البارت التاني.
گ رحمه محمد
...............................................................
العجوز بقلق:-طيب يابنتي متكلمي حد يجي ياخدكوا بدل متمشوا لوحدكوا ويفضل يكون راجل.
روما برعب:-هكلم خالوا يجي ياخدنا.
شيري:-ياريت
مولا بمرح:-مكنا اتخطفنا ياختييييي مكنا اتخطفنا مالوا الخطف
روما بمرح:-لا فوقي الخطف ده غير الخطف اللي في واتباد يما في روايه *****خطفوهم عشان ينتقموا منهم وفي الاخر حبوهم لكن الخطف ده هياخدوا اعضائنا ياما.
شيري برعب:-كلمي خالك يابنتي قبل ميرجعوا.
...............
في منزل خال روما
ايمن:-الو
روما:-خالوا ممكن تجلنا عند *****تخدنا
ايمن بستغراب:-لي واي اللي ممشيكوا بدري كده
روما: -كان عندنا سكشن انهارده الساعه10بس دلوقتي حصلت مشكله كبيره ولازم تيجي تخدنا
ايمن بقلق:-اي اللي حصل حد عملكو حاجه.
روما:-لا يا خالوا لما تيجي هحكيلك.
ايمن:-ربع ساعه وهبقي عندك.
........................
شيري برتياح:-الحمدلله ان خالك لسه قريب من المنطقه هنا والا كان زمانا اتخطفنا.
روما بتأيد:-انتي صح.
مولا بملل:-هي الناس واقفه في البلكونه بتبص علينا كده لي.
روما:-يمكن عشان خايفين علينا مثلا!؟
شيري بمرح:-متبعتولنا سندوتشين الله يستركوا لحسن الانسان مفطرش.
نظر لها العجوز ببسمه طيبه:-تعالي يابنتي اتفضلي البيت بيتك
روما بإحراج:-لا يا عموا تسلم دي بتهزر بس
العجوز:-لا والله ابدا لازم تيجوا دانا بيتي في الارضي هنا بس تعالو ومراتي مجهزه الفطار.
مولا:-ربنا يخليك يا حج والله هي بتهزر احنا فطرنا قبل مننزل.
روما بتكلمه:-وكمان خالي جاي ياخدنا والله عشان ميقلقش علينا
العجوز:-طب استنوا هبعت اعملكوا سندوتشين
شيري بضحكه غبيه:-اذا كان كده ماشي
ذهب الرجل الي منزله وبعد وقت قليل اتي بطبق ملئ بالسندوتشات
العجوز بمرح:-اعملكو شاي ولا اجيبلكم حاجه سقعه
روما ببسمه:-لا تسلم ربنا يخليك اهو خالو جيه
شيري بضحك:-تسلم ايد القمر اللي عملت السندوتشات دي والله هنبقي نيجي نفطر عندكوا كل يوم
العجوز بنبره حنونه:-تنوري ياحبيبتي انا بيتي مفتوح علي طول
ركض لهم ايمن وهو يتفحصهم في رعب
ايمن:-اي اللي حصل واي اللي جابكوا هنا وفي اي ومين ده
روما بمرح:-مع خالوا ايمن لو راجل الحق رد علي سؤال
ايمن:-اتكلمي يابت.
مولا:-مفيش يا اونكل االله يدوب كنا هنتخطف
ايمن بغضب:-انتوا هتهزرو
شيري بضحكه غبيه:-اقسم بالله كانو هيخطفونا!
ايمن بدهشه:-وانتي فرحانه!
شيري بضحك:-اه اصل عيشت حلم حياتي وهو اني اجري من عصابه.
نظر لها ايمن بتشنج وهو يرفع احدي حاجبيه
روما وهي توجهه نظرها للعجوز:-شكرا ليك يا عموا وتعبناك معانا عن اذنك
في السياره
ايمن:-احكولي بقي اللي حصل.
روما بهدوء:-كنا ماشين الصبح عشان نروح الموقف وفجاءه لقينا عربيه سودا نزل منها حرس كتير وكانو بيجروا ورانا
شيري بمرح:-واحنا نسكت لا طبعا قومنا مشلحين الدريسات وجرينا في الشارع.
مولا بحماس:-ومش بس كده احنا فضحانهم لحد مخافوا لناس تشوفهم.
ايمن:-ازاي
روما:-صرخنا يا خالوا
ايمن بنفاذ صبر:-ايوه مييين ده يعنييي.
مولا بتفكير:-تقريبا والله اعلم منعرفش
ايمن:-يخربيتكوا انتوا هتشلونييييي
روما:-بص هو في حد برضوا حاول يخطفنا قبل كده بس قولنا يمكن عادي
ايمن:-حصل امتي ده
روما:-
FLASH BACK
من اسبوع مضي
كان الثلاث فتايات يجلسون في احدي الكافيهات المطله علي النيل
شيري بضحك شديد:-لا بس حلو والله ان امك ترضي تخلينا نقعد علي كافية غير كافيه الكليه لا ومش بس كده وعلي حسابها كمان
روما بضحك:-منا قولتلها بقي ان مروه لسه مجتش والقاعه فاضيه فهنقعد في الكافيه فقالتلي اعزميهم من فلوسك ولما تيجي هديكي الفلوس
مولا بملل:-مش مروه قايله الفرح الساعه 6دلوقتي الساعه 7اهو الا مشوفنا حد حتي من اهل العروسه جيه
روما:-بتت اديني كارت الدعوه كده
شيري:-خدي
اخذت منها الكارت ونظرت لهم بصدمه
روما بضحكه غبيه:-مش عايزه اصدمكوا يعني بس احنا جينا قاعه غلط.
جذبت منها مولا الكارت بصدمه:-اتصدقي صح هنا مكتوب قاعه الاحلام والقاعه اللي روحناها قاعه جردينيا.
شيري بضحك:-اتاري محدش جيه لحد دلوقتي الله علينا ضيعنا ساعه من الفرح
روما بضحك: -اشربوا العصير خلينا نقوم نروح القاعه التانيه ونكلم اخو مروه يجي يخدنا
شيري بضحك:-هتكلمي محمد؟ ده هيتوه اول واحد يبنتي.
مولا بضحك-حصل والله.
روماوهي تضع الشيت علي الطاوله
رومابتذمر:-2مانجا وواحد نسكافيه ب120جنيه ليييييي
الجرسون:-في 30%خدمه واي فاي يافندم.
روما بغباء:-بس احنا مخدناش واي فاي.
الجرسون:-مهو موجود قدام حضرتك يافندم بس انتي مطلبتيش.
مولا بغباء:-انت صح برضوا يعني المانجا ب 25 والنسكافيه 20يعني الحساب 70جنيه برضوا لي انت واخد 120
الجرسون:-يافندم مهو في برضوا 20%مشغل موسيقي.
شيري بستغراب:-بس احنا مطلبناش موسيقي.
الجرسون:-مهو كان اودام حضرتك مطلبتيش لي.
روما بهدوء:-انت صح بس احنا بقي هناخد 80%خصم معاكسه صحابي.
الجرسون بستغراب:-بس انا معكستهومش.
روماببرود:-مهو كانوا اودامك معكستهومش لي؟
الجرسون بتنهيده حاره:-انتي صح هاتي 40جنيه.
اخرجت روما المال بضحكه خفيفه:-بهزر معاك ياعم خد 70جنيه اهم بدل متدعي علينا.
BACK
ايمن بصراخ:-يعني اييييييييييي اللي حصل مش فاهم اي دخل ده في خطفكوا.
روما بتذمر:-الله مش بحكيلك من الاول ياخالي.
ايمن:-لا ياريت تخشي في الموضوع علي طول.
رومابتذمر:-بس ياخويا وخرجنا من الكافيه ولقينا عروبيه سودا ماشيه ورانا و
قاطعها ايمن بتساؤل:-عروبيه؟
روما بغباء:-بدلع العربيه اي مدلعاش
ايمن بغضب:-انتييييييي هتهزري
روما بتذمر:-انت مالك قافش كده لي ياخالو دحنا بنضحكوا معاك
شيري بضحك:-خالو فضلوا تكه وهيحدفنا من هنا
روما بتكلمه:-المهم ياخالي جرينا وروحنا داخلين شارع زحمه بتاع هدوم وكده وواد ابن جزمه خبط فينا اسكتلوا لا طبعا بقولوا معلش راح مبجح فيا مولا تسكت لا طبعا راحت مصوته في الشارع وقالت حرامي شيري تسكت
ايمن بنفاذ صبر:-لا طبعا جمعت الناس والناس نزلت فيه ضرب
ايمن:-وانتي عملتي اي
روما ببراه:-ولا حاجه
نظرت لها شيري بصدمه:-اه ياكدابه
مولا بسخريه:-معملتش حاجه هي يدوب شوهت ملامح الواد بصندلها بس
ايمن وهو يكاد يصاب بشلل:-ارحمني يارب
ثم اكمل:-طيب دلوقتي روحوا معايا علي البيت نجيب خالتك ونروح علي ستك بلا سكشن بلا بتاع
شيري بقلق:-بس الدكتور هيزعق
ايمن:-اديني رقم الدكتور ده
روما:-مش معايا رقم دكتور يوسف مع مولا
مولا:- اهو 011********
ايمن:-سلام عليكم
يوسف:-وعليكم السلام
ايمن:-دكتور يوسف معايا.
يوسف:-ايوه مين
ايمن:-انا ولي امر الطالبات رحمه وشروق وامل طالبات في الدفعه التانيه عند حضرتك
شيري وهي تضرب وجنتيها:-يفضحتي
مولا بإحباط:-كان هيجرا اي لو قولت مولا عبدالفتاح
يوسف:-اه اهلا بيك يافندم تشرفت بحضرتك بس حضرتك ابو انهي واحده فيهم.
ايمن:-انا والد رحمه والبنتين التانين ولاد اخواتي البنات
روما بنصف عين:-ياجدع ولاد اخواتك اه
شيري بضحك شديد:-اخوات في الاسلام عادي
يوسف:-طيب حضرتك هما عندهم سيكشن كمان ساعه والمفروض يبقوا هنا دلوقتي عشان كشف الحضور
ايمن:-لا مهو انا متصل عليك عشان كده يعني حصل ظروف وهما مش هيقدروا يجوا
يوسف:-تمام يافندم بس ياريت يعوضوها يوم الاحد عشان درجات السنه متتخصمش منهم.
ايمن:-تمام يا دكتور تسلم مع السلامه مع الف هسلامه
روما:- هنقولهم اي في البيت
ايمن:-الدكتور اتصل ولغي المعاد انهارده وخلاه يوم الاحد فعشان كده رجعتوا.
شيري:- اشطا عليك ياخالي
بعد مرور نصف ساعه وصلوا كلهم بيت جده روما
ام روما:-مش كان عندكوا سيكشن
روما:-مهو الدكتور لغاه انهارده عشان حصلوا ظروف وقال يوم الاحد هيدينا مكانو.
ام روما:- لازم تروحوا اووي رمضان هيبقي اليوم اللي بعديه.
شيري:-اه هيبقي علينا امتحان شفوي وبعدها هننزل تدريبات في نص رمضان فده ضروري.
شيماء:-ربنا معاهم يارب.
حبيبه بمرح وهي ابنه خال رحمه :-اللي مشرفين العيله وداخلين علمي
مولا بمرح:حبيبي
شيري:-حبيبه تلوث ازيك؟
رومابضحك:-قصدك حبييه ام سالب 3ونص في الانجليزي
اميره بضحك:-وسالب خمسه في الدراسات
روما بمرح:-الله عليكي يا فخر الطلاب.
احمد بمرح:-الحمدلله عمري مجبت سالب دي.
روما وهي تبعثر شعره:ايوه يدوب بتجيب 3او 2بس من 20
مولا بضحك:-من هي كيلوباترا يا احمد
روما بتكلمه:-السجاير اللي جدو كان بيشريها
شيري بضحك:-من هو الملك امننمحتب يا احمد
مولا بتكلمه:-هو الملك الذي آمن بالحتب.
روما بضحك شديد:-مش فاهمه حتب ازاي يعني مش جايه معاك انها بحرف ال ط
احمد بخجل:-خلاص كفايا فضايح
ايمن بسخريه:-الانسان فرحان بيك ياهندسه والله
............................
في مكان اخر
تحديدا مستشفي الامراض النفسيه
الطبيبه:-طب اتكلمي طيب احكي حصلك اي يابنتي
نظرت لها الفتاه ببرود ووجهت نظرها للجهه الاخري
الطبيبه بعصبيه:-اوف لولا انك اخت ادريس بيه كنت رميتك بره
...........................
مر اليومان بدون احداث تذكر
في يوم المحاضره تقابل الثلاث فتايات للذهاب معا
روما بقلق:-انا لي حاسه ان في حد بيراقبنا
شيري:-وانا برضوا.
مولا بتوتر:-ايوه الراجل ابو تيشيرت ازرق ده ورانا من ساعه منزلنا من بيت شيري
روما:-مدوا خلينا نوصل السيكشن بسرعه.
وفي خلال دقائق وصلوا الي وجهتهم
نظرت روما للشاب الذي وقف امام السنتر
روما:- هكلم خالو
مولا:-هتقوليلو ايه يا روما هيقلق علي الفاضي ومش بعيد يسيب شغله ويجي
روما وهي تنظر لها:-هسأله مش يمكن ده حد تبعه طلب منه انه يحرسنا
شيري:-روما صح يا مولا
نظرت روما للهاتف ووجدت خالها يتصل
ايمن:-اي ياحبيبتي عامله ايه
روما بقلق:-في حد بيرقبنا
ايمن:-ايوه عارف منا كلمت ظابط اللي اعرفه وخليتوا يبعتلك حد ياخد بالوا منك ويراقبك عشان لقدر الله لو حاجه حصلت يدخل هو.
رحمه روما:-تسلم ياخالوا ربنا يخليك
ايمن:-علي اي ياقلب خالو
نظرت روما للفتاتان:-خالوا خلي صحبوا الظابط يبعت حد يفضل ورانا عشان لو حصل حاجه يدخل ويلحقنا.
شيري برتياح:-طيب يلا نخش السنتر.
في الداخل
نظر لهم يوسف بهدوء:-اتاخرتوا ليه.
روما بتوتى:-اسفين يادكتور بس حصلت مشكله معانا واحنا جايين في الطريق.
يوسف بهدوء:-اللي كلمني في التليفون ده ابوكي وخال البنات دي بجد يارحمه
رومابهدوء:-ده خالي يا دكتور وهو بيعتبر شيري ومولا زيي
يوسف بستغراب:-مين شيري ومولا
شيري وهي تلوح له بيدها:-انا شيري شروق واشارت لمولا:-ودي امل مولا بس احنا من زمان يعني واحنا بينادونا مولا وشيري والاخت دي واشارت لروما:-بيقولولها روما
يوسف:-امممم ومحضرتوش ليه السيكشن بتاع الجمعه.
مولا بهدوء:-زي مقال لحضرتك كان في ظروف منعتنا نيجي.
يوسف بستغراب:-ظروف اي اللي تخليكوا متحضروش سيكشن عليه درجات امتحان الشفوي بتاعكو.
شيري بتوتر:-كنا هنتخطف مثلا!؟
يوسف بصياح غاضب:-انتي هتستظرفي يا شروق
شروق وهي تنظر حولها بخوف:-والنبي قول شيري
نظر لها يوسف بتشنج:-ليه اسمك عليه تار ولا ايه
روما وهي تكتم ضحكتها:-لا يادكتور بس هما عندهم عقده من اساميهم
نظر لهم يوسف بغضب
مولا:-والله يادكتور بجد كنا هنتخطف والله عشان كده مبقناش نخرج لوحدنا ومعانا مراقبه حتي لو حضرتك مش مصدق هتلاقي ظابط واقف بره بيرقبنا عشان لو حصل حاجه يلحقنا!
يوسف بنصف عين:-طيب ومين ده اللي عايز يخطفكوا
روما بسخريه:-ملوش داعي حضرتك مش هتصدق
يوسف:-ياستي قولي
نظرو الفتايات الي بعضهم :منعرفوش
يوسف بشك:-اممم
روما بستغراب:-حضرتك مش مصدق صح
يوسف:-لا بس انتوا ليكوا عداوه مع حد او كده
شيري:-لا خالص والله احنا علي طول في حالنا
يوسف:-طيب عموما تمام بس اي مساعده اناموجود لو احتاجتم
روما:-تسلم يادكتور
فتاه اخري:-يادكتور السكشن يدكتور.
الشاب:-الوقت اتاخر
يوسف بنزعاج:-خلاص وانتوا يلا خشوا وخدوا بالكوا بعد كده.
................................
في اليوم التالي..
روما بتذمر:-والله حرام كده انا مش قادره الجو حر وصايمين كمان.
كولت بضحك:-انا مش حاسه بلساني لا وكمان كان علينا امتحان ولسه في محاضرتين
شيري بدوخه:-فاصل قد ايه علي المغرب
روما بضحك:-لسه الساعه 12ياحبيبتي لسه بدري
شيري وهي تضرب وجنتيها:-لسه فاضل6ساعات منهم لله الدكاتره حبكت امتحان شفوي في اول يوم رمضان
رحمه:-مش عارفه ياختي ولا دكتور يوسف اللي عامل محاضره ده كمان
مولا بتوتر:-بنات
نظرو لها مولا وروما بستغراب:-ايه
مولا:-مش دي بنت عمتك اللي الكل متحمع حوليها يا روما
نظرت روما الي ماتنظر له مولا بفزع
روما بفزع:-يانهار ابيض ريهام
ونلتقي بكم في بارت اخر ياكتاكيت😉😂❤️🔥
گ رحمه محمد
دمتم سالمين يا حلوين😚