روح في بحر الظلام

الحلقة الحادية والعشرون

روح في بحر الظلام

____ الكاتبة بحر _____

بنات كل اللي تمر من هنا ارجوكم

لتنسون التقييم بالنجمة

والتعليق بين الفقرات حتى ادللكم بالبارت الجاي

+++بنات ضيفو حسابي لطفا🥺💕

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

كضوء الصبح يلقاني

أمات الحب عشاقا

وحبك أنت أحياني

ولو خيرت في وطن

لقلت هواك أوطاني

ولو أنساك يا عمري

حنايا القلب.. تنساني

إذا ما ضعت في درب

ففي عينيك.. عنواني
_

______________________

رانــيا

ركضت للمخزن الفوك نزلت الجنط مالت السفر جان عدنة اثنين عبيت الملابس كل واحد قطعتين ومشمش تبجي وتون براسي

مشمش:يربي باجر امتحان يعني شلوون مااا امتتحن.... هوو مكالج وين رايحين... رانيا راح امووتج شبييج متردين

تعصبت كلش واني منا متوترة بسالفة زياد شنو حرك بيوت يا بيوت شبي زياد تخبل.. زين ماما شلون اذا عرفت افكار افكار افكار هجمت على عقلي اكتسحت دماغي شتت ذهني صرخت بوجهه بغضب

رانيا:كاافي كاافي اسسكتي انتي ليش هيج انانية ليش تفكرين بنفسج ششوفي اخووج منعرف وينة وشحالة وماما ومرضهه وانتي حايرة بروحج صووتج بعد ما اسمعة مشمش والله حضج اطيحة

مشمش:اهوووووو والله ضجت اصلا كولة بسبب زياد كليوم مشكلة فد كرهتة هو وهذيج الفاهية مالتة.

رانيا:مشمش اخر مرة تحجين عن زياد والله ازعل وياج للابد ما اكول طفلة ولا اكول اختي

كسرت خاطري
كعدت بصف الحايط تبجي وتحجي وية روحهه:يرربي هسة شسوي اني عزة بس لا ارسب، يمة بس لا ارسب وينجحون هند وسهى غير امووت

عفتهه تبجي ورحت اكمل شغلي هلكت علما كملت كلشي وماما نايمة

اتصلت على بابا كال جاي وجايب زياد وسألني اذا جهزت الكال عليهم كاال جهزو نفسكم بس اوصل نطلع سديتة منه واجت مشمش حطت التلفون بوجهي وبادية عليها علامات الاستفهام
مشمش:رانيا باعي هاي صورج راسليهم لماما

ارتعدت اطرافي برعب واني اشوف صوري اللي ملتقطتهم بموبايل ماما كلها مرسلة اليه توسعت عيوني واني اشوف محادثات مقرفة مفبركة بيني وبين شخص مامكتوب الاسم بس هو بالمراسلات مردد اسم رانيا
ديثبت انو هاي اني

گعدت رايحة رووحي ركضت مشمش جابت مي

:شكو رانيا شصايرر منوو هذاا اجت تاخذ الموبايل خمشتة منهه مسحت كلشي وضميت الموبايل

سحبت مشمش من اكتافهه واني كلي يرتجف :مشمش ممنوع احد يعرف بهالشي ابد لتجيبين طاري ابد فدوة يذبحوني

هزت راسهه وحضنتني:لا لا والله ما احجي ابد ما احجي

رجع بابا اتصل يذكرني شنو اجهز

ركضت بدلت ومشمش بدلت وجهزت كتبهه شفتهه تدور بكنتوري سألتها... شدسوين مشمش

مشمش:باعي بس لتعصبين اني جمعت كتبج وكتبي ناخذهم ويانة ما اضوجكم والله اذا كدرت امتحن واذا مكدرت اسكت... كملت كلامهه ونزلو دموعهه

ركضت حضنتهه وجمعتهم وياها بالجنط... فرحت لفرحتهه وحماسهه بالرغم منعرف الايام شنو مخبية النة بعد

ساعدتني كعدنة ماما غسلت وغيرت ملابسهه

ليلى:يا ماما جان خليتيني نايمة والله مابيه حيل

رانيا:ماما بابا كال راح نطلع بعد شوية

ليلى:يبوووي يعماد بس لا للزيارة انا ويني وين الزيارة هسة

رانيا:يلا شوية يجي ونفهم منة

جهزتهه وكعدت ع الكرسي واحنة يمهه

ساعة ونص تقريبا واندكت الباب بقوة اهتز الباب من شدتها
ركضت فتحت دخلو بابا وزياد بابا جان عصبي ويرجف بخوف اما زياد كان هادئ وحزين وروحة مسلوبة كان يتفادى النضر لعيونة، شاف ماما نايمة ع الكرسي راح گعد على ركباتة يمهه وحط راسة بحضنها بتعب

هية فزت ضلت تمسح علة شعرة وتسألة

ليلى:ها ماما وين جنت من الصبح ما شفتك
شهك بحضنهه ورفع راسه يباوعلهه وجهه متروس دموع :راحت عقدوهه زوجوها كلشي راح

عماد:راحت روحك انشالله ضيعتنا الله يضيعك يا فكر يا ابن الفكر

:يا اسم الله على وليدي بيش طالبة شعندي غير هالواحد... خل تولي عيوني انت والله اخطبلك التنسيك منى وعشيرتهه العمر كدامك الا اكسر عيونهم بعرسك لا تخاف

هز راسة وگام باس. راسهه وساعد بابا اللي كان يطلع بالغراض

ماما من شافت هواي اغراض استغربت وسألتة
:عماد شعدنة وين رايحين بهاي الغراض كلهه

:اسكتي كلشي لا تسألين هسة يلا امشو اصعدو بسرعة...

طلعنة مسرعين بابا مستأجر سيارة مالت تحميل واكفة بالباب صعدنة بالجزء الخلفي وبابا وماما يم السائق

مشمش زعلانة ومتعصبة كعدت بلاخير اني گعدت گبال زياد

باوعلي ونزل عينة:كلشي لا تسألين مابية حيل اسولف
كمت بست كتفة وحجيت:المهم انت وياي لا تسولف براحتك

يرفع عينة وينصي جان الوكت جدا جدا متأخر بالليل والشوارع فارغة ومضلمة بس عوي الكلاب والسائق يمي بسرعة

مشمش ببكاء:صرنا هواي بعيد عن المدرسة

زياد باوعلهه و وجه انضارة وكلامة اللي:شسسويت انا غربلتكم وغربلت روحي... ليش هيج صار

:والله كلة منك شكد كرهتك

صحت بيهه.. غطت وجهه وصارت تبجي بشكل طفولي.. كام زياد كعد يمهه وحضنهه.... لا تخافين ولا تفكرين من الصبح انتي اباب المدرسة لو ياخذونة للصين اجيبج تمتحنين

:احلف
:وعيونه النحرمت منهن

وصلنة لمكان اضلم كان حسينية وكفنة بالباب مالتهه وبابا وسائق السيارة يسولفون عيني عليهم صافحة وبابا ضربة على كتفة بخفة كعلامة شكر

تقدم بابا علينة ماما كاعدة على مصطبة يم الباب وساندة نفسهه على زياد وهو محاوط كتفهه بأيدة والايد الثانية لازم ايدهه

اقترب بابا كرفص امامهه وتكلم بحزن

:هاا شلون صرتي، فدوة اروحلج صيري زينة وعينيني لا تزيدين همي

مدت ايدهه لكتفة وحجت:لا تخاف مابية شي، بس دايخة هسة اصير زينة

مشمش بصفي لازمتني من اصبعي الخنصر وتهز بأيدي . .... رجع الرجال فتح الباب دخلنة جاانت قاعة حيل جبيرة مفروشة فراش حلو وبالحياطين صور ايات قرآنية وصور الأمة عدينة القاعة ورها جان اكو مشتمل صغير مطبخ وغرفة وصحيات

الرجال تكلم موجه كلامه لبابا :عدكم هاي المشتمل دبرو نفسكم بي هالكم يوم علما تحصل بيت والله يسهل عليكم

:مشكور خوية ماقصرت الف رحمة على والديك وانشاء الله احنا ما نطول عليك

:هاي هية يلا انا اترخص اخذو، راحتكم

:حياك الله. جزاك الله الف خير دينك بركبتي ابو كرار

طلع بابا يوصلة وبقينة بالغرفة نتصفن زياد عافنة وطلع للحديقة جانت صغيرة وبيهه احواض للوضوء والغسل موجودة بالجزء الخلفي شفتة كاعد على طرف الحوض ومدنك راسة ابين ادي

رجع بابا ساعدني حطينة فراش لماما جانت الغرفة مثل مخزن فرش هواي فراشات ووسائد واغطية.

مددت الفراش بعد ساعة ويأذن الفجر انطيت ماما العلاج واجت مشمش كعدت يمي خجلانة تريد تحجي... باوعتلهه بتساؤل وهزيت راسي بمعنى أحجي

:باعي بس عفية لا تعصبين...انتي شتكولون زياد راح يوصلني الصبح

:اي يروحي راح يوصلج تعالي يلا خل انام شوية امشي امشي

رحنة تمددنة هية من التعب غفت وتوصيني على المنبه.... لمحت بابا طلع من الحمام مد راسة للحديقة التفت شاف زياد وراح ليمة

كمت بسرعة خفت يضربة او يقهرة بالكلام،بس لا بالعكس كان هادء شفتة گاعد حاط ايدة على كتف زياد ويحجي وياه بهدوء

عماد:هااا ابو المصايب علگتهه وكعدت

:هاي النار لاشيء يم نار كلبي ردت احركة ردت احرك شهاب بس طلع

:زياد يابة شلعت گلبي احس روحي احاجي هايشة حشاك.. انت شعبالك راح يعوفك حارك بيتة وسيارتة يعديهه سلامات والله محتار وين اضمك

:عبالك خايف منة وحق الله هسة اروح احط طلقة بنص كصتة وكصت فؤاد الناقص حجاياتة بعدهن يدكن بكلبي لو ماهي ابيته جان هسة سويتة رماد

نهض بابا متعصب سحبة من ياخة قميصة متعصب

:اكلك كلما اكول خطية وارحم بحالك تتمادى بالزايد جاي تشوف احنة شلون متشردين بسببك لو لاا تدري اذا رفع علينة دعوة يضيعنة لوو لاا

:امشي عدل وانطم لا اسلمك بيدي وداعة امي، بسس اخااف امك اتموت ولك ارحم حالهة المرة اذا ماتت بسببك ياهو ينفعك

اثكل كافي وبطل سوالف المزاعطة هلكت حيلي ولك امك ماجاي تصحة اكعد ممنوع تطلع لحد ما اشوف شراح يسوون

يحجي ويعت بي انوب دفعة وگع اني شهكت من شفتة وگع التفتو علية اثنينهم

عماد:وووولييي نااامي ششعندج گاعدة

رحت بسرعة اخر شي سمعتة سألة

:منو ساعدك مادبرهه وحدك منو ويااك طويرق وجماعتة موو

رحت لفيت روحي حتى صلاة الصبح فايتتني كعدت على طبطبات خفيفة على كتفي جان زياد

:گومي سدي الباب راح اخذ هاي للمدرسة

عزا زياد لعد بابا مو كال لتطلع
:اششش هسة نام لو تصير حرب البسوس مايگعد تعبان صار يومين منايم اي شي يصير خابريني

لزم مشمش من ايدهه وطلعو مغطي وجهه باوعت شفتة صعد بسيارة دريد

دخيلك يا الله.. مسستحيل اتجرء اجيب سيوة دريد بابا يذبحني وهو منا اعصابة نار بسبب زياد حبست كلشي بصدري قهر وقلق وتأنيب ضمير بعد ما نمت كمت نضفت المكان والحمام الحديقة

عدت ساعتين واجو. وهيج عدت الامتحانات،بابا غير مكان شغلة وزياد يطلع بالختلات وية دريد وبابا كل ما يعرف يضربة ويعيط علي

طول هلايام زياد ما گعد ويانة على سفرة ولا سولف ويانه ابد... بس ماما تصيحة يكعد وياهه تصبر علي بس بلا جدوى

مرات افز الگي برة لازم موبايلة ويطلع منة صوت انين يقهر جمرة وتمشي بالأرض محد يتجرأ يحجي وياه حتى بابا صار مرة متعصب ومرة لين وهادء وياه مو خوف بس يراعي لان القهر بين علي،

ورجلة تورمت وبلا علاج جان يعاني اوجاع جسد وروح.... دخل بابا متعصب حيل ابو الحسينية سائلة اذا لكة بيت او لاء تلميح انو حاولو تطلعون بسرعة

:بلااا هسة وييين اررروووح وويين اولي لييش هيج زييياااد ساعة السسودة الششفتك بيههه ياابوية

مارد علي ولا كلمة جان منزل عيونة خجلان مقهور طلع برة الغدة جان تمن احمر بمعجون وروبة زبادي، مرينة بفترة تقشف بابا يشتغل شفتين لان لازم يدبر مقدم ايجار فد 3 اشهر هاي شروط اصحاب البيوت

بيتنة وغراضنة ما نعرف شصار ماصار بيهم بالبيت العفنا

حطيت الغدا وسالفة الرسائل من دريد تدك بعقلي سلني سل هذا شلون سوة المراسلات شلو وصلو يمة الصور

الصور كانت بملابس البيت لو لعيوني ماخذة لشامات اللي منتشرة بوجهي ورقبتي موبايل امي اصلا مليان صورنة نصور بي اكثر من موبايلاتنا وحتى زياد هيج

النذل مسوي ءكانما الصور مرسلة الة تركت الموبايل بالبيت
وتحملت كلامهم الجارح فاهية مو كد المسؤلية ثولة ورحت اصيحة لكيتة گاعد مغمض عيونة ساند ضهرة ع ويضرب براسة بالحايط ضربات خفيفة بتناسب اقتربت حطيت ايدي هو فز

نزل راسة وتكلم:روحي رانيا

:اروح بس تعال اتغدا

رحت كلتلهم متغدية وزياد ميشتهي ياكل عفتهم ورجعتلة

كعدت قريب منة حطيت ضهري ع الحايط وتربعت، باوعلي ابتسم ثواني وسحب راسي لحضنه بجيت مقهورة واني اشوف اخوي يذبل وضحكاتهه اختفت وحنانة اختفأ وخرت راسي من حضنة لكيتة حابس دموعة بعينة وشفتة ترجف نزلت دمعتة مباشرتا مسحة وحجة

:صار 9 ايام ماسامع صوتهه
:انساها زياد مو من نصيبك
:بيدي وما نسيتهه شنو دگمة واطفيهه كلها تصيح انساها شلون بالله علميني اذا انتي نسيتي عبالج ما اشوف عذابج.. تدرين ليش ما ساعدتج رانيا

:عوفني اني مابيه شي المهم عندي انت والله

:لا خوية بيج بيج هواي وكلشي ادري دمعاتج وصفاتج كلهه حاسبهم حساب، وماساعدتج لان ادري ماكو امل لو موافق ع الخطوبة وصاير بينكم كلام جان حالتج مثلي واتعس لان انتي ترفة وكلبج ترف مو ماال فراك،

جاي اموت رانيا ادمنت صوتهه وسوالفهه وحتى تفاهتهه.
ونوب ورطتكم وياااي بس والله تعبت اتذكر من اكللهة مو زلمة اذا ما اخذتج، شلون راح اباوع بعيونه بعد عيونهه الصارت مو اللي

گاعدة يمة ومدنكة خجلانة مارفعت عيني ابد لحد ما شهك وحجة

:ششفتهه ششفتهه جاية من الصالون مسوينهه توجع الگلب ملكة گلبي

:شلون شفتهه وين

جنت ورة مخزنهم اريد احرك بيتهم وفاتت كشفوهه وشفتهه... عفت بيتهم لخاطرهه خاف تحترك لو تخاااااف

حركت بيت هشام عود عريس الدثو البغل بس حرامات مابي اثاث خو بيت شهاب سويتلجيا رماد نوور المنطقة ههههههه

حجاها ومسح ايد بأيد عود تراب سواه

:وسيارته الفرحان بيهاا بووووششش گبت گبت

يحجي ويأشر بأدي شلون شعل النار

:كل هذا ماطفا ناري ماعوضني خسارتي تريد اوجعهم

:كافي زياد شبيك تخبلت هسة لو محترك اني، وين اروح امي شلون بيهه، الله تموت تعرف شنو تموت

:شبيج لج شأحترك اصلا مو اني رشيت البانزين

:لعد منو

:موو شغلج، بس خمستنة شعوطناهم وطلعنة لحد ما اجا ابوج

:صدگ بابا وين لگاك خطية خابرني مفرفح

:شووو سكتي دخيل ربج اصلا لو ما هو فاضحني لو احرك منطقتهم كلهه محد يدري بية، بس هم من شافو عرفو جاي علمودي محاجي شهاب گايله صبرك اليوم انت وابنك بكبر واحد وهو فالت ذاك اليوم سولفلي

ربج اني ماعفت ابوي وشردت ههههههههه سبع خابرتة گلتلة تعال اني بالتقاطع مالت الگزيزة اجاني وجبتة وفلتنة

:والله خايفة من عمو شهاب احس هدوءة مو طبيعي

:يا هدوء غير جاي ومالاگينة وذاك اليوم شفتة يم المدرسة لو ما خفت على مشامش جان زرگتة بربيعية فلشت راسه

:شنو؟
:شنو
:شنو ربيعية
:هههههه عبالي خفتي على عمج، ربيعية يعني جزء من الطابوكة الصفرة طارق يسميهه ربيعية
:انت ماخبلك غير طارق
:لج هذاا ذييب سبع اموت علي

بقينة ساكتين دقايق.... فترة ورجع گال
:شسوي محتار ماضلت ولا طريقة
حجت ماما من باب المطبخ
:تستسلم زيااد البنية صارت متزوجة يعني اذا تقربت تورطهه بقضية شرف ذبحهه يصير عمل شعبي عوفهه وادعيلهه

:گلبي يوجعني يوم
:يطيب والله يطيب هواي قبلك ناس عانت وتالي عاشو واسسو عوائل الانسان نساي يا امي والله ماقسملك هاي البنية اكيد بيهه صالح الك والهه

:حشى لله ما الز علاقة هاي عمايل شهاب وفويد
:لا يا امي هذا قدر وقسمة وهاي البنية مو من نصيبك لو الله يريدهه من نصيبك لا شهاب ولا غيرة يمنعوك

دنك ساكت مد ايدة راد يدخن وتذكر بابا بالبيت رجعهم.. باوعلي تكلم مبتسم

:نسسمة باردة لروحي انتي،انتي مو بس اختي انتي علاجي

:ياااا زياد ترة اخجل والله شبيك، وترة اني مماكلة شي ولا حتى تريكت، الله كلشي ما اشتهي لان انت مماكل

:هههههه يلا كومي جيبيلنة شي ناكلة
:هنا حارة امشي جوة
:لو هنا لو ما اكل
:لا يالله هنا اصلا الحرارة مفيدة تكسب الوجه

ضحك وياي رحت ع السريع حطيتلنة اكل جان جوعان بس مالة خلك طلعت مشمش تباوع من بعيد بغضب وغيرة واحنا متجاهلينهه كأن منسمعهه بس اثنينة نريد ننفجر من الضحك

: خبيييثين فد اكرهكم حبيي رانيا حبيي اكثر منيي وانت هم حبههه اني يطبني طوووب لا تحبوووني كووون امووت خلووني اكل ويا بابا وماما وهم متونسيين كوون سسسم

بس كملت زياد شمرهه بالملعقة ركضت جوة واحنا انفجرنة حتى دمعنا من الضحك

زياد:شاخطة هاي كلش متفيد

مرت فترة بابا قرر ساخذ ناس يعتذر من شهاب ويشوف طلباتة، والمفاجأة كانت ان شهاب ماعندة اي طلبات وانو احنا اخوان وعادي يرجع لبيته وماراح اتعرضلة.... رجعنة لبيتنه بس بابا وماما جانو متخوفين ودائما قلقين ملامحهم ما مرتاحة متوقعين حدوث امر سيء بأي لحضة

يكولون شهاب غدار اذا ماياخذ حقه ماينام ليلة ف اغلب الايام اشوف بابا يطلع يتفقد الابواب واركان البيت والسطح خوفا وحذرا

الا زياد ماكان هامه اي شي شبح ويمشي بالبيت، بس يصفن ورجلة مورمة بابا جبرة يروح للطبيب كان جواب الطبيب ان العملية ملتهبة التهاب حاد بسبب الضغط عليهه جبسوهه لكن فترة وشالة ماتحملة يكول يحك رجلي بقى گاعد بالبيت

اسبوع ودريد حصل عمل لزياد بغير مكان كان محل معجنات وكيك يشتغل و يجيب الباقي منهم كلش هواي حتى ننطي للجيران
وبابا كذالك رجع لعمله القديم فترة هدوء مخيفة

باقي على امتحاناتي خمسة عشر يوم قررت اروح لسرى تمنيت اقنعهه لكن، ماتجرأت افتح الموضوع اصلا لان حالتهه مزرية هي والمصيبة الجديدة العرفتهه واعمامهه اللي مابطلو يطالبون بيهه

بمرة كان وقت ضهر كنت ادرس بالغرفة وماما نايمة ومشمش تشاهد التلفزيون بابا وزياد بشغلهم

نهضت من مكاني اشرب مي لكن استوقفتني طرقات الباب رحت فتحتهه جان هو وعيونه حمر خجلان

:زياد مو موجود باي

استفانوس: اجيت اودعك غح سافر رانيا
رانيا:ليش
:ادرس برة وترتاحي مني مو ماتقولي ابعد هيني غاح ابعد ل اخر الارض ليلي مايكون مثل ليلك ولا نهاري نهارك
:الله يوفقك
:قوليلي لا تروح

عيني بعينة مانزلتهه ابد لاول مرة اتحديت كلشي بية من خوف وقلق وتوتر وخجل ومانزلت عيني
:روح استفانوس اتمنالك السعادة من گلبي، انت تستاهل كل خير
:انتي كل الخير قلبي عيوجعني ايغيدكي يطلبكي بكل يوم وساعة، هالقلب هلكني مالقي يعشق غير هالصعب المو الوو

دار وجهه يريد يروح صحت وراه بتساؤل وبجيت

:استفانوس انتضرك؟؟
التفت واقتررب بسرعة.. تعالي وياي نتركهم كلهم تعالي وياي والله اعطيكي شو ماتريدي ترخصلك روحي والله بس تعالي

:رووح كافي رووح .... احجي وابجي

:غايح ديري بالك على قلبي وروحي وراحتي خليتهاا عندكي كلشي عندكي يا اجمل حلم عشتو انتي، كنتي وضليتي حلم بس حلم انتي

كمل كلامة وراح دخلت جوة كعدت بمكان صغير بين الثلاجة والحايط سحبت رجلية الصدري وحطيت ايدية على راسي وضليت اشهك بقهر من دون وعي صار صوت نحيبي عالي اجتني ماما تركض لكتني غاصة بالبجي

:يمة اسم الله شبيج ولج راانيا يمة شبيج.... ولج احجي تعورتي بشي انتلتي شماالج رانياا ماما

شمرت روحس بحضنهه ابجي بصوت عالي ما اسيطر اسكت نفسي... وما ارد وهي احتارت وياي بس تريد تعرف شكو الى ان دخل زياد للبيت

بس زياد ماكان مستغرب وضعي مباشرتا اتقرب مني وخرني من ماما گاللهة

:عيفيهه ماما شوو بس وخري منهه باوعيلي رانيا بااوعيلي صارت عيني بعينة خزرني واشرلي اكوم

:امشي امشي غسلي وجهج يلا كومي

كمت غسلت ورحت من يمهم بدون ولا كلمة نمت وغطيت راسي وماما تحجي تريد تعرف شصاير.... بعدين صارت تعيط على زياد بعصبية

:اذا تدري شكوو ماتحجي ما تكلي شصاير... لويش تضمون علية ولكم بعد ماعندي عافية تتحمل مصايب

طلعت متعصبة مشمش راحت وراهه بطلب من زياد تقرب گعد يم راسي وخر الغطا شفتة يباوعلي خايف وعينة اللي تأذت بالحادث حمرة من حرارة الفرن والمكان اللي يشتغل بي وتكلم وياي بصوت مقهور

:هاا رانيا
بعدت الغطا عني، وعدلت كعدتي رديت علي احاول اطمنة... ماكو شي شبيك تعورت رجلي بالكرسي وبجيت... مديت رجلي اراويهه الة صدك حمرة بس متوجعني الالم جان بروحي

:ماعليج شي تطيبين وتنسين بس فترة وراح تعدي
:طبت انت
سكت ودنگ، مديت ايدي لزمت ايدة وبأبتسامة مزيفة كلتلة مابية شي حبيبي لتخاف

هز راسة ساكت رديت علي... عينك حمرة صايرة كلش تحتاج طبيب... هي باقية على عيني شوفي رجلي شحالهه شوفي گلبي شحالة تعبان الله ياخذني وارتاح مليت من الدنيا

وجع كلبي بكلامة ضليت اضرب بكتفة واصيح.... ششبييك تخبلللتت تريد تمووتني انت لا تدعي على روححك والله امووتك اضرب بي وابجي

دخلت ماما ما تحملت المنضر جنة اثنينة نبجي هبطت گعدت يم الباب
ليلى:يمة اسم الله ولكم ششبيكم مو امكم اني لييش ضامين علية ماا تحجين رانيا

:ماكو شي ماما تعورت رجلي وهذا كاعد يمي يدعي على رووحة
مشمش:اي اي حبوووو رووحكم حبووهاا اني لكيتوني بالزبالة يبجون ويحبوون واني لااا

تحجي بضجر من كل عقلهه وحاضنة ماما عود تغورنة انضرلهه واتكلم بداخلي، الله يبعد عنج الهموم ووجع القلب يا حبيبتي

زياد:يوم اني راح اشتغل شفت ثاني وية الشباب اللي بالفرن ثنينهم وياي
ليلى:مايحتاج ماما شغلك كافي مانريد منك شي بس مصرفك دبرة والباقي علينة
زياد:لوين ليوين ابوي يدفع الاجار تعب رجال كبير تتأمر علي الزعاطيط، هاي خوش شغلة وسهلة محل انشائيات استلمة للوحدة بالليل بس گاعد شعندي بدل ما اندب حضي هنا التهي بالشغل

استسلمت ماما للامر الواقع وبابا كذالك اشتغل زياد صار يطلع اول النهار ويرجع اخر الليل وبابا كذالك

اجا بايا بالليل منفعل جدا وحتى ماتعشة بسبب ابو البيت رفع سعر الايجار للضعف كان البيت ابد ممستحق هذا السعر بس وافق لبين مايلگي بيت بسعر مناسب ايام عصيبة من سيء الى اسوء

بعدهه بفترة قليلة فاجأتنا زيارة عمامي شهاب وفؤاد، من شدة الصدمة حتى ماسلمنة عليهم دخلنة بالغرفة وماما بالمطبخ تجهز ضيافة سلمت عليهم سلام عابر وفاتت، وزياد الحمدلله بشغلة ماكان موجود بوقت زيارتهم اللي صادفت تقريبا الثامنة مساءا

ماطلعنا لحد ما سمعنا صوت شهاب ينادي علينا

شهاب:وووينجن بووية رروينةة مشاامييشش

طلعنا مشمش تمشي گدامي مامهتمة بس الجبن والارتجاف كله عندي امشي وراها فتحنا باب الغرفة صارو بوجهنا مباشرة لان صالتنا حيل صغيرة

رانيا:هلا بيكم عمو شلونكم
مشمش:هلا بيكم عمو شلونكم

اثنينهم ردو هلا بوية فؤاد مدنگ يسبح بسبحتة حتى ماباوع علينة بس شهاب ضحك ومد ايدة لمشمش

شهاب:شني ببغاء انتي

هي ضحكت ورد علي... لعد شكول هي بس هاي السلامة اعرفهه

ضحك بصوت وحاوط وجهه بأدي، باسهه براسهه اسمهه سلاامة لو سلام ام اللعد هههههه

بعدين نهض من مكانة باسني براسي وتكلم بعتب... چا مو عمجن وكاطع درب غير تجن يمي تسلمن علية موش عيب هيج خاتلات جوة

مشمش:ايي حتى تزرلنة وتفشر علينة اصلا زعلانين منك وحتى اني ما احبك مثل قبل ومرات بكلبي أ...

قطعت كلامهه حطت اديهه على فمهه لحكت الجفصة

هو يضحك عليهه ورافع حواجبة متفاجأ من طولة السانهة... عكس فؤاد اللي نضراتة كلهه حقد عاقد حاجبيه تحسة يريد ينفجر وبالفعل انفجر بوجهه وفشلهه، تكلم بعصبية

فؤاد :ولج شهاللسان الطويل مو عيب شهالتربية عمااد لووين ووين راح يوصلون بهالقلة الادب بس شحجي لا ام بيهه حض ولا ابو شريف نهض

بابا ضرب الارض بيدة وخزرة وصاح بوجهه :وتااااااالييييي

ليلى:روحن جوة ماما

شهاب:كااافي كااافي شمااالكم..... شفتة التفت على فؤاد وخزرة بتحديد

ياربي والله اكو شي غلط جيتهم تخوف نضرات شهاب التحذيرية لفؤاد ونضرات العتب لماما ونضراتة الفارغة لبابا جنت اراقب كل حركاتة وهو انتبه من صار عياط بينهم احنة وكفنة... صاح بينة

:اگعدن
عماد:شهاب عوف البنات الا بناتي ممنوع احد يگرب صوبهن
شهاب:انطم احسلك اناا عمهن ذني عرضي يا جحشش... التفت علينة وتكلم بهدوء... اكعدن عمو اريد احجي وياجن

كعدنة اباب الغرفة وهو كمل كلامة... اسمعن بوية احنا اخوان بيناتنة انتذابح انتكاون انتعارك نتصالح مالجن غرض بينة عييب مايصير تزعلين على زعل ابوج وامج انتن بنياتي مثل ما بناتة وانا لو رزلتج من حركة كلبي عليج مو اكررهج مشمش خازرتهم مدمعه بس مانزلت دمعتهه

هو باوعلهه بحزن ونهض من مكانة هي رفعت ايدهه بوضعية الدفاع واني حضنتهه جنت عبالي راح يضربهه لان خازرتة بس هو حضنهه انوب لمنة اثنينة ابحضنة وباسنة وانطانة كل وحدة مبلغ رفضنة ناخذ بس جبرنة ناخذة

بقة التوتر مستمر حتى بعد خروجهم من البيت، زياد من عرف ضل يطفر من القهر گال ممنوع يجي

:اخووواني ولك مووو عيب اتررريد اطردهم فووگ سووايتك الخايسة تسد حلگك وتنطم

:لووو اني لوو هم.

ليلى:لا تسودني زياد خل الوادم الله هاديهه كفيني شرهم فترة ويرجعون للبصرة ونخلص بلكي تنسد السالفة انشلع كلبي ولك يمة

سكت وطلع من البيت

بعدهه بيومين زارنا شهاب بالنهار وبابا وزياد ماكانو بالبيت....جانت زيارة عادية ماما حذرتنة مانتركهه وحدهه وياه ل أي سبب

ماطول دقائق وراح ... تكررت الزيارة هالمرة ماما كانت ما موجودة انا ومشمش بس اللي بالبيت، زاد الامر غرابة شهاب حيل اخذ راحتة يفتر بالغرف نضراتة مريبة... فات لمكان المخزن اللي جان بغرفة الدرج العلوية(البيتونة) جان يمشي ويشتت انتباهي بكلمات... شجابركم ششعدكم ضالين هنا عايفين بيت شكبرة وعايشين هناا واكف بالمخزن اني واكفة يمة

شهاب:بوية ماتسويلي استكان چاي
رانيا:صار عمو
رحت من يمة اسوي جاي مشمش كاعدة تلعب بموبايلة فتحلهه الرمز من اول دخولة

دقيقتين ونزل.. شرب الچاي وحضن مشمش باس راسهه وراح

من اجو حجيتلهم كلشي.. دورو وراه بخوف فتشو كل المناطق اللي وصفتهن الهم

ايام هادئة الى ان استيقضت من نومي بوقت مبكر جدا على صوت موبايل ماما اللي صرت احسه وكأنه قمبلة موقوتة، بس تفاجأت من قريت اسمهه

عزيزة روحي، كانت مرعوبة وخايفة استنجدت بيه، ترددت لان الكل نايم بتعب زياد وبابا جانو يشتغلون ليل ونهار متت خوف افكر بكلامهه وخوفهه ما گدرت اصبر گعدت ماما على امل توصلني الهه

__________________

سرى

وكفت بمكاني مثل الحجر، تمسكت بأطراف الباب اسند نفسي ماردتهم يعرفون اني دا اسمع ردت اسمع باقي الحديث على امل يطلع الحديث مو عن والدتي لكن تفتت مثل الصخر وهو يكمل كلامة ل امه

مرتضى:ديري بالج حتى ابوية ملازم يعرف، هسة بس اريد اعرف من الوراه وشعندة وياها ديحققوون ويا وميقبل يعترف الخسيس

ام مرتضى:والله عرفتك من اجت الشغالة ووجهه مخطوف لونة وركضتك وراهاا كلبي حسني وراها مصيبة

:هي شعلية يوم فوكات ما بلغتنة اصلا لو ما هي جان دم عمة راح هدر، ررااح اتخبل والله يعني مو معقولة علمود مشكلة بيني وبينة ينهي حياة انسان بس لاا مستحيل لازم احد وراه وخايف من عمامهه يكونون السبب

طلعو من المطبخ يركضون لان سمعو صوت بكائي تعالا... شافوني كاعدة يم باب الصالة منزلة ادي بضعف واصلة مرحلة ما اگدر ارفع اوصالي

مرتضى وگف وادي على راسة وخالة گعدت يمي حضنتني وتمسح على ضهري البنات ركضو يجيبولي مي تخردلت كلشي بية صار يرجف حتى احشائي حسيت رجفة بأحشاء بطني

باوعتلة وحجيت... مرتضى شنو مقتولة فدوة شلعت گلبي احجيلي خل افهم

مرتضى :شأحجي سرى غير تهدين حتى نتفاهم، اهدي كافي لا تصرخين اهدي ابوية ضغطة مدا ينتضم يروح بيهه اذا عرف

هو يحجي ولازم وجهي واني احجي بصوت عالي من الصدمة كاني صرت بفجوة زمنية رجعتني للماضي للحضة وفاتها
:منووو منوو مرتضى بس گول منوو منوو قتلهه ليشش ليشش انقتلت ماما متأذي احد والله

قاطعني بكف ايدة كمم فمي واستدار امتدت ذراعة على طول خصري حملني بقوة بنيتة وضعفي ساعدة على نقلي بسهولة لغرفة البنات گعدني وصار وراي گاعد على ركباتة وخر ايدة مني تحت استغرابي وصدمتي سكتت مانطقت مباشرتا ابتعدت عنة گعدت يم الحايط

:مروة گومي انطيهه العلاج وكلاص مي ع السريع

:لا لا ماريد شي وحتى ما اصرخ ولا اعلي صوتي بعد والله بس فهمني شصاير منو قتلهه بس انطق گول اسم اح اموت

:اخذي علاجج واحجيلج كلشي لا تشلعي الكلبي

:مرتضى ليش هيج دتسوي بية والله حرام عليك

ام مرتضى:امي حبيبي اخذي علاجج وشربي مي شوفي شفايفج صارو زرك اصلا ماكو دليل بس اتهام

:ميخالف خالة بس كولولي شنو تعرفءن فدوة والله كلبي صار يوجعني

اجت مروة انطتني العلاج بلعتة بسرعة انتبهت بينهم حباية غريبة بس ما اهتميت شربت المي وعيني بعين مرتضى اللي كان يعض بطرف شفتة السفلية بحيرة

:الحارس اللي تعاركت وياه شايفتة الشغالة اللي بالمستشفى ينزع انابيب الأوكسجين عنهه وشايفتة طالع مرتبك من واجهه الضابط كل العلامات دالة انو هو السبب بوفاتهه

هو يحجي واني موسعة عيوني بوجهه :ليش ليش شمسويتلة ليش قتلهه

:الضابط يكول هذا مدفوع، الغريب عمج حميد وواحد اسمة مهدي رايحين مقابلينة بدون علم ضابط التحقيق المسؤل عن قضيتة

يگولون ع الاساس جايين يشوفون المستجدات بصفتهم اهل بنتهه وهذا مهدي ابن شيخ ال(......) عندة معارف بالمركز

:مهههدي مهههدي مهدي هوو السبب، بسببة بابا منهزم بابا بسببة راح من عندي

لزم وجهي بثنين ادي خازرني بعصبية:اااههههددددي اااهدددي اههدي.. خل نلكة حل اذا بقيتي رهذا الانفعال راح نخسر كلشي

هديت روحي بصعوبة وگعدت اشرحلة كلشي صار وي بابا تحت نضرات الاستغراب والصدمة من عيونهم

ختمهه ان باچر لازم نروح و هاي الاقوال لازم تتسجل ، واني گاعدة ميلت راسي على الحايط اخذني النعاس ببطئ وهم يمي يتناقشون ما اعرل شنو سبب هالهدوء، النعاس لكن حبيتة واستسلمت وهدئت الى ان غفيت

الصح فزيت لكيتة متمدد يمي يباوعلي نضرات شفقة وحزن ابد ماحبيت نضراتة نهضت لوضعية الجلوس ورجعت شعري ورا اذني وتكلمت بتوتر

:شنو نمت هنا
:اي نمت هناا يم مرتي
:كلش كلش مو وكتك وربي
جان يحجي مبتسم، يعدين تنهد وگعد گال هو يمتة صار وكتي حتى هسة مو وكتي

التفتتلة ادور بنضراتي الخجولة المحرجة:ابتليت بية بلوة انت شيخلصك مني

شمر علية المخدة وحجة بملامح باردة:ششلوون بالله نبطل مانتشااقة ويااج، عابت هالشكول محضرة الرد الجارح بطرف السانهه العوبة

مارديت فعلا محرجة منة تارك دراستة وحياتة وملتهي وياي

تقرب كعد مقابيلي رفع وجهي وحجة:والله ماريد شي شبيج صدكتي ترة بس اداهرج اريد اسولف حتى لو نتعارك قابل المهم انتي يمي وبين ادية

رقية:دوخر عيني وخر بين ادي هوو وخر عن البنية مالهه خلك هي مال رومانسيات

تقربت مني گومتني جنت مثل دمية فكري شارد وخايفة وخجلة غسلت وكملت

شافتني ام مرتضى كالت فدوة روحي يم خالج موتني كلساع يسألني عليج گعدت يمة صبحت علي اكلت ويا شوية لان جان منتضرني ما ماكل شي ماطولت صاحلي مرتضى

بدلنة وطلعنة كان عذرة لخالو انو ماخذهه تجيب اشياء من البيت

اباب المركز وصفنت انا وين رايحة وشلون راح اعترف على والدي، بس هاي امي ودمهه راح يروح.. لالا ما اگدر بابا مضلوم اخاف ميقبل ويزعل مني وحتى ماما تزعل، بس هو بابا اصلا معترف علي مهدي والحكءمة تعرف بكلشي، لا مو بكلشي

قاطع الأسئلة والافكار مرتضى جر ايدي من حلكي باوعت اضافري ينزفون وحلگي بي طعم دم

مرتضى:شبييج سرى فدوة اروحلج كافي تأذين روحج شنوو تردين گولي بس احجي شسووي شتردين مني ششلون اشيل عنج الهم.

:ءااااا اني ما اروح اريد بابا، هو وين ابد محد يعرف عنه شي؟

:شبيج عمري شنو خفتي

:لا لا بس ما اكدر ما اكدر اخاف بابا يزعل مني ما اكدر من يجي نروح اني اخال ماما تزعل لان هي تحبة هواي ررراااح اموووت مرتضى شسووي ليش اني لييشش هيج اني انحط بهالموقف ياربي تعبببت اريد اموووت
نزل من السيارة والتف للباب اللي بجهتي فتحهه وبيدة بطل مس غسل وجهي وايدية ومد نفسة حضني

:اسم الله عليج الف اسم الله يومي گبل يومج ياا روحي انتي اروح لعيونج وكلبج التعبان... هاي هية نرجع هسة نرجع نفكر ونلگة حل بس لا تبجين لا تبجين شلعتي گلبي

كنا قريب على مركز الشرطة، لف السيارة ورجع رجعناا گلتلة اوكف يم بابنا اريد بيتنا

هز راسة موافق... دخلت للبيت وهو هم دخلت باوعتلة مستغربة.... رد علية وهو يمشي للصالة :مخبلة بس لا تردين تطردين رجلج

عفتة وفتت لغرفة ماما تعبانة بقيت ايام اعاني وحدي ماتقبلت اي احد حتى خالو المريض امر علي دقايق وارجع للبيت مرتضى كان ينطيني منوم اعرف ومارفضت اصلا كان من وصف الطبيب البنات وخالة يتناوبون على البقاء وياي ومرتضى مرات يبات بالصالة كلامنة قليل جدا وشبة منقطع اصلا....

وبيوم كنت جاية من المقبرة وتعبانة دخلت لغرفة ماما رافضة اي مواساة من اي شخص

دگ الباب انطاني العلاج ونمت گعدت من نومي على اصوات رجال ونقاش حامي اريد انهض من مكاني ماكو احس متخدرة ما اكدر اكوم عيوني متنفتح وجسمي رافض يطيعني وينهض بس اسمع للنقاش الجاد المحتد بينهم وأكيد الموضوع اني..

__________يتبع

✨ تعبت واني اكتب انتظر تقييمكم وتعليقكم وتشجيعكم بفارغ الصبر لتبخلون بكتابة رأيكم حتى نستمر سوى🥺🫂✨

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

واحبكم بكد العراق💕