الضليلة

Part 31

الضليلة البارت 31

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~مشاهدة ممتعة🫶🏻~~~~~~~

•: شبيججج اششش لحد يسمع شبيج

ميساء •: منو هنااا

فتحت عيوني بصدمة على طول هُوَ بعد مني فتحت الباب وطلعت باوعت بوجها حسيتها انصدمت مِن شافت وراي يزن كُلش خفت تفهم غلط وتروح تفضحني

رحت نمت جوا البطانية خايفة مر كم يوم نزل مُعاذ بس بـلال بعده ما نزل فتت بشهر ال 8 وكلت منه كم يوم ما
بس هل شهر ان شاءالله وجيب واخلص ومناه بلشت الامتحانات مال السنة ومرة جنت هسا جاية مِن الامتحان رجعت للبيت تفاجئت مِن لگيت بـلال راجع مِن دوام وگاعد يم الحجية ومبدل ديشرب جاي وياها

ما انطيت اي ردة فعل فتت حتى ما سلمت اخذت ملابس وفتت غيرت ملابسي بالحمام وطلعت اخذت جنطتي وداطلع گالت الحجية

•: شبيج جدة سلامج وراج گدامج زوجج نزل هسا لا گلتي الحمد لله على سلامتك شلونك السلام عليكم

ما جاوبت عليها ولا حتى درت وجهي ورحت للحديقة باجر امتحان رياضيات وهذا اهم شي لإن كُلش صعب عليّ ومرت فترة الامتحانات وخلصت منهن وبقت بس الشهادة يا مصخمة يا ملطمة بس ان شاءالله ناجحة ومتأكدة هم لإن كُلش تعبت بالدراسة

اني وبـلال حتى ما نباوع بوجه بعض قررت نفس ما يتجاهلني اعوفه اخر همي وتجاهله ضعف تجاهله واصلًا اني كُلش تعبانة ما الي خلگ للمجادلات

بالامتحانات رجعت اشتريت كتاب مذكرات لإن ذاك بالغرفة والغرفة اني ما افوتها ولا تقرب الها ابد مِن يوم ما قفلها اني بعد ولا تقربت الها كشت  نفسي منها خلص

گاعدة بالحديقة وبلشت اكتب تسلسل حياتي الا هذا اليوم كُلش تعلقت بهل كتاب وضليت اكتب بي يومياتي ومرة جنت اكتب بي ومتحمسة واتبسم لإن اليوم ابني يرفس بطني وكُلش فرحانة ومتحمسة اكتب وتبسم

رفعت راسي للسماء وجت عيني على بلكونة غرفتنا اختفت ابتسامتي مِن شفت بـلال واگف على البلاكونة ويباوع عليّ نزلت راسي على طول نهضت گوة وفتت جوا الهث

بعدلي 10ايام وفوت بشهري وبطني واصله الحلگي جنت جايبة ملابس لأبني رتبتهم بالجنطة بعد مناه وراح كُلشي يصير ايجوز اجيب بنهاية الثامن ارتب اغراضي مِن هسا وماعرف بالضروف يجوز يشاء الله حتى باجر اجيب يمكن بليل الله إعلم رتبتهم عدل وعفت الگماط فوگ حتى هُوَ يكون اول شي