روح في بحر الظلام

الحلقة الثامنة والعشرون

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق بين الفقرات لا ينزل تفاعلكم اكثر لان استمد قوتي منكم

+++لتنسون اضافة الحساب لطفا🥺💔

علقو بين الفقرات ولتكولون البارت قصير اعضكم املخكم لان البارت تقريبا 4500 كلمة ايدي سافت

⭐🌟⭐

-------------------------)
رانيا

واكفة برا واسمع اصواتهم العالية ما گدرت اميز الموضوع بسبب خشونة الاصوات والمناقشة المحتدة بس عرفت انو اني سبب هالحدث

:هسة انت خسسران شي من تششوف نتائج تحقيقي

:گُلتلك لتدخل هااذي سجينتي بقضيتي اني اللي احقق بيهه انت شنو دتششكك بشغلي

:حشاك سيدي

:لعد دتدوور ترقيات براسي، عمر خليني محترمك وخليك بعيد درربي انت تعرف اني منو وششنو أكدر اسسوي

صاح عمر بصوت عاالي:مدددااا اتحدداك انتت ششبيك جاااي اگُلك ششووف التحقيقات انطيهم الك لا تحط اسسمي ماريد لا ترقية ولا صخاام بس عيدوو التحقيق

صوتهم العالي اخذ حيل رجلية مالكيت روحي غير گاعدة بصف الحايط وادية على اذاني

عافتني الشرطية واكفة وراحت دگتهه للباب ثواني ورجعت

اول ما دخلت للغرفة التفت علية قيصر خازرني بجيت بخوف ودنكت

:صاح بية

قيصر:الج ثانيتين تعترفين حيدر منوو

باوعت لعمر نضرة طلب نجدة ورجعت اباوعلة بخوف :م م م م ماااا ما منوو ح حيد حيدر

ضرب على الطاولة بقوة وصاااح وهو يباوع لعمر :گلت لو مااا گلت، يالفاهي هاي وحدة لاعبة ومخلصة وجاي تبيعهن عليك تلكاهة........................

:س سسسيدي والله ما ما اعررفه والله

:الضاهر ذاك الكارتون ماعجبج اليوم ادزلج وواحد احلى ينشط ذاكرتج

:لااااا لاااا ااااالااااا دخيلك فدوة اعرفة اعرفة

صار كدامي:ايي منوو

:ءااااا حبيبي اني اني اعرفة تعرفت علي
:امممم وتعرفين رقمة
:اي اعرفة
:شلون تحجين وياه مو گلتي ماعندي خط
:من موبايل ماما احاجي

هز راسة بتساؤل: شكد عمرة

:عمرة عمرة ماعرف هو عمرة 20 يمكن
:وين ساكن وشيشتغل

عجزت ارد شدا اسوي اني رفت راسي اباوع بعينة.. والله ما اعرف منو حيدر فدوة عوفوني

سطرني كف وگعت بلارض
عمر صاح على اللي برا
:ووووويينج تعاالي اخذيهه
:اجت اخذتني

وهو بقى يصيح على عمر واضح مرتبتة اعلى من عمر

:هااااي مممنوع تستدعيهه ولاا تحقق وياهه شغلي ممنوع تدخل بي من غير أذني

رجعت للغرفة اذني تصفر من الضربة نزلت على ايد سعاد وبستهه سحبت ايدهه وحجت

:شمالج يمه بيج شي گولي
:لا تنامين فدوة راسي يوجعني ارريد انام حتى لو ساعة واخاف منهن

گاعدة على السرير ورجليهه يتلولحن تدنت للطرف وكالت نامي لا تخافين

نصرة ورسن ضحكن بصورة وقحة وقبيحة وصوت جدا عالي مزعج

:وعلي يااانصرة انا مو ام جااسم لو ماا عيبتج وتششوفين

:هههاااااييي خفت كلششش

:هيين بسسيطة حدي وياج لو گربتي لرانيا هاااي نهاية صبري انتي ووجه الجلب الثانية

رسن:ههههههااااي جلب لا تطيح

بس حطيت راسي غفيت من التعب گعدت فاازة بقوة عي گعدة هي صرخة

جانت سعــاد تصلي الفجر واني گمت افلش اباب السجن

كنت حلمانة بزياد حاطي ويقلون بأضافرة صوت صرخاتة بالحلم بأذني بقوة مااايسسكت حتى من گعدت ماااراااح الصوووت

وواكفة يم الباب واادك بي بكل ققوووتي :رررااااح يمووووت اااخوووي ررراح يموووت الحگووو علييي فدوووة والله رررراح يمووووت

دخلن الشرطيات تولني راشديات، بعدين اجت وسن طلعتهن وطلعن

سحبتني سعاد لحضنهه تقرأ على راسي وتنفخ بوجهي واني اسسولفلهه

:خخااالةة خاالة صوتة بأذني والله ششلعوو اضافرررة هههسسة ديتعذب الضااابط

:سمي بالرحمن يمة شيتعذب هسة خلص تحقيقهم هااي كووابيسس عبنج ماصليتي

:لا لا هو هددني والله گال ادزلج بعد كاارتون فددوة سسووو شي اخوي راااح يموت

:شبيدي يماي عيني يوردة وذبلاج البين شبيدي عليج تحجي وتبجي

الصبح من طلعونة اعمال گالو تعالن انقلن هاي المؤنة للمخزن

جانت بيهه جبن مثلثات وملح وكارتونات كبار وصغار ومعلباات عددهم كبير جدا

وسن:حسنة خلي رانيا عماد يمج لا تتيهينهه ولا تخليهه تشيل ثكيل

سعاد:ماتگعدنهه يخايبة وانا اگوم امجانهه والله مالهه حيل

:هو بيدي اني وما اگعدهه

:دروحي انشديهم هالبت يرضون تكسبين بيهه ثواب

راحت ورجعت كالت
:تعالي انتي ماتگدرين تشيلين ثكل ومسافة طويلة امشي ضلي بالمخزن هن يجيبن وانتي صفطيهن

هزيت راسي بأي تمشي واني امشي وراهه جانت راحمة حالي تمشي بطيء علمودي

:وصلنة للمخزن جان اكو بالباب شرطية وجوة همات اكو وحدة

وسن:ضلي يمهه عينج عليهه وكليلهه شلون ترتبهن ما اريد خربطة

كامت من مكانهه جانت قصيرة وسمينه تحجي بنتر

:صفي المعجون هناا، والملح هناااا ولوو جابوو تايت حطي من هاي الصفحة ليلگف ريحة الاكل.

والجاي هناا كملت كلامهه ورجعت كعدت بأيدهه موبايل نوكيا بلا كاميرا وتلعب لعبة الطوبة الحمرة التكمز

شافتني اباوع على موبايلهه جان يمهه خشبة صغيرة شمرتهه عليه وصرخت
:عيينج للج

كمزت ودرت وجهي كامو يجيبون الاغراض واني اصفط من ضمن اللي ينقلون كانو أمل ورسن اللي كلما جابو شي يشمرو علي شمر يشوغوون روحي

من اللحضات المرة اللي مترسخة بعقلي هو هذا الموقف، اني رغم بيتنة كان صغير ومتواضع جدا لكن نضيف ماافايت بي جرذ ابد ولاا فار ولا ابو بريص ولااا حتى صرصور اذا دخل صرصور ندخل انذار الا يموت يلا نستقر

هناا غير من الاسباب اللي دمرت نفسيتي وحركت روحي كثرة القوارض والحشرات

كنت احمل اكياس تايت ام الخمسة كيلو كميات كبيرة واني اصفهم تحركت قطعة كاشي مخلوعة من الارضية
كان تحت هاي القطعة وكر جرذان بس حطيت الكيس فوق الارضية المقلوعة هربو من تجمعهم نااحيتي هرربت صارخة بكل صوتي اللي رعبني اني دست اكثر من مرة عليهم

اركض بالمخزن واصرخ بهلع، هي ما خافت ابد بس عافت استكان الشاي اللي كانت تشريه وعافت الموبايل وكامتلي بالخشبة

جانت رفيعة وطويلة ضربتني بيهه لحد ما دخلت البنية اللي بالسجن اللي گالتلي الشرطة اخذو الكارتون ماعرفت اسمهه لكن هي اللي ساعدتني حمتني منهه

بالتوسل بيهه

:بداعة ابوج عووفيهه خطية والله شابعة ضيم

:خل نولي عررمة فززتني عبالي صاير شي طلع طافر عليهه جريذي هيهو يعيارة ي.........

:ميخالف فدوة لان جديدة تتعلم وتخدمج بعيونهه فدوة لطولج الحلو

:تستهزئين حضرتج

:لا والله شكو استهزء، هي المرة شنهي والطول تضل تناطح الزلمة، هي لازم هيج ناعمة وانتي ماشاء الله تخبلين

:اي والله شحلاتني بس غير حضي اغبر... خزرتهه وحجت بغضب... اكلج شو تسولفين وياي شنو صاحبتج اني.. كوومي يلااا كومي كومي

طلعت من الغرفة واني كمت امسح بدموعي واشتغل انوب صارت بيه كمزة امشي واتلفت الدنيا كلهه صارت تخوفني

نقلو الغراض اخر وجبة جابنها مجموعة كبيرة من النساء، يحجن يدردمن
باوعت هاي الشرطية جانت عدهه مكالمة تحجي وتتبسم وبصوت هاامس مدنكة وتحجي بعدين

طلعت من المخزن بسبب الضوضاءمالت سوالف السجينات اني اخذ واصفط بالي مو يم احد

فجأة انسحبت من شالي وانردمت بالحايط، اباوع اشو محد بالغرفة بس امل تراقب الباب ورسن اللي ضربت راسي بالحايط

ونصرة هجمت علية اول شي سوتة شكت ملابسي بس صرخت خمشت شششالي ودحسستة بحلكي ضلت بس عيوني مفتووحة

رسن لازمة ادية للوراء وهاي عرتني ونهشت جسمي نهش
مااكانت تلمسني بنية قذرة كااانت تلمسني بأنتقااام

طول هالفترة اني ابباوع بعييونة عيونة مليانة غضب كانة على اسناانهه وتخمش بجسمي اضافرهه انطبعت بكل مكااان مثل السكاكين من رقبتي لحد ركبة رجلي لمسست محرمات مثل المخبولة وهي كازة على اسنانهه الصفراء المتكسرة وبشرتهه اللي تشبة صدأ الحديد متفطرة متكسرة قذرة وشعرهه القذر اللي بارز من اطراف الشال ورائحة نفسهه الحقيرة

:هووو هذذاا هذذا الما تخليييني اشششوفه اهاااا الااا اخليج ما تراوينة لحد بعد

:الا اخلي رجلج كتالج بليلة عرسج، ولو ياهو ياخذج امم السجون ام المخدرررات

رسن:كالتلج صيري خددامتي ماارضيتي طبج طوووب، يلا نصرة عيبيهه خل نروح

مباشرة عرفت انو هي ناوية تدمر عذريتي

ضليت ارافس بلارض كان اكو ملح وتراب وتاايت واگع من الاكياس من فلتت روحي منهن وكعتي صاارت جروحي على الملح والقذارة احسس جلدي اشتعل نااار هن گلبني وقيدن ادية

ما اگدر اقاوم اتوقع وزني بهالفترة صار حتى 30 او 35 بس عضاام كانت كل ضربة احسة تكسر عضامي

غرزت اضافرهه بخواصري بطريقة انتقامية ارررررييد اصصرخ مااكو القماشة الشال اللي بحلگي احسة خنگني

أمل صاحت بيهم:وولجن اجن سعااد ووسنن حجت هالكلام وركضت طالعة

نصرة وهي تضرب براسي بلارض:رراح اكول لكيتهه هيج لوو كلتي نصصرة سوت بية هيج اذذبحج ولوو سكتي اعفي عنج بعد ماا ادنالج خوووش

سحبت الشال من حلگي بقوة وشمرتة وكررت علية

:خووش
هزيتلهه راسي بالقبول

رسن ركضت توهة تطلع من البباب ولاكتهه سسعااااد تعاي تعااااي ووووين رايحة هي دفعت وطلعت ثواني ابين ما سعاد ركضت على نصرة
دخلت وسن تضرب برسن

سعاد تحت نضرات دفعت نصرة بكل قوتهه صارت وگعتنن بين الحايط والارض بالزاوية قبل لا ترفع نفسهه سعاد حطت ركبتهه بكتف نصرة
كتفهه التف للوراء بطريقة مرعبة

سعاد:كتلللج لووو مااا كتلج كللتتت رررااانياا لا تكربين صووبهه

تصرخ وتحجي وترجع تصرخ صراخ مدوي:توووووووبةةةة. توووووبةةةة. والله تتوووووبةة

:ماااا كووو تووبة مرررمررتينة سسسوودنتينةة ياا شيطااانةة

:وووولججججج وسسسن لحكيلي الاااا اشششتكي عليييج تتتفرررجييين علية

وسن كانت حاصرة رسن ودخلت الشرطية القصيرة بدون ما تفهم شافت وسن تضرب بيهه شالت الدونكي مالتهه وصارت تضرب بيهه ورسن تصرخ

وسسن:من ززززمااااان گلبي محمل عليييجن. اكرررهجن كررره العماااا بعد شيصير خلي يصصيررر

:وللللكم يااااااا شششرررطة الحكوووولييي

انا بنص مراري وأنيني والمي فتحت عيووني بقوة من الصدمة وصرخت وي صرختهه

وما اكتفت سعاد وكفت على حيلة تزامناا مع دخول الشرطة
وجرت ايد نصرة للوراء بقوة لدرجة منطقة الكتف وايد نصرة كلهه صارت يم ضهرهه صار صراخ قوي بغرفة المخزن، كل هالحوادت من دخول نصرة الى قدوم سعاد ما استغرق اكثر من خمسة دقائق لكن كنت احسه دهررر الوقت ما كان يمشي كانت لحضات مرعبة تحس انك بفلم رعب

كنت عارية ملابسي ممزقة ودخلو الشرطة رجال يركضون سعاد مباشرة نزعت شالهه وشمرتة على طولي شاالهه كان مال نسوان قبل كلش طويل وكبير

لما سألو شكو مباشرة وسن ردت بصوت عالي

:نصرة اعتدت على رانيا عماد عبد الخالق ورسمية كسرت كتفهه

شالووهن ششيل ونصرة تصرخ:جذذذذااااابااااات كلة جذذذب

وسن:هاااي منووو جذاب ووللج

سعاد:انا اششهد ررسسن كسرت ايد نصيرة

اخذوهن كلهن واني متمددة بس عيوني تجري واشهك النفس

سعاد:وسن بعد امج الفرخة امانة يمج
راحت سعاد ماكو بعيونهه اي نضرة خوف او قلق تمشي بزودهه مطمئنة
:روحي يمي ماعليج ولا تحجين اي شي لحد ما اجيج
:لا خالة انا شعلية

تحجي ويسحلون بيهه وعيونهه علية

تقرب مني شرطي وسن صااحت بي.

:رووح رووح ووخلي حسيبة ومنار احنة نشيلهه بس خل يودولهه سدية

گعدت يم راسي توخر الشعر عن وجهي: هااا ولج شكد تيهتج هم خمس دقايق هيج الگة حالج

:مووتووني فددوة

:اسم الله عليح تطلعين وتنسين وتصير سووالف

غمضت عيوني بعد مادريت بالدنيا شصار ماصار، فتحت عيوني بس شفت الضوة گمزت

الممرضة تعلج وتحجي تعوج حلكة بقوة يلا تحجي :هاااا شلون صورتي ششتحسين

:راسي يوجعني

:اممممممه نزفتي هواية موتعرضة ل اكثر من ضربة

مارديت بس بجيت
:عندج فوقور دم، لازم تاكلين زين نسبة دمج خمسة حتموتين

حجيت بكلبي.. شاكل هو انتي متشوفين اكلكم شلونة.. ِ گلتلهه اي وسكتت

:هسة توجيج الدوكتوة تفوحصج

:اي

:ششينو جاريمتح

:اني متهمة مو مجرمة

:هممممم وشينو توهمتج

:مخدرات

:الضابوط عومر لويش يسال عنج

:كال يساعدني عرف بية بريئة يمكن

:هممممم اوكي حوبي، اذا بريئة ربي يفروج عنج

دمعت عيوني وكلت.. امين

اجت الدكتورة علكولي دم وسيروم بقيت ليلة بالطبابة وبعدهه رجعوني

نصرة ماكو، بس ولا رسن ولا نصرة بس امل

دخلوني وراحو... النسوان التمن علية يسألني على نصرة

:لعد ام جاسم وين

رانيا:خالة والله ما اعرف وين

:خاف نقلوهه لغير مكان

:عزا بس لا معاقبينهه مرة جبيرة هاي شتتحمل

:لا ماعليهه نصرة سباعية، انشاء الله ترد هاي صاحبتهم لو شتسوي ترد سالمة ماتشوفين نصرة تخاف منهه

:انتي شلونج شسوين بالطبابة

من عرفتهن مايعرفن بشي التفتت ل أمل گبل دارت وجهه

رانيا:اني عندي فقر دم حطولي دم

:كاضية انتي شباقي بيج صايرة عبالك مومياء

:هسة احنة مو حالنة من حالج ناكل كلشي انتي هم عوفي التفسكن وعيشي بعد هذا نصيبج

مارديت بس دنكت

:وهاي ركبتج شبيهه ملفوفة

:وكعت وتملخت

:حبوبة اعذريني ماا اساعدج بس ماتعرفين اشفت مرار من نصرة بالف ياعلي خلصت من شرهه مريضة وتطيح بلوة بركبة بنادم

مارديت عليهه تعبانة كلش والكاع تفتر بية من الدوخة وهن مابطلن لغوة من حسن اختل توازني مددتني وغطتني بسرير سعاد

غطيت بالنوم ما نمت بخير ولا حلمت خير ولا تأملت خير كوابيس لحضات مرة كلياع افز اكعد على حيلي اتخيل نفسي ابين ادين هالشيطانات بقباحة شكلهم وفعلهم، افز اتخيل نفسي بغرفة التخقيق لو طيف بابا وزياد يمرون عليه والحقهم والكة نفسي واقفة بلا شعور

استعيذ من الشيطان اسمي باسم الله على روحي وقلبي وعقلي وجسدي اقرأ اية الكرسي بصعوبة، مع اني حافضتهه

صرت اتأتأ بيهه اوصل للنص واضيع وارجع اعيد ، مرات اكملهه مرات يسرقني النوم واني استذكرهه

حسيت اكو احد يهز بكتفي فتحت عيني وغمضتهه اكثر من مرة شفتهه امل

عشت حالة مثل حالة قدوم الجاثوم انا ردت اصرخ وما استطعت وردت اهرب وما استطعت وردت اتكلم واطلب النجدة وما استطعت فقط فاتحة عيوني بخوف بوجه امل

تكلمت واني بحالة شلل اباوع بعينهه

امل:فدوة رانيا لا تجيبين طارريي عليج النبي والله اني مجبورة نصرة جابرتني اذا ما اسوي التريدة كالت اخلي واحد يروح يكتل امج
نصرهه عدهه معارف برة وحق هذا الله فدوة لا تحجين والله راح اتوب وحتى لو طلبت مني ما ادنا صوبج بس لا تگولين شي

مدت ايدهه تلمس خدي قبل لا تلمسني تقيئت وانا بنفس حالتي

هي مباشرة وخرت عني هاربة اني رجعت نمت بحالتي، كعدت لكيت نفسي بالحمام وهن ملتمات علية ومن ضمنهم سعاد

جنت افقد وارجع افتح عيني طلعني من الحمام شيول شايلاتني طاقتي منتهية

كان وقت ريوك كعدتني جايبة كلاص حليب اني منا شلون احبة ومنا مريضة

:جبرتني اشربة وكالت هذا هو لا تاكلين بعد من حسيت استرديت عافيتي حضنتهه ابجي

:خفت عليج عبالي يضربونج
:لا شحدهم يضربوني على كولتج غير انعل عشايرهم

امل جانت كاعدة ذليلة بالزاوية بس عيونهه تتوسل ما اجيب سيرتهه

الاستغربته بهاللحضات هو وضع سعاد شلون رجعت سالمة توقعت راح تنضرب ، المثير للاهتمام اكثر هو كثر الاستدعائات الهه وخوف السجينات منهاا

ما طلعوني اعمال بقيت وبقت يمي سعاد بأمر بأوامرهم

كعدت يمي تسألني
: شصار ومنو لزمتج وليش ماصحتي ولج
حجيت بضعف:شوفي هذا الشال دخلتة نصرة ابلعومي والله
:وشسوونلج رسن شسوت وهاي العضة اللي بركبتج منين

:هاي هية رسن كون كسر بحلگهه شوفي شلعت لحمة بس اريد افهم شمسويتلهن انا

:على عنادي عود يعاندني بس بسيطة الا اتوبهن وعلي اميلة شسوتلج

:ماسوت شي بس وكفت بالباب

:جا حسيبة ووين
:منوو حسيبة
:الشرطية الكصيرة خايبة هي ومازن وزينب البلباب ووين

:القصيرة طلعت تخابر والبقية ماعرف والله
:نامي يمة نامي حگج يوصل يمج والليلة

وبالفعل سوتهه ارتكبت برسن شي مرعب خلاني حتى اني اخاف منهه وابتعد منهه

_________________________________

مشمش

الفراق الحزن حاجتي ل اهلي اني بمكان مو مكاني وذول مو ناسي ولا هذا بيتنا هاي كلهه تفاصيل أرقتني، فترة طويلة مرت واني مدا اتعود

بيبي هواي تحاول تصبر علية وتغيرلي جو، واني اذل قفلت كلش اروح الاشيهه ونتعارك واكعد اراضيهه

تاخذني مرات للدلالة اليمهم عدهه محل مثل الكوزمتك بس يا كوزمتك اشياء مصفوفة بلارض مكياج رخيص العاب قراصات شعر اقمشة ملابس بس بغرفة بيتهم، ورى ما ضربني عمو فؤاد اكتئبت كلش

تفاجأت من گعدتني من النووم

:مشيمشش ولج اگعدي يالبغدادية.... تحجي وتزرف بضهري بأصابعهه

:هااا هاا بيبي هااا موو نايمة واكل تكولولي ام اخدود ما اكل تكولون عيارة احجي تكولون ام لسان اسكت تطحلون بية ادوية انام مترضون اكعوود مترضون

:يمة يمة وعلي تذبين كريمة الدلالة كشر يتربية ليلى

:بيبي عوفو اهلي فدوة شوفيهم شحالهم متطشرين بالسجن والمستشفى شيصير بيهم بعد ويخلصون

:لا ياا بر......... ولج جدتج انا احترمي لاا تصيحين علية عود فرحانة جايبتلهه غريضات

انقهرت عليهه ماردت اكسر خاطرهه گعدت تربعت كدامهه:شوووفيني شجايبة ولو شتجيبين هية كريمة شعدهه غير السحرية والقماشات

:ياااااااه كلابج وشگلابج عاد تلحكين كريمة وسنعهه

مد ايدهه نتر فتحت الكيس طلعت منة نعال وردي يلعب النفس ولعابة واشياء مالت مطبخ العاب ناعمة يبيعونهم بالف

:هاي شنو بيبي

باوعتلي مبتسمة :هذني الج تلعبين بيهن

باوعتلهه رافعة شفتي وحواجبي:بيبي صدك تحجين دباعي شطولي صرت يا لعابات البعمري عرسو شالعب اني

:يييييع مشمش تردين ريل.. ضربتني... يالمتعافية خايبة هي حسرة جانت علينة گبل، ولو ونينة جانت امي تخيط بجواريبهه لعابة يصير راسهه جنة مال سحاحرة وكل عين بصفحة وهسة انتي هاي ماعاجبتج

:بربج بيبي منو يلعب لعابات واصلا اني اخاف منهن ترة بيهن جني واني ابنج فؤاد كافي علية

رفعت دشداشتهه وتفلت بصدرهه ثلاث مرات: ولج لا تجيبين طارية ترة اييج، هيج وين الله تاخذيلج ريل بي جني ضلت تفتح بأشياء المطبخ وصفن ودارت علية

:ولج مشيمش غصدج فئاد جني

:بعد وكت بيبي لو معاتبتني باجر

سحلتني وضلت تضرب بية تتشاقة بس اني ضربات فؤاد توجعني أذتني حيل ضليت ابجي
هي تفاجأت انوب ضلت تراضي بية

دموعي بعيني شفتهه نزعت اللعابة ملابسهه ضحكت
:عود ليش
:نخيطلهه هدوم حتى اتعلمين وتصيرين سنعة

:بيييبي لللعد موووو لابسه صخااام

دخلت عمة نهاية كالت :هااا عمة شكو

:وحدة ميهر عود اعلمهه

:عمة يعني لابسة هدوم تصلخة وتريد تخيطلهه ليشش

ضحكت وراحت.. ضلينة نداهر اني وياهة الا تريد نخيط واني مالي خلك بعدين نزعت جورابهه وبأسنانهه من جهة الاصابع فتحت ثلاث فتحات للراس والادين ولبستهه للعابة ونزعت لاستيمة براس اللعابة لفتهه على خصرهه

سوت اللعابة تخزي تخوف.. هي مامقتنعة خافية ضحكتهه اللي نقذني اجوي عليهه نسوان وطلعت غمتني وراحت

:امداج يالبغدادسة مو فيدج فيدج... هي سمينة ورجليهه بالكوة تمشي عليهن راحت تتدهرب هههههههه

لميت الاشياء بالكيس وتمدد افكر بخطتي
شلون اطلع ومنو يوديني لبيتنا... وين صارو ليش كل هالفترة محد سأل عني

حاولت ابين طبيعية بينهم قررت بالليل انهزم بس شلون ماعندي فلوس
اخذ من بيبي اعرف فلوسهه وين واكول لبابا ينطيهه ما اضم علي شي اعترف

بليلتهه سيرت علينة فاطمة وفؤاد جان جاي يعتذر من بيبي لان زعلانة علي

اني من شفتهم دخلو عفت الاكل وگمت اريد ادخل، بيبي كالبة وجهه عليهم ماخلتني خزرتني گعدت مدنگة وجهي بي اثار ضرب

:حقج علية يمة بس خبلني مو بنات تخبلن حشاج اكلهن هذا الدرب يمشن بهذا الدرب

ما احترمتني يفئاد.. بس انا ادري مو من ايدك وراك اليدفعك

:خلف الله عليج يمة يعني انا عربانة

:جا التصيح علي امه ومايرد شنهي... انوب اذا اتريد تطلب العذر اكلبة من بنيتك الراح تضلمهه وتدعي عليك كل مغربية انت وهالخنفسانة

تحجي وتأشر على فاطمة.. انا مو بايدي غصب عني طلعت مني ضحكة وهي فاطمة خزرتني خزرة..... وترروح الضحكةة لاااا جلبت بية الحد ماصاح بية فؤاد

:يمة بنتي انا اعرف بمصلحتهه وانا الاقرر مصيررهه هي ماتفتهم طفلة

:جا من كون تعرفهه طفلهه شلون منطيهه لهذا وعايف زياد الجنه نبعة ريحان

:يمة الولد معوق
:لا والله يبن بطني بس تغارون من عميد ووليدة انت وخوك بس يشهاب اذا حسيت الة ايد بسالفة عماد لو انت هم ل اتبرة منكم الى يوم الدين... ولك يمة ساعدو اخيكم ماندري بحالة ولك ليلي ماا انامة عماد لو صارلة لو صار لبزة شي انا اموت وراهم مابكلبكم رحم

:ششنسوي مو هل شهاب معلك ابغداد وانا رايح راد حتى محد يدلينة عليهم

فاطمة: عمة لاتزعلين هاي كلهه حوبتنة ماطاحت للكاع همزين ماقشمر بنيتي واخذهه جا هسة هي بالسجون تلعب عليهه الضباط

جنت مدمعة من سمعت كلامهه صار صوت نحيب كومتني عمة نهاية ماراضية عن اختهه وبيبي انهدت بيههم

بيبي طيحت حضهه :يا ماتستحين يااا....... وانت المگرن تراها جاي تحجي على بنيت اخوك على عرضك وانت كاعد

عمو هم ضل يغلط ويصيح على فاطمة.. هي ضلت تبجي وتتمسكن

:وعلي ابو الحسن يا فؤاد لخلي شهاب يحرم طبتهه لو ما يازت من بزر عماد اخض مرتك واطلعو عني ترة ضيم كلبي كافي علية

:رووحي ولي لبيتج انا جاي وراج... خووية نهاية جيبيلي جهاز وحبوب الضغط من خرا بيهه من عيشة ياا سالفة الماتخلص

راحت مني واني بقيت الوب يامن ينومهم واطلع اروح ل اهلي

بأخر ساعات الليل صار البيت هدوء طلعت من غرفتي خفت من الضلام وكفت اباب الغرفة اكل بأضافري لعد شلوون راح امشي بالشارع

لابسة حذاء رياضي وبجيبي فقط ثلاثة الاف دينار.. بكل غباء كنت مفكرة اي شخص من الشارع اكولة اني مخطوفة ويرجعني هاي كانت خطتي سهرت الليل بطولة وماطلعت وياي شي غير هالفكرة

لابسة تراك وطلعت اتمشى اريد افتح الباب بس طلع سادي مو بس بالكيلون.. لا حتى بقفل وسلسلة سادي من فوك

كلبي جان يدك بكل قوتة خايفة وصوت الكلاب برا كان عالي ومو طبيعي منطقتهم كلهه مزارع حتى اثر على حركتي.. حطيت ايدي علة الحديد وصعدت وصعدت ررجلي وووگعت بسبب ضربة حيل قوية براسي تكسرت من الباب

مديت ايدي عزززااا هاي شحااطة بيبي

سمعت صوت يصدر من فووك
مادة ايدهه وتأشرلي بسسيطة :عزا بعينج هاي شسوي فووك انو صايرة بالضلمة من خلف السارة تخووف ركضت طيارة رجعت الغرفتي وسديت الباب

تكول مابية حيل اللوتية عروجة لعد شصعدهه.. ثواني واندكت الباب

:افتتحي الباب افتتتحيي... بر........ ثاري فويد مايلام بيج ولج مشمش تردين تسودين وجهنة

حجيت بصراخ:وووودووووني لبيييتناااا وددوووني لمااماا امي مررريضة تشللت واني هناااية تجيبيلي لعااابيات مااا اريد اررريد امييي امييي منو داااير بالة عليهااااا

:ولج مشمش لو لازمج عمج يكسرر ضهرج انعل ابو اهللللج ولج جدة فتتتحي البباااب

:ماااااا ماااا افتحههه وااللله انهزززم وودوني وحدكم احسن اررريد مااامااا حتى محد يطمني عنهه اكولج كوولي الخالة متقبلين امي مررريضة واهلي بالسجن راااح اموووت والله

:ولج بسج راح يوكف كلبج من البجي علكيفج

:ودااعة بابا ياا بيبي اذا ما وديتيني البغداد لو اتربطوني بميت قفل انهزم وكولي مااكالت

:اووديج اووديج بس افتحي الباب ولج جدة راح تموتين وانتي رويحتج خالصة

اسمعهه ضلت تحجي وية نهاية تكللهة عرفية ماعليهه وخلي شهاب يجي يسوي جارة

:مو تكليلة رادت تشرد بعد امج

:لا عمة شلون اكول راحن مني

نمت ما ادري شكد فزيت على ادين تنزع بحذاىي وصوت نحيب

________________________________

سرى

تفاجأ من وجودي نازلة بهالوقت بلما ينتبه حطيت موبايل بجيب البجامة، وهو عينة متشخصة على عيني
:وين جنتي وليش باجية

:و وين باجية ماباجية جنت فوك اغير جو اختنكت

رخت ملامحة بقهر :و حاس بيج والله اعرف ضغط عليج واعرف امي شنو تسمعج واني هاملج، صبريلي بس هالفترة والله كلشي راح يتغير

تقربت منه اخذت ايدة ابين ادية :حبيبي والله مزعلانة ابد انتو ممقصرين ابد، وخالو صايرلي اكثر من اب، وخالة ابد ما الومهه وحتى انت لازم تعذرهه ترا هي ام وانتو كنز بالنسبة الهه حقة تخاف وتقلق

مد ايدة لوجهي ويحجي:ياروحي الصاير عاقل، احس احتاج كلب ثاني احبج بي هذا ميكفي

:شبيك مرتضى شهالمبالغة

:ايي هاي سرى الحقيقة، بس تضدكين يلوگلج دور العاقلة شحلاتج جنج بزونة تنعوصين

:خرب لعد انت لو طخة لو افجر مخة لو غزل اوفر لو ذم ششبيك بابا... باوعت لرجلة وعطت... انوووب ششصعدك انت مو مفطور

:شنوو؟

:رجلك رجلك مو مفطورة

:اختنكت اريد اشم هوا

ضحكت لان جان يقلد كلامي ويتنعوص... ساعدتة وصعدنة كاعدة يمة واتحسر واتنهد لا اراديا

:لا تخافين مادام اني موجود اعتبريني درع خلي كل هموم الدنيا بيا واني راضي وممنون

:واذا صارلك شي شسوي

:كلشي مقدر ومكتوب... ابوي يكول المكتوب على الجبين تشوفة العين... لا تحملين نفسج اكثر من طاقتج لا تفكرين بلاحياء والاموات الها رب يحلها تعبت واني اعيد هالاسطوانة

نزلت دمعتي ومسحتهه واني ابتسم وهمست تمام

:ترة حارة بربج عايفة التكييف وكاعدين هنا هسة انتي مخبلة اني شبية

:مررررتضى اااااااا

:عيونة وگلبة

دنكت خجلانة، كام هو حط للحمام اكل ومي كال باجر ما الحك اصعد عندة درس خصوصي

ثاني يوم الصبح اذن بالموبايل گمت اريد اتوضى وشفت مرتضى منهمك يدرس ومركز بقوتة

:بسبس
:اهووو اجت الكراوي التعبانة
:هههههه لعد مو أذن متصلي
:بلي بس دقايق صلي وتعالي يم رجلج

رحت صليت اجيت لكيتة يصلي گعدت يمة... سلم ومد ايدية جر راسي باسة وحجة بتلاعب
:رجلج جوعان
:لعد ليش مگعدتني ميصير تدرس جوعان، يلا هسة حسويلك بيض وجاي

:لا ماريد اريد بوسة جوعان بوسة

:مرتضى صااير كلشش ترة، دفعتة ورحت للمطبخ

من راح خالة طلعت صبحت عليهه وردت، من اريد اروح صاحت وراي بصوت ناصي

:ماما سرى خابرتي

جاوبتهه بأنكسار:اي بس خل يخلص مرتضى امتحانات لان اخاف يتشتت ويضيع تعبة، وهو گال مراح اتعدى علي هالفترة

:عفية بيج امي وهو وين رايح قابل اشو ميت عليج ومصيرة الج

هزيت راسي ورحت

وهيج تعدي الايام خالو تحسن شوية بهالفترة، خلال اسبوع رجعت حياتهم طبيعية وخالة صارت تعاملني احسن من بناتهه بهواي وخالو كذالك

اليوم اخر يوم ل امتحانات مرتضى دخل فرحان وجهه يشرح الصدر

بدل واجا كعد يمنة احس بعيونه كلام ومتردد، خالو وام مرتضى رجعت علاقتهم احسن من قبل لان يشوفهه شلون تدللني وتحبني

مروة:بعد خو خلصت امتحانات شرايك تطلع اخواتك ومرتك تغدينا تعشينا برة

:اششش خل استوعب عندي عطلة ثلاث شهور ما افتح ولا كتاب

رقية:الله عليك طلعنا مرتضى والقران ملينا

:محد كالج بطلي

مروة:خطية عبالهه تبطل منا تزوج مناا

:هذا تفكيرج يا دبة انوب باعي هسة يلا خطبوج

:احترمي حقيرة راح اكوم

:اهوووو، كافي شبيكم انوب لا مستحى ولا خجل

:علكيفك وي اخواتك يابة، حقهم صدك مطالعين طلعهم واني ادفع فلوس طلعتكم كاملة

:مو اليوم بابا فدوة انطيني يومين اشبع راحة واطلعهم هم ومرتييي تكعد بالصدر يميي

كلبي صار يدك بقوة وادية رجفت مترددة وخايفة من اللي راح اگولة

: خالو اني اني راح اكول شي بس لتزعل

:لا بابا شلون ازعل كولي اللي يعجبج
:مرتضى انت بعد فدوة افهكني ولتتعصب تمام

عدل گعدتة وعقد حواجبة ينتضر اللي راح اكولة:احجي شبيج

:خالو اني شسمة اريد اريد لبيت جدو

:يا جدو
:جدو قاسم

:شكو يابة شصاير
:ماصاير شي خالو بس ترة هم هم هم ترة كلامهم صحيح
مرتضى:ششششنو الصصصحيييح ششبيج منين طلعتي
بهالسالفة

خالو:اكلك انت شبيك ماهذنة بصوتك شهالهمجية عود رجولة هاي لوو شنو مو دنحجي اسستقر خلل افهم

خالو جان يحجي بهدوء بس عصيبتة بداخلة فاضحتة عروقة اللي تبرز ونضراتة اللي تصير تخوف

:يابة على بختك يا رجولة سمعت شتمخرط

:خالو ترة هم حقهم الناس اكلت وجهم يكولون متيهيهن بتكم يتيمة وحدهه هم يردون الستر لا اكثر

:واحنة شنوو كاوولية گدامج ماعدنة ستر

:مرتضى كافي شبيك، قابل طايرة اني هي فترة صغيرة وارجع يمك

:ماااكووو مااكوو لا صغيرة ولا كبيرة مالج طلعة من الباب

:خالو احجي وياه

:شحجي بعد خالج، اكولهه عوفهه تشمر روحهه بالنار هذول مو اهلج يابة نواياهم تختلف عن تفكيرج واللي ما ارضى على بناتي ماا ارضى عليج

:خل تولي، والله لو تموتين باب البيت متعتبي

:احنا بس عاقدين مرتضى سمعتي راح تصير بالطين بسسببك

:بسسسبي سرى رديناا على التجفييص

:لعد خلوني اروح

ام مرتضى:وين ترحين يوم خاف يصيرلج شي هناك وانتي بعيدة

صديتلهه هي نزلت عينهه

:خالو اني هم من حقي اتزوج مثل البنات اريد مهر وعقد محكمة وعرس وزفة لو مو من حقي

خالو:ومحد كايل لاء حقج وزايد بس روحة للناصرية ماكوو

:حددي الوقت اللي يعجبج احلى عرس اسويلج ووين ميعجبج

:اي تمام لعد اروح يمهم ابقى لو فترة صغيرة قابل شنو راح يسوولي

:كطنة وشيليهه من اذانج

:بس اني قررت باجر راح اروح

كلهم التفتو علية متفاجئين

مرتضى:احد منهم متواصل وياج
:بلي خالو حميد وهو طلب مني وتوسلني اروح لهم
خالو:لعد ليش محجيتي خالو مو عيب هيج سالفة تنضم لو مو بعينج اني
:تاج راسي انت خالو والله، بس ماردت اقلق راحة مرتضى بفترة الامتحانات

:هههههههههههههه حلووو وهسة شفتي الوقت مناسب.. المهم سالفة الطلعة لاتفتحين سيرتهه ابد والا والخلقج نتخارب

عر وجر وعياط انتهى الحوار گمت زعلانة بيومهه محد اتغدى العصر فاتت خالة اني جنت دا ارتب اشيائي بجنطة هي ابتسمت وتكلمت... اي عفية ابقي مصرة على قرارج هي فترة ونرجعج لا تخافين

طلعت گعدت بالارض ابجي بحسرة مكسور كلبي خايفة من المستقبل

بالليل صاحوني على العشا مارحت مرتضى عاف العشا وطلع بعد العشا طلعت الخالو بغرفته خالة عافتنة وطلعت بحجة تخابر مرتضى

:خالو فدوة اسمحلي خليني اروح مرتاحة لا تخليني اروح وانت زعلان مني

:زعلان وماراضي خالو وماراح تطلعين

:خالو قرارو مامنه رجعة بطريقة او بأخرى اني راح اروح تعبت والله تعبت اعرف بيهم ماراح يتركوني اذا مارحت

:تتزوجين ويصير مالهم حق يمج

:لا ماراح يتركوني وانتو اهلي والله اي شي يصير اتصل بيكم تجوني دنكت بست ايدة واتوسل.. بس شهرين لا اكثر وحتر عرس راح نسوي متريدون تفرحون بمرتضى

:بعد عيون جميلة مستكثر على نفسي بقائي على قيد الحياة ما اريد افرح خالو ليش تردين توجعين گلبي

:ياريتني فدوة لگلبك.. سكت مارد بس مقهور.... خالو الفجر يوصل راح اروح وياه
فدوة احجي وية مرتضى لا يعترض

:راح تخسرينة خالة راح تخسرين مرتضى، مرتضى عندة يضحي بنفسة ويموت ولا يشوفج طالعة منه

:قابل رايحة للحرب يا عمري انتو

ودعتة ووصيتة على بيتنة اللي بعد غراضنة بي واجارنة خالو يدفعه رحت لبيتنة انتي والبنات بجيت لحد ماغفيت واني دموعي على خدودي مقهورة حيل وصوت مرتضى يرج ابيت خالو خالو جان يقنعه وهو يعيط

لحد ما گمزت من منامي على دفرة باب غرفة ماما

___________________ يتبع

✨انتظر تقييمكم وتعليقكم وتشجيعكم حتى نستمر سوى انتو قراء واني كاتبة خلو تكافؤ اني اتعب بالكتابة وانتو شجعوني🫂💕

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

احبكم هواي🫂💞