روح في بحر الظلام

الحلقة الرابعة والعشرون

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق  بين الفقرات لا ينزل تفاعلكم اكثر لان استمد قوتي منكم

+++لتنسون اضافة الحساب لطفا صار  اربع ايام ما اجت غير 8 اضافات🥺💔

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

مشمش

من گالو الشرطي برا طالبة بجيت خايفة يمكن هم راح انضرب، تمسكت بأيد ابو عبد ابجي الضيم حالي

:عمو عفية تعال وياي والله اخاف يضربوني مثلهم ماسوينة شي والله

:تعالي باباتي تعالي اني وياج

صاحت بي مرتة ويين رايح يمعززة رجال جبير اگُعد واستقر لا تجينا مصيبة

ما اهتملهه بس باوعلهه بنضرة عدم الرضا وطلعنا شفت الشرطي بس غير عن ملابس اللي اجوي الصبح ولابس بيرية مو خوذة

:تعالي وراي

تمسكت بأيد ابو عبد ابجس بصوت عالي خفت كلمة خوف ماتوصف اللي احسة كنت مرعوبة،

:من بعد امرك عيوني الطفلة خايفة بس دقيقة اغير ملابسي وجاي وياكم... كان لابس فانيلة وسروال بييض

:ممنوع حجي، تعالي عمو لتخافين ماكو شي

:عموو فدوة لتضربوني والله اني ممسوية شي بس الفين بگتهم من بابا وراح ارجعهم والله لا تضربووني

ضحك بصوت عالي وتغيرت ملامحهه الغاضبة :امشي وياي عمج يمنا متريدين تشوفي

شديت ايدي على ايد ابو عبد  عموو عمو والله كذب اخاف يخطفني بابا كال اذا اجا واحد كال عمج لو ابوج لو اخوج دزني الج هذا خطاف ديخطفج فدووة تعال وياي

:يااا ساالفة السالفة دمشي ياعمووو عوزي ضيم اني  انوب اخطف

:روحي يابة اني لاحگج بسيارتي لتخافين

عفتة مجبرة رغم الخوف اشرلي على سيارة مالت شرطة بيهه واحد ثاني يقودهه واني بالوراء بس ابجي

حجة وية صديقه ببرود متجاهليني :همزين ما تعبتنه بالخطف بس گلتلهه عمج يمنا اجت

السائق ضحك ورد علي يجاري:صدك والله باوعلي من مراية اللي يمة ورد حجة... اي مبينة فاهية

ضليت ادك على افخاذي واصرخ :يبووووو لااااا عموو عفية ررجعنيييي ييييييبووو مااامااا مع السلاااامة يا ماماااااا

اكتافهم كانت تهتز بس صوت الضحك كان مكتوم، التفت علية :لعد ليش تبوگييين

مباشرة وقفت بكاء وباوعتلة :انتو دتاخذونة للسجن لان اني بگت

وجهه احمر ويضحك بخنگ مارد بس هز راسة أي

رديت صرخت :يبووووووو... وادك حيل سكتت وباوعتلة... يعني انتو ضربتو زياد لان اني بكت

ضحك السائق.. خرا بيومج  ضحك وكمل كلامة.. انتي شكد عمرج

:والله اني ماردت ابوگ بس جنت اخذ بالدين لان انسى مصروفي اطلع مستعجلة وهي من زمان عموو والله بس خمسة الاف

:هااا هسة صارت خمسة مو گلتي الفين

:هاي الالفين گلت البابا هسة تذكرت يعني ما اسمهه بوكة

:احجي النشالة شگد عمرج اللوتية مگعدة اهلهه على الحديدة اگول اخوهه...

قطع كلامة ثواني ورجع سأل

:شگد عمرج

:ما ادري ناسية هو اني حتى عيد ميلاد محد يسويلي ملتهين ويه زيااد، تذكرت وبجيت، بس والله حرام عليكم هو مقهور وانتو ضربتو انتو وهذا السمين

:ليش مقهور العينتين شبي

:ياااا لعد غير هو يحب منى بنت عمو فؤاد هذا من البصرة متعرفو بس هو جان ساكن هنا وشالوو

قاطع كلامي من حجة :اليوم حسام دگ سوالف مايتعب نفسة،.. يحجون ويضحكون على صوت ضحكهم حتى خوفي تلاشى

:يا صف انتي عمو

:عود اذا نجحت من السادس اصير بالمتوسطة ، هو اني انجح بس يعني انتضر النتائج

بعدهه الشهكة ملازمتني، عصرتني بطني من الجوع بلا اكل اني ممتعودة على الجوع لو شمايصير ما اكدر ما اكل، بس هسة من هول المواقف اللي عشتهه بقيت طول النهار بلا اكل 

:بيج شي

خجلت ودنكت... احجي بابا لتخافين يوجعج شي... هزيت راسي لا

من وصلنة ونزلو سرت بجسمي قشعريرة من الرهبة واني اشوف اعدادهم

نزلت خايفة مسح على شعري، لا تخافين عمو ماكو شي انشاء الله

يمشون واني وياهم

دخلوني لغرفة كان بيهه مكتب وخلف المكتب واحد سمين وضخم  وگبالة مكتوب الرائد عدنان واسمة الثلاثي

ويمة اثنين شرطة وعلى الكرسي المقابل الهم عمو شهاب اللي اول ماشافني طفر من مكانة ملهوف حضني طوقت رقبتة وابجي بحسرة واشكيلة  كتيت كل الصار  بدقيقة واني ابجي بحيث ما گدر يفهم مني غير نبذة عن اللي صار

ايدة ترعش ابين ادية حضني وحاول يطمني 

:سيدي يعني انتم مقتنعين بهالوضع  يعني اذا الابن مجرم نعاقب كل اهلة يصير هييج

عدنان:تفضل استريح راح  يجون المسؤلين عن قضاياهم ونتفاهم

كالة بس انطيني امية الفرخة ترجف اشر للشرطي انطا بطل مي غسل وجهي وشربني وحاضني 

دقايق واجا اللي كان حابسني بالمطبخ  صرت ورا عمو هو حس بخوفي گال اسم الله عمي اسم الله شجاج مو يمج

:عموو هذاا ضربني وضرب زييادوحتى ماما موتونة تموت والله ماسوينة شي ورانيا واحد ضربها على راسهه فقدت والله 

عدنان: حسام اخذو اقوال البنية

:لااا لا عمو فدوة، والله يضربووني اخاف فدوة

اللي اسمه حسام واكف على جهه مكتف ادي للوراء ويحرك فكة السفلي وعينة بعيني

:سيدي طفلة يعني هاي تنضرب

حسام:انتا شبيك تكمز هو منو ضربهه خل تجي اسجل اقوالهه بالكثير ساعة وتتوكل وياك

:اعصابك يولد شنهي عود شايخ ع الوادم بنجمتك هدي يبوك هدي

عدنان ضرب على الميز بكل قوتة باوعلي وصاح بية

:بسرعة اطلعي ويه الملازم حسام عدنان

:عموووو تعاال وياااي تعاال

:دنك بوسني براسي وباوع على حسام وتكلم... أمانة الله ورسولة ماتنجاس دوم

طلع بدون لا تصدر منة اي ردة فعل ولا انطا اي جواب لثواني واني بين نارين من جهة نضرات عدنان ومن جهه ذاك اللي ايدة والضرب، طلعت اسحل بروحي وعمي يشجعني... سباعية بنيتي ماكو شي والله يلا بابا

يمشي گدامي واني ورا بعد مايقارب الثلاث مترات وكف واني وكفت

رفع حاجبة وتكلم بأمر :امشي گدامي

دنگت وتقدمت صرت گدامة امشي واتلفت خاف يغير اتجاه مشيه

خففت مشيتي صرت امشي بصفة

تكلم وهو يورق بالسجل اللي بأيدة :تعلسيني يم عمج موو
رفعتلة راسب وحجيت بسرعة :لا والله شنو اعلسك قابل انت علج

زم شفايفة يخفي ابتسامتة ودار وجهه

وصلنة لغرفة بيهه ميز وكراسي اثنين وكاميرات اثنين متوجهات علية مباشرة

اشرلي اگعد، گعدت وعيني علي وعلى حركاته لبسة غير عن الصبح

:اسمج شنو

:مشمش.... حجيتهه واني بالي مو يمه وعيوني تتجول بالغرفة تلعب النفس

:امنين جاابوك يمشمش كربلة... حجاها بلحن اعرفه اي ولحد اكولة اسمي مشمش لازم يحجي هاي السالفة

:ابتسمت ودنكت

:احجي اسمج الثلاثي الحقيقي وبلا مسلتة لان راح اهرش اذنج براشدي

:نور نور نور اسمي اسمي نور عماد عبد الخالق

:عفية اسأل وانتي جاوبي كلشي اعرف اخوانج حجولي كلشي ف اي كذبة تكذبيهه اعلگج بالبنكة تماام

دمعت وهزيت راسي بالقبول

اصدقاء زياد اللي يتردوون عليكم للبيت شنو اسمائهم

:استفانوس هذا اسمه هيج لان مصلاوي مسيحي وعلاوي ابو الانشائية ودريد هذا يلعب النفس رانيا فد اتكرهه وحتى اني وامي بس زياد يحبه

مد ايدة مسح جبينه بأصابعة وحجة.. جاوبي على قدر السؤال

:تمام

:انتي ياصف

:بس انجح اروح من السادس اروح للمتوسطة مو كلت لصاحبكم
:منو صاحبنة
:الولد الحلو اللي دزيتو ياخذني من بيت ام عبد

ضحك :على هالحسبة نحتاج اسبوعين مو ساعة بابا جاوبي على قدر السؤال

:هو دا اجاوب

:زياد شنو شغلة

:هو جان يشتغل عمالة يعني يبنون وهاي بس من اندعم تفلش رجلة انكسرت... ترة هو رجلة توجعهه وانتو وجعتو الزايد يعثركم الله كون

حجيتهه واني ابجي من غضب ملامحه المفاجئ صعدت ادية غطيت شفايفي

:هالمرة تجاوزتي المرة الثانية ماكو سماح

:مو عليك مو عليك على الشيطان

:شنو

:على الشيطان والله

دنكت استغفر بهمس، استغفر الله استغفر الله...

ضحك بصوت كلش عالي خوفني :يعنييي عليه موو

ماخلاني ابرر گال كملي لزم المسدس دارة علية گال اني اعرف الكذاب ترة اقل كذبة تموتين... اي بعدين اشتغل وي دريد بمطعم وبفندق.. ترا دريد غني لو شايف سيارتة تخبل

اي بس من حرك بيت عمو شهاب وبيت هشام لان عمو شهاب زوج حبيتة ل هشام

يباوعلي مضيق عيونه واني مازال المسدس بأيدة كتيت الاكو والماكو

:يلا گومي
:خلصنا
:بلي
:ورانيا وزياد، همات خلصو
:لا، امشي بدون لغوة سطرتيني الله يسطرج

تقرب ودنك علية اني تراجعت هو خزرني كال اوكفي وكفت مد ايدي لترچيتي يباوع بيهه

:تؤ محلوات امشي يلا

تعجبت شبي هذا رجعنة لغرفة الرائد عدنان، بس الصوت جان طالع بقوة ومن ضمنهم صوت شهاب

:الكم الولد وابو البت مالهه علاقة حرام وضلم امهه راح تموت وسمعتهه راح تتسگط ابو حسام ترضاها على عرضك

قيصر: رانيا عماد عبد الخالق هي اعترفت على نفسهه واكيد الهه ايد بالموضوع وانطتنا اسماء مالهه طلعة لحد ما يجون اصحاب الاسماء، والقضية انب مستلمهه، رانيا وزياد وعماد، متورطين بقضية مخدرات وتستر والطامة الكبرى قتل ضباااط وعسكري اثناء ادا الواجب

*عمو جان راكف ويرجف بس ماتحمل كعد على الكرسي وحط ايدة المرتجفة على رأسة

شباب نذرو نفسهم لوووطنهم نقييب حسين عندة اولاد اثنين وزوجتة حاامل ونقيب نززاار عندة اربعة بنات وولد اثنيين وووحيد امة، بنااتة صارن يتااااامة

والشرطي فضل صار اسبووع بسس من خطب  تتتفهم شششنووو صااايررر لووو لاااا

لا انت ولا فلوسك ولا محامينك يطلعوهم قبل ما يخلص التحقيق ، كل اللي وي اخوك وابنة لزمناهم  اذا ميعترفون منو شمر الرمانة محدددد يييييييطلع

:البت طفلة حرام عليك خااف نناوي تخليهه تعترف تحت التعذيب بتنة تجينة صاغ سلييم مثل ماطلعت

: ابوية انت بيمن شااد حيلك لا عبالك عششااير وشيووخ وعگل خاف ماخذ خاوة وشقاوة بمنطقتك يمي هالعابيات ميوكلن خببزز

وهااي گدام الرائد عدنان اني تعرضت للتهديد

:تهديديشش مو جااي اتفاهم ويااكم ترة الجوة حابسينهه عرضي

عدنان:ووعرضك وين كنت عنهه لما وركت نفسهه، صار ساعة بالگوة جارعك اخذ محامينك وتوكل اي مواجهه متصير قبل اكمال التحقيق وي هذول الثملنية كُلهم توكلوو

:يمعوود ابوو الغييرة

:وهاا المريضة ليلى على بابها شرطي ممنوع منعا باتا يتعرض ل اي مضايقة لبين ما تتصحى ويتم اخذ اقوالهه
انتهى تووكل

صاار بين المحامي والشركة كلام ما عرفتة شنو المهم احتد النقاش وتم طرد المحامي

طلعنا للسيارة واني متمسمة بأيد عمو هاب بقوة ولو بيدي ادخل بروحة بس اريد اطلع

حضني وواثناء مشينة قبل منوصل اجا اتصال 

:الووو ا عذرني دكتور غلقتة لان جنت بالمركز..... لاااااا ياااعلي

گالهه ووگع الموبايل من ايدة
_________________________

رانيا

بعد بضع ساعات من الهدوء في سجن انفرادي مكان لا يكفي لتنام بكامل طولك متر×متر تم استدعائي

وگفت بالباب ربطو اقدامي رادية بسلاسل وكأن عندي طاقة تكفي للتحرك والهرب، رجعوني لغرفة التحقيق

من شدة الالم والجزع شگد تمنيت اعرف العصابة واعرف اللي فجر الرمانة والي قتل بس حتى انطيهم اسماء وارتاح  او حتى يعدموني وارتاح  جوعانة وعطشانة وادية بيهم صليل مو بس ألم مكتفيهم للوراء وضابيهم بشناطة مايقارب ساعتين على هالوضع

دخل الظابط بأيدة كيس أسود

:ششووفي هذاا شووفي خليت اخوج يسلم على عزائيل ويرد علية بي  اربع مررررااات زياد عماااد وصل الموووت هو وجماااعتة.. شو صافنة اراويج شلوون اررراااويج

لبس الكيس براسي وشدة من منطقة الرقبة مقيدة ما اكدر اوخرة بسس احرك برأسي ضاهريا لكن بالحقيقة انا كنت اعيش لحضات مووت

حجة يم اذذني اعترفي اعترفي واخلصي انتي كنتي راح تحجين بس اخووج حذرج اححجي واخلصي من منوو تشتررون المخدرات ووين تبيعوون دم الشهداء مااراح يضيع وحق الحق اعترفي واخفف عقاابج تمام

هزيت راسي أي مزق الكيس من وجهي... وهز راسه ويأشر بإيدة بمعنى احجي

اشهك اريد الهواء، ماا يدخل للرئه اصاارع بالمووت گعد ع الكرسي الاخر ويضرب على الميز بضهر القلم ضربات بأوقات متناسبة

حجيت بشهيق اخترق المريء بقسوة  اعرف علي  علي

:ضيق عيونة وتكلم

:زياد زياد گال ساعدني ولد اسمه علي وگال انه حاس انه يعرف الموضوع

:علي جبنااا يييييياااااااا ررررررااااانييييااااا، علي يمنااا قبلكمممم انططييني اسم مهم

:فدوة اقتلني فدوة خلصني والله ماا اعرف منين اجييبلك  مااا اعرررف مااا اعررررف  عوووفووونييي فدوووة

وگف على حيلة طلع وهو يهدد اليوم لو اني لو انتو...راح ورجع بس  مو وحدة هالمرة كانت ويا مرة لابسة زي عسكري تخوف والله منضرهه كان كافي اعترف بكل ذنب بس ماعندي شي اگولة ياربي العون منك

هو طلع من غرفة التحقيق وهي استلمتني اول ما سرفنت  ردنهه اني ذابت روحي تكلمت بصوتها الخشن الخالي من اي تعاطف او شفقة

:والعباس اجنزج تجنز ماتعرفين الفجر امنا بالله كليلي  منو اليمول اخوج، زياد يبيع والمادة لكيناهه بالبيتونة والسطح منثورة بلارض زياد اعترف وجماعتة اعترفو علي يلا احجي

:لا لا والقران مايبيع ولا اي شي زياد يشتغل بمحل الانشائية هم گالولة تحميل وقشمرو والله والصبح يشتغل..

قاطعت كلامي تصيح بعصبية مفرطة مخيفة

:اههههوووووووهه هم عادتلي نفس الاسسسسطوانة لج............... اكولج اعترررف تعرفين ششنو اعتررف بنت ال.........  اذبحج اليوم اذذبحجج

صارت تضرب على وجهي المتورم وتجر شعري بعيني شفتهه وهي تمسح اصابعهه بأفخاذهه لتزيل خصل الشعر اللي تعيقهه دقائق وكأنهاا سنين  ملختت ملابسي ملابس المدرسة صار منضري مخزي

كعدت مني فحطانة جلوسهه تلهث من شدة التعب من ضربي كفيل ان يوصل الحالة اللي كنت بيهه

سمينة ضربتهه وين ماتصير تأذي ركزت ضرباتهه على بطني وراسي اثناء ماكانت تضرب اضفرهه منطقة بياض العين تقوقعت على نفسي بقوة من شدة الالم  حاولت تجر راسي تضربني دفر مافكيت نفسي من شدة الم عيني

الى ان حرت ادية بقوة شافت عيني تنزف انا كنت اضنهه دموع لان غلقت عيوني اثنينهم

دفعتني وطلعت حسيت بيهه من اغلاق الباب

بهاللحضات اذا سألتني رانيا شنو تحسين شنو يوجعج ماراح اعرف ارد لان كلي جان يأذيني نسيت زياد نسيت ابوية ولمي واختي اريد بس اخلص اريد شي اكلهه ولو كان قمامة اريد شي اشربة ولو كان حنضل

نمت وگعدت على رشقات قوية بأيدي اهتزت عروقي خوفا من سمعت صوته

:ممنوع تمووتين  ممنوع اي احد منكم يمووت 

حسيت شي انغرز بجلدي عرفته كانولة الارض حارة وريحتهه قبيحة، ضغط ثار على جمجمتي بسبب حذائه القوي على راسي

:اخوج اعترف عليج

:ابوج  متكفل بي الضابط رائد وهذا حيل لطيف فمطمئن علي مايطلع منا الا بي عاهه هههههههههه

وانتي والبقية يمي وبقت اختج العصفورة هاي يم حسام راح يداريهه

حجيت بصوت خافت ونبرة متلعثمة :م مشم مشمش

:ههههههه اي هية الحلوة ام خدود... يلا يروحي سولفي  قسما بذات اذا ساعدتيني ماراح اخلي احد يلمسج ولا شخخطة والله بس لا تگولين ما اعرف مطبخكم وسطح بيتكم والبيتونة ملياانة رذاذ

وابوج حتى بشغلة شهد علي واحد انه يبيع گوليلي اي شي وخلصي نفسج ضلتج هناا اكثر راح تدمر مستقبلج

انا بكل هالضرب والالم اللي سببته الج هذا كلة لان ما اعترفتي اذا اعترفتي انا بنفسي اسااعدج ششتكولين

:موتني وخلصني

:لازمين عليج فيديو او تصوير او اي تهديد او ابتزاز همات اساعدج بس انطيني اسم

:دريد دريد والله والله دررريد السسبب، عااايفين المجرم وتضربوون بالبريء والله

:اللهم طولج يااارووووح الللهم طوووووولج ييييااااااروووح
:رااانيييااااااا دريد مووووجووود ونفى كل اللي گلتي واخوووج برئ اسمه محد تاهم  نُعييييل غييييررررج

وحاابسين ابن ال(..........) بسسسببج راااانييياااا

جرني من شعري يعت بي ويحجي بصوت خاافت، اذا ما حجيتي راح اوديج مكان تطلعين منة.........  اخليج ماا تعرفين نفسج منووو  اخليج تكرهين رووحج الج فرصة تبقين وية نفسج منا لبعد ساعة تماام

دفع راسي وطلع تاركني مع نفسي وجروحي وجروح كرامتي وتفكيري، وين اهلي معقولة عمو شهاب ماعرف اني هنا ليش مايطلعني امي وين، خاف ماتت من طلعو زياد هية ماطلعت، زياد وابوية شحالهم هسة، ماجنت اشوف ابد وريحة الزفارة من وجهي تذبح عرفت انه دم متخثر وجامد على عيني ووجهي يعني شنو انا صرت عمية لويش عيوني مينفتحون

ما كنت أجرؤ على لمس وجهي الالام شديدة متورم من كل مكان اسناني وفكي وجناتي كلشي يأذيني

باللحظات سرقني طيف الذكريات انا سبق ان مريت بمثل هيج وضع لكن مو بهالعضمة كان موقف مصغر، والعقاب كان لتصرف غبي  بوقتها صارت مشكلة بين والدي ووالدتي وراحت زعلانة الى بيت اهلهه، بعد  اشهر من المعاناة من تحمل المسؤلية رغم كوني طفلة كان زياد صغير تمرض مرض شديد عجز والدي انه يتصرف وياه فقرر ان يودي ل امي رحت اخذت اخوي ووديتة، انا رغم قسوة اهلي ويااي ما اخلي احد يحجي عنهم بخلافهم

اهلي اكره ان يتم ذمهم من قبل اي انسان لما وديت اخوي خالي انهار لان اختة اجت بمشكلة كبيرة وكانت ماخذة نصيبهه من التعنيف والضرب فصار يسب ويذم بأبوي ويشتم من صغري وانا متعلمة على اخفاء ملامح الانزعاج والحزن وحتى الفرح احيانا

بجيت اتوسل امي ترجع للبيت اكذب اذا كلت شوقا الهه ماكنت مشتاقة ابد بالعكس كنت خايفة من رجعتهه لان بفترة غيابهه اني قصيت شعري ههههههه فلولا الحاجة لعودتهه بما تمنيت ترجع ابدا

امي كانت قسوتهه علية فوق الحد المطلوب، من رجعت البابا حقق وياي شنو گالو وشنو سولفو وطلب ردة فعلهم بالتفصيل بلطف وحنان كاذب گدر ياخذ مني كل المعلومات لما خلص الكلام طردني من يمه متعصب

صارت تفاصيل ومشاحنات رجعت امي للبيت، ياريت مارجعت ياريتني خرسة وماحجيت ل ابوي ياريت مو اني اللي اخذت زياد الهه

اول يوم سلمت علية وشافت شعري، سلمت علية وبوستني مثلهم، لمست شعري وگالت بسيطة، اول يوم ماحاجتني بس تصرفاتهه وياي كلة نتر وثاني يوم عدة وثالث يوم ابتدا العقاب

الحجة كانت انه راحت للسوق ومن رجعت ماكان التنضيف تمام

بيومهه تعرضت لضرب واهانة وتعنيف نفسي وجسدي  مو بس اديهه ورجليهه حتى ملامح وجهه كانت تعنفني  اللي جرحني وكرهني بنفسي وخلاني ما احط عيني بعين احد ومن ضمنهم ابوي

ليلى:ولج حتى ابوج يكرهج يكول ربي بنتج بنتج فتانة وادبسزز وخوالج هسة كلهم يكرهونج وانا روووحي لعبانة منج فشلتيني يالخايسة الحرامية الجذابة.. وهووواااي هووواي استمرت الحالة ايام اني اواجه غضب امي ونضراتهه المستحقرة اللي

الى ان وگفلي الشيطان ذات ضهر وقررت اني احط السم ل اهلي طفلة والفكرة رجفت بدني مطبخنا كان بي رف عالي بهذا الرف كنا حاطين سم للفئران، تعبت تعبت حيل منهم كرهتهم

عيوني على السم والشاي اللي وصاني علي ابوي على الرف، بتفكير طفولي انه اذا قتلتهم محد راح يعرف واني راح اصير يتيمة والناس تعطف علية واعيش مدللة

رعاية الله اللي طول عمري محاوطتني احس بي احس بوجودة حوالي احسة اقرب من حبل الوريد مؤمنة كل الإيمان بهالشي  نقذتني الله نقذني ما اعرف شلون تغاضيت عن الفكرة وشلون انطيتهم الشاي بلا سم  بس بيه رجفه وهبوط ايدي ترجف

ليلى:شبيج ولج شسويتي من مصيبة وهيج ترجفين

رجعت من ذاكرتي ساجدة لله رغم كلشي كلما اتذكر اني ما سويت هالجريمة  اشكر الله واحيانا ارجف وابجي لعودة الشعور

عدت فترة من الزمن ورجعن علية نساء اثنين ما اگدر احرك ايد ولا رجل گالن

:كومي يلا راح نوديج لمدينة الالعاب ههههههههه

مارديت ولا كلمة تقدمي سحبني من ادية مغلقة العيون بسبب تخثر الدم

ماحسيت الا راسي دخل ببرميل الماء ويهزن برأسي يمين وشمال  بقوة  عادن الكرة اكثر من مرة الى ان حسني صار صعب علية النفس يلا تركني بعدهه سحبني للتواليت

بجيلن مي ويشمرن علية وعلى رأسي كان الماء حار يلسع جروحي الوقت كان صيف وماء الخزانات حرارته جانت تشبه الغليان فروة رأسي تصرخ من شدة الالم

ملخن ملابسي علية انكشفت عليهن خجلت من نفسي

:شوف ال.........  مشوهينهه وبعدهه ماتعترف العرمة

انزال الغشاء عن عيني السليمة اما الاخرى المصابة كانت منتهية ما اعرف هذا دم لو دمع 

شمرن علية ملابس كانت دشداشة تلبس اثنين مني وشال قذر قديم 

رجعني للسجن دقايق وانمدت ايدي من فتحة شباك السجن  علاگة بقيت صافنة اهتزت الايد بمعنى اخذيهه

فتحت العلاگة كان بيه طماطة كبيرة وخبزة، كأنما كان افخم انواع الطعام بعيني ما اعرف شگد مر وقت واني هنا كل اللي اعرفة اني ميتة جوع 

ماشفتهه منو لكن سمعت صوتها الهامس وهي تحذرني

:اكلي بسرعة ترة راح ياخذونج

نفذت الامر واكلت بسرعة ورحت شربت مي من البوري، الانسان لما يتعرض لجوع شديد وياكل يحس احشاء ترجف مر علية هذا الشعور  لكن احس رجعت للحياة

فترة قليلة وفززتني خشخشة المفاتيح فتحو الباب واخذوني

______________________

سرى

رفعت ادية اخمش بلأيد، صار صووت همس بأذني

:اشش اشش اسم الله بوية لا تخافين ابوج انا ابووج سرى بابا

هديت وحطيت ايدي بلطف على ايدة اوخرهه
:راح اوخر بس ماا اريد صوت خالتج برا وما اريد احد يعرف انا هناا

:هزيت راسي.... طالع انا بالطرمة انتضرج شوية وتعاي وراي بدون صوت.. بوس راسي وتركني وطلع

صفنت لثواني احاول استوعب اللي صار  وهم لو حقيقة، شفت الباب المفتوح ايقنت انه مو حلم  طفرت وشمرت الغطاء وطلعت مسرعة مريت من المطبخ مرتضى كان واقف مبتسم اشرلي براسة وجواجبة يعني روحي، خابتي ورقية كانو نايمين بغرفتي

طلعت للطرمة شفتة واگف يم الحايط وادي بجيوب الدشادشة من لمحني طلعهم وفتح حضنة

ركضتلة ركضة طفل حضنتة على كلبي ابجي اني ويااه  دقائق بس حاضنتة وابجي وهو كذالك ما تعاتبتنة ولا حجينا بس صوت البكاء يصدر منا

رفعت وجهي منة وحجيت بخنگة

:بابا ترة ماما ماتت
هز راسة اي... كانت لحيتة كبيرة والواضح ملامحة من الضوء الصادر من المطبخ، كان متعوب مرهق شفايفة متفطرة وايدة اللي كانت لامسة وجهي كانت خشنة جدا

:تتذكر لما اجيت للمستشفى وسولفتلي هو بيومهاا ماتت ماما، قتلوهاا بابا شالو الأوكسجين منهاا وموتوهه، الحارس قتلهاا

احجي وهو بس يباوع عليه ويبجي، گال
:اي واحد كان سبب بموت جميلة ماراح اسامحه وراح ياخذ جزاتة وانا واحد منهم.. لنهم يكرهوني حرگو گلبي بيهه

:اي بابا اي هذا مرتضى يعرف واحد اسمه مهدي وحميد هم اكيد هم

:لا حميد خنيث مايسويهه هاي عمايل مهيدي، ليش ما حجيتي ليش ما گلتي للحكومة

:عززااا بابا شلون اسويهه خفت ياخذوك هو اني شبقالي غيرك

:يا بعد روحي يابوية هو انا بكل الاحوال مطلوب واسمي يمهم ويم عشيرة حسين هيج هيج انا عمري مو اللي

كعدت بالگاع ابجي رجلية يرجفن خابت امالي جنت منتضرتة على نار وكلامه سهام بروحي

:ليش بابا لعد مو گلت اصفي اموري وارجعلج وانا حتى اذا تريد ما اشتكي ماما تسامحني بس ابقى يمي فدوة لعمرك والله احميك احميك اني

تكلم بحزم، لاااء ترحين بأقرب وقت وتحجين كلشي گلتة اسمعي عندي الفيديو كامل بدون گص وعندي اوراق وتصاوير تسجل ابتزاز مهدي وحميد اللي

راح اوديهن الج اريد مهيدي يضيع ورا الشمس بتي شدي حيلج ولا تخلين دم امج يروح هدر، وانا بضهرج مثل خيالج لو حسيت مسج خطر انگلب عليهم خطاف الارواح

ضلينة نسولف ونبجي ونحجي ونتذكر ماما ويحجي شعر عن الفراق ما اذكر الشعر لكن اذكر تأثيرة علية شلون انهاريت بحضنة وهو مثلي وماسكت الى ان طلع مرتضى سحبني من حضنة بعد ان كنا منعزلين بعالم الحزن

خزرة بابا ورجعني لحضنة  ومسح وجهه بأيدة

:يمعوود كافي موتت مرتي شنو السالفة اشربي اشربي يروحي

نتر بابا ايدة ورجعني لحضنة: احترم نفسك من بنتي بحضني ما تدخل بينة مرتة هو مرتة، يحجي وعاصرني على كلبة

:مو مريضة والله قابل اني شسوي بيهه اخذهه الك لس لان مريضة اخاف عليهه

جانت عيوني تتنقل بينهم ببلاهه، بابا دار وجهي علي وحجة:سودة بوجهي يابوية جرعتي المر وحيدج

:شهالحجي شنو وحدهه لعد اني وين كوليلة حبيبتي گوليلة شگد داريتج وحبيتج

عززااا العزاك مرتضى من الخجل احس عيوني راح ينشلعن هالگد ما جنت خازرتة وارمش سريع 

بحضن بابا وقرب الماي من شفايفي بابا سحبة من ايدة بقوة وهو يضحك رد علي

:عادي شربهه هو انت شوية ورايح بس مو صوجك صوجي انا انوب بس لا هم مثل ابو يريد يقشمرهه عمي ترة صارت مرتي يعني لو تموتون متريدكم بعد نو حبيبي

:عزااا شبيك انت تخبلت لا تحجي هيج وي بابا.. يشاقة وياك بابا والله شلون اعوفك

:ديلا عوفي وامشي ازوجج احسن منه

:بابا يشاقة وياك لتزعل ترة مرتضى حباب والله هو داى بالة علية من انتو مو هنا لتضوج منة يشاقة موو صح

درت على مرتضى خازرتة

تنهد بابا وتكلم :الله يهنيكم بنيتي جا حتى انا اشاقة بس گوم مني خلني يم بنيتي روح نام شعندك مكابلني

:بابا اجا جدو لهنا هو وفرحة وحسن وولد بعد اسمة صعب

وسع عيونة متفاجأ :ابوي اجا هناا شعدة وجايبهم ويااه

هزيت راسي اي

:موو ترحيين وياااهم لوو شماايصير مااترحين وانا راح اخابرج بس تصير فرصة 

:هواي سئل عنك جدو مبين قلق عليك

تكلم بأستهزاء :اييي كلش قلق جا تعلميني

اخذ رقمي كال ما اتصل عليج من رقم محدد هسة ضروري ما انلزم لحد ما اطمئن عليج ولكل حادث حديث

بقينة بين ضحكة وبكاء ومداهرة بينة وبين مرتضى اللي ماقبل يتركنا يگولة تبجي مرتي وانا بالكوة منسيهه كل ضنه منسيني... اتفقو ان بأقرب وقت نروح نبلغ عن مهدي بدون علم اهلة

اذن الفجر بابا صلى وطلع قبل ما يطلع الضوء كان فراق مليان حزن وكلام  حتى مرتضى دمعت عينه من طلع بابا دارني علي بقوة

:هسسة نتحاسب ونتفق
:خيير
:اي اوكي ابوج حبي ما گلنة بس تحبي هالگد واني هالگد... يحجي ويأشر بكفوف ادي يعني هو اكثر 

هزيت ادي ودرت دا اروح

:والله طفل صاير
:منو طفل ولج اكو طفل بگدر يسوي هيج.. كمل كلامة شالني بأثنين ادي ويفتر سطرني واني معلگة برقبتة خايفة اوگع 

ضحكت بصوت عالي جان وقت فجر سكتني ابوسة بادلتة بلطف نزلني وبقة حاضني

مانحس الا صوت خالي

:عززززااا بعينك مرتضى والله حذرني ابووك يا حيوان يا سرسري

شالت السندانة اللي يم الباب وشمرتهه علينة  انو انهزمت ومرتضى لكفهه انشمر التراب الرطب والوردة اللب احبهه على  راسة ووجهه دا اعبر من يمهه اروح لغرفتي اخذت المقسوم كم ضربة خفيفة وعلابية وعدتني

بهالفترة انقطعت اخبار رانيا عني اتصل خطهه لارد الى ان انحضرت من يمهه

ما گدرت اتحمل طلبت من مرتضى ياخذني وتفاجات من كلام جيرانهم اللي مليان سوء وحقد واتهامات باطلة 

تجار مخدرات حرامية قتلة مجرمين شوهو صورة المنطقة .. وعلاساس عمو عماد وزياد الهم علاقة بقتل ضباط وماخذتهم الحكومة

:بيومهه تدمرت من الصدمة من عرفت رانيا بالسجن ضليت افرفر  وبعد اصرار ومرض

مرتضى قرر ياخذني عبالنة بالمركز بس محد انطانا كلمة واصلا طردونة بعد ما دخلونة بسين وجيم وتقريبا 4 ساعات مربوطين

مرتضى تعصب مني حيل حسيتة يريد ياكلني جان يحجي بخفوت وعصبية

:عناااد عنااد  عناااد، وانا مثل الخروف جارتني وراااج كتلج خطرة ساالفتهم خطرة بس شلون ترتد وتسمع الكلمة اصلا تموت ولا تمسع الكلمة

:ترة مطلبت منك تجي انت اجيت قابل ما اعرف طريقي  لو ما اندل

:سرى ونور محمد ترة هنا احطج واشبعج دگ تسدين حلگج دووم دووم ما اسمع صوتج

لويت شفايفي ودرت وجهي منه التفتت علي لگيتة عاض اصبعه ويهز راسه عود بسيطة

بعدهه سمحولنة نطلع بالباب شفنة شهاب ركضت استفسر منة بعد ما سلمت علي انا ومرتضى وعرفتة عنا وهو اصلا شايفنة من سألته رد

:والله يا بعد ابوج هاي صار اسبوع اراكض محد ينطيني كامة ولا نشد على مكانهه واحد يذبني على الثاني محتار وين اروح لا هي ولا اخوهه

:لعد مشمش وخالة وين

:مشيمش وديتهه للبصرة وام زياد بالمستشفى

من سألتة اي مستشفى كان جوابه لا ترحون ولاتعبون ارواحكم محد يدش عليهه

سلمت علي ورجعت ميتة قهر حتى انفي نزف بوجهي للمستشفى سيروم وعلاج انوب بدل ما يعاقبني احتار بيه شلون يهديني

بيت جدي زادت جياتهم علية بالخصوص جدو وحتى زوجة بابا رباب علاساس تواسيني وتاخذ من خاطري اغلب كلامهه كان مبطن بالشماتة والسمّية

الى ان اجا اليوم  اللي كنت خايفة المواجهه المرعبة الحمل اللي اكبر من طاقتي

__________________________
___________________ يتبع

✨انتظر تقييمكم وتعليقكم وتشجيعكم  حتى نستمر سوى انتو قراء واني كاتبة خلو تكافؤ اني اتعب بالكتابة وانتو شجعوني🫂💕

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

احبكم بگد العراق🫂💕