﷽
-الكاتبة: سـارة الحـسن
-Part 18
-"لا تنسون التصويت ومتابعة الحساب والتعليق بين الفقرات فيـروزاتـي"🤎
▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫
-تتعب وتجتهد وتوصل لـ مكانه الكل يحلم بيها مو لـ خاطر شهره ولا لـ خاطر احترام ولا لـ خاطر فلوس، هالمره الهدف بـ النسبة الي يختلف هـدفي آفروز
-مشيت بخطوات سريعة وگلبـي سبقني للقاعة الـ هي موجوده بيها قبل رجلية، دخلت وعيوني تفتر بين الطلاب واخيراً استقرت عليها
-ما نتبهتلي ولا رفعت راسها عليه من دخلت متجاهلتني تجاهل تام، سلمت وصعدت ع الستيج، الكل رد السلام واني عيني عليها انتظرها ترفع راسها واخيراً باوعتلي بس كـ انو غريب وما تعرفني وهذا الشي حيل يحز بـ كلبي
-تصرفت تصرفات غلط وياها سابقاً بس حتـى ابقى ع بالها وما تنساني بس كل مره اشوفها تحسسني لا شي بـ النسبة الها
-حاولت افتح مواضيع عامه واتحمل نقاشات كل الطلاب حتى هي هم تحجي وتشارك ويانه، مرت ساعتين برمشه عين بـ النسبة الي
-طلعت من يمهم وبعد انتهاء الدوام رجعت للبيت تلكـتني حلوة البيت تركض وكالت بـ فرحة
::-شفتها؟! شلونها؟! حجيت وياها؟!يـوشع: ههههه اخـذي نفس حبيبتي واسألـي
يُـسر: يلا يلا حباب احجيلي من الصبح اني انتظرك
يـوشع: اي شفتها وزينة بس ماكدرت احجي وياها
-كالت بـ خيبة أمل
::-يــاااا ليـش؟!يـوشع: ما صارت فرصـة
يُـسر: تعال تعال نتغدا ونكعد نحجي
-ضحكت ودخلت وياها رحت سبحت ع السريع وطلعت هي محضرة الأكل كعدت وسألتها
::-امــي وين؟!يُـسر: قبل لا تجي بدقايق طلعت هي وهاي جيرانه ام اثير
يـوشع: تغدت لو لا؟!
يُـسر: اي اي تغدت وخلتلك قائمة مسواك هم
يـوشع: تدللون انام شوية ونطلع انـي وياج نجيبها
يُـسر: اني هم عندي قائمة بحبح جيبك
-ضحكت ع سوالفها وهزيت راسي بـ أي، كملت اكل ودخلت غرفتـي حتـى انام واجت صورتها بـ عيوني، ابتسمت واخذت نفس براحة مابقى شي ويصير الحلم حقيقة
-بعد فترة دخلت يُـسر ورايه وكالت
::-احجيلي بـ التفصيل حبابيـوشع: تعالي حبيبتـي
أنت تقرأ
|| ضغن الهرماس ||
المغامرةكـ الحرباء داهيةٌ في الذكاء نكدية في بعض الأوقات حنونة دائمًا ومثل عود كبريتٍ سريعةُ الاشتعال هـي مثل جيش احتلال مثل لُغم موثوق مثل قضية اغتيال هـي شرِسة قوية و عنيدة و بداخلها ألفُ فكرة و جِدال تجمعت بها كُل الخِصال وجعلت للقوة عنـوان لهبت نار ال...