راسي تسأل احچي وياها وابدل واحضر غراضي
عبق : يمعودة بيبي لكة عنوان الرجال ورايحله هسة يتهور
خدجية : صخاام ولچ خاف يكتله ويدخل السجن
عبق : هو اريد الحكه خاف يسوي شي
خديجة : هذا الصخام شتسوين بيه ماخذته وياج
عبق : خاف يصير شي اكون مستعدة يلا راح اروح ادعيله خديجي خطية الولد ماعنده احد
خديجة : الله يحميه يارب
طلعت من البيت بسرعة وركبت السيارة وانطلقت للمكان الكالي عليه اوسيد وصلت بعد فترة وچان مكان اشبه بالبستان صفيت السيارة ونزلت اركض من شفت سيارة اوسيد مصفوفة على جهة والباب مفتوح
دخلت بسرعة للبيت ولكيته هم مفتوح دخلت وكمت ادور عليه لمحته من شباك المطبخ بالحديقة طلعتله وشفته يركض بأتجاه احد ورافع سلاحه ويضرب بشكل عشوائي ويصيح باوعت شفت سيارة تمشي سريع وبداخلها ريتان كاعدة بالكرسي الخلفي وتبچي وتضرب بالجامة .........
***********
ولنا لي الخيال حياة
***********
اتمنى يكون البارت نال اعجابكم انتظروني بالبارت الجاي مليئ بالاحداث المشوقة كانت وياكم اختكم الماس K.T
لاتنسون التصويت فضلا وليس امرا ⭐⭐⭐
-*****
الى اللقاء...