﷽
-الكاتبة: سـارة الحـسن
-Part 50
-"لا تنسون التصويت +
-" متابعة الحساب its_105
-"وتعليقاتكم ع الفقرات فيـروزاتـي"🤍
▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫
َ
ِ
ٖ
ْ-رفـع ايده يلعب بـ شعري وكال
::-اطلكــج بـس بـشرط
سـدرة: شنـو هو؟!
-دنگ راسـه يمـشي خشمة علـى خـدي وكال
::-اريــد طفــل انــي!!
جيبيلــي طفــل واطلكج....
-ابعـدت وجهـي ودفعتــه عنـي
وكف كدامـي ويباوعلـي بـ نظرات باردة وانـي سألته
::-ليـش إلا طفل؟!
هارون: لان أنتِ ما ترديني وتردين تطلكين
سـدرة: وشذنبة الطفل يعيـش بيـن اهل منفصلين
هارون: راح اصيرلة أب وأم وما اخلي يحـس بغيابج
وانتِ شوكت ما تردين تشوفينه شوفـي ما امنعج منه
سـدرة: ماكدر هارون هيج راح اتعذب والله
-دنگ راسه ساكت وانـي نزلت دموعي وحجيت ويا بتوسل
::-لا تسوي هيج بـ روح ابوك
هارون: شمسوي؟! أنتِ راح تصيرين مرتي سـدرة
قابل ناهبج؟! لو زانين؟! كتلج اريد طفـل
سـدرة: راح تقيدنـي بـي
هارون: لا وروح عـون ولا فكـرت هيـج
سـدرة: لعـد ليـش تضغط عليه هيج؟!
والله داتكرهنـي بـنفسي وبعيشتـي، اعتقنـي هارون
-رجـع حضــن وجهـي بـين كفــوف اديـه ويمسـح بـ دموعـي بـ ابهامة وكال
::-انـي ما خطبتـج لأن اريد اعذبج
بـس لأن ردت اخلصج مـن فقــار القـذر
وهــذا جــان اقتــراح الميــرزا قبــل آفـروز
لأن يعــرفه شكد عار ويعرفج ماراح ترتاحين ويا
سـدرة: لا تذكرنـي هارون
هارون: ما جاي اذكرج جاي احجيلج الحقيقة
اعـرف بيج ماراح تتقبلينـي بـ يوم ويمكـن انـي هم
ولا راح نـكدر نعيش حياة طبيعية بـهذا وضعنـه
بـس كُــل الي اريـد منـج طفـل وبعدها يصير الي تردينه
تردين تبقين علـى ذمتـي اخليج بـعيوني تردين تطلكين خادم انــي
سـدرة: ليـش إلا منـي؟! تكدر تتزوج وتجيبلك اطفال
هارون: إذا تزوجت علمود طفـل راح اضلمها ويايه
لأن انـي مارايد اي شـي مـن الحياة الزوجية غـير طفل
ماراح الــح عليج فكـري بيها مـنا لـما نتــزوج
سـدرة: واذا ما قبلت ماراح تطلكنــي
-بقـى ساكت ويباوعلــي، ميلت راسـي وسألته
::-ماراح تسويها مو؟!
هارون: ماراح أجبـرج علـى شـي
بـس هسه ماكدر ووضحتلج السبب
سـدرة: لعـد ليـش تسوي هيج؟! ليـش تتعمد تأذينـي؟!
والله اتغيرت والله تندمت والله احترگت روحـي...
-ما خلانـي أكمـل وحضـن راسـي علـى كلبة وكال
::-اششش كافي
-انفجرت بـ البجي وهـو يمسح علـى راسـي وكمل
::-غلطتـج جانت جبيــرة سـدرة
وروحــي محتــرگة منـج وروح الأعــزاز
أنتِ بنت عمـي وعرضـي قبل لا تصيرين خطيبتي
ياهو الــي يقبلها علـى عرضه فهميني؟!
سـدرة: وشلون تقبــل أذيتـي لعـد؟!
شلون تقبلها علـى نفسك بـكل مره تهيني وتذلني؟!
-رفـع راسـي ورجع يمسح دموعي وجاوبنـي
::-هـذا درس بسيط الـچ حتـى ما تغلطين بعـد
وجنت ناوي عليـج أكثـر بـس أنتِ عرفتـي غلطج بوگت
-غمضت عيونـي ماريد اباوعله، اكرهه نفسـي مـن ينفتح هذا الموضوع، اريـد اذبـح نفسـي مـن افكـر انـي سويت هيـج شـي قـذر، حسيت ابهامة علـى عيوني يمسد عليهن وكال
::-كُـل فعل تردين تسوينه فكري بـي وكولي
"هـو عــادي احجــي هـذا الشـي لأحـد"
أذا جان جوابـج لـ نفسج "لا" معناها شي غلط
-هـزيت راسـي بـ أيجابية وماحجيت شـي،
فتحت عيونـي مـن ابتعد عنـي وكمل كلامه بـ أبتسامة
::-راح نرجـع مثـل قبل هارون وسـدرة ولـد العم
انسـي انـي خطيبج ولا تبقين تتكهربين مـن تشوفينـي
-بقيت ساكتة واباوعله واريد اسئلة بـس مترددة
حسيتة فهمنـي وكال
::-احجـي؟! بـ شنـو تفكرين؟!
سـدرة: والطفـل؟!
هارون: فكــري بيها مـنا لـ زواجـنا
أذا كدرتـي اكون ممنـون وراح تسويلي فَضل
ادفعلج روحي مقابيله، وأذا ما كدرتــي معــذورة
سـدرة: والعـرس شوكت؟!
هارون: راح يصير بـ عطلة نص السنه، بعـد سنوية نوسـي
تكدرين تسوين الحفلات الـي تردينها انـي وياج بكلشـي تردي
سـدرة: ماريـد شـي
هارون: اعتبرنها حفلة بيناتجن افرحن بيها وغيرن جـو
-بقيت ساكتة، دار وجهه راد يطلع ورجع كال
::-مصـرفج كل شــهر دانطـي لأمـج
وجنت مطلعلج عـذر وكايللها تستحي تاخـذ مني
بس منا وهيـج راح انطـي الـج واي شـي تردينه تجين
عليه لأن أنتِ مسؤوليتــي هسه وزحمه تاخذين مـن اهلج
سـدرة: شكراً هارون
هارون: تطلعيـن ويانـه باجـر؟!
سـدرة: أنتَ ومنـو؟!
هارون: انــي وإلياف گلبـي
سـدرة: بـس عنـدي دوام باجر
هارون: ورة الدوام
-ماكدرت أرفـض وهـزيت راسـي بـ أيجابية،
صفـن بوجهـي ثواني، عگد حواجبة يتذكر شـي وكال
::-صـدك شو أنتِ ميبستها عليه؟!
-بهتت ملامحــي وهـو انفجـر مـن الضحك وطلع مـن يمـي
بقيت ابتسم وتختفي ابتسامتـي مادري شبيه تخبلت
وخايفة منه بنفس الوقت هارون ويايه شخص ثاني
-بعـدني واكفة وفزيت علـى دكة الباب،
توقعت هارون رجـع بـس هو ما يدك الباب يفوت چفت،
اخـذت نفس عميق هدأت نفسـي وفتحت الباب
جان الرسـول واكف ومنطيني ظهره، انـدار عليه وسأل
::-عنـدج شـي؟!
-جان شكله ابـد مو طبيعي ويمكن هاي أول مره
اشـوف رسـول بـ هاي الحالة، جاوبته بـخوف
::-لا ماعنـدي، شبيك صاير شـي؟!
-تقـرب منـي وهمس
::-روحـي لـ غرفتـي شوفـي عاتِـكة مدري شبيها
بـس خليها بيناتنه لا تكولين لأحــد، تمام؟!
سـدرة: شبيها؟!
-ضـرب علـى جبينة بـ طرف أبهامة واحـسه يريد ينفجـر
::-روحـي شوفيها سـدرة روحـي إلا احجي
-هـزيت راسـي بـسرعه ورجعت لـ غرفتي سحبت شالي خليته علـى راسـي وطلعت، هو جان كاعد بـ الصالة مقابل غرفتـة ويـهز بـ رجلة متــوتر
-رحت بوجهــي لـ غرفته دكيت الباب واسمعه صاح
::-هي مال أدب هسه
-حرت شسوي مدري اضحك مدري ابجي بقيت واكفه واتلفت
رجــع صاح بيه بـ همس
::-فوتي بنت اللذين شكو صافنة عليه وعلـى الباب
-فتحت الباب ودخلت بسرعة بدون ما اجاوبة
جانت عاتِـكة نايمة بـ الكاع ومشمور عليها غطوة
وبـس صوت شهگاتها ينســمع، احـس گلبـي وكـع مـن الخوف
خفــت لا رسـول مسـوي بيـها شـي، ركضت عليها كعدت
يمها وصـرت امسـح بوجها وسألها بـ خوف
::-بيـج عاتِـكة حبيبتـي ليش تبجين؟!
-ما جاوبتنـي واستمرت تبجي، بقـى حيلي يرجف خايفة عليها ماعرف شسوي وياها، ردت اسحبها اكومها مـن الكاع
::-كومـي حبابة لا تسوين بنفسج هيـج
-دفعتنــي بقـوة وكعتنـي بـ الكاع ونتـرت بيه
::-اطلعـي اطلعـي
سـدرة: شبيـج عاتِـكة؟! خلينـي اساعدج
عاتِـكة: اطلعـي سـدرة ما اريد اشوف احـد
-گمت مـن مكاني وبقيت اباوع عليها وحجيت وياها بـ قلق
::-تحتاجين شـي؟! يوجعج شـي؟! ليـش تبجين؟!
-تحركت مـن مكانها وهـي تلفلف نفسها بـ الغطوة
سندت ظهرها علـى طرف الجرباية ورجعت تبجي
كعـدت كدامها وبقيت ساكتة وهي تبجي ما سكتت
مـرت فتـرة طويله يلا رفعت راسها عليه وكالت
::-رسـول دزج تشوفيني؟!
سـدرة: اي خايف عليج شبيج؟!
عاتِـكة: وينه هو ليش ما يجينـي من خايف عليه؟!
-تحجـي وتشهگ وماعرف شجاوبها، گمت مـن مكاني
فتحت الباب ورسـول جان علـى نفس كعـدتة
رفـع راسـه عليه وسألنـي
::-هــااا؟!
سـدرة: تريـــدك
-كام مـن مكانه تقرب منـي سحبني طلعنـي من الغرفة وسد
الباب وسألنـي بـهمس
::-احجـي
سـدرة: شحجـي هي بقت تبجي واني مكابلتها وهسه يلا سِكتت وتريدك، شصاير ليـش تبجي؟!
-رفع حواجبة متعجب وسألنـي
::-صـدك تحجين؟!
سـدرة: اي والله كالت مـن خايف عليه ليـش...
-قاطعنـي ونتر بيه بعصبية
::-موووهبة والرسـول الأعظم موووووهبة
سـدرة: هـو شنـو؟!
رسـول: الغباااااء موهبة وأنتِ عنـدج أمتياز بـي
دزيتـج تعرفين العله لـو تكابليها وتكعدين سـدرة؟!
سـدرة: اوووي وشبيك تصيح وما عاجبك!!
جان انت رحت عرفت علتها، مرتك لو مرتـي هي
-درت وجهـي واريد ارجـع لـ غرفتـي وهو نزل الدرج يـدردم وصوت الدبـچ يفزز الموتـى، هزيت ايـدي ورجعت لـ غرفتـي، غيرت ملابسي وطلعت غسلت، وردت انام بـس ما كدرت بقـى يالي يمها
-اتصلت علـى رسـول رفضنـي، رجعت اتصلت جاوبني يجر بـ الحجاية جـر
::-هــااا
سـدرة: أنتَ وين رجعت لغرفتك لو لا؟!
رسـول: لا ليـش؟!
سـدرة: هيـج ماكو شـي، تصبـح علـى خيـر
-المفروض اسمع "وأنتِ بخيـر" بس سمعت صـوت القطار
غميت التلفون وگمت طلعت علـى عاتِـكة
-دگيت الباب كم مرة يلا فتحتلي، العيـون حُـمر منتفخة
وخشمها احمـر، شعرها مخربط عبالك جانت بحـرب
::-هــاا سـدرة؟!
سـدرة: شلون صرتـي؟!
عاتِـكة: مابيه شـي حتـى تسألينـي هل سؤال
سـدرة: خوفتيني عليج شبيج؟!
عاتِـكة: وبشـنو يهمج؟!
سـدرة: شبيج عاتِـكة غير داطمن عليج
عاتِـكة: واذا ما جاوبتج هم راح تهدديني مثل قبـل؟!
هم راح تخوفينـي وتجبرينــي احجــي مـو؟!
سـدرة: اعـرف غلطت وياج قبـل واعتـذر منـج
بـس هسه ماعنـدي شـي وياج بس خفت عليـج
واذا ما تردين تحجين ويايه او تجاوبينـي براحتـج
عاتِـكة: ابقــي بعيـدة عنــي سـدرة
وخليها ببالج لا أنتِ ولا كُـل عشيرتج تخوفنـي بعـد
-حجتها ورگعت الباب بوجهــي، بقيت واكفة وعيني علـى الباب، فززنـي صـوت هـود يحجـي وياية
::-داتزوريـن الباب بـهل الليل؟!
-انداريت عليه بـسرعة وهو ابتسم وكال
::-حلمانه لو بـوَعيج؟!
سـدرة: لا لا شنـو حلمانة بـس شسمة اجيت علـى عاتِـكة وبعدين غيرت رأيي واريد ارجـع ودافكر يعني ماكو شـي
-ضحك بهـدوء وهز راسه
::-فكرتـي لو اساعدج؟!
سـدرة: اي اي فكرت وراح ارجع لـ غرفتـي
الصبح ارجعلها يمكن نايمة هـي
هـود: انـي هـــم أفضـل هيـج
لأن ركعــة الباب ما تبشـر بخيـر لو شدكولين؟!
-ضحكت وهو هم ضحك واجة يتمشـى بـ اتجاهي
::-بعـدها صغيـر تصــرفاتها طايشـة أعـذريها
سـدرة: بـس ردت اطمـن عليها
هـود: بيها شـي؟!
سـدرة: ماعـرف تصرفاتها غريبة
ما تتقرب لأحـد مـن عدنه ولا تختلط ويانه
دائماً عازلة نفسها بـ غرفتها واغلب الأحيان تبجـي
-اخـذ نفس عميق واشرلي بـ ايدة امشـي بـ اتجاه غرفتـي وكال
::-طفلة وما لگت لا أحتـواء ولا أهتـمام ولا سنـد يسنـدها وكت مصيبتها، شتتوقعين يصير بيها؟!
سـدرة: بـس هي عدها اهلها
هـود: مـو كـل أهـل أهـل ، ولـو أهلها جانو كد الأشياء الي حجيتهن جان ما رجعت لـ رسـول وهـي بـهذا العمــر
سـدرة: مادي بـس احسها خطيـة
هـود: وفعــلاً خطيـة، ياريت رسـول يكون كد المسؤولية ويكدر يحافظ عليها لأن اذا صار عكس هـذا الشـي عاتِـكة تدمـر وبعدها طفلة بعمـر الورد
سـدرة: زيـن عادي تحجي وياها أنتَ؟!
يعنـي مثـل ما تسـوي ويانــة وتنصحنـة
-ابتـسم وجاوبنــي
::-جـربت أكثـر مـن مـرة بـس رفضت تسمعنـي
وماكــدر الــح عليها لأن النتيجـة راح تكرهنـــــــي
سـدرة: لـيش هيـج؟!
هـود: ادعيلها سـدرة وربـج مايرد دعـوة
﴿وَقَالَ رَبُّكُمُ ادْعُونِي أَسْتَجِبْ لَكُمْ﴾
سـدرة: ندعيلها انـي وياك؟!
-ابتسم وهز راسه بـ أيجابية، طلع تلفونه مـن جيبة واستند علـى حايط وانـي واكفة كدامة، رفـع أيـدة الثانية بـوضعية الدعاء وكال
::-راح اقرة الدعاء أنـي وأنتِ اسمعينـي
"اللهمَّ لا طاقة له بالجهد ولا قوة له على البلاء،
فلا تحرمه العافية والرزق ولا تكله إلى خلقك
بل تفرّد له بحاجته وتولّه برحمتك، فإنّك إن وكّلته
إلى نفسه عجزت عنها، وإن وكّلته إلى خلقك ظلموه
وحرموه وقهروه ومنّوا عليه، فبفضلك يا الله أغنه،
وأبسط له، واكفه، وخلّصه واجعل رضاه فيما يرد عليه منك، وبارك له فيما رزقته وفيما خوّلته واجعله في كلّ حالاته محفوظاً مُجاراً، واقضِ عنه كلّ ما عليه لك في وجهٍ من وجوه طاعتك أو لخلقك، فأنت تعلم عظم ضعفه
وكثرة ذنوبه وضعف بدنه وقوته وغفلته"
سـدرة: آمـــــين يارب
-ابتسم وكال
::-آمــــين، لا تبخلين علـى أحـد بـ دعاء
يمكن يجي يوم وتحتاجيـن دعوة مـن احـد
كُـل شـي تتمنينة بـهل حياة سوي لـ غيرج حتى يرد الج
الحياة تعتبـر دِيـــن راح تاخـذ بـقدر ما تنطــي
سـدرة: راح ادعيلها دائماً وأنتَ ادعيلي هـود
حيـــل محتاجة دعاء هاي الفتــرة
هـود: مـن عيـوني
-قبـل لا اجاوبة انفتح باب غرفة هارون وكف يباوعلنه وكال
::-هسه تردون تدعون ادعو بـ كلوبكم
ماتكولون عالم نايمة واكفين يمنه وگرگرگر
هـود: خلـي گطـن بـ أذنك
هارون: اخخخ يـ لساني
-ابتسمت وحجيت ويه هـود
::-شكراً لـ كلامك، تصبـح علـى خيـر
هـود: تلاگيــن الخيــر
هارون: انــي حايط هنا محد يكله تصبـح علـى خيـر
سـدرة: تصبح علـى خير هارون
-باوعلنه صفـح ودخل لـ غرفتة ما جاوبني
ضحك هـود يهز بـ ايدة وكال
::-هم بـي خيط مـن اختة هـذا
-بقيت ساكتة ماعـرف شجاوبه بـس اضحك
عافنـي وراح لـ غرفتة وانــي رجعت لـ غرفتي
-ثانــي يـوم الصبـح حسيت بوسات علـى وجهـي
فزيت بـسرعة كعدت علـى حيلي وصوت هارون يضحك
فرگت عيونــي اباوع عليه هو وإيــلاف كاعدين يم راسي
::-صباحووو سدلة
-ابتسمت علـى كلامها وجاوبتة
::-صباح العافية حبيبتي
هارون: مـو عنـدج دوام ليـش ما كاعدة
سـدرة: ليـش بيش ساعة؟!
هارون: بـ9 الصبـح
-شهكت وطفرت مـن الجرباية وانخبصت
::-عـزاااا شلووون ليش ما كااااعدة
-وكف علـى حيلة شايل إيــلاف ويحجي ببرود
::-هـو هـذا الي يبقى سهران ويحجي بتالي الليل
سـدرة: عزاااا عنـدي امتحااان شلوووون هسه
-صفنت عليهم مـن صارو يضحكون وسألته
::-أنتَ مو هم عنـدك دوام؟!
هارون: شعليج بيه بـس أنتِ راح عليج الدوام
-ما جاوبتة ورحت علـى تلفوني سحبته وباوعت للساعه بعدها بـ6:30 صبـح، انداريت عليه وحجيت ويا بـعتب
::-صـدك تحجيييي هارون؟!
هارون: هـزراف تتصل بيج وما ترديــن
واتصلت علينه كالت عدها دوام يمكن ماخذتها النومه
واجينة نكعدج وشوفي شلون خليناج تكمزين بـ نشاط
-رجعت باوعت لـ تلفوني صدك اكو مكالمات مـن هـزراف
::-ناسـية تلفونـي صامت
هارون: بعـد وگت تحضري حتـى نوصلج للدوام ويانه
سـدرة: تمام
-عافنـي وطلع هـو وإيــلاف وانـي طلعت وراهم للحمام
غسلت ورجعت دابدل واندكت الباب
::-منـو؟!
رؤيا: انـي رؤيا، كملتـي حتـى نطلع
سـدرة: انـي اروح ويه هارون روحن أنتن
رؤيا: تمام
-عافتنـي وراحت وانـي كملت تبديل وطلعت لـ غرفة هارون
دكيت الباب بـس ما جان اكو احـد، نزلت للمطبخ جانو كاعدين هو والميــرزا وامـي يمهم
::-صبـاح الخيــر
-ردولي كلهم وكالت امي
::-تعالي يمة تريكي قبـل لا تطلعين
سـدرة: مـو تأخرنه
هارون: بعـد وگت اكعـدي
-كعـدت يمهم وهو مخلـي إيــلاف بحضنه ويوكلها
بعـد دقايق كام الميــرزا مـن مكانه وأشـرلها
::-تعالي ليــلافي
-كامت مـن حضن هارون وهو شالها وغسللها حلكها واخـذها وطلع، سألت امـي مستغربة
::-راح ياخذها ويا للدوام؟!
جـوري: لا يمة مسجلها بـ الروضة
سـدرة: بـس هي بعدها صغيرة ما تقبلها الروضة؟!
هارون: كلشـي يرهم بـ الواسطات
-هـزيت راسـي وكملت ريوك بعدها غسلت وطلعنا انـي وهارون، طـول الطريق ما حجة ويايه مشغل اغنية ويدندن وياها، لـما وصلنـي جامعتـي قبـل لا انزل كال
::-اصبـري
-سحب محفظته يريد يطلع فلوس واني بسرعه حجيت ويا
::-عنـدي هارون ممحتاجة والله
هارون: منيلج ليش تجذبين
سـدرة: شبيك والله عنـدي
-ما جاوبنـي وطلع الـف انطانيا وكال
::-هـذا الف مال لفة واكلـي مال فلافل
علـى كـد الألــف خـوش؟!
-ابتسمت وهزيت راسي بـ اي رجـع طلع فلوس بعـد وكال
::-وهاي 500 مال ببســي
وهـذا ربـع مال بطل مــي
-سحب كلينكس هم حطه بـ أيدي وكال
::-هـذا امسحي حلكج بي وره الأكل
-ضحكت علـى طريقة كلامة محسسني طفل كدامه
::-شكـراً هارون بس ممكن كلينكس ثاني؟!
هارون: شهل تبذير؟! ليـش؟! شسوين بي؟!
سـدرة: للأحتياط واذا ما استخدمته اضمة لـ باجر
هارون: هااا هيج يعني؟! اي ليـش لا
-سحب كلينكس ثاني انطانيا وكال
::-عفية هيـج اريدج اقتصادية
سـدرة: تدلل وبعـد؟!
هارون: هاهي يلا روحي واذا جاوبتي بـ الأمتحان انطيج الف
سـدرة: هههههه غير تكلي مـن وگت حتـى أدرس زين
هارون: ماكو هيـج حجي
-هـزيت راسـي وهو اشرلي انزل
فتحت الباب اريد انـزل ورجع صاح عليه
طلع 25 ويحجي ويايه طبيعـي
::-هاج هاي قهرتيني بس مو تصرفيها كلها
سـدرة: عنـدي والله
هارون: دخذيها واستغليني دام بداية الشهر
لأن نهاية الشهر صـدك ما تشوفين منـي غير الف و750
سـدرة: ماريد شبيك هارون والله...
-قاطعنــي وسحب ايدي حط بيها الفلوس وكال
::-لا تعبينــي وبطلي هاي الرسميات بيناتنه
ليــش توازينــي ارجـع مثـل قبـل ديــدي
-ضحكت مـن كال "ديــدي" دلع الطفولة
ابتسم علـى ضحكتـي ولبس نظاراته وكال
::-يلا يابة تأخـرت
سـدرة: تمام باي
هارون: جاوبـي زين لا تنسين الألف
سـدرة: ههههه ماشـي
-نزلت مـن السيارة وهو دگ هورن فززني وتحرك مـن يمي
دخلت للجامعة وبوجهـي لـ قسمي، جانت يقيـن كاعدة
تنتظــرني يم القاعات، ومشـى الدوام طبيعي
-بنهاية الـدوام طلعنا نتمشـى للباب اني ويقين وهي اتصلت
علـى رؤيا تشوفها خلصت دوامها او لا
بعـدها اجه رسـول اخذنه مرجعنه للبيت
مـن نزلن البنات بـ باب البيت سألته
::-شلونها عاتِـكة؟!
رسـول: زينة
سـدرة: لعـد شبيها البارحة؟!
رسـول: مابيها شـي انسي
-عرفتة مايريد يحجـي، ما لحيت عليه ونزلت
بيـن ما غيرت ملابـسي وتغديت اني والبنات ورجعت نمت
ماعرف شـكد مر وقت وحسيت علـى إيــلاف تكعد بيه
::-سـدلة ادعــدي "اكعـدي"
-فتحت عيوني وهي بسرعه ابتسمت وكالت
::-أسـدي يدول "يكـول" يلا لاح نلوح
سـدرة: هههه تمام كولي لأسدج دقايق واجيكم
-رفعت ايدها كدامـي فاتحه اصابعها وكالت
::-دال هلدد "هلكد" ونلوح
-عرفتها تقصـد 5 دقايق، فتحتلها ايدية اثنينهن بـ معنى 10دقايق وجاوبتها
::-كليلها هلكد وتنزل
-هزت راسها مبتسمه وطلعت تركص مـن يمي
گمت بـسرعه غسلت وغيرت ملابـسي ونزلت
انطيت خبـر لأمــي، ورجعت صعـدت عليهم
دكيت الباب واجاني صوته
::-تعالـوووو
-فتحت الباب ودخلت عليهم جان مكعدها بين رجليه
ويمشط بـ شعرها،
::-هاي شنـو مو كلتو 5 دقايق ليـش تأخرتو؟!
هارون: 5دقايق الي و5 لـ أليافي و5 ألـج شكد يصيرن؟!
سـدرة: 15 دقيقة
هارون: بعـد كدامنه 3 دقايق
-ابتسمت وبقيت واكفه اباوع عليهم
كمللها وخلالها عطر وكاللها
::-روحـي جيبي حذاء مـن روزي ركض
-هزت راسها وطلعت تركض لـ غرفة آفـروز
طلع تشيرتات 2 رفعن كدامي وكال
::-ياهو؟!
-اشرتله علـى واحـد، هـز راسه ورجعه بـ الكنتور
وشمر الثاني علـى جرباية، نزع الي لابسه ولا عبالك اني واكفه، درت وجهـي اريد اطلع وهو صاح ورايه
::-دقيقة
-احس گلبـي رجف توقعت راح يتصرف ويايه تصرفاته التغث، بقيت جامدة بـ مكاني ما انداريت عليه، لـما كال
::-شـو شوفي هـذا عليه
-انـداريت عليه ابتسمت مرتبكة وجاوبته
::-حلـو
هارون: ذاك ما مغسول وما لبستة
-هـزيت راسـي وسكتت، اجت إيــلاف تطفـر وكال
::-انــه تملت "كملت"
هارون: لك هاي شنووو أليااااف گلبـي
شنو هذا الجماااال والأنااااقة والنزااااكة
أنتَ عليمن طااالع ولك شووو كيك كيك
-صار يغنيلها ويصفكلها وهي تركص كدامه وتضحك
طلعت تلفوني صورتهم فديو ودزيته للميــرزا
بسـرعة شافها وراد عليه
::-غسلت ايدي منها مـن صارت تصيحله أســدي
-ضحكت وما جاوبتة، بعدها طلعنه سـوة
أول شـي اخــذنة لـ محـل ملاعيب وكال لـ إيــلاف
::-اخـذيلج فـرة شيعجبج جيبــي
-صفگت فرحانه وراحت تفتـر بـين الالعاب
وهـو بقـى واكف وعينه عليها والضحكة شاكة حلكه
ابتسمت لابتسامتة وسألته
::-شـدعوة هلكد تحبها؟!
هارون: احـب كُـل الأطفال مو بس هي
سـدرة: واكو سبب لـ حبك الهم لو حُـب فطـري
هارون: حُـب فطـري مـن قبـل مو من هسه
اي طفل اشوفه اذا يبقـى يمي ساعة اتعلق بـي
-انـدار عليه وكمل كلامه بـ ابتسامة هادئة
::-لهل سبب اريـد طفل يخصنـي
حتـى ما يجي يوم وياخذونه منــي
-سكتت ماعرفت شجاوبة، دار وجهه عنـي وكال
::-أذا عجبج شي اخذي لا تخلي بنفسج
سـدرة: هههه هي كلها ملاعيب شيعجبنـي
هارون: براحتـج انـي راح أخـذ لـ أليافي ويُـسر
-عافنـي وراح علـى قسم ملاعيب البنات وصار يختار ويه إيــلاف، بعـدها اخـذ لعابة جبيــرة لـ يُـسر وطلعنا
-اخـذنه لحديقة بيها ملاعيـب أطفـال كعدنه علـى جهه وإيــلاف راحت تلعب، حجة ويايه بـدون ما يباوعلي
::-شلونه الأمتحان؟!
سـدرة: حضـر الألـف
هارون: ههههه مسيطرة
سـدرة: اي جان زين كلش
هارون: شطورة شطورة اتخرجي بـ معدل زين
حتـى تكملين دراسات ونشوفلج شغل بـ جامعة اهلية
سـدرة: ان شاء الله
-هـز راسه وبـقى يحجي ويايه علـى دراسه
دقايــق وسمعنه عيطة إيــلاف، طفـر هارون
مـن مكان وركـض عليها وهـي واكفه بـ مكانها وتعيط
وكعت كلوبنا وما نعرف شبيها بـس تبجي
وهارون شايلها بـحضنه ويحجي وياها بخوف
::-شبيـج أليافي شبيـج حبيبتـي ليش تبجين
-صارت تصرخ وتصيح
::-يودعنــي يودعنــي "يوجعنــي"
-انخبـص بيها يحير شيسوي مدري يغسللها
مدري يبوس بيها لو شايلها ويفتـر وهو تصرخ
بقيت واكفه وارجف ماعرف شسوي ولا اعرف شبيها
تمـشى بـ خطوات سريعة بـ اتجاة السيارة وصاح عليه
::-تعالـــي
-مـن صعدنه بـ السيارة اباوع علـى إيــلاف لونها تغيـر
وتملخ بـ جسمها وصوتها هدأ صارت تسحب النفس بصعوبة
::-عـزاااا هارووون شبيهااا؟!
-باوع عليها ويحجي مخبـوص
::-متحسسه هاااي
-خلاها بـحضني وانطاني بطل مـي وكال
::-غسليلها بسرعه وانفخي بوجها
-بقيت اغسل بوجها وهي انتهت بين ادية
صرت ارجـف مـن خوفــي عليها وهارون خبص الجـو
يسوق كل سرعتة وعينه عليها لو يمسح علـى راسها
كلت مستحيل نوصل المستشفى عايشين لأن هارون تخبل
-اول ما وصلنه سحبها مـن ايدي ونزل يركض بيها
لـما نزلت ورا ضيعت هو وين راح بـ اي اتجاه
بقيت واكفـة بـ الباب ابجـي ماعرف شسوي
-اتصلت علـى الميــرزا ثوانـي واجاني صوته يضحك
::-هــاا سـدرة
-مـن سمع صوتـي ابجي سألني بقلق
::-شمالج شصاير؟!
سـدرة: إيــلاف اتخربطت علينه ومانعرف شبيها
الميــرزا: وينها هسه؟! هااارون وين؟!
سـدرة: بـ المستشفى بـ المستشفى بـس ماعرف شنـو وضعها
الميــرزا: ماشـي جـاي جـاي
-حجاها وغلقة وانـي بقيت واكفة، مـرت نـص ساعة تقريباً
وطلع عليه هارون وجهه مصبوغ احـمر بس واحـد يطخه ينفجر، اشرلي امشـي ويا وكال
::-ليـش واكفة ما جيتي
سـدرة: شلونها إيــلاف؟! وينها هسه؟!
هارون: زينة مابيها شي كالو لدغة حشرة ومسببتلها حساسية
-سكتت ورحت ويا للغرفة الموجودة بيها
جانت نايمة بس الشهگة ما مفارگتها
كعـد يمها وبقـى يمسد علـى راسـها ساكت
فتـرة دقايق ووصلته مكالمة علـى تلفونة
مـن جاوبة عرفتة هـذا الميــرزا حجه ويا وغلقة
شوية ودخل علينه والخـوف واضح عليه
::-شلون صارت؟!
هارون: زينه الحمــدلله
-بقـى يسأله علـى حالتها وصارو يحجون بـ مصطلحات طبية
بـ اللغة الانكليزية كلشـي ما فهمت منهم،
بعدها طمنونه الدكاترة علـى وضعها وسمحلها تطلع مـن المستشفى، شالها الميــرزا ضامها علـى كلبه وتمشـى كدامنه
-مشيت بمستوى لزمته مـن ذراعة وحجيت ويا
::-الحمــدلله عدت علـى خيــر
الميــرزا: الحمــدلله
-اخـذها ويا بـ سيارتة وانـي وهارون رجعنـه سـوة
وبقـى طول الوقت هارون ضايج ماعـرف شنـو بـي
حتـى مـن احجي ويا لو يسكت لو يختصر بالحجـي
مـن وصلنــه البيت هــو نـزل وبـ وجهه لـ غرفتـة
-بقيت احـوص اريد اعرف هارون شـبي ليـش هيـج ضاج
كل شوية اروح اوصـل يم باب الغـرفة وأرجـع
تأخــر الوقـت كلـش وهـو ما طلع وحتـى مـن دزيتله رســـالة ما جاوبنــي،
-وكفت كدام غرفتة اخـذت نفس عميق ودگيت الباب
انتظرته يسمحلي ادخل او يفتحلـي الباب بـس ماكو حس
فتحـت الباب علـى كيفي ودخلت جانت الغرفة ظلمة هنـدس
بقيت اتحسس بـ الحايط لما وصلت نقطة الكهرباء وشغلت الأضوية، جان نايم ومخلي المخدة علـى وجهه
::-هارون بيـك شـي؟!
-ما جاوبنـي وتوقعت نايم، رجعت طفيت الأضوية
واريـد اطلع، بـس استوقفنـي صوته
::-تعالـي سـدرة
-رجعت شغلت الأضوية وسديت الباب تمشيت لـ يمة
رفـع المخدة عـن وجهه وعـدل كعـدتة وسألنـي
::-محتاجة شـي؟!
سـدرة: بيـك شي؟! وضعك خوفنـي
هارون: لا ماكو شـي لتخافين
سـدرة: زين ما تعشيت اسويلك اكل؟!
-هـز راسـه بـ لا واشرلي بـ ايدة اكعـد يمة
كعـدت كدامة ماعـرف شحجي ويا وهو مبين ضايج
بقـى ساكت وانـي ساكتة، مـرت فتـرة وكال
::-بيـج حيل تمرغيلي راسـي
سـدرة: اي عادي
-فتـح اضوية التيبلام وكال
::-طفـي الاضوية البقية تأذينـي
-كمت طفيتهن ورجعت كعدت يمة، سحبني مرجع ظهري علـى طرف الجرباية وكال
::-اسنـدي ظهرج حتـى ما تتعبين
-بقيت متصنمه وكل ما يسوي هيج حركه اتوقع راح يرجع يعاملني مثـل البداية، بـس ما سوة شـي خله راسـه علـى رجلـي وكال
::-تحمليني اليـوم
-ما حجيت شـي وبقيت امرغله راسـه، وهو مغمض عيونه
مـرت فتـرة طويلة وحسيت انفاسة ثكلت عرفته نام
بقيت حايرة شلون راح اكوم اطلع وهو نام علـى رجليه
ارفـع براسه ما يرفع ولا يتحرك خفت الح ويا ويكعد
-زفرت انفاسـي بحيرة وبقيت ساكنة بـ مكاني
ماعــرف شـكد مــر وقت وغفيت انـي وكاعـدة
-حسيـت ايـد تمسـد علـى خـدي ونزلت لـ رگبتـي
تحركت بخفه حتـى تبعـد عنـي ناسية انـي يم هارون
أنيت بـ ألـم مـن نعصرت ذراعـي بـقوة وفتحت عيوني
قبـل لا انـطق بحـرف سحب رجلية نومنـي بـ جانبة
ودفـن راســه بـ رگبتـي، دفعته عنـي وانـي اتوسل بي
::-هارون وخـر عنـي عليك الله لا تسوي هيج
-ما سمعنــي وأستمـر بـ حركاتة وصار يتجرأ أكثـر
حسيتة فقـد ما مسيطر علـى نفسه، زادت مقاومتـي
بـس هو هم صار يقسي عليه أكثـر، مـن حسيته صار
يتمادى ردت اصـرخ اريد احد يطلعني مـن بين ايده
-سـد حلكي بـ ايــدة وهمس يـم أذنــي
::-أشششش ماراح تتأذيــن....
َ
َ
-آفـــروز
-بـ يوم الي رحنه يم ببيت امـي ليلى ماكدرت اعـوف يُـسر
جان واضـح صاير شـي وعاتِـكة غاثتها بـ الكلام
ردت ابقـى يمها حتـى افهم شبيها وهم احاول اقنعها ما تسافر
-وكـفت كدامة واباوعله بـ برائة، هـز راسه وكال
::-لا
آفـروز: اعتبرنـي زعلانه
الميــرزا: اي طرگاعتـي اصالحج هو انـه أكـدر علـى زعلج
آفـروز: اريد ابقـى يم اهلي صفصف
-سنـد ظهره علـى حايط وسحبنـي موكفنـي بين رجلية وكال
::-وانــه شلون بيه؟!
آفـروز: هسه شمحصل منـي أنت
الميــرزا: أنفاســج بـ الغرفة كافي
-ابتسمت وجاوبتة
::-هسـه تقبل لو ناخذ أجراءات ثانية؟!
الميــرزا: شوفيني أجراءاتـج الثانية
-رفعت نفسـي وهو دنك راسه عليه، طبعت بـوسه علـى خـدة وبقيت سانـدة راسـي علـى خـدة وحجيت ويا
::-يُـسر ضايجة ومحتاجتنـي يمها اليـوم
لـو أنتَ رايـد تبقـى يم سوسو جان ما منعتـك
-گرصنـي مـن خصري شوغنـي، ضربته بقوة ونترت بي
::-بطل همجيييية شبيك؟!
الميــرزا: لسانج الزمـي لا أشعـل المهمـود بـ كبـرة مو كايل لا تدلعين احــد
-دفعته عنـي بس بقى لازمنـي ما عافني
::-وخـر عنـي تخاربنه أنت روح لأهلك وانـي راح ابقـى يم اهلي
الميــرزا: خـوش عـذر
آفـروز: هسه شبيك لا تصير نحيس ترا والله كوة مسيطرة علـى نفسـي ممتعودة هيج
الميــرزا: هههههه شتردين تسوين
آفـروز: يمةةةة ربيتلي گلب بـصف گلبـي ترا
الميــرزا: زين زين ابقـي بس بشـرط
آفـروز: شـو صار بيها شروط أصـفادي؟!
الميــرزا: أستـغل الفـرص شبيج
آفـروز: تمام استغلها دامها بصالحك
-ابتسم وكال
::-وجهـي مشگ مـن الجفاف
يرادلة كــم بوسـة منــا منــا
آفـروز: 2 كافي؟!
الميــرزا: عشـرة
آفـروز: حييييل شدعوة؟!
الميــرزا: هههههه الله مايحب البخيل روزي
آفـروز: زيـن انطيتـك وحـده بقـن تسعة
-رجع دنك عليه وكال
::-انطينــي ثانية ويبقــن ثمانية
ووحـدة منهن انــه اختار مكانها، متفقيـن؟!
-طبعت بوسـة علـى حنچـة وجاوبتة
::-متفقيــن
-عصـرني بهـدوء بحضنه وابتعد عنـي مبتسم وكال
::-چــاا انــه اروحن لأن اذا اضلن شويه بعد اخذج ويايه
آفـروز: ههههه تمام بـس اخذهم وياكم
الميــرزا: راح اطلع انتظرهم برة
آفـروز: باوع هـزراف هم راح تبقـى ويايه
-هـز راسه بـ أيجابية وكال
::-انطــي خبـر لـ هـود حبيبي
-دفعته عنـي مبتسمة مـن حجايتة وهو ضحك وطلع
رجعـت علـى ولد انطيتهم خبـر وقنعنه هـود حتـى هـزراف تبقـى يمنه، هو ما جان عنـده مشكلة بـس جدي مرات يكوم يحجـي فـ هو يحاول يتجنب الحجاية
-همه راحـو واحنـه رجعنـه للبيت، ضحك يـوشع وصاح
::-نور البيت بوجودج يابة
-غمزتلة وجاوبته
::-منـور بيك عيناي
-بقـى يضحك ودخل لـ غرفتة وامـي ليلى هم راحت لـ غرفتها تريد تنام لأن الوقت متأخـر، كالت يُـسر
::-ما معقولة تنامن هسه مـو؟!
آفـروز: لا سهرانين
هـزراف: مو عدنه دوام الصبـح
آفـروز: الصبـح ربـج يفرجها
يُـسر: ههههههه خليها علـى الله تلكيها محلوله
هـزراف: والله شلون ما اشوف ماراح نكعد الصبح وماراح نداوم
آفـروز: أستاذ يـوشع يكعدنه قبـل لا يصيح الديـچ
-ضحكت يُـسر وهـزراف تبقى توزع ابتسامات مـن نجيب طاري يـوشع، جبنة نمنمات وكعـدنه بـ غرفة يُـسر وحجيت وياها
::-اي مصيول احجي شدايصير؟!
يُـسر: بخصوص؟!
آفـروز: سفرتج؟! تصرفاتج؟! كلامج ويه عاتِـكة؟!
كله يحتاج تفسير منطقـي لأن صارت فوضـى براسـي
-اخـذت نفس وكالت
::-اريـد ارجـع ويه جـدو ماريد ابقـى بـ العراق
آفـروز: ليـش عيناي؟! واهلج؟! واحنـه؟! لو ما فكرتي بينه؟!
يُـسر: اذا تحبونـي صدك تخلوني اروح
لأن اذا ابقـى هنا راح تدمر نفسيتـي آفـروز
حياتـي جانت هادئة قبـل، بـس هسه كلها مشاكل
آفـروز: مشاكليش؟! احجيلي
-تركت الأكل الي بـ ايدها واندارت عليه
::-باعـي صـح انـي وسميـگل اصدقاء
بـس والله ما حجيت ويا بـ وقت متأخـر ابد
مـن رجعت عاتِـكة وهو اصلاً ابتعد لا رسالة ولا مكالمة
وانـي تفهمت وضعه وكلت حقه وحق زوجته محد يقبلها
بـس هـو جان دازلي رسالة يسأل شلونج ومـن هل حجي
وانـي جنت نايمة ما جاوبتة ومـن كعدت تقريباً بـ11 بـ الليل رديت عليه وهو بـسرعة شافها وبقـى يحجي ويايه بعدين انـي اترخص مـنه لأن ردت اكل وهاهي
آفـروز: وبعدين؟!
يُـسر: ثانـي يـوم بـ المدرسة انـي كاعدة ويه صديقاتي
واجت عاتِـكة وبنات اثنين وياها وكالت
عاتِـكة: شلونـج يُـسر؟!
يُـسر: هلو عاتِـكة شلونج أنتِ؟!
عاتِـكة: الحمــدلله زينه، شبيهن عيونج؟!
-استغربت ورفعت اديه مسحت علـى عيوني وسألتها
::-شبيهن؟!
عاتِـكة: تعبانات وصاير عنـدج هالات يمكن من سهر البارحة
يُـسر: ههههه هو انـي انام قبـل الدجاجة يا سهر
عاتِـكة: ليـش مو جنتـي تحجين ويه رسـول؟!
-سألت وحـدة مـن صديقاتي بـشقة
::-هلووو صاير عنـدج رسـول منـو هـذا؟!
يُـسر: ابن عمـي
عاتِـكة: رسـول زوجي، وابن عم اختها مو ابن عمها
يُـسر: شنـو الفرق؟! وشداعي هل حجي هسه؟!
عاتِـكة: الي كاعدة تحجي ويه رجال متزوج بتالي الليل شيسموها هاي؟!
-عصبتنـي بـ كلامها، گمت مـن مكاني سحبتها مـن ايدها ووكفنه علـى جهه وحدنه، نترت بيها بـعصبية
::-أنتِ شبيييج تخبلتي؟!
عاتِـكة: ليـش زعلتي كلامي صدك
مو أنتِ نفسـج جنتي تحجين ويه زوجي البارحة
يُـسر: أوزنـي كلامج واعرفـي شتحجين عاتِـكة
كلامج كلش عيب وما يليق بيـج ولا بـ رسـول
عاتِـكة: ماراح ادوخ نفسـي وياج
ابقـي بعيدة عـن رسـول رجاءاً
يُـسر: محترمة هـذا الشـي ومحترمة وجودج
بـس انـي مو عديمة ذوق لـ درجة اتجاهل سؤاله
عاتِـكة: اتجاهلي وشنـو يعني؟!
يُـسر: وليـش ما تحجين ويه رسـول
وتطلبين منـه ما يحجي ويايه؟! ليش جايه عليه؟!
عاتِـكة: لأن أنتِ رايدة هـذا الشـي ومسويتله واهـس
يُـسر: انـي لـحد هسه متعاطفة وياج وساكتة
لا تتجاوزين بـ الكلام مو من حقج ابد تتهميني بهيج شي
-دفعتنـي بـ طرف اصبعها وحجت بنبرة تهديد
::-أذا ما ابتعدتـي انـي راح اشكــيج لأخوج
واخـوج محامي ويعرف الحـق وانشوف يقبلها لو لا؟!
يُـسر: روحـي احجي لأخوية وانـي هم احجيله
كلامج المتجرد مـن الأدب ونشوف يقبلها لو لا؟!
عاتِـكة: انـي حـذرتج يُـسر
يُـسر: صـدك زعطوط أنت ، ماعنـدج ذرة وعــي
-دفعتها مـن كدامـي ورحت لصفــي، واستمرت هاي اليومين تجي هي وصديقاتها يوكفن قريب مـني ويبقن يحجن ويسمعني حجـي
-وكل مواضيعهن جانت عن شلون البنية تخطف رجال متزوج مـن زوجتة، حتـى صديقاتي حسو بـ الموضوع وصارو يكلولي
::-احـس الكلام عليج
يُـسر: وانـي شعلية؟!
-صارت تحرجنـي وصرت ابتعد عـن كل مكان تتواجـد بـي او ابقـى بصفـي وما اطلع، وحتـى مـن رسـول يدزلي مسح او يتصل صرت ما اجاوبه
آفـروز: وليـش ساكتة؟! ليـش ما حجيتـي؟!
يُـسر: ماردت تصير مشكلة لأن اعـرف يـوشع اذا عرف بـهذا الكلام ماراح يسكت
آفـروز: حقـه، ترا داتطعن بـ سمعتج شلون تسكتين؟!
يُـسر: راح ارجـع ويه جـدو انـي وخل ترتاح وتشبـع بـ رسـول
هـزراف: احـس اكو سالفة وراها لأن ماكو هيج تغير
جانت ما طيق رسـول وتخاف مـنه وفجأة حبته
يُـسر: ما يهمنـي تكرهه تحبه المهم ماريدهم يأثرون عليه
آفـروز: زين نغير مدرستج لا تسافرين
يُـسر: احتـاج ابتعـد والله
آفـروز: أنتِ سادس وعنـدج دوام راح تضيعين مستقبلج هيـج يُـسر حبيبتي
يُـسر: أذا بقيت هم راح ابقـى افكر بـهذا الموضوع وهم راح يضيع مستقبلي
آفـروز: زين روحي اسبوع وارجعــي
غيـري جو ريحي راسج كم يوم بس لا تبقين
أميمتـي ماتكدر علـى فراكج ويـوشع هـم متعود عليج
-كامت مـن مكانها كعـدت يمـي حضنتني تبجي وكالت
::-احـس دمـرو نفسيتـي والله
ماريد اعيـش هيج اشياء آفـروز
جبرتنـي افشلها واكسر خاطرها اليـوم
وانـي ماريد اصيـر أنسانة انانيــة ومؤذية
آفـروز: مو أنانية أنتِ طبقتـي قانون "لكل فعل ردة فعل".
يُـسر: ماريـد عفية ماريـد شـي
آفـروز: جـدج وين راح يبقــى؟!
يُـسر: راح يبقـى بـ الشمال كم يوم وبعدها يجـي يشوفنـي ويسافر وراح اسافر ويا
آفـروز: روحـي ويا للشمال، وراح احجـي ويه يـوشع
يغير مدرستج خلال هاي الأيام بـس لا تسافرين
يُـسر: واذا ما ارتاحت نفسيتـي؟!
آفـروز: راح ترتاحين هاي الأيام ويه جـدج
واذا ما ارتاحيتـي وكتها سافــري تمام؟!
-هـزت راسها بـ أيجابية وكالت
::-بـس لا تحجين شـي لـ يـوشع
آفـروز: ماراح احجي
يُـسر: ولا تكولين لـ ماما هم
لأن راح تمنعنــي منكم
آفـروز: كليلها ضجتـي بسبب مشكلة الصدرية
هـزراف: أنتِ لـو عايشة يمنه شيصير بيج لعـد؟!
يُـسر: ههههه لو اتعود مثلجن لو اتخبل
هـزراف: بـس لاحظت شـي اليوم
يُـسر: شنـو هـو؟!
هـزراف: أنتِ وآفـروز ويـوشع بيكم صفة مشتركة
تحركون الجــو وأنتــو اعصابكم باردة
آفـروز: همـزين طلعت هاي الفاهية مثلنه
-ابتعدت عنـي فاتحة عيونها وكالن
::-هاي انـي الفاهية؟! تراااا حبابة انـي مو فاهية!!!
آفـروز: دكومـي يـ الحبابة خلـي نام
يُـسر: مو دانسولف شبييييج
هـزراف: عدنه دوام شبيييييج
يُـسر: هههههه اوووووي زوجة اخوية اللطيفه
-ضربتها هـزراف بقوة وكامت مـن مكانها
::-اهـووو انجبـي انجبـي انجبـي
-نامت علـى جرباية وغطت حتـى راسها واحنـه انفجرنة مـن الضحك علـيها ويُـسر تتعمد تحجي هيـج حتـى تخجلها،
بعـدها طلعنا كلنا فرشنة اسنانه ورجعنه نمنة
-ثانـي يوم داومنه وبعـد الدوام رجعت للبيت
الميــرزا جان مشغول طول النهار وصار الليل وهو ماكو
ورة العشـة بـ فترة دخل شايل إيــلاف بحضنه
گمت مـن مكاني بسرعة تلكيته وعمتـي جوري سألت بخوف
::-شكو يمة شبيها إيــلاف؟!
الميــرزا: مابيها شي متحسسة مـن لدغة حشرة
جـوري: ياااا سودة بوجهي خمو متأذية
الميــرزا: لا لا زينة ، راح اصعدها فوك
-صعـد كدامـي وانـي امشـي ورا، دخلها لـ غرفتنه خلاها علـى جرباية وغطاها، وانـي ساكتة وعيني عليهم
ابتعـد عنـها وراح بـ اتجاه الكنتور طلع ملابـس اله وكال
::-تكدرين تبقين يمها لـ بين ما اسبح؟!
-وكفت كدامـه وسالته خايفة عليه وضعه مو تمام
::-شبيك؟!
الميــرزا: تعبان شوية
آفـروز: بـس لأن تعبان لو صاير شـي؟!
-رفـع ايـده مسـد علـى خدي وجاوبني
::-لا تشغلين بالج
-عافنــي وطلع، فرگت وجهــي ونزعت حجابي ورحت نمت يم إيــلاف، مرت فتـرة ودخل الميــرزا، بقـى كاعـد علـى جهه والخاولي علـى راسـه وعينـه بـ تلفونة
-گمت مـن مكاني وكفت كدامة بدون ما احجي ويا
وصــرت انشف بـ شعره، ما رفع راسـه ولا حجه شـي
بعـدها مشطلته شعـرة وردت ابتعـد عنـه، بـس ما سمحلي
سحبنـي مثـل كل مره مكعــدني علـى فخذة وكال
::-لا تضوجيــن منـي
-حضنت راسه وجاوبتة
::-خوفتنــي عليك أصـفاد
الميــرزا: أمانتها صعبة كسرت ظهري
لا همه مخليها بـ مسؤوليتي ولا همه ماخذيها
هسه مايكدر ياخذها يمه بـس اذا صارلها شـي
راح يتغير الحجــي راح يدور حقها منــي
آفـروز: مـن تعرف الوضع هيـج ليـش ساكت؟!
مـو كتلك عـوف خالك وأنتَ احجـي ويه رافــد
الميــرزا: حجيت بس مارادها وخالي يكول مو بكيفه يجي للعراق ويحجي ويا، وهو مـن سمع الوضع هيج رفض يرجع
آفـروز: بـس هاي اخته؟! شلون كلبه ينطي يعوفها؟!
الميــرزا: يكول مسؤوليتها صعبة وهو عايش وحـده
آفـروز: لعـد شلون؟! يبقـى مصيرها مجهول؟!
-رفـع راسـه عليه وسألنــي
::-ناخذها احنــه؟!
آفـروز: بـعيوني أنتَ وياها
بـس اخـذ حجاية مـن خالك
الميــرزا: أذا اخذناها راح تتسجل بـ اسمي تقبلين؟!
آفـروز: بـ اسلامنـه حرام
-فرگ وجهه بـ كتفــي وكال
::-شسـوي آفـروز دلينــي دربــي
آفـروز: خلـي خالك يسجلها بـ اسمه
واحنــه ناخذها نربيها ونتحمــل مسؤوليتها
-هـز راسه وسكت، وحيـل حزت بـ خاطري لـ هسه بدون هويه، وما مسجلها بـ اسمه ولا معترف بيها.
بقت هاي الليلة نايمة يمنه، وثاني يوم بقت يـم عمتـي جـوري الصبــح والعصر وبالليل تبقـى يم هارون
تجـي عليه مـن تجوع او مـن تريد شـي او تسبح
ومـن يطلع هارون هم تبقـى يمي ومتعودة علينه اني وهـزراف وسـدرة وعمتـي جـوري
-البقية يستغربون مـن تصيح للميــرزا "عمـو" وجان العـذر هو ما عاش وياها هوايه لان خلصها مسافر وما تعرفه ابوها ، جـدو ما عاجبة الوضع وما إله علاقــة بيها ابــد
-بـ الليل راحت جابت تراك نوم واجت عليه
::-بدليلي الوح انام يم أسـدي
الميــرزا: ليـش مو يمنه؟!
إيــلاف: لا أسـدي دال بدلي وتعالي
-ضحك الميــرزا وسكت وطلبنه منه يدير وجهه حتـى نبدللها لان ما تقبل كدامه تكول "عيـب"
كملنه وطلعت تركض علـى هارون، كال الميــرزا
::-شمسويلها هـذا وهيج تحبه
آفـروز: هـو منـو ما يحب هارون
-باوعلي صفـح وانـي ضحكت علـى شكله
سحبنـي كعـدني كدامة انـي تربعت وهو حاوطنـي بـ رجلية وكال
::-اي طرگاعتـي
آفـروز: هـا أصـفادي؟!
الميــرزا: شوكت تنفذين وعـدج؟!
آفـروز: يا ساتــر استرنا ، يا وعـد؟!
-اشرلي علـى خـدة وكال
::-انطيتي اثنين بـعد 8 شوكت؟!
آفـروز: دحضــر خدك
الميــرزا: ليـش شكو؟!
آفـروز: راح تجيك بوسة علـى طاير
-توسعت ابتسامته ومـدلـــي خدة، فرگت ادية وضربته راشـدي خفيف، انـدار عليه ونظـراته ماتبشر بـخير
::-هاي ليـش؟!
آفـروز: داسويلك احماء شبيك
الميــرزا: الله يــورطج وما تبـوسيني
-حضنت وجهه بين كفوف ادية وطبعت أكثـر مـن 8 بوسات علـى خـدة بـهدوء، توقفت وسألته بـهمس
::-شتريد تســوي؟!
-عـض علـى شفتة وغمض عيونه مبتسم وجاوبنـي
::-أجـرم بيـج طرگاعتـي
-ميلت راسه ورجعت ابوس بـخدة الثاني،
دفعنــي عنــه بخفـة وهمــس
::-وخــري عنــي
-صفنت علـى حجايتة استوعبتها وانفجرت مـن الضحك
::-هاي شنو انقلبت الآية ههههههههههه
-فتح عيـونه يباوعلي يضحك وكال
::-كومـي اطلعـي برا هم كومـي
آفـروز: ههههههههه هسه منـو المشاعرة معوقة
الميــرزا: راح اكوم اجفصـچ آفـروز
آفـروز: تستحي؟! ههههههههههه
-كل ما يحجـي كلمة انـي ازيد بـ الضحك،
هدأت فجأة مـن حسيت شفايفة لامست رگبتـي
باسنـي بهدوء ورفـع راسه يباوعلي بـعيون ناعسة
::-تسكتين لـو شلون؟!
-تحركت مـن مكاني كعـدت علـى فخذة،
سألتـه وانــي امســد علــى لحيتــة
::-وإذا ما سكتت؟!
-عصـر ذراعـي وجاوبني مبتسم
::-شرسـة بوية شرسـة
-قـطع لحظتنـه اتصال علـى تلفونه، جريته مـن لحيتة بخفه وحجيت ويا
::-تلفونك
الميــرزا: شبــــي؟!
آفـروز: دايتصلون عليك
-حرگ خشمة علـى خشمي بهـدوء وهمس
::-وياهو الأهـــم؟!
آفـروز: يمكن صايـر شـي
الميــرزا: عساها نهجمت طــز
-ضحكت بصوت عالــي وابتعدت عنـه
::-جاوب جاوب
-سحب تلفونه وصار يدردم
::-احتـرك جـدك احـتررررك
-ضحك مـن شاف المتصل وكال
::-احتـرك العايش
-فتـح خــط وجاوب
::-هــاااا ابـن جـدي الغالــي
-عگدت حاجبــي مستغربة توقعت ابـو وهو كمل كلامة
::-سهله انــه ورســول موجودين....
اي اي بـ الحفـــظ والصــون....
-بقـى يستمعله بعـدين رفع عينه عليه غمزلي وجاوبة
::-لا مـو هسه لأن راح تخــرب
-بعـدها غلقة منـه يضحك ويحجي
::-والله زوج ردت شهر ونص تالي صارت بـ اسبوع ونص
آفـروز: شدايصير؟! ومنـو هذا؟!
-سحبنـي مـن مقدمة ملابسـي مقربنـي مـنه وكال
::-انطيتـج وعـد ابرد كلبـج بيها
آفـروز: ام عباس؟! وشلون؟!
-ابتسم وباسنـي مـن خـدي وهمس
::-باجــر راح تجــي ضــرتها...
َ
َ
َ◄يتبـــــع.......
▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫
َ
َ
◄التصويت يا عباد الله 💔
وتعليق حلو مثل عيونكم
◄التنزيل بين يوم ويوم 💚
◄تابعــو حسـابـي ع الأنستــا [ itsara.kh ]
قناة التلي itsara105