ដងវិថីដែលជិតពាក់កណ្ដាលក្រុង ទម្រាំនឹងមកដល់វិមាន Jeon ក៏អាចនឹងប្រើពេលយូរគួរសម ប៉ុន្តែមិនមែនសម្រាប់អ្នកកម្លោះ Jungkook ឡើយ នាយបើកតែ 10 នាទី ម៉ូតូក៏មកឈប់ពីមុខផ្ទះខាងក្នុងទៅហើយ ។
ងឺត~ ម៉ូតូធំរបស់រាងក្រាស់ចាប់ហ្រ្វាំងងក់ អ្នកបម្រើឈរមើលលាន់ ដែលគួរឱ្យភ្ញាក់ផ្អើលបំផុតនោះគឺវត្តមានរបស់ Tae ដែលតោងពីក្រោយ Jungkook អោបចង្កេះគេជាប់ទាំងគ្មានហ៊ានងើបមុខអីបន្តិច ។
«ដល់ផ្ទះហើយ បងចង់អោបខ្ញុំដល់ណា!!»រាងសង្ហារ ស្រដីលលេងទាំងសើចស្រស់ ត្រេកអរណាស់បានធ្វើបាបគេបែបនេះ ។ ចំណែក Tae គេមិនបានចាប់អារម្មណ៍នឹងពាក្យនាយទេ ប្រឹងប្រវេប្រវាចុះពីលើម៉ូតូទាំងលំបាក វិសនឹងដួលទៅហើយ តែបាន Jungkook ជួយទប់ ។
«បងយ៉ាងម៉េចនឹង ok ឬអត់»Jungkook សួរខណៈដែលកំពុងតែចាប់ដៃរបស់គេ ។
«មិន-មិនអីទេ!!»Tae ក្រវីដៃប្រាប់ថាមិនបានកើតអ្វី ទាំងដែលមើលផ្លូវលែងត្រង់ទៅហើយ មុននឹងប្រលេះដៃចេញពី Jungkook តម្រង់ចូលទៅក្នុងវិមាន ។
«បងប្រាកដហើយហេស៎ ថា ok»Jungkook នៅតែស្រែកសួរបន្ថែមដើម្បីបញ្ជាក់ តែគេមិនបានតាមទៅឡើយ ឯ Tae ក៏មិនបានតប គេគិតតែពីដើរ ។ ចូលមកដល់ខាងក្នុងក៏មានអារម្មណ៍ថាស្ងាត់ប្លែក បើ Irin នាងនៅសាលាពេញមួយថ្ងៃតែម្ដង ទាល់តែល្ងាចទើបចេញ ចុះអ្នកផ្សេង ?
«អ៊ំសេម គ្រប់គ្នាទៅណាហើយ»Tae
«អ៎...លោកស្រីនិងលោកប្រុស ជូនលោកយាយទៅប្រលានយន្តហោះតាំងពីព្រឹកឯណោះបាទ»មេការសេម
«តាំងពីពេលណា ហេតុអ្វីគ្មានអ្នកណាប្រាប់ខ្ញុំ»មិនអោយ Tae សួរទាន់ទេ រាងក្រាស់ដែលទើបនឹងមកតាមក្រោយពេលដែលលឺបែបនេះហើយ ភ្ញាក់ដូចគេទះ ។ លោកយាយត្រឡប់ទៅវិញទាំងមូល ប៉ុន្តែនាយមិនបានសូម្បីតែទៅជូនដំណើរ ។
«គឺ...លោកតាជាអ្នកខលមកតឿនលោកយាយអោយត្រឡប់ទៅ ព្រោះនៅទីនោះមានការ ទើបបន្ទាន់បែបនេះ»
«យ៉ាងណាក៏គួរតែខលប្រាប់ខ្ញុំមួយម៉ាត់ដែរ ឬគ្រប់គ្នាគ្មានទូរស័ព្ទប្រើទេ»Jungkook ប្រើសម្ដីធ្ងន់សម្លុតគ្រប់គ្នាអោយបាក់ស្បាត រាល់ថ្ងៃនរណាមិនខ្លាចលោកប្រុសចិត្តក្ដៅម្នាក់នេះ សឹងតែលូនក្រាបម្ដងៗទៅហើយ ។
«ព្រោះជាបញ្ជាលោកប្រុសបាទ...ពួកយើងមិនហ៊ានល្មើសឡើយ»បើគាត់មិនអោយខលទៅផង នរណាហ៊ាន ឪពុកក៏ខ្លាំង កូនក៏ខ្លា រាល់ថ្ងៃពួកគេដូចជាចំណីសម្រាប់ឪពុកកូនទាំងពីរនេះសម្លឹងសម្លក់មិនខុសទេ
«ហឹស ប៉ាចង់លេងជាមួយខ្ញុំហេស៎ បានតើ»Jungkook ក្ដាប់មាត់ទប់កំហឹងទាំងម៉ួម៉ៅជាខ្លាំង កាលដែលគាត់មិនប្រាប់ព្រោះចង់ផ្ដាច់ទំនាក់ទំនងគេជាមួយនឹងលោកតាលោកយាយ ដើម្បីឲ្យគាត់ងាយស្រួលត្រួតគេនោះអី ។
«Jungkook ចង់ទៅណា»Tae រហ័សទៅស្ទាក់មុខរាងក្រាស់ដែលកំពុងតែឆេះឆាប នេះនាយចង់ទៅបង្ករឿងឯណាទៀតហើយ ។
«ចេញពីមុខខ្ញុំ Tae»សម្ដីរឹងកំព្រឹស ដាក់កំហិតលើរាងតូច គេមិនចង់លើកដៃច្រាន Tae ឡើយ ទើបស៊ូប្រើសម្ដីជំនួស ។
«ឆ្លើយនឹងខ្ញុំសិនមកថាលោកចង់ទៅណា!!»Tae នៅតែត្រដាងដៃបាំងផ្លូវជិត មិនព្រមជៀស តែពិបាកបន្តិចដែលគេមានកំពស់ត្រឹមករបស់ Jungkook ដូច្នេះហើយគេត្រូវការងើយនិយាយ ។
«ទៅរកសេរីភាពមកវិញនោះអី បងមិនឃើញទេហេស៎ ថាគាត់កំពុងតែចង់ត្រួតក្បាលខ្ញុំ!!»Jungkook គំហកឡើងខ្ទរវិមាន ខណៈដែលពួកបម្រើលឺហើយនាំគ្នាឱនក្បាលចុះមិនខ្ចីងើប ។
«គ្មានអ្នកណាបិទសេរីភាពលោកទេ Jungkook ហើយក៏គ្មានអ្នកណាមកត្រួតលោកបានដែរ រាល់ថ្ងៃមានតែលោកប៉ុណ្ណោះដែលឈ្លក់វង្វេងនឹងខ្លួនឯង មិនខ្វល់ពីអ្នកដទៃថាគេលំបាកប៉ុណ្ណាដោយសារលោក»Tae តបទៅរាងក្រាស់វិញមិនទម្លាក់មាត់តាមចិត្តដែលចង់ដាស់សតិមនុស្សធំគំនិតក្មេងម្នាក់នេះ ស្របពេលដែលពួកបម្រើព្រមទាំងមេការកំពុងតែចំហរមាត់ចាំស្ដាប់មិននឹកស្មានថា Tae ហ៊ានស្ដីអោយគេបែបនេះ រាល់ថ្ងៃក្រៅពីលោក Jeon គ្មាននរណាហ៊ានប៉ះគេឡើយ ។
«មែន!! ខ្ញុំឥតបានការ ខ្ញុំតាមតែចិត្តខ្លួនឯង បងវាយតម្លៃខ្ញុំគ្រប់បែបយ៉ាងទាំងដែលបងមិនធ្លាប់ព្យាយាមយល់ពីខ្ញុំសូម្បីម្ដង បងគិតថាគ្រប់គ្នាល្អ មានហេតុផល ចុះខ្ញុំ? បងមានធ្លាប់គិតទេថាខ្ញុំនឹងក្លាយជាបែបណា បើលោកប៉ាត្រួតត្រា បិទសិទ្ធិខ្ញុំគ្រប់យ៉ាងនោះ»គ្មាននរណាយល់ពីគេទេ គ្រាន់តែចង់ដើរតាមក្ដីស្រមៃ ធ្វើជាអ្នកផលិតហ្គេម វាអន់ណាស់ហេស៎ ? លោកប៉ាគេបែរជាបង្ខំឱ្យចូលបម្រើជាតិទាំងដែលនេះមិនមែនជាអ្វីដែលគេចង់ធ្វើឡើយ ។
«ខ្ញុំគិតថាខ្ញុំមិនចាំបាច់ស្គាល់លោកទេ ព្រោះបើធ្វើទៅហើយក៏មានតែភាពឈឺចាប់ ការខកបំណង ស៊ូកុំជួបគ្នាតែម្ដងវាប្រសើរជាង»សម្ដីវាយប្រហាររាងក្រាស់អោយស្ងាត់មាត់ Taehyung ប្រើក្រសែភ្នែកដែលពោរពេញទៅដោយអារម្មណ៍យ៉ាងជ្រាលជ្រៅស្មានមិនត្រូវថាគេឈឺប៉ុណ្ណាសម្លឹងទៅ Jungkook មុននឹងបោះជំហានដើរចេញ លែងចង់តតាំងជាមួយនាយតទៅទៀត ។
«ក្នុងក្រសែភ្នែកបងខ្ញុំអាក្រក់តែរហូតហ្នឹង»Jungkook បន្ទរសម្លេងពីក្រោយមាឌតូចដែលឆ្ពោះទៅខាងលើមិនសូម្បីតែងាកក្រោយ ចង់នាយស្រែកយ៉ាងណាក៏គេមិនខ្វល់ ។ នាយឈរសម្លឹងផែនខ្នងមនុស្សដែលចិត្តដាច់ចាកចេញពីនាយទាំងគ្មានអាឡោះអាល័យ ។
ឈានមកដល់ពេលល្ងាច Tae រៀបចំខ្លួនដើម្បីទៅចូលរួមកម្មវិធីតាមដែលបាននិយាយជាមួយនឹងមនុស្សចាស់ យ៉ាងណាគេក៏បានខលសុំអនុញ្ញាតពីលោកស្រី Jeon កាលពីថ្ងៃដូចគ្នា និងបានប្រាប់ទៅ Jiho ផង ក្រែងថានាយនឹងរក ។
«ថ្ងៃនេះប្អូនបងស្អាតណាស់ ប្រយ័ត្នកម្លោះៗគេមកញ៉ែណា បងមិនបានទៅជាមួយទេ»Jiho នៅអង្គុយញ៉ោះក្មេងដែលឈរបាញ់ទឹកអប់មុខកញ្ចក់ គេទើបនឹងមកពីបន្ទាយទើបឆ្លៀតជូនគេទៅកម្មវិធី តែនាយមិនបាននៅបណ្ដើរឡើយ ព្រោះត្រូវត្រឡប់មកមើលនាងល្អិត Irin វិញ ។
«ឆឹស អោយគេញ៉ែទៅ បងចង់អោយខ្ញុំនៅព្រៅតាមបម្រើបងដល់ចាស់ហេស៎ តិចថាពិបាកខ្ញុំប្ដូរចិត្តយកបងធ្វើប្ដីវិញ»
«បងគ្រាន់តែប្រាប់ប៉ុណ្ណោះ ការពារខ្លួនខ្លះក៏ល្អ មនុស្សសម័យនេះទុកចិត្តមិនបានទេ»
«បាទទទទ...បងប្រុស!! បារម្ភដល់ហើយ ផ្ដែផ្ដាំច្រើនយ៉ាងនេះដូចជាតាចាស់យ៉ាងចឹង»
«អា៎...គ្រាន់តែប្រាប់ក៏ខុស បើរួចហើយ ពួកយើងទៅៗ »ពួកគេបណ្ដើរគ្នាចុះមកខាងក្រោមទាំងទឹកមុខម្នាក់ៗស្រស់ពព្រឹម ព្រោះតែរឿងមុននេះធ្វើអោយមិនទាន់អស់ចំហាយសើច ។
«ហៃយ៉ា!! ស្អាតណាស់ Tae...នេះនៅដល់យប់ឬអត់កូន»លោកស្រី Jeon រហ័សមកទទួលរាងតូច ចាប់ដៃគេមកកាន់ទាំងបង្វិលឆ្វេងស្ដាំមើលការតែងខ្លួនរបស់មាឌល្អិត សាកសមជាកូនអ្នកខ្ពង់ខ្ពស់ពិតមែន ។
«មិនទាន់ច្បាស់ទេម៉ាក់»
«បើមកវិញពេលណាខលហៅ Jiho អោយទៅទទួលលឺទេ កុំជិះតាក់ស៊ីផ្ដេសផ្ដាសគ្រោះថ្នាក់ណាស់»លោកស្រី Jeon ស្រដីទាំងបារម្ភ គាត់ដូចជាពេញចិត្តនឹងកូនប្រសាររូបនេះដល់ហើយ ។
«បាទ...»
«aww កូន Jung ចង់ទៅណានឹងកូន»លោកស្រី ស្រដីសួរទៅកូនប្រុសដែលតែងខ្លួនស្អាតបាតខុសពីធម្មតា អាវយឺតពណ៌សជាមួយខោខៅប៊យ ដោយមានអាវក្រៅមួយជាន់ពីលើ សក់លើកខ្ពស់ទៅក្រោយនៅមានបន្ថែមក្រវិលពីរជាប់ត្រចៀកទៀត swag មិនធម្មតាទេកូនលោកប្រធានាធិបតី ។
«ខ្ញុំទៅខួបកំណើតប្អូនអា Karl »Jungkook ឆ្លើយទាំងសោះកក្រោះ តែក៏គ្រាន់បើជាងពេលនៅជាមួយលោក Jeon ដែរ មិនស្រួលមុខអ្នកផ្ទះមិនមើលផង ។
«ចៃដន្យណាស់ Tae ក៏ត្រូវទៅកម្មវិធីដូចគ្នា»លោកស្រី Jeon ស្រដីប្រយោលចោលទាំងមិនដឹងឡើយថាគេទៅកម្មវិធីតែមួយ ។
«ខ្ញុំទៅសិនហើយម៉ាក់»Jungkook ប្រញាប់បំបែកខ្លួនដើរចេញ ខ្លាចថានាយហាមខ្លួនឯងមិនបាន រត់ទៅចាប់ Tae ថើបទាំងនៅមុខបងប្រុសរបស់នាយ ។ ថ្ងៃនេះគេស្អាតណាស់ តាមធម្មតានាយក៏លង់ងើបមុខមិនរួចទៅហើយ ទម្រាំតែពេលចេញកម្មវិធីម្ដងៗទៀត Tae រៀបចំមិនអោយចាញ់ស្រីក្រមុំទេ សឹងតែមួយពិធី Tae ស្អាតដាច់គេ ព្រោះនាយតូចមិនមែនជាកូនអ្នកតូចទាបឯណា របស់ប្រើប្រាស់ក៏ទាន់សម័យ ស៊ីវិល័យទៅតាមនោះដែរ ។
«ប្រយ័ត្នប្រយែងផង Jungkook !!»លោកស្រី Jeon ផ្ដាំទាំងបារម្ភពីកូនពៅ រាល់ថ្ងៃគាត់កង្វល់ចិត្តតែជាមួយកូនប្រុសម្នាក់នេះប៉ុណ្ណោះ មិនដឹងថាពេលណាគេឈប់ខិលខូច ដើរលេងមិនចូលផ្ទះបែបនេះទៀត ទ្រូងជាម្ដាយស្ទើរតែប្រេះម្ដងៗទៅហើយ ។
«បើចឹងខ្ញុំគិតជូន Tae ទៅសិនហើយ នឹងឆាប់ត្រឡប់មកវិញ»Jiho
«អា៎...ទៅចុះ បើកឡានស្រួលបួល»លោកស្រី Jeon ញញឹមខ្ជឹបមើលដំណើរពួកគេចាកចេញ ។ សរសើរលោកយាយពិតមែនចេះរកកូនប្រសារអោយគាត់ស្អាតយ៉ាងនេះ ពូជពង្សក៏ល្អ គ្រួសារក៏មានមុខមានមាត់ក្នុងសង្គម សាកសមជាមួយកូនគាត់ពិតៗ ។
[Skip]
មកដល់កន្លែងកម្មវិធីភ្លើងពណ៌ភ្លឺចិញ្ចាច តន្រ្តីក៏លាន់កក្រើកពេញភោជនីយដ្ឋានដ៏ធំមួយនេះ ភ្ញៀវកិត្តិយសក៏មានចម្រុះទាំងប្រុសទាំងស្រី តែងខ្លួនសមសួនតាមចំណង់ចំណូល តែមិនដឹងថាប្រជែងឈ្នះភរិយា Jiho ឬអត់ទេ ។
«អរគុណហើយ hyung ដែលជូនមក»Tae
«អ្ហឹម ប្រយ័ត្នប្រយែងផង ពេលចប់កម្មវិធីចាំខលហៅបងលឺទេ»
«បាទ!!»ស្នាមញញឹមស្រស់របស់រាងតូចដែលត្រូវបានលម្អដោយក្រេមរលោងលើបបូរមាត់ផ្កាឈូកក្រពុំបន្ថែមសម្រស់របស់គេកាន់តែទាក់ទាញ ។ នាយតូច ឆ្ពោះចូលទៅខាងក្នុង សម្លឹងរកមើលមនុស្សដែលស្គាល់ ប៉ុន្តែភ្លាមនោះម៉ាក់របស់ Karl ក៏បន្លឺសម្លេងពីខាងក្រោយខ្នងតែម្ដង តាមដោយកម្លោះច្រឡើមបីនាក់ទៀត ។
«Taehyung!! នេះជាក្មួយមែនដែរទេហ្នឹង»រាងចំណាស់ស្រដីសួរទាំងប្រឹងសង្កេត ព្រោះតែគេស្អាតប្លែកខុសពីព្រឹកមិញ ។
«បាទ ជម្រាបសួរអ្នកមីង»
«យប់នេះក្មួយស្អាតណាស់ មីងមើលសឹងមិនស្គាល់»
«ខ្ញុំធម្មតាប៉ុណ្ណោះអ្នកមីង»Tae ស្រដីទាំងអៀន ថ្ពាល់គេឡើងក្រហមអស់ហើយ ។
«ចាស៎...បើចឹងទៅរកកន្លែងអង្គុយសិនទៅ ឈរបែបនេះប្រយ័ត្នចុកជើង»
«អេ៎...ប្រញាប់ទៅណាម៉ាក់ ខ្ញុំមិនទាន់បានរាក់ទាក់គាត់ផង ម៉ាក់ទៅចុះ ភ្ញៀវពិសេសម្នាក់នេះទុកអោយពួកខ្ញុំជាអ្នកស្វាគមន៍»Karl រហ័សស្ទាក់មុខ រវល់តែបណ្ដែតបណ្ដោយហ្នឹង ខូចផែនការអស់ ។
«យ៉ាងម៉េចនឹងកូន karl»
«គ្មានអីទេម៉ាក់មីងសំណព្វចិត្ត អូ៎ ភ្ញៀវមកច្រើនណាស់ តោះទៅទទួលភ្ញៀវបាទ»Edward មិនបង្អង់អូសដៃរាងចំណាស់ទៅបាត់ សល់ប៉ុន្មានទុកអោយពីរនាក់ទៀតចាត់ការ ។
«អឺក...ខ្ញុំប្រហែលជា?? អូ៎ ខ្ញុំទៅជួយមើលប្អូនសិន បន្តិចទៀតជួបគ្នាណាសិស្សច្បង»Karl រកលេសទាំងវិលវង់ ដើម្បីដកខ្លួន មុននឹងដើរចេញទៅបាត់ ទុកអោយមនុស្សពីរនាក់ប្រឈមមុខដាក់គ្នា ទាំងរៀបរឹកមិនត្រូវ តែគិតឬ ថាTae នៅឈរមើលមុខនាយនោះ ។
«ឈប់សិន!!»Jungkook ចាប់ដៃស្រឡូនដែលបម្រុងនឹងចាកចេញ ម្ដេច Tae តែងតែគេចចេញពីនាយបែបនេះ ។ តើមុខរបស់គេគួរអោយស្អប់ណាស់ហេស៎ ។
«មានការអី»Tae ប្រើសម្ដីស្មើសួរបកទៅវិញ ។
«គឺ...ថ្ងៃនេះបងស្អាតណាស់ »រកពាក្យនិយាយមិនឃើញ ក៏ពោលសរសើរគេជំនួស ក៏ពិតមែនយប់នេះ Taehyung ពិសេសដាច់គេ នរណាក៏សម្លឹង ក្នុងទ្រូងនាយសង្ហាហួងហែងសឹងស្លាប់ទៅហើយ ។
«អរគុណ លែងដៃបានហើយ»Tae មិនបង្ហាញប្រតិកម្មទាំងដែលការពិតក៏ចម្លែកចិត្ត ថែមទាំងអៀនតិចតួចផង គ្រាន់តែមិនចង់អោយក្មេងដឹងនាំតែបានចិត្ត ទើបខ្មើត ។ Tae រមួលដៃចេញពីការចាប់តិចៗ តែ Jungkook មិនលែង ។
«អេ៎...លោកចង់ទៅណា»Tae ស្រែកសួរទាំងមិនយល់ កាលបើ Jungkook ស្រាប់តែអូសដៃគេអោយទៅតាមបែបនេះ ស្អីក៏មិននិយាយគិតតែសម្លឹងមុខនឹងបបូរមាត់របស់គេរួចក៏អូសដៃទៅតែម្ដង.។
«នែ៎...លែង!! លោក...អ្ហឹម»(😳)
To be continued
Lie Naa