روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
- داكـول وينـج وحييدر يـمج
- اي هيـاته
- انطينيـاه سريـع
باوع عـليه حيادر وحـرك راسه ورجع التـفت دايسوق انطـيته التلفون وكال :-ها ضـلع صاير شي ، آسر ؟ ، لا مابـي شي وداعـتك ، هيَ بسيطة وطلع منـها بسلام صـدكني قافل ما يرجع اله يتـخرج يله ، منين سـمعت ؟
داسمعه وگُلشي مامفتهمه خلص سلم والتفت انطاه الي خذته وگال :- شبيج فُستق بويه اتنفسي
- صـاير شي ؟
- لا ماكو دايـسئلتي على مـرض آسر مـدري منين عارف
- وشبـي ؟
- كـورونا
- ياااا طـاب لو بعده ؟
- لا الحمدُلله طـاب منها
- نهـائيًا ؟
- اي حـبيبتي
سكتنه شويه ووصلنه للبيت نزلنة أني وياه ودخلنه رحت دخلت للصالة وهوَ صعد فوك آول ما دخلت لاكتني بنت أسماء حضنتها وباستني اجت حواء وصاحت :- لك هلاااااا
- هلا بيـج
- جنت فوك شفـت حيدر دخل لغُرفتـة وعرفت اجيـتي ونزلت گُبل
- بعـد روحي لعد أمج وأسـماء وين ؟
- طلعن للسـوك وحليم ويـاهن
- وأبوج بعـده ما نـازل ؟
- ما نازل صـارله فترة
- علمـود الفيـروس ؟
- اي
سولفنه شويه صار الليل كمت لغُرفة حواء بدلت ونزلت ليكتهن جايات سلمت عليهن وتعشينة وكملنة وصعدت فوك تصفحت بالتلفون شوي وسديتة وانفتح باب الغُرفة ودخلت بأيدها علاكة كعدت يمي فتحتهن كُله حلويات
باوعت عليه ميلـت حلكها وكالت :- جبـتلج حلويات بفلـوسي
- مانه عليه هنَ نستلة وكم جبس
- نجبـي والله كُله من ذن الزيـنات عشرة الاف ضامـتهن كلت من ننجمع ادز بيهن حلـويات
- ديله يله عفيه
طلعتهـن ضلينـة ناكُل كمـلنه مر الوقت صـارت الساعة بالوحدة اجـاني مسج لتلفوني فتحتـة جان من حيادر داز :- مشتاقلـج فُستقي
- أجي ؟
- تعالي يا عيني
التفتت لحـواء وكتلها :- راح اروح لحيـادر
- اي ؟
- وأسماء وحليم خاف يطلعون ؟
- نايمين شيطلعهم
- متأكده حواء ؟
- اي وداعتج
- تمام
طلعـت من غُرفة حواء ورحـت لغُرفة حيادر فتـحت الباب جان فاتـح الابتوب ودايتـصفح رفع راسه شـافني وكال :- سـدي الباب وتعالي يمي شُغـاف گلبي
سويت مثل ما كال ورحت كعدت على الكرسي المتحرك الي يم الچرباية باوع عليه وكال :- هسه أني صبرت صبرت خلي اصبر للسنه الأخيرة
- صـاير شي ؟
- لا هـيج شغله ببالي ، أستـغفرُ الله
باوعت عليه وأني ما أعرف شبي واثنينه ساكتين اخر شي كال :- لاتجين فُستق بعد يمنه فدوة اروحلج
- ليش حـيادر
- وداعتـج كوه صابر على نـفسي وما ذابها عليـج وحاضنـج
أبتسمت وكتله :- هممم رب العالمين دايختبرك
- يا بـويه صـعب هذه الاختبار اصـعب من اخـتبارات الطب كُله
- هيج صعب ؟
- وأكثر وداعتـج
ضحكت وانتبه عليه وكال :- صدُك ليش هيج ضعفانة ؟
- أنـي ؟
- لا أمان طبعًا أنتِ ، يُمكـن بيج Anemia ؟
- شنـو يعني ؟
- فقر دم بويه بس نتزوج ان شاء الله إذا الله مقدر اخليج تشربين عصير يفيدج
- عـصير شنو ؟
- من نتـزوج اكُلج عـليه
- بعد هواي حيـادر
- لا قليل ان شـاء الله
ضلينه شويه نسولف بعدها طلعت رحت لغُرفة حواء دخلتها مبتسمه باوعت على الساعه وكلت :- حيييل هاي شبسرعة
رسًا رحـت تمددت ونمـت اجه ثاني يـوم مر الوقت صـار العصر جنت بالصاله اجاني حـيادر وكال :- ريـتاج يابه كومي حـضري روحح الولدج اتصـلت عليه
- تمام
صـعدت بدلت وكملت ونـزلت سلمت عليهم حـضنتني حواء وسلـمت عليه ورحت صعدت بالسـيارة اجه حيادر وصـعد وطلعنه
شغل أُغنية مجنوني وكال :- رجعت من السفر بس علمود اشوف وجهج وأرجع بكُل لحظة داشوف وجهج بيها داصبر نفسي على هذه الوضع الي أني بي وداتحمل لخاطرج
مبتسمـة على كلامـة واجواء الأُغنية بالسـيارة وهوَ على يـساري كاعد ودايسوق سـكت وكتله :- ما باقـي شي على اللحـظة الي داننتظـرها أني وياك حيـادر باقي قليل گُلش قليـل خلص الهواي ومـا باقي اله القليل واحنه نصير بالحـلال
- ان شـاء الله بـويه
سكتنة اثنينة وشوية ووصلنة وكف السيارة كدام باب بيتنه والتفت الي وكال :- ديري بالج على نفسج فُستقي سنة انتظريني سنة بس وداعتج وبعدها راح أوفي بوعدي الچ
- انتـظرك العمر كُله
- أحبچ هُـيامي
- أحبـك حيادري
نزلت من السيارة ودخلت البيت ردت اسد الباب شفته باوع عليه حرك السيارة وراح سديت الباب ودخلت جوه وأني متأكده الشوفة الي راح تجي الأخيرة دعيت رب العالمين يخلصها على خير ودخلت للبيت
مـرت السنة على خيـر كورونا أنتهت بعد ماكـو حُسين رجع يـداوم أستاذ جامعي آيريـم خلصت وبـدت تدوام بالمُستـشفى ممرضة دائمًا اتـصل عليها وأعـرف اخبارها وهم مـنتظرج اخوها يرجـع على احر من الـجمر مثلي
....
جنت كاعد الساعة بالستة داحضر لحفله التخرج واتصل عليه صادق فتحت خط وجاوبت سلم وكال :- ايه يعم أنتَ وآسر فين ؟
- دانتحضـر ساعة ويمـك احنة
- حتتأخـرو ؟
- لا
- طيـب ، حيكون يـوم الوداع حـتوحشوني
ضحك سيدت الاتصال ورحت لغُرفة آسر دكيت الباب مره مرتين بالثالثة جاوب وكال :-هاا هااا هااااا
- كـوم
- هيَ حفله تخرج شعدنه رايحين ؟
- يمعـود نودع الولـد
- ما أريد اودعهم روح أريد اخلص أني يا وداع بربك حيدر
- آسسر ؟
- كايم كايم
كملنة وبدلتـة وطلعنة قفـلنة الشقة ونزلنـة وكال آسر : خـذو كُل عافية بيه وطلـعو روحي يله سـوني دكتور بالعباس أبـو فاضل لو أدري هـيج الطب ما عدت ثـلاث سنين بالسـادس الله وكيلك جـان دخلت أدبـي وأدخُل محاماه اشـرفلي
ضحكت وسكتت التفت عليه وكال :- شو أنتَ ساكت ؟
- لعد شتـريدني ابجي بيـوم التخرج وهم داتـبجي فوك راسـي
- بالعباس هاي بواجب الفرح أني ما مصدك راح اتخرج ولو بعد سنة الامتياز بس مبينة سهلة نگدر نسيطر عليها
ضـحكنة وشوية ووصـلنة للجامعة دخلـنة تلكونة كم صـديق مصري ويـمهم الاصـدقاء كُلها الاردنيين السوريين والعـراقيين وناس داتـودع ناس
سلمنه عليهم وكعدنة يمهم مر الوقت بدت الحفله مال التخرج خذنه صور كلنه كيك كملنة طلعو أغاني جنه كاعدين على الكراسي شويه وطفر آسر وكال :- عليك الله تعال نركص أريد اطلع القهر مال كُل السنين
كامـو الاصدقاء وبـاوع عليه وكال :- يله كُلـها كامت دكـوم
- شكوم ما تكُلي بربك آسر
- وداعتك دكوم لا اروح ابعرها واركصلهم على الطبلة
- بشرفك لاتخزينة
- لا اشو اله اخزي
راح يم الجمـاعة ضل يهوس وياهم خلـصت الحفله طـفو الاغاني بقى واحد يودع بواحد اجونـه الاصدقاء اجه آسر وكـف يمي سلمنة على الاصـدقاء واحد واحد ودعـانهم اكو بيهم كامو دايبجـون حتى الاصدقاء المـصريين
اجه صادق حضني وطبطب على ظهري وكال :- حنفتقدك دكتور حيدر الشاطر بجد
حيدر :- بعـد روحي أني الأكثر بالله الكـريم حنفتقـدكم واحد واحـد
ودعني وراح على آسر هم حضنة وطبطب على ظهره وكاله :- مين بينكت علينا أول ما ندخل الجانعة بعد مين الي بيبكي أول النهار واخر الليل عشان شو عشان امتحان بيصعبو بنفسو هااا دكتور آسر قلي ميييين النهاردة ؟
رجـعو تحاضنو بقـوه وكال :- مراح انسـاكم احلى فرصة عرفتنة عليـكم
صادق :- مصر والجامعة حيفتقدوكم بجد
سلمـنة عليهم كوه شلعنة نفـسنة منهم وخلصت الحـفلة ورحنة دانـطلع من الجامعـة وكال آسر :- دخلي ناخـذ صور لاسم الجـامعة خاف نُـشتاق
- اخذ عمي اخذ منو لازمك
- بعدچبدي
خذنـة صور للجـامعة كملنه ورجـعنة للشقه وكُل واحـد گالب وجـه وطيارتنة بعد يومين على ما نجـهز أوراق الجامعة وغيـره
مر يوم ونص الظهر كاعدين دانحضر كُل جنط السفر أني وآسر وكال آسر :- مُشتاق للعراق گُلش
- هوَ هم مشـتاقلك
- اخ وكـت خلاني اشـتاق للعراق احـلى بلد اقـسم بالله
- اتفـق
- بس هـم راح اشتاق لمصـر وللبحر ولشـرم الشيخ وكُلهم شلـع حتى الجامعـة
- منو يـومية يبجي مـنها ؟
- أحمـد هذه مو أنـي
أبتسم بحزن وكال :- اخ مُشتاق للنجف بوييه گبل راح اروح الها واذب روحي على گبرها واكللها تخرج أبنج ورفع راسج
- الله يرحـمها ويرحم جميـع الاموات
- آمين يله كملـت تحضيـرات أني
- وأني هم
- يله نطلع
- بـس يوصل أبو الشـقة علمود نسلـمة المـفتاح
- خـاف يتأخـر ؟
- لا قبل شويه اتصل عليه كالي بالطريق
حرك راسـه بمعنى اي انتظـرنة أبو الشـقة مر وقت واجـه سلمناه المفتاح وودعنه هوَ هم وطلـعنة توجهـنة للقاهـرة
....
كعدت الصبُح أول ما فتحت عيني تذكرت حيادر اليوم رجعتة اجه اليوم المنتظر من سنين طويلة
فتحت تلفوني جان داز:- جيتـج فُستقة جيتج يا عـيناه لحيادر ما مصـدك هاي رجعتـي الأخيرة
- الحمدُلله على السلامة حيادر
- حبيبتي
- عُيونها لحبيبتك
- فدوة اروحلهن أني أريد اكُلج شي يا عُيون روحي
- كُلي ؟
- راح تفرحين هواي تره
اجه ببـالي موضوع الخـطوبة وكتـله :- كُلي كُلي حمـستني ؟
- كلت لأمي عليج
انصدمت وبنفس الوقت فرحت من لارادي دزيتله :- شنو كتلها ؟
- يعني بهاي الايام حضري نفسج راح نجي
- صدددُك تجي ؟ عليييك الله حيييدر مداصدُك عُيوني
فرحـت فـرحتي الي دانتـظرها من سنيـن ردت فعلي رغم أعـرف وكايلي قبل من اتخـرج بنفس الاسبـوع أجي خطابـة
دمعت عُيوني ودز :- داعتج يا عُيوني راح تصير صدُك ، انتظرنة ست سنوات أخيرًا يعني ، حبيبتي راح تجي يمي عُيوني الاشوفن بيها راح تجي يمي راح نعيش سوه يبعد هلي أنتِ أحبچ حُب الله يشهد عليه شنو من حُب حبيبتج وحبيت گُلشي بيج
كامـت دموعي تـنزل من وحـدها وأني اقره المـسجات اخر شي دز :- بـعد حضـري نفسج الأسـبوع الجاي يا عُيـوني ، راح تشوفـج أمي وراح تعرف اختيار حيييـدر هذه ، أحبچ يبعد چبـدي أنتِ بويه حُبچ ناكـع بگلبي شحجيلج
قريت المسجات حرف حرف واحس روحي راح تطير من الفرحة دزيتلة :- أحبك حيدري أموت عليك ولله الفرحة ما وسعتني من الكاع يا ربي داحلم أني لو شنو ، فدوة الك شني يعُيون ريتاج أنتَ يا روح ريتاج يا گلب ريتاج
ما أعـرف كمت شنـو ادز من الفرحـة حضنت التلفـون بكُل قوتـي كمت اكمز وكفـت ودزيتله :- شـوكت حيادر تـجون هوَ بعد باجر جـمعة ؟
- لا الأسبوع الجاي
- اويلي لهفة سنين هاي وراح نصير بالحلال
- ان شاء الله
- آمين
سكتت شـويه وتذكرت شـغله ودزيتله :- صدُك شـنو اللبس من تجـي الوالدة ؟
- اي شي
- أريد اشتري من النت حيادر
- اشتري ميخالف اي فُستان يعجبج وصي عليه ولاتهتمين
- صار حياتي
نهينه المُحادثـة بحُب ونـزلت جوه يم أمـي لكيت حُسين دايـسولف وياها على الجامعة سـولفت شويه وياهم وكـمت مر الوقـت وتعشـينة غسلـت الأماعين وصـعدت فوك تمددت واجـت فكرة ببالي جنـت منزلة برنامج أسمـه " تيك توك "
منزلته بس ما داخله اله غير كم مره دخلت گلبت بي شويه أكو شي أسمه ترندات عاد خذت كم سكرين لمُحادثه حيادر وسويت فيديو ورتبتة وكتبت جواه :- " ادعولنا تتم على خير فرحتي "
هوَ مـنو يدعيلـي الحساب فارغ بـس يله كملتة ونشـرتة على أسـاس ترند وهيج يعـني وأني گُلشي ما أعـرف كملت ورحـت اتصلت على حيـادر حجينـه شويه ونمت كعـدت على صلاة آذان الفـجر نزلت توضيـت
وصعدت صليت وكملت طلعت قرآن قريت جزئين وخلصت بست القرآن وشكرت رب العالمين عن گُلشي صار بحياتي كملت ولفيت السجادة ورحت نمت كعدت الصبُح أول ما فتحت التلفون دخلت على مُحادثة حيادر دزيتلة :- صباح الخير
دزيتـها وطلعت من المُحـادثة مبتسمة رحـت للتيك توك أول ما دخلـت رحت لحسـابي شفت الفيديو صـاعد والتعليقات گُلش والنـاس كُلها داتدعيـلي تتم على خيـر وكُلها فرحانة وياي تفاجـئت وفرحـت بداخلـي على الدعـوات الحلـوة
مر كم يوم جنت كاعده يم أمي المُغربية أجه موضوع ببالي رسًا فتحت تلفوني ودزيت لحيادر :- اكُلك حيادر موجود ؟
- اي عينـاي اكو شي جـنت كاعد يم الوالـدة داحجي ويـاها
- من تجي عمتي شقدم الها ببسي وكيك وياها بقلاوة كنافة شي مو ؟
- عـادي بويه اي شـي قدمي عادي عـلى صحتها
- من عُيوناتـي
- وأني شتقدميلي من اجي ؟
- روحـي اقدمها واحـس مقـصرة
- عـوفي الغزل لاتخلينـي الثلاثاء اخلي أمي تجـي والجمعة أني
ضحكت ودز :- أحبچ بويه اي شي من أيدج طيب ماريد ببسي من بره وكيك لا أريد من أيدينج الحلوات اريد احس بطعم الفرحة
- غييييير تدلل شنو جنـك على كنـافة حلاوة عصـير من أيدي
- يا بويییه غيـر اسعد واحد بالعـالم اصير
- فدوة تره
- الچ يبعد روح روحي ، مثل مكتلج وصي على اي فستان يعجبج ومعليج بالباقي علمود يوصل قبل يوم الجمعة ماشي ريتاجي
- من عُيييييوني
- يبعد روح وگلـب وعُيون حـيدر ، بوییه شني جـنج العافية
- غیر أنتَ الـعافية كُلها
نهينة المُحادثة رحت للتيك توك شفت الفيديو صاعد اكثر اجاني حماس رحت سكرنت الحجي الأخير الي صار بيناتنة وهم رتبتك ونشرتة
خلصـت ورفعت راسـي جانت أمي كـاعدة گبالي لكيتها تبـاوعلي باوعت عليها وأبتسمت وكـلت الها :- يُمه تعـالي نصعد فوك نـحجي عندي حجي ويـاج
- صعدي ريتاجة جايتج
صـعدت فوك ضليت افـتر بالغُرفة شويه ودخـلت أمي وكالت :- ها بنتـي
- عندي موضوع وياج
- اي احجي اسمعج
- ما أعـرف مـنين أبدي
- من اليعجبـج
- تعرفين حيادر رجع من السفر قبل كم يوم ورجعة أبديه
- اي ؟
- اي فَ راح تجـي ام حيادر يـوم الجـمعة هاي
- يتقدمـولج ؟
كمت اطكطك باصابيعي وكتلها :- اي
- أريـد اهلهل بس عيـب
- بس خايفة من حُسين وأبوي خاف يرفضونة خطية وهوَ صارله هواي داينتظر هاي اللحظة وتعرفين أنتِ
- لا يا حبيبتي ما يرفـضون خليـها وراي
وغمزتلي ضحكنة وكالت :- شلون رجال دره مال الله مطمئنة لإن راح يصير نسيبنة الحمدُلله ربي وفه بوعدة أبن عمتي وفه ما فشلني
ضحكـنة وراحت نزلـت مرت الايام اجـه يوم الخميس كاعدة الساعـة بالعشرة باليـل بالمطبخ داغـسل الاماعين دخلـت أمي وكفت بـصفي وكال :- باجر خلي يـجون سوه عمتـي وحيدر
- ليش ؟
- هيَ شايفتـج بعد عليمن تـجي هيَ وبعيدن يجي هوَ وهمَ ثنـينهم شايفيج مو زواج تقليـدي
- هاهية يُمه صار
أبتسمـت وراحت كملـت وصعدت اتـصلت على حـيادر كتلة وكملـنة وقبل ونهينـة الاتصـال بحُب ونزلـت كعدت يمهم وابـاوع على حُسين شـعجب ما حجـه وي أمي بمـوضوعة خاف صـاير شي بس ان شـاء الله ماكـو اي شي عود اتـصل على آيريم بالايـام الجاية لو احجي ويـاه سولفت وي حـيادر شويه ورحـت تمددت ونـمت
....
كاعدة بالوحدة كمت للمطبخ شربت مي صاح آسر وهوَ بالصالة :- مي وياج آيييريم
- دقـيقة
خذت كلاص مي ورحت انطيته اله كعدت يمه جرني من شعري وكال :- وجع شو كبرانة
- عايفـنك خـمس سنين شتـريدنة
- كُلكم كـبرانين أحمـد أُمج
- تره حتى انت جانن شوارب اتذكر ماكو كوه طالعتلك شعرايتين هسه لا شوارب ولحيه وطول وضخامه وشعر
- هييييو هييو دكـولي ما شـاء الله
- شنـو شحسـد هذن الاندوميـات لو شنو
- ترحـيلهن فدوة
- ماكو حُب منا منا مصريه شي
- بشرفج ؟ كوه تحملتهم أني طول هاي الخمس سنوات نوب اتزوج مناك كولي يا الله
- اي عينـي اي لعد شـوكت تتزوج ؟
- وجع ضـال على گلبج هوَ قـبل كم يوم أجيت أنـي خلي اتمتع بالعزوبية كم سنه بعـد
- مفيش وقت مفيش وقت
ضحكـنة وكـتله :- شو انطيني تلـفونك خلي اكلب بالصـور
ماكال شي فتحه وانطانياه كلبت بالصور وهوَ دايباوع فلم على الابتوب خلصتهن واجه موضوع ببالي انطيته التلفون خذاه وكتله :- آسر اخوي
- عُيـونه ؟
ما أعرف منين أبدي ثواني وكتله :- باجر من ترجعني بات هُناك حتى لو يوم
- چؤ
سحبت نفس وكتله :- صالحها آسر والله متغيرة هواي صدكني
- ذيـل الچلب ما ينعـدل سدي المـوضوع
سديت الموضوع وهوَ ببالي وان شاء الله اصالحهم عن قريب كمت للمطبخ رجعت الاكلاص ورحت للغُرفة تمددت ونمت
....
كعـدت الصبح گبل نـزلت تريكت وسـويت الهم ريـوك كعدو تريكو خلصو وكمـت دانظف البيت مر الـوقت خلصتة واجـت أمي يمي وكال :- روحي صـعدي فوك حضري نفـسج على ما اسـولف وي أبوج وأخـوج
- صـار
صعدت فوك دزيت مسج لحيادر ماجاوب كمت طلعت ملابس ودخلت أسبح طلعت نشفت شعري ورحت طلعت الفُستان والمكياج حضرتهم وصعدت دخلت الغُرفة شفت أمي موجودة وكالت :- أبوج قابل يُمكن
- يُمكـن ! وحُسـين بله ؟
- قابل أكيد بس مدري شبي من كتله اليوم راح يجون عمتي ورجلها علمود يتقدمون لريتاجة
- اها الحمدُلله بـس أنتِ مو كُلـتيله ذاك اليـوم ؟
- لا كلت بس لأبوج
- يله الحـمدُلله
- لاتهتمين تصير ان شاء الله
- آميـن
أبتسمت ونزلت مر الوقت صار الساعه بـ ٣ ونص اجاني مسج من حيادر كاتب :- بـ ٥ ان شاء الله احنه يمكم
- لاتتـأخرون علـينه حـيادر
- من عينـاي
عفت التلفون وكمت حضرت نفسي لبست الفُستان الفُستقي وكملت شسورت شعري وخليت شي خفيف لوجهي باوعت لنفسي بالمراية مرتبة والفُستان الحمدُلله مو فاضح مرتب ومستور وطويل
كمـلت ونزلت للمـطبخ شفت أمي داتحـضر كلاصات الـعصير والكيكة بالفـرن حطيت أيـدي على چبيني وكلت :- راد من أيـدي الكيـكة يُممممه
اشرتلي بعُيونها على الباب وكتلها :- شنو ؟
اجت بأتـجاهي سحبت أيـدي وكالت بهمس :- أبـوج وحُسين بالـصالة شبيج
- لا بربج صيحت أني لو لا عليج الله ؟
- لا وتعالي راقبي الكيكة لاتحترك بقي الها شي قليل
- صار
راحـت أمي بالغُرفة داتحـضر كملت الكيكة طـلعتها ووكصيـتها قطع وخليت بالاماعين دارتـب بيهم وانـدك هورن بالباب نغـزني گلبي گُبل خـذت كلاص مي ورحـت صعـدت فوك شربت العـلاج مالتي ورحـت للشباك اباوع الهم
فتح حُسين الهم الباب دخل أبو حيادر وأمه وحيادر ورهم حواء لابسة احمر ومرتبه نفسها وحيادر لابس قميص بيچي وبنطلون أسود وأبو حيادر بملابسة العسكرية ما أعرف ليش
ضحكـت وتذكرتج أول مـا شفته هم جان لابـس بيچي ضحـكت وشويه ونزلـت ضليت بالمـطبخ ما أعرف شكـد مر من الوقـت دخلت عليه أمي وكالت بأبتـسامة :- يله جيبي العـصير والكيـك ريتاجة
- صار
خذت الصينية وأني بداخلي متوترة دخلت عليهم جان حيادر متربع ومدنك راسه وبصفة بوكية ورد لونة فُستقي على يسارة دخلت أني رفع راسه بس ما ابتسم أكيد غير الأمه العربية كُلها كبالة
قدمـت وأول واحد قـدمت اله أبو حيـادر والأخـير حيادر وعـفت الصينية كدام حواء ورجـعت كعدت يم أمي نـطق أبو حيادر وكال :- الله بالـخير
الجميع :- الله بالخير
من بـعد كلام وسوالف كـال :- أبو حُـسين وأُم حُسين اليوم جـايين نطلب ايد بنتكـم لأبنه حـيدر على سنه الله تعـالى وعلى سـنة رسولنا الكـريم محمد صلى الله عليـه وسلم
بعده ما مكمل أمي اشرت الي اطلع وباوعت لحواء واشرت الها كامت حواء لمت الاكلاصات وكمنة سوه طلعنة من الصالة دخلنه المطبخ وأني اطكطك اصابيعي
خلت حـواء الاماعين على السـنك واجت وكفـت يمي وكالت :- شبـيج رتـوج ؟
- حواء خايفة خاف مايبقبلون والله
- لا يمعـودة لا تفاولين يبـقلون ان شاء الله عـوفيها وره رب العـالمين
- الله يسمع منج
مر الـوقت وصـاحو على حواء بـوستني وأبتسمت وطلـعت رحت صعدت فوك بـدلت ونزلت للمـطبخ وأسمع أمي وأبوي وحُسيـن دايحـجون كال بابا :- هـاهيَ أني كلت ٢٥ بـ ٢٥
أمي :- خطية العالم عاد خليها ٢٠ بـ ٢٠
حُسين :- صدُك تـحجين زين ومـا سويتهـا ٣٠ بـ ٣٠
أبوي :- كافي هاهيَ الكتلكم يصير والناس ما عارضو بعد عليمن هذه الحجي
أمي :- ياا لـعد إذا ما يحجـون شنو نسـتغلهم ؟
حُسين :- مو قُصة نستغلهم يُمه هاهيَ مثل ما كال أبوي
أمي :- يلـه هاهيَ مثل ماتكـولون
أبوي :- روحي شوفي موافقة لبنيه لو لا دانحدد بكيفنه وبنيتنه ما ماخذين موافقتها
أمي :- صـار
كالت هيج أمي وأني طفرت ليفوك دخلت الغُرفة وره شويه فتحت الباب ودخلت أبتسمت وخلت بوكية الورد على الميز وكالت :- ها موافقة ما موافقة
- دقيقـة خلي أسـوي مثل المُمثلـة محـاسن
ضحكنه وكتلها :- : مووووووووافقة
- هـاهيَ بعد كالـتها موافـقة هههههههههههه
ضحكنة ونزلت خذت الورد شميتك وضميتة بالكنتور مر الوقت صار الليل جنه دانتعشة دانتناقش علمود نرجع الهم خبر وكال حُسين :- راح تطلع مره من البيت وتدخل مره ثانية ان شاء الله
باوعتـله أمي ضـحكت وكالتله :- شـنو تقصد ؟
أبوي :- قصدج واضح عاشكلة وحده
حُسين :- لا يمعـودين سمو بالرحمٰن بس يـعني أكيد راح اتزوج قـابل ابقى أعـزب ؟ طبعًا لا
ضحكو بس ما صدكو كلامج وكال أبوي :- هاهيَ أم حُسين خابري المره وخلي يحددون موعد المشية مال الزلم
أمي :- بـيها الخيـر
أبوي :- ان شاء الله
كوه كمـلت العشة وأني الـفرحة بداخـلي كملنة لميـت الاماعيـن وطلعو من المطبخ غسلتهـم على الـسريع ورحت صـعدت فوك دزيت مسج لحيادر وكتله :- حييييدري قـبلو أبوي كال لأمي خابـري ام الـولد خلي يحددون موعـد المشييييية مال الزلم
- عليج الحُسين فُستقه ؟
- وداعتك يبعد العافيه أنتَ
- لكككك اي هُنا الـحجي الزين اليـوم يومك حييييدر
- أحبك
- أحبچ تامور گلبي
- من تحـددون موعد الـمهر كُلولي
- الأحد هذه ١/ ١ برأس السنة
- هذه هذه الأحد ؟
- اي هـذه هـذه
- خاف ما الحك حيادر
- تلحكين تلحكين ريتاجي تلحكين گُلشي تسوين مو كافي انتظرنة هواي والله هواي
- تمـام حيـادر الي تـريده يـصير يا عُيوني
دز الي قلوب خضر وراح مر الاسبوع بفارغ الصبر يوم السبت الظهر طلعنه أني وأمي نحجز فُستان للمهر والصالون
فرينه السـوك ويا محل ندخُل اله ما يـعجبني شي مرت سـاعة ودخلنج على محل افتـرينة عجبـتني بدله يصير لونـها فضي باوعـت عليه أمي شافتني اباوع عليـها وكالـت :- ها بدله ؟
- اي گُلش گُلش حلوة
- مو على اساس فُستان ؟
- عود بالحنة ان شاء الله فُستان
- يله بگيف
حـجزناها وحجـزنة الصالون قـريب على المحل وحـجزنة كوشة واشترينة كم حاجـه ورجعنه للبـيت الُمغرب خابـرت حيادر وكـال :- باجر راح تصيرين حلالي باجر راح احضنج حضنة مال ست سنوات راح اشمج شمه مال محروم
احس خجلت وسكت عاد طكها ضحكة قويه وكال :- بويه راح نصير زوج وزوجه مو مال خجل يا حبيبي
- حيـادر ما متعـودة عليك هالشـكل
- تعـودي تعودي جـايج الاقوى بعد عيـناي
ضحكنة وسد الاتصال اتصلت عليه حواء وكالت :- حجزتي ؟
- اي
- بـدله لو فُستان
- لا بـدله مو فُستان
- أني فُسـتان شو فتحـي كاميرا خلي اشـوفه الچ
فتحت كاميرا شوفتني گُلش حلو سولفنة شوية خلصنة سوالف وسديناه مر الوقت تعشينة وكملنة كملت تنظيف وصعدت فوك اتصلت عليه آيريم سلمت وكالت :- شايفه كُل الخير حبيبتي ريتاج
- حـياتي أنتِ ، تجين ان شـاء الله مو ؟
- ما أعـرف ان شـاء الله بس اقنـع آسر واجي وياه
- لحي عليه علمود أشوفج واتعرف عليج بالحقيقة
- ميخالف من عيني
....
سديـت الاتـصال من ريـتاج ورحت خـابرت على آسر وكتله :- سـمعت باجر عندك مُناسبـة اعز الاصدقاء
- شعرفج ؟
اووو بعـرتها هسه شكُله شعـرفني شويه وجـاوبته وكتله :- غـير منك
- شوكت كايل أني ؟
- هسه شـنو هذه التـحقيق قبل كم يوم كلـت أنتَ المُهـم أريد اروح عليك الله والله ضـايجة
- يله ميخالف شوكت اجيج ؟
- هوَ اتصـل عليه قبل ساعـتين قبل لاتكوم تحضـر نفسك وتبدل
- وساعتين تجهزين نفسج ؟
- اي أصلًا قـليل
- يله ميخالف
- ديلـه اروح اكُل لأمـي وأحضر ، بـاي اندومي
- باي باي
سديـت الاتصـال ونزلت كلـت الأمي وكـوه قبلت صـعدت طلعت ملابس طلعة جديدات مرتـبات حتى بالدوام ما لابسـتهن الحمدُلله حـضرتهن وخلصت وبداخـلي طايره من الـفرح لإن راح أشوفة مـشتاقتلج وراح اتعرف على اخـته ريتـاج خلصت تـحضيرات ونمـت
....
كعدت الصبُح الساعة بالستة نزلت جوه جانت أمي كاعدهة شافتني وكالت :- تريكي وصعدي بدلي على السريع حُسين منتظرنة
- مكمـل ؟
- اي
تريكت على السريع وصعد ابدل دزيت لحيادر مسج كملنة وطلعنة نص ساعة ووصلنة نزلنة حُسين كبال الصالون وكالتله أمي :- انتظرني
حُسين :- ميـخالف
دخلتني الصالون وراحت جابت البدله واتفقت وي أم الصالون يردوها من وكت وباوعت عليه وكالت :- من تبدي بشعرج اتصلي عليه
- صـار
- يله مع السـلامة
- الله ويـاج
مر وقت وبلشت بيه وسويت مثل ما كالت أمي من رادت تبدي بشعري اتصلت عليها خلصت التسريحة واتصلت عليه وكالت :- بالطريق ، تأخرت بالكوشة جنت اسويها وياهم
- تمام مـنتظرتج خلـصنة
- ماشـي
وقت ووصلت أمي اجت طلعتني وأم الصالون والعرايس الي وياي هلهلن ويكولن :- الف مبروك شايفه كُل الخير
أبتسـمت الهن وطلـعنة أني وأني صعدنة سـيارة حُسين وانطـلقنة وقت ووصلنه للبيـت لكـيتهم كُلهم موجـودين حتى عـمامي وعماتي وخالاتي هلهلن ودخلـت سلمن عليه وكعـدت بالكوشة والاغـاني الي سطرت راسي
صحت لأمي علمود ت يب علاجي من فوك جابتهن وياهن كلاص مي شربتهن وصحصحت قبل لايجون كومني خالاتي وأمي ركصني شويه ورجعت كعدت مر الوقت وسمعت هورنات بالباب گلبي
بدأ يـدك على السريع والـهلاهل علت أجت امي لبـستني تول راسي دخلت حوا تهلهل من البـاب عرفتها حواء من هـلولتها اجه كعد يمي حـيادر والتوتر دايـزيد ما أعـرف ليش خلـصن هوساتهن دخل السـيد وأبو حيـدر وكومتني حواء وأمها وأمي ودخـلتي الصالة أني وحـواء وحيادر والـسيد بره الصالة
وبس أني وحواء بالصالة واسمع السيد يكول :- بسم الله الرحمٰن الرحيم يا ريتاج كريم اتقبلين ان اكون وكيلكِ لازوجك من الشاب المؤمن المُهذب
حيدر أمان فأذن قبلتي قولي نعم وأنتَ وكيلي
خذت نفـس وكلت :- نعـم وأنتَ وكـيلي
السيد :- صلُ على محمد وال محمد
الجميع :- اللهـم صل على مـحمد وال محمد
طكوها بالهلاهل وحواء يمي هم هلهلت زرفو أذاني ما سمعت شنو كال السيد لحيادر باوعت عليه حواء شالت التول وكالت :- حيدر يريد يدخل ابقي هُنا
- تمـام باقية
طلعت وره خمس دقائق دخل حيادر وسد الباب باوعت على ملابسة لابس قاط باوع عليه وكال :- متحمس للحلال
كال هيـج واجـه حضني بادلتة الحضـن ودموعي واكـفات بعُيوني شد عليه الحضن ضـل تقريبًا خمس دقـائق ووخر باوع على وجـهي وباس رأسي
باوع عليه أنتبهت على عُيوني مدمعات حضن وجهي بأيدي ضل صافن على عُيوني شويه ونزل نظرته على شفايفي وكال :- راح يصيرن حلالي
حسـيت رجفة صارت بجـسمي نزلت نظـرتي بخجل ورفـعتها باوعت بعينه وغمضت حـسيت ببوسة قوية على شـفايفي غمضت عـيني وبعدها
....
يتبع ⬅️ - البارت الخامس والاربعين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.