សម្លេងគ្រាប់កាំភ្លើងបន្លឺឡើងយ៉ាងរំពងពេញទីលាន ដែលគេរៀបចំឡើងសម្រាប់ហ្វឹកហាត់ការបាញ់កាំភ្លើងនឹងឯង ។ ទន្ទឹមនឹងនោះ យើងក៏ក្រលេកឃើញបុរសម្នាក់ដែលមានអាយុស្របាលនឹងក្មេង អាយុ 20 ឆ្នាំជាងកំពុងតែកាន់កាំភ្លើងខ្លីមួយដើមតម្រង់ទិសដៅយ៉ាងល្អឥតខ្ចោះ បាញ់រះទៅរូបមនុស្សដែលគេដាក់បញ្ឈរចោលនោះចំក្បាលមិនខុសមួយគ្រាប់ ។
បុាំង!បុាំង សម្លេងកាំភ្លើងកាន់តែលាន់ឡើង ខណៈដែលមុខអ្នកកម្លោះកំពុងតែឡើងក្រហមដូចឈាម ក្ដាប់អាវុធណែនដៃ បាញ់ដោយកំហឹងបៀមជាប់ក្នុងខ្លួន ។ សភាពបែបនេះប្រាកដណាស់ ថាមានរឿងអ្វីម្យ៉ាងមករំខានចិត្តគេមិនខាន បានជាធ្វើឲ្យអ្នកកម្លោះម៉ួម៉ៅយ៉ាងនេះ ។
"មើលទៅពួកយើងបន្តទៅមុខជាមួយគ្នាមិនរួចទេ បញ្ចប់ត្រឹមនេះចុះ"
"គិតថាខ្ញុំខ្វល់ហេស៎ ចប់ក៏ចប់ទៅ ខ្វះអីស្រី មនុស្សល្អជាងបងមានច្រើនណាស់ អត់បងមួយក៏ខ្ញុំមិនស្លាប់ដែរ"
"ព្រោះតែបែបនេះហើយទើបខ្ញុំសុំដកខ្លួន ជូនពរអោយឯងរីករាយពេលដែលលែងមានវត្តមានរបស់ខ្ញុំ សង្ឃឹមថាពួកនាងនឹងនៅក្បែរឯងបែបនេះរហូតទៅ ហើយក៏ចូលរួមត្រេកអរដែលអាចបញ្ចប់ទំនាក់ទំនងមិនច្បាស់លាស់ដូចគ្នា លាហើយ Jeon Jungkook "
ពាក្យសម្ដីគ្រប់ម៉ាត់បន្លឺឡើងរំពងពេញត្រចៀកអ្នកកម្លោះ ចាក់សារនូវរូបភាពជាច្រើននាថ្ងៃដែលគេបានបែកគ្នាជាមួយនឹងសង្សារចាស់ដែលស្រឡាញ់គ្នាមកអស់ពីរឆ្នាំ គេចាកចេញទាំងសោះកក្រោះ មិនសូម្បីតែបង្ហាញអារម្មណ៍ ដែលធ្វើឱ្យនាយមិនអាចស្មានពីចិត្តរបស់គេដឹង ។
ផ្លាប់~ផ្លាប់ ភ្លាមនោះដែរ សម្លេងទះដៃក៏បន្លឺឡើងពីចម្ងាយបង្ហាញនូវវត្តមានរបស់បុរសសង្ហាពីរនាក់ទំនងជាកូនកាត់ ដើរញញឹមញញែមមកកាន់កន្លែងមិត្តដែលកំពុងតែស្វិតស្វាញបាញ់មិនដកដៃ ។
«វ៉ាវ!! អស្ចារ្យណាស់ នៅតែ Jeon Jungkook ពូកែដូចដើម»Edward ពោលសរសើរសម្លឹងទៅផ្ទាំងសុីបទាំងនោះដែលត្រូវមិត្តរបស់ខ្លួនបាញ់ឡើងសុះ បើសិនជាមនុស្សមិនដឹងថារូបរាងនឹងទៅជាបែបណាទេ ។
«............»Jungkook មិនមាត់ដោះកាសចេញពីត្រចៀក លែងបាញ់តទៅទៀត ។
«មិនទៅចូលរួមពិធីភ្ជាប់ពាក្យបង Jiho ទេហេស៎អាសម្លាញ់»Karl ពោលសួរជាមួយនឹងសំណើចហាក់ចង់ញ៉ោះអ្នកកម្លោះច្រើនជាង ដៃនេះក៏លឿនទៀតលើកទៅទះស្មាគេមុននឹងកៀក.កយ៉ាងទំនង ។
«ភ្ជាប់ពាក្យហេស៎? ហឹស កំពុងតែចុះអេតាសុីវិលហើយទេដឹង»Jungkook សើចដើម.ក ទាញស្រោមដៃយកមកពាក់ នឹកឃើញរឿងនេះពេលណា នាយខឹងសឹងតែឆេះក្បាលទៅហើយ ។
«ចុះអេតាសុីវិល? ចុះក្រែង-»មិនអោយEdward បញ្ចប់ប្រយោគទាន់ទេ ទូរស័ព្ទរបស់ Jungkook ស្រាប់តែរោទ៍ឡើង ។
«គួរអោយធុញពិតមែន!!»Jungkook បន្លឺឡើងទាំងធុញទ្រាន់ ចុចទូរស័ព្ទបិទមិនខ្ចីទទួលលេខរបស់អ្នកផ្ទះដែលខលមក ទើបទាញកាតាបមកស្ពាយបម្រុងនឹងចាកចេញ ។
«អាវ៎...នេះទៅហើយហេស៎»Edward
«យប់នេះជួបគ្នាកន្លែងដដែល»Jungkook ស្រដីទាំងមិនបែរខ្នង បន្តដំណើរជាមួយនឹងរាងដ៏សែនសង្ហាខ្ពស់ស្រឡះរបស់នាយ ដែលទាក់ចិត្តស្រីៗមិនចេះតិច តែប្រុសម្នាក់នេះក៏ព្រានមិនធម្មតាដែរ ស្រីរបស់នាយកៀរនឹងជើងឯណោះ ។
«ហឹស...មើលទៅវិមាន Jeon អាចនឹងឆេះឬអត់ហាស៎»Karl
«វាមិនហ៊ានទេ យ៉ាងច្រើនអុកលុកពិធីតែប៉ុណ្ណឹង តោះទៅប្រណាំងឡាន»កម្លោះទាំងពីរកៀក.កគ្នាបណ្ដើរទៅរកកន្លែងកម្សាន្តបន្ត រង់ចាំដល់ពេលល្ងាចនឹងទៅសុីផឹក គយគន់នារីៗក្នុងក្លឹបជាមួយគ្នា ។
បកមកដឹងពីប្រវត្តិរបស់តួអង្គប្រុសយើងបន្តិច ។ Jeon Jungkook អាយុ 24 ឆ្នាំ បញ្ចប់ការសិក្សាពីបរទេសនៅឯកាណាដាជាមួយមិត្តគេពីរនាក់មុននេះ (បញ្ជាក់មិត្តគេនឹងអត់ប្រយោជន៍ដូចគ្នា)តែក៏មកបន្តជំនាញបន្ថែមផ្នែក IT ព្រោះមិនចង់ទំនេរនៅវិមានស្ដាប់លោកឪពុកទេសនា បានជារកលេសចេញអោយផុតពីវិមាន តែគ្មានសូវចូលរៀនទេ មួយអាទិត្យយ៉ាងច្រើនឃើញមុខបីដង ។ Jungkook ជាកូនពៅរបស់លោក Jeon Hanjung ដែលជាប្រធានាធិបតីរបស់ប្រទេសកូរ៉េខាងត្បូងនាសព្វថ្ងៃ ហើយបងប្រុសគេម្នាក់ទៀតគឺ Jeon Jiho នឹងឯង ។ ដែលមុននេះនិយាយថានាយធ្លាប់មានសង្សារជារឿងពិត Jungkook ស្រឡាញ់គេខ្លាំងណាស់ គ្រាន់តែពេលនោះនាយនៅខ្ចី ធ្វើអ្វីមិនសូវខ្វល់ពីអារម្មណ៍ដៃគូនោះទេ បានជាគេខឹងហើយសុំបែក និយាយអោយស្រួលស្ដាប់ទៅ ទំនាក់ទំនងពួកគេជាស្នេហាដែលមិនច្បាស់លាស់ ។
#វិមាន Jeon
ទីសួគ៌ឋានដែលមនុស្សគ្រប់រូបប៉ងចង់ស្នាក់ ទីធ្លាដ៏ធំល្វឹងល្វើយ សំណង់ដែលស្ថាបនាឡើងយ៉ាងប្រណីត មានសួនច្បា និងរៀបចំការលម្អយ៉ាងទាក់ភ្នែក ហាក់លេចធ្លោខុសពីវិមានធម្មតា ។ ថ្ងៃនេះទៀតសោត នៅខាងក្នុងវិមានគេកំពុងតែមានការរៀនចំពិធីជប់លៀងតូចមួយសម្រាប់កូនប្រុសច្បងត្រកូល Jeon ដើម្បីទទួលស្វាគមន៍សមាជិកថ្មីគឺភរិយារបស់គេនឹងឯង ប៉ុន្តែទាល់តែពេលល្ងាចទើបចាប់ផ្ដើម ។
«បើយល់ព្រមហើយ សូមអ្នកទាំងពីរចុះអេតាសីុវិលបាន»លោកមេធាវី ស្រដីប្រាប់ទៅគូស្វាមីភរិយាថ្មីថ្មោង តែអេ៎...នេះមិនមែនជាលើកទីមួយរបស់ Jiho នោះទេ ព្រោះគេធ្លាប់រៀបការម្ដងរួចទៅហើយ ថែមទាំងបង្កើតបានកូនស្រីដ៏គួរស្រឡាញ់មួយទៀតផង ប៉ុន្តែជាអកុសលដោយសារជំងឺនាងក៏បានលាចាកលោកតាំងពីបីឆ្នាំមុនមកម្ល៉េះ ។
«អឺ សញ្ញេទៅចៅ...»លោកយាយ Jeon ស្រដីទាំងសើចសប្បាយ ព្រោះនេះជាការប៉ងរបស់គាត់និងស្វាមីយូរមកហើយដែលចង់បានក្មេងម្នាក់នេះមកធ្វើជាចៅប្រសារ តែលោកតា Jeon មិនបានមកនោះទេ គាត់រង់ចាំទាល់ថ្ងៃរៀបការពួកគេតែម្ដងទើបហោះហើរពីកាណាដាមក ។
«រួចហើយ នេះ Tae...»Jiho ហុចប៊ិចទៅអោយអនាគតភរិយារបស់ខ្លួនម្ដង តែមុននេះនាយហៅឈ្មោះគេថា Tae ?
ប្រាកដណាស់ Kim Taehyung នឹងចូលខ្លួនមកធ្វើជាចៅប្រសាររបស់គ្រួសារ Jeon ហើយក៏ជាម៉ាក់ថ្មីរបស់នាងតូច Jeon Irin ផងដែរ ។ ចុះគេជាអ្នកណាបានជាមានសំណាងបែបនេះ? ចាំខ្ញុំប្រាប់៖ Kim Taehyung អាយុ 27 ឆ្នាំ បញ្ចប់ការសិក្សាពីកាណាដាផ្នែក Design ឬ ដេគ័រជារបៀបទទួលរៀបចំរោងការឬកម្មពិធីផ្សេងៗអីបែបនេះ ហើយបច្ចុប្បន្នគេក៏មានការងារច្បាស់លាស់នៅក្នុងក្រុមហ៊ុនមួយផងដែរ ។ Tae មិនមែនជាកូនកាត់ឡើយ គ្រាន់តែប៉ាម៉ាក់របស់គេផ្លាស់ទីលំនៅទៅរស់នៅកាណាដាវិញ ព្រោះប៉ាគេក៏ជាអ្នកជំនួញល្បីមួយរូបផងដែរ ថែមទាំងមានទំនាក់ទំនងល្អជាមួយលោកតា Jeon ទៀតផង ។
បកមកសាច់រឿងវិញ ដៃស្រឡូនរលោងស្អាត ចាប់ប៊ិចមកកាន់នឹងដៃបម្រុងតែសញ្ញេទៅហើយ បែរជាត្រូវរំខានដោយសម្លេងខាងក្រៅ សូម្បីតែមនុស្សក្នុងវិមានក៏ងាកទៅរកប្រភពសម្លេងដែលលាន់ចេញពីម៉ូតូធំនោះដែរ មុននឹង ង៉ោង~ផាំង! ប្រាវ!
«អ្ហាយ...»គ្រប់គ្នាស្រែកដោយការភ្ញាក់ផ្អើលលើកដៃខ្ទប់ត្រចៀកទាំងបុកពោះ តើនរណាមកធ្វើស្អីនៅទីនេះ រួចចុះអង្គរក្សគ្មាននរណានៅយាមទេឬ?
«អ្នកណាមកឡប់ស្អីនៅទីនេះ អាសេមចេញទៅមើលមើល៌»លោក Jeon ស្រដីដោយកំហឹងតែក៏ប្រឹងទប់ ព្រោះមិនចង់ឆេវឆាវ នៅមុខមនុស្សចាស់ ។
«បាទ!!»
«ហើយអ្នកណាគេមកលេងខុសរបៀបបែបនេះ ហឺយ...ស្ទើរតែលោះព្រលឹងមនុស្សចាស់ទៅហើយ »លោកយាយវ័យក្រាស់ ស្រដីជាមួយសម្លេងរញីរញ័ររបស់ខ្លួនទាំងស្លុត យកដៃរឹតទ្រូងកុំអោយភ័យ ។
«បន្ធូរអារម្មណ៍អ្នកម៉ាក់ នាងទៅយកប្រេងខ្យល់មក»លោកស្រី Jeon ស្រដីប្រាប់ទៅអ្នកបម្រើ ជួយសម្រួលដល់លោកយាយចំណាស់ដែលត្រូវជាម្ដាយក្មេក ខណៈឯអ្នកដទៃទៀតបានត្រឹមស្ងាត់ ចាំមើលថាជានរណាដែលប្រហើនមកអុកឡុកក្នុងវិមាននេះ ប្រហែលជាមិនស្គាល់គុកទេមើលទៅ ។
មិនអោយសៅហ្មងចិត្ត បណ្ដាអ្នកបម្រើរហ័សនាំគ្នាឱនក្បាល180° ជាហេតុអោយគ្រប់គ្នាចម្លែកចិត្ត ប៉ុន្តែភ្លាមនោះមេបង្កបញ្ហាមុននេះក៏បង្ហាញខ្លួនឡើងមកជាមួយនឹងដំណើរក្អេងក្អាងមិនខ្លាចនរណា ហើយម្នាក់នោះជា Jeon Jungkook ហ្នឹងឯង ។ (រឿងនេះអាបុិគុកពាលតិចហើយ🤧)
«Jungkook!!» គ្រប់គ្នាឧទានឡើងទាំងភ្ញាក់ផ្អើល លើកលែងតែ Tae ដែលអង្គុយនឹងធឹងសម្លឹងទៅមនុស្សប្រុសដែលជម្លើយដើរចូលមក ។
«ពូ kook...»មិនចាំយូរ នាងតូច Irin រត់សម្ដៅទៅរកពូសំណព្វអោបជើងរបស់នាយជាប់ ប្រាប់តាមត្រង់នាងស្រឡាញ់លោកពូនាងណាស់ ព្រោះ Jungkook ពូកែតាមចិត្ត នាងចង់បានអីគឺបាននឹង ។ រាងក្រាស់បន្ទន់ជង្គង់អង្អែលក្បាលក្មួយស្រីទាំងញញឹមស្រាលៗ ។ Irin ទើបនឹងអាយុ 8 ឆ្នាំប៉ុណ្ណោះ តែនាងបាត់បង់ម្ដាយតាំងពីអាយុ 5 ឆ្នាំ ។
«មុននេះឯងធ្វើស្អី Jungkook »មិនអោយរំលងផុត លោក Jeon ក្រោកឈរចោទសំណួរទៅកាន់កូនប្រុស ដែលមហាសែនក្បាលរឹង ប្រដៅមិនបានទេ ប្រាប់អោយគេធ្វើទាហាន បែរជាទៅរៀន IT ធ្វើមិនដឹង ។
«គ្រាន់តែជិះម៉ូតូបុកផើងផ្កា សាកកម្លាំងម៉ូតូប៉ុណ្ណោះ»Jungkook ក្រោកឈរប្រឈមនឹងឪពុកវិញទាំងមិនញញើត និយាយហីៗទាំងញាក់ស្មាហាក់ដូចជាគ្មានរឿងធំដុំ ទាំងដែលគេមានចេទនាបង្ករឿងច្បាស់ណាស់ ។
«ពេលណាទើបឯងឈប់ចោលម្សៀត!!»លោក Jeon
«បានហើយ Hanjung កូនគេមិនបានមានចេទនាទេ... Jungkook ទៅងូតទឹកសម្អាតខ្លួនទៅចៅ»
«អ្នកម៉ាក់ចេះតែបែបហ្នឹង ខ្ញុំបណ្ដោយឡើងគេខូចមនុស្សអស់ទៅហើយ ក្រៅពីដើរលេង ផឹកសុីមិនចូលផ្ទះ ឯងធ្វើស្អីបានខ្លះហាស៎!!»លោក Jeon គំហកឡើងទ្រហឹង គាត់ពិតជាអស់ពាក្យប្រដៅកូនម្នាក់នេះពិតមែន ។ ព្រោះតែគេតែងប្រឆាំង ហើយចាំមើលពាក្យដែលគេតបមកគាត់វិញ ។
«ដេកជាមួយស្រី»ឃើញទេ Jungkook តបយ៉ាងឈាមត្រជាក់ សម្លឹងកែវភ្នែកផ្ចាញ់ផ្ចាលជាមួយឪពុកមិនអោយចាញ់ មុននឹងរេទៅសម្លឹងមុខអតីតសង្សារដែលជិតក្លាយជាប្រពន្ធរបស់បងប្រុសគេវិញ ។ Jungkook ក្ដាប់ខ្សែរកាតាបណែនដៃមើលមុខរាងតូចដោយភ្លើងកំហឹង ខណៈដែល Tae ប្រើខ្សែភ្នែកធម្មតាមិនខុសពី 4 ឆ្នាំមុនឡើយ គឺទទេស្អាត ទោះបីជាដឹងថា Jungkook និយាយមុននេះចង់បញ្ឈឺគេក៏ដោយ ។
«ម៉ាក់មើលសម្ដីគេចុះ»គាត់សឹងតែហក់ដាល់មាត់និយាយមិនចេះគិតរបស់កូនប្រុសពៅម្នាក់នេះទៅហើយ សូម្បីតែសរសៃរឈាមរបស់គាត់ក៏សឹងតែដាច់ពីគ្នា ព្រោះតែខឹង តែគិតឬ ថា Jungkook ខ្វល់ នាយឡើងទៅបន្ទប់យ៉ាងព្រងើយ ឯនាងតូច Irin បានត្រឹមឡេងឡង់ម្នាក់ឯង ។
"ឯងនៅតែមិនប្ដូរចរិត Jeon Jungkook"Tae ពោលឡើងក្នុងចិត្តទាំងសម្លឹងមើលដំណើររាងក្រាស់ ។ មិនថាកន្លងទៅយូរប៉ុណ្ណា Jungkook នៅតែជាមនុស្សគំនិតក្មេង គ្មានភាពជាម្ចាស់ការ ធ្វើអ្វីទៅតាមតែអារម្មណ៍ វក់វីជាមួយនឹងភាពសប្បាយហ៊ឺហា ដើរលេងជុំមិត្តភក្តិសុីផឹកមិនខ្ចីខ្វល់ពីអនាគត មិនតិចដងទេដែល Tae ត្រូវ Jungkook ទុកចោល តែគេនៅតែស៊ូទ្រាំកាន់ដៃនាយមិនលែង ព្រោះគិតថា Jungkook អាចនឹងនៅក្មេងពេកទើបបែបនេះ ប៉ុន្តែយូរទៅគេកាន់តែប្រហើន លែងក្រែងចិត្ត បណ្ដើរស្រីអោបថើបគ្នាទាំងនៅក្នុងសាលានិងក្រៅសាលា មិនគិតពីចិត្តរបស់គេដែលជាសង្សារ សួរថាអាចទ្រាំបានយូរប៉ុណ្ណា ។ មាត់ថាស្រឡាញ់ តែទង្វើមិនធ្លាប់បង្ហាញសូម្បីម្តង គួរតែដល់ពេលហើយ ដែលគេត្រូវដកខ្លួន កុំអោយឈឺខ្លាំងជាងនេះ ។
(រឿងថ្មីយ៉ាងម៉េចដែរ ចាប់អារម្មណ៍អត់🤪)
To be continued
Lie Naa