الضليلة

Part 41

الضليلة البارت 41

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~مشاهدة ممتعة🫶🏻~~~~~~

الناس تعبر مِن يمي تباوع عليّ مستغربين عفتهم ومشيت ودمعتي على خدي ماعرف شريد بس حاسة انو داموت بگلبي حرگة وقهر ما يعرف بيها الى الله وين اروح وين اطفي ناري   اذن المغرب واني امشي ما وگفت مشي وماعرف وين دامشي تعبانة ومقهورة
اريد اريح گلبي

تليفوني بجيبي يدگ يدگ ولا شلته ولا شفت منو يتصل اجرت تكسي ونطيته العنوان للبيت طلعت تليفوني احترگ حرگ رسائل وإتصالات شفتها سلسبيل ضحكت بستهزء ورجعت التليفون لجيبي وهمست

•:هسا اذكرتني بعد ما شبعت بالعرس صدُگ لو گالو محد يحزن عليك غير بس الي مِن دمك

شفت الحديقة الي يم بيت خالة گلت
•: خلص وگف هنا

انطيته الكروة نزلت للحديقة اخذت نفس وگعدت بعيد مِن العالم اباوع الهم وتنفس بقهر احاول الزم ادموعي بس ما يوگفن مِن وحدهن ينزلن احاول اسيطر عليهن بس ما اگدر اوگفهم شفت التليفون لح بالإتصال شلته وطفيته نهائيًا

عفت راسي على الحايط وشوف مرة عمرها بالاربعين هيج جايبة ابنها يمكن وياها وشحلاته شفت بي ابني حاتم  لهفت روحي اله ابتسمت ومسحت دموعي ورحت الها

•: عادي ابوسه

ابتسمت ببتسامة حنونة وگالت
•: طبعًا  حبيبتي يحب الي يلاعبه ويشيله

ابتسمت وشلته وگعدت
•: ها يروحي حبيبي تريد تلعب

حضنته وبجيت حسيت المرة استغربت ما حجت بس تباوع عليّ ابتسمت الها وگلت
•: اسفة بس شبهته الواحد

ابتسمت وگالت •: ياعمري الله يجمعج بي

غمضت عيوني وهزيت راسي
•: الله يسمع منج امين ادعي التقي بي بسرعة

•: ان شاءالله

عفتها ورجعت المكاني الساعة صارت 12 واني گاعدة بالحديقة ما بقى بس كم واحد حسيت گلبي خنگني واني اتخيل هسا هيه بحضنه يا ترى هسا شديسوون هم باسها هم حضنها هم تقرب منها ؟؟! ما تذكرني ما صرت بين عيونه

عفت اديني على وجهي ورجعت ابجي الا ان اجو الي يحرسون الحديقة وگالو انو راح يسدون الحديقة طلعت اتمشى خايبة الشوارع فارغة ومحد بيها عبرت على الصيدلية

•: السلام عليكم

•: وعليكم السلام تفضلي

•: اريد حبوب منوم وبراسيتول