روح في بحر الظلام

الحلقة التاسعة والعشرون

روح في بحر الظلام

____ الكاتبة بحر _____

عمري اللي تقرؤن الرواية...انا بحاجة دعمكم تصويتكم وتعليقاتكم حتى استمر وياكم

+++لتنسون اضافة الحساب لطفا 🥺💔

البارت تقريبا 5000 كلمة،

🌟🌟🌟

////////////////////////

رانيا

عشت يومين هدوء وكأن الدنيا عطتني هدنة، اريح جسمي من الذل والضرب، بالليل احس بأمان لان سعاد صارت تسهر حتى انا انام برغم رسن ونصرة ماكو فقط امل وامل كانت مغلوب على امرها بهالايام بسبب نضرات السجينات الهه ومع عدم وجود نصرة صارت تخاف حتى من خيالهه

انا ماتاخذ عيني نوم لحد ما تطمني سعاد انها ماراح تنام، كمت وياهم ثاني يوم من الصبح للاعمال سعاد صارت ترافقني

وزعولنة مكانس فرش، ومب وطلبو منا انضف فد مجموعة من الغرف كانت كبار والسجينات طالعات هم موزعيهم على اعمال  اخذنا غسل للاخير تحت المراقبة الشديدة

شوية والتفتت مالكيت سعاد وراي، حسسيت الامان كلة انشال ضليت امشي واتلفت ودموعي تنزل مثل طفل ضايع من امه

طلعنا من الغرف لمحتهه بالممر تتكلم وي نساء من مجموعة الشرطيات، اسمغ وحدة منهم تكلههه

:هاي هية عاشت ايدج

سعاد:خو ماعلية شي

:ابد فوتي بزودج
:اكلج هي ليمتة يردونهه

:انا اگول لو تعوفينهه هالفترة
:لا بالله لو اروح بيهه اعدام لزوم تلخذ جزاتهه
:وعليمن اعدام بس انتي دبريهه لا تخلينهه تبين اعتداء سويهه دفاع عن النفس

:لا شلون تفوتني هيج فايتة

وصلنالهم بالغسل، انا وثنين نسوان وحدة من عدهم اللي نقذتني من حسيبة بالمطبخ

تقربت يمي وهمست

:اذا تردين تعيشين سوي روحج لا تسمعين ولا تشوفين، لو تشهدين قتل گدامج ديري وجهج، ترة كله مخطط ومدروس صيري نبهه وبطلي ترحين بالرجلين

باوعتلهه هزيت راسي وكملت اسحل بروحي، تدنت سعاد يمي

:انا اشتغل وانتي بس مشي وراي لا تهلكين رويحتج

رانيا:مو اخاف يضربوني

:لا ماعليج

ضلت تشتغل وهي هم متكدر بس انشط مني

خلصنا الشغل رجعونا هو حمام هو تواليت وضيق وكلهن يردن يغسلن لحد مايجي دورك رروحك طالعة غفيت واني انهش بجروحي مابية حيل اناقش ولا اتعارك ما اري شكد مر وقت يلا گمت غسلت.

وزعو العشا، والله يكرم النعمة شلون ماكان بلعتة كان شوربة وصمونة

ورة العشا قبل لا تنطفي الگلوبات انفتحت الباب واندفرت رسن لداخل الغرفة يابة الفزة الصارت بگلبي مثل كانه عقرب وشمرو علية
تراجعت للخلف سعاد باوعتلي
:كالت هدي يمة هدي انا حذاج
باوعتلهه وحجيت بخوف:رجعت
ضحكت وكالت:ايه هلا بيهه

رسن:سعاد البيه مكفيني اذا عندج حساب صفي ويه نصرة شعلية اني

:لا جا شعليج انتي هاي هاي اسنون يدي الطابعة برگبة المسيجينة

:ءااااا لا شنو قابل بس اني عندي سنون هاي نصرة
:روحي مني رسن

:اي اروح قابل خايفة

انطفت الاضوية وانا روحي انسلبت من الرعبة، سعاد مدت ايدهه وحجت

:نامي يمه لا تخافين
:لا خالة انتي تعبانة خاف تغفين
:لا شعدي نايمة، بيني وبينج الله ما اغفى لومن تگعدين

بعد محاولات مع الافكار والخوف والهواجس من المرض والتعب گدرت انام.. كسر نومي صوت انين على فحيح شديد فزز كلشي بية بس ما تحركت فتحت عيوني ما اشوف غير غواش كانت اكو شي على عيوني من العطر عرفته شال ساعد
مديت ايدي من جوة الغطاء خففت من طبقات الشال بس ماوخرتة كليا خفت الشي اللي راح شوفة يأثر عليه من جانبهم لكن صار العكس والتأثير صار من دماغي٦ حفظ هالذكريات وصار يهاجمني بيهه كلما حطيت راسي على وسادة
اسمع صوت سعاد تحچي والشخص الثاني بس يون بألم وخرت الشال عن وجهي بأطراف اصابعي كانت بأخر سرير 
بلاول كانت سعاد خانگة رسن بسلك او  حبل ما ركزت لكن كان رفيع واسود

صايرة بضهرهه وتحجي بهمس
:على عنادي موو لعبتن بالبنية لعب انا حذرت وانا ماشوف نفسي خطيانة وياجن لو اذبحجن بس ماراح اذبحجن عبن الروح ل الله مو اللي بس عقابجن ياقوم لوط اللي

فلتت الحبل  ودفعتهه بين السرير والحايط رسن كانت مدنگة وتگح بقوة سعاد وهي واگفة دفعت السرير الحديد كان طابقين بس فارغ

لعد البنات اللي بي وين ، دارت وجهه ودفعت السرير بضهرهه انحسر وجه بين الحايط والسرير كدرت اطلع نص من وجهه قبل لا تسحب راسهه كامل دفعت السرير بشكل اقوة اكدر حقيقة او وهم اني سمعت صوت فكهه السفلي وهي ينكسر،

مدت اديه الاثنين على اكراف بلعومهه ووجهه سوت شخوط گامت غسلت وگعدت على السرير وضلت تصرخ

لكن صراخ رسن مغطي على صراخهه  صراخ رسن كان يصدر من الحنجرة مع رجيف اشبه بصوت الغراب لكن متألمة

دخلو الشرطة اخذوهن واخذونة كلنة يحققون بالصار يعرفون اني مريضة كلتلهم فزيت على صوت الصراخ سجلو اقوالي وطلعت
طلعت عاضة على اسناني وبالگوة رجلية شالني رجعوني لگيت اكثر من خمسة مرجعيهم ومافتحو الموضوع ابد

لكن نضراتهم فاضحتهم انهم يعرفون وما تدخلو

شلت فراشي من يم سعاد ونقلتة بصف الحايط، اللي سوتة سعاد ماتوصفة كلمات ولا تعبير، المنضر كان مرعب حتى هي صارت تخوف بذيج اللحضة

گاعدة بصف الحايط ولازمتني رجفة الجو حار وانا جسمي يرجف واحشائي احسهه تتحرك كلبي ينبض بكل قوتة تقربت مني وحدة

:شبيج حبوبة ياهو يمج انتي
مارديت بس اباوع بعيونهه ودموعي تجري
:بس لا سولفتي الشايفتة
سكتت مارديت ما اثق بيهه
:ليش شلتي فراشج لعد هية لويش تعاركت غير علمودج

من شافتني مارديت كامت جابتلي مي وكعدت يمي رادت تلزم ايدي سحبتهه بقوة وتكتفت
صار الصبح واني مارجعت نمت ابد اليوم طلعهون شغل وما اعرف شنو من رجعنا لكينة سعاد

اني اباوع بصدمة، والباقي السجينات عادي، خزرتني وعاطت
:شمالج مصمهرة بوجهي ولي مني ولي
انهزمت منهه بلا غسل ولا اكل درت وجهي على الحايط وغطيت راسي

كعدت على ضوضاء العشاء ووحدة تبيع اشياء تجي يشترن منهه على صوت اللغوة گعدت بصف مخدتي جان اكو علاگة فتحتهه بيهه صمونتين وبيضتين سلك

خفت يكونون مو اللي وتجي وحدة تضربني بعدتهن عني واني روحي صارت بيهن من الجوع ضليت اباوع عليهن  لحد ما سمعت صوتهه

سعاد:الج ذني يغبرة
درت وجهي عليهه اشرتلي بيدهه اخذهن، مديت ايدي سويتهم لفتين يااا يابة عبالك دولمة مو بيضة وخبزة

شبعت وگمت غسلت ورجعت گعدت يم الحايط درت على مكان امل ماكو ماهي هن يحجن بينهن احس وجهن مرتاح عكس كليوم

:ايي هسة يلا شفنا وجه الله عسى الله لا يشافيج ينصرة

:اي والله شلن حالنة شللهن البين

:والله كلبي ما مرتاح احس راح ترد وتنتقم من عدنة
سعاد:بيهه زود خل ترد شعدنة فارغين

صار النوب سوالف وضحك وانا مغيبة اتخيل زياد وبابا شجاي يعيشون وشنو اكلو واضافرهم طابت لو بعد... همست مشمش وضليت اشهك حبيبي شحالج هسة ماما ميتة لو عدلة غطيت روحي بالبطانية واني گاعدة

صارن سنطة ومن صرير الحديد عرفت كل وحدة راحت السريرهه

سعاد بعد ماحاجتني الفجر هي صلت وكعدت تسبح كنت بالضلام التفتت علية وحجت بصوت ناصي
:كومي يمه صلي

عرفتهه تحجي وياي كمت توضيت وتقربت منهه بتردد همست
:صباح الخير
:صباح العافية، هاج حبوبة صلي وادعي لرويحتج

صليت وخلصت صفطت شالهه وسجادتهه واطيتهم الهه

دا ارجع المكاني صاحت وراي
:تعاي كعدي هنا لا ترحين
كعدت كدامهه متجمدة، خايفة تعاقبني لان رحت من يمهه

فتحت علاگة طلعت منهه باكيت حليب وبسكت
:كمليهن بساعج
:خالة ما اشتهي والله
:ييمة لا تعلين گلبي سوي الاكلج علي
:مو خالة
:وتاااالي

فتحتهن وانطتهم اللي بالبداية ما اشتهي بس من تذوقت طعمهم طيب اكلتهم من خلصت كالت
: غسلي وتعاي
غسلت واجيت، طلعت بجامة كالت لبسيهه
صفنت صاحت علية بخفوت

:فضضيني وولج
لبستهه كانت طويلة وكبيرة لان هي اضخم مني كالت اطينياها

اطيتهه الهه بأسنانهه قصرت من طولهه وسحبت الاستيك وشدتة صارت قياسي نوعا ما

اباوعلهه متفاجأة وهي نضراتهه علية وعلى الباب

كعدت يمهه اطمئنيت لحركاتهه مثل الطفل اللي ينضحك على عقلة بحلاوة جرت راسي باستة وضلت تقرة اية الكرسي وتحوقل وتسبح

بعدة الضلام مخيم وبعد صلاة الفجر انفتحت باب السجن

دخلت وسن ووياهه وحدة ثانية
شافني گاعدة يم سعاد گالن يلا، سعاد بجت وگالت
:روحي ييمة مودعة بالله
لزمت اطراف ثيابهه وبجيت.
:خ خ خالة وووين ووين وين مااخذيني

وسن:صوتج لا يعلى وگومي لا يضربونج ومالج حيل ضربة

:وا والله والله والله مااسويت شي موو اني موو اني ما م ماااسويت شي والله

سعاد فلتت ذيالهه مني وگالت
:روحي ييمة مابيدي شي عليج والله، ربي يبريج ويخلصج تفائلي ولا تخافين الله وياج

ردت اصرخ بس التفن عليه قيدن ادية وسدن فمي باللاصق وسدن عيوني واخذوني

أيست استسلمت وطلعت يمشني ما اشوف اي شي ، وهم يمشون سمعت صوت عمر يا الله لحضة امان حسيتها من سمعت صوتة صااح

:لحضة وسن
سمعت صوت خطواتة وهو يقترب

:اقترب من يمي وتكلم بصوت ناصي

:التحقيق راح ينعاد، بطلي غباء وكافي تعترفين بشغلات ممسويتة لو كنتي تحت حد السكين

تنهد ورجع تكلم
:تماام؟

بجيت وهزيت راسي اي

:روحي يابه الله وياج، ومثل ماوصيتج ترى اخوج وابوج بالهاوية احجي الحقيقة لا غير

من كال هالكلمة احس كلبي ملخة بأضافرة بجيت ورجلية خانوني حاولت أگعد سندوني هو تنهدو گال الله وياكم وراح

صعدوني بالسيارة، وصلتني وسن فتحت عيوني بغرفة التحقيق وسعت عيوني وارتعشت وخرت اللاصق مني وگعدتني على الكرسي وقيدتني بحديد مو بالشناطة ادية ورجلية عدلت شالي صافنة بوجهي گالت

:ابريلي الذمة يمة يشهد الله ساعدتج بكل اللي اگدر علي حتى خاطرت بروحي بس هذا حدي بعد مابيدي شي

اباوعلهه بدموع خايفة
دمعت عينهه گالت الله وياج وراحت

دخل قيصر  نزلت ادية واكتافي بضعف دخل وراه الضابط الشاب اللي اخذ ترجيتي

الضابط قيصر يباوعلي صافن  رجفت ونزلن دموعي أيست من روحي گلت راح يعلگني

گعد الشاب على الكرسي اللي مقابيلي وضل يسأل واني اجاوب هالمرة كل الاسئلة تمحورت حول شهاب ودريد

اني اجاوب وعيوني تتنقل بينهم وهو كلما يتحرك او يأشر بأيدة افز

:شهاب منو ساعدة بحرق بيت عمة وسيارتة وبيت هشام محمد

:ما اعرف والله بس گال اكو خمسة لو اربعة وهو خامسهم

:اخوج ماخذهه البنية
:لا بس خطبة وماوافقو

:دريد ساعدة؟

:هو هو علاقتة بدريد قوية حيل يحبة لان دريد يساعدة وو من راح للبصرة اني شفتة راح بسيارة سودة كلش حديثة ومن بعدهه اجا دريد الصبح للبيت ويهدد وحتى ضربني وگال انتو لعبة بأيدي

تكلم قيصر وهو مضيق عينة:وشهاب عبد الخالق

:هذا عمو هو بس يكره بابا وزياد وماما بس اني ومشمش لاء

الضابط الشاب همس بأبتسامة :مشمش

انخمش گلبي بچيت وحجيت بتوسل:طفلة والله اصلا متعرف بشي

قيصر ضرب على الميز الحديد بكف ايدة وصاح:رررركككزززززي هنااااا

درت علي اباوعلة بخوف، سألني

:شهاب هم مهددكم
:اي هو دائما يهددنا بس هذ عمي ميسوي شي بس لان محترك كلبة

صفنت اتذكرت اخر مرة

:بس بس ءاااا بس هو اخر مرة هدد زياد مو بابا گالة اضيعك

حجيتها وغصيت بالكلام ووسعت عيني... ششهااب شهاب عموو لا لا مو هو هذا دريد والله

: من يجيكم هم ملاحضين علي تصرفات غريبة

:منو

:ضربني كف بكل قوتة صارت ونة براسي صصاااح ررركزي دا اكولج ششهاااب من يجي ضيف لو ياخذ راحتة طبيعي علاقتة بأهلج دائما متوترة لو بس بسبب ال............ بنت عمج

اريد ابلع ريقي حتى اتكلم ماكو العبرة خنگنتي والضربة قوية واخاف ابجي يغضب اكثر  حجيت بصعوبة

:هو يكره بابا من وعيت على الدنيا وهو يكرهه يتضاربون ويتعاركون بس زيادعداوتة وياه بس لان زوج بنت عمي

عشرات الاسئلة عن دريد وشهاب  مايقارب الثلاث ساعات كلما اصفن يضربوني

اخر ضربة ضرب راسي بقوة انضرب راسي بطرف الطاولة الحديد انفتحت  جبهتي كانت الضربة بنص الگصة فتحت اثنين سانتمتر تقريبا الدم غسل وجهي من شاف المنضر فرك جبهتة وامر الللي اسمة حسام ياخذني للانفرادي ووممنوع احد يقابلني  اني عندي فقر ونزفت

صرت دربي ما اندلة يسحلني سحل واني امشي بس كانما بغير عالم مشى مسافة طويلة بلا كلام بعدين دخلني بغرفة ماكو اي شخص يگدر يتمدد بيهه كانت
متر ×متر

فتح الحديد شمر علية بطل مي وراح بلا كلام گعدت عاجبني الغشاء اللي مغطي عيوني والنحول الصايبني ريحتي زفر دم وجهي مليان دم

زادت حالتي الى ان تقيئت يلا ارتاحت معدتي
نمت بوضعية الجنين ماكو اي حل ثاني ولا طريقة ثانية

ما اعرف شگد مر وقت وگعدوني الشرطية اللي عذبتني كانت تدغني بقوة اول ما شفتهه تراجعت للخلف بقوة وصرخت صراخ متواصل

جرتني من شالي وشعري وصارت تمشي بية  وكفتني قيدت ادية وكالت اوكفي هنا

دخلت لغرفة شوية وطلعت كالت فوتي
دخلت دخلت لدماري دخلت لنهايتي دخلت  وحدي اواجه اسوء كوابيسي واشوفهه تتحقق گدامي واني بكامل عجزي

--------------------------

مشمش

اسمع صوت شهكات رجل بس ما ميزتهه لمنو لان الصوت كان خافت هسة حطيت ايدي اريد اتحرك وفاتت نهاية

تكلمت بصوت متفاجأ:شهااب هذا انت شفتك خطفت وعبالي يتراوالي

سحب انفة مثل المنشول ورد عليهه:هلا بيج فوتي

:هاي البت وين جانت خطية ليش بقندرتهه عود وصيتجن انا

:شهاب البنية راح تتخبل تريد امهه

:وانا شبيدي والله انهد حيلي وانا اروكض من المستشفى  للمراكز، البت مالهه ذجر
و وو ليالي مو زينة ي نهاية بس لا تموت ردت فقدت ولا حس ولا نفس يحجي ويشهك

:ليش دتبجي عليهه شهاب موو كافي ترا انا مو اختك انا مرتك

حجة وياهة بعصبية وصوت ناصي امششي امشي امشي برة انا صوجي اطيج مجال اناا وين واهي وين

طلعت وسدت الباب وهو نزعني الحذاء حسيته باس رجلي وايدي وباس راسي عدل الغطاء ومسح على راسي وطلع

ماحس علية لان نص وجهي جان بالمخدة والغرفة شبه ضلمة

طلع من الغرفة باوعت من فتحت القفل شفته باوع يممة ويسرة وطلع للاستقبال هم يسمون غرفة الضيوف الديوانية

ادري اذا اسألة ميجاوبني قررت اروح واتنصت من الشباك المطل على الحديقة البرانية
بيتهم بي حديقتين

وحدة ممتدة بجانب البيت وكانت على طول البيت مساحتهه تعادل بيت كامل والثاني صايرة بين الجدار الخارجي وشباك الاستقبال  هاي بس نخلات 

رحت وكفت بيهه وحطيت اذني على الشباك صوت عمو شهاب ميحتاج مجهود لان خشن ومفضوح مهما حاول يوطي، بس صوت نهاية كان ناصي

:شمالج ولج شصابج عوزي هم انا، بيت اخوي انهد وانتي حايرة بروحج

:وهي اليوم  لوو اول مررة تنوح، ترة ورمت كلبي بسك عاد جبت عمري كله بس اريد رضاك وانت بس جسدك يمي

:صوتج الفرخة لا تگعد وتنشدني وانا ما اجرع نضراتهه والله شكللهه لو نشدتني وين اهلي

سألته بصوت مخنوك تخبي عصبيتهه: واخوك بعدة بالمستشفى، اذا طلع انقلهم وكافي رد لهنا ترة انا دم ولحم ما اتحمل كل هذا

تحسر وجاوب:كلش منتهي الطك كله على كلياتة وصاير عجز ومايخلون احد يطبلة، شجيب هم مبرينهم اصلا حتى اجيبهم، عسى الله ماخذ عمرك وماردك يشهاب

:ليش اسم الله انت شبيدك وماسويت مو زين وجاي تراكضلهم، ولا شوف حالنة وبيتنا بسبب زويدان هسة لو اشوفة موذر مايرف گلبي علي

:وزياد بينه وبين الموت شعرة مشوهينة حتى سنونة مكسرة اضافرة مشلعينه مگطعين منة وذر اشوف. راح يموت يعابيني الله كون

:شني حجيت وياه
:ماكو دقايق عود دفعت مبلغ شكبرة،يلا وصلت لمجانة مايحجي جنه مخلوس الفرخ، بس كبل لا يطلع گال
:عمو والله ما مسوي شي، گول ل اهلي اني بريء
منين مايحوس يصيح اخ، انوب نشدني على رانيا يبجي..
هدم حيلي لو اعرف ابيع بيتي واردة لمة

:اللع يفك اسرهم شبدينة، كافي تحمل روحك قهر شبيدك انت
اسمع وعيوني تجري من گال
:رانيا اضنهم جاتلينهه ولج ماضل مكان مادورته حتى شيوخ وديت عليهه وماكو

صررخت بكل صووتي ضليت اصرخ وابجي..رررررراااااانيييياااا رانياااا لا متموووت لااااااا لااا لا جذذااااب جذذذاب جذذذاب

ركضت للباب اريد افتحهه واطلع من شوغة كلبي اجا بسرعة انرفعت من الكاع ودخلني للغرفة 

شهاب:اسم الله ااسسسسم الله بابا اسسسم الله  يغسلون بوجهي بالمي واني بس اصرخ وابجي اريد اخلص رووحي منهم حتى اطلع ماااكو

على صوت صراخ دخلت بيبي.

:يمة اسم الله شبيهه الفرخة شهاب مااااكافي فويد يووومية كاتلههه اجييت زووود عليههه

:يمه مااطاكهه بس سكتيهه فدووة

تدنت علية بيبي حضنتني لصدرهه واني ارافس

:اسم الله الرحمن شمالج يبيبي ششصابج شبيهه الفرخة شهاب

:يمة والله ماكو شي عبالهه اخيتهه ميتة، يبة والله ماميتة انا من يمي احجي شلج غرض بية

:لاااا لاااا بيبي كال زيياد شالعين ادي وبابا بالمستشفى ورانيا ماتت هووو كال

بيبي تحجي وتنتحب:اسم الله ييمة لا تفاولين على اخيتج ادعيلهه تردلج سالمة غانمة ويلم شملك بعويلك يعماد يبني

وخرت منهه ووكفت يم عمو، مسحت دموعي وحجيت بأصرار :وديني يلا وديني لماما حتى لو بالمستشفى اقبل اني انام واكعد بالمستشفى وحتى ما اطلب اكل

:ماايصير يبووية والله مايصير عليهه رقابة من الحكومة والدكاترة

صررخت ببكاء:للللعد ششلووون اخذت خاااالةة هي مووو يمهه

:ولج جاااا غير تدير باااالهه عليهه جاا اخليهه لووحدهه

:والله انهزززم واررروح وحدي  وووديني مااا اريدكممم

جرني من اذني وخزرني خفت منة سكتت وضليت اباوعلة: هالمررة كلتيهه انوب لو انعادت اذذذبحج البت التشرد تنكتل حتى ابوج لو درى يذبحج دير بااالج

شاف اثر بخدي رخة ايدة من اذني وتلمس خدي هاي شني يمة ياهو الطاكهه

:محد تعورت
:لااااا ما تعورت هذا عمو فؤاد موتني كتل لان كلت لهشام منى متحبك اجا  ضربني على وجهي وكلشي حتى جر شعرري

وسع عيونة بصدمة وباوع لبيبي:ششصاير يمه ششني السالفة  شسوويتو وي الولد

:انسدت يمة كلشي ماصار اتوكل روح غسل وارتاحلك شوية

من راد يطلع بقيت واكفة مدمعة ويائسة واباوعلة رجع علية حضني وگال الا اطيح حضة فويدان يطك عزيزة كلبي

:عمو وديني لبيتنا ما احب هنااا

:لو اعرف اذب حلالي ومالي يكون اردلج اهيلتج لا تخافين بس اطيني عطوة خنشوف دربي وصيري حبابة

باس راسي وطلع،

ضليت بفراشي اتخيل الدنيا بدون رانيا اتخيل زساد يتعذب وبابا اعض بأضافري احس بلالم شلون تألمو لو اكرص ايدي ضليت الليل كلة اتخيلهم

من گعدت كالو عمج رجع هو وفؤاد لبغداد جان جايبلي حلويات كومة كعدت اكل وسمعت صوت غريب يجي من الحديقة طفرت من الكرسي وطلعت من باب المطبخ ركض واشوف خروف صغير ابيض يلمع

اجا الصوت من وراي، تحجي وهي تمشي وشايلة بأيدة باقة خضرة كبيرة

نهاية:هذا جابة عمج خطية امه ذبحوهه يكول خل تدير بالهة علي علما ارد وابيعه

يعمررري خطية صغير احجي وامسح على الصوف

:جوعان يرووحي  لتخاف اني ادير بالي عليك

سمعت خطوات نهاية تبتعد حاجيتهه

:عمة عفية لتدعين على اهلي وزياد

باوعتلي متفاجأة:بعد عمتج شعندي وياهم وادعي عليهم
:دتكولين تتمنين زياد يموت ويتوذر

:لا يگلبي انا صح ما احبة ما اجذب عليج بس ما ادعي علي ولا عل. غيرة

هزيت راسي ورجعت للخروف

بالليل اجن عماتي خالدة وساجدة  متزوجات بغير منطقة اتفقن واجن، مرتين اجن قيل هالمرة وسويت روحي نايمة هواي بجن ويحضنن بية بس اللي يزعجني كلامهم عن ماما شبيهه شمسوية وهيج ميحبوهه

بالرغم ما يسبونهه بس واضح مايودنهه، عمة سمية طاردتهه بيبي مرتاحة منهه هاي ابد متسكت ولا تلزم لسانهه

اني گاعدة يم بيبي بالغصب وهن يسولفن  يحاولون يشاركوني تأذيت احس ما اگدر اكون هنا سحبت نفسي بيبي صاحت وراي

:وين رايحة مشيمش عماتج جايات يشوفنج

نزلت مني دمعة قهر واني اباوعلهن :بيبي نعسانة خا انام فدوة

عافتهن واجت يمي دخلتني للغرفة مدت الفراش وگعدت يمي واني اناشغ بحسرة خيالات اهلي مايفارقني الى ان نمت بحسراتي

________________________________

سرى

اندفرت الباب دخل مرتضى عاقد حاجبة فزيت من منضرة كان نضرته كأنه راح يقتلني

اكره الخوف اكره الضعف اكره هلايام اني تربيت عزيزة نفس مدللة، رغم بابا ماكان متواجد بس امي كانت مثل نبع قوة ودلال ماعطشت قوة ولا احتاجيت حنان ولا تنازل، كانت كلمتي قوية ماكو تردد

هسة اني ما اعرف نفسي اني مو سرى اني انسان ثاني حتى نغمة ضحكتي تغيرت حتى كلامي صار بضعف اخخخ يا ماما ياريت متت وياج وخلصت

من دخل فزيت حطيت ايدي على گلبي، من تقرب رفعت ادية اغطي وجهي ودنكت راسي خفت يضربني

صرخ بصوت عالي:نزززلي ايدج تدررين بية ماا امد ايدو عليج شكو هيج تسوووووين هيج ليش تحفرين براسي صوور تقهرني مزززلي ايدج

نزلت ايدي ببطىء رفعت الشعر عن وجهي وتكتفت مقلصة نفسي

:شتريد مرتضى
:اخذتي قرارج انتي وخالج متجاهلة وجودي تماما مثل كل مرة

:لا تحجي هيج

صاح بية ويضرب على جوانب راسه:لعد شششششحجيي سرى موو هيج جاي يصيير جاااوبيتي بسس هالمرة غير راااح تخسررريني والله كااافي تعبت منج

:لعد مو راح اروح ارتاح مني
لزم شعري من ورا بقوة وقربني الة حط خدة على خدي ويحجي وهو متعصب

:لاااا تستفزززيني لااا تسسوين هيج لج اهصصابي تعببت دمررتيني حرررام عليييج انااا من وووين يجيني نووم وانتي يمهم ماااكو متروحين

نزل ايدة من شعري وعصرني بحضنة حاط وجهه برگبتي وبشعري

لفيت ادية على ضهرة :لازم والله لازم حتى نخلص منهم تجي تاخذني منهم غصبا على الكل واصير عروستك

:فدوة كافي لا اتعبيني لا تخافين اني قابل طفل ما اعرف احمي نفسي واهلي مرريتي حبيبتي، عساني اموت ولا اخوفج فززت گلبج اني يروحي انتي

:ما اريد اروح غصب عنك فدوة، وافق وخل اروح فترة ورجعني واذا مقبلو ننهزم ونسوي اني وياك اخرر مرة اتحملني وبعدهه شتكول انفذ وداعة عيونك

:متروحين سامحيني يعمري بس والله ما اگدر اموت اني اتخيل اللي يصير بيج انتي حبيبتي وامانتي ورويحتي اذا صارلج شي اموت

اباوعلة مستغربة وبس اردد بأسمة وهو يجر بية  لغرفتي  دفعني وسحب موبايلي وقفل الباب علية من برى

ضليت اصيح وادگ بالباب :مرررتضى افتحهه للباب والله يقتلووون خاالوو لوو انت كااافي افتح  مررتضى لا تششلع گلبي 

ابچي واصرخ، اسمع خالة دخلت تحجي ويااه بصوت نااصي

:يا ماما خليهه تروح يجوز يطلعون اوادم انت ليش هيج دسوي

:كااافي كااافي اسكتي  البية مكفيييني

:والله خبلتك هالبنية من عرفتها مشفت راحة ورضينا وحطيناها بعيونة بس يا امي  هسة حياتك بخطر

:خططريش يووم خواي مااخذين مقلب بنفسسكم شنوو دا اواجه عصابة اني

:عصااابة اي عصاابة متوورطين بأكثر من جريمة قتل وابوهه واحد من الناس لعد شنوو اذا مو عصابة

:رررروووووحييي رووووووحي لا يطلع مني حجيييي ما يعجب احد

يحجي بصياااح عالي وخالة اختفا صوتة واني بقيت اتوسل من ورى الباب

:مرتضى فدوة افتح.. ليش تقهرني مو تكول احبج.... والله ارجعلك حبيبي انت شعندي غيرك... هم حقهم الناس عرفت اني بتهم وهم تفكيرهم مختلف اروح وا
جعلك بلا هموم والله اريح كلبك وحتى بعد ما ابجي ولا اضوجك... مرتضى فدوة افتح خل اودعك والله لازم اروح

:حسيته گعد ورة الباب:راضي بأذيتج وحزنج ودموعج  راضي اموت بس فكرة ترحين شيليهه من راسج

:يروحي بس افتح نتفاهم

:تعودتي تبيعيني سرى من عرفتج وانتي تبيعيني.. هالمرة اذا رحتي تخسريني

سكت واني بقيت ابجي مترددة اروح لو ابقى نمت ورة الباب

كعدت على صوت الاذان توضيت وصليت  دعيت الله يحفضني ويبرد گلب مرتضى وخالو  اندگت الباب  گمزت عرفتهم اجو حطيت راسي على الباب  اسمعهم

مرتضى:خخخييير شعندددك من فجر الله شكوو

:هههههههه ماعليك عتب مو ابن اصول ما تعرف تحجي فوت صيح بت اخوي وتأدب

:ماااكو ولييي بنت اخوووك مررتي، سالفة تطلع منة كطنة وشيلهه من اذانك

:سوالف الزعاطيط مالي حيلهه فوت صيحهه خل تجي اتاخرنا هم يالة نرد لهلنة.. وووووينننج عميي

اشششتد الصياح بينهم اني انخرست خفت احس تراجعت ما اگدر ما اگدر ارروح مجرد صوته يهز روحي شلون اذا رحت

صار صوت خالة وخالو والبنات  بوقت الفجر

:روحو عميي رو حو مناا وكفونا شركم  البنية مو بس ابنيتنة هاي امانة ابوها وامهه

:خاب شوف المگطم هم يعرف يشور علية

من تكلم هيج صاارت عركة صار اكثر من صوت اصوات ميزتهه واصوات ماعرفتهم  خالة ام مررتضى صاااحت

:انطيهم بتهم خل نخللللص كاااافي عاااد... جوووة بتكم بغرفتهه اخذذذوهه

مرتضى:يووووووم

:كااافي عاااد زهكنااااا 
صاح بيهه ورجع يتعارك فشاار وغلط وصوت عاالي استمر مايقارب النص ساعة

اني ورة الباب واندگت... فتحييهه سررى فتحييهه وطلعي وليي ابنيي وخالج  راح يمووت بسببج ااااطلعييي لووين خاااتلة

:خاالة مقفولة ماااعندي مفتااح شلون اطلع

فتحت الباب باوعتلي وگالت :اطلعي روووحي اخصميهه ولترجعين لخد ما تنخصم السااالفة امشششي

سحلت الشال وودتني ادفع بيه من طلعت مرتضى كان يتعارك بهت وجهه وركض عليةة

يسحب بية وصووتة يررجف
:فوووتي فوووتي منووو طلعج  يمشي ويخزر بأمة اللي شهرت الدنيا بالصياح

انسحبت من ايدي الثانية كان حميد.. انطا مرتضى دفعة بأثنين ادي

:بت اخوووي تجي ويااا اهلهه وبعد حتى مرة مالك يمي على فعلتك  واكفين بضهرة ثلاث رجال واخوي حسن

ضل يصيح وكلما يريد يتقرب يدفعوونة

تدنة يمي حسن وعافهم يتعاركون

:ماا تمششين شماالج فضضينة هم ايون ورانة (يجون)

جرني من ايدي وطلعت صوت مرتضى من البيت يصصيحح:لاااا تررررحييين اررررجعي مووو اححجججييي وووياااااج

من طلعت شفت خالو يصيح وبالكرسي ميگدر يدخل لان باب بيتنا درج صغير

فلتت ايدي من حسن ونزلت على ركبي ابووس برجلة  وايدة

حسن :ااامششي وعووفي التلوووك ماااعندج كرررامة مااا عندج حيا

:ليش خالو هيج سوويتي لييش هسسة شييخلصج

:شنهي شيخلصهه ترى احنة اهلهه انتم خلك خوال والخال مخلة والعم مدنة يعمي گووومي وولج

ام مرتضى ماااسكتت جووة تصيح مووتو الولد اجيييت ارررجع بس هذا رغم اصغر مني بس اقوة مني

مروة ورقية جوة صارت العركة قبل مايطلع الضوة بعدين طلع حميد واثنين وياه ما اعرفهم يضحكون  جرني من زندي واني اتعارك اريد افلت روحي ارروح لمرتضى خالة تصيح

:ييييبووووو مااات الولد وتدعي وتغلط والبنات كذالك، عفت خالو يييصييح بكل صووتة

:ووووينكم يااابه لججج مرررروة تعععااااليلي يااابة

وصلنة دفعني بالسيارة بالورة  شفت الاثنين الباقين صعدو سيارتهم وتحركو وهو حرك سيارته لحگهم لويات الخوف غزت بطني

:اييي هسسة انتي بنيتنة وعلى گلب اهلج

حسن:يا بنيتنة عمي غير لوما خاطرك ماا اووصل لهناا ماشفتهه وهي تحبب بريلين المگطم

:تأدب لااا تحجي هيج عن خالوو يسووى راااسك

دار علية متفاجأ :هااي علية

:اي عليك لعد تحجي عن خالي وتريد اسكتلك راد يمد ايدة يضربني

حميد وكف السيارة ورجعه لمكانة والتفت علية :مناااا لووومن نوووصل اذا هيست حسسج اخلي اخووج ايحوس مصارينج هنااا اصبري نووصل ودواج هناك

متت خوف سكتت ودنكت وهم سكتو، جان يسووق بسرعة مخيفة مستهتر ويسابق بالسيارات هبط كلبي بالطريق... وصلنا لبيت الشوم اول ما نزلنا حسن تكلم

:فووتي جوة خزيتينة ابنطروونج طاح حضج وحض امج

دخلت ابسرعة وعطت بي اددبسسزز انت بعمرررك ماا تررربييت محدد علمك عيب تغلط على الاكبرر منك

كملت كلامي وهجم علية طفر علية مثل الحيووان.. جررني من ششعرري وصار يضرب بوجهي بوكسات بكل  قووتة وصغير بس طويل اني اطول منة بس ماا لحكت حتى افتح عييني

على راسي وبطني وكتافي  حميد يحجي وياه برهاوة بسسسك يحسسن مووش هييج لاا تتخبل  ولك بسسك عوفهه

حسن:لاا عمي خن اربيهه العااشكة ام الختلاات

سحبة مني حميد وهو يتهدد طلعن اثنين نسوان
ربابب زوجة بابا وبيبي ومحارب

:هااااه اجيييتي يبت ام السرطان اييييه شكو منهه هلاا بيج وهلااا بجيتج

الحجية:مالك يمة حسن گلبك مفرفح علييش

:جدة هااي.......  ماتعرف الترباية انا انا تغلط علي

:حشاك يجدة كون مامتربية نربيهه.. دارت علية خزرتني شهالخزي اللابستة ها المگرن العاشكتة مايعرف يردج

حميد:ماااكو مالهه ردة بعد خلهه هنااا تخدمج وتخدم جدهه شنهي عايفين عرضنة امطشر... وهذاك لوو عتب ووصل انجان هالمرة خليتة عايش هالمرة ادفنة

رباب :كوووومي كووومي ام المحاااكم  عدييمة الترباااية خطافات الزلم كووومي طبي غيري ثوووبج

كاعدة يالكاع واباوعلهم من واحد لواحد.. ششسوويتي سرى ششسوويتي ووين مرررتي رووحج  منو رااح يرحممج.. لا لاا هاي بسس بالبداية ماايصير شي اهم شي مايقتربون من بيت خاالو

انكسرت صفنتي بدفرة بضهري..

حسن :مووو وووياااج مااا تسسمعين امي يالعااشكة

كمت اسسحل بروحي راسي يفتر بلعت الساني مكسورة خاطر شأداافع ووشحجيي 

رفعت راسي البيت كبير بس متهالك وقبيح  مو حلو الطرمة مالتة صبة مو كاشي ولا سيراميك والمنطقة مالتهم انتبهتلهه تراب مو تبليط حتى  دخلت من الباب للصالة وعلى جانب المطبخ والجانب الاخر الاستقبال  البيت الحيطان متقشرة والصبغ قذر 

:وين اروح
رباب:راحت روحج عسى راحت روحج شني ماعدج هدمة فلس شمالهم ودوج بطرك عمرج

:جبتوني سحل  شلحگت اجيب وياية

اجتني تركض وجرتني من شعري وتعت بي
:ملااسن ماريد يبت ام الزلم
:دفعتهه وحجيت...ماما ميتة شعلييه تسبينهه

نزل عمي سليم من الطابق الثاني يصييح  ويمشي بأتجاهي:وولج انااا من جيتي لهسة اسمعج تلاسنين ومتحملج... انتي شااايفة روووحج لووو شنهييي

دفرات دفرات كان ضعيف كلش ووين ماتجي ضربتة تشووغ روووحي

صاحت جدتي من غرفتهه:ولك سسلييم بطل من البت من لاااخلاها ولا رضا عنهه خاايب ابووك مرريض انااا منيين ايتني هالمصيبة ربيي ولك شششيلهه ذبهه يم فررحة

:عمة وين يم فرحة انا بنيتي شريفة نضيفة انا خافن عليهه من هاي ام اخلاك مسكطة

حسن: شحددهه وعلي انووب مااا ارحمها تگعد وتسكت وتنطم هنااا وفريحة وانا نربيهه

بالدفرات والدفعات دخلوني بغرفة فرحة

جانت نايمة على بطنهه.. هاي الهوسة كلهه ماكعدت... حلكي كلة دم واشهك وخانكتني العبرة شللون رااح تخلص ربي يمتة تااخذ عمري تعبت والله تعبت

شوية وطبت بنية شابة تبجي.. وتمسح بدموعهه... انطتني دشداشة قديمة  وكبيرة  لونهه بني غامق وبيهه نقط سود

حجت بصوت ناصي:كومي لبسيهه لا يردون يطكونج

:فدوة وين ابدل
:روحي للخلا فارغ بدلي بي بس دير بالج لا تطيح ذيالهه.. اكلج رحمة لمج لا تفهين بوجهي فضيهه واطلعي ترة يردون بس حجة يطكونج عليهه

طلعت تمشي واني وراها مدت ايدهه اشرتلي على المرحاض،لبست واني اباوع لكلشي بقرف كلشي ميعجب هاي شلون متحملين العيشة

لبستهه وخلصت اندگت الباب.. طلعت لاگاني محارب

:س س سررى ءا ءا ءا ءانا مادري بيج هنا   ررر ردي ردي طبي رردي

حجيت واني ابجي من الالم:لا معندي شي بس بدلت

:لء لء لااا ررد ردي ردي اااا اكلج

:طلعت ومسحت على خدة ورجعت لغرفة فرحة نايمة على فراش بلارض.. بيهه ميز بي ثلاث جرارات  وجرارات بلاستك حطيت ملابسي عليهم.. اباوع على رجليهه متفطرة ومطينة والغرفة ريحتهه مو طيبة

دخلت رباب وتكلمت بأمر

:كومي كومي شنهي اميرة وكاعدة هناا

بعد مابية حيل ضربة.. كمت وياهه بكل طاعة  تأمرني واني انفذ اني والبنية الشابة وهي واكفة على روسنة وتضرب بينة

ثووول موو هيييج... ماا متربياااات..........  يلا ركبن الغدا اليووم امي الشيخة اتغدة عدنة

تذكرت امها هي المرة اللي اللي شمرنة عليهه قذارة الحمام رجفت ايدي من وحدهه
حاجت البنية بأمر

:زينب انتي ركبي هاي فاهية بس امري عليهه حتى تفضنهه كنا لساعة كلشي اريدة زااهب

:صار

طلعت هي والبنية تشتغل بخفة ايدهه واني صافنة ما اعرف شسوي اريدهه تأمرني حتى اساعدهه

حطت اربع دجاجات بطشت كبير ويمهه گدر مي حار تغط الدجاجة وتهلس الريش 

تكلمت بصوت ناعم وهي مكرمشة وجهه من حرارة المي
:انا مرت عمج سليم... بس ماعلية منهم مو تشيلين بگلبج علية ترة مالي حيل حوبة يتيم البية كافيني

مسحت دموعي بردن الدشداشة
:عفية بشنو اساعدج
:طلعيلج ست روس بصل وكشريهن... صفنت عليهه ستة

:هاااه ماتعرفين، بتيتة تعرفين تكشرين

هزيت راسي اي

كامت اطتني مجانة متروسة وشمرت عليهن سكين
ورجعت گعدت

اقشر وهي كلساع تباوع لايدي ماعاجبهه  بس ساكتة بعدين اخذتة مني من خلصت تقطيع الدجاج والبصل اجت اخذته مني وحجت

:حبيبة لا تصيرين فاهية تشبعين مدمغة

كامت تنطيني شغلات بسيطة وهي تشتغل بالطبخ غسلي هاي سوي هاي جيبيبي هااي  من تسمع ونيني تركض تساعدني

الساعة بالوحدة صاارت اصووات نساء هووواي وفاتت فرحة باوعتلي وكالت هاااه اجييييتي وراحت تصصيح هناااه بيبي هناااه طبي ططبي

اسمع حميد يگلهه اسستهدي بالرحمن شيخة خنتفااهم، وهي تصصرخ لاااه وووللييدي ضيعنةة

وووينهههه ووووينهههه الضيعت ابني ي وووينهه ام المحااكم

انخمش كلبي محاارب دخل للمطبخ يركض

:ااا ال البدي ااالبدي (اختبئي) بيبي تتتدور عليييج اررركضي ولجججج

زينب تباوعلي مدمعة مكسور خاطره وهذا يصيح البدي
:ووين ووين ارررووح ووين اوولي

___________________ يتبع

✨انتظر تقييمكم وتعليقكم وتشجيعكم  حتى نستمر سوى انتو قراء واني كاتبة خلو تكافؤ اني اتعب بالكتابة وانتو شجعوني🫂💕

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

احبكم🫂💕