الضليلة

Part 50 والاخير

الضليلة البارت 50 والاخير

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~ مشاهدة ممتعة🫶🏻~~~~~~

سلسبيل

مر اسبوع الوضع متوتر اروى سمعنا متخبلة بالشوارع تمشي ما تعرف بروحها بسبب الطغيان مالتها وصلت لهل مرحلة هيه الي دللت ابنها اكثر مِن الازم تشوفه بعينها ما تنصحه وتگله هذا الشي حرام غلط ميصير ما علمته الصح مِن الغلط اذا تشوفه يغلط ما تگول الابوه يحاسبه هسا تخاف مِن المشاكل تگول العمامه همه يربونه ويطيحون حظه وما يجيبون طاري الابوه هيه الي وصلت ابنها لهاي المرحلة التربية الغلط والدلال المفرط بي بنفس الاسبوع اجا مُعاذ ديرجعني بس رفضت

مُعاذ •: عمه اذاا بنتج ماا تتحرك والله اشوووف اليي غير طررريقة وياها شهل مهزلة رايح راجع شنوو اتوسل بيها اني

سلسبيل •: شتريد تسوي مثلًا تضربني لو تذبحني ما اروح

مُعاذ •: ورب الكعبة ارجع اخذ البنات وخليج مثل الجلب هنا ترجعين مِن وحدج ترى مصختيها طفلة اااانتِ

سلسبيل •:  انيي لي صرررت مصختهااا هسا

خديجة•: انتو عود ليش تعبون ارواحكم وتعبونا وياكم ليش ما تگعدون وتتفاهمون حتى اني اخصمها الكم مِن الآخر ؟!

مُعاذ •: هاااي البشرررية يتفااهم وياهااا معلگة على والله مااارجععع بشر هيه هاي

سلسبيل •: اگول لا اتتجاوز

مُعاذ •: عوفج بهاي رعونيتج مراح تستفادين منها شي

شفته دياخذ بنتي بسرعة جريتهن وراي
•: مااا تاااخذهن

مُعاذ •: اذا ما تعوفين الرعونية وتمشي تلمين ملابس حتا انروح والله اخذهن واعوفج وحتى طلاگ اطلگج والبنات بَعد ولا بحلامج تشوفينهن اقسم الج بالله وانتِ بكيفج بَعد

اخذت بناتي وفتت الغرفتي سمعته صاح
مُعاذ •: راح اروح اني هسا بليل راجع فكري عدل وعوفي عقلج براسج

بس راح فاتت امي تحجي عليّ
خديجة•: ترى انتِ الغلطانة يا سلسبيل كافي الرجال يروح ويرجع عليج

•: عادي يعني يضربني

•: عادي يرحن مِن عندج بناتج ؟! لو ما عندج بنات اطلگج وعوفج يمي تگعدين بس انتِ ما ترهمين بدون بناتج

رُقية •: ارجعي بس ما الج علاقة بي يعني لا تدخلين بي بس على مود البنات لان هيج راح يتعذبن بينكم شنو ذنبهن دشوفي شلون مخروعات وديبجن شنو ذنبهن بيكم حرام هيج هذا هيج ياخذهن وهذا هيج ياخذهن حتى حالة نفسية تصير بيهن خطية

التفتت الزوالة وسبأ خطية ميتات بجي شسوي بَعد على مودهن رجعت مِن اجا بليل لميت ملابسي ورحت اعوف بناتي ما اگدر يحتاجني يفزن بليل يصير بيهن شي غير اموت رجعت بس اني انام بالصالة وهُوَ بالغرفة

مُعاذ •: اصعدي بالغرفة اني انام هنا

•: لا اني مرتاحة هنا اخذها الك ماريدها اشبع بيها

مُعاذ •: الغرفة شلها علاقة عود شهل خبال

•: اي اني مخبلة بكيفي وعندي عداوة ويا الغرفة شتريد هسا

هز ايده وعافني وراح

                             ~~~~~~~

زُحل

كُل الي ديصير وياهم عدالة مِن رب العالمين  كُلشي يصير بيهم يستحقونه يمكن هواي مِن عدكم راح ينظرلي نظرة انو اني حقودة محد عاش الي عشته معاش  ضروف الي عشتها ما انحرم مِن بسط شي ما راح ابنه مِن ايده بسبب الظلم ما نام بليل وهُوَ يفكر ينتحر ما عاش مِن يفز بليل وهُوَ مرعوب ما ضاگ الضرب الي نضربته ولا صفحتي الي لحد الان ما اگدر انام اليل منها لحد الان توجعني رغم انو مر عليها شگد بس لحد الان يجيني الم فضيع

موت يزن وليا يستحقو مِن زمان زانين ومقرفين وعساهم بجهنم ويوم الامها الي بسببها ماتت بنتي و الميساء والاريج وانعام والبلال والـقس والهم كلهم يستحقون الأكثر مقرفين اباوع بالانستا شفت اجتني رسالة مِن امجد ابتسمت فتت الها لگيت دازلي صورة ابنه اتزوج صار اله سنتين وجاب وليد يخبل

•: الله يحفظه الك

مِن يوم الي تزوج ما اراسله هُوَ يراسل  ومرات اغلس ما اجاوب مهما يكون ولو احنه اصدقاء بس اشوفه خيانة المرته رغم هيه تعرف ومخابرتني وحتى ماخذة حسابي حبابة كُلش بس بَعد اني تكش روحي مِن هيج سوالف وافضل الابتعاد مِن طرفين كُلشي يصير انوب تروح طيح سالفة براسي لا اكون بعيدة افضل الي تجنبًا للمشاكل

مَنارة مِن زمان ما تواصلت وياها ماعرف بس هيه مختفية اراسلها ما تجاوب الله اعلم الضروف الي هيه بيها بس مشتاقة الها اخر مرة تواصلت بيها وياها جانت زعلانة بيت اهلها ومناه ابوها هم مات الله يعينها

ومرة جنت نايمة الضهر گعدت غسلت وجهي ورحت گعدت بالبلكون ضايجة كُلش اروح مناه ارجع مناه جان اكو بصف الشقة مالتي كذلك شقة وتقريبًا نفس تصميم الشقة مالتي لان هنه جانو لثنين اخوان باعوهن ويمكن طلعو خارج العراق والبلكون بصف البلكون مال بيتي بالضبط ومدنگة ومندمجه بالتليفون فزيت مِن واحد گلي

•: السلام عليكم ممكن نتعرف

رفعت راسي مخروعة •: يمه بسم الله

انصدمت مِن شفت بـلال ضحك وگال

بـلال •: ها عيني شلونكم اني جيرانكم الجديد سامع انو مِن ينزل جيران جدد عاد الجيران يصيرون كرما ويضيفووهم هسا اني ضيفتني العمارة الي بصفي بس هاي العمارة فد بخيلة گشرة كُلشي ما شفت منها حتى گشر برتقال

اني مصدومة وفاتحة حلگي سبع متار هذا شيسوي هنا گلت بدون شعور •: انتَ مو بـلال لو يتوهم الي

بـلال •: يا بـلال هذا تعرفينه انتِ

عض شفته وگال
•: اووف والله حلوة انتِ شكلج شكل وحدة ايجة

•: عزاا بعينك شدسوووي هنااا

•: شنو شسوي هنا شو ما تستحين غير هذا بيتي واگاعد بي شهل جيران الي ما تستحي زايحه المستحه كُلش

•: انتَ اااحجييي وياااك لااا تلوووف بالحجي بـلالللل

•: لطشت بـلال عمري اني مو بـلال اني اسمي سعيد

•: لاا تخليني اشمر نفسي مِن البلكون شددسوي هنا

•: لا كُلشي ولا الانتحار ما اگدر الحگج الجهنم حارة

•: هُوَ انتَ فاايت الجهنم زرگ

•: ليش لازم السجل يمج للجنة لو للنار ام ال خيس

•: احتررم نفسسسك شدسوي هنا

•: شسوي بَعد شفته بيت للبيع گلت اشتري ليش ابقي للبيع

اخذت نفس اهدئ نفسي لان حسيت نفسي راح انفجر وگلت ببتسامة وراها غضب

•: شلون يعني اشتريتها يعني

•: مكتوب للبيع وموجود بصفه رقم اتصلت على الرجال گلت اله اني شراي للبيت هُوَ اجا الي وتفقنه على البيت باعه الي واني گلت اله شكرًا وهُوَ گليي
بالعافية عليك وگلت اله شكرًا وهُوَ گلي عفوًا

•: انتَ جاي تستفزني

•: لا ليش استفزج انتِ جارتي الايجة

•: بلاااااللل

عاف ثنين ادينه على الحايط مال البلكون وگال ببتسامة ذايبة

•: ها يروحه

ضليت اتلفت جان اكو گلاص مي على طاولة شمرته هُوَ والمي عليّ اجا بنص صدرة بلحظه بديهية منه لزمه بسرعة قبل لا يوگع

بـلال •: اووف ربي هذا الگلاص وصلني منج شكرًا على الهدية مال البيت راح اعتبرها

•: اقسم بالله اشيلك مِن البيت اليوم جايتك

طلعت مِن البلكون وهُوَ اسمعه يگول

•: جيبيلي طاوة ما عندي وريد اسوي بيض بطماطة البيت فارغ ما بي شي فارغ جنه ط*** أيسر

نزلت اركض ورحت للشقة مالته وفلشتها تفلش

بـلال •: اجيت اجيت منو هذا فلش الباب ما يستحون ما يستحون

فتح الباب بسرعة عطت
•: شلوون اجيييت هناا انييي ما اخلص منك

بـلال •: هييي منو انتِ

•: بـلال مااالييي خلاگ الاستفزززاز اااقسم بالله

بـلال •: سعيد اني سعيد منو هذا بـلال

•: زر*** يلا ولا يهمك

بـلال •: استغفُر الله شهل جيران الي ما ينحملون ياربي شلون راح اتحملهم وما اخذ بوسه منهم استغفُر استغفُر الله

•: هييي ترى حرگت عصااابي ورب الكعبة

•: ليش ليش يروح بـلال ليش احترگت اعصابج

•: ليش ما تتركني اعيش حياتي

•: وتعيشيها بدوني ؟!

•: ليش منووو انتَ حتى مااا اعيشهااا بدووونك

•: بـلال الي جنتي ما تگدرين تعيشين بدونه

•: وانتَ گلتهااا جنتي فعل ماضي غاب وانتهى اما هسا حتى معزة بگلبي الك ما عنديييي

•: جذابة تحبيني وتموتين عليّ بس تكابرين ليش ما تعترفين وتعوفين الزعل مراح يفيدنه بشي بس راح يعذبج ويعذبني لا اني بالسمه ولا اني بالگاع والى متى يعني ؟!  اني ما اگدر اكتمل بدونج ولا انتِ تگدرين

•: منووو گال مااا اگدر اگدر ونص اتزوج غيرك وعيش حياتي واخلف منو انتَ حتى اموت عليك ها

•: كلهن ذني ما تگدرين تسويهن

•: والله اسويهن

•: عادي بيوم العرس اسوي دم بحيث اخلي عزا بدال ميكون فرح

•: تستخسر تشوفني فرحانة

•: عندي استعداد استشهد بس في سبيل اشوف ضحكة مِن ضحكاتج

•: جذااب جذااب اكبر جذاب انتَ انتَ ما تحب تشوف واحد سعيد غير نفسك انتَ اناني

•: اناني مال غاز !!

•: ترى سخيييف وحققق الله سخييييييف

•: اروح فدوة للي يعصب انتِ حتى عصبيتج حلوة

•: بـلال حرام عليك تسوي هيج بيه

•: اسف زُحل اسف على كُلشي سويته قبل وهسا بس ما اگدر اعوفج ترحين الغيري گولي اناني اي اناني اني بيج بس اتتتخيل فكرررة اشووفج ويااا غيرري انييي انتهييي اصيرر ماشوف اذااا انتِ تگدرين وعادي اني ما اگدر صعب عليّ

•: صعب عليك هسا لعد ليش مصار صعب عليك الي سويته بيه قبل

•: ليش جنتي داخلي ؟! اني يومية امووت الف مووته كررهت نفسي رغم جنت شاك بيج بسسس كرهتت نفسيي وحقدت على روحييي ما اگدرت اشوفج تتاذين اكثر بين اديني لااان ضعييف گدااامج گلبي لووو مو تخطئين صعببب عليّ اااذيج اكثر اني لو ما احبج جان بنفس اليوم خلصت عليج ما اخذتج اعالج بيج جان عفتج الجلاب تاكل بيج اموت عليج وحق مِن انزل القران لو ذكرو اسمج يمي ابقى ارعش گد ما احبج

•: اخر همي حبك المزيف

•: انتِ ما حبيتيني يمكن لهذا السبب تشوفين حبي مزيف اني حبيتج اكثر مِن روحج النفسج ما اگدر اعيش بدونج شلون تگدرين تعيشين بدوني

زُحل •: اني عشت بدون اهلي وتحملت افراقهم منو انتَ حتى ما اگدر اعيش بدونك

•: اني بـلال الي جنتي ما تنامين الا بحضنه بـلال الي مِن تشوفيني تجين تركضين الحضني هسا صرت منو اني

•: سابقًا مِن جنت طفلة ما افهم شي عبالي انتَ سند الي بس اطلعت كسرة ضهر باصعب ايامي ما لگيتك يمي لگيتك ضدي هُوَ هذا الحب لو الحب مِن تضربني گدام عمامك كلهم وكلهم يتشمتون بيه لو لمن طردتني مِن نص بيتكم وگلت الي اطلعي مناه وگدام الكُل طردتني بوقتها گلت راح ارجعها الك لا تنساها وذلك نفس ما ذليتني تذكر لمن اغتصبتني واني حالي حال الميت ؟! تتذكر ؟!!

•: أذكر واني جايج الحد بيتج اطلب بس فرصة وحدة ومراح تندمين والله فرصة وحدة شراح تخسرين

•: راح اخسر عزة نفسي الي نمسحت بگاع بيتكم راح انسا كرامتي الي ما عندي شي اغلا منها راح اخسر نفسي الي وعدتها مراح اباوع بي بوجهك راح اخسر كبريائي وروحي راح اخسر زُحل  انتَ لو تستحق الفرصة جنت انطيتها بس انتَ ما تستحق منها لو شوي حرامات اضيع وقتي وياك انتَ ما  تستحقه

عفته ومشيت
بـلال •: حتى لو عفتيني لو ما ردتيني راح ابقى نفس ضلج وبإيّ خطوة تمشيها اني وياج تأكدي بكل غلط راح اكون بي وياج راح اعوضج على الايام الي ما لگيتيني بيها وياج راح اعوضج على كُل دمعة طاحت مِن عينج بسببي

كملت طريقي ومشيت للشقة مالتي بس وصلت انهرت بالبجي ديعوضني بَعد شنو ؟! بنفس اليوم جنت گاعدة بالصالة وعايفة ايدي على راسي وين اروح ما اگدر ابقى يمه اعرف نفسي ضعيفة مِن اكون يمه وين اروح بكل مكان الگاه ما يعوفني انساه

وفكره جايبتني وفكره ماخذتني صار عندي صداع سمعت شي يضرب على باب البلكون گمت بسرعة لگيته هُوَ يضرب باب البلكون بثلج

•: خيررر

گال ببتسامة
بـلال •: احبج

سديت البلكون ورجعت المكاني رجع هم يطگطگ بالباب غلست منه ورحت نمت ثلاث ايام وهُوَ يطلع الي بكل مكان الى ان بَعد ما شفته اكيد راح التحق خلي يخلصني منه

                                 ~~~~~~~

سلسبيل

بسابع نومة فزيت بمعاذ حضني فزيت مِن نومي
•: يمعود فززتني شتريد

•: اريدج

جانت بصفي مخده شمرتها على وجهه
•: دگووووم مني يريدني هُوَ

نهض وهُوَ يضحك
•: ترجعين الغرفتج لو اشيلج ؟! قرري

•: مُعاذ لا تحرگ اعصابي روح مني

•: شبيج كبرتي الموضوع

•: مكبرته ؟! ولك شفت أيسر العار بس واگف يمي گلبت الدنيا وسبوع واكثر وانتَ ما تحجي وياي بس مِن اسمع تبسبس ويا بنات هذا عادي لازم اتقبل بالاخير انتَ رجال اي لعد شلون تجوز ميصير خطية

•: منو گال اني جاي اخونج شو انتِ عايشة دور المظلومة وفضحتينه ليش رعنه انتِ

•: لعد ويااا منو تحجي لا تگول ولد لان جانت طريقتك بالكلام ويا بنت

•: تعاي نحجي فوگ واني احجيلج وذا الج حق تاخذينه مني غصب وذا الي الحق اني اخذه منج ومِن بين عيونج شرط

•: لا هنا احجي

گال بهمس
•: البنات نايمات ماريد افززهن امشي يلا

جرني مِن ايدي ومشيت وراه فتنه للغرفة وجرني للجرباية گعدني وگعد مقابيلي

سلسبيل •: ها يلا احجي ويا منو جنت تحجي اطربني

مُعاذ •: ويا سلمى بنت عمي اقسم بالله ماعرف شلون جايبة رقمي

سلسبيل •: ويااا سلمى ...

داكمل وقاطعني 
مُعاذ •: خلي اكمل هسا

گلت واني افور
سلسبيل •: ايي يلا كمل منوو لازمك

ضحك وگال •: هيه گلت الج ماعرف منين جابت رقمي تبجي تگول احبك گلت الها مستحيل افكر بيج وانتِ نفس اختي بس هيه مدا تستوعب اني جاي احجي الج حتى ما تصيرين انتِ ام الحق واني الظالم

•: لعد شنو تگول الها لا تعبيني ولا تعبين نفسج

•: اي گالت احبك وريدك گلت الها لا تعبين نفسج ولا تعبيني اني ما احبيتج شوفي قسمتج ويا غيري وانتِ سويتي هجوووم حتى ما لحگت احظرها حتى نفس ما خليتيني اخذ

•: يعني هيه حاجية وياك قبل

•: اي بس هاي وال مرة تحجي وياي بالتليفون ماعرف منين جايبة رقمي

•: يعني گالت الك تحبك هم قبل شگلت الها احجيلي كُلشي لا اروح هسا اسمط ابو سلمى

•: ها ها ترى عمي سلسبيل

•: اي لعد وينه مِن بنته ما يربيها فالتة لو گادرين بس يحجون بشرف بنات العالم وبناتهم تهجم بيوت ويفترن بس على المزوجين هااا ما يربيهااا

•: ميخالف لا تغلطين عليّ يبقى عمي وماله ذنب يعني تتوقعين يعرف بسوالفها يسكت الها

•: اي يسكت الها مثلًا شيسوي يذبحها نفس ما اخو ذبح بنته بس اررريد ااافهم هل سلمى شترريد مني شنوو تريده بالضبط

•: هسا انتِ ليش حارگة نفسج على موضوع راح واني رزلتها ونطيتها حظر

•: لا تغير رقمك وباجر

•: شبيج مخبلة اني حظرتها بعدين رقمي هذا ارقام اصدقائي كلها عليّ

•: اي انقلهم عادي

•: لااا واني ابقى انقل بالأرقام شو هيدي شوي لا تتفرعنين

گمت وگلت
•: خوش لعد خلي يفيدوك اصدقائك عفته وطلعت

•: ياااا شرشبيلللل تعاييي

گام وراي داركض لزمني وعضني بخدي
•: ااااخ خدي

ضحك وگال
•: حلقوم حلقوم تعاي

•: وخر مني دوخر مني خلي يفيدونك اصدقائك

•: لا خيولون خلص اغيره بس انتِ تعاي وتكفي الشر

رجعت للغرفة واني احجي
•: وهاي سلمى اذا ما طيحت حظها بسيطة

•: يا ويلج اسمعج مسوية مصيبة اكلج لحم

•: لاا بالله لااازم قابل

•: ما قابل بس سلسبيل ماريد مشاكل خلص اني رزلتها وساسًا هيه راح تتزوج

•: شمعررفك

•: هيه گالت انتَ خطبني ابوي راح يزوجني گلت اي عليج بالعافية شوفي قسمتج اني ما اريدج ما احبج احب زوجتي شرشبيل سلشبيل نسيت اسمج

•: صدُگ گلت الها شرشبيل وسلشبيل !!؟؟؟؟

•: لا لا اتشاقة والله ما گلت الها هيج شلسالفة هاي بس يمج هيج اگول

•: هااا عباليييي

گال بمكر
•: اي المُهِم هسا منو على الحق ومنو اله الحق

•: اني والله مالك اي حق انتَ

عاف ايده على وجهه ضايج
•: انتِ ليش ما تعترفين بغلطج؟!

•: لان بكل بساطة اني ما اغلط

•: اييي مو نبيييي انتِ نبي حتى مااا تغلطين

•: هااا والمصيبة الي سويتها مِن شفتتت أيسر واااكف يميييي هاااا تشك بيه

•: انتِ ليش خبلة وعقل براسج ماكو اني اااشك بيج اااني اني ضااايج لااان واگفة يم الگوووو** بنص الشارررع هذا الييي ضوجني يعني هذا تسمينه شك
اعررف هُوَ نيته الخر* شنوو تفهمين لو عقل ماكو براسج

سلسبيل •: واني شنو ذنبي هُوَ فجأة وصار مقابيلي

•: ليش ماعفتي وفتي

•: اقسم بالله حتى كلمة ما حجيت وياه

•: شنو جان يگلج

•: ما گلي شي بس شافني عطت بالبنات لان طالعات ماعرف بيهن گال خطية لا تعيطين عليهن

•: خطية حنون ابن انعال

•: هااا هاا قبل شوي تگول لا تغلطين على عمي هسا صار ابن النعال هااا

•: انجبي انتِ اذا شفتج بَعد واگفة ويا اطيح حظج وهذا لا عبالج ناسي اذا ما اربي وزوعة حليب امه بسيطة

•: اني ليش ما اريد اگلك مِن هاي سوالفك

•: شتگليلي ؟!!

•: هاي شبيك قصدي يعني اذا صار شي ما احجيلك مِن ردة فعلك

باوع عليّ بشك اجيت اجفصها حسيته ما صدگني هز راسه وگال

•: هسا عوفج مِن هل عار تعاي احجيلي شلون گدرتي تفارگيني كُل هل مدة

گلت بدلع واني اعدل بشعري
•: على ساس انتَ ما فرگتني

باتسم وجرني الحضنه وهمس
•: عشت بالظيم البنات بس يبجن اگعد الصبح ما اشوفج گدامي فترة ما تنحمل الي مرت

•: اي تستاهل

گرصني بزندي وگال بهمس وبتسامة
•: استاهل مو

•: اي

•: هسا اعلمج شلون استاهل ويطلع نار گلبي بيج

صار فوگي يدغدغ بيه ويبوس بيه متت ضحك
•: هههههه وخررر مني

مُعاذ •: خلي نتصالح

•: لا ما صالحك

•: لا خلي نتصالح ما احب الزعل وحنا طولنه زيادة ما متعود هيج

•: اي واضح ما متعود مِن ضربتني بنص اليل وجريتني الاهلي ما تبقين عندي مرة بَعد ها اشوفك تبوس بيه

ضحك وگال •:نتشاقه ما تعرفين الشقه

•: لا ما اعرفه ليش انتَ هيج شقاك بالضرب

•: نمزح ما تتحملين شقة

•: ههههه اني ما اتحمل شقه هُوَ شقه هذا جسمي صار بنفسجي

•: ابوية تنكسر ايدي كون شو خلي اشوف وين ضربتج

شال الدشداشة لزمته بسرعة وضحكت
•: وخر ايدك وخرها وعوف كلاواتك

•: هاي شبيج خلي اشوف

•: شتشووف ههههههه وخرررر

غمز وگال
•: قابل ما شايف هسا خجلانة مني

•: منو گلك خجلانة والعرگ ينزل مِن گصتي

•: ها تردين تقهريني

عفت راسي على ايدي ورفعت اله حاجبي
•:بضبط

صار مقابيلي وعاف راسه هم على ايده مثلي وگال ببتسامة •: اگلج شو سمنانة انتِ

•: هاا راح يحسدني

ضحك بصوت عالي تنهد وگال بهمس
•: عيني باردة اني ما احسد

•: عفنا البنات جوه اخاف تگعد سبأ ما تلگاني

صار فوگي بلحضة سريعة فززني
•: بسم الله فززتنيي

•: عوفي هسا البنات عندي وياج موضوع

گلت ببتسامة
•: لا ما عدنا شي

عاف اعيونه بعيوني كُلش
•: متأكدة

•: اي

باسني بعيوني وگال
•: بس اني اگول انو عدنا موضوع وكُلش مُهِم

ذبت بدينه وبس اتبسم گعدت ثاني يوم سبأ نايمة على ايدي اليسره وازوله نايمة على صدر مُعاذ اجن علينا بنص اليل سبأ تبجي وازولة گاعدة وجايبتها متنه عليهن مِن الضحك بالاخص سبأ الي دردم

سبأ •: انتِ وووين تلحيين وين

وشلون تتهضم كسرت خاطري

                    
                          ~~~~~~~~~~

زُحل

مر شهر ونص وبـلال ماكو فجأة بَعد هل شهر ونص جنت گاعدة واحجي ويا سلسبيل

سلسبيل •: هُوَ ترى ملتحق

•: اعرف بي ماله رداد يرده

•: ههههه خطية عليج ترى بـلال محترم

•: اي كُلش اصلًا جبت اجدورة وبراميل اشيل بالاحترامات الي توگع منه ترست العالم تسر خطية

•: يا ههههههه والله مسكين يا بـلال

•: اني المسكينة الفقيرة المُهِم انتِ ومُعاذ شلون صرتو ماكو بيبي  مناه مناه

•: والله الحمدُ لله اگلج اشو صار فترة الشهرية ماكو واحس دتلعب نفسي راح احلل

•: حامل مبروك

•: ههههههه  بَعدنا كُلشي ما نعرف

•: ما عليج اخذت الج سونار صرت نفس الواتباد

•: ها قريتي قصص

•: اي داقراء بقصة هسا ودابجي

•: ليش شبيها

•: البطل الخايس المعفن اخذ على البطلة هذولى الزلم صدُگ وڤر ولا يستحون

•: ههههه اكتبي قصتج

•: اي راح اكتبها انتِ هم اكتبيها وياي

•: نكتب قصتنا ثنينه يصير ؟!!

•: اي يدمجونها هيج اشوف بالقصص عادي

•: اي ما عندي مُشكلة احجي ويا مُعاذ اني ما عندي قصة قوية بس انتِ لا قصتج حلوة

•: منين الها الحلاة ظيم بظيم بس اريد اشارك القصة سامعة الي يشارك قصته الاحد يرتاح نفسيًا بلكي اني شوي مِن اشاركها ارتاح نفسيًا وشوف الكلام ومشاركة العالم وياي شوي بلكي يخفف مني

•: اي انصحج

داحجي وياها ومندمجة وياها بالكتابة فزيت مِن اجاني صوت

بـلال •: ها شلونكم

•: يمه

عفت ايدي على گلبي مِن الخرعة حتى تليفوني راد يوگع مني •: انتَ شبيييك

•: اسم الله عليج

•: لا حول الله

•: ميصير تگولين لا حول الله  هاي الكلمة معناها انو لا حول لله ميصير حرام  الافضل تگولين لا حول ولا قوة الا بالله كمليها شتخصرين

•: ايي سامحنا شيخنا

•: اطلبي السماح مِن الله اني شنو

گمت واني اگول
•: حتى الواحد ما يلحگ يخلص منك ترجع بوجهه

•: اني هم بالشغل وفكرت گلت هسا شلون زوزة هسا مشتاقة الي

•: يشتاق الي المرض اذا شتاقيت الك

•: يعمري انتِ تشتاق الج العافية والله اني متت بالتفكير بيج بس شسوي شغل بَعد

•: والله عايش الدور انتَ

دافوت جوا گال بسرعة
•: اگلج عندج ملح اريد ملح ما بيه حيل انزل هسا رجعت مِن الدوام وحظي طايح اريد اسوي بيض دتغده ونام

•: درروووح

عفته وفتت اسمعه يحجي
•: همده هل جوره الله على ايام الطيبين قبل حتى لو نطلب منهم معجون اسنان يعوفون النا بجيس وينطونه

عضيت على شفتي وگوة حصرت الضحكة ما طلعت صوت بس متت ضحك بداخلي سديت البلكونة وگعدت بالصالة شسوي فتت على الفيس اني دوم ما احب الفيس افوته مرات فتت اله وگلب بي

•: والله مكروه هل فيس هسا منين ينعرف الي يضيفون والي ينشرون هاي شلون صايره قناة وبيج بنفس الحظة شنو السالفة ويگولون ليش تكرهي

طلعت گدامي قناة لاجئين والعالم تحجي على ترام وفئة تحجي على بايدن معلقهم ماعرف شنو جذبني الكلام وتعمقت بالكلام وكلها الي تگول راح اسافر لبريطانيا والي فرحان راح يسافر لندن ولي لامريكا مفوضية ماعرف شنو السالفة لفتت نضري التعليق هُوَ بالاساس مجاوب على ولد جان يسأل اذا يطلع لجوئ يطلعونه  رد عليّ شاب

•: اني نفر واحد وراح اسافر يوم الاحد الندن يطلعونك بس شوي راح تتعب ولازم يكون وياك راس مال ولازم تصبر لان ماكو شي ايجي بالساهل وكذلك لازم تعيين نفسك بالشغل

رد عليّ الولد صاحب التعليق
•: طيب منو افضل دوله للجوئ الاردن لو تركيا

•: الافضل تركيا انصحك بيها الاردن غالية كُلش نار ما انصحك بيها لان هيه دولة زغيرة و عايشة على السياح اما تركيا رخيصة

ماعرف شنو جر ايدي وسألت
•: زين سؤال البنات هم يطلعن ؟!

عفت اتعليق بَعد ونسيته لان گلت اني افوت للفيس قليل ونسيت التعليق مالتي حتى بَعد فترة حتى فتت ولگيته مجاوب

•: اي طبعًا وذا جنتي بنت اطلعين اسرع بالاخص لو طلعين الج قصة وتحجيها الهم بس لازم القصة تكون قوية راح اطلعين بسرعة اسرع مِن الشاب

ماعرف ليش اخذ فكري هل شي و بَعد ما رديت بس بقت براسي هل سالفة طلعت بالبلكون افكر وحجي بداخلي

•: اطلع هناك أفضل وخلص منهم وما احجي بس السلسبيل هناك اعيش شبابي الاي انظلم بلدي

طلعت مِن افكاري مِن اجاني صوت بـلال التفتت اله جان بيده كوب مال جاي يباوع الي ببتسامة ويغني بصوت ناصي

•: لش ليش لش يجارة متردين الزيارة زعلانة انتِ علينا ماتردين الزيارة زعلانة انتِ علينا ما تردين الزيارة

غمزلي وگال  •: مساء العنبر ممكن النمبر ؟!

هزيت ايدي وفتت جوا ورحت ابحوش بهل سالفة اني عندي جواز بس منتهي لازم اجدده رحت طلعته منتهي صار اله خمس سنوات گلت عادي اروح وجدده  وبعد  فترة فعلًا رحت للسفارة وجددته بقيت انتضر اسبوع يطلعلي بس صار اسبوعين حتى طلع وستلمته باوعت للشقة گلت أجرها الشقة حتى هاي وعوف سلسبيل دز الي الإيجار اي افضل فكرة

اريد اطلع اريد اخلص الى متى يطلعون الي بكل مكان اريد اهجج تعبت ماريد أشوفهم بالاخص بـلال يمه اصير ضعيفة كُلش وأخاف أضعف ورجع احن وهُوَ كُل شوي طالع بوجهي والمصيبة اجا وگعد يمي أكابر يمه بس اني ضعيفة گدامه بالواقع

ضليت احوس على الفيزة اريد اطلعها بسرعة وما اريد احد يشك بيه حتى بـلال اطلع بسكته حتى شغلي صار فترة مدا اداوم اوضاعي متخربطة اليوم فتنه بسنة 2023 والعالم مخبوصة بعيد السنه اني گاعدة بالبيت واكل نمنميات وباوع تلفزيون وسمع اطلاق الناري نخبصنه خبص صورت السلسبيل الاجواء وگلت

•: هم عدكم هيج ازعاج

•: لا ههههه يم بيوتنه ماكو بس السوگ مگلوب گلاب اليوم رحت عود اشتريت ملابس للبنات تراكات وكذا بس شنو گوة امشي مِن العالم

•: اي اني مقابيلي منتزه اشوف العالم منگلبه والطلاق الناري يبوي راسي حتى طلق صحيحي يا عزا يخوفون

اجتني رسالة مِن رقم غريب

•: يا حلو لا تطلع للبلكون لا تجيك طلقة تايهه وتفطس وين الگا مثلك

اعرفت هُوَ ضربت على گصتي بنفس الحظة دزلي فيديو

القيس هشام مال اذا عندك قلب ثاني
لا ارادي غنيت ويا الاغنية وذكرت مِن رگصت اله اول مرة عليّ ادموعي ضلو ينزلون مِن وحدهم

ولا تصدگ يجيك النوم واني مفارگ عيونك واني مفارگ عيونك وكل اهلك ترى وناسك مثلي ما يحبونك مثلي ما يحبونك كُلشي بيك عاجبني حبني اكثر بَعد حبني

مسحت دموعي وطلعت منها ودزيت اله
•: لحد هسا تتذكرها

بسرعة رد •: هُوَ شوكت نسيتها حتى اذكرها دوم اشغلها وذكرج ما نسيتج ولا نسيتها شكو شي بحياتنه صار لحد الان هُوَ متربع بنص  راسي

اقراها وابجي رجع كتب
•: الله شگد جانت ايام حلوة وياج

عضيت على شفتي اسد الشهگة كُلش اشتاقيت اله بس مستحيل افكر ارجع اله مستحيل رجع دز

•: الحياة جانت وياج بيها طعم 

جنت بس اباوع وابجي رديت •: بس انتَ دمرتنه

•: الله ياخذني وياخذ مِن تسبب بهل شي زُحل اني ما انام اليل لا وانتِ على بالي

رجع دز
•: دوم اگول شنو الذنب الجبير الي سويته حتى هيج خسرتج عاد والله استاهلج وانتِ تستاهليني

طلعت مِن المحادثة بسرعة لو كملت وياه أحتمال هسا اسامحه ضربت على گلبي حيل وگلت بغضب
•: شنوو هل ضعف ليش تضعف گدامه  ليييش نسيت شسوا بيك ليش ما تكرهه ليش لهل درجه ضعيف گدامه الله يخلعك

بيومها تعبت كُلش نفسيتي وهذا الي خلاني الح على سالفة الجوئ وفعلا بَعد سبوعين رحت وطلعت فيزه بس انتضرتها طول شوي رغم سويتها غالية مو مِن الرخيصة ماعرف بس خفت  ما تطلع وقت طلعت الفيزة ورحت جبتها عفتها على طاولة الصالة اباوع عليها وصفنت

•: ياربي اذا كان خيرًا لي فا يسره وذا شر فا عطله

تنهدت ورحت شلتها وعفتها بالخزانة گلت ما اجيب طاري السلسبيل لان اعرف راح تعترض الي هواي گلت قبل لا اسافر بيومين ادز عليها اودعها وروح بَعد ما ارجع لهنا وخلص جبت جنطتين بس بـلال ما كان موجود رجع التحق وهذا افضل شي رغم جان بداخلي شعور انو اشوفه الآخر مرة واعتبرها الختامية قبل لا اسافر بيومين اتصلت على سلسبيل بسرعة ردت

سلسبيل •: ها عيني هااا وينج ماكو گاطعه شلسالفة

ضحكت بغصة وگلت
•: مشتاقة الج وانتِ ماكو تعاي عليّ  اليوم

•: يا عمري ليش عيونج حمر

•: متوحشة بوحدي تعاي عليّ ونسيني هل يومين

•: اي والله اجي ياعمري واني هم مقصرة بس شسوي هل حمالة متعبتني

ضحكت وگلت
•: فحصتي بعدج شفتي الجنين شنو جنسه

•: لا والله بعدني عود هذا الأسبوع

•: الله يطعمج الذرية الصالحة

•: يا عمري امين

•: تعاي عليّ انتِ والبنات

•: والله هسا اكون على مُعاذ

•: مو عندج سيارة تعاي

•: لا عشتو معاذو يغار ما يعوفني اعبر كُل هل مسافة بوحدي

•: هههههه يخاف عليج يلا تعاي اليوم كوني عليّ گولتج

•: انتضري هسا اروح اطفر عليّ نايم هُوَ خطية امس جان خفارة للصبح يلا اجه

•: هههه خطية الله يعينه

•: اي والله

سدت المكالمة وراحت اله وفعلًا بليل هيه صارت عندي بس مُعاذ خطية بس وصلها وراح عنده شغل لزمت البنات بوس وهيه طلعت للبلكون تضحك

•: ها هنا حبيب الگلب هذا بيته حايط على حايط اي اي عيني

•: دنجبي شنو حبيب الگلب هُوَ اجا ونزل يم بيتي

•: يموت عليج

هزيت راسي بستهزء گالت
•: ليش تستهزئين ترى فعلًا بـلال يعشقج لو نخيره هسا بين اهله وانتِ يختارج وهُوَ مغمض لو تشوفين شلون مِن ايجي علينا قبل تگول يتيم لحد الان خطية جنه يتيم هيج يموت عليج

•: عوفينا منه هسا انتِ شلونج شخبارج عمه رُقية شخبارهن

•: بخير الحمدُ لله يسلمن بس انتِ ما تجين علينا ولا تزورينه كُلش

•: لو رحت احس بضيقة انتِ تجين عليّ خالة تجي عليّ هيج أفضل

اخذتنه سالفة ورجعتنه سالفة بالاخير فتحت وياها الموضوع واني افرك بديني وتبسم بخجل

•: سلسبيل عندي موضوع وياج

•: اي تفضلي اسمع

تنهدت وگلت بسرعة
•: راح اسافر

جانت مبتسمه مِن گلت راح اسافر طگتها ضحكة

•: اي بالله وين اخذيني وياج عود

•: سلسبيل اني مدا امزح

•: خاب دروحي تضحكين على عقلي

عفتها ورحت جبت الفيزة وعفتها مقابيل وجها اخذتها مني منصدمة

سلسبيل •: شنو هاي

•: فيزة سفر التركيا راح اروح هناك ومنها اقدم لجوئ

اتغيرت ملامح وجهها الصدمة وگالت
•: صدُگ تحجين انتِ ؟!

هزيت راسي ونزلت دمعتي گامت وضربتني راشدي صدمتني

سلسبيل •: مممخبلة ااانتِ

زدت بالبجي وگلت
•: لا تزيديها عليّ اني ماعرف شريد بس اريد مكان ينسيني الي دامر بي والله تعبانة مخنوگة تعبانة ليش محد ديحس بيه

•: تررردين ترحيين للغررربة منوو الج ماا فكرتييي بيها وحتى مااااعررف ولاا جبتييي الي طاريي مِن ردتي ترحين حتى قررتي تحجين

جنت ساكتة وبس ابجي ضربتني حيل على راسي

•: هنااا عقل لووو زر** فهمينيييي اجيتي هنا وگلت ميخااالف حقها تشرد بس هسا تررردين اطلعين خاارج العراق وبالغررربة لو يغتصبونج ويگطعوونج وصلة وصلة محد يدرييي بيج زُحلللللل

جانت الفيزة بالگاع رادت تاخذها اعرفت تريد تشگها بسرعة اخذتها وگلت

•: فدوة سلسبيل لا توگفين بوجهي بلكي اذا طلعت ربي يريح گلبي اني ما اگدر ابقى هنا اني ضعيفة وتعرفين قصدي يمه اني ضعيفة ما اگدر اعيش وياه بنفس المكان اني تعبانة انتِ بس الي اعرف تفهميني افهميني هل مرة  اوگفي وياي لا تكسريني عفية

گعدت تبجي وتحجي
•: ليش هيج تسوين بنفسج ليش دمرين نفسج هيج ليش ما تعرفين تتصرفين ؟!!

•: بس اريد مكان اگعد بي ما بي هُوَ مكان اشرد بي مِن مشاكلي ما اگدر ابقى هنا وهُوَ يومية بوجهي ما اگدر اخاف اضعف ورجعله فدوة سلسبيل افهميني والله صعب عليّ اني گلت الج بس انتِ لان أعرف راح توگفين وياي

حضنتني وزادت بالبجي
سلسبيل •: شلوون راااح اگدر افارگج هييييج شلون فهميني

•: حتى اني عليّ صعبة والله صعبة وداخلي ديتگطع بس اني تعبت والله راح اشتاق الج والخالة والرُقية كُلش راح اشتاق الجن

نص ساعة وهيه تعاتب بيه وتبجي بتعدت
مني وگالت مهضومة
•: زين لو رحتي هناك شلون تعيشين منو الج وين تگعدين انتِ شتفهمين مِن كلامهم

تنهدت وگلت
•: ماعرف اروح وشوفها وين تصفه بَعد بقت يم ربي صليت استخارة وان شاءالله خير

ارجعت تبجي بجيت وياها وگلت
•: هيج تكسرين ضهري والله فدوة لا تبجين ودعيلي ربي يوفقني

•: شلون افارگج واني حسيت صرتي مسؤوليتي

•: شسوي بَعد الحياة مدا تمشي نفس ماريد

•: ليمت راح تسافرين

•:بَعد باجر

•: بهل سرعة

•: اي قبل لا بـلال يرجع مِن اللتحاق اعرف راح تصير الي مُشكلة واني اريد اروح وماريده يعرف وين رحت بس انتِ گلت الج لان ما اگدر اضم عنج بس امانة حتى الخالة ما تجيبين طاري امانة سوي نفسج ما تعرفين بيه وين لان اعرف خالة راح تحجي مستحيل تضمها بس انتِ اعرف راح يبقى السر عندج ميت وما تجيبين طاري حتى ويا نفسج اني مِن قررت اروح ماريد احد يعرف وين اني

•: بس امي راح تزعل هواي

•: اعرف بس بنفس الحظة ما اگدر احجي لان اعرف مراح تضمها وراح تحجي البلال تعرفين شلون تحبه هيه مستحيل تضم هل شي عنه واعرف هُوَ راح يلح عليها هواي

باوعت الي بغصة ورجعت نزلت راسها تمسح دموعها

سلسبيل •: راح ترجعين بَعد ؟!

تنهدت وهزيت راسي
•: لا خلص مناه واطلع بلا رجعة بَعد

شهگت وگالت
•: يعني بَعد ما اشوفج مناه وخلص

هزيت راسي وبجيت حضنتني وضلت تمسح على راسي بلُطف
•: راح اشتاق الج هواي انتِ الوحيدة الي بقيتي وياي مِن دونهم كلهم سندتيني وثقتي بي واسيتيني هواي

•: بس ما اگدرت احميج هوااي

•: وگفتج وياي كافي جنت بوقت محد وگف وياي بس انتِ جنتي الي نفس الام

بيومها نمت على رجلها ثاني يوم مِن الصبح اتصل عليها مُعاذ رادت تبقى بس ما قبل راحت جهزت نفسها لان وصل واتصل عليها حتى تنزل حضنتني حيل وبجت

سلسبيل •: راااح اشتااقلج والله

ما نطقت كلمة بس اشهگ وهيه يتصل عليها مُعاذ وهيه حاضنة بيه وتبجي الى ان صعد ودگ الباب بتعدت مني باستني بوجهي وهمست

سلسبيل
•: انسانة طيبة ربي راح يوفقج بكل خطوة لآن على نيتج

هزيت راسي واني اشهگ
سلسبيل •: الله يحميج راح ابقى ادعي ربي يرعاج  ويسعدج

رجعت حضنتني وشهگ گوة طلعت مِن دگ الباب مُعاذ حيل طلعت اله ومنها وراحت صفيت بالبيت بوحدي وابجي باجر راح اسافر باجر خلص اخر يوم الي بالعراق وراح افارق وطني وراح افارق هواي ذكريات بي

بيومها طلعت للموصل ازور اهلي الآخر مرة بقيت يمهم ساعتين بس نايمة بينهم وبوس بگبورهم اباوع الگبر ابني حاتم وابجي ومسح عليّ

•: حبيبي ماما هاي اخر مرة ازورك بيها اعذرني بس امك ضعيفة ما تگدر تبقى وتواجهه ابوك اكثر ضعيفة كُلش امك بس اني احبك هواي وانتَ راح تبقى ذكرة حلوة وتوجع بنفس الحظة ابني يا حبيبي انتَ

بست گبره ونهضت انفض بملابسي ورجعت ثاني يوم بليل جانت طيارتي وسلسبيل تراسل بيه مِن راحت وهيه ما گطعت

سلسبيل •: ها راح اطلعين مِن البيت لو طلعتي

جبت ملابسي وحضرت الجناط وصورتهن الها
•: هسا راح ابدل وأطلع

شفتها بس ماردت اعرفت دا تبجي تنهدت ورحت بدلت وجهزت نفسي سيارتي بعتها واليوم الي بعتها اله اجا وخذ المفتاح مني  طلبت سيارة على الموقع نزلت جوا باوعت الشقة بـلال تنهدت ونزلت مني دمعة مسحتها بسرعة وصعدت

والولد هُوَ صعد الجناط للسيارة وخذني للمطار فتت للمطار كُلشي مافهم كا اول مرة الي بالمطار واني مسؤولة على نفسي  بس الحمدُ لله يسرها ربي وكملت الأوراق وكُلشي وصعدت الطيارة بَعد تعب وانتضار بقاعة الانتضار بس حلقت الطيارة نزلت دمعتي وباوع للعراق همست

•: هاي اخر شوفة الك راح اشتاق آلك كُلش هواي

جنت تعبانة كُلش عفت راسي على جامة الطيارة وغفيت شوي وفزيت لان صار هُوَ باذاني كُلش بحيث ما اسمع شي والي وياي بالطيارة كلهم يضحكون لان هم نسدت اذانهم مرة مِن سافرت لبنان ويا ماما وبابا أتذكر هم هيج صار بذاني 

واخيرًا بَعد تعب نزلت للمطار ومنها وبدت حياتي هنا وتأقلمت وياهم ويا عيشتهم يعني ما اگول صار نفس بلدي جذب ماكو دولة نفس بلدك بس نگول شوي ارتحت الشريحة العراقية اول ما فتت كسرتها غيرتها وبس رقم سلسبيل ضفته وراسلتها طمنتها عليّ ومِن يومها ما نستني اسمع منها بـلال راجع وما لاگيني گالب الدنيا گلاب

سلسبيل •: تخبل وين ما جان ديدور عليج عباله بالعراق انتِ ما يعرف خارج العراق

•: خلي يمل بالاخير ينساني ويعيش حياته

•: شيعيش داگلج متخبل

•: لا تخافين ينسا

شوي وراحت هيه لان عدها مراجعة للدكتور تشوف جنس البيبي اجا بالي راسم حتى هُوَ ما گلت اله خلي هم ينساني ويعيش حياته ويا خطيبته ويتزوج ويعيش حياته رجعت راسلتني سلسبيل وگالت

•: ابشرج حامل بوليد

بتسمت ورديت بسرعة
•: يكبر بعزكم ودلالكم يارب تتهنون بي

•: ياعمري يوم الي تتزوجين وهم تخلفين النا جهال زغار

•: امين هههههه شكرًا على الدعوة الحلوة

بهل اسبوع راجعت الهجرة وانتضرت التوطين  ماعرف الي دولة تطلع نعمة مِن الله  ومرت الايام والشهور بتاريخ 2023/10/25 توطنت على لندن شگد فرحت وگعدت اتحمد الله

  ومرة جنت گاعدة بالبيت اتابع مسلسل وجانو يمنه جيران سوريين يخبلون شحلاهم دوم يدزون الي اكل ويجن عليّ خلوقات ومحترمات كُلش فا دزلي ورق عنب وداكل راسلتني سلسبيل خطية تعبانة مِن الحمالة كُلش بطنها كبرانه

زُحل •: شلون صرتي  مو على اساس اليوم موعدج

•: عوفي موعدي ولج اليوم اجاني بـلال

بس جابت اسمه گلبي دگ
سلسبيل •: جنت عند اهلي وهُوَ اجا علينا بس شافني گال اعرف بيج تعرفين مكان زُحل

•: حلفييي

•: وحق الله ويهدد يگول وصليلها  هل كلام لو تحفر گبر وطم نفسها بي هم احفره وطلعها ولگاها  لو وين اطير واني وهيه والزمن يشهد

كُلش خفت بوقتها رديت
•: وين يلگاني مثلًا اصلًا اني توطنت وان شاءالله تمشي الامور سريع وسافر الندن ومثلًا لنفترض لگاني ترى ماله حق عليّ

•: لو تشوفين حتى مُعاذ ما كُل گلبي يگلي تعرفين واني اگله لا بس محد يصدگ يگلي هيه قبل لا تختفي دازة عليج ومِن طلعتي جنتي تبجين اكيد تعرفين بس اني مصرة اگول ما اعرف

•: هههه على گولتهم اجحد مهما كانت الأدلة

•: بضبط اني هيج داسوي حاليًا ههههههه

رجعت دزت
•: بس صدُگ صدُگ بـلال كسر خاطري مناه الشغل ومناه يدور عليج كُلش تعب وهُوَ يدور

•: لا تجيبين الي طاريه بَعد  ماريد اذكره عفية بَعد شما يصير وياه لا تجيبين الي طاريه اريد انساه للأبد

سديته منها وكُلش ضجت حتى مِن الاكل نسدت نفسي گمت بدلت وطلعت للبحر اشتم نفس وعايفة السماعة بذني وتسمع جنت عايفه شعر بذني

صبت اجفني ماءً على ما
إلى أن صارَ في خدي علاما

أحاول مرةً أخرى على ما
حبيت مرةً شحصلت ؟!

سالوفة للعالم صرت
خلاني ما اثق ابشر
جي بالگلب خليته

جنت اغفه وانتظره بحلم
تاليها حسيت ابألم
واحد بنه البيت ابتعب
ويطردو مِن بيته

سمعني موسيقى ابوكت
جانت العالم سنطة

وتورطت والمُشكلة
حبيت هاي الورطة

مثل الجرح بيه انفرض
بس اني مابين مرض
متعود اعلى العلة

اسكُت لإن خوف وحرص
مثل التحبلها شخص
واگف تشوفه گبالها
وما عدها جرئة تگله

~~~~~~~~~~~~~~~~~~

تگول زُحل

... إلى هنا وتنتهي قصتنه
انتَ لغيري وإنا لنفسي
فهنيئًا للذي سرق قلبك
وتبًا لقلبي الذي أحبك

النـــــهـــايــة

~~~~~~~~~~~~

واني هنا اگللكم انتهت قصتنه عشنه وياهم بالحلوة والمرة انتهت وكل واحد اخذ جزاته واعرفو انو الظالم اله يوم ولو بَعد حين

كُل انسان ياخذ جزاته لو كان الشي بسيط لازم ياخذ عقابه مِن ربي اعرف هواي اكو نفس زُحل بس مظلومين بطرق مختلفة لا تخافون الكم يوم راح تنامون تبجون بي مِن الفرح

وكل انسان ياخذ جزاته حتى لو مجرد سب احد هم راح ياخذ عقابه

اني اعتذر الكم بسبب تأخري بالقصة وهواي ضوجتكم اني اعتذر منكم وحقكم عليّ وهنا خلصتو مِن الانتظار
اتمنى عجبتكم واتمنى استمتعتو بوقتكم واتمنى القصة رضتكم بنهايتها ☺️

انتضروني بقصة جديدة جميلة وما مطروقة ومشوقة وحماسية وغامضة 😉

احبكم تحياتي الكم جميعًا 🫶🏻🧡

لا تنسون متابعتي على الانستا