الكاتبة الريــم
الناس بغير دولة بجَدهم يلحكون
ماعدهم خواطر تبقى مكسورة
واحنا بكاعنه تنزل من الكاروك
تلكة امك عجوز ووالدك صورة
الله يرحم جميع شُهداء العراق وفلسطين 💔
<><><><><>
التصويت على البارت
التعليق بين الفقرات 🫶🏿
<><><><>
في مــكـــان اخر حيث
" حَـــــيــدر "
وصلت للمكان مهجوم طبيت اتفاجئ بمنظر غيث الصوته مبحوح حاضن جثة
بس جثة منو
إتقربت اكثر عليه شنو هاي منو شنو هل دم اني وين جنت
نزلت راسي من اردف
- غيث : جسمها مكشوف
ابتعدت طلعت ادور على باريا
هي طالعة من هل مكان اني المتأخر
طلعت افتر بين الغرف والبنات وغيرها الجانوا موجودين اخذوهم
طلعت لاكاني احد الجنود على بنيه
جان يصيح بإسم نار مجانت موجوده ضمن البنات
طبيت لاحد الغرف عثرت بشي مجنت منتبه اله ركزت بوجه هذا ... حمزة !
الحاول بكل الطرق والنظم كم خطة ارهابيه يتقصد بيها موتي
بس كلها ما مامتت بيها للاسف ههه
جان نَفسه ضعيف وريحه الدم لعبت نفسي
نكس ..
صاح عليه
- غيث : شلون ندفنها واهلها ماكو ولا اي مستمسك يخصها
- حَيدر : ليش منو هاي ؟ وين اهلها
- غيث : مموجودين من اشتد الوضع بالعراق ماكو الهم اي اثر
- حَيدر : استعجل احنا نروح للمستشفى ونسوي ورقة وفاة اني احجي وياهم
ركزت على وجه متنكب بشال مشفته جان موجود عنده
حملها وهو يحجي ويلتفت لكل زاويه بالبيت
اشر على كل مكان موجود وهوَ يكول
هنا هنا
البارحه جانت يمي البارحه هيج وكت واكفه كبالي هنا جنه نسولف
ضحكتها وحجاياتها موجودات براسي ما يروحن مني
خليناها بالسيارة ليورة وهو كعد يمها
فركت وجهي منو هاي
صحت عليهم
- اتحركوااااا
مشى الطريق كله اسمع نحيب غيث
وكانه طفل فاقد امه
وصلنا لاحد المستشفيات الموجوده
نزلنا وخلاها على السديه ..
دخلت على مدير المستشفى والازدحام الموجود والشهداء الملطخين بدم العراق
صار بينا حديث طويل ودخل غيث يشرحله الموضوع
اكثر من ساعتين ونص كملنا كل الاجرائات من ورقة الوفاة وغيرها إلى أن وصلنا لنقطة النهايه
وكف غيث الماشايفه بحياتي مكسور وظهره منحني وعلامات الحزن والانكسار تارسه معالم وجه لتكون بصمة طيلة حياته
إتقرب الدفان يحفر بالكاع وعلى يمينه كبرين
إلتفت على يمينه قبر والده وبصفه قبر والدته سَلم عليهم أختنك بكلامه وادرف
- غيث : ها بويه ها يمه هاي جنتكم ديروا بالكم عليها عَزيزة روحي هاي ..
اشر على مكان الحُفرة القريبة منهم
- غيث : هاي اناااا الازم يخلوني بيها هذا مكاني مخليه إليَ
اتخبل يدك على راسه وهوَ يشوف كَم ضيق الحُفرة وصغرها
- غيث : لتخلوهااا هنا ضيكه الحفرةةةة وخروهااا
أصبح الموضوع وصلت لنقطة هاهي راح يدخلوها بداخل هذهِ الحُفرة
رُفع ايده للسما يبجي
- غيث : معجزه وحده... اريدهااا
ياربي خليني انا بمكانها ..
- مو بس هيَ إلي يا رب علي
جتفته اني والولد من دخلوها لداخل الحفرة اربع زلم نريد نوكفه يبعدنا ويرجع يشوفها
نَزل راسه للحُفرة والخشم يصب دم
- غيث : حالليني وهبيني يا روح ونفس غيث شلون انام اللي ما فكرتي بيَ شلون انام وانا الليلة مفاركتيني تلاثه
- انا الجنت خايف اموت وما اشبع منج
جا تعوفيني وما شبعانه عيوني بشوفتج
يرجع يفقد ونفس الصرخه ولوعة الكلب والنار الجانت محتركة بروحه ذكرني بــــ " مُســلم "
اتقربنا نخلي التُراب تغطي الحفرة وهوَ يشيل من التراب النخلي ويخليه على راسه
- غيث : على كيفكم وياها
بدينا نخلي بتراب ويبجي
- غيث : شبيدي عليج يا بوية نور
خلصنا وهوَ روحه فرفحت
سِند رأسه بين قبور والِديه
وعينه متركزه على تُرابها ...
همس بصوت متعوب
- خلصت وادمي وخلصوا هَلي ما ضل عندي اهل كلهم دفنتهم اليوم ...
إلتفت لأبوه
- جا ليش ما خذتوني وياكم ؟؟
حيله إنهد
- غيث : مابقيت دعاء مابقيت ايه ما قريتها بلكي البي حلم وهسه يكعدولي ..
باوع على مكان قَبرها
- غيث : ها ثأري والجنت اشوف بيج عوض الله كله بعيونج ما تكوميلي ..!
- ختمت القران آيه ورا آيه
بلكي خبر موتك يطلع دعايه
إتقربتله دنكت لمستواه قَدمتله ايدي اسنده حضني يبجي
- غيث : شني ما يحبونيي وما خذوني وياهم ليششش
بدة يهذي بكلمات غير مفهومه من وجع كلبه وكأنه تائه ذكرتني بآيه ..
بِسم الله الرحمن الرحيم
(وَتَرَى النَّاسَ سُكَارَىٰ وَمَا هُم بِسُكَارَىٰ)
صدق الله العلي العظيم
حاولت احجي وياه واهديه جان فاقد عن عالمنا
صاح بصوت متعوب
- غيث : عوفوني ورحوا اريد اليوم ابقى يمها
صحت عليه الوضع ميسمح بقى بهل مكان
- حَيدر : وينننن كوم لكككك يله
- غيث : بس افهمني كلبي يوجعني اعوفها واروح ... اريد
- حَيدر : شنو تريد؟
- غيث : بس تربة
دورت بملابسي جانت برلين تنطيني تربة تكول حرز مادري شنو
رفعلته راسي وهوَ اتفهم انهُ مموجودة
- غيث : كاع وتراب امير المؤمنين طاهرة اصلي بدون تربة
سحب مَي يتوضى بي وكفت يَمه
- حَيدر : ليش ما يم الامام علي عليه السلام تكعد هناك ونصلي ؟
اختلطت دموعه معَ ماء وضوئه
- غيث : اريد أحقق امنيتي جنت اتمنى انا وياها نصلي بنفس المكان ..
- حتى لو مجانت واكفه وراي هي موجوده وياي عوفوني بوحدي
انحسبت من يَمه جان يحتاج هاي الفترة انتقلت بين القبور المُتربة ومتروكه من زمن طويل
حتى اهلهم نسوهم ..
إلتفت اله اسمعه يمهس
- تسمعيني ...
- احس بروحج بروحي مو جوه التراب من اروح فدوه لترابج بس حاجيني ..
- ادعيلي اجي يمج
بهذهِ النقطة بالتحديد أيقنت
- إن الله هو الحُب الابدي
منحب غيره منتعلق بغيره لانهُ كل العالم فاني وتموت كلها ويبقى الله ...
كلها راح تتاذه بالحب كلها راح تتعلق وتنتهي العلاقه نهاية كل علاقه لازم الها نهايه إله نهاية حبك وعلاقتك مع الله ما الها نهايه ...
حتى نفس الاشخاص إللي وعدوك يبقون يمك ؟
اتفرقتوا او راح يجي يوم وتتقفرون ...
اما تنتهي بغير الإرادة مثل الموت فهذهِ اصعب انواع انتهاء العلاقات
اما تنتهي بإرادتكم او ارادة احد الاطراف وهذهِ ايضًا صعبه
اتعيدته امشي بين القبور وكفت يم احدى القبور جان قريب عليه وكفت اقرى الاسم نفسه!
رفعت ايدي اقرة سورة الفاتحه
إتقربت اكثر عليه اكثر القَبر نظيف ؟
فركت وجهي عجيب مبطل لحد هذا اليوم !
حتى بأصعب الاوقات كل هل سنوات ممتخطي كبروا جهاله وزوجته وبعده
ماهمني شي وكسرني اكثر شنو احساس مَرته من تدري ..
كَم مره متوبه من هل شغله
عايف حياته وعائلته هاملهم
متعلق بشي راح منه
حتى بأشد الانواع اخلي يبطل هل عاده ميفيد
عادت مُخيلتي لأحد الأيام ...
مخلي اديه بجيوني واحد مخنزر على الثاني
- حَيدر : متوب ؟
هز راسه بلا واردف
- مُسلم : طلعني يله لتمضرط زايد
خليت ايدي على الميز
- حَيدر : ترى اني الجبتك هنا واني الراح ابيتك كم يوم تتونس وياهم واكدر اطلعك هسه بس لو
قاطعني ببرود
- مُسلم : شتريد تسوي سوي اني باقي هنا متكدرون تمنعوني واذا ما عندك حجي بعد اطلع بره
عفته وطلعت خلي يفكر
بات اكثر من يومين بالسجن وكل يوم امر عليه وكل يوم نفس الاجابه
- حَيدر : هااا ؟
- مُسلم : ما عندك شغل وعمل غيري هلكد اني شخصيه مهمة
اردفت بعصبية
- حَيدر : يعني شنو مو عيب اخوي و الكاك لو بالمكبرة لو بمكان رببببب المش...
قاطعني
- مُسلم : شعليكم لتدخلون اني أذي نفسي ما مأذي احدد ما عدى هاي حَسناء اعرف غلطي ماكدر ماكدر شنو بيدي ادوس دكمة
- حَيدر : خليك لعد هنا اتونس
لكن بالاخير استسلمت ماكدرت اسوي شي اول احل منه ولو جزء
فززتني كلام صديقي
مشيت اني وكم شخص من اصدقائي كل شخص زار احد من اهله واني إلتفت للافتات للاسماء الشهداء
خفت للحظة يكون اسمي من بينهم واني ممصلي
اتذكرت اصدقائي الماتوا والجان بنص الحرب يفرش سجادته ويصلي والرمي صَليي علينا
بس عادي اني مظالم احد او
سمعت صوت وكانهُ ورأي
- : شتسوي بيهن هذني اعمالك وانتَ متصلي ؟
إلتفت لوراي ماكو احد
هوَ نبي الله وانهُ بالجنه وعلى رغم هل هذا معاف صلاته وهوَ اكيد بالجنه
اني شنو ...
اني لا نبي ولا معصوم ولا أمام ولا انسان صالح
وهيج ظامن روحي وما اصلي ؟
انعاد عليه موت كل اصدقائي
والطلعت من عندها بمعجزة من بين اكثر من 10 اشخاص وياي وماتوا ...
انعادت عليَ المعاصي وحده وحده ويوم يوم
وشكد هاي الحفرة صغيرة الدنيا اصغر من عدها
هاي كل المعاصي والله بعده يحبني ..؟
بأنهُ كل يوم ينكتبلي عمر جديد واني مامقدر
كل يوم اكوم واني مو عاجز اني مو واعضائي سليمة
كم مره حسيت هاهي نهايتي بوسط الدواعش
واطلع من عدها بإعجوبه بعد ما كلبي يستعين فقط بإسمه !
الإنسان ناكر لفضائل الله عليه بكل دقيقه يموت 100 شخص بس ميكون انت ؟
وهاي كلها وبكل عين صلفة نعصيه
وهو بكل دقيقه يكتبلك عمر جديد
وبعدك جبروت واكف مستمر بذنوبك
ميهمك كم شخص مات وهو بإبشع حاله
شلون راح يقابل الله
رجعلي نفس الصوت
- : راضي عن نفسك تروح لله عَز وجَل بهل ثانيه وبهاي ذنوبك ؟
جانت اجابتي اكيد لا شلون اموت واني بهاي ذنوبي شلون اموت
- والآمراة الكافلها اذا اموت منو الها ؟ والطفل منو الهم
ضاكت عليه الدنيا والبيها
فزيت ماكو شي يمي ركضت عفته
- حَيدر : يله خل نروح
ضليت اهلوس ماحس بشي يمي وصلنا يَم غيث سحبوه الشباب وصارت كلام بينهم
لكن مكدرت اسمعه
كامشيه من اديه ويمشون بي
بعيد عنهم مسافه مو بوعيي
صعدت بدون روُح ومادري شنو صار شلون وصلنا نزلت من السيارة رفعت راسي
هنا رائحة الحُب هنا مسكن الجروح
هنا قُبة داحي باب خيبر
هنا سبط سيد الوصيين امام المؤمنين
تردد صوت بداخلي من دُعاء يوم الخميس
واليوم ايضًا خميس بتاريخ وفاتها ...
إلهي بوجهك الجليل..
وبمولانا الحسين الوجيه..
وجدّه وأبيه.. وأمّه وأخيه.. والتسعة
المعصومين من ذرّيته وبنيه..
والمستشهدين بين يديه.. وبأخيه ...
انداريت لصوت غيث المكسور
وصاح بصوت عالي اندارت الكل عليه بعد ما
- غيث : سيدي مَريت بالقليل من وَجعك ..
وصاح بصوت عالي ومُتعب
- غيث : إني لا اطيق العيش من دونها
نظرات الحزن والشفقة ونظراتهم المتركزة عليه
يتشفقون على حاله ..!
مشى خطوات بطيئه ليكون كدامنا ضريح الامام علي عليه السلام
مشى وهوَ بهمس بصوت ناصي
- سيدي ألهمني الصبر ...
- غيث : ما اريد انساها بس صبرني على فراكاها يأذيني هي ما موجوده وياي
استحيت من نفسي بهاي ذنوبي
اتقرب والزم شُباك طاهر
- اهل يجمعنا يا مولاي يومًا ام انهُ شَرفٌ لا يستحقه مُذنب كمثلي ...؟
حجيت بيني وبين روحي
- طلعوني من الاني بي اريد طريق حُب الله
صلينا وطلعنا من الضريح
إنحنى غيث منهك
- استودعتكَ نَفس احبببتها بكل روح كانت بداخلي فهي الآن تحت ترابكَ الطاهر ...
انحنينا جميعًا احترامًا مودعين من اطهر بقع الله بالعالم
تعبنا من الطريق ولا شخص جان اله خلك يخلي بحلكة اكل بس على المي
- غيث : ماعرف شلون إلي حيل وامشي وحيلي الراح وياها
طلعت تليفوني ماجنت منتبه اله وحتى شحنه قليل
اشوف اتصالات هواي من ضمنهم رقم جيران مرتي برلين
دكيت عليه ماعدها تليفون من تريد تطلع على الرغم سامحلها بس فكرتها رادت تطلع او شي
اجاني صوته بس جان غريب
سلمت عليه الوضع طبيعي لحد
- ابو مرتضى : ماعرف شلون احجيلك بس البيت من الصبح اجن نسوان واخذنها وجانت بس ام مرتضى بالبيت وعبالها كرايبها
- حَيدر : يييييا كرايبهااااا شتحجي انتَ يا نسوان وهي ما عدها لا صديقات ولا هاي
وين راحتتتتتتتت
سديته منه ماعرف وين اروح
- اهلها عدهم مشاكل قديمه سياسية وبس هي بقت وين تروح حتى بيت عمها متندله
صعدنا بالسيارة واتوجهنا لبغداد
ماعرف وين اروح بعدني بتعب وتراب النجف اني اولي بستين داهيه بس هيَ
- حَيدر : ما اعرف شكول مستحي منك بهيج وكت تحير بسالفتك بسالفتي
مَجاوبني بس هَز راسه ورجع راسه على الجامة
تلوع كلبي وين تروح هاي بديت اراجع سوالفي وياها اصلا قليل اتواجد يمها
خاف حقها لان ما اوفرلها المطاليب الزوجيه ؟
كملت الطريق ما وكفت اتصالاتي اخر شي ماكو غير اخوي دكيت عليه بسرعة جاوب
- مُسلم : اي عار سولفتلي هاي جماعتك كلها راحت وانتَ تظل تركض وراي بعربانه مكسرة تشريددد؟
بعدني ما حاجي
- مُسلم : اي رحت وشتريد هسه احجي علمود من هسه اكمش ابنك هذا ابن فاتن الدايحه مادري وين من الصبح واكمشه واخنكة
صحت بصوت عالي
- حَيدر : والنوبببب هاي ويننننن ؟
- مُسلم : جا ما تسأل مرتك لو بس كادر عليه تحقق الوصخ هاي النسر المخلي نكعه
لان ابد ميلوكلك
- حَيدر : بس مرتي وين ابو القواطي
- مُسلم : ياهي هاي ام السحورة لوو لووو الصغيرة ..
سديته منه ولا يفيد بالحجي
بس ثواني هاي وين فاتن ؟
صفنت الها لثواني بس لا ...
دكيت عليها اكثر من مره متجاوب
دكيت للمرة الخامسه وجاوبتني
وصوتها مرتبك مو عادي بدون اي سلام او اي كلام حجيت
- حَيدر : بدون كلام فارغ وين انتِ هسه ؟؟؟
جاوبتني بتلعثم
- فاتن : هسه راح ارجع للبيت اني بيت اخوي ليش تريد شي
صار صوت بجي طفل بس هذا الصوت اعرفه
سدته بسرعة اثارت الشك بداخلي
رجعت ادك عليها مجاوبت اكو شي بالموضوع
خابرت احد معارفي واحنا بعدنا بنص الطريق
- حَيدر : اريد موقع هذا الرقم بسرعة
اردف
- ولا يهمك اقل من ساعة الرقم يمك
وفعًلا مَامرت اكثر من ساعة إله واندز الموقع
ركزت بالموضوع
- احد المناطق المشبوهة للدعارة واصلًا جان لازم نداهم هل مكان من قبل فتره بس صار وكتها
صحت
- ضياء غير طريقك لل****** واستعجلي
ناديت على دوريه وعلى نفس الموقع جان يحتاج تخطيط وقت اكثر للموضوع بس ماكدر
فاتن عبالها العابها ومعلوماتي التتسرب
وخاصتًا من احجي بموضوع واماكن خطط ينقصف المكان بالتحديد بأقل من يوم
ومن اخر عركة جان الها دور جبير بهل مشكله
بس ماكدرت احجي مفارغ الها
حسيته تسرع جبير
بس جان لازم من زمان اسوي هل خطوه ممكن اصعب لحظة اطب لمكان مشبوه والكه
مرتي بهيج مكان !
حاوطت المكان سيارات الشرطة سحبت سلاحي وبعدني بزيي العسكري
ردت ادفر الباب
إلتفت لضياء صعد على الباب للجهة الداخليه
وفتح الباب
- اركان : ما تسوى ندفر الباب ونفززهم
دخلت للبيت ريحة المُنكر
دخلوا الولد للداخل فتحت الباب
على واحد هو وبربوك يسوولهم سوالف مكسرة صاحت عود خايفه جان انتِ ما خفتي من الله تخافين مني
صحت على اركان
- شيلهم هذول الكواوي* بدربك
مشيت للداخل ادور عليهن
ركعت الباب ظهرت كدامي فاتن جانت تحاول تشرد بس
كمشت ايدي
- فاتن : اني مرتك مياخذوني مو بالغل
بعدت ايدها متقزز
- حَيدر : منو انتِ اني ماعندي مَرة غير هاي
اشرت الها على برلين الوجها جان متروس كدمات بس بعده بنفس ملامحه ملامح المَلاك
- حَيدر : اطلعها بيج وحده وحده بس انتضريني
باوعت بعيونها المَكارة
- حَيدر : ما اتشرف تبقين بعد اكثر على ذمتي من اليوم ومن هل ساعة انتِ طالق طالق طالق
اخذت شالها المخليته حتى مجرد بس شكل
عبالها تشرد مني
اخذته وخليته على راس برلين
- حَيدر : مو ياهي التجي تلبس الحجاب
( الكاتبة : ملاحظة البنيه مو مسيحيه ولا شي
بس اسمها الحقيقي يبدي بحرف الباء وجان هذا الاسم حسيته قريب شويه على اسمها )
دخلوا بقية الجنود وأشرت على فاتن
- اخذوها
إلتفت لمصطفى الواكف بطرف الزاويه خايف
وخده مطبوع احمر
باوعت على برلين
- حَيدر : مال الزك راسج بالحايط انتِ شبيج شنو مالج زلمة يردج مالج رداد
هاي كبل بجت والهوسه الموجودة بيمن احتار اسكتها احركها على هاي طلعتها
بجت وبوسط دموع اردفت
- برلين : لان ماعندي اهل هيج تحجييي؟
إلتفت ادورلي على فد نعال فد شي افوخ كلبي بيها تثرد بصف الصينيه
بس شسوي دموعها تلصمني لصم جنها تكول
- اذا انتَ زلمة احجي
كل زلمة يضعف كدام شي واحد
- " دمـــوع الأنـثـى "
وخاصتًا اذا نزلت واني بسببي
طلعها هي ومصطفى خليتها بداخل السيارة وبدة الدوريات تنسحب
مجان موجود غيث بس اركان صعد
مو عيون ما سكتت النهرين ما وكفن
وكفت الدوريه كدام المركز
نزلت على السريع سويت شغله مُهمة ورجعت اله
- بقت غراضي جيبها وياك عود من تفرغ
مكال شي نزلتها للبيت جانت نسخة من المفاتيح عند الجيران مخليها
فتحت الباب وجان مصطفى نايم بحظنها اخذته منها وطبيت للبيت جان مهجوم هجم
صعدته فوك وهي اجت ورايَ تبجي
- برلين : بس اريد افهمك
طلعت من الغرفة وهي وكفت على صفحه
سحبت حزامي على صفحه خليته
وبديت افتح بالقميص نزعته واتقربت الها
اتقرب وهي ترجع خطوات اكثر
وداخل عيونها الخوف
صاحت بصوت عالي
- برلين : وين وعدك ترى مو زلمة اليخلف بوعده مو صح ؟؟؟
دفعتها على كيفي للجهة الثانيه واردفت
- حَيدر : وخري اريد اسبح
جانت واكفه وسانده ظهرها على باب الحمام
فتحت الباب
- حَيدر : ليش شنو جان كدامج شردت اسوي ؟ بس انتِ صايرة فاسده مادري شلونها نيتج
وبهذهِ الايام بالتحديد انتهت واختفى شيء اسمهُ التنظيم الاسلامي " داعش "
<><><><>
إللي لحاياهم وشواربهم ما اهتزت على الاسلام والمسلمين الموجودين بفلسطين بس علينا اجوي وينهم شو هسه ؟
لو ننتظر بعد كم يوم يطلعون راسهم وبكم انفجار بسوريا بالعراق شوف وينن
<><><><>
موسم الفلاونزةةةةة خادمتكم فلاونزة vip
بحيث ما تجي اله بوكت الامتحانات واكون ملتزمه وياكم
و قربنا حيللل على ال100k يله بقالنا 810k وندخل مليون ههههههههههههههههه
ماعرف شحجي بس جان وكت بداية الروايه شويه غلط بحيث جاي استعجل بالأحداث مو شلون ما كان واعرف واعتذر حيللل
بس مجرد اسرع الاحداث المو مهمة واليعني مابيها احداث جديده مجرد روتين او شي هاي بالبارتات القديمه اما الان
فأكو احداث بعد ما انشر البارت واكمل
يذكروهة يعني ماعرف شحجي
وها ترى اسم باريا مجرد اسم مسيحي ما اعتقد اسم الامام علي لان بحثت بهل موضوع مالكيت شي !!!
بس خل اخلص هل سنه على خير وهي قبل ان شاء الله نص السنه اختمها
من ابدي بروايه جديده اله اخليكم تملون مني ومن البارتات الطويلةةةةة
<><><>
لنا لقاء اخر ... اعزائي