روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
ضحـك وسكـت شويه وكال :- أحبچ
صفنت أريد أصدك السمعته گُبل اجت على بالي حواء :- معقولة حُسين يحبها ، زين ليش محد كلي بيهم ؟
رحـت دخلت لغُرفتي گُبل حطيـت ماعون الفواكة على المـيز وأني احاول افهم الي سمعـتة زين من شوكت حُسين يـحب صارله هواي لو قلـيل ومعقولة حـواء نفسها اي ليش اكو غيـرها اخوها مسافر
مداتدخل عقلي أبدًا خذت ماعون الفواكج ورحت كعدت على الجرباية وبديت اقره الرواية
خلصـت ونمت كعدت الصبـح نزلت تريكت وكمـلت وصعـدت فوك أول ما صعدت اتصـلت على حيادر ماكو يتصل ومـحد دايشيله وره وقـت انفتح واجه صـوت وكال :- الوو
ريتاج :- الوو منو حيادر وين ؟
آسر :- ها خيـتي أني صـديقة ، حيدر دايسبـح
ريتاج :- ها ماشي
كلـت هيج وسديته بوجـه خرب شگد عييـب هسه شيكول عليـه شويه وتذكرت كلام حُسين مال الـبارحة رحت گبل اتصلـت على حواء سلمنة وكلت :- اكُلج
- كولي
- أريد اسئلج سؤال بس أريد تجاوبيني بكُل صراحة
- اي عادي اجاوبج ليش لا سئلي
خذت نفـس وكلت الها :- أنتِ تحبيـن حواء ؟
- أحُب شنو قصدج رجال ؟
- اي ؟
- لا يمعودة ويني وين هاي السوالف
- حـواء عليج الله اذا تحبـين كولي لإن البارحـة اكتشفت شي باليل وبعده هذه الشي بـراسي
- يا شبيج ليش مداتصدكين
- حلفي ؟
- على شنو احلـف رتوج
- أنتِ ماتحبيـن
- مو داكُلج ما أحُب يعني اله احلف
- خوش لاتحلفين من نلتقي أعرف شلون اتصرف
- هههههههه اي هاهيَ لعد لمـن داتحققيـن وياي
- صدُك حـيادر شوكت يجي ؟
- مو باجر الي بعدن بالسبعة الصبُح طيارتة
سلمـنة وراحت نزلـت جوه لكيت حُسـين وأمي بالمطـبخ تلفون حُسين بايـده أريد اخـذه بس شلون أني ما أعـرف الرمز مالتـة حتى لو عـافة افكر وافكر تعـبت من التفكير عـفت الفكره بس لازم اخذ تلـفون حُسين شـلون وشوكت مـا ادري
مر يوم جنت كاعده بوكت المُغرب دك تلفوني باوعت على الاتصال شفته من حيادر رساً طفرت فوك سديت الباب وفتحت خط وكال :- مُشتاقلج فُستق مشتاقلچ هُيامي شلون صرتي
- حيـادر الحمدُلله أني هم گُلـش مشتاقتلك هـواي والله هواي
- جايج
- شنو ؟
- جايج بويه باجر أني يمج مو ترديني أجي ؟
- صدُك حيييادر ؟
- وداعتج هُيامي وداعتج يا نظر هالعين
- فدووة صدُك شلـون نلتقي ؟
- نجي عليگم بحجـه أجيب حـواء واجي بعدهم ممسوين حجـر صحي صح ؟
- لا بعدهم
- هاهيَ لعد
تذكـرت حواء ما اجـت يمنه بس يله هيَ تفهمـه مناك وكتلة :- الله راح اشـوفك حيادر ما مصـدكة والله راح اشوفـك بعد فراك ثلاث سنـوات واكثر تخيييل بس
- صدكي فُساتق صدكي يا عيناه
- شوكت تطلع طيارتك ؟
- بالسبـعة الصبُح لازم أني بمـطار القاهـرة
- يـعني بيش السـاعة تطلع من الاسـكندرية ؟
- ثلاثة ونص
- ليش ؟
- على ما ادخـل القاهرة نوب اتـوجه للمطار
- ها تمـام عشقي
سلمت عليه ورحت مر اليوم صار الليل جنه كاعدين سوه دانباوع للتلفزيون وعلى اخبار الفيروس باوعت على حُسين ملتهي دايسولف وي أبوي باوعت منا ومنا ما يمه لا تلفون ولا شي
اجت ببـالي أنُ بالغُرفة كـمت دخلت المطبخ على اساس اشـرب مي وبطريقي صعـدت فوك صعدت ودخـلت لغُرفة حُسين باوعـت للميز بصف الجـرباية التلفون ومخـلي على الشحن
رحت گُبل اله شغلته طلع يطلب رمز هسه وين أعرف الرمز أني أول ما جربت موليد حواء ما فتح معقولة جربت موليده گُبل فتح دخلت الاتصالات لكيت اتصالات هواي من رقم مخلية عليه ايموجي القلب الاحمر
عـفته ودخلت للواتـساب مُحادثات اصدقاءه وحـيادر وكُلهم عفـتهم ودخلت على مُحادثـة القلب الاحمر قريت كم رسـالة ما وضحـت عندي منو جـان ڤويز منها فتحتـة وكايله :- " حُسيني مشتاقتلك هواي "
ركزت بالصوت أبدًا مو صوت حواء لعد منو هاي ؟
حسيـت راسي دايأذيـني وأني اريد أعـرف هاي منو التفتت ليـوره ورجعت گلبت هم جان ڤويـز من حُسين كايل :- " شوفي حبيبتي صدكيني أني لمصلحتچ كُل هذه مو ضدج تتوقعين اوكف ضدج أني ؟ "
مابي اسم نزلت اكثر بالرسائل الى ان لفت نظري شي قريته جان حُسين كاتب :- " آيريماتي كاعدة ؟ "
تفاجئت من قريت الاسم ما أعرف الدلع اكيد دلع لإن بي ياء التملُك زين منو هاي آيريما خاف من الجامعة او استاذه وياه بالجامعة بس شنو قابل اخوها مسافر ؟
حفضـت رقمها على السـريع وطفيتة وعفـتة بمُكانة وطلعـت من الغُرفة ورحت لغُرفتي خليـت الرقم بتـلفوني واتـصلت عليه أول مـا فتحت الخـط كالـت :- الو منو ؟
احير شنو اكللها وكتلها :- أهلًا السلام عليكم منو أنتِ ؟
- ههههه حبيبي أنتِ داكـه عليه مو أني
اووو هم صدُك هوَ هذه هم سؤال هسه شنو اكللها سديته بوجه لبنيه وطفيت التلفون وكلت اكابل حُسين وافتهم منه احسننزلت جوه بالمطبخ وصحت :- حُسيييين
- ها عيـني
- بس تعـال سوي هايه
- شـنو ؟
- دتعال وأني اكُلك شنـو
ثواني وأجه بالمطبخ اشرت اله براسي وصعدنه فوك أول ما صعدنة كال :- ها كولي
- مو هُنا خلي ندخُل لغُرفتـك لا أمي تسـمع
- شنـو بيج شي ؟
- لا ما بيـه بس ادخُل
دخلنة غُرفتة باوعت من الدرج محد اكو وكتله :- اكُلك
- دكولي شنو
سحبت نفس وكتله :- شوف قبل كم يوم باليل نزلت اخذ فواكة وصعدت من مريت من غرفتك سمعتك تسولف وي بنية ؟
- اي ؟
- اي وأريـد أعرف هاي البنيـة منو ؟
- هسه صـحتي الي على هـاي
- اي حُسين أريد أعـرف منو لإن اكو وحـده ببالي
- استغفر الله تعالي كـعدي
كعدنه وكال :- حبيبتي
- شنـو اسمها ؟ گُلي گُلشي يخُصـها من البداية للنـهاية عليك الله
- تعرفين حيدر ؟
- أخ حواء غير ؟
- اي تصير اخُت صديقة
- شلون تعرفت عليها
- مره رحـنه أني وحيدر لبيتـهم من رجع حيـدر من السفر نجيـب فلوس ما أعرف مفتاح بيـت مادري شنو حيـدر ما گلي بالضـبط شنو المهم وصلنة ونزلنة دكينـة الباب طـلعت أمـهم حيدر كال الهـا صيحي آـيريم آسر
عنـده شغله يمـها وفهمها هوَ أنُ راجـع من السفر هم وهيَ امه هـم تعرف حيدر يصـير صديقه لا آسر المُهم من طلعـت انطتهن لحـيدر صدگينـي وثقـي بالله ريتاجـة ما أعرف شـلون اجت عيـني بعينها نيـتي
الله يشهـد شنو جنت أريد ابـاوع على حيدر علمـود نرجـع بس ثقي بالله اجت نظرتهـا ونظراتي وصـرنة عين بعين
خذه نفس وطكطك اصابعة وكتله :- هذه الحجي قبل شگد ؟
- راح يصـير ثلاث سنيـن
عرفتها بالجيج الاولى مال حيادر غلست وكتله :- شلون صار تواصل بينگم ؟
- هههههههه ليش ترديـن تعرفين كُل التفاصـيل عين الشمس
- يعـجبني أعرف قصـه حُب اخـويه
- ما يحتـاج يابه بـطريقتي صار التواصـل
- هممم شوكت تتـزوجون حتى نفرح ؟
- منتظـره اخوهـا يرجع من السفـر واطلبهـا منه
سويت نفسي ما أعرف شي عن حياه آسر وكتله :- ليش وابوها ميت ؟
- لا اسـم الله
- لعد ليش تطلبها من اخـوها ؟
- خلافـات بينهم
- اها
- اي وداعتج هسه ما طول خلص التحقيق كومي ولي عني
- تره أني خابرتها بس ردت أعرف منو
- آيريماتي ؟ منين جـبتي رقمها !
- خذتـه من تلفونـك من جـنت نازل جوه
- ايا فضولية يله ما طول عرفتي روحي ولي وتعرفي عليها وخلصيني الله يخلصج
ضحكنـة وكمت رحت لغُرفتي اتـصلت سولفت وي حـواء شويه وحيادر عرف بيها ما جـاية والي كايلته جـذب بس ممـسوي شي عـادي وكايل الها يجيبها من يـجي
مر اليوم عادي الى ان صعدت لغُرفتي صارت الساعة بالوحدة اتصل حيادر عليه جاوبته وكال :- اووف بويه راح اشوفج داحضر الجنطة هسه واكمل وابدل على ما تصير بثلاثة بثلاثة ونص اطلع
- بعـد وكـت حيـادر
- عيناه لحيادر وگلبه وروحة ما اتحمل هُيامي أني هسه وداكول خاف اتأخر
أبتسمت وكتله :- راح اشـوف وجهك على الحـقيقة الله
- ياوجه ما شايفتني ؟
- لا قصـدي وجهك الجـديد يعني باحسـاب صارلي ثـلاث سـنوات وزياده مشايفتك
- ها قصدج هيج
- هههههه اي حبيبي
ضلينه نسولف شويه ونهينه الاتصال بحُب وراح يكمل تحضيرات وأني رحت ونمت
....
صارت الساعـة بثلاثة طلعت للمطبـح داحضر الجنط كملت شـربت كلاصين مي وكال آسر :- يله ما بقـالك وكت سلملـي على العراق مشتاقلة گُلش
- الغربة هيج سوت بيك خلتك تشتاق للعراق
- هاي بعد
ضحكنـة وسلم عليه وردت اطـلع وكال :- كُتلي ما راح اطـول ؟
- اي ما اطول وداعتك
- عليك الله زوجي وحشة بدونك صدكني
- طاح حظك
- هههههههه ضلعي
ضـحكنة وودعتة رحت لبسـت كماكـة وكـفوف وطلعـت من الشـقة مريت من يم البـحر شويه دخنـت جگارة خلصتـها وكفت تكسي وگبـل للقاهرة مرت ساعتيـن ونص ونزلت بالقاهـرة نزلت الجنط وراح أبو التـكسي رحت وكفـت تكسي ثانية صعـدت وگبل للمطار
....
كعدت الصبُح على اتصال من حواء جاوبت وكالت :- اليوم نجيييييكم الله
- هلأ بيكم بس ليـش تصـيحين
- وجع مشتاقتلج وحيدر خطية صار اله هواي ماشايفج راح الح عليه كدامهم علمود يقبلون يجيبني
ضحكـت وسديت الاتصـال وكمت نزلت جـوه وكلت الأمي وحُسين رحنـه تريكـنة وخلصنة وكمـت نظفت البيت وصـعدت فوك أسبح
مر اليوم عادي كملت كُل شغلي صار العصر دزلي مسج حيادر كاتب :- جايكم بويه
- بعُيوني اخليـك
- برموشي اغطيـك
- حيييييياتـي
دزلي قلوب خضر أبتسمت صار المُغرب اندك هورن بالباب صار گلبي دايدك على السريع ما أعرف من الاشتياق او من اللهفة او من ما صار الي هواي من ما شايفتج وگُلش مشتاقه لوجه
صحيـت من صفنتـي ودخلـت حواء بالصالة سلمـت على أمي واجـت سلمت عليه وحضنتني كمـلت دخل حيادر وحُسين يطـبطب على ظهره ويكول :- مشتاقتلك بالله الكريـم والحُسين الشهيد بعد
- حبيبي حبيبي والله أني الأكثر
رفع راس اجـت عيني بعيـنه رسًا غيرت اتجـاه نظرتي والابتـسامة شاكه حلگي باوعـت على أمي لامه حلكهـا من والابتـسامة ضحـكت ورحت دخلت المطبخ
واجت حواء وراي كمزت وكتلها بصوت ناصي :- كبران هاي شنو لحيتة طويلة صاير حلو حلو
- حتى أني تفاجئت ولچ فكيت حلكي أول ما دخل
- الله هذه راح يصيـر زوجي لحيتة ضايفـة اله جمال زايد
ضحكنه واجت أمي وكالت :- ريتاجة بنتي سوي عصير طبيعي ما يريد عصير من المحلات وجيبي أربع كلاصات
- صـار يدلل ، اقصـد تدللون يُمه
- صاير يضوج بطلباتة كُله عصير طبيعي وغيره واشياء صحيه بس من يم الاركيله والچگاير لا
- ههههههه لا شلـون يعوفهـن ذن
- خـوب الاركيلة ريتاجـة الثانية
- ههههههههههه
ضحكنة كملنة العصير ودخلنة أني حواء قدمناه ورجعنة سولفنة شويه مر الوقت سوينه عشه تعشينه وكملنه ونظرات حيادر احسه راح تفضحة غسلنة أني وحواء الاماعين سوت جاي وودته كملنه
اجـه الليل صعدنة فـوك أول ما صـعدت اجاني مسـج لتلفـوني كاتب :- لاتنامـين فُستق مُشتاقلج أريـد نسولف جاي علمودج
- صـار حبيبي
ضلينه نسولف أني وحواء نامت ضليت اقره الرواية صارت الساعة بالثلاثة اله ربع اجاني مسج :- تنزلين بويه ؟
- بس أشـوف حُسين نايـم او لا
دزيتها ورحت طلعت من الغُرفة وتمشيت على كيف باوعت لغُرفة حُسين مسدود بابها والشباك مالتها صاير على البره من الجه الثانية يعني الوضع دائما أمان
نزلـت على كيف دخلـت الصالة طفيـت اضويه البـره وطلعت بره شفـته كاعـد بالحديقة على المرجـوحة سمع حركه التفـت عليه شافنـي وكام اجه بأتـجاتي باوع على طولي وكال بصـوت ناصي :- مداشـوف شُكلج واضح فُستقه
دخل شغل ضوه واحد صاير فوك الباب واجه باوع عليه ميل راسه أبتسم وكال :- شيجيب الحلال علمود احُضنج اخ بويييه اخ
دايـحجي بصـوت ناصي غـيرت الموضوع وكتـله :- حييادر مـتغير هواي صايـر حلوو
- تعبان يا حلو واللحية هاي صايرة هيج
- لايگتلك اللحية الكثيفة گُلش
- ضايفتلك جمالك
- لـيش أنتِ ممركزة على روحـج وعلى جمـالج الزايد داتحجيـن عليه بويه روحي شـوفي نفسچ بالمرايـة كوه لازم نفسي وما أريد احُضنج لإن ادري بيـج تستحرمين وأني هم ما اقـبل على نفسي هم استـحرم يعني خاف تحجين
طلع چگارة وطلع الجداحة شغل چگارة كدامي سحب .كنفس ذب دخان الچگارة قريب على وجهي جيت داحجي وكال :- لاتحجين بويه أعرف مُضره وداعتج بس مشتهي اورث چگارة كدامج ولو وجهج يرادله اورث اله عشرة
أبتسمـت وكتله :- تصـدكني أريد احضنك هسه أريد ادفـن راسي بصـدرك أريد املي انـفاسي بعطرك أريد انـسى الي عشتة قبل بـحضنك قبل لاتروح وبعد سنتيـن ترجع حيادري
- هسس فُستق ارجعلج لو بعد عشر سنين ارجعلج لو بعد الف سنه مختارج بعد وهسه وقبل
سحب نفس من الچگارة وكال :- ضليـت ما يُقارب ثلاث سنيـن بعيد عنج تتوقعيـن إذا اضل سنتيـن ما أرجع أني اكُلج ما ارجع بـحاله وحدج إذا الله اخذ امانتـة هُناك بس بهاي الطـريقة ما اكدر ارجـع شُغافي
دمعـت عيني وكلتله :- من ترجـع تخطبني ؟
- مو بس أخطبج لا أخطفج من العالم كُله
أبتسمـت رفعت حـواجبي وكتله بتحـدي :- مهري شگد ؟
- كنوز الدنيا والفلوس كُلها جواج حشى نعمة الله يا فُستق بس اطلبي وأني انفذ
- همممم لا لا أني ما احـدد أبوي الي يـحدد
- حتى لو يطلب قليل أني اغلي الچ لعُيونج الغالي يرخص
أبتسـم وأبتسمـت على ابتسامتة سحـب نفس من الچگارة ونفـخة وكتله :- أحبك
- هايم بيچ أني قُره عيني ، يله دخلي راح يأذن ما باقي شي
- راح تبـقى هُنا ؟
- اي شـويه وادخل
- تمام عـشقي تصبح على كُل خـير
- ما أريد خيـر أريدج أنتِ
أبتسمت وأني فرحانة دخلت جوه رحت للمطبخ توضيت وصعدت فوك بغُرفتي سديت الباب وتمددت عشر دقائق سمعت الآذان آذن كمت وفرشت السجادة وصليت كملت ورحت نمت
كعـدت الصبُح ونزلـت جوه لكيت حـواء وأمي داسـولفن وأبوي وحيادر وحُسين بالصـالة دايسـولفون حبيت كـعداتهم رحت غسـلت ورجعت سويت الريـوك وديت الهم ورجعـت كعدنـة أني وحواء وأني تريـكنة وكملنة
مر اليوم صار الليل طلعو حيادر وحُسين لبسو كفوف وكمامات وطلعو مرن ساعتين صارت الساعة بالتسعة اجو عقمو ودخلو جايبن اكُل معلبات وجاهز بس نحمي
مر الوقـت تعشينه وكـملنه وكمنه دانغـسل أني وحواء الامـاعين دخل حُسين وصعد فوك وهوَ صـاعد دايحجي بالتلـفون وكال :- ها يا حبيبتي ها يا روحـي
صعد فوك التفتت عليه حواء باوعت عليه بأستغراب وكالت :- حبيبتي ، روحي ؟
- اي ليـش !
- منو يحـبها ؟
سكتت شويه وقربت على اذنها وكتلها :- تعرفين صديق حيدر ؟
- اي واحـد ؟
- آسر
- اي
- أُختة
- جذذذذب ؟
- وداعتـج
- سولفيلي داده خـلي نمتلح
سولفت الها كُلشي كملت وكالت :- هاي شوكت كُل هذه صاير وأني ما ادري
- هوَ أني مـادري نوب أنتِ
- الناس اسـرار
كملنه وكمنه فوك راسلت حيادر شويه وراحت حواء راح تسبح جان تلفونها على الشحن ما أعرف ليش رحت اله فتحت الرمز أساسًا أعرفة دخلت على الصور كلبت شويه بيهن مر الوقت وطلعت
- هممم شنو تسوين ؟
- ما اسوي داكلب بالصور
اجت بصفي وهيَ تنشف بشعرها وكالت :- رتوج أريد اكُلج شي
- اي كـولي شنو ؟
- أريد اطكـها الچ من البـداية
- اي !
- أني مُعجبة بصديق حيدر بس أريد اعوف هذه الاعجاب شلون ؟
- شنـو شنو صـدمة وره صـدمة اصبري من شـوكت مُعجبة وليش تردين تعوفين هذه الاعـجاب ؟
- من سنييين لا سنة ولا سنتين جنت داتعذب مثلج لإن هوَ بعيد وبدولة ثانية وخاصةً ما يجي هُنا مثل حيدر كُل فتره أريد اعوف هذه الاعجاب
- ليش ما تنتظـري ؟
- أنتظر على شنو على الخالي بلاش لإن ما أعرف مشاعره اتجاهي أريد اعوفه أني جانت عندي صورة اله خذتها من تلفون حيدر ومسحتها وداعي بصلاتي أنُ انسى داشوف فرق من بداية ولهاي اللحظة
- والله ما أعـرف شنو اكُلج بس الـي سويتي صحيـح لإن إذا من طرف واحد صعبه عليـج گُلش
حضنتني وكالت :- أحبچ أنتِ اختي الصغيرة رتوج أموت عليج
- يا روحي والله أحـسبج أكثر من أخُت صـدكيني ودائما أحسـبج اخُتي الاكبر مـني
باستني من ايديني وكامت تمشط كملت واجت كعدت بصفي صارت الساعة بالوحدة وكالتلي:- شعجب حيدر اليوم ما يريدج شو ما راسلج ؟
- ههههه هسه يراسـل لإن حُسين يجـوز كاعد يمه ومـايكدر يرفع التلفون ورايـدز شي
- خبرة صايرة ههههه
صدُك مرت ربع سـاعة ودز :- لاتناميـن فُستق محتاجج أريـد اشبع منج اليوم
مر الوقت ساعتين نامت حواء ودزلي :- نزلي نزلي طفيت الاضوية
شفتها وطلـعت من الغُرفة على اطراف رجلـيه سديت البـاب ونزلت طلعت بره جان ضـوه واحد مشتغل وهوَ واكـف بالحديقة التفـت وشافني واجه وهوَ ببين اصابيـعة چگارة دايورثها
وكف يمي وكال :- كلبج شلون صار راسج أنتِ كُلج على بعضج أريد أعرف كُل التفاصيل علمود ارجع مُطمئن
- ليـش حبيبي ؟
- أريد أرجع لمصر وأريد اسئل اطباء معروفة بالجامعة ان شاء الله بس كُليلي شنو تحسين هم اكو اختلاف شي الصدمات هم اثرت عليج گُلشي
- گُلشي مابـيه حيادر صـدكني گُلشي تمام واوضـاعي تمام إذا تريـد اخذ تحاليلي وياك لمـصر
- موجودات كُلهن ؟
- اي كُلهن تحليل تحـليل حتى القـديمات گُلش
- هاهيَ لعد جهزيهن باجر هم اقراهن وهم اشوف الاطباء هُناك
- من عُيـوني حبيبي
أبتسم خلصت اخر نفس من الچگارة ذبها بالكاع طفاها برجله وكال :- داحس بطعم الچگارة الداورثها يمج
- أريد اتغـزل مثلك حـيادر شلون هيج داتـجمع غزل وتغازلني
- ما أعرف هيج فجأة الكه نفسي اتغزل بيج
سحـبت تنهيـده وكلت خلي اطلـع ابداعاتي بالـغزل وكتله :- حـيادر أنتَ بگُلشي مميز بحُبك ، باهتمـامك ، مميز بعيني بگُلشي
ابتسم حسيت غزلي جاب نتيجه وكتله :- شايف الي يكولون بعيد على العين بعيد على القلب ؟
- اي !
- ما أعرف منو كتبها بس اكُله أنتَ غلطان شكد ما قريب على گلبي قريب على عيني انت حيادر أنتَ النفس الي داتنفسة گُلشي بحياتي أنتَ أحبك أني هواي صدگني
ضـحك بصـوت ناصي وكال :- الله الله شـنو هذه الكـلام الحـلو فُستق وين
جنتي ضـامتة ؟
أبتسمت داريد اجاوبه سمعت حركه بالصالة فجأة انفتح باب الصالة صارت بوجهي حواء باوعت علينه
لزمت أيـدي جرتـها وكالت بـصوت همس :- تعـاالي طببي جوووه حُسييين ترا كاعـد
....
يتبع ⬅️ - البارت الثالث والاربعين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.